Majma uz Zawaid Wa Manba ul Fawaid

6438 - وَعَنْ جَابِرٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - احْتَجَمَ فِي الْأَخْدَعِينَ، وَبَيْنَ الْكَتِفَيْنِ، وَأَعْطَى الْحَجَّامَ أَجْرَهُ. وَلَوْ كَانَ حَرَامًا لَمْ يُعْطِهِ». رَوَاهُ أَبُو يَعْلَى، وَفِيهِ جُبَارَةُ بْنُ مُغَلِّسٍ وَثَّقَهُ ابْنُ نُمَيْرٍ، وَضَعَّفَهُ الْأَئِمَّةُ، وَرَمَاهُ ابْنُ مَعِينٍ بِالْكَذِبِ.

حضرت جابر رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے اخدع نامی دورگوں میں اور دونوں کندھوں کے درمیان پچھنےلگوائے تھے اور آپ نے پچھنے لگانے والے کو اس کا معاوضہ دیا تھا اگر یہ حرام ہوتا تو آپ اسے ادانہ کرتے۔ یہ روایت امام ابویعلیٰ نے نقل کی ہے اس کی سند میں ایک راوی جبارہ بن مغلس ہے‘ جسے ابن نمیر نے ثقہ قراردیا ہے اور ائمہ نے اسے ضعیف کہا ہے یحییٰ بن معین نے اس پر جھوٹا ہونے کا الزام عائد کیا ہے۔

جَابِرٍ

6439 - وَعَنْ أَبِي جَمِيلَةَ الطُّهَوِيِّ قَالَ: سَمِعْتُ عَلِيًّا يَقُولُ: «احْتَجَمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -، ثُمَّ قَالَ لِلْحَجَّامِ حِينَ فَرَغَ: " كَمْ خَرَاجُكَ؟ ". قَالَ: صَاعَانِ. فَوَضَعَ عَنْهُ صَاعًا وَأَمَرَنِي فَأَعْطَيْتُهُ صَاعًا». رَوَاهُ عَبْدُ اللَّهِ بْنُ أَحْمَدَ، وَفِيهِ أَبُو جَنَابٍ الْكَلْبِيُّ، وَهُوَ مُدَلِّسٌ، وَقَدْ وَثَّقَهُ جَمَاعَةٌ.

ابوجمیلہ طہوی بیان کرتے میں نے حضرت علی رضی اللہ عنہ کو یہ فرماتے ہوئے سنا نبی اکرم صلی اللہ علیہ وآلہ وسلم نے پچھنے لگوائے جب وہ فارغ ہوا تو آپ نے حجام سے دریافت کیا:تمہاراخراج کتنا ہے؟اس نے جواب دیا دوصاع تو نبی اکرم صلی اللہ علیہ وآلہ وسلم نے اسے ایک صاع معاف کر دیا اور آپ نے مجھے یہ ہدایت کی کہ میں اسے ایک صاع دے دوں۔یہ روایت امام عبداللہ بن احمد نے نقل کی ہے اور اس کی سند میں ایک راوی ابو جناب کلبی ہے اور وہ تدلیس کرنے والا ہے ایک جماعت نے اسے ثقہ قراردیا ہے۔

لِلْحَجَّامِ حِينَ فَرَغَ كَمْ خَرَاجُك ← احْتَجَمَ رَسُولُ اللهِ ثُمَّ ← عَلِيًّا ← أَبِي جَمِيلَةَ الطُّهَوِيِّ

6440 - وَعَنِ ابْنِ عَبَّاسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - احْتَجَمَ، وَأَنَّ الْحَجَّامَ شَكَا إِلَيْهِ ضَرِيبَتَهُ، فَأَرْسَلَ مَوَالِيَهُ أَنْ يُخَفِّفُوا عَنْهُ ضَرِيبَتَهُ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ.

حضرت عبداللہ بن عباس رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے پچھنے لگوائے پچھنے لگانے والے نے آپ کی خدمت میں اپنے خراج کی شکایت کی‘تو نبی اکرم صلی اللہ علیہ وآلہ وسلم نے اس کے آقاؤں کو پیغام بھیجا کہ وہ اس کے خراج میں اس کے لئے تخفیف کردیں۔ یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں۔

ابْنِ عَبَّاسٍ،

6441 - وَعَنِ ابْنِ عَبَّاسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - احْتَجَمَ وَأَعْطَى الْحَجَّامَ أَجْرَهُ دِينَارًا». قُلْتُ: هُوَ فِي الصَّحِيحِ، وَغَيْرِهِ خَلَا ذِكْرَ الدِّينَارِ. رَوَاهُ الطَّبَرَانِيُّ فِي الْأَوْسَطِ، وَفِيهِ الْقَاسِمُ بْنُ سَعِيدِ بْنِ الْمُسَيَّبِ بْنِ شَرِيكٍ، وَلَمْ أَجِدْ مَنْ تَرْجَمَهُ، وَبَقِيَّةُ رِجَالِهِ ثِقَاتٌ.

حضرت عبداللہ بن عباس رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے پچھنے لگوائے اور پچھنے لگانے والے کو اس کا معاوضہ ایک دینار ادا کیا۔ ( علامہ ہیثمی فرماتے ہیں: )میں یہ کہتا ہوں: یہ روایت ’’صحیح‘‘ میں مذکور ہے اور دیگر کتابوں میں بھی ہے تاہم ان میں دینار کا ذکر نہیں ہے۔ یہ روایت امام طبرانی نے معجم اوسط میں نقل کی ہے اس کی سند میں ایک راوی قاسم بن سعید بن مسیب بن شریک ہے میں نےکسی کو اس کے حالات بیان کرتے ہوئے نہیں پایا ہےاس روایت کے بقیہ رجال ثقہ ہیں۔

ابْنِ عَبَّاسٍ،

6442 - وَعَنْ ثَوْبَانَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - احْتَجَمَ وَأَعْطَى الْحَجَّامَ أَجْرَهُ وَقَالَ: " أَعْلِفْهُ نَاضِحَكَ». رَوَاهُ الطَّبَرَانِيُّ فِي الْكَبِيرِ، وَفِيهِ يَزِيدُ بْنُ رَبِيعَةَ، وَهُوَ مَتْرُوكٌ، وَقَالَ ابْنُ عَدِيٍّ: أَرْجُو أَنَّهُ لَا بَأْسَ بِهِ.

حضرت ثوبان رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے پچھنے لگوائےاور پچھنے لگانے والے کو اس کا معاوضہ دیا آپ نے ارشادفر مایا تم اس کے ذریعے اپنے اونٹ کو چار ہ کھلا دینا۔ یہ روایت امام طبرانی نے معجم کبیر میں نقل کی ہے اس کی سند میں ایک راوی یزید بن ربیعہ ہے اور وہ متروک ہے ابن عدی کہتےہیں : مجھے یہ امید ہے کہ اس میں کوئی حرج نہیں ہوگا۔

ثَوْبَانَ،

6443 - عَنْ أَنَسِ بْنِ مَالِكٍ قَالَ: «بَيْنَا نَحْنُ نَقْرَأُ فِينَا الْعَرَبِيُّ، وَالْعَجَمِيُّ، وَالْأَسْوَدُ وَالْأَبْيَضُ إِذْ خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالَ: " أَنْتُمْ بِخَيْرٍ تَقْرَءُونَ كِتَابَ اللَّهِ، وَفِيكُمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَسَيَأْتِي نَاسٌ يَثْقَفُونَهُ كَمَا يَثْقَفُونَ الْقَدَحَ، يَتَعَجَّلُونَ أُجُورَهُمْ وَلَا يَتَأَجَّلُونَهَا». رَوَاهُ أَحْمَدُ، وَفِيهِ ابْنُ لَهِيعَةَ، وَحَدِيثُهُ حَسَنٌ، وَفِيهِ كَلَامٌ.

حضرت انس بن مالک رضی اللہ عنہ بیان کرتے ہیں: ایک مرتبہ ہم قرآن پڑھ رہے تھے ہمارے درمیان ایک عجمی موجودتھا اور ایک عربی تھا اور ایک سیاہ فام تھا ایک سفید فام تھا اسی دوران نبی اکرم صلی اللہ علیہ وآلہ وسلم ہمارے پاس تشریف لےآئے آپ نے ارشادفرمایا:تم بہتری حالت میں ہو کہ تم اللہ کی کتاب کی تلاوت کررہےہو اور تمہارے درمیان اللہ کےرسول موجودہیں عنقریب ایسے لوگ آئیں گے جو اس کو یوں بنائیں سنوار یں گئے‘ جس طرح پیالے کو بنایا سنوارا جا تا ہے‘ اور وہ اس کا معاوضہ جلدی ( یعنی دنیا میں )وصول کر یں گئے وہ اسے تاخیر سے (یعنی آخرت میں) وصول نہیں کرنا چاہیں گے۔یہ روایت امام احمد نے نقل کی ہے اس کی سند میں ایک راوی ابن لہیعہ ہے اور اس کی نقل کردہ حدیث حسن ہے اور اس کےبارے میں کلام کیا گیا ہے۔

الْعَجَمِيُّ وَالْأَسْوَدُ وَالْأَبْيَضُ إِذْ خَرَجَ عَلَيْنَا رَسُولُ اللَّهِ ← «بَيْنَا نَحْنُ نَقْرَأُ فِينَا الْعَرَبِيُّ، ← اَنَسِ بْنِ مَالِکٍ،

6444 - وَفِي رِوَايَةٍ عِنْدَ أَحْمَدَ أَيْضًا: عَنْ أَنَسٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «خَرَجَ إِلَيْنَا - يَعْنِي رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " إِنَّ فِيكُمْ خَيْرًا مِنْكُمْ، يَعْنِي رَسُولَ اللَّهِ صَلَّى اللَّهُ عَلَيْهِ وَسَلَّمَ وَتَقْرَءُونَ كِتَابَ اللَّهِ فِيكُمُ الْأَحْمَرُ، وَالْأَبْيَضُ، وَالْعَجَمِيُّ، وَالْعَرَبِيُّ» فَذَكَرَ نَحْوَهُ.

امام احمد کی ایک روایت میں یہ الفاظ ہیں : حضرت انس رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم ہمارے پاس تعریف لائے آپ نے ارشادفرمایا: تمہارے درمیان تم سے بہترفردموجود ہے۔نبی اکرم صلی اللہ علیہ وآلہ وسلم کی مرادخود نبی اکرم صلی اللہ علیہ وآلہ وسلم تھے‘ اور تم لوگ اللہ کی کتاب پڑھتے ہوتمہارے درمیان سرخ فام اورسفید فام اورعجمی اورعر بی موجود ہیں .... اس کے بعد راوی نے حسب سابق روایت ذکر کی ہے۔

أَنَسٍ،

6445 - وَعَنْ أَبِي سَلَّامٍ قَالَ: كَتَبَ مُعَاوِيَةُ إِلَى عَبْدِ الرَّحْمَنِ بْنِ شِبْلٍ: أَنْ عَلِّمِ النَّاسَ مَا سَمِعْتَ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ -. فَجَمَعَهُمْ فَقَالَ: إِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «تَعَلَّمُوا الْقُرْآنَ فَإِذَا عَلِمْتُمُوهُ فَلَا تَغْلُوا فِيهِ، وَلَا تَجْفُوا عَنْهُ، وَلَا تَأْكُلُوا بِهِ، وَلَا تَسْتَكْثِرُوا بِهِ» ". فَذَكَرَ الْحَدِيثَ. وَيَأْتِي بِتَمَامِهِ إِنْ شَاءَ اللَّهُ تَعَالَى. رَوَاهُ أَحْمَدُ، وَأَبُو يَعْلَى بِاخْتِصَارٍ، وَالطَّبَرَانِيُّ فِي الْكَبِيرِ، وَالْأَوْسَطِ، وَرِجَالُهُ ثِقَاتٌ.

ابوسلام بیان کرتے ہیں : حضرت معاویہ رضی اللہ عنہ نے حضرت عبدالرحمن بن شبل رضی اللہ عنہ کو خط لکھا کہ آپ لوگوں کو اس چیز کی تعلیم دیں جو آپ نے نبی اکرم صلی اللہ علیہ وآلہ وسلم کی زبانی باتیں سنی ہیں تو انہوں نے لوگوں جمع کیا اور یہ بات بیان کی کہ میں نے نبی اکرم صلی اللہ علیہ وآلہ وسلم کو یہ ارشادفرماتے ہوئے سنا ہے:’’ تم لوگ قرآن کا علم حاصل کرو اور جب تم اس کا علم حاصل کر لوتو اس کے بارے میں غلو نہ کرو اور اسے چھوڑ کر جفا نہ کر واور اس کا معاوضہ نہ کھانا اور اس کے ذریعے (مال کی) کثرت کے طلبگار نہ ہونا‘‘۔ اس کے بعد راوی نے پوری حدیث ذکر کی ہے‘ جو آگے چل کر مکمل روایت کے طور پر آئے گی اگر اللہ نے چاہا۔ یہ روایت امام احمد نے نقل کی ہے امام ابویعلیٰ نے اختصار کے ساتھ نقل کی ہے امام طبرانی نے معجم کبیر اورمعجم اوسط میں نقل کی ہے اور اس کے رجال ثقہ ہیں۔

إِنِّي ← مِنْ رَسُولِ اللَّهِ فَجَمَعَهُمْ ← مُعَاوِيَةُ إِلَى عَبْدِ الرَّحْمَنِ بْنِ شِبْلٍ أَنْ عَلِّمِ النَّاسَ مَا ← أَبِي سَلَّامٍ

6446 - وَعَنِ الطُّفَيْلِ بْنِ عَمْرٍو الدُّوسِيِّ قَالَ: «أَقْرَأَنِي أُبَيُّ بْنُ كَعْبٍ الْقُرْآنَ، فَأَهْدَيْتُ لَهُ قَوْسًا فَغَدَا إِلَى النَّبِيِّ - صَلَّى اللَّهُ عَلَيْهِ وَسَلَّمَ -، وَقَدْ تَقَلَّدَهَا، فَقَالَ لَهُ النَّبِيُّ - صَلَّى اللَّهُ عَلَيْهِ وَسَلَّمَ -: " تَقَلَّدْهَا مِنْ جَهَنَّمَ ". قُلْتُ: يَا رَسُولَ اللَّهِ، إِنَّا إِنَّمَا حَضَرْنَا طَعَامَهُمْ فَأَكَلْنَا مِنْهُ؟ قَالَ: " أَمَّا مَا عُمِلَ لَكَ، فَإِنَّمَا تَأْكُلُهُ بِخَلَاقِكَ، وَأَمَّا مَا عُمِلَ لِغَيْرِكَ فَحَضَرْتَهُ فَأَكَلْتَ مِنْهُ فَلَا بَأْسَ بِهِ». رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ سُلَيْمَانَ بْنِ عُمَيْرٍ، وَلَمْ أَجِدْ مَنْ تَرْجَمَهُ، وَلَا أَظُنُّهُ أَدْرَكَ الطُّفَيْلَ.

حضرت طفیل بن عمرودوسی رضی اللہ عنہ بیان کرتے ہیں : حضرت ابی بن کعب رضی اللہ عنہ نے مجھے قرآن پڑھایا میں نے تحفے کے طور پر انہیں کمان دی اگلے دن وہ نبی اکرم صلی اللہ علیہ وآلہ وسلم کی خدمت میں حاضر ہوئے تو انہوں نے وہ کمان گلے میں لٹکائی ہوئی تھی نبی اکرم صلی اللہ علیہ وآلہ وسلم نے ان سے فرمایا تم نے جہنم میں سے لے کر اسےلٹکایا ہے میں نے عرض کی : یارسول اللہ ! ہم وہ لوگ ہیں کہ جب ہم کھانے کے پاس موجود ہوں تو اس میں سے کھا لیتے ہیں نبی اکرم صلی اللہ علیہ وآلہ وسلم نے ارشاد فرمایا: جو تمہارے لئے تیار کیا گیا ہو‘ تو تم ( آخرت میں سے )اپنے حصے کے عوض میں اسے کھاؤ گے اور جو تمہارے علاوہ کسی اور کے لئے تیار کیا گیا ہو اور تم وہاں موجود ہو‘تو تم اس میں سے کھالواس میں کوئی حرج نہیں ہے۔ یہ روایت امام طبرانی نے معجم اوسط میں نقل کی ہے اس کی سند میں ایک راوی عبداللہ بن سلیمان بن عمیر ہے میں نے اس کےحالات بیان کرتے ہوئے کسی کو نہیں پایا اور میرا نہیں خیال کہ اس نے حضرت ابوطفیل رضی اللہ عنہ کا زمانہ پایا ہے۔

لَهُ النَّبِيُّ تَقَلَّدْهَا مِنْ جَهَنَّمَ قُلْتُ: ← «أَقْرَأَنِي أُبَيُّ بْنُ كَعْبٍ الْقُرْآنَ، فَأَهْدَيْتُ لَهُ قَوْسًا فَغَدَا إِلَى النَّبِيِّ وَقَدْ تَقَلَّدَهَا، ← الطُّفَيْلِ بْنِ عَمْرٍو الدُّوسِيِّ

6447 - «وَعَنْ إِسْمَاعِيلَ بْنِ عُبَيْدِ اللَّهِ قَالَ: قَالَ لِي عَبْدُ الْمَلِكِ بْنُ مَرْوَانَ: يَا إِسْمَاعِيلُ أَدِّبْ وَلَدِي، فَإِنِّي مُعْطِيكَ قَالَ: فَكَيْفَ بِذَلِكَ؟ وَقَدْ حَدَّثَتْنِي أُمُّ الدَّرْدَاءِ، عَنْ أَبِي الدَّرْدَاءِ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " مَنْ يَأْخُذُ عَلَى تَعْلِيمِ الْقُرْآنِ قَوْسًا قَلَّدَهُ اللَّهُ قَوْسًا مِنْ نَارٍ "». رَوَاهُ الطَّبَرَانِيُّ فِي الْكَبِيرِ مِنْ طَرِيقِ يَحْيَى بْنِ عَبْدِ الْعَزِيزِ، عَنِ الْوَلِيدِ بْنِ مُسْلِمٍ، وَلَمْ أَجِدْ مَنْ ذَكَرَهُ، وَلَيْسَ هُوَ فِي الضُّعَفَاءِ، وَبَقِيَّةُ رِجَالِهِ رِجَالُ الصَّحِيحِ.

اسماعیل بن عبید اللہ بیان کرتے ہیں : عبدالملک بن مروان نے مجھ سے کہا: اے اسماعیل ! میرے بچوں کی تربیت کرو میں تمہیں ادائیگی کروں گا انہوں نے کہا: یہ کیسے ہوسکتا ہے؟ جبکہ سیّد ہ اُمّ در داء رضی اللہ عنہ نے حضرت ابو درداء رضی اللہ عنہ کے حوالے سےمجھے یہ حدیث بیان کی ہے ۔ نبی اکرم صلی اللہ علیہ وآلہ وسلم نے ارشادفر مایا ہے ”جو شخص قرآن کی تعلیم دینے کے عوض میں ایک کمان حاصل کرے گا تو اللہ تعالیٰ آگ کی بنی ہوئی کمان اس کے گلے میں ڈالے گا‘‘۔یہ روایت امام طبرانی نے معجم کبیر میں یحییٰ بن عبدالعزیز کے حوالے سے ولید بن مسلم سے نقل کی ہے میں نے کسی کو اس کےحالات بیان کرتے ہوئے نہیں پایاہےاورنہ ہی یہ ضعیف راویوں میں ہےاس روایت کے بقیہ رجال صحیح کے رجال ہیں۔

أَبِي الدَّرْدَاءِ، ← فَكَيْفَ بِذَلِكَ؟ وَقَدْ حَدَّثَتْنِي أُمُّ الدَّرْدَاءِ، ← لِي عَبْدُ الْمَلِكِ بْنُ مَرْوَانَ: يَا إِسْمَاعِيلُ أَدِّبْ وَلَدِي، فَإِنِّي مُعْطِيكَ ← إِسْمَاعِيلَ بْنِ عُبَيْدِ1 اللَّهِ

6448 - وَعَنْ جَابِرِ بْنِ عَبْدِ اللَّهِ قَالَ: «خَرَجَتْ سَرِيَّةٌ مِنْ سَرَايَا رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَمَرُّوا بِبَعْضِ قَبَائِلِ الْعَرَبِ، فَقَالُوا لَهُمْ: قَدْ بَلَغَنَا أَنَّ صَاحِبَكُمْ قَدْ جَاءَ بِالنُّورِ وَالشِّفَاءِ؟ قَالُوا: نَعَمْ، قَدْ جَاءَ بِالنُّورِ وَالشِّفَاءِ. قَالُوا: فَإِنَّ عِنْدَنَا رَجُلًا يَتَخَبَّطُهُ - أَحْسَبُهُ قَالَ: الشَّيْطَانُ - فَهَذِهِ حَالُهُ. فَقَالَ رَجُلٌ مِنَ الْأَنْصَارِ: ائْتُونِي بِهِ. فَقَرَأَ عَلَيْهِ بِفَاتِحَةِ الْكِتَابِ ثَلَاثَ مَرَّاتٍ، فَبَرَأَ الرَّجُلُ، فَسَاقُوا إِلَيْهِمْ غَنَمًا، فَقَالَ بَعْضُ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ -: مَا يَحِلُّ لَكَ أَنْ تَأْخُذَ عَلَى الْقُرْآنِ أَجْرًا. فَقَالَ بَعْضُهُمْ: إِنَّمَا هَذِهِ كَرَامَةٌ أُكْرِمْتَ بِهَا، وَلَيْسَ هُوَ أَجْرًا لِلْقُرْآنِ. فَذَبَحَ، وَأَكَلَ بَعْضُ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - وَمَنْ لَمْ يَأْكُلْ قَالُوا: حَتَّى نَسْأَلَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - إِذَا رَجَعْنَا. فَلَمَّا رَجَعُوا قَالَ الَّذِي أُهْدِيَ لَهُ الْغَنَمُ: يَا رَسُولَ اللَّهِ، إِنَّمَا مَرَرْنَا بِبَنِي فُلَانٍ وَقَالُوا: إِنَّ صَاحِبَكُمْ قَدْ جَاءَ بِالشِّفَاءِ وَالنُّورِ. فَقُلْنَا: نَعَمْ قَدْ جَاءَ بِالشِّفَاءِ وَالنُّورِ. فَقَالُوا: إِنَّ عِنْدَنَا مَنْ يَتَخَبَّطُهُ الشَّيْطَانُ. قُلْتُ: ائْتُونِي بِهِ. فَقَرَأْتُ عَلَيْهِ بِفَاتِحَةِ الْكِتَابِ ثَلَاثَ مَرَّاتٍ فَبَرَأَ فَسَاقُوا إِلَيْنَا غَنِيمَةً، فَقَالَ بَعْضُ أَصْحَابِي: لَا يَحِلُّ لَكَ أَنْ تَأْكُلَ؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَا عَلَّمَكَ أَنَّهَا رُقْيَةٌ؟ ". قَالَ: قُلْتُ: عَلِمْتُ أَنْ أَرْقِيَ مِنْ كَلَامِ اللَّهِ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَنْ أَصَابَ بِرُقْيَةِ بَاطِلٍ، فَقَدْ أَصَبْتَ بِرُقْيَةِ حَقٍّ، كُلْ وَأَطْعِمْ أَصْحَابَكَ». رَوَاهُ الْبَزَّارُ، وَفِيهِ عُمَرُ بْنُ إِسْمَاعِيلَ بْنِ مُجَالِدٍ، وَهُوَ كَذَّابٌ مَتْرُوكٌ.

حضرت جابر بن عبداللہ رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم کی روانہ کی ہوئی ایک جنگی مہم روانہ ہوئی ان لوگوں کا گز رعربوں کے کسی قبیلے کے پاس سے ہوا ان لوگوں نے ان اصحاب سے دریافت کیا کہ ہمیں یہ بات پتہ چلی ہے کہ آپ کے آقانوراورشفاء لے کےآئے ہیں؟ صحابہ کرام نے جواب دیا: جی ہاں! وہ نوراورشفاء لے کےآئے ہیں قبیلے والوں نے کہا:ہمارے پاس ایک شخص ہے‘جسے شیطان نے خبط الحواس بنادیا ہے‘تو اس کی حالت یہ ہے ( یہاں ایک لفظ کے بارے میں راوی کوشک ہے ) انصار سے تعلق رکھنے والے ایک صاحب نے کہا: تم اسے میرے پاس لے کے آؤاس انصاری نے تین مرتبہ سورت فاتحہ پڑھ کر اس شخص پر دم کر دیا تو و ہ شخص ٹھیک ہو گیا وہ لوگ بکریاں لے کر صحابہ کرام کے پاس آ گئے تو صحابہ کرام میں سے کسی نے یہ کہا کہ تمہارے لئے یہ بات حلال نہیں ہے کہ تم قرآن کا معاوضہ وصول کروان میں سے کسی نے یہ کہا کہ یہ عزت افزائی ہے‘ جس کے ذریعے تمہاری عزت افزائی کی گئی ہے یہ قرآن کا معاوضہ نہیں ہے پھر انہوں نے جانور کو ذبح کر لیا تو کچھ صحابہ کرام نے اس کا گوشت کھالیا اور جنہوں نے نہیں کھایا تھا انہوں نے کہا: جب تک ہم واپس جا کر نبی اکرم صلی اللہ علیہ وآلہ وسلم سے اس بارے میں دریافت نہیں کر لیتے ( ہم اس کا گوشت نہیں کھائیں گے) جب وہ لوگ واپس آئے تو جن صاحب کو وہ بکریاں تحفے کےطور پردی گئی تھیں۔انہوں نےعرض کی: یارسول اللہ!ہمارا گز ربنوفلاں کے پاس سے ہوا انہوں نے کہا: تمہارے آقا شفار اور نور لے کےآئے ہیں ہم نے کہا:جی ہاں!وہ شفاء اورنور لے کے آئے ہیں ان لوگوں نے کہا:ہمارے پاس ایک ایسا شخص ہے‘ جسے شیطان نے مخبوط الحواس بنالیا ہے‘ تو میں نے کہا: تم اسے میرے پاس لے کے آؤ تو میں نے اس پر تین مرتبہ سورت فاتحہ پڑھ کر دم کیا‘ تو وہ ٹھیک ہوگیا وہ لوگ میرے پاس بکریاں لے کے آ گئے تو میرے ساتھیوں میں سے ایک نے کہا: تمہارے لئے اس کو کھانا حلال نہیں ہے۔ نبی اکرم صلی اللہ علیہ وآلہ وسلم نے فرمایا تمہیں کس نے اس بات کی تعلیم دی ہے کہ یہ دم کے الفاظ ہیں؟ راوی کہتے ہیں: میں نے کہا: مجھے اس بات کا علم ہے کہ میں اللہ کے کلام کے ذریعے دم کر رہا ہوں تو نبی اکرم صلی اللہ علیہ وآلہ وسلم نے ارشادفرمایا: جوشخص باطل الفاظ کے ذریعے نتیجہ حاصل کر لے ( تو وہ بھی حاصل کر لیتا ہے) تم نے دم کے حق الفاظ کے ذریعے صحیح نتیجہ حاصل کیا ہے تم خود بھی کھاؤ اور اپنے ساتھیوں کو بھی کھلاؤ۔یہ روایت امام بزار نے نقل کی ہے اس کی سند میں ایک راوی عمر بن اسماعیل بن مجالد ہے اور وہ کذاب اور متروک ہے۔

جَابِرِ بْنِ عَبْدِ اللَّهِ:

6449 - «وَعَنْ عَوْفِ بْنِ مَالِكٍ أَنَّهُ كَانَ مَعَهُ رَجُلٌ يُعَلِّمُهُ الْقُرْآنَ، فَقَالَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ -: صَاحِبِي الَّذِي تَرَاهُ مَعِيَ اشْتَرَى قَوْسًا، وَأَهْدَاهَا إِلَيَّ، أَفَآخُذُهَا مِنْهُ؟ فَقَالَ لَهُ النَّبِيُّ - صَلَّى اللَّهُ عَلَيْهِ وَسَلَّمَ -: " لَا " فَمَكَثَ حَتَّى إِذَا كَانَ رَأْسُ الْحَوْلِ عَادَ قَالَ: آخُذُ تِلْكَ الْقَوْسَ يَا رَسُولَ اللَّهِ؟ قَالَ: " لَا " ثُمَّ مَكَثَ حَتَّى إِذَا كَانَ رَأْسُ الْحَوْلِ قَالَ: آخُذُ تِلْكَ الْقَوْسَ يَا رَسُولَ اللَّهِ؟ قَالَ: " لَا "، قَالَ أَفَلَا آخُذُهَا يَا رَسُولَ اللَّهِ فَتَكُونُ عُدَّةٌ فِي سَبِيلِ اللَّهِ؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " أَتُرِيدُ أَنْ تَلْقَى اللَّهَ يَا عَوْفُ يَوْمَ الْقِيَامَةِ وَبَيْنَ كَتِفَيْكَ جَمْرَةٌ مِنْ جَهَنَّمَ؟». رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ إِسْمَاعِيلَ بْنِ عَيَّاشٍ، وَهُوَ ضَعِيفٌ.

حضرت عوف بن مالک رضی اللہ عنہ کے بارے میں یہ بات منقول ہے کہ ان کے ساتھ ایک شخص تھا جسے وہ قرآن کی تعلیم دیا کرتے تھے۔ انہوں نے نبی اکرم صلی اللہ علیہ وآلہ وسلم سے کہا میراوہ ساتھی جسے آپ نے ملاحظہ فرمایا ہوا ہے وہ میرے ساتھ تھا اس نے کمان خریدی اور وہ مجھے تحفے کے طور پر دے دی کیا میں وہ اس سے لےلوں؟ نبی اکرم صلی اللہ علیہ وآلہ وسلم نے فرمایا: جی نہیں! وہ کچھ عرصہ ٹھہرے رہے یہاں تک کہ ایک سال گزر گیا تو وہ دوبارہ آئے اور بولےیارسول اللہ ! میں وہ کمان لے لوں نبی اکرم صلی اللہ علیہ وآلہ وسلم نے ارشادفرمایا: جی نہیں! پھر وہ کچھ عرصہ ٹھہرے رہے پھر انہوں نے عرض کی : یا رسول اللہ ! میں وہ کمان لے لوں نبی اکرم صلی اللہ علیہ وآلہ وسلم نے ارشادفرمایا: جی نہیں! انہوں نے عرض کی : یا رسول اللہ! کیا میں اسے لے نہ لوں تا کہ وہ اللہ تعالیٰ کی بارگاہ میں تیاری کے لئے شمار ہو‘ تو نبی اکرم صلی اللہ علیہ وآلہ وسلم نے ارشادفرمایا: اے عوف کیا تم یہ چاہتے ہو کہ قیامت کے دن جب تم اللہ تعالیٰ کی بارگاہ میں حاضر ہو‘ تو تمہارے دونوں کندھوں کے درمیان جہنم کا انگارہ رکھا ہوا ہو؟ یہ روایت امام طبرانی نے معجم کبیر میں نقل کی ہے اس کی سند میں ایک راوی محمد بن اسماعیل بن عیاش ہے اور وہ ضعیف ہے۔

آخُذُ تِلْكَ الْقَوْسَ ← لَهُ النَّبِيُّ لَا فَمَكَثَ حَتَّى إِذَا كَانَ رَأْسُ الْحَوْلِ عَادَ ← لِرَسُولِ اللَّهِ صَاحِبِي الَّذِي تَرَاهُ مَعِيَ اشْتَرَى قَوْسًا، وَأَهْدَاهَا إِلَيَّ، أَفَآخُذُهَا مِنْهُ؟ ← عَوْفِ بْنِ مَالِكٍ أَنَّهُ كَانَ مَعَهُ رَجُلٌ يُعَلِّمُهُ الْقُرْآنَ،