Majma uz Zawaid Wa Manba ul Fawaid

7864 - عَنْ عَبْدِ اللَّهِ بْنِ عَمْرٍو أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ فِي الْجَنَّةِ غُرْفَةً يُرَى ظَاهِرُهَا مِنْ بَاطِنِهَا وَبَاطِنُهَا مَنْ ظَاهِرِهَا ". فَقَالَ أَبُو مُوسَى الْأَشْعَرِيُّ: لِمَنْ هِيَ يَا رَسُولَ اللَّهِ؟ قَالَ: " لِمَنْ أَلَانَ الْكَلَامَ، وَأَطْعَمَ الطَّعَامَ، وَبَاتَ لِلَّهِ قَائِمًا، وَالنَّاسُ نِيَامٌ» ". رَوَاهُ أَحْمَدُ، وَفِيهِ ابْنُ لَهِيعَةَ، وَحَدِيثُهُ حَسَنٌ، وَبَقِيَّةُ رِجَالِهِ ثِقَاتٌ.

حضرت عبداللہ بن عمرو رضی اللہ تعالیٰ عنہ نبی اکرم صلی اللہ و علیہ وآلہ وسلم کا یہ فرمان نقل کرتے ہیں: "جنت میں ایسے بالا خانے ہیں جن کا بیرونی حصہ اندر سے اور اندرونی حصہ باہر سے نظر آتا ہے حضرت ابو موسیٰ اشعری عمرو رضی اللہ تعالیٰ عنہ نے عرض کی " یا رسول اللہ ! وہ کسے ملیں گے؟ نبی اکرم صلی اللہ و علیہ وآلہ وسلم نے ارشاد فرمایا: اس کو جو نرمی سے کلام کرے ، کھانا کھلائے ، اور اللہ تعالیٰ کے لئے قیام کی حالت میں رات گزار دے جبکہ لوگ سو رہے ہوں " ۔ یہ روایت امام احمد نے نقل کی ہے۔ کی سند میں ایک راوی ابن لہیعہ ہے اس کی نقل کردہ حدیث حسن ہے اس روایت کے بقیہ رجال ثقہ ہیں۔

عَبْدِ اللہِ بْنِ عَمْرٍو

7865 - وَعَنْ أَبِي هُرَيْرَةَ قَالَ: «قُلْتُ: يَا نَبِيَّ اللَّهِ إِنِّي إِذَا رَأَيْتُكَ طَابَتْ نَفْسِي، وَقَرَّتْ عَيْنِي، فَأَنْبِئْنِي عَنْ كُلِّ شَيْءٍ. فَقَالَ: " كُلُّ شَيْءٍ خُلِقَ مِنْ مَاءٍ ". قَالَ: قُلْتُ: أَنْبِئْنِي بِأَمْرٍ إِذَا أَخَذْتُ بِهِ دَخَلْتُ الْجَنَّةَ. قَالَ: " أَفْشِ السَّلَامَ، وَأَطْعِمِ الطَّعَامَ، وَصِلِ الْأَرْحَامَ، وَصَلِّ بِاللَّيْلِ وَالنَّاسُ نِيَامٌ، ثُمَّ ادْخُلِ الْجَنَّةَ بِسَلَامٍ» ". رَوَاهُ أَحْمَدُ وَرِجَالُهُ رِجَالُ الصَّحِيحِ خَلَا أَبِي مَيْمُونَةَ، وَهُوَ ثِقَةٌ.

حضرت ابو ہریرہ عمرو رضی اللہ تعالیٰ عنہ بیان کرتے ہیں: میں نے عرض کی: اے اللہ کے نبی! جب میں آپ کو دیکھتا ہوں، تو میرا نفس خوش ہو جاتا ہے میری آنکھیں ٹھنڈی ہو جاتی ہیں آپ مجھے ہر چیز کے بارے بتائیے نبی اکرم صلی اللہ و علیہ وآلہ وسلم نے ارشاد فرمایا: ہر چیز پانی سے پیدا کی گئی ہے حضرت ابو ہریرہ عمرو رضی اللہ تعالیٰ عنہ کہتے ہیں: آپ مجھے ایسی چیز کے بارے میں بتائیے کہ جب میں اسے اختیار کروں، تو میں جنت میں داخل ہو جاؤں نبی اکرم صلی اللہ و علیہ وآلہ وسلم نے فرمایا: تم سلام کو پھیلاؤ کھانا کھلاؤ صلہ رحمی کرو رات کے وقت جب لوگ سو رہے ہوں، اس وقت نماز ادا کرو، تو تم سلامتی کے ساتھ جنت میں داخل ہو جاؤ گے۔ یہ روایت امام احمد نے نقل کی ہے ۔ اور اس کے رجال صحیح کے رجال ہیں صرف ابو میمونہ نامی راوی کا معاملہ مختلف ہے ، اور وہ ثقہ ہے۔

قُلْتُ: أَنْبِئْنِي بِأَمْرٍ إِذَا أَخَذْتُ بِهِ دَخَلْتُ الْجَنَّةَ. ← كل شيء خلق من ماء. ← كُلِّ شَيْءٍ ← «قُلْتُ: يَا نَبِيَّ اللَّهِ إِنِّي إِذَا رَأَيْتُكَ طَابَتْ نَفْسِي، وَقَرَّتْ عَيْنِي، فَأَنْبِئْنِي ← أَبِي هُرَيْرَةَ،

7866 - وَعَنْ حَمْزَةَ بْنِ صُهَيْبٍ أَنَّ صُهَيْبًا كَانَ يُكَنَّى أَبَا يَحْيَى، وَيَقُولُ: إِنَّهُ مِنَ الْعَرَبِ، وَيُطْعِمُ الطَّعَامَ الْكَثِيرَ. فَقَالَ لَهُ عُمَرُ بْنُ الْخَطَّابِ: يَا صُهَيْبُ مَا لَكَ تُكَنَّى أَبَا يَحْيَى وَلَيْسَ لَكَ وَلَدٌ؟ وَتَقُولُ: إِنَّكَ مِنَ الْعَرَبِ وَتُطْعِمُ الطَّعَامَ الْكَثِيرَ، وَذَلِكَ سَرَفٌ فِي الْمَالِ. فَقَالَ صُهَيْبٌ: «إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَنَّانِي أَبَا يَحْيَى»، وَأَمَّا قَوْلُكَ فِي النَّسَبِ، فَأَنَا رَجُلٌ مِنَ النَّمِرِ بْنِ قَاسِطٍ مِنْ أَهْلِ الْمَوْصِلِ، وَلَكِنِّي سُبِيتُ غُلَامًا صَغِيرًا قَدْ عَقَلْتُ أَهْلِي وَقَوْمِي، وَأَمَّا قَوْلُكَ فِي الطَّعَامِ فَإِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يَقُولُ: " «أَطْعِمِ الطَّعَامَ وَرُدَّ السَّلَامَ» ". فَذَلِكَ الَّذِي يَحْمِلُنِي عَلَى أَنْ أُطْعِمَ الطَّعَامَ. قُلْتُ: رَوَى ابْنُ مَاجَهْ طَرَفًا مِنْهُ. رَوَاهُ أَحْمَدُ، وَفِيهِ عَبْدُ اللَّهِ بْنُ مُحَمَّدِ بْنِ عَقِيلٍ، وَحَدِيثُهُ حَسَنٌ، وَفِيهِ ضَعْفٌ، وَبَقِيَّةُ رِجَالِهِ ثِقَاتٌ.

حمزہ بن صہیب بیان کرتے ہیں: حضرت صہیب رضی اللہ تعالیٰ عنہ ابو یحییٰ کنیت اختیار کرتے تھے اور ان کا یہ کہنا تھا کہ ان کا تعلق عربوں سے ہے، اور وہ بہت زیادہ کھانا کھلا یا کرتے تھے۔ حضرت عمر بن خطاب عمرو رضی اللہ تعالیٰ عنہ نے ان سے کہا: اے صہیب! کیا وجہ ہے کہ تم ابو یحییٰ کنیت اختیار کرتے ہو حالانکہ تمہاری کوئی اولاد نہیں ہے، اور تم یہ کہتے ہو کہ تمہارا تعلق عربوں سے ہے، اور تم بہت زیادہ کھانا بھی کھلاتے ہو یہ ، تو مال میں اسراف کے مترادف ہے، تو حضرت صہیب رضی اللہ تعالیٰ عنہ نے بتایا کہ نبی اکر م صلی اللہ و علیہ وآلہ وسلم نے میری کنیت ابو یحییٰ رکھی تھی جہاں تک نسب کے بارے میں آپ کے قول کا تعلق ہے، تو میرا تعلق نمر بن قاصد سے ہے جو اہل موصل سے ہیں لیکن مجھے کمسنی میں غلام بنا لیا گیا تھا، لیکن مجھے اس وقت بھی اپنے اہل خانہ اور اپنی قوم کی سمجھ بوجھ تھی جہاں تک کھانے سے متعلق آپ کے قول کا تعلق ہے، تو نبی اکرم صلی اللہ و علیہ وآلہ وسلم نے ارشاد فرمایا ہے: "کھانا کھلاؤ اور سلام کا جواب دو" ۔ تو یہ چیز مجھے اس بات کی طرف ترغیب دیتی ہے کہ میں کھانا کھلاؤں۔ (علامہ ہیثمی فرماتے ہیں:) میں یہ کہتا ہوں: امام ابن ماجہ نے اس روایت کا ایک حصہ نقل کیا ہے۔ یہ روایت امام احمد نے نقل کی ہے۔ اس کی سند میں ایک راوی عبداللہ بن محمد بن عقیل ہے، اور اس کی نقل کردہ حدیث حسن ہے، اور اس میں ضعف پایا جاتا ہے، اور اس روایت کے بقیہ رجال ثقہ ہیں۔

حَمْزَةَ بْنِ صُهَيْبٍ،

7867 - وَعَنْ أَنَسٍ قَالَ: «قَالَ رَجُلٌ لِلنَّبِيِّ - صَلَّى اللَّهُ عَلَيْهِ وَسَلَّمَ -: عَلِّمْنِي عَمَلًا يُدْخِلُنِي الْجَنَّةَ، قَالَ: " أَطْعِمِ الطَّعَامَ، وَأَفْشِ السَّلَامَ، وَأَطِبِ الْكَلَامَ، وَصَلِّ بِاللَّيْلِ وَالنَّاسُ نِيَامٌ، تَدْخُلِ الْجَنَّةَ بِسَلَامٍ» ". رَوَاهُ الْبَزَّارُ وَفِيهِ حَفْصُ بْنُ أَسْلَمَ، وَهُوَ ضَعِيفٌ.

حضرت انس رضی اللہ تعالیٰ عنہ بیان کرتے ہیں: ایک شخص نے نبی اکرم صلی اللہ و علیہ وآلہ وسلم کی خدمت میں عرض کی: آپ مجھے ایسے عمل کے بارے میں تعلیم دیجئے جو مجھے جنت داخل کروا دے نبی اکرم صلی اللہ و علیہ وآلہ وسلم نے فرمایا: ”تم کھانا کھلاؤ سلام پھیلاؤ پاکیزہ کلام کرو رات کے وقت نماز ادا کرو جب لوگ سو رہے ہوں تم سلامتی کے ساتھ جنت میں داخل ہو جاؤ گے"۔ یہ روایت امام بزار نے نقل کی ہے۔ اس کی سند میں ایک راوی حفص بن اسلم ہے، اور وہ ضعیف ہے۔

رجل للنبي علِّمْني عَملاً يُدْخِلُني الجنَّةَ؟ ← أَنَسٍ،

7868 - وَعَنْ حَبِيبِ بْنِ أَبِي ثَابِتٍ قَالَ: صَنَعَتِ امْرَأَةٌ مِنْ نِسَاءِ الْحُسَيْنِ طَعَامًا فِي بَعْضِ أَرَضِيهِ فَطَعِمَ ثُمَّ رَفَعَ الطَّعَامَ فَجَاءَ مَوْلًى لَهُ فَدَعَا بِالطَّعَامِ فَقَالَ: يَا أَبَا عَبْدِ اللَّهِ لَا أُرِيدُهُ. قَالَ: لِمَ؟ قَالَ: أَكَلْنَا قُبَيْلُ عِنْدَ عُبَيْدِ اللَّهِ بْنِ عَبَّاسٍ فَقَالَ الْحُسَيْنُ: إِنَّ أَبَاهُ كَانَ سَيِّدَ قُرَيْشٍ إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «يَا بَنِي عَبْدِ الْمُطَّلِبِ أَطْعِمُوا الطَّعَامَ، وَأَطِيبُوا الْكَلَامَ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ عَمْرُو بْنُ ثَابِتٍ الْبَكْرِيُّ، وَهُوَ مَتْرُوكٌ.

حبیب بن ابو ثالث بیان کرتے ہیں: حضرت امام حسین رضی اللہ تعالیٰ عنہ کی ایک زوجہ محترمہ نے ان کی زمین میں کسی جگہ کھانا تیار کیا انہوں نے کھانا کھا لیا پھر انہوں نے کھانا اٹھا لیا اسی دوران ان کا ایک غلام آگیا تو امام حسین نے کھانا منگوایا تو اس غلام نے کہا: اے ابو عبید اللہ ! میں کھانا نہیں کھانا چاہتا امام حسین رضی اللہ تعالیٰ عنہ نے دریافت کیا: وہ کیوں اس نے بتایا تھوڑی دیر پہلے ہم نے حضرت عبید اللہ بن عباس کے ہاں کھانا کھایا ہے، تو امام حسین رضی اللہ تعالیٰ عنہ نے فرمایا: ان کے والد قریش کے سردار تھے۔ نبی اکرم صلی اللہ و علیہ وآلہ وسلم نے ارشاد فرمایا ہے: "اے بنو عبدالمطلب کھانا کھلاؤ اور پاکیزہ کلام کرو"۔ یہ روایت امام طبرانی نے معجم کبیر اور معجم اوسط میں نقل کی ہے۔ اس کی سند میں ایک راوی عمرہ بن ثابت بکری ہے، اور وہ متروک ہے۔

حَبِيبِ بْنِ أَبِي ثَابِتٍ

7869 - وَعَنِ الْحَسَنِ بْنِ عَلِيٍّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَطْعِمُوا الطَّعَامَ وَأَطِيبُوا الْكَلَامَ» ". رَوَاهُ الطَّبَرَانِيُّ وَفِيهِ الْقَاسِمُ بْنُ مُحَمَّدٍ الدَّلَّالُ، وَهُوَ ضَعِيفٌ.

حضرت اما م حسن بن علی رضی اللہ تعالیٰ عنہ روایت کرتے ہیں: نبی اکرم صلی اللہ و علیہ وآلہ وسلم نے ارشاد فرما یا ہے: "کھانا کھلاؤ اور پاکیزہ کلا م کرو"۔ یہ روایت امام طبرانی نے نقل کی ہے۔ اس کی سند میں قاسم بن محمد راوی ہے، اور وہ ضعیف ہے۔

الْحَسَنُ بْنُ عَلِيٍّ

7870 - وَعَنْ جَابِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «يُمَكِّنُكُمْ مِنَ الْجَنَّةِ إِطْعَامُ الطَّعَامِ يَا بَنِي عَبْدِ الْمُطَّلِبِ أَطْعِمُوا الطَّعَامَ وَأَطِيبُوا الْكَلَامَ» ". وَفِيهِ عَبْدُ اللَّهِ بْنُ مُحَمَّدٍ الْعَبَّادِ [يُّ] وَلَمْ أَعْرِفْهُ، وَبَقِيَّةُ رِجَالِهِ رِجَالُ الصَّحِيحِ.

حضرت جابر رضی اللہ تعالیٰ عنہ روایت کرتے ہیں: نبی اکرم صلی اللہ و علیہ وآلہ وسلم نے ارشاد فرما یا ہے: "اے بنو عبدالمطلب! کھانا کھلانا تمہیں جنت میں داخل کروا دے گا (یا جنت میں جگہ دلوا دے گا) تو تم کھانا کھلاؤ اور پاکیزہ کلام کرو"۔ اس روایت کی سند میں ایک راوی عبداللہ بن عامر بن محمد عبادی ہے، اور میں اس سے واقف نہیں ہوں۔ اس روایت کے بقیہ رجال صحیح کے رجال ہیں۔

جَابِرٍ

7871 - وَعَنْ مُحَمَّدِ بْنِ زِيَادٍ قَالَ: كَانَ عَبْدُ اللَّهِ بْنُ الْحَارِثِ يَمُرُّ بِنَا فَيَقُولُ: إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «أَطْعِمُوا الطَّعَامَ، وَأَفْشُوا السَّلَامَ، تُوَرَّثُوا الْجِنَانَ» ". رَوَاهُ الطَّبَرَانِيُّ وَرِجَالُهُ رِجَالُ الصَّحِيحِ.

محمد بن زیاد بیان کرتے ہیں: عبداللہ بن حارث ہمارے پاس سے گزرے تھے، تو یہ کہا کرتے تھے۔ نبی اکرم صلی اللہ و علیہ وآلہ وسلم یہ فرما یا کرتے تھے۔ "کھانا کھلاؤ اور سلام پھیلاؤ تم جنت کے وارث بن جاؤ گے"۔ یہ روایت امام طبرانی نے نقل کی ہے۔ اور اس کے رجال صحیح کے رجال ہیں۔

كَانَ عَبْدُ اللَّهِ بْنُ الْحَارِثِ يَمُرُّ بِنَا فَيَقُولُ: ← وَعَنْ مُحَمَّدِ بْنِ زِيَادٍ

7872 - وَعَنْ مِقْدَامِ بْنِ شُرَيْحٍ عَنْ أَبِيهِ عَنْ جَدِّهِ قَالَ: «قُلْتُ: يَا رَسُولَ اللَّهِ حَدِّثْنِي بِشَيْءٍ يُوجِبُ لِي الْجَنَّةَ قَالَ: " يُوجِبُ الْجَنَّةَ إِطْعَامُ الطَّعَامِ، وَإِفْشَاءُ السَّلَامِ» ". [وَفِي رِوَايَةٍ]: " «وَحُسْنُ الْكَلَامِ» ". رَوَاهُ الطَّبَرَانِيُّ بِإِسْنَادَيْنِ وَرِجَالُ أَحَدِهِمَا ثِقَاتٌ. وَقَدْ تَقَدَّمَتْ أَحَادِيثُ مِنْ هَذَا الْبَابِ فِي الصَّلَاةِ.

مقدام بن شریح نے اپنے والد کے حوالے سے اپنے دادا کا یہ بیان نقل کیا ہے؟ میں نے عرض کی: یا رسول اللہ ! آپ مجھے ایسی چیز کے بارے میں بتائیے جو میرے لئے جنت کو واجب کروا دے نبی اکر م صلی اللہ و علیہ وآلہ وسلم نے ارشاد فرمایا : کھانا کھلانا اور سلام پھیلانا جنت کو واجب کر دیتے ہیں۔ ایک روایت میں یہ الفاظ ہیں: "اچھا کلام کرنا"۔ یہ روایت امام طبرانی نے دو اسناد کے ساتھ نقل کی ہے۔ جن میں سے ایک کے رجال ثقہ ہیں۔ اس باب سے متعلق احادیث نماز سے متعلق باب میں گزر چکی ہیں۔

قُلْتُ ← جَدِّهِ، ← أَبِيهِ ← وَعَنْ مِقْدَامِ بْنِ شُرَيْحٍ

7873 - وَعَنْ عِمْرَانَ بْنِ حُصَيْنٍ قَالَ: ذَهَبَ الْمُطْعِمُونَ وَهُمُ الْمُسْتَطْعَمُونَ وَذَهَبَ الْمُذَكِّرُونَ وَبَقِيَ الْمُنَسِّئُونَ. قَالَ الْحَسَنُ: أَمَا وَاللَّهِ لَوْ كَانَ عِمْرَانُ حَيًّا الْيَوْمَ لَكَانَ أَقْوَلَ. رَوَاهُ الطَّبَرَانِيُّ بِإِسْنَادَيْنِ وَرِجَالُ أَحَدِهِمَا ثِقَاتٌ.

حضرت عمران بن حصین رضی اللہ تعالیٰ عنہ فرماتے ہیں: کھانا کھلانے والے رخصت ہو گئے ہیں یہ وہ لوگ تھے جن سے کھانا طلب کیا جاتے تھا، اور نصیحت کرنے والے رخصت ہو گئے اور بھلانے والے باقی رہ گئے ہیں۔ حسن بصری فرماتے ہیں: اللہ کی قسم! اگر اب حضرت عمران رضی اللہ تعالیٰ عنہ زندہ ہوتے، تو ان کا قول (صورت حال کے) زیادہ موافق ہوتا۔ یہ روایت اما م طبرانی نے دو اسناد کے ساتھ نقل کی ہے ۔ جن میں سے ایک کے رجال ثقہ ہیں۔

ذَهَبَ الْمُطْعِمُونَ وَهُمُ الْمُسْتَطْعَمُونَ وَذَهَبَ الْمُذَكِّرُونَ وَبَقِيَ الْمُنَسِّئُونَ. ← عِمْرَانَ بْنِ حُصَيْنٍ

7874 - عَنْ أَبِي الدَّرْدَاءِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ وَافَقَ مِنْ أَخِيهِ شَهْوَةً غُفِرَ لَهُ» ". رَوَاهُ الطَّبَرَانِيُّ، وَالْبَزَّارُ وَفِيهِ زِيَادُ بْنُ نُمَيْرٍ النُّمَيْرِيُّ، وَثَّقَهُ ابْنُ حِبَّانَ وَقَالَ: يُخْطِئُ. وَضَعَّفَهُ غَيْرُهُ، وَفِيهِ مَنْ لَمْ أَعْرِفْهُ.

حضرت ابو دردا ء رضی اللہ تعالیٰ عنہ روایت کرتے ہیں: نبی اکرم صلی اللہ و علیہ وآلہ وسلم نے ارشاد فرما یا: "جو شخص، اپنے (کسی دینی) بھائی کی خواہش پوری کروا دے، اس کی مغفرت ہو جائے گی"۔ یہ روایت امام طبرانی نے اور امام بزار نے نقل کی ہے۔ اس کی سند میں ایک راوی زیاد بن نمیری ہے ابن حبان نے اسے ثقہ قرار دیا ہے وہ کہتے ہیں: یہ غلطی کر جاتا ہے دیگر حضرات نے اسے ضعیف کہا ہے۔ اس کی سند میں ایک ایسا راوی بھی ہے جس سے میں واقف نہیں ہوں۔

أَبِي الدَّرْدَاءِ،

7875 - عَنْ عِصْمَةَ قَالَ: «جَاءَ نَفَرٌ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالُوا: يَا رَسُولَ اللَّهِ إِنَّا نَمُرُّ بِهَذِهِ الْأَسْوَاقِ فَنَنْظُرُ إِلَى هَذِهِ الْفَوَاكِهِ فَنَشْتَهِيهَا، وَلَيْسَ مَعَنَا نَاضٌّ نَشْتَرِي بِهِ، فَهَلْ لَنَا فِي ذَلِكَ مِنْ أَجْرٍ؟ فَقَالَ: " وَهَلِ الْأَجْرُ إِلَّا ذَلِكَ»؟! ". رَوَاهُ الطَّبَرَانِيُّ وَفِيهِ الْفَضْلُ بْنُ الْمُخْتَارِ وَهُوَ ضَعِيفٌ.

حضرت عصمہ رضی اللہ تعالیٰ عنہا بیان کرتے ہیں : نبی اکرم صلی اللہ و علیہ وآلہ وسلم کے کچھ اصحاب نبی اکرم صلی اللہ و علیہ وآلہ وسلم کی خدمت میں حاضر ہوئے انہوں نے عرض کی : یا رسول اللہ! ہم بازار سے گزرتے ہیں ہماری نظر ان پھلوں کی طرف پڑتی ہے ہمیں ان کی شدید خواہش ہوتی ہے، لیکن ہمارے پاس کوئی چیز نہیں ہوتی جس کے عوض میں ہم انہیں خرید لیں، تو کیا اس چیز کا اجر ملے گا؟ نبی اکرم صلی اللہ و علیہ وآلہ وسلم نے فرمایا: اجر صرف اسی کا ہوتا ہے۔ یہ روایت امام طبرانی نے نقل کی ہے۔ اس کی سند میں ایک راوی فضل بن مختار ہے، اور وہ ضعیف ہے۔

«جَاءَ نَفَرٌ مِنْ أَصْحَابِ النَّبِيِّ إِلَى النَّبِيِّ فَقَالُوا: ← عِصْمَةُ