Majma uz Zawaid Wa Manba ul Fawaid

10936 - عَنِ ابْنِ عَبَّاسٍ - رَضِيَ اللَّهُ عَنْهُمَا - «أَنَّ رَجُلًا أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، إِنِّي لَأُحِبُّكَ حَتَّى إِنِّي لَأَذْكُرُكَ، فَلَوْلَا أَنِّي أَجِيءُ فَأَنْظُرُ إِلَيْكَ ظَنَنْتُ أَنَّ نَفْسِي تَخْرُجُ، فَأَذْكُرُ أَنِّي إِنْ دَخَلْتُ الْجَنَّةَ صِرْتُ دُونَكَ فِي الْمَنْزِلَةِ، فَيَشُقُّ ذَلِكَ عَلَيَّ، وَأُحِبُّ أَنْ أَكُونَ مَعَكَ فِي الدَّرَجَةِ. فَلَمْ يَرُدَّ عَلَيْهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ - شَيْئًا، فَأَنْزَلَ اللَّهُ - عَزَّ وَجَلَّ -: {وَمَنْ يُطِعِ اللَّهَ وَالرَّسُولَ فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ} [النساء: 69]- الْآيَةَ. فَدَعَاهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَتَلَاهَا عَلَيْهِ». رَوَاهُ الطَّبَرَانِيُّ، وَفِيهِ عَطَاءُ بْنُ السَّائِبِ، وَقَدِ اخْتَلَطَ

حضرت عبداللہ بن عباس رضی اللہ تعالیٰ عنہ بیان کرتے ہیں:ایک شخص اللہ کے رسول کی خدمت میں حاضر ہوا اس نے عرض کی : یا رسول اللہ! میں آپ سے محبت رکھتا ہوں یہاں تک کہ میں آپ کو یاد کرتا ہوں اور اگر میں آکے آپ کو نہ دیکھوں تو مجھے یہ گمان ہوتا ہے کہ جیسے میری جان نکل جائے گی پھر مجھے یہ خیال آیا کہ اگر میں جنت میں داخل ہوا تو میرا مرتبہ تو آپ کے مرتبے سے کم ہوگا، تو یہ بات مجھ پر گراں گزری مجھے یہ بات پسند ہے کہ میں آپ کے ساتھ ایک ہی درجہ میں ہوؤں۔ نبی اکرم صلی اللہ علیہ وآلہ وسلم نے اسے کوئی جواب ارشاد نہیں فرمایا تواللہ تعالیٰ نے یہ آیت نازل کی : ’’اور جو شخص اللہ اور اس کے رسول کی اطاعت کرے تو وہ ان لوگوں کے ساتھ ہو گا جن پر اللہ تعالیٰ نے انعام کیا جن کا تعلق انبیاء سے ہے ‘‘۔ تو نبی اکرم صلی اللہ علیہ وآلہ وسلم نے اس شخص کو بلوایا اور اس کے سامنے یہ آیت تلاوت کی ۔یہ روایت امام طبرانی نے نقل کی ہے ۔ اس کی سند میں ایک راوی عطاء بن سائب ہے جو اختلاط کا شکار ہو گیا تھا۔

ابْنِ عَبَّاسٍ أَنْ رَجُلًا أَتَى النَّبِيَّ

10937 - وَعَنْ عَائِشَةَ - رَضِيَ اللَّهُ عَنْهَا - قَالَتْ: «جَاءَ رَجُلٌ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، إِنَّكَ لَأَحَبُّ إِلَيَّ مِنْ نَفْسِي [وَإِنَّكَ لَأَحَبُّ إِلَيَّ مِنْ أَهْلِي وَمَالِي]، وَإِنَّكَ لَأَحَبُّ إِلَيَّ مِنْ وَلَدِي، وَإِنِّي لَأَكُونُ فِي الْبَيْتِ فَأَذْكُرُكَ فَمَا أَصْبِرُ حَتَّى آتِيَ فَأَنْظُرَ إِلَيْكَ، وَإِذَا ذَكَرْتُ مَوْتِي وَمَوْتَكَ، عَرَفْتُ أَنَّكَ إِذَا دَخَلْتَ الْجَنَّةَ رُفِعْتَ مَعَ النَّبِيِّينَ، وَأَنِّي إِذَا دَخَلْتُ الْجَنَّةَ خَشِيتُ أَنْ لَا أَرَاكَ. فَلَمْ يَرُدَّ عَلَيْهِ النَّبِيُّ - صَلَّى اللَّهُ عَلَيْهِ وَسَلَّمَ - شَيْئًا حَتَّى نَزَلَ جِبْرِيلُ - عَلَيْهِ السَّلَامُ - بِهَذِهِ الْآيَةِ {وَمَنْ يُطِعِ اللَّهَ وَالرَّسُولَ فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ} [النساء: 69]». رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَرِجَالُهُ رِجَالُ الصَّحِيحِ غَيْرَ عَبْدِ اللَّهِ بْنِ عِمْرَانَ الْعَابِدِيِّ، وَهُوَ ثِقَةٌ.

سیدہ عائشہ صدیقہ رضی اللہ تعالیٰ عنہا بیان کرتی ہیں : ایک شخص نبی اکرم صلی اللہ علیہ وآلہ وسلم کی خدمت میں حاضر ہوا اس نے عرض کی : یا رسول اللہ! آپ میرے نزدیک میری جان سے زیادہ محبوب ہیں ، اور آپ میرے نزدیک میرے اہل خانہ اور میرے مال سے زیادہ محبوب ہیں آپ میرے نزدیک میری اولاد سے زیادہ محبوب ہیں میں گھر میں ہوتا ہوں پھر آپ کی یاد مجھے آتی ہے تو مجھے صبر نہیں آتا یہاں تک کہ میں آ کر آپ کی زیارت کر لیتا ہوں پھر مجھے یہ خیال آیا کہ میں بھی مر جاؤں گا اور آپ کا بھی انتقال ہو جائے گا یہ تو مجھے پتہ ہے کہ آپ جنت میں تشریف لے جائیں گے اور آپ کا مرتبہ انبیاء کے ساتھ بلند ہو گا اور جب میں جنت میں داخل ہوؤں گا تو مجھے یہ اندیشہ ہے کہ پھر میں آپ کی زیارت نہیں کر سکوں گا نبی اکرم صلی اللہ علیہ وآلہ وسلم نے اسے کوئی جواب نہیں دیا یہاں تک کہ حضرت جبرائیل علیہ السلام یہ آیت لے کر نازل ہوئے : ’’اور جو شخص اللہ اور رسول کی اطاعت کرے گا وہ ان لوگوں کے ساتھ ہو گا جن پر اللہ نے انعام کیا جن کا تعلق انبیاء ، صدیقین ، شہداء اور صالحین سے ہے ۔ یہ روایت امام طبرانی نے معجم صغیر اور معجم اوسط میں نقل کی ہے ، اس کے رجال صحیح کے رجال ہیں صرف عبداللہ بن عمران عابدی کا معاملہ مختلف ہے ، اور وہ ثقہ ہے۔

جَاءَ رَجُلٌ إِلَى النَّبِيِّ فَقَالَ ← وعن عائشة

10938 - عَنِ الْحَسَنِ {وَإِذَا حُيِّيتُمْ بِتَحِيَّةٍ فَحَيُّوا بِأَحْسَنَ مِنْهَا} [النساء: 86] لَأَهْلِ الْإِسْلَامِ، أَوْ رُدُّوهَا عَلَى أَهْلِ الشِّرْكِ. رَوَاهُ أَبُو يَعْلَى، وَرِجَالُهُ ثِقَاتٌ.

حسن بصری فرماتے ہیں : (ارشاد باری تعالیٰ ہے :) ” جب تمہیں سلام کیا جائے تو تم اس سے زیادہ بہتر طریقے سے سلام کا جواب دو‘‘۔ (حسن بصری فرماتے ہیں:)اس سے مراد یہ ہے : اہل اسلام کے ساتھ ایسا کرو۔(ارشاد باری تعالیٰ ہے :) ’’یا تم اس کو لوٹا دو‘‘۔ حسن بصری کہتے ہیں : اس سے مراد یہ ہے : اہل شرک کو ویسا ہی جواب دو۔ یہ روایت امام ابو یعلیٰ نے نقل کی ہے، اور اس کے رجال ثقہ ہیں ۔

10939 - عَنْ عَبْدِ الرَّحْمَنِ بْنِ عَوْفٍ - رَضِيَ اللَّهُ عَنْهُ - «أَنَّ قَومًا مِنَ الْعَرَبِ أَتَوْا رَسُولَ اللَّهِ - صَلَّى اللَّهُ عَلَيْهِ وَسَلَّمَ - بِالْمَدِينَةِ، فَأَسْلَمُوا، وَأَصَابَهُمْ وَبَاءُ الْمَدِينَةِ حُمَّاهَا، فَأُرْكِسُوا فَخَرَجُوا مِنَ الْمَدِينَةِ، فَاسْتَقْبَلَهُمْ نَفَرٌ مِنْ أَصْحَابِهِ - يَعْنِي أَصْحَابَ النَّبِيِّ - صَلَّى اللَّهُ عَلَيْهِ وَسَلَّمَ - فَقَالُوا لَهُمْ: مَا لَكُمْ رَجَعْتُمْ؟ قَالُوا: أَصَابَنَا وَبَاءُ الْمَدِينَةِ فَاجْتَوَيْنَا الْمَدِينَةَ. فَقَالَ: مَا لَكُمْ فِي رَسُولِ اللَّهِ - صَلَّى اللَّهُ عَلَيْهِ وَسَلَّمَ - أُسْوَةٌ حَسَنَةٌ؟ فَقَالَ بَعْضُهُمْ: نَافَقُوا، وَقَالَ بَعْضُهُمْ: لَمْ يُنَافِقُوا هُمْ مُسْلِمُونَ، فَأَنْزَلَ اللَّهُ - عَزَّ وَجَلَّ -: {فَمَا لَكُمْ فِي الْمُنَافِقِينَ فِئَتَيْنِ وَاللَّهُ أَرْكَسَهُمْ بِمَا كَسَبُوا} [النساء: 88]- الْآيَةَ». رَوَاهُ أَحْمَدُ وَفِيهِ ابْنُ إِسْحَاقَ وَهُوَ مُدَلِّسٌ، وَأَبُو سَلَمَةَ لَمْ يَسْمَعْ مِنْ أَبِيهِ.

حضرت عبدالرحمٰن بن عوف رضی اللہ تعالیٰ عنہ بیان کرتے ہیں:عربوں سے تعلق رکھنے والی ایک قوم کے لوگ مدینہ منورہ میں نبی اکرم صلی اللہ علیہ وآلہ وسلم کی خدمت میں حاضر ہوئے انہوں نے اسلام قبول کر لیا مدینہ منورہ کی وباء نے انہیں اپنی لپیٹ میں لے لیاوہ بخار کا شکار ہو گئے انہیں واپس بھیج دیا گیا وہ مدینہ منورہ سے نکلے وہاں ان کا سامنا کچھ صحابہ کرام سے ہوا ان لوگوں نے ان سے دریافت کیا تم لوگ واپس کیوں آ گئے ہو ان لوگوں نے بتایا کہ مدینہ منورہ کی وباء نے ہمیں اپنی لپیٹ میں لے لیا تھامدینہ منورہ کی آب و ہوا ہمیں موافق نہیں آئی تو انہوں نے کہا: کیا تمہارے لئے اللہ کے رسول کے طریقے میں بہترین نمونہ نہیں ہے؟ ان میں سے کسی نے کہا: یہ لوگ منافق ہو گئے ہیں کسی نے کہا: یہ منافق نہیں ہوئے ہیں یہ مسلمان ہیں تو اللہ تعالیٰ نے یہ آیت نازل کی: ’’ کیا وجہ ہے کہ منافقین کے بارے میں تم دو گروہ ہو گئے ہو حالانکہ اللہ تعالیٰ نے ان کے کیے ہوئے اعمال کے بدلے میں انہیں اوندھا کر دیا ہے ‘‘۔ یہ روایت امام احمد نے نقل کی ہے اور اس کی سند میں ایک راوی ابن اسحاق ہے ، اور وہ مدلس ہے ، اور ابو سلمہ نامی راوی نے اپنے والد سے سماع نہیں کیا ہے ۔

عَبْدِ الرَّحْمَنِ بْنِ عَوْفٍ

10940 - عَنِ ابْنِ عَبَّاسٍ فِي قَوْلِهِ تَعَالَى: {فَإِنْ كَانَ مِنْ قَوْمٍ عَدُوٍّ لَكُمْ وَهُوَ مُؤْمِنٌ فَتَحْرِيرُ رَقَبَةٍ مُؤْمِنَةٍ} [النساء: 92] قَالَ: كَانَ الرَّجُلُ يَأْتِي النَّبِيَّ - صَلَّى اللَّهُ عَلَيْهِ وَسَلَّمَ - فَيُسْلِمُ، ثُمَّ يَرْجِعُ إِلَى قَوْمِهِ وَهُمْ مُشْرِكُونَ فِي سَرِيَّةٍ أَوْ غَزَاةٍ فَيُعْتِقُ الَّذِي يُصِيبُهُ رَقَبَةً، {وَإِنْ كَانَ مِنْ قَوْمٍ بَيْنَكُمْ وَبَيْنَهُمْ مِيثَاقٌ} [النساء: 92]، قَالَ: هُوَ الرَّجُلُ يَكُونُ مُعَاهَدًا، وَيَكُونُ قَوْمُهُ أَهْلَ عَهْدٍ، فَيُسَلِّمُ إِلَيْهِمُ الدِّيَةَ، وَيُعْتِقُ الَّذِي أَصَابَهُ رَقَبَةً. رَوَاهُ الطَّبَرَانِيُّ فِي الْأَوْسَطِ، وَفِيهِ عَطَاءُ بْنُ السَّائِبِ، وَقَدِ اخْتَلَطَ.

حضرت عبداللہ بن عباس رضی اللہ تعالیٰ عنہ اللہ تعالیٰ کے اس فرمان کے بارے میں بیان کرتے ہیں:(ارشاد باری تعالیٰ ہے:)’’اگر اس شخص کا تعلق تمہاری دشمن قوم سے ہواور وہ شخص مومن ہو تو ایسی صورت میں ایک مؤمن گردن کو آزاد کرنا ہوگا‘‘۔ حضرت عبداللہ بن عباس رضی اللہ تعالیٰ عنہ بیان کرتے ہیں:پہلے کوئی شخص نبی اکرم صلی اللہ علیہ وآلہ وسلم کے پاس آتا تھا اور اسلام قبول کر لیتا تھا، تو پھر وہ اپنی قوم کی طرف واپس چلا جاتا تھا وہ لوگ مشرک ہوتے تھے اور مسلمان کسی جنگی مہم یا لڑائی کے دوران اس شخص کو بھی قتل کر دیتے تھے تو جس شخص نے اسے قتل کیا ہوتا تھا وہ غلام آزاد کرتا تھا (ارشاد باری تعالیٰ ہے:) ، اوراگر اس شخص کا تعلق اس قوم سے ہو کہ تمہارے اور ان کے درمیان کوئی معاہدہ ہو‘‘۔ حضرت عبداللہ بن عباس رضی اللہ تعالیٰ عنہ فرماتے ہیں:اس سے مراد وہ شخص ہے جو ذمی ہواور اس کی قوم کے ساتھ عہد کیا گیا ہوتو ان لوگوں کو دیت ادا کی جائے گی اور جس شخص نے اسے قتل کیا ہے وہ غلام آزاد کرے گا۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی عطاء بن سائب ہے جو اختلاط کا شکار ہو گیا تھا۔

ابن عباس في قوله تعالى]

10941 - عَنْ أَبِي هُرَيْرَةَ - رَضِيَ اللَّهُ عَنْهُ - «عَنِ النَّبِيِّ - صَلَّى اللَّهُ عَلَيْهِ وَسَلَّمَ - فِي قَوْلِهِ عَزَّ وَجَلَّ: {وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ} [النساء: 93]، قَالَ: " إِنْ جَازَاهُ». رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ جَامِعٍ الْعَطَّارُ، وَهُوَ ضَعِيفٌ.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کے حوالے سے اللہ تعالیٰ کے اس فرمان کے بارے میں نقل کرتے ہیں:(ارشاد باری تعالیٰ ہے:)’’اور جو شخص کسی مومن کو جان بوجھ کر قتل کر دے تو اس کا بدلہ جہنم ہے‘‘۔ نبی اکرم صلی اللہ علیہ وآلہ وسلم فرماتے ہیں:اگر اللہ تعالیٰ نے اسے بدلہ دیا (تو وہ جہنم میں جائے گا)۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن جامع عطار ہے، اور وہ ضعیف ہے۔

النَّبِيِّ فِي قَوْلِهِ عَزَّ وَجَلَّ: {وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ} [النساء: ← أَبِي هُرَيْرَةَ،

10942 - عَنْ عَبْدِ اللَّهِ بْنِ أَبِي حَدْرَدٍ قَالَ: «بَعَثَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى إِضَمٍ، فَخَرَجْتُ فِي نَفَرٍ مِنَ الْمُسْلِمِينَ فِيهِمْ أَبُو قَتَادَةَ الْحَارِثُ بْنُ رِبْعِيٍّ وَمُحَلِّمُ بْنُ جَثَّامَةَ بْنِ قَيْسٍ، فَخَرَجْنَا حَتَّى إِذَا كُنَّا بِبَطْنِ إِضَمٍ مَرَّ بِنَا عَامِرُ بْنُ الْأَضْبَطِ الْأَشْجَعِيُّ عَلَى قَعُودٍ لَهُ، مَعَهُ مَتِيعٌ وَوَطْبٌ مِنْ لَبَنٍ، فَلَمْا مَرَّ بِنَا سَلَّمَ عَلَيْنَا فَأَمْسَكْنَا عَنْهُ، وَحَمَلَ عَلَيْهِ مُحَلِّمُ بْنُ جَثَّامَةَ فَقَتَلَهُ بِشَيْءٍ كَانَ بَيْنَهُ وَبَيْنَهُ، وَأَخَذَ بِعِيرَهُ وَمَتِيعَهُ، فَلَمَّا قَدِمْنَا عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَخْبَرْنَاهُ الْخَبَرَ نَزَلَ فِينَا الْقُرْآنُ {يَا أَيُّهَا الَّذِينَ آمَنُوا إِذَا ضَرَبْتُمْ فِي سَبِيلِ اللَّهِ فَتَبَيَّنُوا وَلَا تَقُولُوا لِمَنْ أَلْقَى إِلَيْكُمُ السَّلَامَ لَسْتَ مُؤْمِنًا تَبْتَغُونَ عَرَضَ الْحَيَاةِ الدُّنْيَا فَعِنْدَ اللَّهِ مَغَانِمُ كَثِيرَةٌ كَذَلِكَ كُنْتُمْ مِنْ قَبْلُ فَمَنَّ اللَّهُ عَلَيْكُمْ فَتَبَيَّنُوا إِنَّ اللَّهَ كَانَ بِمَا تَعْمَلُونَ خَبِيرًا} [النساء: 94]». رَوَاهُ أَحْمَدُ وَالطَّبَرَانِيُّ، وَرِجَالُهُ ثِقَاتٌ.

حضرت عبداللہ بن حدرد رضی اللہ تعالیٰ عنہ بیان کرتے ہیں:اللہ کے رسول نے ہمیں ’’اصم‘‘ کی طرف بھیجا میں کچھ مسلمانوں سمیت روانہ ہوا ان لوگوں میں حضرت ابو قتادہ حارث بن ربعی رضی اللہ تعالیٰ عنہ اور حضرت محلم بن جثامہ بن قیس رضی اللہ تعالیٰ عنہ بھی تھے ہم لوگ نکلے جب ہم’’ضم‘‘ کے نشیبی حصے میں پہنچ تو عامر بن اضبط اشجعی ہمارے پاس سے گزرا وہ اپنی سواری پر سوار تھا اور اس کے پاس سامان تھا اور دودھ کا برتن تھا جب وہ ہمارے پاس سے گزرا تو اس نے ہمیں سلام کیا ہم اس سے رُک گئے لیکن محلم بن جثامہ نے اس پر حملہ کر کے اسے قتل کر دیا جو کسی ایسی چیز کی وجہ سے تھا جو ان دونوں کے درمیان تھی انہوں نے اس شخص کا اونٹ اور اس کا سازو سامان لے لیا جب ہم نبی اکرم صلی اللہ علیہ وآلہ وسلم کی خدمت میں حاضر ہوئے تو آپ کو اس بارے میں بتایا ہمارے بارے میں قرآن کا یہ حکم نازل ہوا: ”اے ایمان والو! جب تم اللہ کی راہ میں سفر کرو تحقیق کر لیا کرو اور جس شخص نے تمہیں سلام کیا ہو تم اس کے بارے میں یہ نہ کہو کہ یہ مومن نہیں ہے تم دنیاوی زندگی کا سامان حاصل کرنا چاہتے ہو حالانکہ اللہ تعالیٰ کے پاس بہت زیادہ غنیمت ہے پہلے تم بھی اسی طرح تھے تو اللہ تعالیٰ نے تم پر احسان کیا تو تم تحقیق کر لیا کرو بے شک تم لوگ جو عمل کرتے ہواللہ تعالیٰ ان سے باخبر ہے‘‘۔یہ روایت امام احمد اور امام طبرانی نے نقل کی ہے، اور اس کے رجال ثقہ ہیں ۔

عَبْدِ اللَّهِ بْنِ أَبِي حَدْرَدٍ

10943 - وَعَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: «بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - سَرِيَّةً فِيهَا الْمِقْدَادُ بْنُ الْأَسْوَدِ، فَلَمَّا وَجَدُوا الْقَوْمَ وَجَدُوهُمْ قَدْ تَفَرَّقُوا، وَبَقِيَ رَجُلٌ لَهُ مَالٌ كَثِيرٌ لَمْ يَبْرَحْ فَقَالَ: أَشْهَدُ أَنْ لَا إِلَهَ إِلَّا اللَّهُ، فَأَهْوَى إِلَيْهِ الْمِقْدَادُ فَقَتَلَهُ. فَقَالَ لَهُ رَجُلٌ مِنْ أَصْحَابِهِ: أَقَتَلْتَ رَجُلًا يَشْهَدُ أَنْ لَا إِلَهَ إِلَّا اللَّهُ، لَأَذْكُرَنَّ ذَلِكَ لِلنَّبِيِّ - صَلَّى اللَّهُ عَلَيْهِ وَسَلَّمَ - فَلَمَّا قَدِمُوا عَلَى النَّبِيِّ - صَلَّى اللَّهُ عَلَيْهِ وَسَلَّمَ - قَالُوا: يَا رَسُولَ اللَّهِ، إِنَّ رَجُلًا شَهِدَ أَنْ لَا إِلَهَ إِلَّا اللَّهُ فَقَتَلَهُ الْمِقْدَادُ، فَقَالَ: " ادْعُ لِيَ الْمِقْدَادَ، يَا مِقْدَادُ أَقَتَلْتَ رَجُلًا يَقُولُ: لَا إِلَهَ إِلَّا اللَّهُ، فَكَيْفَ لَكَ بِلَا إِلَهَ إِلَّا اللَّهُ غَدًا؟ ". قَالَ: فَأَنْزَلَ اللَّهُ - تَبَارَكَ وَتَعَالَى -: {يَا أَيُّهَا الَّذِينَ آمَنُوا إِذَا ضَرَبْتُمْ فِي سَبِيلِ اللَّهِ فَتَبَيَّنُوا وَلَا تَقُولُوا لِمَنْ أَلْقَى إِلَيْكُمُ السَّلَامَ لَسْتَ مُؤْمِنًا تَبْتَغُونَ عَرَضَ الْحَيَاةِ الدُّنْيَا فَعِنْدَ اللَّهِ مَغَانِمُ كَثِيرَةٌ كَذَلِكَ كُنْتُمْ مِنْ قَبْلُ} [النساء: 94] فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِلْمِقْدَادِ: " كَانَ رَجُلًا مُؤْمِنًا يُخْفِي إِيمَانَهُ مَعَ قَوْمٍ كُفَّارٍ، فَأَظْهَرَ إِيمَانَهُ فَقَتَلْتَهُ، وَكَذَلِكَ كُنْتَ تُخْفِي إِيمَانَكَ بِمَكَّةَ مِنْ قَبْلُ». رَوَاهُ الْبَزَّارُ، وَإِسْنَادُهُ جَيِّدٌ.

حضرت عبداللہ بن عباس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ایک جنگی مہم روانہ کی اس میں حضرت مقداد بن اسود رضی اللہ تعالیٰ عنہ بھی شامل تھے جب وہ دشمن تک پہنچ تو انہوں نے دیکھا کہ وہ لوگ اِدھر اُدھر بکھر چکے ہیں اور ایک شخص باقی رہ گیا ہے جس کے پاس بہت زیادہ مال ہے وہ نہیں گیا تھا اس شخص نے کہا: میں اس بات کی گواہی دیتا ہوں کہ اللہ تعالیٰ کے علاوہ اور کوئی معبودنہیں ہے تو حضرت مقداد رضی اللہ تعالیٰ عنہ اس کی طرف بڑھے اور انہوں نے اسے قتل کر دیا۔ ان کے ساتھیوں میں سے ایک شخص نے ان سے کہا: کیا تم نے ایک ایسے شخص کو قتل کر دیا ہے جو اس بات کی گواہی دیتا ہے کہ اللہ تعالیٰ کے علاوہ اورکوئی معبودنہیں ہے میں اس بات کا تذکرہ نبی اکرم صلی اللہ علیہ وآلہ وسلم کے سامنے ضرور کروں گا جب وہ لوگ نبی اکرم صلی اللہ علیہ وآلہ وسلم کی خدمت میں حاضر ہوئے تو انہوں نے عرض کی : یا رسول اللہ! ایک شخص نے اس بات کی گواہی دی تھی کہ اللہ تعالیٰ کے علاوہ اور کوئی معبود نہیں ہے اور پھر بھی حضرت مقدار رضی اللہ تعالیٰ عنہ نے اسے قتل کر دیا۔ نبی اکرم صلی اللہ علیہ وآلہ وسلم نے ارشاد فرمایا: مقداد کو میرے پاس بلا کے لاؤ! اے مقداد! کیا تم نے ایک ایسے شخص کو قتل کر دیا جولا الہ الا اللہ پڑھ رہا تھا کل لا الہ الا اللہ کے مقابلے میں تمہاری دلیل کیا ہو گی؟ راوی کہتے ہیں تو اللہ تعالیٰ نے یہ آیت نازل کی : ”اے ایمان والو! جب تم اللہ کی راہ میں سفر کرو تو تحقیق کر لیا کرو اور جو شخص تمہیں سلام کہے تو تم اس کو یہ نہ کہو کہ تم مومن نہیں ہو تم لوگ دنیاوی زندگی کا ساز و سامان حاصل کرنا چاہتے ہو حالانکہ اللہ تعالیٰ کے پاس بہت زیادہ غنیمت ہے پہلے تم بھی اسی طرح تھے‘‘۔ نبی اکرم صلی اللہ علیہ وآلہ وسلم نے حضرت مقداد رضی اللہ تعالیٰ عنہ سے ارشاد فرمایا: وہ ایک مومن شخص تھا ، جو کفار کی قوم کے ساتھ رہتے ہوئے اپنے ایمان کو چھپائے ہوئے تھا پھر اس نے اپنے ایمان کا اظہار کر دیا تم نے پھر بھی اسے قتل کر دیا حالانکہ اس سے پہلے تم بھی مکہ میں اپنے ایمان کو چھپائے ہوئے رہتے تھے۔ یہ روایت امام بزار نے نقل کی ہے اور اس کی سند عمدہ ہے ۔

ابْنِ عَبَّاسٍ،

10944 - عَنِ الْفَلَتَانِ بْنِ عَاصِمٍ - رَضِيَ اللَّهُ عَنْهُ - قَالَ: «كُنَّا عِنْدَ النَّبِيِّ - صَلَّى اللَّهُ عَلَيْهِ وَسَلَّمَ - فَأَنْزَلَ اللَّهُ عَلَيْهِ، وَكَانَ إِذَا أُنْزِلَ عَلَيْهِ دَامَ بَصَرُهُ، مَفْتُوحَةً عَيْنَاهُ، وَفَرَغَ سَمْعُهُ وَقَلْبُهُ لِمَا يَأْتِيهِ مِنَ اللَّهِ، قَالَ: فَكُنَّا نَعْرِفُ ذَلِكَ مِنْهُ. قَالَ: فَقَالَ لِلْكَاتِبِ: " اكْتُبْ لَا يَسْتَوِي الْقَاعِدُونَ مِنَ الْمُؤْمِنِينَ وَالْمُجَاهِدُونَ فِي سَبِيلِ اللَّهِ ". قَالَ: فَقَامَ الْأَعْمَى فَقَالَ: يَا رَسُولَ اللَّهِ، مَا ذَنْبُنَا مَا نَزَّلَ اللَّهُ؟ فَقُلْنَا لِلْأَعْمَى: إِنَّهُ يَنْزِلُ عَلَى النَّبِيِّ - صَلَّى اللَّهُ عَلَيْهِ وَسَلَّمَ - فَخَافَ أَنْ يَكُونَ أَنْ يَنْزِلَ عَلَيْهِ شَيْءٌ فِي أَمْرِهِ، فَبَقِيَ قَائِمًا يَقُولُ: أَعُوذُ بِغَضَبِ رَسُولِ اللَّهِ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ - لِلْكَاتِبِ: اكْتُبْ {غَيْرُ أُولِي الضَّرَرِ} [النساء: 95]. رَوَاهُ أَبُو يَعْلَى وَالْبَزَّارُ بِنَحْوِهِ، وَالطَّبَرَانِيُّ بِنَحْوِهِ، إِلَّا أَنَّهُ قَالَ: فَبَقِيَ قَائِمًا يَقُولُ: أَتُوبُ إِلَى اللَّهِ»، وَرِجَالُ أَبِي يَعْلَى ثِقَاتٌ.

حضرت فلتان بن عاصم رضی اللہ تعالیٰ عنہ بیان کرتے ہیں:ہم لوگ نبی اکرم صلی اللہ علیہ وآلہ وسلم کے پاس موجود تھے اللہ تعالیٰ نے آپ پر وحی نازل کی جب آپ پر وحی نازل ہوتی تھی تو آپ کی آنکھیں کھلی رہتی تھی اور آپ کی سماعت اور توجہ اس کی طرف مبذول رہتی تھی جو اللہ تعالیٰ کی طرف سے حکم آیا ہوتا تھا ۔ راوی کہتے ہیں:ہمیں آپ کی کیفیت سے پتہ چل جاتا تھا (کہ آپ پر وحی نازل ہورہی ہے)راوی بیان کرتے ہیں : پھر آپ نے لکھنے والے سے یہ ارشاد فرمایا :تم یہ لکھو: ’’اہل ایمان میں سے بیٹھے رہ جانے والے (یعنی جہاد میں شرکت نہ کرنے والے )اور اللہ کی راہ میں جہاد کرنے والے لوگ برابر نہیں ہیں‘‘۔ راوی بیان کرتے ہیں:ایک نابینا صاحب کھڑے ہوئے انہوں نے عرض کی: یا رسول اللہ! ہمارا کیا قصور ہے اس بارے میں جو اللہ تعالیٰ نے نازل کیا ہے ہم نے اس نابینا شخص سے کہا: نبی اکرم صلی اللہ علیہ وآلہ وسلم پر وحی نازل ہو رہی ہے اس شخص کو یہ ڈر ہوا کہ کہیں اس کے بارے میں کوئی چیز نازل نہ ہو جائے وہ مسلسل کھڑا رہا اور یہ کہتا رہا کہ میں اللہ کے رسول کے غضب سے پناہ مانگتا ہوں ۔ نبی اکرم صلی اللہ علیہ وآلہ وسلم نے لکھنے والے سے فرمایا: تم یہ لکھو: ’’(بیٹھے رہ جانے والے یعنی جہاد میں شرکت نہ کرنے والے وہ لوگ )جنہیں کوئی ضرر لاحق نہ ہو‘‘۔ یہ روایت امام ابو یعلیٰ نے نقل کی ہے ، اور امام بزار نے اس کی مانند نقل کی ہے امام طبرانی نے بھی اس کی مانند نقل کی ہے تاہم انہوں نے یہ الفاظ نقل کیے ہیں : وہ شخص کھڑا ہوا یہی کہتا رہا :’’میں اللہ تعالیٰ کی بارگاہ میں توبہ کرتا ہوں‘‘۔ امام ابو یعلیٰ کے رجال ثقہ ہیں ۔

الفلتان بن عاصم

10945 - وَعَنِ ابْنِ عَبَّاسٍ فِي قَوْلِهِ تَعَالَى: {لَا يَسْتَوِي الْقَاعِدُونَ مِنَ الْمُؤْمِنِينَ غَيْرُ أُولِي الضَّرَرِ} [النساء: 95] قَالَ: هُمْ قَوْمٌ كَانُوا عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَا يَغْزُونَ مَعَهُ لَأَسْقَامٍ وَأَمْرَاضٍ وَأَوْجَاعٍ، وَآخَرُونَ أَصِحَّاءُ لَا يَغْزُونَ مَعَهُ، فَكَانَ الْمَرْضَى فِي عُذْرٍ مِنَ الْأَصِحَّاءِ. رَوَاهُ الطَّبَرَانِيُّ مِنْ طَرِيقَيْنِ، وَرِجَالُ أَحَدِهِمَا ثِقَاتٌ.

حضرت عبداللہ بن عباس رضی اللہ تعالیٰ عنہ اللہ تعالیٰ اس فرمان کے بارے میں بیان کرتے ہیں : (ارشاد باری تعالیٰ ہے : ’’اہل ایمان میں سے بیٹھے رہ جانے والے یعنی جہاد میں شرکت نہ کرنے والے وہ لوگ جنہیں کوئی ضرر لاحق نہ ہو‘‘۔ حضرت عبداللہ بن عباس رضی اللہ تعالیٰ عنہ فرماتے ہیں:یہ وہ لوگ تھے جو نبی اکرم صلی اللہ علیہ وآلہ وسلم کے زمانہ اقدس میں موجود تھے اور انہوں نے نبی اکرم صلی اللہ علیہ وآلہ وسلم کے ساتھ جنگ میں حصہ نہیں لیا اس کی وجہ کوئی بیماری کوئی مرض کوئی تکلیف تھی اسی طرح کچھ اور لوگ بھی تھے جو تندرست تھے لیکن انہوں نے بھی نبی اکرم صلی اللہ علیہ وآلہ وسلم کے ساتھ جنگ میں حصہ نہیں لیا تو تندرست لوگوں کے مقابلے میں بیمار لوگ معذور ہونے کی حالت میں تھے ۔یہ روایت امام طبرانی نے دو حوالوں سے نقل کی ہے جن میں سے ایک کے رجال ثقہ ہیں ۔

ابن عباس في قوله تعالى]

10946 - وَعَنْ زَيْدِ بْنِ أَرْقَمَ - رَضِيَ اللَّهُ عَنْهُ - قَالَ: «لَمَّا نَزَلَتْ لَا يَسْتَوِي الْقَاعِدُونَ مِنَ الْمُؤْمِنِينَ وَالْمُجَاهِدُونَ فِي سَبِيلِ اللَّهِ جَاءَ ابْنُ أُمِّ مَكْتُومٍ فَقَالَ: يَا رَسُولَ اللَّهِ، أَمَا لِي مِنْ رُخْصَةٍ؟ قَالَ: " لَا ". قَالَ ابْنُ أُمِّ مَكْتُومٍ: اللَّهُمَّ إِنِّي ضَرِيرٌ فَرَخِّصْ لِي. فَأَنْزَلَ اللَّهُ - عَزَّ وَجَلَّ -: {غَيْرُ أُولِي الضَّرَرِ} [النساء: 95] فَأَمَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِكِتَابَتِهَا». رَوَاهُ الطَّبَرَانِيُّ، وَرِجَالُهُ ثِقَاتٌ.

حضرت زید بن ارقم رضی اللہ تعالیٰ عنہ بیان کرتے ہیں : جب یہ آیت نازل ہوئی: ’’اہل ایمان میں سے بیٹھے رہ جانے والے لوگ اور اللہ کی راہ میں جہاد کرنے والے لوگ برابرنہیں ہیں‘‘۔ تو حضرت ابن اُم مکتوم رضی اللہ تعالیٰ عنہ آئے انہوں نے عرض کی: یارسول اللہ! کیا میرے لیے کوئی رخصت نہیں ہے؟ نبی اکرم صلی اللہ علیہ وآلہ وسلم نے ارشاد فرمایا: جی ہاں! حضرت ابن اُم مکتوم رضی اللہ تعالیٰ عنہ نے عرض کی : یا رسول اللہ! میری بینائی رخصت ہو چکی ہے تو مجھے رخصت عطا فرما دیں تو اللہ تعالیٰ نے یہ آیت نازل کی : ’’جنہیں کوئی ضرر نہ ہو‘‘۔ تو نبی اکرم صلی اللہ علیہ وآلہ وسلم نے اس کو تحریر کرنے کا حکم دیا۔یہ روایت امام طبرانی نے نقل کی ہے، اور اس کے رجال ثقہ ہیں ۔

زَيْدِ بْنِ أَرْقَمَ،

10947 - عَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: «لَمَّا نَزَلَتْ {إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ} [النساء: 97] إِلَى آخِرِ الْآيَةِ، قَالَ: كَانَ قَوْمٌ بِمَكَّةَ قَدْ أَسْلَمُوا، فَلَمَّا هَاجَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى الْمَدِينَةِ كَرِهُوا أَنْ يُهَاجِرُوا وَخَافُوا، فَأَنْزَلَ اللَّهُ - عَزَّ وَجَلَّ - {إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ} [النساء: 97] إِلَى قَوْلِهِ {إِلَّا الْمُسْتَضْعَفِينَ} [النساء: 98]». رَوَاهُ الطَّبَرَانِيُّ، وَفِيهِ قَيْسُ بْنُ الرَّبِيعِ، وَثَّقَهُ شُعْبَةُ وَغَيْرُهُ، وَضَعَّفَهُ جَمَاعَةٌ.

حضرت عبداللہ بن عباس رضی اللہ تعالیٰ عنہ بیان کرتے ہیں:جب یہ آیت نازل ہوئی : ” بے شک وہ لوگ جنہیں فرشتے اس حالت میں موت دیتے ہیں کہ جو اپنے اوپر ظلم کرنے والے ہوتے ہیں ۔۔۔۔۔ ‘‘یہ آیت کے آخر تک ہے۔ حضرت عبداللہ بن عباس رضی اللہ تعالیٰ عنہ بیان کرتے ہیں:مکہ میں کچھ لوگ تھے جو اسلام قبول کر چکے تھے جب نبی اکرم صلی اللہ علیہ وآلہ وسلم نے مدینہ منورہ کی طرف ہجرت کی تو ان لوگوں نے ہجرت کرنے کو ناپسند کیا اور وہ خوف زدہ ہو گئے تو اللہ تعالیٰ نے یہ آیت نازل کیا : ” بے شک وہ لوگ جنہیں فرشتے ایسی حالت میں موت دیتے ہیں کہ وہ لوگ اپنے اوپرظلم کرنے والے ہوتے ۔ ہیں‘‘.... یہ آیت یہاں تک ہے:’’البتہ کمزوروں کا معاملہ مختلف ہے‘‘۔ یہ روایت امام طبرانی نے نقل کی ہے۔ اس کی سند میں ایک راوی قیس بن ربیع ہے ، جسے شعبہ اور دیگر حضرات نے ثقہ قرار دیا ہے ، اور ایک جماعت نے اسے ضعیف کہا ہے۔

«لَمَّا نَزَلَتْ {إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ} [النساء: إِلَى آخِرِ الْآيَةِ، ← ابْنِ عَبَّاسٍ،