Majma uz Zawaid Wa Manba ul Fawaid

14035 - وَعَنْ أَبِي الطُّفَيْلِ قَالَ: «رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَوْمَ فَتْحِ مَكَّةَ فَمَا أَنْسَى بَيَاضَ وَجْهِهِ مَعَ شِدَّةِ سَوَادِ شَعْرِهِ، إِنَّ مِنَ الرِّجَالِ مَنْ هُوَ أَطْوَلُ مِنْهُ، وَمِنْهُمْ مَنْ هُوَ أَقْصَرُ مِنْهُ، يَمْشِي وَيَمْشُونَ حَوْلَهُ، فَقُلْتُ لِأُمِّي: مَنْ هَذَا؟ قَالَتْ: هَذَا رَسُولُ اللَّهِ - صَلَّى اللَّهُ عَلَيْهِ وَسَلَّمَ». قُلْتُ: لَهُ حَدِيثٌ فِي الصَّحِيحِ غَيْرُ هَذَا. رَوَاهُ الطَّبَرَانِيُّ، وَفِيهِ جَابِرٌ الْجُعْفِيُّ وَهُوَ ضَعِيفٌ. وَرَوَاهُ الْبَزَّارُ بِاخْتِصَارٍ، وَرِجَالُهُ رِجَالُ الصَّحِيحِ.

حضرت ابو طفیل رضی اللہ تعالیٰ عنہ بیان کرتے ہیں: فتح مکہ کے دن میں نےنبی اکرم صلی اللہ علیہ وآلہ وسلم علی کو دیکھا‘ میں آپ کے بالوں کی سیاہی کے ہمراہ آپ کے چہرے کی سفیدی نہیں بھولا‘ لوگوں میں ایسے لوگ بھی موجود تھے‘ جو آپ سے طویل القامت تھے اور جو آپ سے کوتاه قامت تھے آپ چل رہے تھے‘ اور لوگ آپ کے اردگرد چل رہے‘ میں نے اپنی والدہ سے دریافت کیا: یہ صاحب کون ہیں؟ تو انہوں نے بتایا: اللہ کے رسول صلی اللہ علیہ وآلہ وسلم ہیں۔ (علامہ ہیثمی فرماتے ہیں:) میں یہ کہتا ہوں : ان صحابی کے حوالے سے صحیح میں ایک حدیث منقول ہے‘ جو اس روایت کے علاوہ ہے۔ یہ روایت امام طبرانی نے نقل کی ہے‘ اس کی سند میں ایک راوی جا بر جعفی ہے‘ اور وہ ضعیف ہے۔ یہ روایت امام بزار نے اختصار کے ساتھ نقل کی ہے‘ اور اس کے رجال ’’صحیح ‘‘ کے رجال ہیں۔

أَبِي الطُّفَيْلِ،

14036 - وَعَنْ أُمِّ هَانِئٍ قَالَتْ: «مَا نَظَرْتُ إِلَى بَطْنِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَطُّ إِلَّا ذَكَرْتُ الْقَرَاطِيسَ بَعْضُهَا عَلَى بَعْضٍ». رَوَاهُ الطَّبَرَانِيُّ، وَفِيهِ جَابِرٌ الْجُعْفِيُّ وَهُوَ ضَعِيفٌ.

سید ہ اُم ہانی رضی اللہ تعالیٰ عنہا بیان کرتی ہیں: ’’میں نے جب بھی نبی اکرم صلی اللہ علیہ وآلہ وسلم کے پیٹ کی طرف دیکھا‘ تو مجھے یہی خیال آیا کہ جیسے قراطیس کو ایک دوسرے کے اوپر رکھا ہوا ہے‘‘۔ یہ روایت امام طبرانی نے نقل کی ہے‘ اس کی سند میں ایک راوی جابر جعفی ہے‘ اور وہ ضعیف ہے۔

أُمِّ هَانِئٍ

14037 - وَعَنْ جَابِرِ بْنِ سَمُرَةَ قَالَ: «كَانَتْ إِصْبَعُ النَّبِيِّ - صَلَّى اللَّهُ عَلَيْهِ وَسَلَّمَ - مُتَظَاهِرَةً». رَوَاهُ عَبْدُ اللَّهِ وَفِيهِ سَلَمَةُ بْنُ حَفْصٍ وَهُوَ ضَعِيفٌ.

حضرت جابر بن سمرہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کی انگلیاں متظاہرہ تھیں۔ یہ روایت عبداللہ نے نقل کی ہے‘ اس کی سند میں ایک راوی سلمہ بن حفص ہے‘ اور وہ ضعیف ہے۔

فِيهِ سَلَمَةُ بْنُ حَفْصٍ وَهُوَ ضَعِيفٌ. ← «كَانَتْ إِصْبَعُ النَّبِيِّ مُتَظَاهِرَةً». رَوَاهُ عَبْدُ اللَّهِ ← جَابِرَ بْنَ سَمُرَةَ

14038 - وَعَنْ مَيْمُونَةَ بِنْتِ كَرْدَمٍ قَالَتْ: «رَأَيْتُ النَّبِيَّ - صَلَّى اللَّهُ عَلَيْهِ وَسَلَّمَ - وَكَانَتْ إِصْبَعُهُ الَّتِي تَلِي الْإِبْهَامَ لَهَا فَضْلٌ فِي الطُّولِ عَلَى الْإِبْهَامِ. تَعْنِي: مِنَ الرِّجْلِ». رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُمْ.

سیّدہ میمونہ بنت کردم رضی اللہ تعالیٰ عنہابیان کرتی ہیں : میں نے نبی اکرم صلی اللہ علیہ وآلہ وسلم کو دیکھا‘ آپ کی انگوٹھے کے ساتھ والی انگلی‘ انگوٹھے سے ذرا بڑی تھی‘ راوی کہتے ہیں : اس خاتون کی مراد یہ تھی کہ پاؤں کی انگلیاں ایسی تھیں۔یہ روایت امام طبرانی نے نقل کی ہے‘ اس کی سند میں ایسے راوی ہیں‘ جن سے میں واقف نہیں ہوں۔

رأيت النبي ← مَيْمُونَةَ بِنْتِ كَرْدَمٍ

14039 - وَعَنْ سَعِيدِ بْنِ الْمُسَيَّبِ أَنَّهُ سَمِعَ أَبَا هُرَيْرَةَ يَصِفُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «كَانَ رَجُلًا رَبْعَةً وَهُوَ إِلَى الطُّولِ أَقْرَبُ، شَدِيدَ الْبَيَاضِ، أَسْوَدَ اللِّحْيَةِ، حَسَنَ الشَّعْرِ، أَهْدَبَ أَشْفَارِ الْعَيْنَيْنِ، بَعِيدَ مَا بَيْنَ الْمَنْكِبَيْنِ، يَطَأُ بِقَدَمَيْهِ جَمِيعًا لَيْسَ لَهُ أَخْمَصُ، يُقْبِلُ جَمِيعًا، وَيُدْبِرُ جَمِيعًا، لَمْ أَرَ مِثْلَهُ قَبْلَهُ وَلَا بَعْدَهُ». رَوَاهُ الْبَزَّارُ وَرِجَالُهُ وُثِّقُوا.

سعید بن مسیب بیان کرتے ہیں: انہوں نے حضرت ابو ہریره رضی اللہ تعالیٰ عنہ کونبی اکرم صلی اللہ علیہ وآلہ وسلم کا حلیہ بیان کرتے ہوئے سنا‘ انہوں نے فرمایا:’’نبی اکرم صلی اللہ علیہ وآلہ وسلم درمیانے قد و قامت کے مالک تھے‘ تا ہم آپ طوالت کی طرف زیادہ قریب تھے‘ آپ کا رنگ انتہائی سفید تھا اور داڑھی سیاہ تھی‘ آپ کے بال خوبصورت تھے‘ آنکھوں کی پلکیں لمبی تھیں‘ کندھوں کے درمیان فاصلہ زیادہ تھا‘ آپ دونوں پاؤں جما کر چلتے تھے‘ آپ کا تلوا بالکل سیدھا تھا‘ آپ مکمل طور پر سامنے آتے تھے اور مکمل طور پر مڑ جاتے تھے‘ میں نے آپ سے پہلے اور آپ کے بعد آپ صلی اللہ علیہ وآلہ وسلم جیسا کوئی نہیں دیکھا‘‘۔یہ روایت امام بزار نے نقل کی ہے‘ اور اس کے رجال کی توثیق کی گئی ہے۔

أَبَا هُرَيْرَةَ، يَصِفُ رَسُولَ اللَّهِ ← سَعِيدُ بْنُ الْمُسَيَّبِ، أَنَّهُ

14040 - وَعَنْ أَبِي سَعِيدٍ الْخُدْرِيِّ «أَنَّهُ سُئِلَ عَنْ خَاتَمِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - الَّذِي بَيْنَ كَتِفَيْهِ فَقَالَ بِإِصْبَعِهِ السَّبَّابَةُ هَكَذَا: لَحْمٌ نَاشِزٌ بَيْنَ كَتِفَيْهِ - صَلَّى اللَّهُ عَلَيْهِ وَسَلَّمَ». رَوَاهُ أَحْمَدُ، وَفِيهِ عَبْدُ اللَّهِ بْنُ مَيْسَرَةَ وَثَّقَهُ ابْنُ حِبَّانَ وَضَعَّفَهُ الْجُمْهُورُ، وَبَقِيَّةُ رِجَالِهِ ثِقَاتٌ.

حضرت ابو سعید خدری رضی اللہ تعالیٰ عنہ کے بارے میں یہ بات منقول ہے: اُن سے نبی اکرم صلی اللہ علیہ وآلہ وسلم کی اس مہرنبوت کے بارے میں دریافت کیا گیا‘ جو آپ کے دونوں کندھوں کے درمیان تھی‘ تو انہوں نے اپنی شہادت کی انگلی کے ذریعے اشارہ کرتے ہوئے کہا: اس طرح کچھ گوشت تھا‘ جو دو کندھوں کے درمیان ابھرا ہوا تھا۔یہ روایت امام احمد نے نقل کی ہے‘ اس کی سند میں ایک راوی عبداللہ بن میسرہ ہے‘ جسے ابن حبان نے ثقہ قرار دیا ہے‘ اور جمہور نے اسے ضعیف کہا ہے‘ اس روایت کے بقیہ رجال ثقہ ہیں۔

خَاتَمِ رَسُولِ اللَّهِ الَّذِي بَيْنَ كَتِفَيْهِ ← أَبِي سَعِيدٍ الْخُدْرِيِّ، أَنَّهُ سُئِلَ

14041 - وَعَنْ أَبِي زَيْدٍ - يَعْنِي عَمْرَو بْنَ أَخْطَبَ - قَالَ: «قَالَ لِي رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " يَا أَبَا زَيْدٍ، ادْنُ مِنِّي وَامْسَحْ ظَهْرِي ". وَكَشَفَ ظَهْرَهُ فَمَسَحْتُ ظَهْرَهُ، وَجَعَلْتُ الْخَاتَمَ بَيْنَ إِصْبَعَيْهِ قَالَ: فَغَمَزْتُهَا فَقِيلَ: وَمَا الْخَاتَمُ؟ قَالَ: شَعْرٌ مُجْتَمِعٌ». رَوَاهُ أَحْمَدُ وَأَبُو يَعْلَى وَالطَّبَرَانِيُّ وَزَادَ فِي رِوَايَةٍ عِنْدَهُ: «رَأَيْتُ الْخَاتَمَ عَلَى ظَهْرِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - هَكَذَا بِظَهْرِهِ كَأَنَّهُ يَخْتِمُ». وَأَحَدُ أَسَانِيدِهِ رِجَالُهُ رِجَالُ الصَّحِيحِ.

حضرت ابو زید عمرو بن اخطب رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے مجھ سے فرمایا: اے ابو زید ! میرے قریب ہو جاؤ اور میری پشت پر ہاتھ پھیرو‘ نبی اکرم صلی اللہ علیہ وآلہ وسلم نے اپنی پشت سے کپڑا ہٹایا‘ میں نے آپ کی پشت پر ہاتھ پھیرا‘ تو میں نے مہر نبوت پر اپنی انگلیاں رکھیں۔راوی کہتے ہیں: ان سے دریافت کیا گیا: مہر نبوت سے مراد کیا ہے؟ انہوں نے جواب دیا: کچھ بال تھے جو اکٹھے تھے۔ یہ روایت امام احمد‘ امام ابو یعلیٰ اور امام طبرانی نے نقل کی ہے‘ انہوں نے اپنی ایک روایت میں یہ الفاظ زائد نقل کیے ہیں:’’ میں نے‘ نبی اکرم صلی اللہ علیہ وآلہ وسلم کی پشت پر مہر ثبوت دیکھی‘ جو آپ کی پشت پر اس طرح تھی کہ جیسے وہاں مہر لگائی گئی ہو‘‘۔ اس کی اسانید میں سے ایک کے رجال’’صحیح ‘‘ کے رجال ہیں۔

أَبي زَيْدٍ يَعْنِي عَمْرَو بْنَ أَخْطَبَ

14042 - «وَعَنْ عَبَّادِ بْنِ عَمْرٍو أَنَّهُ كَانَ يَخْدِمُ النَّبِيَّ - صَلَّى اللَّهُ عَلَيْهِ وَسَلَّمَ - فَخَاطَبَهُ يَهُودِيٌّ فَسَقَطَ رِدَاؤُهُ عَنْ مَنْكِبَيْهِ وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَكْرَهُ أَنْ يُرَى الْخَاتَمُ فَسَوَّيْتُهُ عَلَيْهِ فَقَالَ: " مَنْ فَعَلَ هَذَا؟ ". قُلْتُ: أَنَا قَالَ: " تَحَوُّلْ إِلَيَّ ". فَجَلَسْتُ بَيْنَ يَدَيْهِ فَوَضَعَ يَدَهُ عَلَى رَأْسِي فَأَمَرَّهَا عَلَى وَجْهِي وَصَدْرِي وَقَالَ: " إِذَا أَتَانَا شَيْءٌ فَائْتِنِي ". فَأَتَيْتُهُ فَأَمَرَ لِي بِجَذَعَةٍ وَكَانَ الْخَاتَمُ عَلَى طَرَفِ كَتِفِهِ الْأَيْسَرِ كَأَنَّهُ رُكْبَةُ عَنْزٍ». رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُ.

حضرت عباد بن عمرو رضی اللہ تعالیٰ عنہ کے بارے میں یہ بات منقول ہے: وہ نبی اکرم صلی اللہ علیہ وآلہ وسلم کی خدمت کیا کرتے تھے‘ ایک مرتبہ ایک یہودی آپ صلی اللہ علیہ وآلہ وسلم کے ساتھ بات چیت کر رہا تھا‘ اسی دوران آپ صلی اللہ علیہ وآلہ وسلم کے کندھے سے چادر گر گئی‘ نبی اکرم صلی اللہ علیہ وآلہ وسلم کو یہ بات پسند نہیں تھی کہ آپ کی مہر نبوت دکھائی دے‘ میں نے آپ صلی اللہ علیہ وآلہ وسلم کی چادر درست کی‘ نبی اکرم صلی اللہ علیہ وآلہ وسلم نے دریافت کیا: ایسا کس نے کیا ہے؟ میں نے عرض کی: میں نے‘ نبی اکرم صلی اللہ علیہ وآلہ وسلم نے فرمایا: میرے سامنے آؤ! تو میں آپ کے سامنے آ کے بیٹھ گیا‘ نبی اکرم صلی اللہ علیہ وآلہ وسلم نے اپنا دست مبارک میرے سر پر رکھا اور اسے میرے چہرے اور سینے تک پھیرا‘ پھر آپ نے ارشاد فرمایا: جب ہمارے پاس کوئی چیز آئے گی‘ تو تم میرے پاس آنا‘ جب میں آپ کے پاس آیا‘ تو آپ نے مجھے ایک جذعد (چار سال کا ہو کر پانچویں سال میں داخل ہونے والا اونٹ) دینے کا حکم دیا‘ وہ مہر آپ صلی اللہ علیہ وآلہ وسلم کے بائیں کندھے کی طرف تھی‘ یوں لگتا تھا‘ جیسے وہ کسی بکری کے بچے کا گھٹنا ہو (یعنی وہ چند بال تھے)۔یہ روایت امام طبرانی نے نقل کی ہے‘ اس کی سند میں ایسا راوی ہے‘ جس سے میں واقف نہیں ہوں۔

عَبَّادُ بْنُ عَمْرٍو،

14043 - وَعَنْ جَابِرِ بْنِ سَمُرَةَ قَالَ: «أَتَيْتُ النَّبِيَّ - صَلَّى اللَّهُ عَلَيْهِ وَسَلَّمَ - مِنْ خَلْفِهِ لِأَنْظُرَ إِلَى مَوْضِعِ الْخَاتَمِ فَلَمَّا نَظَرَ إِلَيَّ أَلْقَى الرِّدَاءَ فَنَظَرْتُ إِلَيْهِ». قُلْتُ: لَهُ حَدِيثٌ فِي الْخَاتَمِ فِي الصَّحِيحِ غَيْرُ هَذَا. رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُ.

حضرت جابر بن سمرہ رضی اللہ تعالیٰ عنہ بیان کرتے ہیں : میں پیچھے کی طرف سے‘ نبی اکرم صلی اللہ علیہ وآلہ وسلم کی طرف آیا‘ تاکہ مہر نبوت کی جگہ کا جائزہ لوں‘ جب آپ صلی اللہ علیہ وآلہ وسلم نے میری طرف دیکھا‘ تو آپ نے چادر ہٹا دی اور میں نے اس کی زیارت کی۔ (علامہ ہیثمی فرماتے ہیں:) میں یہ کہتا ہوں : ان صحابی کے حوالے سے مہر نبوت کے بارے میں ایک حدیث ’’صحیح ‘‘ میں مذکور ہے‘ جو اس روایت کے علاوہ ہے۔یہ روایت امام طبرانی نے نقل کی ہے‘ اور اس کی سند میں ایسا راوی ہے‘ جس سے میں واقف نہیں ہوں۔

جَابِرَ بْنَ سَمُرَةَ

14044 - وَعَنْ أَنَسِ بْنِ مَالِكٍ قَالَ: «كَانَتْ لِلنَّبِيِّ - صَلَّى اللَّهُ عَلَيْهِ وَسَلَّمَ - أَرْبَعُ ضَفَائِرَ فِي رَأْسِهِ». رَوَاهُ الطَّبَرَانِيُّ فِي الصَّغِيرِ، وَرِجَالُهُ ثِقَاتٌ.

حضرت انس بن مالک رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے سر میں چار مینڈھیاں ہوتی تھیں۔ یہ روایت امام طبرانی نے معجم صغیر میں نقل کی ہے‘ اور اس کے رجال ثقہ ہیں۔

«كَانَتْ لِلنَّبِيِّ أَرْبَعُ ضَفَائِرَ فِي رَأْسِهِ». رَوَاهُ الطَّبَرَانِيُّ فِي الصَّغِيرِ، وَرِجَالُهُ ثِقَاتٌ. ← وعن أنس بن مالك

14045 - وَعَنْهُ قَالَ: «كَانَتْ لِلنَّبِيِّ - صَلَّى اللَّهُ عَلَيْهِ وَسَلَّمَ - جُمَّةٌ جَعْدَةٌ». رَوَاهُ الْبَزَّارُ، وَفِيهِ مُحَمَّدُ بْنُ الْقَاسِمِ الْأَسَدِيُّ وَهُوَ ضَعِيفٌ.

ان کے حوالے سے یہ بات منقول ہے:نبی اکرم صلی اللہ علیہ وآلہ وسلم کے بال بڑے اور گھنگریالے تھے۔ یہ روایت امام بزار نے نقل کی ہے‘ اس کی سند میں ایک راوی محمد بن قاسم اسدی ہے‘ اور وہ ضعیف ہے۔

وعنه

14046 - «وَعَنْ فَضَالَةَ بْنِ عُبَيْدٍ أَنَّهُ دَخَلَ عَلَى عَائِشَةَ فَأَخْرَجَتْ لَهُ شَعَرَاتٍ مِنْ شَعْرِ النَّبِيِّ - صَلَّى اللَّهُ عَلَيْهِ وَسَلَّمَ - فَإِذَا هُوَ أَحْمَرُ مَصْبُوغٌ». رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُمْ.

فضالہ بن عبید بیان کرتے ہیں : وہ سیّدہ عائشہ رضی اللہ تعالیٰ عنہا کی خدمت میں حاضر ہوئے‘ تو سیّدہ عائشہ رضی اللہ تعالیٰ عنہانے نبی اکرم صلی اللہ علیہ وآلہ وسلم کے کچھ بال نکال کر انہیں دکھائے‘ تو وہ سرخ رنگ کے تھے اور ان پر مہندی لگی ہوئی تھی۔یہ روایت امام طبرانی نقل کی ہے‘ اور اس کی سند میں ایسے راوی ہیں‘ جن سے میں واقف نہیں ہوں۔