Majma uz Zawaid Wa Manba ul Fawaid

11498 - وَعَنِ ابْنِ عَبَّاسٍ قَالَ: «عُرِضَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - مَا هُوَ مَفْتُوحٌ عَلَى أُمَّتِهِ [مِنْ بَعْدِهِ] كُفْرًا كُفْرًا، فَسُرَّ بِذَلِكَ، فَأَنْزَلَ اللَّهُ - عَزَّ وَجَلَّ - {وَلَسَوْفَ يُعْطِيكَ رَبُّكَ فَتَرْضَى} [الضحى: 5] فَأَعْطَاهُ اللَّهُ - تَعَالَى - فِي الْجَنَّةِ أَلْفَ قَصْرٍ، فِي كُلِّ قَصْرٍ مَا يَنْبَغِي لَهُ مِنَ الْوِلْدَانِ وَالْخَدَمِ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ،

حضرت عبداللہ بن عباس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے سامنے وہ چیزیں پیش کی گئیں جو آپ کے بعد آپ کی اُمت کے لئے کشادہ کر دی جائیں گی وہ ایک ایک کر کے پیش کی گئیں، نبی اکرم صلی اللہ علیہ وآلہ وسلم اس سے خوش ہوئے تو اللہ تعالیٰ نے یہ آیت نازل کی : ’’عنقریب تمہارا پروردگار تمہیں اتنا عطا کرے گا کہ تم راضی ہوجاؤ گے‘‘۔ تو اللہ تعالیٰ نبی اکرم صلی اللہ علیہ وآلہ وسلم کو جنت میں ایک ہزار محلات عطا کرے گا جن میں سے ہر ایک محل میں جتنے خدام اور بچے آپ چاہیں گے وہ آپ کو ملیں گے ۔ یہ روایت امام طبرانی نے معجم کبیر اور معجم اوسط میں نقل کی ہے۔

ابْنِ عَبَّاسٍ،

11499 - وَفِي رِوَايَةٍ فِيهِ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «عُرِضَ عَلَيَّ مَا هُوَ مَفْتُوحٌ لِأُمَّتِي بَعْدِي فَسَرَّنِي، فَأَنْزَلَ اللَّهُ - تَعَالَى - {وَلَلْآخِرَةُ خَيْرٌ لَكَ مِنَ الْأُولَى} [الضحى: 4]». فَذَكَرَ نَحْوَهُ، وَفِيهِ مُعَاوِيَةُ بْنُ أَبِي الْعَبَّاسِ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ، وَإِسْنَادُ الْكَبِيرِ حَسَنٌ.

ان کی ایک روایت میں یہ الفاظ ہیں : نبی اکرم صلی اللہ علیہ وآلہ وسلم نے ارشاد فرمایا: ’’میرے سامنے دو چیزیں پیش کی گئیں جو میرے بعد میری اُمت کے لئے کشادہ کر دی جائیں گی مجھے یہ چیز اچھی لگی، تو اللہ تعالیٰ نے یہ آیت نازل کی : ’’اور آخرت تمہارے لئے پہلی سے زیادہ بہتر ہے‘‘۔ اس کے بعد راوی نے حسب سابق حدیث ذکر کی ہے ۔ اس روایت کی سند میں ایک راوی معاویہ بن ابو عباس ہے اور میں اس سے واقف نہیں ہوں اس روایت کے بقیہ ر جال ثقہ ہیں اور معجم کبیر کی سند حسن ہے ۔

11500 - عَنْ عَبْدِ اللَّهِ - يَعْنِي ابْنَ مَسْعُودٍ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «لَوْ كَانَ الْعُسْرُ فِي جُحْرٍ لَدَخَلَ عَلَيْهِ الْيُسْرُ حَتَّى يُخْرِجَهُ ". ثُمَّ قَرَأَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - {إِنَّ مَعَ الْعُسْرِ يُسْرًا} [الشرح: 6]». رَوَاهُ الطَّبَرَانِيُّ، وَفِيهِ إِبْرَاهِيمُ النَّخَعِيُّ (*) وَهُوَ ضَعِيفٌ.

حضرت عبداللہ بن مسعود رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا: ’’اگر تنگی کسی بل میں داخل ہوا، تو آسانی اس کے پاس آ جائے گی، یہاں تک کہ اسے نکال دے گی‘‘۔ پھر نبی اکرم صلی اللہ علیہ وآلہ وسلم نے یہ آیت تلاوت کی : ” بے شک ہر تنگی کے ساتھ آسانی ہے‘‘۔ یہ روایت امام طبرانی نے نقل کی ہے اس کی سند میں ایک راوی ابو مالک نخعی ہے اور وہ ضعیف ہے ۔

عبد الله -يعني ابن مسعود-

11501 - وَعَنْ أَنَسِ بْنِ مَالِكٍ قَالَ: «رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - جَالِسًا، فَنَظَرَ إِلَى جُحْرٍ بِحِيَالِ وَجْهِهِ فَقَالَ: " لَوْ كَانَتِ الْعُسْرَةُ تَجِيءُ حَتَّى تَدْخُلَ هَذَا الْجُحْرَ لَجَاءَتِ الْيُسْرَةُ حَتَّى تُخْرِجَهَا ". ثُمَّ تَلَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - {فَإِنَّ مَعَ الْعُسْرِ يُسْرًا - إِنَّ مَعَ الْعُسْرِ يُسْرًا} [الشرح: 5 - 6]». رَوَاهُ الطَّبَرَانِيُّ فِي الْأَوْسَطِ وَالْبَزَّارُ بِنَحْوِهِ، وَفِيهِ عَائِذُ بْنُ شُرَيْحٍ وَهُوَ ضَعِيفٌ.

حضرت انس بن مالک رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم تشریف فرما تھے، آپ نے اپنے سامنے موجود ایک بل کی طرف دیکھا اور ارشاد فرمایا: ’’اگر تنگی آ کر اس بل میں داخل ہو جائے تو آسانی آئے گی اور اسے نکال دے گی‘‘۔ پھر نبی اکرم صلی اللہ علیہ وآلہ وسلم نے یہ آیت تلاوت کی : ’’بے شک ہر تنگی کے ساتھ آسانی ہے، بے شک ہر تنگی کے ساتھ آسانی ہے۔ یہ روایت امام طبرانی نے معجم اوسط میں نقل کی ہے امام بزار نے اس کی مانند روایت نقل کی ہے اس کی سند میں ایک راوی عائذ بن شریح ہے، اور وہ ضعیف ہے ۔

«رَأَيْتُ رَسُولَ اللَّهِ جَالِسًا، فَنَظَرَ إِلَى جُحْرٍ بِحِيَالِ وَجْهِهِ ← اَنَسِ بْنِ مَالِکٍ،

11502 - عَنْ أَبِي رَجَاءٍ الْعُطَارِدِيِّ قَالَ: كَانَ أَبُو مُوسَى يُقْرِئُنَا، فَيُجْلِسُنَا حِلَقًا حِلَقًا، عَلَيْهِ ثَوْبَانِ أَبْيَضَانِ، فَإِذَا قَرَأَ هَذِهِ السُّورَةَ {اقْرَأْ بِاسْمِ رَبِّكَ الَّذِي خَلَقَ} [العلق: 1] قَالَ: هَذِهِ الْآيَةُ أَوَّلُ سُورَةٍ أُنْزِلَتْ عَلَى مُحَمَّدٍ - صَلَّى اللَّهُ عَلَيْهِ وَسَلَّمَ -. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

ابو رجاء عطاردی بیان کرتے ہیں : حضرت ابو موسیٰ اشعری رضی اللہ تعالیٰ عنہ ہمیں قرآن سکھایا کرتے تھے وہ ہمیں حلقوں کی شکل میں بٹھا لیتے تھے ان کے جسم پر دو سفید کپڑے تھے جب انہوں نے یہ سورت پڑھی: ’’ تم اپنے پروردگار کے نام سے پڑھو! جس نے پیدا کیا ہے۔۔۔ ‘‘۔تو حضرت ابو موسیٰ اشعری رضی اللہ تعالیٰ عنہ نے فرمایا : یہ آیت حضرت محمد صلی اللہ علیہ وآلہ وسلم پر سب سے پہلے نازل ہوئی تھی ۔ یہ روایت امام طبرانی نے نقل کی ہے اور اس کے رجال صحیح کے رجال ہیں ۔

أَبِي رَجَاءٍ الْعُطَارِدِيِّ،

11503 - وَعَنِ ابْنِ عَبَّاسٍ قَالَ: قَالَ أَبُو جَهْلٍ: لَئِنْ عَادَ مُحَمَّدٌ يُصَلِّي إِلَى الْقِبْلَةِ لَأَقْتُلَنَّهُ، فَعَادَ، فَأَنْزَلَ اللَّهُ - عَزَّ وَجَلَّ - {اقْرَأْ بِاسْمِ رَبِّكَ الَّذِي خَلَقَ} [العلق: 1] إِلَى قَوْلِهِ {فَلْيَدْعُ نَادِيَهُ - سَنَدْعُ الزَّبَانِيَةَ} [العلق: 17 - 18] فَلَمَّا قِيلَ لِأَبِي جَهْلٍ إِنَّهُ عَادَ، قَالَ: لَقَدْ حِيلَ مَا بَيْنِي وَبَيْنَهُ، قَالَ ابْنُ عَبَّاسٍ: وَاللَّهِ لَوْ تَحَرَّكَ لَأَخَذَتْهُ الْمَلَائِكَةُ وَالنَّاسُ يَنْظُرُونَ. رَوَاهُ الطَّبَرَانِيُّ فِي الْأَوْسَطِ، وَفِيهِ مُوسَى بْنُ سَهْلٍ الْوَشَّاءُ وَهُوَ ضَعِيفٌ.

حضرت عبداللہ بن عباس رضی اللہ تعالیٰ عنہ بیان کرتے ہیں : ابو جہل نے کہا: اب اگر حضرت محمد صلی اللہ علیہ وآلہ وسلم نے دوبارہ قبلہ کی طرف رخ کر کے نماز پڑھی تو میں انہیں ضرور قتل کر دوں گا نبی اکرم صلی اللہ علیہ وآلہ وسلم نے دوبارہ نماز ادا کی تو اللہ تعالیٰ نے یہ آیت نازل کی : ’’ تم اپنے پروردگار کے نام کے ہمراہ پڑھو جس نے پیدا کیا ہے‘‘۔ یہ آیت یہاں تک ہے: ’’وہ اپنے ساتھیوں کو بلا لے ہم اپنے سپاہیوں کو بلا لیں گے‘‘۔ جب ابو جہل کو یہ بات کہی گئی کہ حضرت محمد صلی اللہ علیہ وآلہ وسلم نے تو دوبارہ ایسا کر لیا ہے تو اس نے کہا: میرے اور ان کے درمیان رکاوٹ آ گئی ہے۔ حضرت عبداللہ بن عباس رضی اللہ تعالیٰ عنہ فرماتے ہیں: اللہ کی قسم ! اگر وہ یہ حرکت کرتا تو فرشتوں نے اسے پکڑ لینا تھا اور لوگ یہ سب کچھ دیکھ رہے ہوتے ۔ یہ روایت امام طبرانی نے معجم اوسط میں نقل کی ہے اس کی سندمیں ایک راوی موسیٰ بن وشاء ہے اور وہ ضعیف ہے۔

ابْنِ عَبَّاسٍ،

11504 - وَلِابْنِ عَبَّاسٍ عِنْدَ أَحْمَدَ قَالَ: «مَرَّ أَبُو جَهْلٍ، فَقَالَ: أَلَمْ أَنْهَكَ؟ فَانْتَهَرَهُ النَّبِيُّ - صَلَّى اللَّهُ عَلَيْهِ وَسَلَّمَ - فَقَالَ: لِمَ تَنْتَهِرُنِي يَا مُحَمَّدُ؟ فَوَاللَّهِ لَقَدْ عَلِمْتَ مَا بِهَا رَجُلٌ أَكْثَرَ نَادِيًا مِنِّي. قَالَ: فَقَالَ لَهُ جِبْرِيلُ - عَلَيْهِ السَّلَامُ -: {فَلْيَدْعُ نَادِيَهُ} [العلق: 17]». قَالَ ابْنُ عَبَّاسٍ: فَوَاللَّهِ لَوْ دَعَا نَادِيَهُ لَأَخَذَتْهُ الزَّبَانِيَةُ بِالْعَذَابِ. قُلْتُ: فِي الصَّحِيحِ بَعْضُهُ. وَرِجَالُ أَحْمَدَ رِجَالُ الصَّحِيحِ.

امام احمد نے حضرت عبداللہ بن عباس رضی اللہ تعالیٰ عنہ کے حوالے سے یہ بات نقل کی ہے : وہ بیان کرتے ہیں ایک مرتبہ ابو جہل گزرا اور بولا: کیا میں نے آپ کو منع نہیں کیا تھا؟ نبی اکرم صلی اللہ علیہ وآلہ وسلم نے اسے ڈانٹا تو اس نے کہا: اے حضرت محمد ! آپ مجھے ڈانٹ نہیں سکتے اللہ کی قسم ! آپ یہ بات جانتے ہیں کہ یہاں مجھ سے زیادہ ساتھی اور کسی کے نہیں ہیں راوی بیان کرتے ہیں تو حضرت جبرائیل علیہ السلام نے نبی اکرم صلی اللہ علیہ وآلہ وسلم سے کہا: ” وہ اپنے ساتھیوں کو بلا لے‘‘ حضرت عبداللہ بن عباس رضی اللہ تعالیٰ عنہ کہتے ہیں: اللہ کی قسم ! اگر وہ اپنے ساتھیوں کو بلا لیتا تو فرشتوں نے عذاب کے ہمراہ اسے پکڑ لینا تھا۔(علامہ ہیثمی فر ماتے ہیں :)میں یہ کہتا ہوں: ’’صحیح ’’میں اس روایت کا کچھ حصہ مذکور ہے ۔ امام احمد کے رجال صحیح کے رجال ہیں ۔

وَلِا بْنِ عَبَّاسٍ عِنْدَ أَحْمَدَ

11505 - عَنِ ابْنِ عَبَّاسٍ قَالَ: أُنْزِلَ الْقُرْآنُ فِي لَيْلَةِ الْقَدْرِ فِي شَهْرِ رَمَضَانَ إِلَى السَّمَاءِ الدُّنْيَا جُمْلَةً وَاحِدَةً، ثُمَّ أُنْزِلَ نُجُومًا. رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَفِيهِ عِمْرَانُ الْقَطَّانُ، وَثَّقَهُ ابْنُ حِبَّانَ وَغَيْرُهُ وَفِيهِ ضَعْفٌ، وَبَقِيَّةُ رِجَالِهِ ثِقَاتٌ.

حضرت عبداللہ بن عباس رضی اللہ تعالیٰ عنہ بیان کرتے ہیں قرآن مجید رمضان کے مہینے میں شب قدر میں ایک ساتھ آسمان دنیا کی طرف نازل ہوا تھا اور پھر وہاں سے مختلف حصوں کی شکل میں نازل ہوا۔ یہ روایت امام طبرانی نے معجم اوسط اور معجم کبیر میں نقل کی ہے اس کی سند میں ایک راوی عمران قطان ہے جسے ابن حبان اور دیگر حضرات نے ثقہ قرار دیا ہے اس میں ضعف پایا جاتا ہے معجم کبیر کے بقیہ رجال ثقہ ہیں ۔

ابْنِ عَبَّاسٍ،

11506 - وَعَنِ ابْنِ عَبَّاسٍ فِي قَوْلِهِ {إِنَّا أَنْزَلْنَاهُ فِي لَيْلَةِ الْقَدْرِ} [القدر: 1] قَالَ: «أُنْزِلَ الْقُرْآنُ جُمْلَةً وَاحِدَةً حَتَّى وُضِعَ فِي بَيْتِ الْعِزَّةِ فِي السَّمَاءِ الدُّنْيَا، وَنَزَّلَهُ جِبْرِيلُ عَلَى مُحَمَّدٍ - صَلَّى اللَّهُ عَلَيْهِ وَسَلَّمَ - بِجَوَابِ كَلَامِ الْعِبَادِ وَأَعْمَالِهِمْ». رَوَاهُ الطَّبَرَانِيُّ وَالْبَزَّارُ بِاخْتِصَارٍ، وَرِجَالُ الْبَزَّارِ رِجَالُ الصَّحِيحِ، وَفِي إِسْنَادِ الطَّبَرَانِيِّ عَمْرُو بْنُ عَبْدِ الْغَفَّارِ وَهُوَ ضَعِيفٌ.

حضرت عبداللہ بن عباس رضی اللہ تعالیٰ عنہ اللہ تعالیٰ کے اس فرمان کے بارے میں بیان کرتے ہیں (ارشاد باری تعالیٰ ہے:) ” بے شک ہم نے اسے شب قدر میں نازل کیا‘‘ حضرت عبداللہ بن عباس رضی اللہ تعالیٰ عنہ فرماتے ہیں: قرآن ایک ساتھ نازل ہوا تھا، یہاں تک کہ اسے آسمان دنیا میں بیت العزت میں رکھ دیا گیا اور پھر حضرت جبرائیل علیہ السلام لوگوں کے کلام اور ان کے اعمال کے جواب کے حساب سے اس کو لے کر حضرت محمد صلی اللہ علیہ وآلہ وسلم پر نازل ہوتے رہے۔ یہ روایت امام طبرانی نے نقل کی ہے امام بزار نے اسے اختصار کے ساتھ نقل کیا ہے امام بزار کے رجال صحیح کے رجال ہیں امام طبرانی کی سند میں ایک راوی عمرو بن عبدالغفار ہے، اور وہ ضعیف ہے۔

أَنْزَلْنَاهُ فِي لَيْلَةِ الْقَدْرِ} [القدر: ← ابْنِ عَبَّاسٍ فِي قَوْلِهِ

11507 - عَنْ أَبِي وَاقِدٍ اللَّيْثِيِّ قَالَ: «كُنَّا نَأْتِي النَّبِيَّ - صَلَّى اللَّهُ عَلَيْهِ وَسَلَّمَ - إِذَا نَزَلَ عَلَيْهِ الْوَحْيُ فَيُحَدِّثُنَا، قَالَ لَنَا ذَاتَ يَوْمٍ: " إِنَّ اللَّهَ - عَزَّ وَجَلَّ - قَالَ: إِنَّا أَنْزَلْنَا الْمَالَ لِإِقَامِ الصَّلَاةِ وَإِيتَاءِ الزَّكَاةِ، وَلَوْ كَانَ لِابْنِ آدَمَ وَادٍ لَأَحَبَّ أَنْ يَكُونَ إِلَيْهِ ثَانٍ، وَلَوْ كَانَ لَهُ وَادِيَانِ لَأَحَبَّ أَنْ يَكُونَ إِلَيْهِمَا ثَالِثٌ، وَلَا يَمْلَأُ جَوْفَ ابْنِ آدَمَ إِلَّا التُّرَابُ، ثُمَّ يَتُوبُ اللَّهُ عَلَى مَنْ تَابَ». رَوَاهُ أَحْمَدُ وَالطَّبَرَانِيُّ، وَرِجَالُ أَحْمَدَ رِجَالُ الصَّحِيحِ.

حضرت ابو واقد لیثی رضی اللہ تعالیٰ عنہ بیان کرتے ہیں: جب نبی اکرم صلی اللہ علیہ وآلہ وسلم پر وحی نازل ہوتی تھی پھر ہم آپ کے پاس آتے تھے تو آپ ہمیں اس بارے میں بتایا کرتے تھے ایک دن آپ نے ہم سے فرمایا: ” بے شک اللہ تعالیٰ نے یہ ارشاد فرمایا ہے: ہم نے نماز قائم کرنے اور زکوٰۃ کی ادائیگی کے لئے مال کو نازل کیا ہے اور اگر کسی انسان کے پاس (مال کی) ایک وادی ہو تو وہ یہ خواہش کرے گا کہ اس کے پاس دوسری بھی ہو اور اگر اس کے پاس دو ہوں تو وہ یہ خواہش کرے گا کہ اس کے پاس ان دونوں کے ساتھ تیسری بھی ہو ، انسان کا پیٹ صرف مٹی بھر سکتی ہے اور جو شخص توبہ کرے اللہ تعالیٰ اس کی توبہ کو قبول کرتا ہے‘‘۔ یہ روایت امام احمد اور امام طبرانی نے نقل کی ہے امام احمد کے رجال صحیح کے رجال ہیں ۔

لَنَا ذَاتَ يَوْمٍ إِنَّ اللَّهَ عَزَّ وَجَلَّ ← «كُنَّا نَأْتِي النَّبِيَّ إِذَا نَزَلَ عَلَيْهِ الْوَحْيُ فَيُحَدِّثُنَا، ← أبي واقد الليثي

11508 - وَعَنْ أُبَيِّ بْنِ كَعْبٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «إِنَّ اللَّهَ أَمَرَنِي أَنْ أَقْرَأَ عَلَيْكَ ". قَالَ: فَقَرَأَ عَلَيَّ: " {لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنْفَكِّينَ حَتَّى تَأْتِيَهُمُ الْبَيِّنَةُ - رَسُولٌ مِنَ اللَّهِ يَتْلُو صُحُفًا مُطَهَّرَةً - فِيهَا كُتُبٌ قَيِّمَةٌ - وَمَا تَفَرَّقَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَتْهُمُ الْبَيِّنَةُ} [البينة: 1 - 4]. إِنَّ الدِّينَ عِنْدَ اللَّهِ الْحَنِيفِيَّةُ غَيْرَ الْمُشْرِكَةِ وَلَا الْيَهُودِيَّةِ وَلَا النَّصْرَانِيَّةِ، وَمَنْ يَفْعَلْ خَيْرًا فَلَنْ يُكْفَرَهُ ". قَالَ شُعْبَةُ: ثُمَّ قَرَأَ آيَاتٍ بَعْدَهَا، ثُمَّ قَرَأَ " لَوْ كَانَ لِابْنِ آدَمَ وَادِيَانِ مِنْ مَالٍ لَسَأَلَ ثَالِثًا، وَلَا يَمْلَأُ جَوْفَ ابْنِ آدَمَ إِلَّا التُّرَابُ ". قَالَ: ثُمَّ خَتَمَ مَا بَقِيَ مِنَ السُّورَةِ»،

حضرت اُبی بن کعب رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ” بے شک اللہ تعالیٰ کا مجھے یہ حکم ہے میں تمہارے سامنے تلاوت کروں ، راوی کہتے ہیں: پھر نبی اکرم صلی اللہ علیہ وآلہ وسلم نے میرے سامنے(یہ آیات) تلاوت کیں: ’’اہل کتاب میں سے کفر کرنے والے لوگ اور مشرکین الگ ہونے والے نہ تھے یہاں تک کہ ان کے پاس واضح نشانی آ گئی (اور وہ نشانی) اللہ کی طرف سے آنے والا رسول ہے جو پاکیزہ صحیفوں کی تلاوت کرتا ہے جن میں مستحکم احکام ہیں اور جن لوگوں کو کتاب دی گئی وہ تفرقہ کا شکار اس کے بعد ہوئے جب ان کے پاس واضح نشانی آ گئی‘‘۔ بے شک اللہ تعالیٰ کے نزدیک دین وہ ہے جو باطل سے الگ ہو ، جس میں شرک نہ ہو ، جو یہودیت نہ ہو ، عیسائیت نہ ہو ، جو شخص بھلائی کرے گا تو اس بھلائی کا انکار نہیں کیا جائے گا۔ شعبہ بیان کرتے ہیں : اس کے بعد انہوں نے مختلف باتیں بیان کیں، پھر یہ کلمات پڑھے: ’’اگر انسان کے پاس مال کی دو وادیاں ہوں تو وہ تیسری مانگے گا ، انسان کا پیٹ صرف مٹی بھر سکتی ہے‘‘۔ اس کے بعد انہوں نے باقی رہ جانے والی سورت کی بھی تلاوت کی ۔

أُبَيِّ بْنِ كَعْبٍ

11509 - وَفِي رِوَايَةٍ: عَنْ أُبَيِّ بْنِ كَعْبٍ أَيْضًا أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «إِنَّ اللَّهَ - تَبَارَكَ وَتَعَالَى - أَمَرَنِي أَنْ أَقْرَأَ عَلَيْكَ الْقُرْآنَ». فَذَكَرَ نَحْوَهُ، وَقَالَ فِيهِ: «لَوْ أَنَّ ابْنَ آدَمَ سَأَلَ وَادِيًا مِنْ مَالٍ فَأُعْطِيَهُ لَسَأَلَ ثَانِيًا، وَلَوْ سَأَلَ ثَانِيًا فَأُعْطِيَهُ لَسَأَلَ ثَالِثًا»، وَالْبَاقِي بِنَحْوِهِ. قُلْتُ: فِي التِّرْمِذِيِّ بَعْضُهُ، وَفِي الصَّحِيحِ طَرَفٌ مِنْهُ. رَوَاهُ أَحْمَدُ وَابْنُهُ، وَفِيهِ عَاصِمُ ابْنُ بَهْدَلَةَ، وَثَّقَهُ قَوْمُ وَضَعَّفَهُ آخَرُونَ، وَبَقِيَّةُ رِجَالِهِ رِجَالُ الصَّحِيحِ.

ایک روایت میں حضرت اُبی بن کعب رضی اللہ تعالیٰ عنہ کے حوالے سے یہ بات منقول ہے: نبی اکرم صلی اللہ علیہ وآلہ وسلم نے ارشاد فرمایا: ” بے شک اللہ تعالیٰ نے مجھے حکم دیا ہے کہ میں تمہارے سامنے قرآن پڑھو ۔۔۔۔۔ ‘‘۔اس کے بعد راوی نے حسب سابق روایت کی ذکر کی ہے جس میں یہ الفاظ ہیں: ’’اگر انسان ، مال کی ایک وادی مانگے اور وہ اسے دیدی جائے تو وہ دوسری مانگے گا اگر وہ دوسری اسے دیدی جائے تو وہ تیسری مانگے گا‘‘۔ باقی روایت حسب سابق ہے۔ (علامہ ہیثمی فرماتے ہیں :)میں یہ کہتا ہوں : ترمذی میں اس کا کچھ حصہ منقول ہے اور ’’صحیح ‘‘میں اس کا ایک حصہ منقول ہے۔ یہ روایت امام احمد اور ان کے صاحبزادے نقل کی ہے اس کی سند میں ایک راوی عاصم بن بہدلہ ہے جسے ایک قوم نے ثقہ قرار دیا ہے اور دوسرے لوگوں نے اسے ضعیف کہا ہے اس روایت کے بقیہ رجال صحیح کے رجال ہیں ۔

أُبَيِّ بْنِ كَعْبٍ أَيْضًا ← وَفِي رِوَايَةٍ