Majma uz Zawaid Wa Manba ul Fawaid

11044 - وَعَنِ ابْنِ عَبَّاسٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «اغْزُوا تَغْنَمُوا بَنَاتِ بَنِي الْأَصْفَرِ ". فَقَالَ رَجُلٌ مِنَ الْمُنَافِقِينَ: إِنَّهُ لَيَفْتِنُكُمْ بِالنِّسَاءِ، فَأَنْزَلَ اللَّهُ - عَزَّ وَجَلَّ -: {وَمِنْهُمْ مَنْ يَقُولُ ائْذَنْ لِي وَلَا تَفْتِنِّي} [التوبة: 49]». رَوَاهُ الطَّبَرَانِيُّ، وَفِيهِ أَبُو شَيْبَةَ إِبْرَاهِيمُ بْنُ عُثْمَانَ، وَهُوَ ضَعِيفٌ.

حضرت عبداللہ بن عباس رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ” تم لوگ جنگ کرو! مالِ غنیمت میں تمہیں بنو اصفر کی عورتیں ملیں گی منافقین سے تعلق رکھنے والے کچھ لوگوں نے کہا: یہ خواتین کے حوالے سے تمہیں آزمائش کا شکار کر رہے ہیں (یعنی تمہیں موت کے منہ میں ڈال رہے ہیں )‘‘تو اللہ تعالیٰ نے یہ آیت نازل کی : ’’ان میں سے ایک شخص وہ ہے جو کہتا ہے آپ مجھے اجازت دیں اور آپ مجھے آزمائش کا شکار نہ کریں‘‘۔ یہ روایت امام طبرانی نے نقل کی ہے۔ اس کی سند میں ایک راوی ابراہیم بن عثمان ہے ، اور وہ ضعیف ہے۔

ابْنِ عَبَّاسٍ،

11045 - عَنِ الْحَسَنِ قَالَ: «لَقِيتُ عِمْرَانَ بْنَ حُصَيْنٍ وَأَبَا هُرَيْرَةَ فَسَأَلْتُهُمَا عَنْ تَفْسِيرِ هَذِهِ الْآيَةِ {وَمَسَاكِنَ طَيِّبَةً فِي جَنَّاتِ عَدْنٍ} [التوبة: 72] قَالَا: عَلَى الْخَبِيرِ سَقَطْتَ، سَأَلْنَا عَنْهَا رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " قَصْرٌ مِنْ دُرَّةٍ، فِي ذَلِكَ الْقَصْرِ سَبْعُونَ أَلْفَ دَارٍ مِنْ زُمُرُّدَةٍ خَضْرَاءَ، فِي كُلِّ بَيْتٍ مِنْهَا سَبْعُونَ سَرِيرًا، عَلَى كُلِّ سَرِيرٍ سَبْعُونَ فِرَاشًا مِنْ كُلِّ لَوْنٍ، عَلَى كُلِّ فِرَاشٍ امْرَأَةٌ مِنَ الْحُورِ الْعِينِ، فِي كُلِّ بَيْتٍ مَائِدَةٌ عَلَى كُلِّ مَائِدَةٍ سَبْعُونَ لَوْنًا، فِي كُلِّ بَيْتٍ سَبْعُونَ وَصِيفًا أَوْ وَصِيفَةً، يُعْطَى مِنَ الْقُوَّةِ مَا يَأْتِي عَلَى ذَلِكَ كُلِّهِ فِي غَدَاةٍ وَاحِدَةٍ». رَوَاهُ الْبَزَّارُ وَالطَّبَرَانِيُّ فِي الْأَوْسَطِ، وَفِيهِ جِسْرُ بْنُ فَرْقَدٍ وَهُوَ ضَعِيفٌ، وَقَدْ وَثَّقَهُ سَعِيدُ بْنُ عَامِرٍ، وَبَقِيَّةُ رِجَالِ الطَّبَرَانِيِّ ثِقَاتٌ.

حسن بصری بیان کرتے ہیں : میری ملاقات حضرت عمران بن حصین رضی اللہ تعالیٰ عنہ اور حضرت ابو ہریرہ رضی اللہ تعالیٰ عنہ سے ہوئی میں نے ان دونوں حضرات سے اس آیت کی تفسیر کے بارے میں دریافت کیا (ارشاد باری تعالیٰ ہے:) ’’اور جنات عدن میں پاکیزہ ٹھکانے‘‘۔ توان دونوں حضرات نے یہ جواب دیا: تم نے اس بارے میں باخبر شخص سے رجوع کیا ہے ہم نے ان کے بارے میں نبی اکرم صلی اللہ علیہ وآلہ وسلم سے دریافت کیا تھا تو آپ نے ارشاد فرمایا تھا: ’’یہ موتی سے بنے ہوئے محلات ہوں گے اور ایک محل میں ستر ہزار دروازے ہوں گے جوسبز زمرد سے بنے ہوئے ہوں گے ہر ایک گھر میں ستر پلنگ ہوں گے جن میں سے ہر ایک پلنگ پرستر بچھونے ہوں گے جو مختلف رنگوں کے ہوں گے اور ہر ایک بچھونے پر ایک حورعین بیوی ہو گی ہرگھر میں ایک دستر خوان ہو گا ہر دستر خوان پرستر قسم کے کھانے ہوں گے اور ہر گھر میں ستر ملازمین یا ملازمائیں ہوں گی اور جنتی کو یہ قوت عطا کی جائے گی کہ وہ ایک ہی دن میں ان سب سے لطف لے سکے گا‘‘۔ یہ روایت امام بزار نے اور امام طبرانی نے معجم اوسط میں نقل کی ہے ۔ اس کی سند میں ایک راوی جسر بن فرقد ہے ، اور وہ ضعیف ہے سعید بن عامر نے اسے ثقہ قرار دیا ہے طبرانی کے بقیہ رجال ثقہ ہیں ۔

عَلَى الْخَبِيرِ سَقَطْتَ سَأَلْنَا عَنْهَا رَسُولَ اللَّهِ ← تَفْسِيرِ هَذِهِ الْآيَةِ {وَمَسَاكِنَ طَيِّبَةً فِي جَنَّاتِ عَدْنٍ} [التوبة: ← «لَقِيتُ عِمْرَانَ بْنَ حُصَيْنٍ وَأَبَا هُرَيْرَةَ فَسَأَلْتُهُمَا ← الْحَسَنِ،

11046 - عَنِ ابْنِ عَبَّاسٍ فِي قَوْلِهِ - عَزَّ وَجَلَّ -: {وَهَمُّوا بِمَا لَمْ يَنَالُوا} [التوبة: 74] قَالَ: هَمَّ رَجُلٌ يُقَالُ لَهُ الْأَسْوَدُ بِقَتْلِ رَسُولِ اللَّهِ - صَلَّى اللَّهُ عَلَيْهِ وَسَلَّمَ. رَوَاهُ الطَّبَرَانِيُّ فِي الْأَوْسَطِ، وَفِيهِ عَطَاءُ بْنُ السَّائِبِ، وَقَدِ اخْتَلَطَ.

حضرت عبداللہ بن عباس رضی اللہ تعالیٰ عنہ اللہ تعالیٰ کے اس فرمان کے بارے میں بیان کرتے ہیں: (ارشاد باری تعالیٰ ہے:) ’’اور انہوں نے اس چیز کا ارادہ کیا جسے وہ حاصل نہیں کر سکے‘‘۔ حضرت عبداللہ بن عباس رضی اللہ تعالیٰ عنہ بیان کرتے ہیں: ایک شخص جس کا نام اسود تھا اس نے نبی اکرم صلی اللہ علیہ وآلہ وسلم کو قتل کرنے کا ارادہ کیا تھا (یہاں وہ مراد ہے)۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی عطاء بن سائب ہے جو اختلاط کا شکار ہو گیا تھا۔

فِيهِ عَطَاءُ بْنُ السَّائِبِ، وَقَدِ اخْتَلَطَ. ← هَمَّ رَجُلٌ يُقَالُ لَهُ الْأَسْوَدُ بِقَتْلِ رَسُولِ اللَّهِ رَوَاهُ الطَّبَرَانِيُّ فِي الْأَوْسَطِ، ← ابْنِ عَبَّاسٍ فِي قَوْلِهِ عَزَّ وَجَلَّ

11047 - عَنْ أَبِي أُمَامَةَ «أَنَّ ثَعْلَبَةَ بْنَ حَاطِبٍ أَتَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، ادْعُ اللَّهَ أَنْ يَرْزُقَنِي مَالًا. قَالَ: " وَيْحَكَ يَا ثَعْلَبَةُ، قَلِيلٌ تُؤَدِّي شُكْرَهُ خَيْرٌ مِنْ كَثِيرٍ لَا تُطِيقُهُ، أَمَا تُرِيدُ أَنْ تَكُونَ مِثْلَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَوْ سَأَلْتُ اللَّهَ - عَزَّ وَجَلَّ - أَنْ تَسِيلَ لِيَ الْجِبَالُ ذَهَبًا وَفِضَّةً لَسَالَتْ ". ثُمَّ رَجَعَ إِلَيْهِ فَقَالَ: يَا رَسُولَ اللَّهِ، ادْعُ اللَّهَ أَنْ يَرْزُقَنِي مَالًا، وَاللَّهِ لَئِنْ آتَانِيَ اللَّهُ مَالًا لَأُوتِيَنَّ كُلَّ ذِي حَقٍّ حَقَّهُ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " اللَّهُمَّ ارْزُقْ ثَعْلَبَةَ مَالًا، اللَّهُمَّ ارْزُقْ ثَعْلَبَةَ مَالًا، اللَّهُمَّ ارْزُقْ ثَعْلَبَةَ مَالًا ". قَالَ: فَاتَّخَذَ غَنَمًا، فَنَمَتْ كَمَا يَنْمُو الدُّودُ حَتَّى ضَاقَتْ عَلَيْهِ أَزِقَّةُ الْمَدِينَةِ، فَتَنَحَّى بِهَا، وَكَانَ يَشْهَدُ الصَّلَاةَ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - ثُمَّ يَخْرُجُ إِلَيْهَا، ثُمَّ نَمَتْ حَتَّى تَعَذَّرَتْ عَلَيْهِ مَرَاعِي الْمَدِينَةِ، فَتَنَحَّى بِهَا، فَكَانَ يَشْهَدُ الْجُمُعَةَ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - ثُمَّ يَخْرُجُ إِلَيْهَا، ثُمَّ نَمَتْ فَتَنَحَّى بِهَا، فَتَرَكَ الْجُمُعَةَ وَالْجَمَاعَاتِ، فَيَتَلَقَّى الرُّكْبَانَ فَيَقُولُ: مَاذَا عِنْدَكُمْ مِنَ الْخَبَرِ؟ وَمَا كَانَ مِنْ أَمْرِ النَّاسِ؟ وَأَنْزَلَ اللَّهُ - تَعَالَى - عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ -: {خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا} [التوبة: 103]، وَاسْتَعْمَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى الصَّدَقَاتِ رَجُلَيْنِ مِنَ الْأَنْصَارِ وَرَجُلًا مِنْ بَنِي سُلَيْمٍ، فَكَتَبَ لَهُمْ سَنَةَ الصَّدَقَةِ وَأَسْنَانَهَا وَأَمَرَهُمْ أَنْ يُصَدِّقَا النَّاسَ، وَأَنْ يَمُرَّا بِثَعْلَبَةَ فَيَأْخُذَا مِنْهُ صَدَقَةَ مَالِهِ، فَفَعَلَا حَتَّى دَفَعَا إِلَى ثَعْلَبَةَ، فَأَقْرَآهُ كِتَابَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: صَدِّقَا النَّاسَ، فَإِذَا فَرَغْتُمْ فَمُرُّوا بِي، فَفَعَلَا، فَقَالَ: [وَاللَّهِ] مَا هَذِهِ إِلَّا أُخَيَّةُ الْجِزْيَةِ. فَانْطَلَقَا حَتَّى لَحِقَا بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأَنْزَلَ اللَّهُ عَلَى رَسُولِهِ - صَلَّى اللَّهُ عَلَيْهِ وَسَلَّمَ -: {وَمِنْهُمْ مَنْ عَاهَدَ اللَّهَ لَئِنْ آتَانَا مِنْ فَضْلِهِ لَنَصَّدَّقَنَّ وَلَنَكُونَنَّ مِنَ الصَّالِحِينَ - فَلَمَّا آتَاهُمْ مِنْ فَضْلِهِ بَخِلُوا بِهِ وَتَوَلَّوْا وَهُمْ مُعْرِضُونَ} [التوبة: 75 - 76] إِلَى قَوْلِهِ: " يَكْذِبُونَ " قَالَ: فَرَكِبَ رَجُلٌ مِنَ الْأَنْصَارِ قَرِيبٌ لِثَعْلَبَةَ رَاحِلَتَهُ حَتَّى أَتَى ثَعْلَبَةَ، فَقَالَ: وَيْحَكَ يَا ثَعْلَبَةُ، هَلَكْتَ، قَدْ أَنْزَلَ اللَّهُ فِيكَ مِنَ الْقُرْآنِ كَذَا، فَأَقْبَلَ ثَعْلَبَةُ وَقَدْ وَضَعَ التُّرَابَ عَلَى رَأْسِهِ وَهُوَ يَبْكِي وَيَقُولُ: يَا رَسُولَ اللَّهِ يَا رَسُولَ اللَّهِ، فَلَمْ يَقْبَلْ مِنْهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -[صَدَقَتَهُ حَتَّى قَبَضَ اللَّهُ رَسُولَهُ - صَلَّى اللَّهُ عَلَيْهِ وَسَلَّمَ -] ثُمَّ أَتَى أَبَا بَكْرٍ بَعْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا أَبَا بَكْرٍ قَدْ عَرَفْتَ مَوْضِعِي مِنْ قَوْمِي وَمَكَانِي مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَاقْبَلْ مِنِّي، فَأَبَى أَنْ يَقْبَلَ مِنْهُ، ثُمَّ أَتَى عُمَرَ فَلَمْ يَقْبَلْ مِنْهُ، ثُمَّ أَتَى عُثْمَانَ فَلَمْ يَقْبَلْ مِنْهُ، ثُمَّ مَاتَ ثَعْلَبَةُ فِي خِلَافَةِ عُثْمَانَ». رَوَاهُ الطَّبَرَانِيُّ، وَفِيهِ عَلِيُّ بْنُ يَزِيدَ الْأَلْهَانِيُّ، وَهُوَ مَتْرُوكٌ.

حضرت ابو امامہ رضی اللہ تعالیٰ عنہ بیان کرتے ہیں: ثعلبہ بن حاطب نبی اکرم صلی اللہ علیہ وآلہ وسلم کے پاس آیا اور بولا یا رسول اللہ ! آپ اللہ تعالیٰ سے دعا کیجئے کہ وہ مجھے مال عطا کرے نبی اکرم صلی اللہ علیہ وآلہ وسلم نے ارشاد فرمایا: اے ثعلبہ تمہارا ستیاناس ہوا یا تھوڑ امال کہ جس کا تم شکر ادا کرو وہ اس زیادہ مال سے بہتر ہے جس کی تم طاقت نہ رکھتے ہو کیا تم یہ نہیں چاہتے کہ تم اللہ کے رسول کی مانند ہو جاؤ میں اگر اللہ تعالیٰ سے یہ دعا مانگوں کہ میرے ساتھ پہاڑ سونے اور چاندی ہو کر چلنا شروع کریں تو وہ ایسے ہو جائیں گے پھر وہ شخص دوبارہ نبی اکرم صلی اللہ علیہ وآلہ وسلم کے پاس آیا اور بولا : یا رسول اللہ! آپ اللہ تعالیٰ سے یہ دعا کیجئے کہ وہ مجھے مال عطا کرے۔ اللہ کی قسم! اگر اللہ نے مجھے مال عطا کیا تو میں ہر حق دار کو اس کا حق دوں گا نبی اکرم صلی اللہ علیہ وآلہ وسلم نے دعا کی : اے اللہ! تو ثعلبہ کو مال عطا کر۔ اے اللہ ! تو ثعلبہ کو مال عطا کراے اللہ ! تو ثعلبہ کو مال عطا کر ۔ راوی بیان کرتے ہیں: انہوں نے کچھ بکریاں لیں ان کی بکریاں یوں بڑھنا شروع ہوئیں جس طرح پتنگے ہوتے ہیں یہاں تک کہ مدینہ کی گلیاں اس شخص کے لئے تنگ ہو گئیں تو وہ مدینہ منورہ سے ہٹ کے باہر چلا گیا وہ نماز میں نبی اکرم صلی اللہ علیہ وآلہ وسلم کے ساتھ شریک ہوتا تھا پھر بکریوں کی طرف چلا جاتا تھا پھر وہ بکریاں بڑھتی گئیں یہاں تک کہ مدینہ منورہ کی نواحی چراگاہیں اس کے لئے مشکل کا باعث بنیں تو وہ وہاں سے ہٹ گیا پھر وہ صرف جمعہ کی نماز میں نبی اکرم صلی اللہ علیہ وآلہ وسلم کی اقتداء میں شریک ہوتا تھا پھر بکریوں کی طرف چلا جاتا تھا پھر وہ بکریاں اور بڑھ گئیں یہاں تک کہ وہ وہاں سے بھی دور چلا گیا اور جمعہ اور با جماعت نماز سب کو ترک کر دیا اس کی ملاقات کچھ سواروں سے ہوئی تو اس نے کہا: تمہارے پاس کیا اطلاع ہے اور لوگوں کی کیا صورت حال ہے اس وقت اللہ تعالیٰ نے نبی اکرم صلی اللہ علیہ وآلہ وسلم پر یہ حکم نازل کر دیا تھا: ’’ تم ان کے اموال میں سے زکوٰۃ وصول کرو اور تم انہیں پاک کرو اور اس کے ذریعے ان کا تزکیہ کیا کرو‘‘۔ نبی اکرم صلی اللہ علیہ وآلہ وسلم نے زکوٰۃ کی وصولی کے لئے انصار سے تعلق رکھنے والے دو افراد اور بنو سالم سے تعلق رکھنے والے ایک شخص کو عامل مقرر کیا۔ آپ نے ان کے لئے زکوٰۃ کے احکام تحریر کروائے تھے زکوٰۃ کے جانوروں کے بارے میں اور ان کی عمروں کے بارے میں تحریر کروایا تھا اور انہیں یہ ہدایت کی تھی کہ وہ لوگوں سے زکوٰۃ وصول کریں اور یہ بھی حکم دیا تھا کہ وہ ثعلبہ کے پاس جائیں اور اس کے مال کی زکوٰۃ بھی اس سے وصول کریں ان دونوں نے اس حکم پر عمل کیا وہ دونوں تعلبہ کے پاس آئے اور اس کے سامنے نبی اکرم صلی اللہ علیہ وآلہ وسلم کا مکتوب پڑھ کے سنایا تو ثعلبہ نے کہا: آپ پہلے دوسرے لوگوں سے زکوٰۃ وصول کر لیں جب فارغ ہو جائیں تو میرے پاس سے گزرے گا ان دونوں نے ایسا ہی کیا (جب وہ واپسی پر اس کے پاس آئے) تو ثعلبہ نے کہا: اللہ کی قسم! یہ تو جزیہ کی ایک قسم ہے وہ دونوں صاحبان گئے اور نبی اکرم صلی اللہ علیہ وآلہ وسلم کی خدمت میں حاضر ہوئے تو اللہ تعالیٰ نے اپنے رسول پر یہ آیت نازل کی : ’’اور ان میں سے ایسا شخص بھی ہے جو اللہ تعالیٰ کے ساتھ یہ عہد کرتا ہے کہ اگر اس نے اپنے فضل سے ہمیں عطا کر دیا تو ہم ضرور صدقہ دیں گے اور ضرور نیک لوگوں میں سے ہو جائیں گے اور جب اس کے فضل میں سے کچھ (مال) ان لوگوں کے پاس آیا تو انہوں نے اس مال کے حوالے سے بخل کیا ، اورمنہ موڑ لیا اور وہ اعراض کرنے والے تھے‘‘۔ یہ آیت یہاں تک ہے:’’جھوٹ بولنے والے‘‘۔ راوی بیان کرتے ہیں: انصار سے تعلق رکھنے والا ایک شخص جو ثعلبہ کے قریب رہتا تھا وہ اپنی سواری پر سوار ہوا اور ثعلبہ کے پاس آیا اور بولا اے ثعلبہ تمہارا ستیاناس ہو تم ہلاکت کا شکار ہو گئے ہواللہ تعالیٰ نے تمہارے بارے میں قرآن میں یہ حکم نازل کر دیا ہے تو ثعلبہ آیا وہ اپنے سر پر مٹی ڈال رہا تھا اور رو رہا تھا اس نے عرض کی : یارسول اللہ ! نبی اکرم صلی اللہ علیہ وآلہ وسلم نے اس کی زکوٰۃ اوّل نہیں کی یہاں تک کہ نبی اکرم صلی اللہ علیہ وآلہ وسلم کا وصال ہو گیا پھر وہ نبی اکرم صلی اللہ علیہ وآلہ وسلم کے بعد حضرت ابو بکر رضی اللہ تعالیٰ عنہ کے پاس آیا اور بولا ہے ابو بکر میری قوم میں جو میری حیثیت ہے اور نبی اکرم صلی اللہ علیہ وآلہ وسلم کی بارگاہ میں جو میرا مقام تھا آپ اس سے واقف ہیں آپ مجھ سے (زکوٰۃ) قبول کر لیں تو حضرت ابو بکر رضی اللہ تعالیٰ عنہ نے اس سے زکوٰۃ قبول کرنے سے انکار کر دیا پھر وہ حضرت عمر رضی اللہ تعالیٰ عنہ کے پاس آیا تو انہوں نے بھی زکوٰۃ قبول کرنے سے انکار کر دیا پھر وہ حضرت عثمان رضی اللہ تعالیٰ عنہ کے پاس آیا تو انہوں نے بھی اس سے زکوٰۃ قبول نہیں کی اور پھر حضرت عثمان رضی اللہ تعالیٰ عنہ کے عہد خلافت میں اس کا انتقال ہو گیا۔ یہ روایت امام طبرانی نے نقل کی ہے ۔ اس کی سند میں ایک راوی علی بن یزید الہانی ہے ، اور وہ متروک ہے۔

أَبِي أُمَامَةَ «أَنَّ ثَعْلَبَةَ بْنَ حَاطِبٍ أَتَى رَسُولَ اللَّهِ

11048 - عَنْ أَبِي سَلَمَةَ، وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «تَصَدَّقُوا فَإِنِّي أُرِيدُ أَنْ أَبْعَثَ بَعْثًا ". قَالَ: فَجَاءَ عَبْدُ الرَّحْمَنِ بْنُ عَوْفٍ فَقَالَ: يَا رَسُولَ اللَّهِ، عِنْدِي أَرْبَعَةُ آلَافٍ، أَلْفَانِ أَقْرَضْتُهُمَا رَبِّي وَأَلْفَانِ لِعِيَالِي؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " بَارَكَ اللَّهُ لَكَ فِيمَا أَعْطَيْتَ، وَبَارَكَ لَكَ فِيمَا أَمْسَكْتَ ". وَبَاتَ رَجُلٌ مِنَ الْأَنْصَارِ فَأَصَابَ صَاعَيْنِ مِنْ تَمْرٍ فَقَالَ: يَا رَسُولَ اللَّهِ، إِنِّي أَصَبْتُ صَاعَيْنِ مِنْ تَمْرٍ، صَاعٌ لِرَبِّي وَصَاعٌ لِعِيَالِي؟ قَالَ: فَلَمَزَهُ الْمُنَافِقُونَ وَقَالُوا: مَا أَعْطَى مِثْلَ الَّذِي أَعْطَى ابْنُ عَوْفٍ إِلَّا رِيَاءً. أَوْ قَالُوا: أَلَمْ يَكُنِ اللَّهُ وَرَسُولُهُ غَنِيَّيْنِ عَنْ صَاعِ هَذَا؟ فَأَنْزَلَ اللَّهُ {الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ} [التوبة: 79] إِلَى آخِرِ الْآيَةِ». رَوَاهُ الْبَزَّارُ مِنْ طَرِيقَيْنِ؛ إِحْدَاهُمَا مُتَّصِلَةٌ عَنْ أَبِي هُرَيْرَةَ، وَالْأُخْرَى عَنْ أَبِي سَلَمَةَ مُرْسَلَةٌ، قَالَ: وَلَمْ نَسْمَعْ أَحَدًا أَسْنَدَهُ مِنْ حَدِيثِ عُمَرَ بْنِ أَبِي سَلَمَةَ إِلَّا طَالُوتَ بْنَ عَبَّادٍ، وَفِيهِ عُمَرُ بْنُ أَبِي سَلَمَةَ، وَثَّقَهُ الْعِجْلِيُّ وَأَبُو خَيْثَمَةَ وَابْنُ حِبَّانَ، وَضَعَّفَهُ شُعْبَةُ وَغَيْرُهُ، وَبَقِيَّةُ رِجَالِهِمَا ثِقَاتٌ.

حضرت ابو سلمہ رضی اللہ تعالیٰ عنہ اور حضرت ابو ہریر رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا: تم لوگ صدقہ دو کیونکہ میں ایک جنگی مہم روانہ کرنا چاہتا ہوں حضرت عبدالرحمٰن بن عوف لے آئے اور بولے یا رسول اللہ ! میرے پاس چار ہزار ہیں ان میں سے دو ہزار میں اپنے پروردگار کوقرض کے طور پر دیتا ہوں اور دو ہزار میرے گھر والوں کے لئے ہیں۔ نبی اکرم صلی اللہ علیہ وآلہ وسلم نے فرمایا: تم نے جودیا ہے اللہ تعالیٰ اس میں بھی تمہیں برکت نصیب کرے اور جو نہیں دیا ہے اس میں بھی تمہیں برکت نصیب کرے ، انصار سے تعلق رکھنے والے ایک شخص نے رات گزاری اسے کھجور کے دو صاع ملے اس نے عرض کی : یا رسول اللہ! مجھے کھجور کے دو صاع ملے ہیں ایک صاع میرے پروردگار کے لئے ہے اور ایک صاع میرے گھر والوں کے لئے ہے ، راوی بیان کرتے ہیں: تو منافقین نے اس پر تنقید کرتے ہوئے یہ کہا: اس نے ریاکاری کے طور پر حضرت عبدالرحمٰن بن عوف رضی اللہ تعالیٰ عنہ کی طرح کی ادائیگی کی ہے راوی کو شک ہے شاید یہ الفاظ ہیں : ان لوگوں نے کہا: کیا اللہ اور اس کا رسول اس شخص کے ایک صاع سے بے نیاز نہیں ہیں؟ تو اللہ تعالیٰ نے یہ آیت نازل کی : ’’وہ لوگ جو اہل ایمان میں سے اپنی خوشی کے ساتھ صدقات دینے والوں پر نکتہ چینی کرتے ہیں وہ اہل ایمان کے جنہیں صرف اپنی محنت کی کمائی کے علاوہ اور کچھ نہیں ملتا‘‘۔ یہ آیت کے آخر تک ہے۔ یہ روایت امام بزار نے دو اسناد کے ساتھ نقل کی ہے جن میں سے ایک متصل ہے اور وہ حضرت ابو ہریرہ رضی اللہ تعالیٰ عنہ سے منقول ہے اور دوسری حضرت ابو سلمہ رضی اللہ تعالیٰ عنہ سے منقول ہے اور وہ مرسل ہے ، امام بزار کہتے ہیں: عمر بن ابو سلمہ سے منقول روایت کے طور پر ہم نے کسی کو نہیں سنا کہ اس نے اسے مسند طور پرنقل کیا ہو صرف طالوت بن عباد نے ایسا کیا ہے اس روایت کی سند میں ایک راوی عمر بن ابو سلمہ ہے جسے عجلی ابو خیثمہ اور ابن حبان نے ثقہ قرار دیا ہے شعبہ اور دیگر حضرات نے اسے ضعیف کہا ہے ان دونوں روایات کے بقیہ رجال ثقہ ہیں ۔

أَبِي هُرَيْرَةَ، ← اَبِیْ سَلَمَۃَ

11049 - وَعَنْ أَبِي عُقَيْلٍ أَنَّهُ «بَاتَ يَجُرُّ الْحَرِيرَ عَلَى ظَهْرِهِ عَلَى صَاعَيْنِ مِنْ تَمْرٍ، فَانْقَلَبَ بِأَحَدِهِمَا إِلَى أَهْلِهِ يَنْتَفِعُونَ بِهِ، وَجَاءَ بِالْآخَرِ يَتَقَرَّبُ بِهِ إِلَى اللَّهِ - عَزَّ وَجَلَّ - فَأَتَى بِهِ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَأَخْبَرَهُ، فَقَالَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " انْثُرْهُ فِي الصَّدَقَةِ ". فَقَالَ فِيهِ الْمُنَافِقُونَ وَسَخِرُوا مِنْهُ: مَا كَانَ أَغْنَى هَذَا أَنْ يَتَقَرَّبَ إِلَى اللَّهِ بِصَاعٍ مِنْ تَمْرٍ. فَأَنْزَلَ اللَّهُ - عَزَّ وَجَلَّ -: {الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ} [التوبة: 79] الْآيَتَيْنِ». رَوَاهُ الطَّبَرَانِيُّ، وَرِجَالُهُ ثِقَاتٌ، إِلَّا أَنَّ خَالِدَ بْنَ يَسَارٍ لَمْ أَجِدْ مَنْ وَثَّقَهُ وَلَا جَرَّحَهُ.

حضرت ابو عقیل رضی اللہ تعالیٰ عنہ کے بارے میں یہ بات منقول ہے کہ وہ کھجور کے دوصاغ کے عوض میں رات کے وقت اپنی پشت پر وزن لاد کر لے جاتے رہے پھر ان دوساع میں سے ایک اپنے گھر لے گئے تاکہ گھر والے اسے استعمال کر یں اور دوسرا لے آئے تاکہ اس کے ذریعے اللہ تعالیٰ کی بارگاہ میں قربت حاصل کریں وہ اس کو لے کر نبی اکرم صلی اللہ علیہ وآلہ وسلم کی بارگاہ میں آئے اور آپ کو اس بارے میں بتایا تو نبی اکرم صلی اللہ علیہ وآلہ وسلم نے فرمایا: اسے صدقہ کی چیزوں میں پھیلا دو منافقین نے ان صاحب کے بارے میں یہ کہاوہ ان کا مذاق اڑار ہے تھے کہ کیا یہ شخص اس چیز سے بے نیاز نہیں تھا کہ اللہ تعالیٰ کا قرب حاصل کرنے کے لئے کھجور ایک ہی صاع دیتا؟ تو اللہ تعالیٰ نے اس بارے میں یہ آیت نازل کی : ’’جو لوگ اہل ایمان میں سے اپنی خوشی کے ساتھ صدقہ دینے والوں پر نکتہ چینی کرتے ہیں وہ اہل ایمان کہ جوصرف اپنی محنت کی کمائی پاتے ہیں‘‘۔ یہ دو آیات ہیں۔ یہ روایت امام طبرانی نے نقل کی ہے اس کے رجال ثقہ ہیں البتہ خالد بن یسار کا معاملہ مختلف ہے میں نے کسی کو اس کی توثیق کرتے ہوئے یا اس پر جرح کرتے ہوئے نہیں پایا ہے۔

11050 - «وَعَنْ عُمَيْرَةَ بِنْتِ سَهْلٍ صَاحِبِ الصَّاعَيْنِ الَّذِي لَمَزَهُ الْمُنَافِقُونَ، أَنَّهُ خَرَجَ بِرِكَابِهِ بِصَاعٍ مِنْ تَمْرٍ وَبِابْنَتِهِ عُمَيْرَةَ حَتَّى أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَصَبَّهُ، ثُمَّ قَالَ: يَا رَسُولَ اللَّهِ، إِنَّ لِي إِلَيْكَ حَاجَةً، قَالَ: " وَمَا هِيَ؟ ". قَالَ: تَدْعُو اللَّهَ لِي وَلَهَا بِالْبَرَكَةِ، وَتَمْسَحُ بِرَأْسِهَا، فَإِنَّهُ لَيْسَ لِي وَلَدٌ غَيْرُهَا. قَالَتْ: فَوَضَعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَدَهُ عَلَيَّ، فَأُقْسِمُ بِاللَّهِ لَكَأَنَّ بَرْدَ يَدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - عَلَى كَبِدِي». رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَفِيهِ أُنَيْسَةُ بِنْتُ عَدِيٍّ، وَلَمْ أَعْرِفْهَا، وَبَقِيَّةُ رِجَالِهِ ثِقَاتٌ.

سیدنا عمیرہ بنت سہل رضی اللہ تعالیٰ عنہا بیان کرتی ہیں: یہ حضرت سہل رضی اللہ تعالیٰ عنہ وہ صاحب ہیں ، جنہوں نے دو صاع لیے تھے اور منافقین نے ان پر تنقید کی تھی وہ بیان کرتی ہیں : حضرت سہل رضی اللہ تعالیٰ عنہ کھجور کا ایک صاع لے کر اور اپنی صاحبزادی عمیرہ کو لے کر نبی اکرم صلی اللہ علیہ وآلہ وسلم کی بارگاہ میں آئے اور وہ کھجوریں آپ کی خدمت میں پیش کیں پھر انہوں نے عرض کی : یا رسول اللہ ! مجھے آپ سے ایک کام ہے نبی اکرم صلی اللہ علیہ وآلہ وسلم نے دریافت کیا: کیا کام ہے ۔ انہوں نے عرض کی : آپ اللہ تعالیٰ سے میرے لئے اور میری اس بچی کے لئے برکت کی دعا کریں اور اس کے سر پر ہاتھ پھیریں کیونکہ میری اس کے علاوہ اور کوئی اولاد نہیں ہے تو وہ خاتون بیان کرتی ہیں: نبی اکرم صلی اللہ علیہ وآلہ وسلم نے میرے سر پر اپنا دست مبارک رکھا میں اللہ کی قسم ! اٹھا کر یہ کہتی ہوں کہ نبی اکرم صلی اللہ علیہ وآلہ وسلم کے ہاتھ کی ٹھنڈک مجھے اپنے جگر پر محسوس ہوئی۔ یہ روایت امام طبرانی نے معجم اوسط میں اور معجم کبیر میں نقل کی ہے۔ اس کی سند میں ایک راوی انیسہ بنت عدی ہے اور میں اس سے واقف نہیں ہوں اس روایت کے بقیہ رجال ثقہ ہیں ۔

11051 - عَنِ ابْنِ عَبَّاسٍ قَالَ: «لَمَّا مَرِضَ عَبْدُ اللَّهِ بْنُ أُبَيٍّ مَرَضَهُ الَّذِي مَاتَ فِيهِ جَاءَهُ النَّبِيُّ - صَلَّى اللَّهُ عَلَيْهِ وَسَلَّمَ - فَتَكَلَّمَا بِكَلَامٍ بَيْنَهُمَا، فَقَالَ عَبْدُ اللَّهِ: قَدْ فَهِمْتُ مَا يَقُولُ، امْنُنْ عَلَيَّ فَكَفِّنِّي فِي قَمِيصِكَ، وَصَلِّ عَلَيَّ. فَكَفَّنَهُ النَّبِيُّ - صَلَّى اللَّهُ عَلَيْهِ وَسَلَّمَ - فِي قَمِيصِهِ وَصَلَّى عَلَيْهِ». قَالَ ابْنُ عَبَّاسٍ: وَاللَّهُ أَعْلَمُ أَيَّ صَلَاةٍ كَانَتْ، وَمَا خَادَعَ مُحَمَّدٌ - صَلَّى اللَّهُ عَلَيْهِ وَسَلَّمَ - إِنْسَانًا قَطُّ. رَوَاهُ الطَّبَرَانِيُّ، وَفِيهِ الْحَكَمُ بْنُ أَبَانٍ، وَثَّقَهُ النَّسَائِيُّ وَجَمَاعَةٌ، وَضَعَّفَهُ ابْنُ الْمُبَارَكِ، وَبَقِيَّةُ رِجَالِهِ رِجَالُ الصَّحِيحِ.

حضرت عبداللہ بن عباس رضی اللہ تعالیٰ عنہ بیان کرتے ہیں: جب عبداللہ بن اُبی اس بیماری کا شکار ہوا جس میں وہ بعد میں مر گیا تھا تو اس دوران نبی اکرم صلی اللہ علیہ وآلہ وسلم اس کے پاس آئے ان دونوں کے درمیان کوئی گفتگو ہوئی توعبداللہ نے کہا: یہ جو کہہ رہے ہیں وہ بات مجھے سمجھ آ گئی ہے آپ مجھ پر یہ احسان کریں کہ آپ مجھے اپنی قمیص میں کفن دیجئے گا اور میری نماز جنازہ پڑھائے گا تو نبی اکرم صلی اللہ علیہ وآلہ وسلم نے اپنی قمیص میں اسے کفن دیا اور اس کی نماز جنازہ ادا کی ۔ حضرت عبداللہ بن عباس رضی اللہ تعالیٰ عنہ کا بیان کرتے ہیں : اللہ بہتر جانتا ہے کہ وہ کون سی نماز تھی ویسے حضرت محمد صلی اللہ علیہ وآلہ وسلم نے بھی کسی انسان کو دھوکہ نہیں دیا۔ یہ روایت امام طبرانی نے نقل کی ہے۔ اس کی سند میں ایک راوی حکم بن ابان ہے جسے امام نسائی اور ایک جماعت نے ثقہ قرار دیا ہے جبکہ ابن مبارک نے اسے ضعیف کہا ہے اس روایت کے بقیہ رجال صحیح کے رجال ہیں ۔

ابْنِ عَبَّاسٍ،

11052 - عَنْ سَلَمَةَ بْنِ الْأَكْوَعِ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَرَأَ {فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ} [التوبة: 105]». رَوَاهُ الطَّبَرَانِيُّ، وَفِيهِ مُوسَى بْنُ عُبَيْدَةَ وَهُوَ ضَعِيفٌ.

حضرت سلمہ بن اکوع رضی اللہ تعالیٰ عنہ نے بیان کرتے ہیں: نبی اکرم صلی اللہ علیہ وآلہ وسلم نے یہ آیت تلاوت کی (ارشاد باری تعالیٰ ہے:) ”عنقریب تم لوگوں کے عمل کو اللہ اور اس کا رسول اور اہل ایمان دیکھ لیں گے‘‘۔ یہ روایت امام طبرانی نے نقل کی ہے ۔ اس کی سند میں ایک راوی موسیٰ بن عبیدہ ہے ، اور وہ ضعیف ہے۔

سَلَمَةَ بْنِ الْأَكْوَعِ

11053 - عَنِ ابْنِ عَبَّاسٍ «فِي قَوْلِهِ تَعَالَى: {وَمِمَّنْ حَوْلَكُمْ مِنَ الْأَعْرَابِ مُنَافِقُونَ وَمِنْ أَهْلِ الْمَدِينَةِ مَرَدُوا عَلَى النِّفَاقِ لَا تَعْلَمُهُمْ نَحْنُ نَعْلَمُهُمْ سَنُعَذِّبُهُمْ مَرَّتَيْنِ ثُمَّ يُرَدُّونَ إِلَى عَذَابٍ عَظِيمٍ} [التوبة: 101] قَالَ: قَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَوْمَ جُمُعَةٍ خَطِيبًا، فَقَالَ: " قُمْ يَا فُلَانُ فَاخْرُجْ فَإِنَّكَ مُنَافِقٌ، اخْرُجْ يَا فُلَانُ، فَإِنَّكَ مُنَافِقٌ ". فَأَخْرَجَهُمْ بِأَسْمَائِهِمْ فَفَضَحَهُمْ، وَلَمْ يَكُنْ عُمَرُ بْنُ الْخَطَّابِ شَهِدَ تِلْكَ الْجُمُعَةَ لِحَاجَةٍ كَانَتْ لَهُ، فَلَقِيَهُمْ عُمَرُ وَهُمْ يَخْرُجُونَ مِنَ الْمَسْجِدِ، فَاخْتَبَأَ مِنْهُمُ اسْتِحْيَاءً أَنَّهُ لَمْ يَشْهَدِ الْجُمُعَةَ، وَظَنَّ أَنَّ النَّاسَ قَدِ انْصَرَفُوا وَاخْتَبَؤُوا هُمْ مِنْ عُمَرَ، وَظَنُّوا أَنَّهُ قَدْ عَلِمَ بِأَمْرِهِمْ، فَدَخَلَ عُمَرُ الْمَسْجِدَ، فَإِذَا النَّاسُ لَمْ يَنْصَرِفُوا، فَقَالَ لَهُ رَجُلٌ: أَبْشِرْ يَا عُمَرُ، فَقَدْ فَضَحَ اللَّهُ الْمُنَافِقِينَ الْيَوْمَ، فَهَذَا الْعَذَابُ الْأَوَّلُ، وَالْعَذَابُ الثَّانِي عَذَابُ الْقَبْرِ». رَوَاهُ الطَّبَرَانِيُّ فِي الْأَوْسَطِ، وَفِيهِ الْحُسَيْنُ بْنُ عَمْرِو بْنِ مُحَمَّدٍ الْعَنْقَزِيُّ وَهُوَ ضَعِيفٌ.

حضرت عبداللہ بن عباس رضی اللہ تعالیٰ عنہ اللہ تعالیٰ کے اس فرمان کے بارے میں بیان کرتے ہیں : (ارشاد باری تعالیٰ ہے:) ’’اور تمہارے آس پاس کے دیہاتیوں میں سے کچھ لوگ منافق ہیں اور اہل مدینہ میں سے بھی کچھ لوگ منافق ہیں جو نفاق پر مجھے ہوئے ہیں تم ان کو نہیں جانتے ہو ہم انہیں جانتے ہیں اور ہم انہیں عنقریب دو مرتبہ عذاب دیں گے اور پھر انہیں عظیم عذاب کی طرف لوٹا دیا جائے گا‘‘۔ نبی اکرم صلی اللہ علیہ وآلہ وسلم جمعہ کے دن خطبہ دینے کے لئے کھڑے ہوئے آپ نے فرمایا: اے فلاں تم اٹھو اور نکل جاؤ تم منافق ہو اے فلاں تم بھی نکل جاؤ کیونکہ تم بھی منافق ہو نبی اکرم صلی اللہ علیہ وآلہ وسلم نے ان لوگوں کا نام لے کر انہیں مسجد سے نکال دیا اور انہیں رسوائی کا شکار کیا اس دن حضرت عمر رضی اللہ تعالیٰ عنہ کسی کام کے سلسلے میں جمعہ کی نماز کے لئے جلدی نہیں آ سکے تھے یہ لوگ مسجد سے نکلے تو ان کی ملاقات حضرت عمر رضی اللہ تعالیٰ عنہ سے ہوئی حضرت عمر رضی اللہ تعالیٰ عنہ ان سے چھپنے لگے اس بات سے شرماتے ہوئے کہ وہ جمعہ میں پہلے نہیں آئےتھے وہ یہ سمجھے کہ شاید لوگ نماز پڑھ کے واپس جار ہے ہیں اور یہ لوگ حضرت عمر رضی اللہ تعالیٰ عنہ سے چھپنے لگے وہ یہ سمجھے کہ ہمارے معاملے کے بارے میں حضرت عمر رضی اللہ تعالیٰ عنہ کو پتہ چل گیا ہے پھر حضرت عمر رضی اللہ تعالیٰ عنہ مسجد میں داخل ہوئے تو لوگوں نے ابھی نماز پڑھی ہی نہیں تھی ایک شخص نے ان سے کہا: اے عمر آپ کے لئے خوشخبری ہے اللہ تعالیٰ نے آج منافقین کو رسوا کر دیا ہے ۔ (راوی کہتے ہیں :) یہ پہلا عذاب ہے اور دوسر اعذاب قبر کے عذاب کی شکل میں ہو گا ۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی حسین بن عمرو بن محمد عنقری ہے ، اور وہ ضعیف ہے۔

ابن عباس في قوله تعالى]

11054 - عَنْ سَهْلِ بْنِ سَعْدٍ قَالَ: «اخْتَلَفَ رَجُلَانِ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي الْمَسْجِدِ الَّذِي أُسِّسَ عَلَى التَّقْوَى، فَقَالَ أَحَدُهُمَا: هُوَ مَسْجِدُ الرَّسُولِ - صَلَّى اللَّهُ عَلَيْهِ وَسَلَّمَ - وَقَالَ الْآخَرُ: هُوَ مَسْجِدُ قُبَاءٍ. فَأَتَيَا النَّبِيَّ - صَلَّى اللَّهُ عَلَيْهِ وَسَلَّمَ -، فَسَأَلَاهُ، فَقَالَ: " هُوَ مَسْجِدِي هَذَا.

حضرت سہل بن سعد رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے زمانہ اقدس میں دو آدمیوں کے درمیان اس مسجد کے بارے میں اختلاف ہو گیا جس کی بنیا دتقویٰ پر رکھی گئی ہے (اور جس کا ذکر قرآن میں ہے )ان دو افراد میں سے ایک کا یہ کہنا تھا کہ اس سے مراد مسجد نبوی ہے اور دوسرے کا یہ کہنا تھا کہ اس سے مراد مسجد قباء ہے ، یہ دونوں حضرات نبی اکرم صلی اللہ علیہ وآلہ وسلم کی خدمت میں حاضر ہوئے اور آپ سے اس بارے میں دریافت کیا تو نبی اکرم صلی اللہ علیہ وآلہ وسلم نے فرمایا: اس سے مراد میری مسجد ہے۔

"هُوَ مسجدي هذا" ← الْآخَرُ هُوَ مَسْجِدُ قُبَاءٍ فَأَتَيَا النَّبِيَّ فَسَأَلَاهُ ← أَحَدُهُمَا هُوَ مَسْجِدُ الرَّسُولِ ← اخْتَلَفَ رَجُلَانِ عَلَى عَهْدِ رَسُولِ اللَّهِ فِي الْمَسْجِدِ الَّذِي أُسِّسَ عَلَى التَّقْوَى ← سَهْلِ بْنِ سَعْدٍ

11055 - وَفِي رِوَايَةٍ: كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِذَا سُئِلَ عَنِ الْمَسْجِدِ الَّذِي أُسِّسَ عَلَى التَّقْوَى قَالَ: " هُوَ مَسْجِدِي». رَوَاهُ كُلَّهُ أَحْمَدُ وَالطَّبَرَانِيُّ بِاخْتِصَارٍ، وَرِجَالُهُمَا رِجَالُ الصَّحِيحِ.

ایک روایت میں یہ الفاظ ہیں : نبی اکرم صلی اللہ علیہ وآلہ وسلم سے جب اس مسجد کے بارے میں دریافت کیا گیا جس کی بنیاد تقویٰ پر رکھی گئی ہے تو آپ صلی اللہ علیہ وآلہ وسلم نے فرمایا: اس سے مراد میری یہ مسجد ہے۔ یہ تمام روایات امام احمد نے نقل کی ہیں امام طبرانی نے انہیں اختصار کے ساتھ نقل کیا ہے ان دونوں روایات کے رجال صحیح کے رجال ہیں ۔

هُوَ مَسْجِدِي» رَوَاهُ كُلَّهُ أَحْمَدُ، وَالطَّبَرَانِيُّ بِاخْتِصَارٍ، وَرِجَالُهُمَا رِجَالُ الصَّحِيحِ. ← الْمَسْجِدِ الَّذِي أُسِّسَ عَلَى التَّقْوَى؟ ← وَفِي رِوَايَةٍ: «كَانَ رَسُولُ اللَّهِ إِذَا سُئِلَ