Majma uz Zawaid Wa Manba ul Fawaid

13665 - وَعَنْ عَبْدِ اللَّهِ قَالَ: لِلْمُسْلِمِ عَلَى الْمُسْلِمِ سِتٌّ بِالْمَعْرُوفِ: يُسَلِّمُ عَلَيْهِ إِذَا لَقِيَهُ، وَيُجِيبُهُ إِذَا دَعَاهُ، وَيُشَمِّتُهُ إِذَا عَطَسَ، وَيَشْهَدُهُ إِذَا مَاتَ، وَيَنْصَحُ لَهُ بِالْغَيْبِ، وَيُحِبُّ لَهُ مَا يُحِبُّ لِنَفْسِهِ. رَوَاهُ الطَّبَرَانِيُّ وَقَالَ: لَمْ يَرْفَعْهُ أَبُو جَعْفَرٍ الْفَرَّاءُ وَرَفَعَهُ أَبُو إِسْحَاقَ السُّبَيْعِيُّ وَلَمْ يَسُقْ إِسْنَادَهُ إِلَى أَبِي إِسْحَاقَ، وَرِجَالُهُ ثِقَاتٌ.

حضرت عبد اللہ رضی اللہ تعالیٰ عنہ فرماتے ہیں:’’ ایک مسلمان کے‘ دوسرے مسلمان پر بھلائی کے حوالے سے چھ حق ہیں‘ جب وہ اس سے ملے‘ تو اسے سلام کرے‘ جب وہ اسے بلائے‘ تو اسے جواب دے‘ جب وہ چھینکے‘ تو اسے چھینک کا جواب دے‘ جب وہ فوت ہو جائے‘ تو اس کے جنازے میں شریک ہو‘ اس کی غیر موجودگی میں اس کی خیر خواہی کرے اور اس کے لئے وہی چیز پسند کرے‘ جو وہ اپنے لئے پسند کرتا ہے‘‘۔یہ روایت امام طبرانی نے نقل کی ہے‘ وہ یہ فرماتے ہیں: کہ ابو جعفر فراء نے اسے ’’مرفوع‘‘روایت کے طور پر نقل نہیں کیا ہے‘ جبکہ ابو اسحاق سبیعی نے اسے ’’مرفوع ‘‘روایت کے طور پر نقل کیا ہے‘ لیکن انہوں نے ابو اسحاق سبیعی تک اس کی سندنقل نہیں کی ہے‘ اور اس روایت کے رجال ثقہ ہیں۔

عَبْدُ اللَّهِ

13666 - وَعَنِ ابْنِ عُمَرَ قَالَ: «سَأَلَ النَّبِيُّ - صَلَّى اللَّهُ عَلَيْهِ وَسَلَّمَ - عَنْ رَجُلٍ فَقَالَ: " مَنْ يَعْرِفُهُ؟ " فَقَالَ رَجُلٌ مِنْهُمْ: أَنَا قَالَ: " مَا اسْمُهُ؟ ". قَالَ: لَا أَدْرِي. قَالَ: " اسْمُ أَبِيهِ؟ ". قَالَ: لَا أَدْرِي. قَالَ: " لَيْسَتْ هَذِهِ مَعْرِفَةٌ بِمَعْرِفَةٍ حَتَّى تَعْرِفَ اسْمَهُ وَاسْمَ أَبِيهِ وَقَبِيلَتَهُ، إِنْ مَرِضَ عُدْتَهُ وَإِنْ مَاتَ اتَّبَعْتَ جِنَازَتَهُ» ". رَوَاهُ الطَّبَرَانِيُّ، وَفِيهِ عَمْرُو بْنُ دِينَارٍ، قَهْرَمَانُ آلِ الزُّبَيْرِ وَهُوَ مَتْرُوكٌ.

حضرت عبد اللہ بن عمر رضی اللہ تعالیٰ عنہ بیان کرتے ہیں:’’ نبی اکرم صلی اللہ علیہ وآلہ وسلم نے ایک شخص کے بارے میں دریافت کرتے ہوئے فرمایا: کون اس سے واقف ہے؟ حاضرین میں سے ایک صاحب بولے:میں‘ نبی اکرم صلی اللہ علیہ وآلہ وسلم نے دریافت کیا:اُس کا نام کیا ہے؟ ان صاحب نے جواب دیا: مجھے نہیں معلوم‘ نبی اکرم صلی اللہ علیہ وآلہ وسلم نے دریافت کیا: اس کے والد کا کیا نام ہے؟ ان صاحب نے جواب دیا: مجھے نہیں معلوم‘ نبی اکرم صلی اللہ علیہ وآلہ وسلم نے ارشاد فرمایا: یہ معرفت نہیں ہے‘ جب تک تمہیں اس کا نام‘ اس کے باپ کا نام اور اس کے قبیلے کا نام پتہ نہیں ہوتا‘ اگر وہ بیمار ہو‘ تو تم اس کی عیادت کرو‘ اگر وہ فوت ہو جائے‘ تو تم اس کے جنازے کے ساتھ جاو’’۔یہ روایت امام طبرانی نے نقل کی ہے‘ اس کی سند میں ایک راوی عمرو بن دینار ہے‘ جو آل زبیر کامنشی ہے‘ اور وہ متروک ہے۔

لَا أَدْرِي ← اسْمُ أَبِيهِ؟ ← لَا أَدْرِي ← ما اسمه ← رَجُلٍ مِنْهُمْ، ← مَنْ يَعْرِفُهُ؟ ← رَجُلٌ: ← «سَأَلَ النَّبِيُّ ← ابْنِ عُمَرَ

13667 - عَنْ خَالِدِ بْنِ عَبْدِ اللَّهِ الْقَسَرِيِّ، عَنْ أَبِيهِ، عَنْ جَدِّهِ، أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ لِجَدِّهِ يَزِيدَ بْنِ أَسَدٍ: " «أَحِبَّ لِلنَّاسِ مَا تُحِبُّ لِنَفْسِكَ» ".

خالد بن عبد اللہ قسری‘ اپنے والد کے حوالے سے‘ اپنے دادا کا یہ بیان نقل کرتے ہیں: نبی اکرم صلی اللہ علیہ وآلہ وسلم نے ان کے دادا حضرت زید بن اسد رضی اللہ تعالیٰ عنہ سے فرمایا:’’تم لوگوں کے لیے وہی چیز پسند کرو‘ جو تم اپنے لیے پسند کرتے ہو‘‘۔

جَدِّهِ، ← أَبِيهِ ← خالد بن عبد الله القَسرى

13668 - وَفِي رِوَايَةٍ عَنْ خَالِدٍ أَيْضًا قَالَ: حَدَّثَنِي أَبِي، عَنْ جَدِّي أَنَّهُ قَالَ: قَالَ لِي رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَتُحِبُّ الْجَنَّةَ؟ ". قَالَ: قُلْتُ: نَعَمْ. قَالَ: " أَحِبَّ لِأَخِيكَ مَا تُحِبُّ لِنَفْسِكَ» ". رَوَاهُ عَبْدُ اللَّهِ، وَالطَّبَرَانِيُّ فِي الْكَبِيرِ وَالْأَوْسَطِ بِنَحْوِهِ، وَرِجَالُهُ ثِقَاتٌ.

خالد کے حوالے سے منقول ایک روایت میں یہ الفاظ ہیں : وہ بیان کرتے ہیں: میرے والد نے مجھے میرے دادا کے حوالے سے یہ روایت بیان کی ہے‘ وہ کہتے ہیں:’’نبی اکرم صلی اللہ علیہ وآلہ وسلم نے مجھ سے دریافت کیا: کیا تم جنت کو پسند کرتے ہو؟ (راوی کہتے ہیں:) میں نے عرض کی : جی ہاں نبی اکرم صلی اللہ علیہ وآلہ وسلم نے فرمایا:’’تو تم اپنے بھائی کے لئے وہی چیز پسند کرو‘ جو تم اپنے لیے پسند کرتے ہو‘‘۔ یہ روایت عبداللہ نے اور امام طبرانی نے معجم کبیر اور معجم اوسط میں اس کی مانند نقل کی ہے‘ اور اس کے رجال ثقہ ہیں۔

قُلْتُ: نَعَمْ، ← لِي رَسُولُ اللَّهِ «أَتُحِبُّ الْجَنَّةَ؟» ← جَدِّي أَنَّهُ ← أَبِي ← خَالِدٍ أَيْضًا ← وَفِي رِوَايَةٍ

13669 - وَعَنْ عَبْدِ اللَّهِ بْنِ عَمْرٍو قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ سَرَّهُ أَنْ يُزَحْزَحَ عَنِ النَّارِ وَيَدْخُلَ الْجَنَّةَ، فَلْتَأْتِهِ مَنِيَّتُهُ وَهُوَ يَشْهَدُ أَنْ لَا إِلَهَ إِلَّا اللَّهُ وَأَنَّ مُحَمَّدًا عَبْدُهُ وَرَسُولُهُ، وَيَأْتِي إِلَى النَّاسِ مَا يُحِبُّ أَنْ يُؤْتَى إِلَيْهِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ لَيْثُ بْنُ أَبِي سُلَيْمٍ وَهُوَ مُدَلِّسٌ، وَبَقِيَّةُ رِجَالِهِ ثِقَاتٌ.

حضرت عبداللہ بن عمرو رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’جو شخص یہ چاہتا ہو کہ اسے جہنم سے بچا لیا جائے‘ اور وہ جنت میں داخل ہو جائے‘ تو جب اس کی موت اس کے پاس آئے‘ تو اس کا یہ حال ہونا چاہیے کہ وہ اس بات کی گواہی دیتا ہوکہ الله تعالیٰ کے علاوہ اور کوئی معبود نہیں ہے‘ اور حضرت محمد صلی اللہ علیہ وآلہ وسلم اس کے بندےاور اس کے رسول ہیں‘ اور وہ لوگوں کے ساتھ وہی سلوک کرتا ہو‘ جس کے بارے میں وہ یہ پسند کرتا ہو کہ اس کے ساتھ اس طرح کا سلوک کیا جائے‘‘۔یہ روایت امام طبرانی نے معجم اوسط میں نقل کی ہے‘ اس کی سند میں ایک راوی لیث بن ابو سلیم ہے‘ اور وہ مدلس ہے‘ اس روایت کے بقيہ رجال ثقہ ہیں۔

عَبْدِ اللہِ بْنِ عَمْرٍو

13670 - عَنْ أَبِي سَعِيدٍ - يَعْنِي الْخُدْرِيَّ - عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ مَنْ لَا يَرْحَمُ النَّاسَ لَا يُرْحَمُ» ". رَوَاهُ أَحْمَدُ، وَفِيهِ عَطِيَّةُ - أَيِ الْعَوْفِيُّ - وَهُوَ ضَعِيفٌ وَقَدْ وُثِّقَ، وَبَقِيَّةُ رِجَالِهِ رِجَالُ الصَّحِيحِ.

حضرت ابو سعید خدری رضی اللہ تعالیٰ عنہ نبی اکرم صلی اللہ علیہ وآلہ وسلم کایہ فرمان نقل کرتے ہیں:’’ بے شک جو شخص لوگوں پر رحم نہیں کرتا‘ اللہ بھی اس پر رحم نہیں کرتا‘‘۔یہ روایت امام احمد نے نقل کی ہے‘ اس کی سند میں ایک راوی عطیہ یعنی عوفی ہے‘ اور وہ ضعیف ہے‘ ویسے اس کی توثیق کی گئی ہے‘ اس روایت کے بقیہ رجال’’صحیح ‘‘ کے رجال ہیں۔

النَّبِيِّ ← أَبِي سَعِيدٍ، يَعْنِي الْخُدْرِيَّ،

13671 - وَعَنْ أَبِي مُوسَى الْأَشْعَرِيِّ أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ: " «لَنْ تُؤْمِنُوا حَتَّى تَرَاحَمُوا ". قَالُوا: يَا رَسُولَ اللَّهِ، كُلُّنَا رَحِيمٌ. قَالَ: " إِنَّهُ لَيْسَ بِرَحْمَةِ أَحَدِكُمْ صَاحِبَهُ، وَلَكِنَّهَا رَحْمَةُ النَّاسِ رَحْمَةُ الْعَامَّةِ» ". رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت ابو موسیٰ اشعری رضی اللہ تعالیٰ عنہ بیان کرتے ہیں، انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:’’ تم لوگ اس وقت تک مومن نہیں ہو گے‘ جب تک ایک دوسرے پر رحم نہیں کرتے‘ لوگوں نے عرض کی: یا رسول اللہ !ہم سب رحم کرنے والے ہیں‘ نبی اکرم صلی اللہ علیہ وآلہ وسلم نے ارشاد فرمایا: اس سے مراد‘ تم میں سے کسی ایک کا اپنے ساتھیوں پر رحم کر نانہیں ہے‘ بلکہ اس سے مراد‘ لوگوں پر رحم کرنا‘ سب پر (یا عمومی طور پر)کار حمت کرنا ہے‘‘۔ یہ روایت امام طبرانی نے نقل کی ہے‘ اور اس کے رجال’’صحیح ‘‘ کے ر جال ہیں۔

"لنْ تُؤمِنوا حتَّى تَراحَموا" ← النَّبِيِّ ← وَعَنْ أَبِي مُوسَى الْأَشْعَرِيِّ أَنَّهُ

13672 - وَعَنْ جَرِيرٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «ارْحَمْ مَنْ فِي الْأَرْضِ يَرْحَمُكَ مَنْ فِي السَّمَاءِ» ". رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت جریر رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: ’’تم اُس پر رحم کرو‘ جو زمین میں ہے‘ وہ تم پر رحم کرے گا‘ جو آ سمان میں ہے‘‘۔ یہ روایت امام طبرانی نے نقل کی ہے‘ اور اس کے رجال’’صحیح ‘‘ کے رجال ہیں۔

رَسُولِ اللَّهِ ← جَرِيرٌ

13673 - وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «وَالَّذِي نَفْسِي بِيَدِهِ لَا يَضَعُ اللَّهُ رَحْمَتَهُ إِلَّا عَلَى رَحِيمٍ ". قَالُوا: يَا رَسُولَ اللَّهِ، كُلُّنَا يَرْحَمُ. قَالَ: " لَيْسَ بِرَحْمَةِ أَحَدِكُمْ صَاحِبَهُ، يَرْحَمُ النَّاسَ كَافَّةً» ". رَوَاهُ أَبُو يَعْلَى، وَرِجَالُهُ وُثِّقُوا، إِلَّا أَنَّ ابْنَ إِسْحَاقَ مُدَلِّسٌ.

حضرت انس بن مالک رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’اس ذات کی قسم !جس کے دست قدرت میں میری جان ہے‘ الله تعالیٰ اپنی رحمت کو صرف رحم کرنے والے پر رکھتا ہے‘لوگوں نے عرض کی: یا رسول اللہ! ہم سب رحم کرتے ہیں‘ نبی اکرم صلی اللہ علیہ وآلہ وسلم نے فرمایا: اس سے مراد تم‘ میں سے کسی ایک کا‘ اپنے ساتھی پر رحمت کرنا نہیں ہے‘ بلکہ سب لوگوں پر رحم کرنا مراد ہے‘‘۔یہ روایت امام ابویعلیٰ نے نقل کی ہے‘ اور اس کے رجال کی توثیق کی گئی ہے البتہ ابن اسحق نامی راوی کا معاملہ مختلف ہے‘ وہ مدلس ہے۔

اَنَسِ بْنِ مَالِکٍ،

13674 - وَعَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «ارْحَمْ مَنْ فِي الْأَرْضِ يَرْحَمُكَ مَنْ فِي السَّمَاءِ» ". رَوَاهُ أَبُو يَعْلَى، وَالطَّبَرَانِيُّ فِي الثَّلَاثَةِ، وَرِجَالُ أَبِي يَعْلَى رِجَالُ الصَّحِيحِ، إِلَّا أَنَّ أَبَا عُبَيْدَةَ لَمْ يَسْمَعْ مِنْ أَبِيهِ، فَهُوَ مُرْسَلٌ.

حضرت عبد الله بن مسعود رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’تم اُس پر رحم کرو‘ جو زمین میں ہے‘ وہ تم پر رحم کرے گا‘ جو آسمان میں ہے‘‘۔ یہ روایت امام ابو یعلیٰ ٰنے اور امام طبرانی نے تینوں کتابوں میں نقل کی ہے‘ امام ابو یعلیٰ ٰکے رجال’’صحیح ‘‘ کے رجال ہیں‘ البتہ ابو عبیدہ نامی راوی نے اپنے والد سے سماع نہیں کیا ہے‘ اور یہ روایت ’’مرسل ‘‘ہے۔

عَبْدِ اللهِ بْنِ مَسْعُودٍ

13675 - وَعَنِ ابْنِ عُمَرَ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَنْ لَا يَرْحَمُ لَا يُرْحَمُ» ". رَوَاهُ الْبَزَّارُ، وَالطَّبَرَانِيُّ، وَفِيهِ عَطِيَّةُ وَقَدْ وُثِّقَ عَلَى ضَعْفِهِ، وَبَقِيَّةُ رِجَالِ الْبَزَّارِ رِجَالُ الصَّحِيحِ.

حضرت عبد الله بن عمر رضی اللہ تعالیٰ عنہ نبی اکرم صلی اللہ علیہ وآلہ وسلم کایہ فرمان نقل کرتے ہیں: ’’جو رحم نہیں کرتا‘ اس پر رحم نہیں کیا جاتا‘‘۔یہ روایت امام بزار اور امام طبرانی نے نقل کی ہے‘ اس کی سند میں ایک راوی عطیہ ہے‘ جس کے ضعیف ہونے کے باوجود اس کی توثیق کی گئی ہے‘ اور بزار کے بقیہ رجال’’صحیح ‘‘ کے رجال ہیں۔

النَّبِيِّ ← ابْنِ عُمَرَ

13676 - وَعَنْ عِمْرَانَ بْنِ حُصَيْنٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَنْ لَا يَرْحَمُ لَا يُرْحَمُ» ". رَوَاهُ الْبَزَّارُ، وَفِيهِ مَنْ لَمْ أَعْرِفْهُ.

حضرت عمران بن حصین رضی اللہ تعالیٰ عنہ نبی اکرم صلی اللہ علیہ وآلہ وسلم کایہ فرمان نقل کرتے ہیں: ’’جو رحم نہیں کرتا‘ اس پر رحم نہیں کیا جاتا‘‘۔ یہ روایت امام بزار نے نقل کی ہے‘ اور اس کی سند میں ایسا راوی ہے‘ جس سے میں واقف نہیں ہوں۔

«مَنْ لَا يَرْحَمُ لَا يُرْحَمُ» رَوَاهُ الْبَزَّارُ، وَفِيهِ مَنْ لَمْ أَعْرِفْهُ. ← النَّبِيِّ ← وَعَنْ عِمْرَانَ بْنِ حُصَيْنٍ،