Majma uz Zawaid Wa Manba ul Fawaid

13831 - وَعَنْ مَيْمُونٍ قَالَ: سَأَلْتُ زَيْدَ بْنَ أَرْقَمَ: مَا كَانَ اسْمُ أُمِّ رَسُولِ اللَّهِ - صَلَّى اللَّهُ عَلَيْهِ وَسَلَّمَ [آمِنَةُ بِنْتُ وَهْبٍ]. رَوَاهُ الطَّبَرَانِيُّ، وَهَذَا مِمَّا لَا يَحْتَاجُ إِلَى إِسْنَادٍ.

میمون بیان کرتے ہیں: میں نے حضرت زید بن ارقم رضی اللہ تعالیٰ عنہ سے سوال کیا: نبی اکرم صلی اللہ علیہ وآلہ وسلم کی والدہ کا نام کیا تھا ؟ انہوں نے بتایا :سیّدہ آمنہ بنت وہب رضی اللہ تعالیٰ عنہ۔یہ روایت امام طبرانی نے نقل کی ہے‘ اور یہ ایسی بات ہے جس میں سند کی ضرورت نہیں ہے۔

مَيْمُونٍ،

13832 - وَعَنْ أَبِي أُمَامَةَ الْبَاهِلِيِّ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «لَمَّا بَلَغَ مَعْدُ بْنُ عَدْنَانَ أَرْبَعِينَ رَجُلًا، وَقَعُوا فِي عَسْكَرِ مُوسَى فَانْتَهَبُوهُ، فَدَعَا عَلَيْهِمْ مُوسَى بْنُ عِمْرَانَ - صَلَّى اللَّهُ عَلَيْهِ وَسَلَّمَ - قَالَ: يَا رَبِّ، هَؤُلَاءِ وَلَدُ مَعْدٍ قَدْ أَغَارُوا عَلَى عَسْكَرِي، فَأَوْحَى اللَّهُ عَزَّ وَجَلَّ إِلَيْهِ: يَا مُوسَى بْنُ عِمْرَانَ، لَا تَدْعُ عَلَيْهِمْ فَإِنَّ مِنْهُمُ النَّبِيَّ الْأُمِّيَّ النَّذِيرَ الْبَشِيرَ يَجِيءُ، وَمِنْهُمُ الْأُمَّةُ الْمَرْحُومَةُ، أُمَّةُ مُحَمَّدٍ الَّذِينَ يَرْضَوْنَ مِنَ اللَّهِ بِالْيَسِيرِ مِنَ الرِّزْقِ وَيَرْضَى اللَّهُ عَنْهُمْ بِالْقَلِيلِ مِنَ الْعَمَلِ، فَيُدْخِلُهُمُ اللَّهُ الْجَنَّةَ بِقَوْلِ لَا إِلَهَ إِلَّا اللَّهُ، نَبِيُّهُمْ مُحَمَّدُ بْنُ عَبْدِ اللَّهِ بْنِ عَبْدِ الْمُطَّلِبِ الْمُتَوَاضِعُ فِي هَيْئَتِهِ الْمُجْتَمِعُ لَهُ اللُّبُّ فِي سُكُوتِهِ، يَنْطِقُ بِالْحِكْمَةِ وَيَسْتَعْمِلُ الْحِلْمَ، أَخْرَجْتُهُ مِنْ خَيْرِ جِيلٍ مِنْ أَمَّتِهِ قُرَيْشًا، ثُمَّ أَخْرَجْتُهُ مِنْ هَاشِمٍ صَفْوَةً مِنْ قُرَيْشٍ، فَهُمْ خَيْرٌ مِنْ خَيْرٍ إِلَى خَيْرٍ يَصِيرُ، وَهُوَ وَأُمَّتُهُ إِلَى خَيْرٍ يَصِيرُونَ». رَوَاهُ الطَّبَرَانِيُّ، وَفِيهِ حسن بْنُ فَرْقَدٍ (*) وَهُوَ ضَعِيفٌ.

حضرت ابو امامہ باہلی رضی اللہ تعالیٰ عنہ بیان کرتے ہیں : میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: ’’جب معد بن عدنان کی اولا و چالیس افراد تک پہنچ گئی‘ تو انہوں نے حضرت موسیٰ علیہ السلام کے لشکر پر حملہ کر دیا اور ان کا سامان لوٹ لیا‘ تو حضرت موسیٰ بن عمران علیہ السلام نے ان لوگوں کے خلاف دعا کی اور یہ کہا: اے میرے پروردگار! یہ لوگ معدکی اولاد ہیں‘ جنہوں نے میرے لشکر پر حملہ کیا ہے‘ تو اللہ تعالیٰ نے ان کی طرف یہ وحی کی: ’’اے موسیٰ بن عمران ! تم ان کے خلاف دعا نہ کرو‘ کیونکہ ان لوگوں میں سے اُمی نبی پیدا ہوں گے‘ جو ڈرانے والے اور خوشخبری سنانے والے ہوں گے‘ اور انہی لوگوں میں ایک اُمت پیدا ہو گی‘ جس پر رحم کیا گیا ہو گا‘ اور وہ حضرت محمد صلی اللہ علیہ وآلہ وسلم کی اُمت ہے وہ ایسے لوگ ہوں گے کہ اللہ تعالیٰ کی طرف سے تھوڑ اسا رزق ملنے پر بھی راضی ہوں گے‘ اور اللہ تعالیٰ ان کی طرف سے تھوڑا سا عمل ظاہر ہونے پر راضی ہو گا‘ اللہ تعالیٰ ان لوگوں کے لا الہ الا اللہ پڑھنے کی وجہ سے انہیں جنت میں داخل کر دے گا‘ ان لوگوں کے نبی حضرت محمد بن عبداللہ بن عبد المطلب ہوں گے‘ جو ظاہری ہئیت کے اعتبار سے تواضع اختیار کرنے والے ہوں گے‘ اور ان کی خاموشی میں ان کے لئے عقل مندی کو اکٹھا کیا گیا ہو گا‘ وہ حکمت کے مطابق بات چیت کریں گے‘ بردباری سے پیش آئیں گے‘ میں انہیں ان کی اُمت کے سب سے بہترین خاندان قریش میں پیدا کروں گا‘ اور پھر میں انہیں قریش کے منتخب خاندان بنو ہاشم میں پیدا کروں گا‘ تو وہ ایک بھلائی سے دوسری بھلائی کی طرف منتقل ہوتے رہیں گے‘ اور ان کی اُمت بھی بھلائی کی طرف منتقل ہوتی رہے گی‘‘۔ یہ روایت امام طبرانی نے نقل کی ہے اس کی سند میں ایک راوی جسر بن فرقد ہے‘ اور وہ ضعیف ہے۔

أَبِي أُمَامَةَ الْبَاهِلِيِّ،

13833 - وَعَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أَنَا النَّبِيُّ لَا كَذِبْ أَنَا ابْنُ عَبْدِ الْمُطَّلِبْ، أَنَا أَعْرَبُ الْعَرَبْ، وُلِدْتُ فِي بَنِي قُرَيْشٍ، نَشَأْتُ فِي بَنِي سَعْدِ بْنِ بَكْرٍ، فَأَنَّى يَأْتِينِي اللَّحْنُ». رَوَاهُ الطَّبَرَانِيُّ، وَفِيهِمْ مُبَشِّرُ بْنُ عُبَيْدٍ وَهُوَ مَتْرُوكٌ.

حضرت ابو سعید خدری رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’میں نبی ہوں‘ یہ بات جھوٹ نہیں ہے‘ اور میں عبدالمطلب کا بیٹا ہوں میں عربوں میں سب سے زیاده فصیح اللسان ہوں‘ میری پیدائش بنو قریش میں ہوئی تھی‘ اور میری نشوونما بنو سعد بن بکر میں ہوئی‘ تو میرے اندر لحن کہاں سے آ سکتا ہے؟“۔ یہ روایت امام طبرانی نے نقل کی ہے‘ اس کی سند میں ایک راوی مبشر بن عبید ہے‘ اور وہ متروک ہے۔

أَبِي سَعِيدٍ الْخُدْرِيِّ،

13834 - وَعَنِ الْجَفْشِيشِ الْكِنْدِيِّ قَالَ: «جَاءَ قَوْمٌ مِنْ كِنْدَةَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالُوا: أَنْتَ مِنَّا. وَادَّعَوْهُ فَقَالَ: " لَا نَقْفُو أُمَّنَا وَلَا نَنْتَفِي مِنْ أَبِينَا، نَحْنُ وَلَدُ النَّضْرِ بْنِ كِنَانَةَ».

حضرت جفشيش کندی رضی اللہ تعالیٰ عنہ بیان کرتے ہیں: کندہ قبیلے کے کچھ لوگ نبی اکرم صلی اللہ علیہ وآلہ وسلم کے پاس آئے ‘ تو انہوں نے عرض کی:آپ ہم سے ہیں‘ ان لوگوں نے نبی اکرم صلی اللہ علیہ وآلہ وسلم سےنسبت کا دعویٰ کیا‘ تو نبی اکرم صلی اللہ علیہ وآلہ وسلم نے فرمایا: ’’ہم ماں کی طرف خود کو منسوب نہیں کرتے ہیں‘ اور اپنے باپ کی نفی نہیں کرتے ہیں‘ ہم نضر بن کنانہ کی اولاد ہیں‘‘۔

أَنْتَ مِنَّا وَادَّعَوْهُ، ← «جَاءَ قَوْمٌ مِنْ كِنْدَةَ إِلَى رَسُولِ اللَّهِ ← الجفشيش الكندي

13835 - وَفِي رِوَايَةٍ عَنِ الْجَفْشِيشِ قَالَ: قُلْتُ لِلنَّبِيِّ - صَلَّى اللَّهُ عَلَيْهِ وَسَلَّمَ. فَذَكَرَ نَحْوَهُ. رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُ.

ایک روایت میں یہ الفاظ ہیں: حضرت جفشيش کندی رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وآلہ وسلم کی خدمت میں عرض کی۔۔۔۔۔اس کے بعد راوی نے حسب سابق حدیث روایت کی ہے۔یہ روایت امام طبرانی نے نقل کی ہے‘ اور اس کی سند میں ایسا راوی ہے‘ جس سے میں واقف نہیں ہوں۔

قُلْتُ لِلنَّبِيِّ فَذَكَرَ نَحْوَهُ. رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُ. ← الْجَفْشِيشِ ← وَفِي رِوَايَةٍ

13836 - وَعَنْ سِيَابَةَ بْنِ عَاصِمٍ السُّلَمِيِّ، «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ يَوْمَ حُنَيْنٍ: " أَنَا ابْنُ الْعَوَاتِكِ». رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت سیابہ بن عاصم سلمی رضی اللہ تعالیٰ عنہ بیان کرتے ہیں: غزوہ حنین کے دن نبی اکرم صلی اللہ علیہ وآلہ وسلم نے فرمایا: ’’میں ’’عاتکہ‘‘ نامی خواتین کا بیٹا ہوں“۔ یہ روایت امام طبرانی نقل کی ہے‘ اور اس کے رجال ’’صحیح‘‘ کے رجال ہیں۔

سيابة بن عاصم السلمي

13837 - وَعَنْ رُقَيْقَةَ بِنْتِ أَبِي صَيْفِيِّ بْنِ هَاشِمٍ - وَكَانَتْ لِدَةَ عَبْدِ الْمُطَّلِبِ - قَالَتْ: تَتَابَعَتْ عَلَى قُرَيْشٍ سُنُونَ أَمْحَلَتِ الضَّرْعَ وَأَوْدَقَتِ الْعَظْمَ، فَبَيْنَا أَنَا رَاقِدَةٌ الَّهُمَّ أَوْ مَهْمُومَةٌ إِذَا هَاتِفٌ يَصْرُخُ بِصَوْتٍ صَحِلٍ يَقُولُ: يَا مَعْشَرَ قُرَيْشٍ، إِنَّ هَذَا النَّبِيَّ الْمَبْعُوثَ قَدْ أَظَلَّتْكُمْ أَيَّامَهُ، وَهَذَا إِبَّانُ نُجُومِهِ، فَحَيْهَلَا بِالْحَيَا وَالْخِصْبِ، أَلَا فَانْظُرُوا رَجُلًا مِنْكُمْ وَسِيطًا عِظَامًا جَسَامًا أَبْيَضَ بَضًّا، أَوْطَفَ، أَهْدَبَ، سَهْلَ الْخَدَّيْنِ، أَشَمَّ الْعِرْنِينِ، لَهُ فَخْرٌ يَكْظِمُ عَلَيْهِ، وَسُنَّةٌ يَهْدِي إِلَيْهِ، فَلْيُخْلِصْ هُوَ وَوَلَدُهُ وَلْيَهْبِطْ إِلَيْهِ مِنْ كُلِّ بَطْنٍ رَجُلٌ، فَلْيَشْنُوا مِنَ الْمَاءِ وَلْيَمَسُّوا مِنَ الطِّيبِ وَلِيَسْتَلِمُوا الرُّكْنَ، ثُمَّ لِيَرْقُوا أَبَا قُبَيْسٍ، ثُمَّ لِيَدْعُ الرَّجُلُ وَلِيُؤَمِّنِ الْقَوْمُ فَغُثْتُمْ مَا شِئْتُمْ. فَأَصْبَحْتُ - عِلْمُ اللَّهِ - مَذْعُورَةً اقْشَعَرَّ جِلْدِي وَوَلِهَ عَقْلِي، وَاقْتَصَصْتُ رُؤْيَايَ، وَفَشَتْ فِي شِعَابِ مَكَّةَ، فَوَالْحُرْمَةِ وَالْحَرَمِ، مَا بَقِيَ بِهَا أَبْطَحِيٌّ إِلَّا قَالَ: هَذَا شَيْبَةُ الْحَمْدِ. وَتَنَاهَتْ إِلَيْهِ رِجَالَاتُ قُرَيْشٍ، وَهَبَطَ إِلَيْهِ مِنْ كُلِّ بَطْنٍ رَجُلٌ، فَشَنُّوا وَمَسُّوا وَاسْتَلَمُوا ثُمَّ ارْتَقَوْا أَبَا قُبَيْسٍ وَاصْطَفُّوا حَوْلَهُ، مَا يَبْلُغُ سَعْيُهُمْ مَهِلَّهُ، حَتَّى إِذَا اسْتَوَوْا بِذُرْوَةِ الْجَبَلِ، قَامَ عَبْدُ الْمُطَّلِبِ وَمَعَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - غُلَامٌ أَيْفَعُ أَوْ كَرُبَ، فَرَفَعَ يَدَهُ وَقَالَ: اللَّهُمَّ سَادَّ الْخَلَّةِ، وَكَاشِفَ الْكُرْبَةِ، أَنْتَ عَالِمٌ مُعَلِّمٌ غَيْرَ مُعَلَّمٍ وَمَسْئُولٌ غَيْرَ مُبَخَّلٍ، وَهَذِهِ عُبُدَاؤُكَ وَإِمَاؤُكَ بَعَذَرَاتِ حَرَمِكَ، يَشْتَكُونَ إِلَيْكَ سِنِيهِمْ، أَذْهَبْتَ الْخَلْفَ وَالظِّلْفَ، اللَّهُمَّ فَأَمْطِرَنَ عَلَيْنَا غَيْثًا مُغْدِقًا مُرِيعًا. فَوَرَبِّ الْكَعْبَةِ مَا رَامُوا حَتَّى تَفَجَّرَتِ السَّمَاءُ بِمَائِهَا، وَاكْتَظَّ الْوَادِي بِثَجِيجِهِ، فَسَمِعَتْ شِيخَانُ قُرَيْشٍ وَجِلَّتُهَا عَبْدَ اللَّهِ بْنَ جُدْعَانَ، وَحَرْبَ بْنَ أُمَيَّةَ، وَهِشَامَ بْنَ الْمُغِيرَةِ، يَقُولُونَ لِعَبْدِ الْمُطَّلِبِ: هَنِيئًا لَكَ أَبَا الْبَطْحَاءِ. أَيْ عَاشَ بِكَ أَهْلُ الْبَطْحَاءِ وَفِي ذَلِكَ تَقُولُ رُقَيْقَةُ بِنْتُ أَبِي صَيْفِيٍّ: بِشَيْبَةِ الْحَمْدِ أَسْقَى اللَّهُ بَلْدَتَنَا ... وَقَدْ فَقَدْنَا الْحَيَا وَاجْلَوَّذَ الْمَطَرُ فَجَادَ بِالْمَاءِ جَوْنِيٌّ لَهُ سُبُلٌ ... سَحًّا فَعَاشَتْ بِهِ الْأَنْعَامُ وَالشَّجَرُ مَنًّا مِنَ اللَّهُ بِالْمَيْمُونِ طَائِرُهُ ... وَخَيْرِ مَنْ بُشِّرَتْ يَوْمًا بِهِ مُضَرُ مُبَارَكُ الْأَمْرِ يُسْتَسْقَى الْغَمَامُ بِهِ ... مَا فِي الْأَنَامِ لَهُ عَدْلٌ وَلَا خَطَرُ رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُمْ.

سیّدہ رقیقہ بنت ابو صیفی بن ہاشم رضی اللہ تعالیٰ عنہا بیان کرتی ہیں: نبی حضرت عبد المطلب کی والدہ ہیں‘ وہ بیان کرتی ہیں: قریش پر کچھ سال مسلسل ایسے آئے کہ جنہوں نے تھنوں کو خشک کر دیا اور ہڈیوں کو کمزور کر دیا‘ ایک مرتبہ میں پریشانی کے عالم میں لیٹی ہوئی تھی‘ اسی دوران کسی پکارنے والے نے پکار کر یہ کہا: اے قریش کے گروہ !یہ مبعوث ہونے والے نبی کا زمانہ تمہارے سامنے آنے لگا ہے‘ یہ ان کی آمد کاوقت ہے‘ تو حیاء اور خوشحالی کے لیے تیار ہو جاؤ!خبردار تم لوگ اپنے میں سے ایک ایسے شخص کا جائزہ لو‘ جو بھر پورا جسم کامالک ہو‘ جس کا رنگ سفید ہو‘ جلد خوبصورت ہو‘ اس میں ایسی بردباری ہو‘ جس کی وجہ سے وہ غصے پر قابو پاتا ہو‘ اور ایسا طریقہ ہو کہ اس کی طرف رہنمائی کی جاتی ہو‘ وہ اور ان کی اولاد الگ ہوں‘ پھر قریش کی ہر شاخ سے تعلق رکھنے والے ایک‘ ایک فرد کو اس کے ساتھ ہونا چاہیے‘ وہ غسل کریں‘ خوشبو لگائیں‘رکن کا استلام کریں اور پھر ابو قبیس پہاڑ پر چڑھ کر وہ شخص دعا کرے اور باقی لوگ آمین کہیں‘ تو تم لوگوں پر جتنی چاہو گے‘ اتنی بارش ہو گی‘ وہ خاتون بیان کرتی ہیں: الله جانتا ہے‘ جب اگلے دن صبح میں بیدار ہوئی‘ تو میں پریشان تھی اور میری جلد پر کپکپی طاری تھی اور میری عقل ماؤف ہو رہی تھی‘ میں نے اپنا خواب بیان کیا‘ تو بہت جلد یہ مکہ کی گلیوں میں پھیل گیا‘ حرمت اور حرم کی قسم ہے‘ ان کے ہر فرد نے یہی کہا: اس سے مراد شیبہ الحمد (یعنی جناب عبد المطلب) ہو سکتے ہیں‘ قریش کے افراد ان کے پاس آئے‘ ہر قبیلے کا ایک فرد ان کے پاس آیا‘ ان لوگوں نے غسل کیا‘ خوشبو لگائی‘ حجر اسود کا استلام کیا‘ پھر وہ لوگ ابو قیس پہاڑ پر چڑھ گئے‘ لوگوں نے ان کے اردگرد صفیں بنا لیں‘ یہاں تک کہ جب وہ لوگ پہاڑ کی چوٹی پر پہنچے تو جناب عبدالمطلب کے ساتھ نبی اکرم صلی اللہ علیہ وآلہ وسلم تھے‘ جوکم عمر لڑکے تھے‘ تو جناب عبد المطلب نے اپنے ہاتھ بلند کیے اور کہا:”اے اللہ! خلل کو بند کرنے والے پریشانی کو ختم کرنے والے‘ توعلم رکھنے والا ہے‘ جسے بتانے کی ضرورت نہیں ہے‘ تو ایسی ذات ہے‘ جس سے مانگا جاتا ہے‘ اور تو بخل کرنے والا نہیں ہے‘ یہ تیرے بندے ہیں اور یہ تیری کنیزیں ہیں‘ جو تیرے حرم کے پڑوس میں رہتے ہیں‘ وہ تیری بارگاہ میں پریشانی کا ذکر کر رہے ہیں‘ اس قحط سالی کے حوالے سے‘ جو انُہیں لاحق ہے‘ جس کے نتیجے میں جانور مرتے جا رہے ہیں‘ اے اللہ! تو ہم پر ایسی بارش کر دے‘ جوسیراب کرنے والی ہو‘‘۔راوی کہتے ہیں: رب کعبہ کی قسم! ابھی وہ لوگ واپس نہیں آئے تھے کہ اسی دوران آسمان سے بارش شروع ہو گئی اور نشیبی حصے میں پانی بہنے لگے‘ میں نے قریش کے کچھ لوگوں کو سنا‘ جن میں عبداللہ بن جدعان اور حرب بن امیہ اور ہشام بن مغیرہ تھے‘ وہ عبد المطلب سے یہ کہہ رہے تھے : اے ابو البطحاء! آپ کو مبارک باد ہو‘ ان کی مراد یہ تھی کہ آپ کی وجہ سے اہل بطحاء کو زندگی نصیب ہوئی ہے‘ اسی بارے میں سیّدہ رقیقہ بنت ابو سیفی رضی اللہ تعالیٰ عنہا نے یہ اشعار کہے تھے:’’اے شیبتہ الحمد! اللہ تعالیٰ نے ہمارے شہر کو سیراب کر دیا‘ پہلے ہم زندگی کوغیر موجود پاتے تھے لیکن پھر بھر پور بارش شروع ہو گئی‘ پانی آ گیا اور اس نے نشیبی علاقے میں راستے بنا لیے‘ جس نے جانوروں اور درختوں کو زندگی دیدی یہ اللہ تعالیٰ کی طرف سے احسان ہے جس کی آمد با برکت ہے‘ اور آج کے دن مضر (قبیلے کے افراد کو) دی جانے والی سب سے بہتر خوشخبری ہے یہ با برکت معا ملے والے ہیں ان کے وسیلے سے بارش مانگی گئی مخلوق میں کوئی بھی ان کے برابر کا نہیں اور نہ ہی (کسی کے بارے میں ایسا) سوچا جا سکتا ہے‘‘۔ یہ روایت امام طبرانی نے نقل کی ہے‘ اور اس کی سند میں ایسے راوی ہیں‘ جن سے میں واقف نہیں ہوں۔

رُقَيْقَةَ بِنْتِ أَبِي صَيْفِيِّ بْنِ هَاشِمٍ وَكَانَتْ لِدَةَ عَبْدِ الْمُطَّلِبِ

13838 - عَنِ ابْنِ عَبَّاسٍ قَالَ: «وُلِدَ النَّبِيُّ - صَلَّى اللَّهُ عَلَيْهِ وَسَلَّمَ - يَوْمَ الْإِثْنَيْنِ». فَذَكَرَ الْحَدِيثَ، وَقَدْ تَقَدَّمَ فِي الْعِلْمِ فِي بَابِ التَّارِيخِ. رَوَاهُ أَحْمَدُ وَالطَّبَرَانِيُّ.

حضرت عبداللہ بن عباس رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم پیر کے دن پیدا ہوئے تھے۔۔۔۔۔اس کے بعد راوی نے پوری روایت ذکر کی ہے‘ جو اس سے پہلے کتاب العلم میں تاریخ سے متعلق باب میں گزر چکی ہے۔یہ روایت امام احمد اور امام طبرانی نے نقل کی ہے۔

«وُلِدَ النَّبِيُّ يَوْمَ الْإِثْنَيْنِ». ← ابْنِ عَبَّاسٍ،

13839 - وَعَنْ عُثْمَانَ بْنِ أَبِي الْعَاصِ قَالَ: أَخْبَرَتْنِي أُمِّي قَالَتْ: «شَهِدْتُ آمِنَةَ لَمَّا وَلَدَتْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَلَمَّا ضَرَبَهَا الْمَخَاضُ نَظَرَتْ إِلَى النُّجُومِ تَنْزِلُ تَدَلَّى حَتَّى إِنِّي أَقُولُ: لَتَقَعَنَّ عَلَيَّ. فَلَمَّا وَلَدَتْ خَرَجَ لَهَا نُورٌ أَضَاءَ لَهُ الْبَيْتُ الَّذِي نَحْنُ فِيهِ وَالدَّارُ، فَمَا شَيْءٌ أَنْظُرُ إِلَيْهِ إِلَّا نُورًا». رَوَاهُ الطَّبَرَانِيُّ، وَفِيهِ عَبْدُ الْعَزِيزِ بْنُ عِمْرَانَ وَهُوَ مَتْرُوكٌ.

حضرت عثمان بن ابو العاص رضی اللہ تعالیٰ عنہ بیان کرتے ہیں: میری والدہ نے مجھے بتایا کہ میں اس وقت سیّدہ آمنہ رضی اللہ تعالیٰ عنہا کے پاس موجود تھی‘ جب انہوں نے نبی اکرم صلی اللہ علیہ وآلہ وسلم کو جنم دیا‘ جب انہیں پیدائش کی تکلیف شروع ہوئی‘ تو میں نے ستاروں کو دیکھا جیسے وہ نیچے آ رہے ہیں‘ یہاں تک کہ مجھے یہ محسوس ہوا کہ کہیں وہ میرے اوپر نہ گر جائیں‘ جب پیدائش ہوئی تو ان کے جسم سے ایک نور نکلا‘ جس کی وجہ سے پورا گھر روشن ہو گیا‘ جس میں ہم موجود تھے اور وہ پورا گھر اور آس پاس کا حصہ روشن ہو گیا‘ میں جس چیز کی طرف دیکھتی تھی‘ وہاں نورنظر آتا تھا۔یہ روایت امام طبرانی نقل کی ہے‘ اس کی سند میں ایک راوی عبدالعزیز بن عمران ہے‘ اور وہ متروک ہے۔

أَخْبَرْتِنِي أُمِّي، ← عُثْمَانَ بْنِ أَبِي الْعَاصِ

13840 - «وَعَنْ حَلِيمَةَ بِنْتِ الْحَارِثِ، أُمِّ رَسُولِ اللَّهِ - صَلَّى اللَّهُ عَلَيْهِ وَسَلَّمَ - السَّعْدِيَّةِ الَّتِي أَرْضَعَتْهُ قَالَتْ: خَرَجْتُ فِي نِسْوَةٍ مِنْ بَنِي سَعْدِ بْنِ بَكْرٍ نَلْتَمِسُ الرُّضَعَاءَ بِمَكَّةَ، عَلَى أَتَانٍ لِي قَمْرَاءَ قَدْ أَذْمَتْ فَزَاحَمْتُ بِالرَّكْبِ. قَالَتْ: وَخَرَجْنَا فِي سَنَةٍ شَهْبَاءَ لَمْ تُبْقِ لَنَا شَيْئًا، وَمَعِي زَوْجِي الْحَارِثُ بْنُ عَبْدِ الْعُزَّى. قَالَتْ: وَمَعَنَا شَارِفٌ لَنَا، وَاللَّهِ إِنْ تَبِضَّ عَلَيْنَا بِقَطْرَةٍ مِنْ لَبَنٍ، وَمَعِي صَبِيٌّ لِي إِنْ نَنَامُ لَيْلَتَنَا مَعَ بُكَائِهِ، مَا فِي ثَدْيِي مَا يُعْتِبُهُ، وَمَا فِي شَارِفِنَا مِنْ لَبَنٍ نَغْذُوهُ إِلَّا أَنَّا نَرْجُو. فَلَمَّا قَدِمْنَا مَكَّةَ لَمْ يَبْقَ مِنَّا امْرَأَةٌ إِلَّا عُرِضَ عَلَيْهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَتَأْبَاهُ، وَإِنَّمَا كُنَّا نَرْجُو كَرَامَةَ رَضَاعِهِ مِنْ وَالِدِ الْمَوْلُودِ، وَكَانَ يَتِيمًا، فَكُنَّا نَقُولُ: مَا عَسَى أَنْ تَصْنَعَ أُمُّهُ؟ حَتَّى لَمْ يَبْقَ مِنْ صَوَاحِبِي امْرَأَةٌ إِلَّا أَخَذَتْ صَبِيًّا، غَيْرِي، وَكَرِهْتُ أَنْ أَرْجِعَ وَلَمْ آخُذْ شَيْئًا وَقَدْ أَخَذَ صَوَاحِبِي، فَقُلْتُ لِزَوْجِي: وَاللَّهِ لَأَرْجِعَنَّ إِلَى ذَلِكَ فَلْآخُذَنَّهُ. قَالَتْ: فَأَتَيْتُهُ فَأَخَذْتُهُ فَرَجَعْتُهُ إِلَى رَحْلِي، فَقَالَ زَوْجِي: قَدْ أَخْذَتِيهِ؟ فَقُلْتُ: نَعَمْ وَاللَّهِ، ذَاكَ أَنِّي لَمْ أَجِدْ غَيْرَهُ. فَقَالَ: قَدْ أَصَبْتِ، فَعَسَى اللَّهُ أَنْ يَجْعَلَ فِيهِ خَيْرًا. فَقَالَتْ: وَاللَّهِ مَا هُوَ إِلَّا أَنْ جَعَلْتُهُ فِي حِجْرِي قَالَتْ: فَأَقْبَلَ عَلَيْهِ ثَدْيِي بِمَا شَاءَ مِنَ اللَّبَنِ، قَالَتْ: فَشَرِبَ حَتَّى رُوِيَ وَشَرِبَ أَخُوهُ - تَعْنِي ابْنَهَا - حَتَّى رُوِيَ، وَقَامَ زَوْجِي إِلَى شَارِفِنَا مِنَ اللَّيْلِ، فَإِذَا هِيَ حَافِلٌ فَحَلَبَتْ لَنَا مَا سَنَّنَنَا، فَشَرِبَ حَتَّى رُوِيَ، قَالَتْ: وَشَرِبْتُ حَتَّى رُوِيتُ، فَبِتْنَا لَيْلَتَنَا تِلْكَ بِخَيْرٍ، شِبَاعًا رِوَاءً، وَقَدْ نَامَ صَبْيَانِنَا، قَالَتْ: يَقُولُ أَبُوهُ - يَعْنِي زَوْجَهَا -: وَاللَّهِ يَا حَلِيمَةُ مَا أَرَاكِ إِلَّا أَصَبْتِ نَسَمَةً مُبَارَكَةً، قَدْ نَامَ صَبِيُّنَا وَرُوِيَ. قَالَتْ: ثُمَّ خَرَجْنَا، فَوَاللَّهِ لَخَرَجَتْ أَتَانِي أَمَامَ الرَّكْبِ قَدْ قَطَعَتْهُ حَتَّى مَا يَبْلُغُونَهَا، حَتَّى أَنَّهُمْ لَيَقُولُونَ: وَيْحَكِ يَا بِنْتَ الْحَارِثِ، كُفِّي عَلَيْنَا، أَلَيْسَتْ هَذِهِ بِأَتَانِكِ الَّتِي خَرَجْتِ عَلَيْهَا؟ فَأَقُولُ: بَلَى وَاللَّهِ وَهِيَ قُدَّامُنَا. حَتَّى قَدِمْنَا مَنَازِلَنَا مِنْ حَاضِرِ بَنِي سَعْدِ بْنِ بَكْرٍ، فَقَدِمْنَا عَلَى أَجْدَبِ أَرْضِ اللَّهِ، فَوَالَّذِي نَفْسُ حَلِيمَةَ بِيَدِهِ إِنْ كَانُوا لَيُسَرِّحُونِ أَغْنَامَهُمْ إِذَا أَصْبَحُوا، وَيُسَرِّحُ رَاعِي غَنَمِي فَتَرُوحُ غَنَمِي بِطَانًا لَبَنًا حُفَّلًا، وَتَرُوحُ أَغْنَامُهُمْ جِيَاعًا هَالِكَةً مَا بِهَا مِنْ لَبَنٍ. قَالَتْ: فَشَرِبْنَا مَا شِئْنَا مِنْ لَبَنٍ وَمَا فِي الْحَاضِرِ أَحَدٌ يَحْلِبُ قَطْرَةً وَلَا يَجِدُهَا، فَيَقُولُونَ لِرُعَاتِهِمْ: وَيْلَكُمُ أَلَا تُسَرِّحُونَ حَيْثُ يُسَرِّحُ رَاعِي حَلِيمَةَ؟ فَيُسَرِّحُونَ فِي الشِّعْبِ الَّذِي يُسَرِّحُ فِيهِ رَاعِينَا، وَتَرُوحُ أَغْنَامُهُمْ جِيَاعًا مَا بِهَا مِنْ لَبَنٍ وَتَرُوحُ غَنَمِي حُفْلًا لَبَنًا. قَالَتْ: وَكَانَ - صَلَّى اللَّهُ عَلَيْهِ وَسَلَّمَ - يَشِبُّ فِي الْيَوْمِ شَبَابَ الصَّبِيِّ فِي شَهْرٍ، وَيَشِبُّ فِي الشَّهْرِ شَبَابَ الصَّبِيِّ فِي سَنَةٍ، فَبَلَغَ سِتًّا وَهُوَ غُلَامٌ جَفْرٌ. قَالَتْ: فَقَدِمْنَا عَلَى أُمَّهُ فَقُلْنَا لَهَا، وَقَالَ لَهَا أَبُوهُ رُدُّوا عَلَيْنَا ابْنِي فَلْنَرْجِعْ بِهِ فَإِنَّا نَخْشَى عَلَيْهِ وَبَاءَ مَكَّةَ. قَالَتْ: وَنَحْنُ أَضَنُّ بِشَأْنِهِ لِمَا رَأَيْنَا مِنْ بَرَكَتِهِ قَالَتْ: فَلَمْ نَزَلْ بِهَا حَتَّى قَالَتْ: ارْجِعَا بِهِ. فَرَجَعْنَا بِهِ فَمَكَثَ عِنْدَنَا شَهْرَيْنِ. قَالَتْ: فَبَيْنَا هُوَ يَلْعَبُ وَأَخُوهُ يَوْمًا خَلْفَ الْبُيُوتِ، يَرْعَيَانِ بِهِمَا لَنَا إِذْ جَاءَنَا أَخُوهُ يَشْتَدُّ، فَقَالَ لِي وَلِأَبِيهِ: أَدْرِكَا أَخِي الْقُرَشِيَّ، قَدْ جَاءَهُ رَجُلَانِ فَأَضْجَعَاهُ فَشَقَّا بَطْنَهُ، فَخَرَجْنَا نَحْوَهُ نَشْتَدُّ، فَانْتَهَيْنَا إِلَيْهِ وَهُوَ قَائِمٌ مُنْتَقِعٌ لَوْنُهُ، فَاعْتَنَقَهُ أَبُوهُ وَاعْتَنَقْتُهُ، ثُمَّ قُلْنَا: مَالَكَ أَيْ بُنَيَّ؟ قَالَ: " أَتَانِي رَجُلَانِ عَلَيْهِمَا ثِيَابٌ بَيَاضٌ فَأَضْجَعَانِي ثُمَّ شَقَّا بَطْنِي، فَوَاللَّهِ مَا أَدْرِي مَا صَنَعَا ". قَالَتْ: فَاحْتَمَلْنَاهُ فَرَجَعْنَا بِهِ، قَالَتْ: يَقُولُ أَبُوهُ: وَاللَّهِ يَا حَلِيمَةُ، مَا أَرَى هَذَا الْغُلَامَ إِلَّا قَدْ أُصِيبَ، فَانْطَلِقِي فَلْنَرُدَّهُ إِلَى أَهْلِهِ قَبْلَ أَنْ يَظْهَرَ بِهِ مَا نَتَخَوَّفُ عَلَيْهِ. قَالَتْ: فَرَجِعْنَا بِهِ إِلَيْهَا فَقَالَتْ: مَا رَدَّكُمَا بِهِ؟ وَقَدْ كُنْتُمَا حَرِيصِينَ عَلَيْهِ. قَالَتْ: فَقُلْتُ: لَا وَاللَّهِ إِنَّا كَفَلْنَاهُ وَأَدَّيْنَا الْحَقَّ الَّذِي يَجِبُ عَلَيْنَا فِيهِ. ثُمَّ تَخَوَّفْتُ الْأَحْدَاثَ عَلَيْهِ، فَقُلْتُ: يَكُونُ فِي أَهْلِهِ، قَالَتْ: فَقَالَتْ أُمُّهُ: وَاللَّهِ مَا ذَاكَ بِكُمَا، فَأَخْبِرَانِي خَبَرَكُمَا وَخَبَرَهُ. قَالَتْ: فَوَاللَّهِ مَا زَالَتْ بِنَا حَتَّى أَخْبَرْنَاهَا خَبَرَهُ، قَالَتْ: فَتَخَوَّفْتُمَا عَلَيْهِ؟ كَلَّا وَاللَّهِ، إِنَّ لِابْنِي هَذَا لَشَأْنًا، أَلَا أُخْبِرُكُمَا عَنْهُ؟ إِنِّي حَمَلْتُ بِهِ فَلَمْ أَرَ حَمْلًا قَطُّ كَانَ أَخَفَّ وَلَا أَعْظَمَ بَرَكَةً مِنْهُ، ثُمَّ رَأَيْتُ نُورًا كَأَنَّهُ شِهَابٌ خَرَجَ مِنْ حِينِ وَضَعْتُهُ، أَضَاءَتْ لِي أَعْنَاقُ الْإِبِلِ بِبُصْرَى، ثُمَّ وَضَعْتُهُ، فَمَا وَقَعَ كَمَا تَقَعُ الصِّبْيَانُ، وَقَعَ وَاضِعًا يَدَهُ بِالْأَرْضِ رَافِعًا رَأْسَهُ إِلَى السَّمَاءِ، دَعَاهُ وَالْحَقَا بِشَأْنِكُمَا». رَوَاهُ أَبُو يَعْلَى وَالطَّبَرَانِيُّ بِنَحْوِهِ، إِلَّا أَنَّهُ قَالَ: حَدَّى حَلِيمَةُ بِنْتُ أَبِي ذُؤَيْبٍ، وَرِجَالُهُمَا ثِقَاتٌ.

سیّدہ حلیمہ بنت حارث سعدیہ رضی اللہ تعالیٰ عنہا‘ جو نبی اکرم صلی اللہ علیہ وآلہ وسلم کی رضائی ماں ہیں‘ وہ بیان کرتی ہیں: ”میں بنو بکر بن سعد کی کچھ خواتین کے ساتھ نکلی‘ ہمارا مقصد مکہ میں دودھ پینے والے بچے کو حاصل کرنا تھا‘ میں ایک گدھی پر سوار ہوئی‘ جس کا رنگ سفید تھا اور وہ تھکی ہوئی تھی‘ وہ دوسرے سواروں کے ساتھ نہیں چل پاتی تھی‘ سیّدہ حلیمہ رضی اللہ تعالیٰ عنہا بیان کرتی ہیں: ہم قحط سالی کے زمانے میں نکلے تھے‘ ہماری کوئی چیز باقی نہیں بچی تھی‘ میرے ساتھ میرے شوہر حارث بن عبدالعزیٰ تھے‘ سیده حلیمہ رضی اللہ تعالیٰ عنہا کہتی ہیں: ہمارے ساتھ ہماری ایک اونٹنی بھی تھی‘ اللہ کی قسم! اس کا دودھ تھوڑا تھوڑا کر کے اترتا تھا‘ میرےساتھ میرا بچہ بھی تھا‘ رات کو جب ہم سوتے تھے‘ تو وہ رو رہا ہوتا تھا کیونکہ میری چھاتی میں اتنا دودھ نہیں تھا‘ جو اسے سیراب کر سکے اور ہماری اونٹنی کا بھی اتنا دودھ نہیں ہوتا تھا کہ ہم اسے غذا فراہم کر سکیں‘ لیکن پھر بھی ہمیں امید تھی‘ جب ہم مکہ آئے‘ تو ہم میں سے ہر ایک خاتون کونبی اکرم صلی اللہ علیہ وآلہ وسلم کے بارے میں پیشکش کی گئی‘ لیکن ہر خاتون نے انکار کر دیا کیونکہ ہم خواتین کو یہ امید تھی کہ بچے کا باپ دودھ پلانے کے عوض میں اچھا معاوضہ دے گا اورنبی اکرم صلی اللہ علیہ وآلہ وسلم یتیم تھے‘ تو ہم یہ سوچتے تھے کہ اس کی والدہ کیا کر لیں گی؟ یہاں تک کہ یہ صورت حال ہو گئی کہ ہماری ساتھی خواتین نے کوئی نہ کوئی بچہ حاصل کر لیا‘ صرف مجھے کوئی بچہ نہیں ملا‘ مجھے یہ بات بھی اچھی نہیں لگی کہ میں ایسے ہی چلی جاؤں‘ کہ میں نے کوئی بچہ نہ لیا ہو‘ اور میری ساتھی خواتین نے بچے کے لیے ہوں‘ تو میں نے اپنے شوہر سے کہا: اللہ کی قسم! میں ان لوگوں کی طرف جاتی ہوں اور بچے کو حاصل کر لیتی ہوں‘ سیّدہ حلیمہ رضی اللہ تعالیٰ عنہا کہتی ہیں: میں نبی اکرم صلی اللہ علیہ وآلہ وسلم کے گھر آئی اور میں نے نبی اکرم صلی اللہ علیہ وآلہ وسلم کو لے لیا‘ جب میں آپ کو لے کر واپس اپنی رہائشی جگہ پر آئی‘ تو میرے شوہر نے دریافت کیا: تم نے اسے لے لیا ہے؟ میں نے جواب دیا: جی ہاں! الله کی قسم! مجھے اس کے علاوہ اور کوئی بچہ نہیں ملا‘ تو میرے شوہر نے کہا: تم نے ٹھیک کیا ہے‘ الله تعالیٰ اس میں بھلائی پیدا کر دے گا‘ سیّدہ حلیمہ رضی اللہ تعالیٰ عنہا کہتی ہیں: اللہ کی قسم! میں نے آپ کو اپنی گود میں لیا‘ تو آپ میری چھاتی کی طرف آئے اور آپ نے جتنا چاہا دودھ پی لیا‘ آپ نے اتنا دودھ پیا کہ آپ سیر ہو گئے‘ پھر آپ کے بھائی نے یعنی سیّدہ حلیمہ رضی اللہ تعالیٰ عنہا کے بیٹے نے بھی دودھ پیا‘ یہاں تک کہ وہ بھی سیر ہو گیا‘ رات کے وقت میرا شوہر اٹھ کر ہماری اونٹنی کے پاس گیا‘ تو وہ دودھ سے بھری ہوئی تھی‘ اس نے ہمارے لئے اتنا دودھ دوہ لیا‘ جس کے ذریعے ہمارا رات کا گزارا ہو سکتا تھا‘ انہوں نے دودھ پیا‘ یہاں تک کہ وہ سیر ہو گئے‘ میں نے دودھ پیا‘ یہاں تک کہ میں بھی سیر ہو گئی‘ تو وہ رات ہم نے ایسی حالت میں گزاری کہ ہم لوگ سیر تھے اور ہمارے بچے بھی سوتے رہے۔سیّدہ حلیمہ رضی اللہ تعالیٰ عنہا کہتی ہیں: اس بچے کے باپ نے‘ یعنی سیدہ حلیمہ رضی اللہ تعالیٰ عنہا کے شوہر نے کہا: اللہ کی قسم! اے حلیمہ! تمہارے بارے میں میرا یہ خیال ہے کہ تم نے ہمارے لئے ایک برکت والے وجود کو حاصل کیا ہے‘ ہمارے بچے سو رہے ہیں اور وہ سیر بھی ہیں‘ سیّدہ حلیمہ رضی اللہ تعالیٰ عنہا بیان کرتی ہیں: پھر ہم لوگ وہاں سے روانہ ہوئے‘ اللہ کی قسم! میری گدھی‘ تمام سواروں سے آگے نکل رہی تھی‘ یہاں تک کہ وہ اتنی آگے چلی جاتی تھی کہہ دوسرے لوگ اس تک نہیں پہنچ پاتے تھے‘ یہاں تک کہ وہ یہ کہنے پر مجبور ہو گئے کہ اے حارث کی صاحبزادی! تمہارا ستیاناس ہو‘ اسے روک کے رکھو‘ کیا یہ تمہاری وہی گدھی نہیں ہے؟ جس پر سوار ہو کے تم آئی تھیں‘ تو میں کہتی تهی: جی ہاں! اللہ کی قسم !لیکن وہ پھر بھی آگے آگے ہی رہی‘ یہاں تک کہ ہم بنو سعد بن بکر کے علاقے میں اپنی رہائشی جگہ پر آ گئے‘ ہم ایک ایسی جگہ پر آئے تھے‘ جو اللہ کی زمین میں سب سے زیادہ خشک سالی والی تھی‘ اس ذات کی قسم! جس کے دست قدرت میں حلیمہ کی جان ہے‘ صبح کے وقت لوگ اپنی بکریاں بھیجا کرتے تھے اور میرا چرواہا میری بکریاں لے کر جایا کرتا تھا‘ شام کو میری بکریاں آتی تھیں تو وہ صحت مند ہوتی تھیں اور ان کے تھن دودھ سے بھرے ہوئے ہوتے تھے اور لوگوں کی بکریاں بھی آتی تھیں‘ ہلاکت کا شکار ہوتی تھیں‘ ان کے تھنوں میں دودھ نہیں ہوتا تھا‘ سیّدہ حلیمہ رضی اللہ تعالیٰ عنہا کہتی ہیں: ہم جتنا چاہتے تھے اتنا دودھ پی سکتے تھے اور باقی لوگوں میں سے کی ایک کے دودھ کا ایک قطرہ نہیں نکلتا تھا‘ وہ انہیں میسر ہی نہیں ہوتا تھا‘ وہ اپنے چرواہوں سے کہتے تھے:تم لوگوں کا ستیاناس ہو‘ تم وہاں جانور کیوں نہیں چراتے ہو؟ جہاں حلیم کا چرواہ چراتا ہے‘ تو وہ لوگ اس گھاٹی میں آ جاتے تھے‘ جہاں ہمارے چرواہا جا رہا ہوتا تھا لیکن پھر بھی ان کی بکریاں بھی آتی تھیں‘ ان میں دودھ نہیں ہوتا تھا اور میری بکریاں دودھ سے بھری ہوئی آتی تھیں۔سیّدہ حلیمہ رضی اللہ تعالیٰ عنہا بیان کرتی ہیں: نبی اکرم صلی اللہ علیہ وآلہ وسلم ایک دن میں‘ اتنے بڑے ہو رہے تھے‘ جتنا کوئی بچہ ایک مہینے میں بڑا ہوتا ہے‘ اور آپ ایک مہینے میں‘ اتنے بڑے محسوس ہوتے تھے‘ جیسے کوئی بچہ ایک سال میں بڑا ہوتا ہے‘ یہاں تک کہ چھ ماہ کی عمر میں‘ آپ ایک بڑے پچھے لگتے تھے‘ سیّدہ حلیمہ رضی اللہ تعالیٰ عنہا بیان کرتی ہیں : ہم لوگ آپ کی والدہ کے پاس آئے‘ ہم نے ان سے کہا: آپ اپنے بچے کو ہمارے پاس رہنے دیں ہم اسے واپس لے جاتے ہیں‘ کیونکہ ہمیں یہ اندیشہ ہے کہ مکہ کی وباء اسے نقصان پہنائے گی‘ سیده حلیمہ رضی اللہ تعالیٰ عنہا کہتی ہیں: ہم نے کیونکہ نبی اکرم صلی اللہ علیہ وآلہ وسلم کی برکت دیکھی ہوئی تھی‘ اس لئے ہم آپ کے حوالے سے حریص تھے‘ سیّدہ حلیمہ رضی اللہ تعالیٰ عنہا کہتی ہیں: ہم مسلسل اس حوالے سے بات چیت کرتے رہے‘ یہاں تک کہ نبی اکرم صلی اللہ علیہ وآلہ وسلم کی والدہ نے کہا: تم دونوں اسے ساتھ لے جاؤ! تو ہم نبی اکرم صلی اللہ علیہ وآلہ وسلم کو ساتھ لے کے واپس آ گئے‘ نبی اکرم صلی اللہ علیہ وآلہ وسلم دو ماہ ہمارے پاس ٹھہرے رہے۔سیّدہ حلیمہ رضی اللہ تعالیٰ عنہا بیان کرتی ہیں: ایک مرتبہ نبی اکرم صلی اللہ علیہ وآلہ وسلم اور نبی اکرم صلی اللہ علیہ وآلہ وسلم کے رضائی بھائی گھروں کے پیچھے کھیل رہے تھے اور وہ ہمارے جانوروں کو بھی چرا رہے تھے‘ اسی دوران نبی اکرم نبی اکرم صلی اللہ علیہ وآلہ وسلم کا رضاعی بھائی ہمارے پاس دوڑتا ہوا آیا‘ اس نے مجھ سے اور اپنے والد سے کہا: آپ دونوں میرے قر یشی بھائی کے پاس پہنچیں‘ اس کے پاس دو آدمی آئے ہیں‘ ان دونوں نے اسے لٹا لیا ہے‘ اس کے پیٹ کو چیر دیا ہے‘ تو ہم لوگ دوڑتے ہوئے ان کی طرف گئے‘ جب ہم ان کے پاس پہنچے‘ تو نبی اکرم صلی اللہ علیہ وآلہ وسلم کھڑے ہوئے تھے اور آپ کی رنگت تبدیل ہو چکی تھی‘ میرے شوہر نے اور میں نے نبی اکرم صلی اللہ علیہ وآلہ وسلم کو گلے لگا لیا‘ پھر ہم نے کہا: اے میرے بیٹے ! کیا ہوا ہے؟ تو انہوں نے بتایا: دو آدمی میرے پاس آئے‘ جن کے جسم پر سفید لباس تھے ان دونوں نے مجھے لٹا دیا‘ پھر انہوں نے میرا سینہ چیر دیا‘ اللہ کی قسم! مجھے نہیں سمجھ آئی کہ انہوں نے کیا کیا ہے؟ سیّدہ حلیمہ رضی اللہ تعالیٰ عنہا کہتی ہیں تو ہم نے انہیں گود میں اٹھایا اور انہیں لے کر واپس آ گئے‘ سیّدہ حلیمہ رضی اللہ تعالیٰ عنہا کہتی ہیں: نبی اکرم صلی اللہ علیہ وآلہ وسلم نے رضاعی باپ سے کہا: الله کی قسم !اے حلیمہ!اس لڑکے بارے میں میرا یہ خیال ہے کہ اسے کوئی نقصان پہنچ سکتا ہے‘ تو تم چلو! تاکہ ہم اسے اس کے گھر والوں کولوٹا دیں‘ اس سے پہلے کہ اس کے ساتھ وہ چیز پیش آئے جس کے حوالے سے ہمیں اندیشہ ہے۔سیّدہ حلیمہ رضی اللہ تعالیٰ عنہا بیان کرتی ہیں: ہم آپ کو ساتھ لے کر نبی اکرم صلی اللہ صلی اللہ علیہ وآلہ وسلم کی والدہ کے پاس آئے‘ انہوں نے ہم سے در یافت کیا: تم لوگ اسے لے کر کیوں آ گئے ہو؟ تم دونوں تو اسے اپنے ساتھ رکھنے پر حریص تھے؟ سیّدہ حلیمہ رضی اللہ تعالیٰ عنہا کہتی ہیں : میں نے کہا: جی نہیں! اللہ کی قسم! ہم نے اس کی کفالت کر دی ہے‘ اورحق ادا کر دیا ہے‘ جو ہمارے ذمہ اس کے حوالے سے لازم تھا اور ہمیں اس کے بارے میں کوئی نقصان پہنچنے کا اندیشہ ہوا‘ تو ہم نے سوچا کہ یہ اپنے گھر والوں میں ہی رہے‘ سیّدہ حلیمہ رضی اللہ تعالیٰ عنہا کہتی ہیں: نبی اکرم صلی اللہ علیہ وآلہ وسلم کی والدہ نے کہا: اللہ کی قسم! یہ معاملہ نہیں ہے‘ تم لوگ مجھے اصل بات بتاؤ‘ جو تمہارے اور اس کے بارے میں ہے‘ سیّدہ حلیمہ رضی اللہ تعالیٰ عنہا کہتی ہیں: اللہ کی قسم! وہ مسلسل ہمارے ساتھ بات چیت کرتی رہیں‘ یہاں تک کہ ہم نے نبی اکرم صلی اللہ علیہ وآلہ وسلم کی صورت حال کے بارے میں انہیں بتا دیا‘ تو انہوں نے کہا: کیا تم دونوں کو اس کے حوالے سے اندیشہ ہے؟ اللہ کی قسم! ایسا ہرگز نہیں ہو گا‘ میرے بیٹے کی بڑی شان ہو گی‘ کیا میں تم دونوں کو اس کے بارے میں بتاؤں؟ جب مجھے اس کا حمل ہوا تو میں نے کوئی ایسا حمل نہیں دیکھا‘ جو اس سے زیادہ ہلکا اور اس سے زیادہ برکت والا ہو‘ پھر میں نے نور کو دیکھا‘ جو ایک ستارے کی طرح تھا اور وہ اس وقت نکلا‘ جب میں نے اس کو جنم دیا تھا‘ تو اس کی وجہ سے بصریٰ میں موجود اونٹوں کی گردنیں میرےسامنے روشن ہو گئیں‘ پھر میں نے اس کو جنم دیا‘ تو یہ اس طرح نہیں آیا‘ جس طرح دوسرے کےبچے آتے ہیں‘ اس نے اپنا ہاتھ زمین پر رکھا تھا اور سر آسمان کی طرف اٹھایا ہوا تھا اور یہ دعا کر رہا تھا بہر حال تم لوگ چلے جاؤ۔یہ روایت امام ابو یعلیٰ نقل کی ہے‘ اور امام طبرانی نے اس کی مانند نقل کی ہے‘ تاہم انہوں نے یہ الفاظ نقل کیے ہیں:’’نبی اکرم صلی اللہ علیہ وآلہ وسلم سیّدہ حلیمہ بنت ابو زؤیب رضی اللہ تعالیٰ عنہ کے ہاں مقیم رہے‘‘۔ ان دونوں روایات کے رجال ثقہ ہیں۔

حَلِيمَةَ بِنْتِ الْحَارِثِ أُمِّ رَسُولِ اللَّهِ السَّعْدِيَّةِ الَّتِي أَرْضَعَتْهُ

13841 - عَنْ عُتْبَةَ بْنِ عَبْدٍ أَنَّهُ حَدَّثَهُمْ «أَنَّ رَجُلًا سَأَلَ رَسُولَ اللَّهِ - صَلَّى اللَّهُ عَلَيْهِ وَسَلَّمَ فَقَالَ: كَيْفَ كَانَ أَوَّلُ شَأْنِكَ يَا رَسُولَ اللَّهِ؟ فَقَالَ: " كَانَتْ حَاضِنَتِي مِنْ بَنِي سَعْدِ بْنِ بَكْرٍ، فَانْطَلَقْتُ أَنَا وَابْنٌ لَهَا فِي بُهْمٍ لَنَا وَلَمْ نَأْخُذْ مَعَنَا زَادًا فَقُلْتُ: يَا أَخِي اذْهَبْ فَائْتِنَا بِزَادٍ مِنْ عِنْدِ أُمِّنَا. فَانْطَلَقَ أَخِي وَمَكَثْتُ عِنْدَ الْبُهْمِ، فَأَقْبَلَ طَائِرَانِ أَبْيَضَانِ كَأَنَّهُمَا نَسْرَانِ، فَقَالَ أَحَدُهُمَا لِصَاحِبِهِ: أَهُوَ هُوَ؟ قَالَ: نَعَمْ. فَأَقْبَلَا يَبْتَدِرَانِي، فَأَخَذَانِي فَبَطَحَانِي إِلَى الْقَفَا، فَشَقَّا بَطْنِي ثُمَّ اسْتَخْرَجَا قَلْبِي، فَشَقَّاهُ فَأَخْرَجَا مِنْهُ عَلَقَتَيْنِ سَوْدَاوَيْنِ، فَقَالَ أَحَدُهُمَا لِصَاحِبِهِ: ائْتِنِي بِمَاءِ ثَلْجٍ. فَغَسَلَا بِهِ جَوْفِي، ثُمَّ قَالَ: ائْتِنِي بِمَاءٍ بَرَدٍ. فَغَسَلَا بِهِ قَلْبِي، ثُمَّ قَالَ: ائْتِنِي بِالسِّكِّينَةِ. فَدَارَهَا فِي قَلْبِي، ثُمَّ قَالَ أَحَدُهُمَا لِصَاحِبِهِ: حُصَّهُ فَحَصَّهُ، وَخَتَمَ عَلَيْهِ بِخَاتَمِ النُّبُوَّةِ». - وَفِي رِوَايَةٍ: " «وَاخْتِمْ عَلَيْهِ بِخَاتَمِ النُّبُوَّةِ - قَالَ أَحَدُهُمَا لِصَاحِبِهِ: اجْعَلْهُ فِي كِفَّةٍ، وَاجْعَلْ أَلْفًا مِنْ أُمَّتِهِ فِي كِفَّةٍ. فَإِذَا أَنَا أَنْظُرُ إِلَى الْأَلْفِ فَوْقِي أُشْفِقُ أَنْ يَخِرَّ عَلَيَّ بَعْضُهُمْ، فَقَالَ: لَوْ أَنَّ أُمَّتَهُ وُزِنَتْ بِهِ لَمَالَ بِهِمْ. فَانْطَلَقَا وَتَرَكَانِي قَدْ فَرِقْتُ فَرَقًا شَدِيدًا، ثُمَّ انْطَلَقْتُ إِلَى أُمِّي فَأَخْبَرْتُهَا بِالَّذِي لَقِيتُ، فَأَشْفَقَتْ عَلَيَّ أَنْ يَكُونَ الْبَأْسُ بِي، فَقَالَتْ: أُعِيذُكَ بِاللَّهِ. فَرَحَّلَتْ بَعِيرًا لَهَا فَجَعَلَتْنِي - أَوْ فَحَمَلَتْنِي - عَلَى الرَّحْلِ وَرَكِبَتْ خَلْفِي، حَتَّى بَلَغْنَا إِلَى أُمِّي، فَقَالَتْ: أَدَّيْتُ أَمَانَتِي وَذِمَّتِي. فَحَدَّثْتُهَا بِالَّذِي لَقِيتُ فَلَمْ يَرُعْهَا ذَلِكَ، قَالَتْ: إِنِّي رَأَيْتُ خَرَجَ مِنِّي نُورٌ أَضَاءَتْ لَهُ قُصُورُ الشَّامِ». رَوَاهُ أَحْمَدُ وَالطَّبَرَانِيُّ، وَلَمْ يَسُقِ الْمَتْنَ، وَإِسْنَادُ أَحْمَدَ حَسَنٌ.

حضرت عتبہ بن عبد رضی اللہ تعالیٰ عنہ بیان کرتے ہیں : ایک شخص نےنبی اکرم صلی اللہ علیہ وآلہ وسلم سے سوال کیا‘ اس نے کہا: یا رسول اللہ! آپ کے معاملے کا آغاز کیسے ہوا؟ آپ صلی اللہ علیہ وآلہ وسلم نے فرمایا: ’’میری دائی ماں کا تعلق بنو سعد بن بکر سے تھا‘ ایک مرتبہ میں اور ان کا بیٹا جانوروں میں موجود تھے‘ ہمارے پاس کھانے کے لئے کچھ نہیں تھا‘ میں نے کہا: اے میرے بھائی ! تم جاو اور ہمارے لیے والدہ کے پاس سے کھانے کے لئے لے آؤ‘ میرا بھائی چلا گیا اور میں جانوروں کے پاس ٹھہر گیا‘ اسی دوران دو سفید رنگ کے پرندے آئے‘ وہ دونوں باز لگ رہے تھے‘ ان میں سے ایک نے دوسرے سے کہا: کیا یہ وہی ہیں؟ دوسرے نے کہا: جی ہاں! وہ دونوں لپک کر میرے پاس آئے‘ انہوں نے مجھے پکڑا اور مجھے چت لٹاد یا‘ انہوں نے میرا پیٹ چیر دیا‘ پھر انہوں نے میرا دل نکالا‘ پھر اسے چیر دیا‘ پھر اس میں سے دو سیاہ رنگ کے گوشت کے لوتھڑے نکالے‘ پھر ان میں سے ایک نے دوسرے سے کہا: میرے پاس ٹھنڈا پانی لے کر آؤ‘ پھر ان دونوں نے اس پانی کے ذریعے میرے پیٹے کو دھویا‘ پھر اس نے کہا: میرے پاس ٹھنڈا پانی لے کر آؤ ! انہوں نے اس کے ذریعے میرے دل کو دھویا‘ پھر اس نے کہا: میرے پاس سکینت لے کے آؤ! اوہ انہوں نے میرے دل میں ڈال دی‘ پھر ان میں سے ایک نے دوسرے سے کہا: ان کو سی وو!اس نے اسے سی دیا اور اس پر مہر نبوت لگا دی۔ ایک روایت میں یہ الفاظ ہیں : تم اس پر مہر نبوت لگا دو!ان میں سے ایک نے دوسرے سے کہا: نہیں ایک پلڑے میں رکھو اور ان کی اُمت کے ایک ہزار افراد کو دوسرے پلڑے میں رکھو‘ نبی اکرم صلی اللہ علیہ وآلہ وسلم فرماتے ہیں: جب میں نے اپنے اوپر ایک ہزار لوگوں کو دیکھا تو مجھے یہ ڈر ہوا کہ کہیں ان میں سے کوئی میرے اوپر نہ گر جائے‘ اس نے کہا: اگر ان کی پوری اُمت کے ساتھ ان کا وزن کیا جائے تو یہ ان سب سے وزنی ہوں گے‘ پھر وہ دونوں چلے گئے‘ اور مجھے چھوڑ گئے‘ میں اس بات سے خوف زدہ ہو گیا‘ پھر میں اپنی والدہ کے پاس آیا اور انہیں اس صورت حال کے بارے میں بتایا‘ جس کا میں نے سامنا کیا تھا‘ تو وہ بھی میرے حوالے سے پریشان ہو گئیں کہ مجھے کوئی چیز لاحق نہ ہو جائے‘ تو انہوں نے کہا: میں تمہیں اللہ کی پناہ میں دیتی ہوں‘ پھر انہوں نے اپنے اونٹ پر پالان رکھا اور مجھے اپنے ساتھ پالان پر سوار کروایا اور خود میرے پیچھے بیٹھ گئیں‘ یہاں تک کہ ہم لوگ میری والدہ کے پاس پہنچ گئے‘ توسیده حلیمہ رضی اللہ تعالیٰ عنہا نے کہا: میں نے اپنی امانت اور ذمہ کو ادا کر دیا ہے‘ پھر انہوں نے میری والدہ کو اس صورت حال کے بارے میں بتایا‘ جس کا مجھے سامنا کرنا پڑا تھا‘ تو میری والدہ اس سے حوالے سے پریشان نہیں ہوئیں‘ انہوں نے بتایا: کہ میں نے اپنے میں سے ایک نور نکلتے ہوئے دیکھا تھا‘ جس کی وجہ سے شام کے محلات روشن ہو گئے تھے‘‘۔ یہ روایت امام احمد اور امام طبرانی نے نقل کی ہے‘ انہوں نے اس کا متن نقل نہیں کیا ہے‘ امام احمدکی سند حسن ہے۔

أن رجلا سأل رسول الله فقال كيف كان أول شأنك ← عُتبةَ بنِ عبدٍ أنَّه

13842 - «وَعَنْ أَبِي أُمَامَةَ قَالَ: قُلْتُ: يَا رَسُولَ اللَّهِ، مَا كَانَ بَدْءُ أَوَّلِ أَمْرِكَ؟ قَالَ: " دَعْوَةُ إِبْرَاهِيمَ، وَبُشْرَى عِيسَى، وَرَأَتْ أُمِّي أَنَّهُ يَخْرُجُ مِنْهَا نُورٌ أَضَاءَتْ مِنْهُ قُصُورُ الشَّامِ». رَوَاهُ أَحْمَدُ، وَإِسْنَادُهُ حَسَنٌ وَلَهُ شَوَاهِدُ تُقَوِّيهِ. وَرَوَاهُ الطَّبَرَانِيُّ.

حضرت ابو امامہ رضی اللہ تعالیٰ عنہ بیان کرتے ہیں: میں نے عرض کی: یا رسول الله! آپ کے معاملے کا آغاز کیسے ہوا؟ نبی اکرم صلی اللہ علیہ وآلہ وسلم نے ارشاد فرمایا:’’(میں) حضرت ابراہیم علیہ السلام کی دعا‘ حضرت عیسیٰ علیہ السلام کی خوشخبری کا نتیجہ ہوں‘ میری والدہ نے یہ چیز دیکھی کہ ان میں سے ایک نور نکلا اور اس نور کی وجہ سے شام کے محلات روشن ہو گئے‘‘۔یہ روایت امام احمد نے نقل کی ہے‘ اور اس کی سند حسن ہے اس روایت کے شواہد موجود ہیں‘ جو اس کو تقویت دیتے ہیں‘ یہ روایت امام طبرانی نے بھی نقل کی ہے۔

قُلْتُ ← وعن أبي أمامة