Majma uz Zawaid Wa Manba ul Fawaid

11008 - عَنْ عُمَرَ بْنِ الْخَطَّابِ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ لِعَائِشَةَ: " يَا عَائِشَةُ {إِنَّ الَّذِينَ فَرَّقُوا دِينَهُمْ وَكَانُوا شِيَعًا} [الأنعام: 159] هُمْ أَصْحَابُ الْبِدَعِ وَأَصْحَابُ الْأَهْوَاءِ، لَيْسَ لَهُمْ تَوْبَةٌ، أَنَا مِنْهُمْ بَرِيءٌ، وَهُمْ مِنِّي بَرَاءٌ». رَوَاهُ الطَّبَرَانِيُّ فِي الصَّغِيرِ وَإِسْنَادُهُ جَيِّدٌ.

حضرت عمر بن خطاب رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے سیدہ عائشہ رضی اللہ تعالیٰ عنہا سے فرمایا: اے عائشہ! بے شک وہ لوگ جنہوں نے اپنے دین کو فرقوں میں تقسیم کر دیا اور وہ مختلف گروہوں کی شکل میں ہو گے ، یہ بدعتی لوگ اور نفسانی خواہشات کے پیرو کار لوگ ہیں ان لوگوں کی توبہ قبول نہیں ہو گی میں ان سے لاتعلق ہوں اور وہ لوگ مجھ سے لاتعلق ہیں ۔ یہ روایت امام طبرانی نے معجم صغیر میں نقل کی ہے ، اور اس کی سند عمدہ ہے ۔

عُمَرَ بْنِ الْخَطَّابِ،

11009 - وَعَنْ أَبِي هُرَيْرَةَ «عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: {إِنَّ الَّذِينَ فَرَّقُوا دِينَهُمْ وَكَانُوا شِيَعًا لَسْتَ مِنْهُمْ فِي شَيْءٍ} [الأنعام: 159]، قَالَ: " هُمْ أَهْلُ الْبِدَعِ وَالْأَهْوَاءِ مِنْ هَذِهِ الْأُمَّةِ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ، غَيْرَ مُعَلِّلِ بْنِ نُفَيْلٍ وَهُوَ ثِقَةٌ.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : (ارشاد باری تعالیٰ ہے:) ” بے شک وہ لوگ جنہوں نے اپنے دین کو فرقوں میں تقسیم کیا اور وہ مختلف گروہوں کی شکل میں ہو گئے تم ان کے حوالے سے (کسی چیز کے ذمہ دار )نہیں ہو‘‘۔ نبی اکرم صلی اللہ علیہ وآلہ وسلم نے ارشاد فرمایا: اس سے مراد اہل بدعت ہیں اور نفسانی خواہشات کے پیروکار لوگ ہیں جو اس اُمت سے تعلق رکھتے ہوں گے۔ یہ روایت امام طبرانی نے معجم اوسط میں نقل کی ہے ، اور اس کے رجال صحیح کے رجال میں صرف معلل بن نفیل کا معاملہ مختلف ہے ، اور وہ ثقہ ہے۔

{إِنَّ الَّذِينَ فَرَّقُوا دِينَهُمْ وَكَانُوا شِيَعًا لَسْتَ مِنْهُمْ فِي شَيْءٍ} [الأنعام: ← النَّبِيِّ ← أَبِي هُرَيْرَةَ،

11010 - عَنِ ابْنِ عُمَرَ قَالَ: أُنْزِلَتْ هَذِهِ الْآيَةُ فِي الْأَعْرَابِ {مَنْ جَاءَ بِالْحَسَنَةِ فَلَهُ عَشْرُ أَمْثَالِهَا} [الأنعام: 160]. فَقَالَ رَجُلٌ: فَمَا لِلْمُهَاجِرِينَ يَا أَبَا عَبْدِ الرَّحْمَنِ؟ قَالَ: مَا هُوَ أَفْضَلُ مِنْ ذَلِكَ {إِنَّ اللَّهَ لَا يَظْلِمُ مِثْقَالَ ذَرَّةٍ وَإِنْ تَكُ حَسَنَةً يُضَاعِفْهَا وَيُؤْتِ مِنْ لَدُنْهُ أَجْرًا عَظِيمًا} [النساء: 40]. رَوَاهُ الطَّبَرَانِيُّ، وَفِيهِ عَطِيَّةُ، وَهُوَ ضَعِيفٌ. وَيَأْتِي حَدِيثٌ فِي مُضَاعَفَةِ الْحَسَنَةِ إِلَى أَلْفَيْ أَلْفٍ فِي كِتَابِ التَّوْبَةِ وَالْأَذْكَارِ، إِنْ شَاءَ اللَّهُ.

حضرت عبداللہ بن عمر رضی اللہ تعالیٰ عنہ بیان کرتے ہیں: یہ آیت دیہاتیوں کے بارے میں نازل ہوئی تھی : ’’ جو شخص ایک نیکی کرے گا اسے اس کا دس گنا اجر ملے گا‘‘۔ ایک صاحب بولے : اے ابو عبدالرحمٰن مہاجرین کو کیا اجر وثواب حاصل ہو گا تو حضرت عبداللہ بن عمر رضی اللہ تعالیٰ عنہ نے فرمایا : وہ اس سے زیادہ فضیلت رکھتا ہو گا (جس کا ذکر اس آیت میں ہے) ’’ بے شک اللہ تعالیٰ ذرے کے وزن جتنا بھی ظلم نہیں کرے گا اگر کوئی نیکی ہو گی تو وہ اس کو دگنا کر دے گا اور اپنی طرف سے عظیم اجر بھی عطا کرے گا‘‘۔ یہ روایت امام طبرانی نے نقل کی ہے ۔ اس کی سند میں ایک راوی عطیہ ہے ، اور وہ ضعیف ہے۔ نیکیوں کے کئی گنا ہونے ، یہاں تک کہ ان کے کئی لاکھ ہونے کے بارے میں حدیث کتاب التوبہ اور کتاب الاذکار میں آئے گی اگر اللہ نے چاہا۔

رَجُلٌ: فَمَا لِلْمُهَاجِرِينَ يَا أَبَا عَبْدِ الرَّحْمَنِ؟ ← أُنْزِلَتْ هَذِهِ الْآيَةُ فِي الْأَعْرَابِ {مَنْ جَاءَ بِالْحَسَنَةِ فَلَهُ عَشْرُ أَمْثَالِهَا} [الأنعام: ← ابْنِ عُمَرَ

11011 - عَنِ ابْنِ عَبَّاسٍ قَالَ: كَانَتْ قُرَيْشٌ يَطُوفُونَ بِالْبَيْتِ وَهُمْ عُرَاةٌ، يُصَفِّرُونَ وَيُصَفِّقُونَ، فَأَنْزَلَ اللَّهُ - عَزَّ وَجَلَّ - {قُلْ مَنْ حَرَّمَ زِينَةَ اللَّهِ} [الأعراف: 32] فَأُمِرُوا بِالثِّيَابِ. رَوَاهُ الطَّبَرَانِيُّ، وَفِيهِ يَحْيَى الْحِمَّانِيُّ، وَهُوَ ضَعِيفٌ.

حضرت عبداللہ بن عباس رضی اللہ تعالیٰ عنہ بیان کرتے ہیں: پہلے قریش بیت اللہ کا برہنہ ہو کر طواف کرتے تھے دو سیٹیاں بجاتے تھے اور تالیاں بجایا کرتے تھے تو اللہ تعالیٰ نے یہ آیت نازل کی : ” تم یہ فرما دو کہ کس نے اللہ کی زینت کو حرام قرار دیا ہے ۔ تو ان لوگوں کو کپڑے پہننے کا حکم دیا گیا۔ یہ روایت امام طبرانی نے نقل کی ہے ۔ اس کی سند میں ایک راوی یحیٰ حمانی ہے ، اور وہ ضعیف ہے۔

ابْنِ عَبَّاسٍ،

11012 - عَنِ ابْنِ مَسْعُودٍ أَنَّهُ كَانَ يَقْرَأُ {حَتَّى يَلِجَ الْجَمَلُ فِي سَمِّ الْخِيَاطِ} [الأعراف: 40] قَالَ: زَوْجُ النَّاقَةِ. رَوَاهُ الطَّبَرَانِيُّ مِنْ طَرِيقَيْنِ وَرِجَالُ إِحْدَاهُمَا رِجَالُ الصَّحِيحِ، إِلَّا أَنَّ إِبْرَاهِيمَ النَّخَعِيَّ لَمْ يُدْرِكِ ابْنَ مَسْعُودٍ، وَالْأُخْرَى ضَعِيفَةٌ.

حضرت عبداللہ بن مسعود رضی اللہ تعالیٰ عنہ کے بارے میں یہ بات منقول ہے کہ وہ یہ آیت پڑھا کرتے تھے: ” یہاں تک کہ جمل سوئی کے ناکے میں داخل ہو جائے‘‘۔ حضرت عبداللہ بن مسعود رضی اللہ تعالیٰ عنہ فرماتے ہیں: اس سے مراد اونٹنی کا شوہر (یعنی نر اونٹ) ہے ۔ یہ روایت امام طبرانی نے دو حوالوں سے نقل کی ہے جن میں سے ایک کے رجال صحیح کے رجال ہیں البتہ ابراہیم نخعی نامی راوی نے حضرت عبداللہ بن مسعود رضی اللہ تعالیٰ عنہ کا زمانہ نہیں پایا ہے اور دوسری روایت ضعیف ہے ۔

الْأُخْرَى ضَعِيفَةٌ. ← رِجَالُ إِحْدَاهُمَا رِجَالُ الصَّحِيحِ، إِلَّا أَنَّ إِبْرَاهِيمَ النَّخَعِيَّ لَمْ يُدْرِكِ ابْنَ مَسْعُودٍ، ← زَوْجُ النَّاقَةِ. رَوَاهُ الطَّبَرَانِيُّ مِنْ طَرِيقَيْنِ ← ابْنِ مَسْعُودٍ أَنَّهُ كَانَ يَقْرَأُ

11013 - وَعَنْ أَبِي سَعِيدٍ الْخُدْرِيِّ قَالَ: «سُئِلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنْ أَصْحَابِ الْأَعْرَافِ، فَقَالَ: " هُمْ رِجَالٌ قُتِلُوا فِي سَبِيلِ اللَّهِ وَهُمْ عُصَاةٌ لِآبَائِهِمْ، فَمَنَعَتْهُمُ الشَّهَادَةُ أَنْ يَدْخُلُوا النَّارَ، وَمَنَعَتْهُمُ الْمَعْصِيَةُ أَنْ يَدْخُلُوا الْجَنَّةَ، وَهُمْ عَلَى سُورٍ بَيْنَ الْجَنَّةِ وَالنَّارِ حَتَّى تَذْبُلَ لُحُومُهُمْ وَشُحُومُهُمْ حَتَّى يَفْرُغَ اللَّهُ مِنْ حِسَابِ الْخَلَائِقِ، فَإِذَا فَرَغَ مِنْ حِسَابِ خَلْقِهِ فَلَمْ يَبْقَ غَيْرُهُمْ تَغَمَّدَهُمْ مِنْهُ بِرَحْمَةٍ فَأَدْخَلَهُمُ الْجَنَّةَ بِرَحْمَتِهِ». رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ مُحَمَّدُ بْنُ مُخَلَّدٍ الرُّعَيْنِيُّ، وَهُوَ ضَعِيفٌ.

حضرت ابوسعید خدری رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم سے اصحاب اعراف کے بارے میں دریافت کیا گیا تو آپ نے ارشاد فرمایا: یہ وہ لوگ ہوں گے جنہیں اللہ کی راہ میں قتل کر دیا جائے گا یہ اپنے باپ دادا کے نافرمان ہوں گے تو شہادت انہیں اس چیز سے روک دے گی کہ وہ جہنم میں جائیں اور گناہ (یا آباؤ اجداد کی نافرمانی )انہیں اس چیز سے روک دے گی کہ وہ جنت میں داخل ہوں تو وہ لوگ جنت اور جہنم کے درمیان موجو فصیل پر ہوں گے یہاں تک کہ ان کے گوشت اور چربی پگھل جائیں گے یہ اس وقت تک ہو گا جب تک اللہ تعالیٰ مخلوق کا حساب کر کے فارغ ہو گا جب وہ اپنی مخلوق کا حساب کر کے فارغ ہو جاتا تو ان لوگوں کے علاوہ اور کوئی باقی نہیں رہا ہو گا تو اس وقت اللہ تعالیٰ انہیں اپنی رحمت کے ذریعے ڈھانپ لے گا اور اپنی رحمت کے وسیلے سے انہیں جنت میں داخل کر دے گا‘‘۔ یہ روایت امام طبرانی نے معجم صغیر اور معجم اوسط میں نقل کی ہے۔ اس کی سند میں ایک راوی محمد بن مخلد رعینی ہے ، اور وہ ضعیف ہے۔

أَصْحَابِ الْأَعْرَافِ، ← سُئِلَ رَسُولُ اللَّهِ ← أَبِي سَعِيدٍ الْخُدْرِيِّ،

11014 - وَعَنْ عُمَرَ بْنِ عَبْدِ الرَّحْمَنِ الْمَدَنِيِّ عَنْ أَبِيهِ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - سُئِلَ عَنْ أَصْحَابِ الْأَعْرَافِ، قَالَ: " قَوْمٌ قُتِلُوا فِي سَبِيلِ اللَّهِ بِمَعْصِيَةِ آبَائِهِمْ، فَمَنَعَتْهُمُ الْجَنَّةَ مَعْصِيَةُ آبَائِهِمْ، وَمَنَعَتْهُمُ النَّارَ قَتْلُهُمْ فِي سَبِيلِ اللَّهِ - عَزَّ وَجَلَّ». رَوَاهُ الطَّبَرَانِيُّ، وَفِيهِ أَبُو مَعْشَرٍ نَجِيحٌ، وَهُوَ ضَعِيفٌ.

عمر بن عبدالرحمٰن بن مدنی اپنے والد کے حوالے سے یہ بات نقل کرتے ہیں نبی اکرم صلی اللہ علیہ وآلہ وسلم سے اصحاب اعراف کے بارے میں دریافت کیا گیا تو آپ نے ارشاد فرمایا: ’’یہ وہ لوگ ہوں گے جو اللہ کی راہ میں شہید ہو جائیں گے اور یہ اپنے باپ دادا کے نافرمان ہوں گے اور باپ دادا کی نافرمانی ان کو جنت میں جانے سے روک دے گی اور اللہ کی راہ میں قتل ہونا انہیں جہنم میں جانے سے روک دے گا‘‘۔ یہ روایت امام طبرانی نے نقل کی ہے اس کا ایک راوی ابو معشر نجیح ہے ، اور وہ ضعیف ہے ۔

أَبِيهِ ← وَعَنْ عُمَرَ بْنِ عَبْدِ الرَّحْمَنِ الْمَدَنِيِّ

11015 - عَنْ عَبْدِ اللَّهِ بْنِ بُسْرٍ قَالَ: خَرَجْتُ مِنْ حِمْصَ، فَآوَانِي اللَّيْلُ إِلَى الْبَقِيعَةِ، فَحَضَرَنِي مِنْ أَهْلِ الْأَرْضِ، فَقَرَأْتُ هَذِهِ الْآيَةَ مِنَ الْأَعْرَافِ {إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ} [الأعراف: 54] إِلَى آخِرِ الْآيَةِ، فَقَالَ بَعْضُهُمْ لِبَعْضٍ: احْرُسُوهُ الْآنَ حَتَّى يُصْبِحَ، فَلَمَّا أَصْبَحْتُ رَكِبْتُ دَابَّتِي. رَوَاهُ الطَّبَرَانِيُّ، وَفِيهِ الْمُسَيِّبُ بْنُ وَاضِحٍ، وَهُوَ ضَعِيفٌ، وَقَدْ وُثِّقَ.

حضرت عبداللہ بن بسر رضی اللہ تعالیٰ عنہ بیان کرتے ہیں : میں حمص سے نکلا رات کو میں جنگل میں ایک جگہ پر ٹھہرا تو اہل زمین (میں سے جنات) میرے پاس آ گئے میں نے سورت اعراف کی یہ آیت تلاوت کی : ” بے شک تمہارا پروردگار وہ اللہ ہے جس نے آسمانوں اور زمین کو پیدا کیا ہے‘‘۔ یہ آیت کے آخر تک تلاوت کی تو ان ہوائی چیزوں میں سے ایک نے دوسرے سے کہا: اب تم صبح ہونے تک اس کی حفاظت کرو جب صبح ہوئی تو میں اپنی سواری پر سوار ہوا (اور وہاں سے روانہ ہو گیا)۔ یہ روایت امام طبرانی نے نقل کی ہے ۔ اس کی سند میں ایک راوی مسیب بن واضح ہے ، اور وہ ضعیف ہے ویسے اس کی توثیق کی گئی ہے۔

عَبْدِ اللَّهِ بْنِ بُسْرٍ،

11016 - عَنْ عَمْرِو بْنِ عَوْفٍ قَالَ: «غَزَوْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - عَامَ الْفَتْحِ وَنَحْنُ أَلْفٌ وَنَيِّفٌ، فَفَتَحَ اللَّهُ مَكَّةَ وَحُنَيْنًا، حَتَّى إِذَا كَانَ بَيْنَ حُنَيْنٍ وَالطَّائِفِ أَبْصَرَ شَجَرَةً كَانَ يُنَاطُ بِهَا السِّلَاحُ فَسُمِّيَتْ ذَاتَ أَنْوَاطٍ، وَكَانَتْ تُعْبَدُ مِنْ دُونِ اللَّهِ - عَزَّ وَجَلَّ -، فَلَمَّا رَآهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - انْصَرَفَ عَنْهَا فِي يَوْمٍ صَائِفٍ إِلَى ظِلٍّ هُوَ أَدْنَى مِنْهُ، فَقَالَ رَجُلٌ: يَا رَسُولَ اللَّهِ، اجْعَلْ لَنَا ذَاتَ أَنْوَاطٍ كَمَا لِهَؤُلَاءِ ذَاتُ أَنْوَاطٍ، فَقَالَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّهَا السُّنَنُ، قُلْتُمْ وَالَّذِي نَفْسِي بِيَدِهِ كَمَا قَالَتْ بَنُو إِسْرَائِيلَ لِمُوسَى: {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138] قَالَ: {أَغَيْرَ اللَّهِ أَبْغِيكُمْ إِلَهًا وَهُوَ فَضَّلَكُمْ عَلَى الْعَالَمِينَ} [الفاتحة: 140 - 30220]». رَوَاهُ الطَّبَرَانِيُّ، وَفِيهِ كَثِيرُ بْنُ عَبْدِ اللَّهِ، وَقَدْ ضَعَّفَهُ الْجُمْهُورُ، وَحَسَّنَ التِّرْمِذِيُّ حَدِيثَهُ.

حضرت عمرو بن عوف رضی اللہ تعالیٰ عنہ بیان کرتے ہیں: ہم نے نبی اکرم صلی اللہ علیہ وآلہ وسلم کے ساتھ فتح مکہ کے غزوہ میں شرکت کی ہم ایک ہزار سے زیادہ افراد تھے اللہ تعالیٰ نے مکہ اور جنین فتح کروا دیا یہاں تک کہ نبی اکرم صلی اللہ علیہ وآلہ وسلم نے حنین اور طائف کے درمیان ایک درخت ملاحظہ فرمایا جس پر ہتھیارلٹکائے جاتے تھے اور جس کو ذات انواط کہا جاتا تھا اور اس کی عبادت کی جاتی تھی جب نبی اکرم صلی اللہ علیہ وآلہ وسلم نے اسے ملاحظہ فرمایا تو آپ اس سے ہٹ گئے اور ایک اور سائے میں آ گئے جو اس کے قریب موجود تھا یہ ایک گرم دن کی بات ہے ایک صاحب نے عرض کی : یارسول اللہ! آپ ہمارے لئے بھی ذات انواط مقرر کر دیں جس طرح ان لوگوں کا ذات انواط ہے ، تو نبی اکرم صلی اللہ علیہ وآلہ وسلم نے اس شخص سے فرمایا: ”یہ طورطریقے ہیں اس ذات کی قسم ! جس کے دست قدرت میں میری جان ہے ، تم لوگ وہی بات کہو گے جو بنی اسرائیل نے حضرت موسیٰ علیہ السلام سے کہی تھی کہ آپ ہمارے لئے ایک معبود بنا دیں جس طرح ان لوگوں کا ایک معبود ہے ‘‘تو انہوں نے یہ کہا تھا: ’’کیا میں اللہ تعالیٰ کو چھوڑ کر تمہارے لئے کوئی اور معبود تلاش کروں جبکہ اس نے تمہیں تمام جہانوں پر فضیلت عطا کی ہے‘‘۔یہ روایت امام طبرانی نے نقل کی ہے ۔ اس کی سند میں ایک راوی کثیر بن عبداللہ ہے ، جسے جمہور نے ضعیف قرار دیا ہے امام ترمذی نے اس کی نقل کردہ حدیث کو حسن قرار دیا ہے۔

عَمْرُو بْنُ عَوْفٍ،

11017 - عَنِ ابْنِ عَبَّاسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «لَمَّا تَجَلَّى اللَّهُ لِمُوسَى بْنِ عِمْرَانَ تَطَايَرَتْ سَبْعَةُ أَجْبَالٍ، فَفِي الْحِجَازِ مِنْهَا خَمْسَةٌ، وَفِي الْيَمَنِ اثْنَانِ، وَفِي الْحِجَازِ أُحُدٌ وَثَبِيرٌ وَحِرَاءٌ وَثَوْرٌ وَوَرْقَانُ، وَفِي الْيَمَنِ حَصُورٌ وَصَبِيرٌ». رَوَاهُ الطَّبَرَانِيُّ فِي الْأَوْسَطِ، وَفِيهِ طَلْحَةُ بْنُ عَمْرٍو الْمَكِّيُّ، وَهُوَ مَتْرُوكٌ.

حضرت عبداللہ بن عباس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’ جب اللہ تعالیٰ نے حضرت موسیٰ علیہ السلام کے سامنے تجلی کی تو سات پہاڑ اُڑ کر بن گئے جن میں سے پانچ حجاز میں ہیں اور دو یمن میں حجاز میں یہ ہیں اُحد ، ثبیر ،حرا،ثور اور ورقان اور یمن میں یہ ہیں حصور اور صبیر‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی طلحہ بن عمرو مکی ہے ، اور وہ متروک ہے۔

ابْنِ عَبَّاسٍ،

11018 عَنِ ابْنِ عَبَّاسٍ قَالَ: سُئِلَ مُوسَى - صَلَّى اللَّهُ عَلَيْهِ وَسَلَّمَ - مَسْأَلَةً، فَأُعْطِيَهَا مُحَمَّدٌ - صَلَّى اللَّهُ عَلَيْهِ وَسَلَّمَ - قَوْلُهُ: {وَاخْتَارَ مُوسَى قَوْمَهُ سَبْعِينَ رَجُلًا} [الأعراف: 155] إِلَى قَوْلِهِ: {فَسَأَكْتُبُهَا لِلَّذِينَ يَتَّقُونَ} [الأعراف: 156]. رَوَاهُ الْبَزَّارُ، وَفِيهِ عَطَاءُ بْنُ السَّائِبِ، وَقَدِ اخْتَلَطَ، وَبَقِيَّةُ رِجَالِهِ رِجَالُ الصَّحِيحِ.

حضرت عبداللہ بن عباس رضی اللہ تعالیٰ عنہ بیان کرتے ہیں: حضرت موسیٰ علیہ السلام سے ایک سوال پوچھا گیا (یا حضرت موسیٰ علیہ السلام نے نے ایک چیز مانگی) اور وہ چیز حضرت محمد صلی اللہ علیہ وآلہ وسلم کو دے دی گئی اللہ تعالیٰ کا یہ فرمان ہے: ’’موسیٰ نے اپنی قوم میں سے ستر افراد کو منتخب کیا‘‘۔ یہ آیت یہاں تک ہے:’’ تو میں اس کو ان لوگوں کے لئے لکھ لوں گا جو پرہیز گاری اختیار کریں گے‘‘۔ یہ روایت امام بزار نے نقل کی ہے ۔ اس کی سند میں ایک راوی عطاء بن سائب ہے جو اختلاط کا شکار ہو گیا تھا اس روایت کے بقیہ رجال صحیح کے رجال ہیں۔

ابْنِ عَبَّاسٍ،

11019 - عَنْ أُبَيِّ بْنِ كَعْبٍ فِي قَوْلِهِ: {وَإِذْ أَخَذَ رَبُّكَ مِنْ بَنِي آدَمَ مِنْ ظُهُورِهِمْ ذُرِّيَّاتِهُمْ} [الأعراف: 172] قَالَ: جَمَعَهُمْ، فَجَعَلَهُمْ أَزْوَاجًا، ثُمَّ صَوَّرَهُمْ فَاسْتَنْطَقَهُمْ فَتَكَلَّمُوا، ثُمَّ أَخَذَ عَلَيْهِمُ الْعَهْدَ وَالْمِيثَاقَ وَأَشْهَدَهُمْ عَلَى أَنْفُسِهِمْ " أَلَسْتُ بِرَبِّكُمْ قَالُوا بَلَى " قَالَ: إِنِّي أُشْهِدُ عَلَيْكُمُ السَّمَاوَاتِ السَّبْعَ [وَالْأَرَضِينَ السَّبْعَ]، وَأُشْهِدُ عَلَيْكُمْ أَبَاكُمْ آدَمَ أَنْ تَقُولُوا يَوْمَ الْقِيَامَةِ: لَمْ نَعْلَمْ بِهَذَا، اعْلَمُوا أَنَّهُ لَا إِلَهَ غَيْرِي وَلَا رَبَّ غَيْرِي وَلَا تُشْرِكُوا بِي شَيْئًا، إِنِّي سَأُرْسِلُ إِلَيْكُمْ رُسُلِي يُذَكِّرُونَكُمْ عَهْدِي وَمِيثَاقِي، وَأُنْزِلُ عَلَيْكُمْ كُتُبِي، قَالُوا: شَهِدْنَا بِأَنَّكَ رَبُّنَا وَإِلَهُنَا، لَا رَبَّ لَنَا غَيْرُكَ، وَلَا إِلَهَ لَنَا غَيْرُكَ، فَأَقَرُّوا، وَرَفَعَ عَلَيْهِمْ آدَمَ - عَلَيْهِ السَّلَامُ - يَنْظُرُ إِلَيْهِمْ، فَرَأَى الْغَنِيَّ وَالْفَقِيرَ وَحَسَنَ الصُّورَةِ وَدُونَ ذَلِكَ، فَقَالَ: يَا رَبِّ لَوْلَا سَوَّيْتَ بَيْنَ عِبَادِكَ؟ قَالَ: إِنِّي أَحْبَبْتُ أَنْ أُشْكَرَ، وَرَأَى الْأَنْبِيَاءَ فِيهِمْ مِثْلُ السُّرُجِ عَلَيْهِمْ، خُصُّوا بِمِيثَاقٍ آخَرَ فِي الرِّسَالَةِ وَالنُّبُوَّةِ، وَهُوَ قَوْلُهُ تَعَالَى: {وَإِذْ أَخَذْنَا مِنَ النَّبِيِّينَ مِيثَاقَهُمْ} [الأحزاب: 7] إِلَى قَوْلِهِ: عِيسَى ابْنِ مَرْيَمَ - عَلَيْهِمَا السَّلَامُ - كَانَ فِي تِلْكَ الْأَرْوَاحِ، فَأَرْسَلَهُ إِلَى مَرْيَمَ - عَلَيْهَا السَّلَامُ - فَحَدَّثَ عَنْ أُبَيٍّ أَنَّهُ دَخَلَ مِنْ فِيهَا. رَوَاهُ عَبْدُ اللَّهِ بْنُ أَحْمَدَ عَنْ شَيْخِهِ مُحَمَّدِ بْنِ يَعْقُوبَ الرَّبَالِيِّ وَهُوَ مَسْتُورٌ، وَبَقِيَّةُ رِجَالِهِ رِجَالُ الصَّحِيحِ.

حضرت ابی بن کعب بن رضی اللہ تعالیٰ عنہ اللہ تعالیٰ کے اس فرمان کے بارے میں بیان کرتے ہیں : (ارشاد باری تعالیٰ ہے:) ” جب تمہارے پروردگار نے اولادِ آدم کی پیشتوں میں سے ان کی اولاد کو نکالا‘‘۔ حضرت ابی بن کعب رضی اللہ تعالیٰ عنہ بیان کرتے ہیں: اللہ تعالیٰ نے ان لوگوں کو اکٹھا کیا انہیں جوڑوں کی شکل میں بنایا ان کی شکلیں بنائیں انہیں گویائی عطا کی ان لوگوں نے بات چیت شروع کی تو اللہ تعالیٰ نے ان لوگوں سے میثاق لیا اور ان لوگوں کو ان کے اپنے وجود کے بارے میں گواہ بنایا اورفرمایا کیا میں تمہارا پروردگار نہیں ہوں تو انہوں نے جواب دیا: جی ہاں ، تو پروردگار نے فرمایا: میں سات آسمانوں اور سات زمینوں کو تم پر گواہ بنارہا ہوں اور تمہارے جد امجد حضرت آدم علیہ السلام کو تم پر گواہ بنارہا ہوں تاکہ تم قیامت کے دن یہ نہ کہو کہ ہمیں اس بات کا پتہ ہی نہیں تھا تم لوگ یہ بات جان لو کہ میرے بعد کوئی معبود نہیں ہے اور میرے علاوہ اور کوئی پرور درگار نہیں ہے اور تم کسی کو میرا شریک نہیں ٹھہرانا میں تمہاری طرف رسولوں کو مبعوث کروں گا جو میر اعہد اور میرا میثاق تمہیں یاد دلائیں گے اور میں تم پر اپنی کتابیں نازل کروں گا تو ان لوگوں نے یہ کہا: ہم اس بات کی گواہی دیتے ہیں کہ تو ہمارا پروردگار اور ہمارا معبود ہے ، ہمارا تیرے علاوہ اور کوئی پروردگار نہیں ہے اور ہماری تیرے علاوہ اور کوئی معبود نہیں ہے ان لوگوں نے اس بات کا اقرار کیا حضرت آدم علیہ السلام کو ان کے اوپر کیا گیا تاکہ وہ ان لوگوں کا جائزہ لیں تو حضرت آدم علیہ السلام نے خوشحال اورغریب ، خوبصورت شکل کے اور کمتر شکل کے (تمام افراد کو )دیکھ لیا انہوں نے عرض کی: اے میرے پروردگار! تو نے اپنے بندوں کو ایک جیسا کیوں نہیں بنایا تو پروردگار نے فرمایا: میں نے اس بات کو پسند کیا کہ میرا شکر کیا جائے گا۔ پھر حضرت آدم علیہ السلام نے انبیاء کرام کو دیکھا کہ وہ ان لوگوں کے درمیان یوں تھے جیسے چراغ ہوتے ہیں ان انبیاء کرام کو ایک اور میثاق کے حوالے سے مخصوص کیا گیا جو رسالت اور نبوت کے بارے میں تھا اور اس کا ذکر اللہ تعالیٰ کے اس فرمان میں ہے : ’’اور جب ہم نے انبیاء سے ان کا میثاق لیا‘‘ ۔ یہ آیت یہاں تک ہے:’’عیسیٰ بن مریم‘‘۔ یہ ان ارواح میں ایک تھے اللہ تعالیٰ نے ان کوسیدہ مریم علیہا السلام کی طرف بھیجا تھا راوی نے حضرت ابی رضی اللہ تعالیٰ عنہ کے حوالے سے یہ بات نقل کی ہے کہ وہ سیدہ مریم علیہا السلام کے منہ کی طرف سے ان میں داخل ہوئے تھے ۔ یہ روایت عبداللہ بن احمد نے اپنے استاد محمد بن یعقوب ربالی کے حوالے سے نقل کی ہے ، اور وہ مستور ہے اس روایت کے بقیہ رجال صحیح کے رجال ہیں ۔

أُبَيِّ بْنِ كَعْبٍ فِي قَوْلِهِ: