Majma uz Zawaid Wa Manba ul Fawaid

11522 - وَعَنْ حَفْصَةَ بِنْتِ سِيرِينَ قَالَتْ لَنَا أُمُّ عَطِيَّةَ: «أَمَرَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَنْ لَا نَمْنَعَ الْمَاعُونَ، قُلْتُ: وَمَا الْمَاعُونُ؟ قَالَتْ: مَا يَتَعَاطَاهُ النَّاسُ بَيْنَهُمْ». وَفِيهِ عَبْدُ الرَّحْمَنِ بْنُ عَمْرِو بْنِ جَبَلَةَ وَهُوَ مَتْرُوكٌ.

سیدہ حفصہ بنت سیرین رضی اللہ تعالیٰ عنہ بیان کرتی ہیں:سیدہ اُم عطیہ رضی اللہ تعالیٰ عنہا نے ہم سے کہا: نبی اکرم صلی اللہ علیہ وآلہ وسلم نے اس سے منع کیا تھا کہ ہم معمولی چیز روکیں، میں نے دریافت کیا:معمولی چیز سے مراد کیا ہے؟ انہوں نے فرمایا: وہ چیز جو لوگ عام طور پر ایک دوسرے کو دے دیتے ہیں ۔ اس روایت کی سند میں ایک راوی عبدالرحمٰن بن عمرو بن جبلہ ہے اور وہ متروک ہے۔

حَفْصَةَ بِنْتِ سِيرِينَ،

11523 - وَعَنِ ابْنِ عَبَّاسٍ {وَيَمْنَعُونَ الْمَاعُونَ} [الماعون: 7] قَالَ: الْعَارِيَةُ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت عبداللہ بن عباس رضی اللہ تعالیٰ عنہ بیان کرتے ہیں (ارشاد باری تعالیٰ ہے :) اور وہ لوگ معمولی چیز نہیں دیتے ہیں‘‘۔ حضرت عبداللہ بن عباس رضی اللہ تعالیٰ عنہ کہتے ہیں اس سے مراد عارضی استعمال کے لئے وہ چیز دینا ہے ۔ یہ روایت امام طبرانی نے نقل کی ہے اور اس کے رجال صحیح کے رجال ہیں۔

الْعَارِيَةُ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ. ← وَعَنِ ابْنِ عَبَّاسٍ {وَيَمْنَعُونَ الْمَاعُونَ} [الماعون:

11524 - وَعَنْ سَعْدٍ - يَعْنِي ابْنَ أَبِي وَقَّاصٍ - قَالَ: «سَأَلْتُ النَّبِيَّ - صَلَّى اللَّهُ عَلَيْهِ وَسَلَّمَ - عَنْ قَوْلِهِ - تَعَالَى - {الَّذِينَ هُمْ عَنْ صَلَاتِهِمْ سَاهُونَ} [الماعون: 5] قَالَ: " هُمُ الَّذِينَ يُؤَخِّرُونَهَا عَنْ وَقْتِهَا». رَوَاهُ الطَّبَرَانِيُّ فِي الْأَوْسَطِ، وَفِيهِ عِكْرِمَةُ بْنُ إِبْرَاهِيمَ وَهُوَ ضَعِيفٌ جِدًّا. وَقَدْ تَقَدَّمَتْ لِهَذَا الْحَدِيثِ طُرُقٌ فِي الصَّلَاةِ.

حضرت سعد بن ابی وقاص رضی اللہ تعالیٰ عنہ بیان کرتے ہیں میں نے نبی اکرم صلی اللہ علیہ وآلہ وسلم سے اللہ تعالیٰ کے اس فرمان کے بارے میں دریافت کیا (ارشاد باری تعالیٰ ہے:) ” وہ لوگ جو اپنی نمازوں سے غافل ہیں‘‘۔ نبی اکرم صلی اللہ علیہ وآلہ وسلم نے ارشاد فرمایا: اس سے مراد وہ لوگ ہیں جو نمازوں کو ان کے مخصوص اوقات میں ادا نہیں کرتے ہیں ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی عکرمہ بن ابراہیم ہے اور وہ انتہائی ضعیف ہے۔ اس سے پہلے نماز سے متعلق باب میں اس روایت کے مختلف طرق گزر چکے ہیں ۔

«هُمُ الَّذِينَ يُؤَخِّرُونَهَا ← صلاتهم ساهون الماعون ← قَوْلِهِ تَعَالَى {الَّذِينَ هُمْ ← سَأَلَتِ النَّبِيَّ ← سَعْدٍ يَعْنِي ابْنَ أَبِي وَقَّاصٍ

11525 - عَنْ أَبِي أَيُّوبَ قَالَ: «لَمَّا مَاتَ إِبْرَاهِيمُ ابْنُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - مَشَى الْمُشْرِكُونَ بَعْضُهُمْ إِلَى بَعْضٍ، فَقَالُوا: إِنَّ هَذَا الصَّابِئَ قَدْ بُتِرَ اللَّيْلَةَ. فَأَنْزَلَ اللَّهُ - تَعَالَى - {إِنَّا أَعْطَيْنَاكَ الْكَوْثَرَ} [الكوثر: 1] إِلَى آخِرِ السُّورَةِ». رَوَاهُ الطَّبَرَانِيُّ فِي حَدِيثٍ طَوِيلٍ فَرَّقْتُهُ فِي مَوَاضِعِهِ، وَفِيهِ وَاصِلُ بْنُ السَّائِبِ وَهُوَ مَتْرُوكٌ.

حضرت ابو ایوب انصاری رضی اللہ تعالیٰ عنہ بیان کرتے ہیں : جب نبی اکرم صلی اللہ علیہ وآلہ وسلم کے صاحبزادے حضرت ابراہیم علیہ السلام کا انتقال ہوا تومشرکین ایک دوسرے کے پاس گئے اور بولے: اس بے دین شخص کی نسل آج ختم ہو گئی تواللہ تعالیٰ نے یہ آیت نازل کی :” بے شک ہم نے تمہیں کوثر عطا کیا......‘‘۔یہ سورت کے آخر تک ہے۔ یہ روایت امام طبرانی نے ایک طویل حدیث میں نقل کی ہے جسے میں نے مختلف مقامات پر الگ الگ نقل کیا ہے اس کی سند میں ایک راوی واصل بن سائب ہے اور وہ متروک ہے۔

إِنَّ هَذَا الصَّابِئَ قَدْ بُتِرَ اللَّيْلَةَ. فَأَنْزَلَ اللَّهُ تَعَالَى ← «لَمَّا مَاتَ إِبْرَاهِيمُ ابْنُ رَسُولِ اللَّهِ مَشَى الْمُشْرِكُونَ بَعْضُهُمْ إِلَى بَعْضٍ، ← أَبِي أَيُّوبَ،

11526 - وَعَنْ حُذَيْفَةَ {إِنَّا أَعْطَيْنَاكَ الْكَوْثَرَ} [الكوثر: 1] قَالَ: نَهْرٌ فِي الْجَنَّةِ أَجْوَفُ، فِيهِ آنِيَةٌ مِنَ الذَّهَبِ وَالْفِضَّةِ، لَا يَعْلَمُهُ إِلَّا اللَّهُ. رَوَاهُ الطَّبَرَانِيُّ فِي الْأَوْسَطِ وَإِسْنَادُهُ حَسَنٌ.

حضرت حذیفہ رضی اللہ تعالیٰ عنہ بیان کرتے ہیں : (ارشاد باری تعالیٰ ہے:) ” بے شک ہم نے تمہیں کوثر عطا کیا‘‘۔ حضرت حذیفہ رضی اللہ تعالیٰ عنہ بیان کرتے ہیں: یہ جنت میں موجود ایک نہر ہے جس کے برتن سونے اور چاندی کے ہیں اور ان (کی تعداد) کا علم صرف اللہ تعالیٰ کو ہے ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

أَعْطَيْنَاكَ الْكَوْثَرَ} [الكوثر: ← حُذَيْفَةَ

11527 - وَعَنْ أُمِّ سَلَمَةَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَرَأَ {إِنَّا أَعْطَيْنَاكَ الْكَوْثَرَ} [الكوثر: 1]». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ عَمْرُو بْنُ مَخْزُومٍ وَهُوَ ضَعِيفٌ جِدًّا، وَبَقِيَّةُ أَحَادِيثِ الْحَوْضِ فِي كِتَابِ الْبَعْثِ.

سیدہ اُم سلمہ رضی اللہ تعالیٰ عنہا بیان کرتی ہیں: نبی اکرم صلی اللہ علیہ وآلہ وسلم نے یہ آیت تلاوت کی (ارشاد باری تعالیٰ ہے :) ’’بے شک ہم نے تمہیں کوثر عطا کیا‘‘۔ یہ روایت امام طبرانی نے معجم کبیر اور معجم اوسط میں نقل کی ہے اس کی سند میں ایک راوی عمرو بن مخزوم ہے اور وہ انتہائی ضعیف ہے۔حوض کوثر سے متعلق دیگر احادیث کتاب البعث میں آئیں گی۔

أُمِّ سَلَمَةَ

11528 - عَنِ ابْنِ عَبَّاسٍ قَالَ: «لَمَّا نَزَلَتْ {إِذَا جَاءَ نَصْرُ اللَّهِ وَالْفَتْحُ} [النصر: 1] قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " نُعِيَتْ إِلَيَّ نَفْسِي بِأَنِّي مَقْبُوضٌ فِي تِلْكَ السَّنَةِ». رَوَاهُ أَحْمَدُ وَالطَّبَرَانِيُّ فِي حَدِيثٍ طَوِيلٍ، وَلَفْظُهُ: «لَمَّا نَزَلَتْ {إِذَا جَاءَ نَصْرُ اللَّهِ وَالْفَتْحُ} [النصر: 1] دَعَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَاطِمَةَ، فَقَالَ: " إِنَّهُ قَدْ نُعِيَتْ إِلَيَّ نَفْسِي "، فَبَكَتْ». فَذَكَرَ الْحَدِيثَ. وَفِي إِسْنَادِهِ هِلَالُ بْنُ خَبَّابٍ قَالَ: يَحْيَى ثِقَةٌ مَأْمُونٌ لَمْ يَتَغَيَّرْ، وَوَثَّقَهُ ابْنُ حِبَّانَ وَفِيهِ ضَعْفٌ، وَبَقِيَّةُ رِجَالِهِ رِجَالُ الصَّحِيحِ، وَفِي إِسْنَادِ أَحْمَدَ عَطَاءُ بْنُ السَّائِبِ وَقَدِ اخْتَلَطَ.

حضرت عبداللہ بن عباس رضی اللہ تعالیٰ عنہ بیان کرتے ہیں جب یہ سورت نازل ہوئی : ’’جب اللہ کی مدد اور فتح آ گئی‘‘۔ تو نبی اکرم صلی اللہ علیہ وآلہ وسلم نے ارشاد فرمایا: مجھے میری وفات قریب ہونے کی اطلاع دے دی گئی ہے کہ میں اس سال فوت ہو جاؤں گا۔یہ روایت امام احمد نے نقل کی ہے اور امام طبرانی نے ایک طویل حدیث میں نقل کی ہے جس کے الفاظ یہ ہیں : جب یہ سورت نازل ہوئی ’’جب اللہ کی مدد اور فتح آ گئی‘‘۔ تو نبی اکرم صلی اللہ علیہ وآلہ وسلم نے سیدہ فاطمہ رضی اللہ تعالیٰ عنہا کو بلایا اور یہ ارشاد فرمایا: مجھے میری وفات کی اطلاع دے دی گئی ہے توسیدہ فاطمہ رضی اللہ تعالیٰ عنہا رونے لگیں ۔۔۔۔۔ ‘‘۔اس کے بعد راوی نے پوری حدیث ذکر کی ہے ۔ اس روایت کی سند میں ایک راوی ہلال بن خباب ہے یحیٰ کہتے ہیں: یہ ثقہ اور مامون ہے یہ تغیر کا شکار نہیں ہوا تھا ابن حبان نے اسے ثقہ قرار دیا ہے اس میں ضعف پایا جاتا ہے اس روایت کے بقیہ رجال صحیح کے رجال ہیں ۔ امام احمد کی سند میں ایک راوی عطاء بن سائب ہے جو اختلاط کا شکار ہو گیا تھا ۔

«لَمَّا نَزَلَتْ: ({إِذَا جَاءَ نَصْرُ اللَّهِ وَالْفَتْحُ} [النصر: ← ابْنِ عَبَّاسٍ،

11529 - عَنِ ابْنِ عَبَّاسٍ قَالَ: «لَمَّا نَزَلَتْ {تَبَّتْ يَدَا أَبِي لَهَبٍ} [المسد: 1] جَاءَتِ امْرَأَةُ أَبِي لَهَبٍ النَّبِيَّ - صَلَّى اللَّهُ عَلَيْهِ وَسَلَّمَ - وَمَعَهُ أَبُو بَكْرٍ، فَلَمَّا رَآهَا أَبُو بَكْرٍ قَالَ: يَا رَسُولَ اللَّهِ، إِنَّهَا امْرَأَةٌ بَذِيئَةٌ وَأَخَافُ أَنْ تُؤْذِيَكَ، فَلَوْ قُمْتَ، قَالَ: " إِنَّهَا لَنْ تَرَانِي ". فَجَاءَتْ، فَقَالَتْ: يَا أَبَا بَكْرٍ، أَيْنَ صَاحِبُكَ؟ هَجَانِي، قَالَ: مَا يَقُولُ الشِّعْرَ، قَالَتْ: أَنْتَ عِنْدِي مُصَدَّقٌ، وَانْصَرَفَتْ. قُلْتُ: يَا رَسُولَ اللَّهِ، لَمْ تَرَكَ. قَالَ: " مَا زَالَ مَلَكٌ يَسْتُرُنِي مِنْهَا بِجَنَاحَيْهِ». رَوَاهُ أَبُو يَعْلَى وَالْبَزَّارُ بِنَحْوِهِ، إِلَّا أَنَّهُ قَالَ: فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّهُ سَيُحَالُ بَيْنِي وَبَيْنَهَا» ". فَأَقْبَلَتْ حَتَّى وَقَفَتْ عَلَى أَبِي بَكْرٍ، فَقَالَتْ: يَا أَبَا بَكْرٍ، هَجَانَا صَاحِبُكَ؟ فَقَالَ أَبُو بَكْرٍ: لَا وَرَبِّ هَذِهِ الْبِنْيَةِ، مَا يَنْطِقُ بِالشِّعْرِ وَلَا يَتَفَوَّهُ بِهِ، وَقَالَ الْبَزَّارُ: إِنَّهُ حَسَنُ الْإِسْنَادِ، قُلْتُ: وَلَكِنَّ فِيهِ عَطَاءَ بْنَ السَّائِبِ وَقَدِ اخْتَلَطَ.

حضرت عبداللہ بن عباس رضی اللہ تعالیٰ عنہ بیان کرتے ہیں: جب یہ سورت نازل ہوئی : ’’ابو لہب کے دونوں ہاتھ ٹوٹ جائیں‘‘ ۔ تو ابو لہب کی بیوی نبی اکرم صلی اللہ علیہ وآلہ وسلم کے پاس آئی ، نبی اکرم صلی اللہ علیہ وآلہ وسلم کے پاس اس وقت حضرت ابو بکر رضی اللہ تعالیٰ عنہ بھی موجود تھے جب حضرت ابو بکر رضی اللہ تعالیٰ عنہ نے اس عورت کو دیکھا تو انہوں نے عرض کی : یارسول اللہ ! یہ بدتمیز عورت ہے مجھے یہ اندیشہ ہے کہ یہ آپ کو اذیت پہنچائے گی اگر آپ اٹھ جائیں تو مناسب ہو گا، نبی اکرم صلی اللہ علیہ وآلہ وسلم نے فرمایا: یہ مجھے نہیں دیکھ پائے گی وہ عورت آئی اور بولی: اے ابو بکر !تمہارے آقا کہاں ہیں؟ انہوں نے میری ہجو بیان کی ہے حضرت ابو بکر رضی اللہ تعالیٰ عنہ نے کہا: وہ تو شعر نہیں کہتے ہیں اس عورت نے کہا تم میرے نزدیک سچے آدمی ہو پھر وہ عورت چلی گئی ، میں نے عرض کی: یارسول اللہ! یہ معاملہ کیسے ٹل گیا؟ تو نبی اکرم صلی اللہ علیہ وآلہ وسلم نے فرمایا: ایک فرشتے نے مسلسل اپنے پروں کے ذریعے مجھے اس (عورت) سے چھپایا ہوا تھا ۔ یہ روایت امام ابو یعلیٰ نے نقل کی ہے امام بزار نے اس کی مانند نقل کی ہے تاہم انہوں نے یہ الفاظ نقل کیے ہیں: نبی اکرم صلی اللہ علیہ وآلہ وسلم نے ارشاد فرمایا: ’’میرے اور اس کے درمیان ایک رکاوٹ آ جائے گی پھروہ عورت آئی اور حضرت ابو بکر صلی اللہ علیہ وآلہ وسلم کے پاس ٹھہر گئی اور بولی : اے ابو بکر تمہارے آقانے ہماری ہجو بیان کی ہے تو حضرت ابو بکر رضی اللہ تعالیٰ عنہ نے کہا: جی نہیں ! اس عمارت کے پروردگار کی قسم !وہ نہ تو شعر کہتے ہیں اور نہ ہی وہ شعر پڑھتے ہیں‘‘۔ امام بزار کہتے ہیں : یہ سند کے اعتبار سے حسن ہے ۔ (علامہ ہیثمی فرماتے ہیں:) میں یہ کہتا ہوں لیکن اس میں ایک راوی عطاء بن سائب ہے جو اختلاط کا شکار ہو گیا تھا۔

مَعَهُ أَبُو بَكْرٍ، فَلَمَّا رَآهَا أَبُو بَكْرٍ ← «لَمَّا نَزَلَتْ جَاءَتِ امْرَأَةُ أَبِي لَهَبٍ النَّبِيَّ ← ابْنِ عَبَّاسٍ،

11530 - عَنْ بُرَيْدَةَ رَفَعَهُ قَالَ: «الصَّمَدُ الَّذِي لَا جَوْفَ لَهُ». رَوَاهُ الطَّبَرَانِيُّ، وَفِيهِ صَالِحُ بْنُ حِبَّانَ وَهُوَ ضَعِيفٌ.

حضرت بریدہ رضی اللہ تعالیٰ عنہ مرفوع حدیث کے طور پر یہ بات نقل کرتے ہیں : (نبی اکرم صلی اللہ علیہ وآلہ وسلم نے ارشاد فرمایا:) ’’صمد سے مراد وہ ذات ہے جس کا پیٹ نہ ہو“۔ یہ روایت امام طبرانی نے نقل کی ہے اس کی سند میں ایک راوی صالح بن حبان ہے، اور وہ ضعیف ہے۔

فِيهِ صَالِحُ بْنُ حِبَّانَ وَهُوَ ضَعِيفٌ. ← «الصَّمَدُ الَّذِي لَا جَوْفَ لَهُ». رَوَاهُ الطَّبَرَانِيُّ، ← بُرَيْدَةَ رَفَعَهُ

11531 - وَعَنِ الضَّحَّاكِ بْنِ مُزَاحِمٍ أَنَّ نَافِعَ بْنَ الْأَزْرَقِ سَأَلَ ابْنَ عَبَّاسٍ عَنْ قَوْلِ اللَّهِ - عَزَّ وَجَلَّ - {الصَّمَدُ} [الإخلاص: 2] أَمَّا الْأَحَدُ فَقَدْ عَرَفْنَاهُ، فَمَا الصَّمَدُ؟ قَالَ: الَّذِي يُصْمَدُ إِلَيْهِ فِي الْأُمُورِ كُلِّهَا. قَالَ: فَهَلْ كَانَتِ الْعَرَبُ تَعْرِفُ ذَلِكَ قَبْلَ أَنْ يَنْزِلَ الْكِتَابُ عَلَى مُحَمَّدٍ - صَلَّى اللَّهُ عَلَيْهِ وَسَلَّمَ -؟ قَالَ: نَعَمْ، أَمَا سَمِعْتَ بِقَوْلِ الْأَسَدِيَّةِ: أَلَا بَكَّرَ النَّاعِي بِخَبَرِ بَنِي أَسَدِ ... بِعَمْرِو بْنِ مَسْعُودٍ وَبِالسَّيِّدِ الصَّمَدِ قَالَ: صَدَقْتَ. رَوَاهُ الطَّبَرَانِيُّ فِي حَدِيثٍ طَوِيلٍ تَقَدَّمَ فِي بَابِ كَيْفَ يُفَسَّرُ الْقُرْآنُ، وَفِي إِسْنَادِهِ جُوَيْبِرٌ وَهُوَ مَتْرُوكٌ.

ضحاک بن مزاحم بیان کرتے ہیں : نافع بن ازرق نے حضرت عبداللہ بن عباس رضی اللہ تعالیٰ عنہ سے اللہ تعالیٰ کے اس فرمان کے بارے میں دریافت کیا ’’الصمد‘‘ اس نے کہا: جہاں تک لفظ ’’احد‘‘ کا تعلق ہے تو اس کو تو ہم جانتے ہیں’’ صد‘‘ سے کیا مراد ہے؟ تو حضرت عبداللہ بن عباس رضی اللہ تعالیٰ عنہ نے فرمایا: جس کی طرف تمام امور میں رجوع کیا جائے، اس نے دریافت کیا: حضرت محمد صلی اللہ علیہ وآلہ وسلم پر کتاب نازل ہونے سے پہلے عرب اس مفہوم سے واقف تھے؟ حضرت عبداللہ بن عباس رضی اللہ تعالیٰ عنہ نے جواب دیا: جی ہاں! کیا تم نے اسدیہ کا یہ شعر نہیں سنا ہے: ”خبردار! موت کی اطلاع دینے والے کو بنو اسد کو عمرو بن مسعود کی اطلاع دے دینی چاہیے جو سردار تھا اور جس کی طرف رجوع کیا جاتا تھا‘‘۔ تو نافع نے کہا: آپ نے سچ کہا ہے۔ یہ روایت امام طبرانی نے ایک طویل حدیث میں نقل کی ہے جو اس سے پہلے’’قرآن کی تفسیر کیسے کی جائے گی ؟‘‘میں گزر چکی ہے اس کی سند میں ایک راوی جویبر ہے اور وہ متروک ہے۔

الضَّحَّاكَ بْنَ مُزَاحِمٍ

11532 - وَعَنْ أَبِي أُمَامَةَ قَالَ: «مَرَّ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِرَجُلٍ يَقْرَأُ {قُلْ هُوَ اللَّهُ أَحَدٌ} [الإخلاص: 1] فَقَالَ: " أَوْجَبَ هَذَا أَوْ وَجَبَتْ لِهَذَا الْجَنَّةُ». رَوَاهُ أَحْمَدُ وَالطَّبَرَانِيُّ، وَفِيهِ عَلِيُّ بْنُ يَزِيدَ وَهُوَ ضَعِيفٌ.

حضرت ابو امامہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم ایک شخص کے پاس سے گزرے جو سورت اخلاص کی تلاوت کر رہا تھا نبی اکرم صلی اللہ علیہ وآلہ وسلم نے ارشاد فرمایا :اس نے (اپنے لئے جنت) واجب کر لی ہے (راوی کو شک ہے شاید یہ الفاظ ہیں) اس کے لئے جنت واجب ہو گئی ہے ۔ یہ روایت امام احمد اور امام طبرانی نے نقل کی ہے اس کی سند میں ایک راوی علی بن یزید ہے، اور وہ ضعیف ہے۔

«مَرَّ رَسُولُ اللَّهِ بِرَجُلٍ يَقْرَأُ {قُلْ هُوَ اللَّهُ أَحَدٌ} [الإخلاص: ← اَبِیْ اُمَامَۃَ،

11533 - وَعَنْ شَيْخٍ أَدْرَكَ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «خَرَجْتُ مَعَ النَّبِيِّ - صَلَّى اللَّهُ عَلَيْهِ وَسَلَّمَ - فِي سَفَرٍ، فَمَرَّ بِرَجُلٍ يَقْرَأُ {قُلْ يَا أَيُّهَا الْكَافِرُونَ} [الكافرون: 1] فَقَالَ: " أَمَّا هَذَا فَقَدَ بَرِئَ مِنَ الشِّرْكِ ". وَإِذَا آخَرُ يَقْرَأُ قُلْ {هُوَ اللَّهُ أَحَدٌ} [الإخلاص: 1] فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " بِهَا وَجَبَتْ لَهُ الْجَنَّةُ».

ایک بزرگ، جنہوں نے نبی اکرم صلی اللہ علیہ وآلہ وسلم کا زمانہ پایا ہے وہ بیان کرتے ہیں میں نبی اکرم صلی اللہ علیہ وآلہ وسلم کے ساتھ ایک سفر پر نکلا نبی اکرم صلی اللہ علیہ وآلہ وسلم کا گزرا یک شخص کے پاس سے ہوا جو سورت کافرون کی تلاوت کر رہا تھا آپ نے ارشاد فرمایا جہاں تک اس شخص کا تعلق ہے تو یہ شرک سے لاتعلق ہو گیا ہے ایک اور شخص سورت اخلاص کی تلاوت کر رہا تھ تو نبی اکرم صلی اللہ علیہ وآلہ وسلم نے ارشاد فرمایا اس کی وجہ سے اس شخص کے لئے جنت واجب ہو گئی ۔

«خَرَجْتُ مَعَ النَّبِيِّ فِي سَفَرٍ، فَمَرَّ بِرَجُلٍ يَقْرَأُ ← شَيْخٍ أَدْرَكَ النَّبِيَّ