Majma uz Zawaid Wa Manba ul Fawaid

11342 - وَلِابْنِ عَبَّاسٍ فِي الْبَزَّارِ: كَانَتْ أَشْرَافُ الْجِنِّ بِالْمَوْصِلِ. فَأَمَّا إِسْنَادُ الطَّبَرَانِيِّ فِي الْكَبِيرِ فَفِيهِ النَّضْرُ أَبُو عُمَرَ وَهُوَ مَتْرُوكٌ، وَأَحَدُ إِسْنَادَيِ الْأَوْسَطِ فِيهِ جَابِرٌ الْجُعْفِيُّ وَهُوَ ضَعِيفٌ، وَالْإِسْنَادُ الْآخَرُ وَإِسْنَادُ الْبَزَّارِ أَيْضًا فِيهِمَا عُفَيْرُ بْنُ مَعْدَانَ وَهُوَ مَتْرُوكٌ.

حضرت عبد اللہ بن عباس رضی اللہ تعالیٰ عنہ کے حوالے سے مسند بزار میں یہ بات منقول ہے: جنات کے معززین ’’موصل ‘‘میں موجود تھے۔جہاں تک معجم اوسط میں امام طبرانی کی سند کا تعلق ہے تو اس میں ایک راوی نضر ابو عمر ہے، اور وہ متروک ہے اور معجم اوسط کی دو اسناد میں سے ایک میں ایک راوی جابر جعفی ہے، اور وہ ضعیف ہے ، دوسری سند اور امام بزار کی سند ،ان دونوں میں ایک راوی عفیر بن معدان ہے، اور وہ متروک ہے ۔

11343 - وَعَنْ زِرٍّ - يَعْنِي ابْنَ حُبَيْشٍ - {وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنْصِتُوا} [الأحقاف: 29] قَالَ: صَهْ، قَالَ: فَكَانُوا سَبْعَةً، أَحَدُهُمْ زَوْبَعَةُ. رَوَاهُ الْبَزَّارُ، وَرِجَالُهُ ثِقَاتٌ.

زر بن حبیش بیان کرتے ہیں (ارشاد باری تعالیٰ ہے:) ’’جب ہم نے جنات کے ایک گروہ کو تمہاری طرف متوجہ کیا تو وہ قرآن غور سے سننے لگے،جب وہ وہاں پہنچے تو انہوں نے کہا: تم لوگ خاموش رہو!‘‘ یعنی انہوں نے کہا: تم چپ رہو! راوی بیان کرتے ہیں : وہ سات افراد تھے جن میں سے ایک ذوابعہ تھا۔ یہ روایت امام بزار نے نقل کی ہے اور اس کے رجال ثقہ ہیں ۔

فَكَانُوا سَبْعَةً، أَحَدُهُمْ زَوْبَعَةُ. رَوَاهُ الْبَزَّارُ، وَرِجَالُهُ ثِقَاتٌ. ← صَهْ، ← زِرِّ يَعْنِي ابْنَ حُبَيْشٍ،

11344 - عَنِ ابْنِ عَبَّاسٍ فِي قَوْلِهِ {لِيَزْدَادُوا إِيمَانًا مَعَ إِيمَانِهِمْ} [الفتح: 4] قَالَ: إِنَّ اللَّهَ بَعَثَ نَبِيَّهُ - صَلَّى اللَّهُ عَلَيْهِ وَسَلَّمَ - بِشَهَادَةِ أَنْ لَا إِلَهَ إِلَّا اللَّهُ، فَلَمَّا صَدَّقُوا زَادَهُمُ الْحَجَّ، فَلَمَّا صَدَّقُوا زَادَهُمُ الْجِهَادَ، ثُمَّ أَكْمَلَ لَهُمْ دِينَهُمْ فَقَالَ: {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا} [المائدة: 3] قَالَ ابْنُ عَبَّاسٍ: فَأَوْثَقُ إِيمَانِ أَهْلِ السَّمَاوَاتِ وَ [أَهْلُ] الْأَرْضِ [وَأَصْدَقُهُ وَأَكْمَلُهُ] شَهَادَةُ أَنْ لَا إِلَهَ إِلَّا اللَّهُ. رَوَاهُ الطَّبَرَانِيُّ، وَفِيهِ عَبْدُ اللَّهِ بْنُ صَالِحٍ، قِيلَ فِيهِ: ثِقَةٌ مَأْمُونٌ وَقَدْ ضُعِّفَ.

حضرت عبداللہ بن عباس رضی اللہ تعالیٰ عنہ اللہ تعالیٰ کے اس فرمان کے بارے میں بیان کرتے ہیں (ارشاد باری تعالیٰ ہے :) ’’تاکہ ان لوگوں کے ایمان کے ہمراہ ایمان میں اضافہ ہو جائے ‘‘۔حضرت عبداللہ بن عباس رضی اللہ تعالیٰ عنہ بیان کرتے ہیں : اللہ تعالیٰ نے اپنے نبی کو اس بات کی گواہی کے ہمراہ مبعوث کیا کہ اللہ تعالیٰ کے علاوہ اور کوئی معبودنہیں ہے جب ان لوگوں نے اس بات کی تصدیق کر دی تو اللہ تعالیٰ نے حج کا مزید حکم دیا ، جب ان لوگوں نے اس کی بھی تصدیق کر دی تو اللہ تعالیٰ نے انہیں جہاد کا مزید حکم دیا، پھر اللہ تعالیٰ نے ان لوگوں کے لئے ان سے دین (کے احکام) کو مکمل کر دیا اور یہ ارشاد فرمایا: ’’ آج کے دن میں نے تم لوگوں کے لئے تمہارے دین کو مکمل کر دیا اور تم پر اپنی نعمت کو تمام کر دیا اور تمہارے لئے اسلام کے دین ہونے سے راضی ہو گیا‘‘۔ حضرت عبداللہ بن عباس رضی اللہ تعالیٰ عنہ کہتے ہیں: تو زمین والوں اور آسمان والوں میں سے ایمان کے اعتبار سے سب سے زیادہ مضبوط اور سب سے زیادہ سچا اور سب سے زیاد مکمل (عمل) اس بات کی گواہی دینا ہے کہ اللہ تعالیٰ کے علاوہ اور کوئی معبود نہیں ہے۔یہ روایت امام طبرانی نے نقل کی ہے اس کی سند میں ایک راوی عبداللہ بن صالح ہے جس کے بارے میں یہ کہا گیا ہے، یہ ثقہ اور مامون ہے ، ویسے اسے ضعیف قرار دیا گیا ہے ۔

ابْنِ عَبَّاسٍ فِي قَوْلِهِ

11345 - «عَنْ زَيْدِ بْنِ ثَابِتٍ قَالَ: كُنْتُ أَكْتُبُ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - وَإِنِّي لَوَاضِعٌ الْقَلَمَ عَلَى أُذُنِي إِذْ أَمَرَ بِالْقِتَالِ، إِذْ جَاءَ أَعْمَى فَقَالَ: كَيْفَ بِي وَأَنَا ذَاهِبُ الْبَصَرِ؟ فَنَزَلَتْ {لَيْسَ عَلَى الْأَعْمَى حَرَجٌ} [الفتح: 17]». رَوَاهُ الطَّبَرَانِيُّ، وَفِيهِ مُحَمَّدُ بْنُ جَابِرٍ السُّحَيْمِيُّ وَهُوَ ضَعِيفٌ يُكْتَبُ حَدِيثُهُ، وَبَقِيَّةُ رِجَالِهِ رِجَالُ الصَّحِيحِ.

حضرت زید بن ثابت رضی اللہ تعالیٰ عنہ بیان کرتے ہیں: میں نبی اکرم صلی اللہ علیہ وآلہ وسلم کے لئے (قرآن مجید کی )کتابت کرتا تھا اور میں نے اپنا قلم اپنے کان پر رکھا ہوا تھا جب نبی اکرم صلی اللہ علیہ وآلہ وسلم نے جہاد کے حکم سے متعلق آیت تحریر کرنے کا حکم دیا اسی دوران ایک نابینا شخص آیا اس نے عرض کی : میرا کیا بنے گا؟ جبکہ میری بینائی رخصت ہو چکی ہے تو اس بارے میں یہ آیت نازل ہوئی : ’’نابینا شخص پر کوئی حرج نہیں ہے ‘‘۔ یہ روایت امام طبرانی نے نقل کی ہے اس کی سند میں ایک راوی محمد بن جابر سحیمی ہے، اور وہ ضعیف ہے اس کی حدیث کو نو ٹ کیا جائے گا اس روایت کے بقیہ رجال صحیح کے رجال ہیں ۔

زَيْدِ بْنِ ثَابِتٍ،

11346 - عَنْ أَبِي جُمُعَةَ الْأَنْصَارِيِّ جُنَيْدِ بْنِ سَبْعٍ قَالَ: قَاتَلْتُ النَّبِيَّ - صَلَّى اللَّهُ عَلَيْهِ وَسَلَّمَ - أَوَّلَ النَّهَارِ كَافِرًا، وَقَاتَلْتُ مَعَهُ آخِرَ النَّهَارِ مُسْلِمًا، وَكُنَّا ثَلَاثَةَ رِجَالٍ وَتِسْعَ نِسْوَةٍ وَفِينَا نَزَلَتْ {وَلَوْلَا رِجَالٌ مُؤْمِنُونَ وَنِسَاءٌ مُؤْمِنَاتٌ} [الفتح: 25]. رَوَاهُ الطَّبَرَانِيُّ بِإِسْنَادَيْنِ رِجَالُ أَحَدِهِمَا ثِقَاتٌ.

حضرت ابو جمعه انصاری جنید بن سبع رضی اللہ تعالیٰ عنہ بیان کرتے ہیں : میں نے کافر ہونے کے عالم میں دن کے ابتدائی حصے میں نبی اکرم صلی اللہ علیہ وآلہ وسلم کے خلاف جنگ کی اور دن کے آخری حصے میں مسلمان ہونے کے طور پر آپ کے ساتھ مل کر جنگ کی ، ہم تین افراد تھے اور نو خواتیں تھیں ہمارے بارے میں یہ آیت نازل ہوئی : ’’اگر مومن مرد اور مومن خواتین نہ ہوتے ‘‘۔ یہ روایت امام طبرانی نے دو اسناد کے ساتھ نقل کی ہے ، جن میں سے ایک کے رجال ثقہ ہیں ۔

قَاتَلْتُ النَّبِيَّ أَوَّلَ النَّهَارِ كَافِرًا، ← أَبِي جُمُعَةَ الْأَنْصَارِيِّ جُنَيْدِ بْنِ سَبْعٍ

11347 - عَنْ أُبَيِّ بْنِ كَعْبٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي قَوْلِ اللَّهِ - عَزَّ وَجَلَّ - {سِيمَاهُمْ فِي وُجُوهِهِمْ مِنْ أَثَرِ السُّجُودِ} [الفتح: 29] قَالَ: " النُّورُ يَوْمَ الْقِيَامَةِ» ". رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ رَوَّادُ بْنُ الْجَرَّاحِ وَثَّقَهُ ابْنُ حِبَّانَ وَغَيْرُهُ وَضَعَّفَهُ الدَّارَقُطْنِيُّ وَغَيْرُهُ.

حضرت ابی بن کعب رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے اللہ تعالیٰ کے اس فرمان کے بارے میں بیان کیا ہے : (ارشاد باری تعالیٰ ہے:) ’’ان کی مخصوص نشانی ان کے چہروں پر موجود سجدے کا نشان ہے ‘‘۔ نبی اکرم صلی اللہ علیہ وآلہ وسلم نے ارشاد فرمایا :اس سے مراد قیامت کے دن نور ہے۔ یہ روایت امام طبرانی نے معجم صغیر اور معجم اوسط میں نقل کی ہے اس کی سند میں ایک راوی روّاد بن جراح ہے جسے ابن حبان اور دیگر حضرات نے ثقہ قرار دیا ہے ، امام دارقطنی اور دیگر حضرات نے اسے ضعیف کہا ہے ۔

أُبَيِّ بْنِ كَعْبٍ

11348 - وَعَنِ الْجُعَيْدِ بْنِ عَبْدِ الرَّحْمَنِ قَالَ: كُنْتُ عِنْدَ السَّائِبِ بْنِ يَزِيدَ إِذْ جَاءَ الزُّبَيْرُ بْنُ سُهَيْلِ بْنِ عَبْدِ الرَّحْمَنِ بْنِ عَوْفٍ وَفِي وَجْهِهِ أَثَرُ السُّجُودِ، فَلَمَّا رَآهُ قَالَ: مَنْ هَذَا؟ قِيلَ الزُّبَيْرُ، قَالَ: لَقَدْ أَفْسَدَ هَذَا وَجْهَهُ، أَمَا وَاللَّهِ مَا هِيَ السِّيمَاءِ الَّتِي سَمَّاهَا اللَّهُ، وَلَقَدْ صَلَّيْتُ عَلَى وَجْهِي مُنْذُ ثَمَانِينَ سَنَةً مَا أَثَّرَ السُّجُودُ بَيْنَ عَيْنَيَّ. رَوَاهُ الطَّبَرَانِيُّ، وَرِجَالُهُ ثِقَاتٌ.

جعید بن عبد الرحمٰن بیان کرتے ہیں : میں سائب بن یزید کے پاس موجود تھا اسی دوران زبیر بن سبیل بن عبدالرحمنٰ بن عوف تشریف لائے ان کے چہرے پر سجدے کا نشان موجود تھا جب سائب نے انہیں دیکھا تو دریافت کیا: یہ کون ہے؟ انہیں بتایا گیا یہ زبیر ہیں تو انہوں نے فرمایا: اس نے اپنے چہرے کو خراب کر لیا ہے اللہ کی قسم ! جس نشان کا ذکر اللہ تعالیٰ نے کیا ہے اس سے مراد یہ والا نشان نہیں ہے ، میں اسّی سال سے نماز پڑھ رہا ہوں، لیکن میری دونوں آنکھوں کے درمیان تو کوئی نشان نہیں بنا۔ یہ روایت امام طبرانی نے نقل کی ہے اور اس کے رجال ثقہ ہیں ۔

كُنْتُ عِنْدَ السَّائِبِ بْنِ يَزِيدَ ← الْجُعَيْدِ بْنِ عَبْدِ الرَّحْمَنِ

11349 - «عَنْ أَبِي بَكْرٍ - يَعْنِي الصِّدِّيقَ - قَالَ: لَمَّا نَزَلَتْ هَذِهِ الْآيَةُ {يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ} [الحجرات: 2] قُلْتُ: يَا رَسُولَ اللَّهِ، وَاللَّهِ لَا أُكَلِّمُكَ إِلَّا كَأَخِي السِّرَارِ». رَوَاهُ الْبَزَّارُ، وَفِيهِ حُصَيْنُ بْنُ عَمْرٍو الْأَحْمَسِيُّ وَهُوَ مَتْرُوكٌ وَقَدْ وَثَّقَهُ الْعِجْلِيُّ، وَبَقِيَّةُ رِجَالِهِ رِجَالُ الصَّحِيحِ.

حضرت ابو بکر صدیق رضی اللہ تعالیٰ عنہ بیان کرتے ہیں : جب یہ آیت نازل ہوئی (ارشاد باری تعالیٰ ہے :) ”اے ایمان والو! اپنی آوازوں کو نبی کی آواز سے بلند نہ کرو‘‘۔ تو میں نے عرض کی: یارسول اللہ! اللہ کی قسم ! اب میں آپ کے ساتھ جب بھی بات کروں گا تو یوں کروں گا جیسے سرگوشی میں بات کی جاتی ہے۔ یہ روایت امام بزار نے نقل کی ہے اس کی سند میں ایک راوی حصین بن عمر احمسی ہے، اور وہ متروک ہے ، عجلی نے اسے ثقہ قرار دیا ہے ، اس روایت کے بقیہ رجال صحیح کے رجال ہیں ۔

لَمَّا نَزَلَتْ هَذِهِ الْآيَةُ قُلْتُ: ← أَبِي بَكْرٍ يَعْنِي الصِّدِّيقَ

11350 - عَنْ زَيْدِ بْنِ أَرْقَمَ قَالَ: «جَاءَ نَاسٌ مِنَ الْعَرَبِ فَقَالُوا: انْطَلِقُوا بِنَا إِلَى هَذَا الرَّجُلِ، فَإِنْ يَكُ نَبِيًّا فَنَحْنُ أَسْعَدُ النَّاسِ بِهِ، وَإِنْ يَكُ مَلِكًا عِشْنَا فِي جَنَابِهِ، فَانْطَلَقْتُ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَأَخْبَرْتُهُ بِمَا قَالُوا، ثُمَّ جَاءُوا إِلَى حَجْرِ النَّبِيِّ - صَلَّى اللَّهُ عَلَيْهِ وَسَلَّمَ - فَجَعَلُوا يُنَادُونَ: يَا مُحَمَّدُ يَا مُحَمَّدُ. فَأَنْزَلَ اللَّهُ - عَزَّ وَجَلَّ - {إِنَّ الَّذِينَ يُنَادُونَكَ مِنْ وَرَاءِ الْحُجُرَاتِ أَكْثَرُهُمْ لَا يَعْقِلُونَ} [الحجرات: 4] فَأَخَذَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِأُذُنِي فَقَالَ: " لَقَدْ صَدَّقَ اللَّهُ قَوْلَكَ يَا زَيْدُ» ". رَوَاهُ الطَّبَرَانِيُّ، وَفِيهِ دَاوُدُ بْنُ رَاشِدٍ الطُّفَاوِيُّ وَثَّقَهُ ابْنُ حِبَّانَ وَضَعَّفَهُ ابْنُ مَعِينٍ، وَبَقِيَّةُ رِجَالِهِ ثِقَاتٌ.

حضرت زید بن ارقم رضی اللہ تعالیٰ عنہ بیان کرتے ہیں : کچھ عرب لوگ آئے انہوں نے یہ کہا تم ہمارے ساتھ ان صاحب کے پاس چلو، ا گر یہ نبی ہوئے تو ہم ان کے حوالے سے سب سے زیادو سعادت مند لوگ بن جائیں گے اور اگر وہ بادشاہ ہوئے تو ہم ان کے سائےمیں آرام سے رہیں گے تو میں نبی اکرم صلی اللہ علیہ وآلہ وسلم کے پاس گیا اور آپ کو اس بارے میں بتایا جو انہوں نے کہا تھا پھر وہ لوگ نبی اکرم صلی اللہ علیہ وآلہ وسلم کے حجروں کے پاس آئے اور بلند آوازیں کہنے لگے : اے حضرت محمد ! اے حضرت محمد ! تو اللہ تعالیٰ نے یہ آیت نازل کی : ’’بے شک وہ لوگ جو حجروں کے باہر سے تمہیں پکارتے ہیں ان میں سے زیادہ تر لوگ عقل نہیں رکھتے ہیں‘‘۔ تو نبی اکرم صلی اللہ علیہ وآلہ وسلم نے میرے کان پکڑے اور ارشاد فرمایا: اے زید! اللہ تعالیٰ نے تمہارے قول کی تصدیق کر دی ہے۔ یہ روایت امام طبرانی نے نقل کی ہے اس کی سند میں ایک راوی داؤد بن راشد طفاومی ہے ، جسے ابن حبان نے ثقہ قرار دیا ہے اور یحیٰ بن معین نے اسے ضعیف کہا ہے ، اس روایت کے بقیہ رجال ثقہ ہیں ۔

زَيْدِ بْنِ أَرْقَمَ،

11351 - «وَعَنِ الْأَقْرَعِ بْنِ حَابِسٍ أَنَّهُ نَادَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - مِنْ وَرَاءِ الْحُجُرَاتِ فَقَالَ: يَا رَسُولَ اللَّهِ، فَلَمْ يُجِبْهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا مُحَمَّدُ، إِنْ حَمْدِي زَيْنٌ وَإِنَّ ذَمِّي لَشَيْنٌ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " ذَاكُمُ اللَّهُ - عَزَّ وَجَلَّ» ". كَمَا حَدَّثَ أَبُو سَلَمَةَ. رَوَاهُ أَحْمَدُ وَالطَّبَرَانِيُّ، وَأَحَدُ إِسْنَادَيْ أَحْمَدَ رِجَالُهُ رِجَالُ الصَّحِيحِ إِنْ كَانَ أَبُو سَلَمَةَ سَمِعَ مِنَ الْأَقْرَعِ، وَإِلَّا فَهُوَ مُرْسَلٌ كَإِسْنَادِ أَحْمَدَ الْآخَرِ.

اقرع بن حابس کے بارے میں یہ بات منقول ہے کہ اس نے حجروں کے باہر سے نبی اکرم صلی اللہ علیہ وآلہ وسلم کو پکارا اور بولا : یا رسول اللہ! نبی اکرم صلی اللہ علیہ وآلہ وسلم نے اسے کوئی جواب نہیں دیا اس نے کہا: اے محمد ! میری بیان کی ہوئی تعریف زینت کا باعث ہے اور میری بیان کی ہوئی مذمت بے عزتی کا باعث ہے تو نبی اکرم صلی اللہ علیہ وآلہ وسلم نے ارشاد فرمایا: یہ بات صرف اللہ تعالیٰ کے لیے (مخصوص) ہے۔ جس طرح ابو سلمہ نامی راوی نے بیان کیا ہے ۔ یہ روایت امام احمد اور امام طبرانی نے نقل کی ہے امام احمد کی مختلف اسناد میں سے ایک کے رجال صحیح کے رجال ہیں اگر ابو سلمہ نامی راوی نے اقرع بن حابس نامی راوی سے سماع کیا ہو اور نہ ہی روایت مرسل شمار ہو گی جس طرح امام احمد کی دوسری روایت کی سند ہے۔

الْأَقْرَعِ بْنِ حَابِسٍ، أَنَّهُ نَادَى رَسُولَ اللَّهِ مِنْ وَرَاءِ الْحُجُرَاتِ،

11352 - «عَنِ الْحَارِثِ بْنِ ضِرَارٍ الْخُزَاعِيِّ قَالَ: قَدِمْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَدَعَانِي إِلَى الْإِسْلَامِ، فَأَقْرَرْتُ بِهِ وَدَخَلْتُ فِيهِ، وَدَعَانِي إِلَى الزَّكَاةِ فَأَقْرَرْتُ بِهَا، وَقُلْتُ: يَا رَسُولَ اللَّهِ، أَرْجِعُ إِلَى قَوْمِي فَأَدْعُوهُمْ إِلَى الْإِسْلَامِ وَأَدَاءِ الزَّكَاةِ، فَمَنِ اسْتَجَابَ لِي جَمَعْتُ زَكَاتَهُ، فَيُرْسِلُ إِلَيَّ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَسُولًا لِإِبَّانِ كَذَا وَكَذَا لِيَأْتِيَكَ مَا جَمَعْتُ مِنَ الزَّكَاةِ. فَلَمَّا جَمَعَ الْحَارِثُ الزَّكَاةَ مِمَّنِ اسْتَجَابَ لَهُ، وَبَلَغَ الْإِبَّانَ الَّذِي أَرَادَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَنْ يَبْعَثَ إِلَيْهِ احْتَبَسَ الرَّسُولُ فَلَمْ يَأْتِهِ، فَظَنَّ الْحَارِثُ أَنَّهُ قَدْ حَدَثَ فِيهِ سَخْطَةٌ مِنَ اللَّهِ - عَزَّ وَجَلَّ - وَرَسُولِهِ - صَلَّى اللَّهُ عَلَيْهِ وَسَلَّمَ - فَدَعَا سَرَوَاتِ قَوْمِهِ، فَقَالَ لَهُمْ: إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ وَقَّتَ [لِي] وَقْتًا يُرْسِلُ إِلَيَّ رَسُولَهُ لِيَقْبِضَ مَا كَانَ عِنْدِي مِنَ الزَّكَاةِ، وَلَيْسَ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - الْخُلْفُ، وَلَا أَرَى حَبْسَ رَسُولِهِ إِلَّا مِنْ سَخْطَةٍ كَانَتْ، فَانْطَلِقُوا فَنَأْتِيَ رَسُولَ اللَّهِ - صَلَّى اللَّهُ عَلَيْهِ وَسَلَّمَ -. وَبَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْوَلِيدَ بْنَ عُقْبَةَ [إِلَى الْحَارِثِ] لِيَقْبِضَ مَا كَانَ عِنْدَهُ مِمَّا جَمَعَ مِنَ الزَّكَاةِ، فَلَمَّا أَنَّ سَارَ الْوَلِيدُ حَتَّى بَلَغَ بَعْضَ الطَّرِيقِ فَرَقَ فَرَجَعَ، فَأَتَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: [يَا رَسُولَ اللَّهِ] إِنَّ الْحَارِثَ مَنَعَنِي الزَّكَاةَ وَأَرَادَ قَتْلِي. فَضَرَبَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْبَعْثَ إِلَى الْحَارِثِ، فَأَقْبَلَ الْحَارِثُ بِأَصْحَابِهِ، إِذِ اسْتَقْبَلَ الْبَعْثَ وَفَصَلَ مِنَ الْمَدِينَةِ فَلَقِيَهُمُ الْحَارِثُ، فَقَالُوا: هَذَا الْحَارِثُ، فَلَمَّا غَشِيَهُمْ قَالَ لَهُمْ: إِلَى مَنْ بُعِثْتُمْ؟ قَالُوا: إِلَيْكَ، قَالَ: وَلِمَ؟ قَالُوا: إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ بَعَثَ إِلَيْكَ الْوَلِيدَ بْنَ عُقْبَةَ، فَزَعَمَ أَنَّكَ مَنَعْتَهُ الزَّكَاةَ وَأَرَدْتَ قَتْلَهُ، قَالَ: لَا، وَالَّذِي بَعَثَ مُحَمَّدًا بِالْحَقِّ مَا رَأَيْتُهُ الْبَتَّةَ وَلَا أَتَانِي. فَلَمَّا دَخَلَ الْحَارِثُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " مَنَعْتَ الزَّكَاةَ وَأَرَدْتَ قَتْلَ رَسُولِي؟ "، قَالَ: لَا، وَالَّذِي بَعَثَكَ بِالْحَقِّ مَا رَأَيْتُهُ بَتَّةً، وَلَا أَتَانِي، وَمَا احْتَبَسْتُ إِلَّا حِينَ احْتَبَسَ عَلَيَّ رَسُولُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - خَشِيتُ أَنْ يَكُونَ كَانَتْ سَخْطَةً مِنَ اللَّهِ - عَزَّ وَجَلَّ - وَرَسُولِهِ، قَالَ: فَنَزَلَتِ الْحُجُرَاتُ {يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ} [الحجرات: 6] إِلَى هَذَا الْمَكَانِ {فَضْلًا مِنَ اللَّهِ وَنِعْمَةً وَاللَّهُ عَلِيمٌ حَكِيمٌ} [الحجرات: 8]». رَوَاهُ أَحْمَدُ وَالطَّبَرَانِيُّ إِلَّا أَنَّهُ قَالَ: الْحَارِثُ بْنُ سِرَارٍ بَدَلَ ضِرَارٍ، وَرِجَالُ أَحْمَدَ ثِقَاتٌ.

حضرت حارث بن ضرار خزاعی رضی اللہ تعالیٰ عنہ بیان کرتے ہیں: میں نبی اکرم صلی اللہ علیہ وآلہ وسلم کی خدمت میں حاضر ہوا، آپ نے مجھے اسلام کی دعوت دی میں نے اس کا اقرار کر لیا اور اسلام میں داخل ہو گیا، آپ نے مجھے زکوٰۃ کی دعوت دی ، میں نے اس کا اقرار کر لیا میں نے عرض کی : یا رسول اللہ! کیا میں اپنی قوم کی طرف واپس جا کر انہیں اسلام کی طرف اور زکوٰۃ کی ادائیگی کی طرف دعوت دوں؟ جو شخص میری دعوت قبول کر لے گا میں اس کی زکوٰۃ اکٹھی کروں گا اور پھر نبی اکرم صلی اللہ علیہ وآلہ وسلم اتنے عرصے کے بعد اپنے قاصد کو میرے پاس بھیج دیں، تو جب حضرت حارث رضی اللہ تعالیٰ عنہ نے ان لوگوں سے زکوٰۃ جمع کر لی اور وہ وقت آ گیا، جس میں نبی اکرم صلی اللہ علیہ وآلہ وسلم نے اپنے قاصد کو ان لوگوں کی طرف بھیجنا ہے تو وہ قاصد وہاں نہیں آیا حضرت حارث رضی اللہ تعالیٰ عنہ یہ سمجھے کہ شاید ان کے بارے میں اللہ تعالیٰ اور اس کے رسول کی طرف سے کوئی ناراضگی سامنے آئی ہے تو انہوں نے اپنی قوم کے معززین کو بلوایا اور ان سے کہا: اللہ کے رسول نے میرے ساتھ ایک وقت طے کیا تھا کہ جس میں آپ اپنے قاصد کو میرے پاس بھیجیں گے ،تاکہ وہ میرے پاس موجود زکوٰۃ کو وصول کر لے تو اللہ کے رسول کی طرف سے تو وعدہ خلافی نہیں ہو سکتی، میں یہ سمجھتا ہوں کہ وہ قاصد کیونکہ نہیں آیا ہے تو اس کا مطلب ہے کہ کوئی ناراضگی ہے تو تم لوگ چلو! ہم اللہ کے رسول کے پاس جاتے ہیں پھر نبی اکرم صلی اللہ علیہ وآلہ وسلم نے ولید بن عقبہ کوحارث کی طرف بھیجا تاکہ وہ ان سے ان کے پاس موجود جمع شدہ زکوٰۃ لے لیں جب ولید روانہ ہوئے اور راستے میں کسی جگہ پر پہنچے تو انہیں کچھ خیال آیا وہ واپس آئےوہ نبی اکرم صلی اللہ علیہ وآلہ وسلم کی خدمت میں حاضر ہوئے انہوں نے عرض کی : یارسول اللہ ! حارث نے مجھے زکوٰۃ نہیں دی اس نے مجھے قتل کرنے کا ارادہ کیا، تو نبی اکرم صلی اللہ علیہ وآلہ وسلم نے حارث کی طرف ایک جنگی مہم بھیجی اس دوران حارث اپنے ساتھیوں کو لے کر آ رہے تھے ان کا اس مہم سے سامنا ہوا یہ مدینہ منورہ سے باہر کی بات ہے جب حارث کا ان لوگوں سے سامنا ہوا تو ان لوگوں نے کہا: یہ تو حارث ہے جب وہ ان کے پاس پہنچ گئے تو حارث نے ان سے دریافت کیا تم لوگوں کو کس کی طرف بھیجا گیا ہے؟ ان لوگوں نے بتایا: تمہاری طرف حارث نے دریافت کیا: وہ کیوں؟ ان لوگوں نے بتایا کیونکہ نبی اکرم صلی اللہ علیہ وآلہ وسلم نے ولید بن عقبہ کو تمہاری طرف بھیجا تھا ، اس کا یہ کہنا ہے کہ تم نے اسے زکوٰۃ بھی نہیں دی اور تم نے اسے قتل کرنے کا ارادہ بھی کیا تو حارث نے کہا: جی نہیں! اس ذات کی قسم ! جس نے حضرت محمد صلی اللہ علیہ وآلہ وسلم کوحق کے ہمراہ مبعوث کیا ہے میں نے تو اسے دیکھا بھی نہیں ہے اور نہ ہی وہ میرے پاس آیا ہے جب حارث نبی اکرم صلی اللہ علیہ وآلہ وسلم کی خدمت میں حاضر ہوئے تو نبی اکرم صلی اللہ علیہ وآلہ وسلم نے دریافت کیا تم نے زکوٰۃ بھی نہیں دی اور میرے قاصد کو قتل کرنے کا بھی ارادہ کیا ؟ حارث نے عرض کی : جی نہیں! اس ذات کی قسم ! جس نے آپ کو حق کے ہمراہ مبعوث کیا ہے میں نے تو اسے سرے سے دیکھا ہی نہیں اور نہ ہی وہ میرے پاس آیا ہے جب اللہ کے رسول کا قاصد متعین وقت تک میرے پاس نہیں آیا تو مجھے یہ اندیشہ ہوا کہ کہیں یہ اللہ اور اس کے رسول کی طرف سے کسی ناراضگی کی وجہ سے نہ ہو ، راوی بیان کرتے ہیں: تو اس بارے میں سورت حجرات کی یہ آیات نازل ہوئیں: ’’ اے ایمان والو! جب کوئی فاسق شخص تمہارے پاس کوئی اطلاع لے کر آئے تو تم تحقیق کر لیا کرو کہیں ایسا نہ ہو کہ لاعلمی میں تم کسی قوم کو نقصان پہنچاؤ اور پھر بعد میں اپنے کیے ہوئے پر نادم ہو‘‘۔ یہ آیت یہاں تک ہے: ’’اللہ تعالیٰ کی طرف سے فضل اور نعمت اور اللہ تعالیٰ علم والا حکمت والا ہے‘‘۔ یہ روایت امام احمد اور امام طبرانی نے نقل کی ہے تاہم انہوں نے حارث بن ضرار کی جگہ لفظ حارث بن سرار نقل کیا ہے اور امام احمد کے رجال ثقہ ہیں۔

الْحَارِثِ بْنِ ضِرَارٍ الْخُزَاعِيِّ

11353 - «وَعَنْ عَلْقَمَةَ بْنِ نَاجِيَةَ قَالَ: بَعَثَ إِلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْوَلِيدَ بْنَ عُقْبَةَ بْنِ أَبِي مُعَيْطٍ يُصَدِّقُ أَمْوَالَنَا، فَسَارَ حَتَّى إِذَا كَانَ قَرِيبًا مِنَّا، وَذَلِكَ بَعْدَ وَقْعَةِ الْمُرَيْسِيعِ، فَرَجَعَ، فَرَكِبْتُ فِي أَثَرِهِ، فَأَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، أَتَيْتُ قَوْمًا فِي جَاهِلِيَّتِهِمْ، أَخَذُوا اللِّبَاسَ وَمَنَعُوا الصَّدَقَةَ. فَلَمْ يُغَيِّرِ [ذَلِكَ] النَّبِيُّ - صَلَّى اللَّهُ عَلَيْهِ وَسَلَّمَ - حَتَّى نَزَلَتِ الْآيَةُ {يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ} [الحجرات: 6] الْآيَةَ. فَأَتَى الْمُصْطَلِقُونَ إِلَى النَّبِيِّ - صَلَّى اللَّهُ عَلَيْهِ وَسَلَّمَ - أَثَرَ الْوَلِيدِ بِطَائِفَةٍ مِنْ صَدَقَاتِهِمْ يَسُوقُونَهَا وَبِنَفَقَاتٍ يَحْمِلُونَهَا، فَذَكَرُوا ذَلِكَ لَهُ وَأَنَّهُمْ خَرَجُوا يَطْلُبُونَ الْوَلِيدَ بِصَدَقَاتِهِمْ فَلَمْ يَجِدُوهُ، فَدَفَعُوا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - مَا كَانَ مَعَهُمْ، قَالُوا: يَا رَسُولَ اللَّهِ، بَلَغَنَا مَخْرَجُ رَسُولِكَ فَسُرِرْنَا بِذَلِكَ، وَكُنَّا نَتَلَقَّاهُ فَبَلَغَنَا رَجْعَتُهُ فَخِفْنَا أَنْ يَكُونَ ذَلِكَ مِنْ سُخْطٍ عَلَيْنَا، وَعَرَضُوا عَلَى النَّبِيِّ - صَلَّى اللَّهُ عَلَيْهِ وَسَلَّمَ - أَنْ يَشْتَرُوا مِنْهُ مَا بَقِيَ، وَقَبِلَ مِنْهُمُ الْفَرَائِضَ وَقَالَ: " ارْجِعُوا بِنَفَقَاتِكُمْ، لَا نَبِيعُ شَيْئًا مِنَ الصَّدَقَاتِ حَتَّى نَقْبِضَهُ ". فَرَجَعُوا إِلَى أَهْلِيهِمْ، وَبَعَثَ إِلَيْهِمْ مَنْ يَقْبِضُ بَقِيَّةَ صَدَقَاتِهِمْ.

حضرت علقمہ بن ناجیہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ولید بن عقبہ بن ابو معیط کو ہماری طرف بھیجا تاکہ وہ ہمارے اموال کی زکوٰۃ وصول کرے وہ روانہ ہوا جب وہ ہمارے قریب پہنچا تو واپس چلا گیا یہ غزوہ مریسع کے بعد کی بات ہے ، میں سوار ہو کر اس کے پیچھے گیا وہ نبی اکرم صلی اللہ علیہ وآلہ وسلم کے پاس آیا اور بولا : یا رسول اللہ ! میں ایک ایسی قوم کے پاس گیا جو ابھی بھی زمانہ جاہلیت کے سے ہیں ، انہوں نے لباس لے لیا اور زکوٰۃ دینے سے انکار کر دیا ، نبی اکرم صلی اللہ علیہ وآلہ وسلم نے اس بارے میں مزید کچھ نہیں کیا تھا کہ اس حوالے سے یہ آیت نازل ہو گئی : ’’اے ایمان والو! اگر کوئی فاسق شخص تمہارے پاس کوئی اطلاع لے کر آئے ...... ‘‘۔پھر بنو مصطلق کے لوگ ولید کے پیچھے اپنے صدقات کے جانور وغیرہ ہانک کر نبی اکرم صلی اللہ علیہ وآلہ وسلم کی خدمت میں حاضر ہوئے اور دیگر چیزیں بھی تھیں جو ان پر لادے ہوئی تھیں انہوں نے نبی اکرم صلی اللہ علیہ وآلہ وسلم کے سامنے یہ بات ذکر کی کہ وہ لوگ ولید کی تلاش میں اپنے صدقات لے کر نکلے تھے انہیں ولید نہیں ملے تو وہ چیزیں انہوں نے نبی اکرم صلی اللہ علیہ وآلہ وسلم کے حوالے کر دیں جوان کے پاس تھیں ان لوگوں نے عرض کی : یارسول اللہ! ہمیں یہ اطلاع ملی تھی کہ آپ کا نمائندہ روانہ ہو گیا ہے ہم اس بات سے خوش تھے ہم اس سے ملنا چاہتے تھے لیکن ہمیں یہ پتہ چلا کہ وہ واپس چلا گیا ہے تو ہمیں یہ اندیشہ ہوا کہ یہ ہم پر کسی ناراضگی کی وجہ سے نہ ہو پھر انہوں نے نبی اکرم صلی اللہ علیہ وآلہ وسلم کے سامنے یہ بات پیش کی کہ نبی اکرم صلی اللہ علیہ وآلہ وسلم باقی رہ جانے والی چیزیں ان سے خرید لیں اور جو زکوٰۃ ہے وہ ان سے وصول کر لیں، تو نبی اکرم صلی اللہ علیہ وآلہ وسلم نے ارشاد فرمایا :تم لوگ اپنے اخراجات کی چیزیں واپس لے جاؤ ہم صدقات میں سے کوئی چیز اس وقت تک فروخت نہیں کریں گے جب تک اسے قبضے میں نہیں لے لیتے تو وہ لوگ اپنے اہل خانہ کی طرف واپس چلے گئے اور ان کے صدقات کے بقایا جات میں سے جو چیزیں تھیں وہ نبی اکرم صلی اللہ علیہ وآلہ وسلم نے ان کی طرف بھجوا دیں۔

علقمة بن ناجية.