Majma uz Zawaid Wa Manba ul Fawaid

7748 - عَنْ أُمِّ سَلَمَةَ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «لَا تَسْأَلُ الْمَرْأَةُ طَلَاقَ أُخْتِهَا لِتَكْفِئَ مَا فِي صَحْفَتِهَا، فَإِنَّمَا رِزْقُهَا عَلَى اللَّهِ عَزَّ وَجَلَّ». رَوَاهُ الطَّبَرَانِيُّ عَنْ شَيْخِهِ أَبِي يَحْيَى الرَّازِيِّ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

سیدہ ام سلمہ رضی اللہ عنہا بیان کری ہیں : نبی اکرم صلی اللہ علیہ وآلہ وسلم نے ارشاد فرمایا : " عورت اپنی بہن ( یعنی سوکن ) کی طلاق کا مطالبہ نہ کرے تاکہ اس کے برتن میں آنے والی چیز کو خود حاصل کر لے ( کیونکہ ) اس کا رزق اللہ کے ذمہ ہے"۔ یہ روایت امام طبرانی نے اپنے استاد ابو یحییٰ رازی سے نقل کی ہے ۔ اور میں ان سے واقف نہیں ہوں ۔ اس روایت کے بقیہ رجال ثقہ ہیں ۔

أُمِّ سَلَمَةَ

7749 - عَنْ عَاصِمِ بْنِ عُمَرَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - طَلَّقَ حَفْصَةَ بِنْتَ عُمَرَ بْنِ الْخَطَّابِ [طَلْقَةً]، ثُمَّ ارْتَجَعَهَا.» رَوَاهُ أَحْمَدُ، وَالطَّبَرَانِيُّ، وَرِجَالُهُ ثِقَاتٌ.

حضرت عاصم بن عمر رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے حضرت عمر بن خطاب رضی اللہ عنہ کی صاحبزادی سیدہ حفصہ کو طلاق دے دی پھر آپ نے ان سے رجوع کر لیا تھا ۔ یہ روایت امام احمد نے اور امام طبرانی نے نقل کی ہے۔ اور اس کے رجال ثقہ ہیں۔

عَاصِمِ بْنِ عُمَرَ

7750 - وَعَنْ أَنَسٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - طَلَّقَ حَفْصَةَ، ثُمَّ ارْتَجَعَهَا». رَوَاهُ الْبَزَّارُ.

حضرت انس رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے سیدہ حفصہ رضی اللہ عنہا کو طلاق دے دی تھی پھر آپ نے ان سے رجوع کر لیا تھا۔ یہ روایت امام بزار نے نقل کی ہے۔

أَنَسٍ،

7751 - وَرَوَى لَهُ أَبُو يَعْلَى: «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - حِينَ طَلَّقَ حَفْصَةَ أُمِرَ أَنْ يُرَاجِعَهَا». وَرِجَالُ أَبِي يَعْلَى رِجَالُ الصَّحِيحِ.

امام ابو یعلیٰ نے ان کے ( یعنی حضرت اسن رضی اللہ عنہ کے ) حوالے سے یہ بات نقل کی ہے ۔ جب نبی ا کرم صلی اللہ علیہ وآلہ وسلم نے سیدہ حفصہ رضی اللہ عنہا کو طلاق دے دی تو آپ کو یہ حکم دیا گیا کہ آپ ان سے رجوع کر لیں۔ امام ابو یعلیٰ کے رجال صحیح کے رجال ہیں۔

وَرَوَى لَهُ أَبُو يَعْلَى:

7752 - وَعَنِ ابْنِ عُمَرَ قَالَ: دَخَلَ عُمَرُ عَلَى حَفْصَةَ وَهِيَ تَبْكِي فَقَالَ لَهَا: مَا يُبْكِيكِ؟ لَعَلَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - طَلَّقَكِ إِنَّهُ قَدْ كَانَ طَلَّقَكِ مَرَّةً، ثُمَّ رَاجَعَكِ مِنْ أَجْلِي وَاللَّهِ لَإِنْ كَانَ طَلَّقَكِ مَرَّةً أُخْرَى لَا كَلَّمْتُكِ أَبَدًا. رَوَاهُ أَبُو يَعْلَى، وَالْبَزَّارُ، وَرِجَالُ أَبِي يَعْلَى رِجَالُ الصَّحِيحِ كَذَلِكَ رِجَالُ الْبَزَّارِ.

حضرت عبداللہ بن عمر رضی اللہ عنہ بیان کرتے ہیں: حضرت عمر رضی اللہ عنہ ، سیدہ حفصہ رضی اللہ عنہا کے پاس تشریف لائے ، تو وہ رو رہی تھیں حضرت عمر رضی اللہ عنہ نے دریافت کیا : تم کیوں رو رہی ہو؟ شاید نبی اکرم صلی اللہ علیہ وآلہ وسلم نے تمہیں طلاق دے دی ہے ۔ نبی اکرم صلی اللہ علیہ وآلہ وسلم پہلے بھی تمہیں ایک مرتبہ طلاق دے چکے ہیں اور میری وجہ سے آپ صلی اللہ علیہ وآلہ وسلم نے تم سے رجوع کر لیا تھا اللہ کی قسم !اگر آپ نے دوسری مرتبہ تمہیں طلاق دے دی ، تو میں کبھی تمہارے ساتھ بات نہیں کروں گا۔ یہ روایت امام ابو یعلیٰ اور امام بزار نے نقل کی ہے ۔ اما ابو یعلیٰ کے رجال صحیح کے رجال ہیں امام بزار کے رجال کا معاملہ بھی اسی طرح ہے۔

دَخَلَ عُمَرُ عَلَى حَفْصَةَ وَهِيَ تَبْكِي، ← ابْنِ عُمَرَ

7753 - وَعَنْ عُقْبَةَ بْنِ عَامِرٍ الْجُهَنِيِّ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - طَلَّقَ حَفْصَةَ فَبَلَغَ ذَلِكَ عُمَرَ بْنَ الْخَطَّابِ فَوَضَعَ التُّرَابَ عَلَى رَأْسِهِ، وَقَالَ: مَا يَعْبَأُ اللَّهُ بِكَ يَا ابْنَ الْخَطَّابِ بَعْدَهَا، فَنَزَلَ جِبْرِيلُ - عَلَيْهِ السَّلَامُ - عَلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: " إِنَّ اللَّهَ يَأْمُرُكَ أَنْ تُرَاجِعَ حَفْصَةَ رَحْمَةً لِعُمَرَ». رَوَاهُ الطَّبَرَانِيُّ، وَفِيهِ عَمْرُو بْنُ صَالِحٍ الْحَضْرَمِيُّ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

حضرت عقبہ بن عامر جہنی رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے سیدہ حفصہ رضی اللہ عنہا کو طلاق دے دی حضرت عمر بن خطاب رضی اللہ عنہ کو اس بات کی اطلاع ملی ، تو انہوں نے مٹی اپنے سر میں ڈالی اور بولے : اے خطاب کے بیٹے !اللہ تعالیٰ اس کے بعد تمہاری کیا پروا کرے گا پھر اس کے بعد حضرت جبرائیل علیہ السلام نبی اکرم صلی اللہ علیہ وآلہ وسلم پر نازل ہوئے اور بولے : اللہ تعالیٰ نے حضرت عمر رضی اللہ عنہ پر رحمت کی وجہ سے آپ کو یہ حکم دیا ہے کہ آپ رجوع کر لیں۔ یہ روایت امام طبرانی نے نقل کی ہے ۔ اس کی سند میں ایک راوی عمر و بن صالح حضرمی ہے میں اس سے واقف نہیں ہوں ۔ اس روایت کے بقیہ رجال ثقہ ہیں ۔

عُقْبَةَ بْنَ عَامِرٍ الْجُهَنِيَّ،

7754 - عَنْ جَابِرِ بْنِ عَبْدِ اللَّهِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «لَا طَلَاقَ إِلَّا بَعْدَ نِكَاحٍ، وَلَا عَتَاقَ إِلَّا مِنْ بَعْدِ مِلْكٍ». رَوَاهُ الطَّبَرَانِيُّ فِي الْأَوْسَطِ، وَهَذَا لَفْظُهُ، وَالْبَزَّارُ بِنَحْوِهِ، وَرِجَالُ الْبَزَّارِ رِجَالُ الصَّحِيحِ.

حضرت جابر بن عبداللہ رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: "طلاق صرف نکاح کے بعد ہوتی ہے ، اور غلام آزاد کرنا صرف ملکیت کے بعد ہوتا ہے"۔ یہ روایت امام طبرانی نے معجم اوسط میں نقل کی ہے ۔ روایت کے یہ الفاظ ان کے ہیں امام بزار نے اس کی مانند روایت نقل کی ہے ۔ اور امام بزار کے رجال صحیح کے رجال ہیں ۔

جَابِرِ بْنِ عَبْدِ اللَّهِ:

7755 - وَعَنْ مُعَاذِ بْنِ جَبَلٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «لَا طَلَاقَ لِمَنْ يَمْلِكُ، وَلَا عَتَاقَ لِمَنْ لَا يَمْلِكُ». رَوَاهُ الطَّبَرَانِيُّ فِي الْكَبِيرِ، وَالْأَوْسَطِ، وَرِجَالُهُ ثِقَاتٌ إِلَّا أَنْ طَاوُوسًا لَمْ يَلْقَ مُعَاذَ بْنَ جَبَلٍ.

حضرت معاذ بن جبل رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " اس شخص کی (دی ہوئی ) طلاق نہیں ہوتی ، جو مالک نہ ہو ( یعنی جو طلاق دینے کا حق نہ رکھتا ہو ) ، اور اس شخص کا غلام آزاد کرنا ثابت نہیں ہوتا ، جو ( غلام کا ) مالک نہ ہو"۔ یہ روایت امام طبرانی نے معجم کبیر اور معجم اوسط میں نقل کی ہے ۔ اور اس کے رجال ثقہ ہیں ، البتہ طاؤس نامی راوی نے حضرت معاذ بن جبل رضی اللہ عنہ سے ملاقات نہیں کی ۔

مُّعَاذِ بْنِ جَبَلِ

7756 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «لَا نِكَاحَ إِلَّا بَعْدَ طَلَاقٍ "». رَوَاهُ الطَّبَرَانِيُّ فِي الصَّغِيرِ، وَالْأَوْسَطِ عَنْ أَحْمَدَ بْنِ صَالِحٍ، وَهُوَ مَتْرُوكٌ.

حضرت عبداللہ بن عمر رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: " طلاق دینا ، صرف نکاح کے بعد ہوتا ہے "۔ یہ روایت امام طبرانی نے معجم صغیر اور معجم اوسط میں احمد بن صالح کے حوالے سے نقل کی ہے ۔ اور وہ متروک ہے ۔

ابْنِ عُمَرَ

7757 - «وَعَنْ عَلِيِّ بْنِ أَبِي طَالِبٍ قَالَ: حَفِظْتُ لَكُمْ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - سِتًّا: " لَا طَلَاقَ إِلَّا مِنْ بَعْدِ نِكَاحٍ، وَلَا عَتَاقَ إِلَّا مِنْ بَعْدِ مِلْكٍ، وَلَا وَفَاءَ لِنَذْرٍ فِي مَعْصِيَةٍ، وَلَا يُتْمَ بَعْدَ حُلُمٍ، وَلَا صَمْتَ يَوْمٍ إِلَى اللَّيْلِ، وَلَا وِصَالَ فِي الصِّيَامِ». قُلْتُ: رَوَى أَبُو دَاوُدَ مِنْهُ لَا يُتْمَ بَعْدَ حُلُمٍ، وَلَا صَمْتَ يَوْمٍ إِلَى اللَّيْلِ. رَوَاهُ الطَّبَرَانِيُّ فِي الصَّغِيرِ، وَرِجَالُهُ ثِقَاتٌ، وَقَدْ تَقَدَّمَتْ أَحَادِيثُ فِي الْعِتْقِ وَالنُّذُورِ.

حضرت علی بن ابو طالب رضی اللہ عنہ بیان کرتے ہیں: میں نے تمہارے لئے اللہ کے رسول صلی اللہ علیہ وآلہ وسلم سے چھ باتیں یاد رکھیں ہیں : " طلاق دینا صرف نکاح کے بعد ہوتا ہے ، غلام آزاد کرنا صرف ملکیت کے بعد ہوتا ہے ، معصیت کے بارے میں نذر کو پورا کرنا لازم نہیں ہوتا ، بالغ ہونے کے بعد یتیمی ثابت نہیں ہوتی رات تک خاموش رہنے ( یعنی چپ کے روزے ) کی کوئی حیثیت نہیں ہے ، اور روزے رکھتے ہوئے صوم وصال نہیں رکھا جائے گا"۔ ( علامہ ہیثمی فرماتے ہیں : ) میں یہ کہتا ہوں امام ابو داؤد نے اس میں سے صرف یہ حصہ نقل کیا ہے ۔ بالغ ہونے کے بعد یتیمی ثابت نہیں ہوتی اور رات تک خاموش رہنے کی کوئی حیثیت نہیں ہے ۔یہ روایت امام طبرانی نے معجم صغیر میں نقل کی ہے۔ اور اس کے رجال ثقہ ہیں اس سے پہلے غلام آزاد کرنے اور نذر سے متعلق باب میں اس نوعیت کی احادیث گزر چکی ہیں۔

عَلِيِّ بْنِ أَبِي طَالِبٍ

7758 - وَعَنْ عِصْمَةَ قَالَ: «جَاءَ مَمْلُوكٌ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ إِنَّ مَوْلَايَ زَوَّجَنِي، وَهُوَ يُرِيدُ أَنْ يُفَرِّقَ بَيْنِي وَبَيْنَ امْرَأَتِي قَالَ: فَصَعِدَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمِنْبَرَ فَقَالَ: " يَا أَيُّهَا النَّاسُ إِنَّمَا الطَّلَاقُ بِيَدِ مَنْ أَخَذَ بِالسَّاقِ». رَوَاهُ الطَّبَرَانِيُّ، وَفِيهِ الْفَضْلُ بْنُ الْمُخْتَارِ، وَهُوَ ضَعِيفٌ.

حضرت عصمہ رضی اللہ عنہ بیان کرتے ہیں : ایک غلام نبی اکرم صلی اللہ علیہ وآلہ وسلم کی خدمت میں حاضر ہوا اس نے عرض کی : یارسول اللہ صلی اللہ علیہ وآلہ وسلم ! میرے آقا نے میری شادی کروائی اب وہ یہ چاہتا ہے کہ میرے اور میری بیوی کے درمیان علیحدگی کروا دے راوی بیان کرتے ہیں: نبی اکرم صلی اللہ علیہ وآلہ وسلم منبر پر چڑھے آپ صلی اللہ علیہ وآلہ وسلم نے ارشاد فرمایا: اے لوگو ! طلاق کا اختیار اس شخص کو ہوتا ہے جو پنڈلی کو پکڑتا ہے ۔ یہ روایت امام طبرانی نے نقل کی ہے ۔اور اس کی سند میں ایک راوی فضل بن مختار ہے اور وہ ضعیف ہے ۔

«جَاءَ مَمْلُوكٌ إِلَى النَّبِيِّ فَقَالَ: ← وَعَنْ عِصْمَةَ

7759 - وَعَنِ ابْنِ جُرَيْجٍ قَالَ: بَلَغَ ابْنَ عَبَّاسٍ أَنَّ ابْنَ مَسْعُودٍ يَقُولُ: إِنْ طَلَّقَ مَا لَمْ يَنْكِحْ فَهُوَ جَائِزٌ فَقَالَ ابْنُ عَبَّاسٍ: أَخْطَأَ فِي هَذَا، إِنَّ اللَّهَ عَزَّ وَجَلَّ يَقُولُ: {إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ} [الأحزاب: 49]، وَلَمْ يَقُلْ إِذَا نَكَحْتُمُ الْمُؤْمِنَاتِ، ثُمَّ طَلَّقْتُمُوهُنَّ نَكَحْتُمُوهُنَّ. رَوَاهُ الطَّبَرَانِيُّ، وَإِسْنَادُهُ مُنْقَطِعٌ، وَرِجَالُهُ ثِقَاتٌ.

ابن جریج بیان کرتے ہیں: حضرت عبداللہ بن عباس رضی اللہ عنہ کو یہ اطلاع ملی کہ حضرت عبداللہ بن مسعود رضی اللہ عنہ یہ فرماتے ہیں : اگر آدمی اس عورت کو طلاق دے دے جس کے ساتھ اس نے نکاح نہیں کیا ہوا تھا تو یہ جائز ہوگا۔ حضرت عبداللہ بن عبا س رضی اللہ عنہ نے فرمایا: انہوں نے مسئلے میں غلطی کی ہے اللہ تعالیٰ نے یہ ارشاد فرمایا ہے: " جب تم مومن عورتوں کے ساتھ نکاح کر لو پھر اس کے بعد اگر تم انہیں مس کرنے سے پہلے انہیں طلاق دے دو" اللہ تعالیٰ نے یہ نہیں فرمایا : جب تم مومن عورتوں کو طلاق دے دو اور پھر ان سے نکاح کر لو۔ یہ روایت امام طبرانی نے نقل کی ہے ۔ اور اس کی سند منقطع ہے، اور اس کے رجال ثقہ ہیں ۔

ابْنُ عَبَّاسٍ: أَخْطَأَ فِي هَذَا، إِنَّ اللَّهَ عَزَّ وَجَلَّ ← «إِنْ طَلَّقَ مَا لَمْ يَنْكِحْ فَهُوَ جَائِزٌ». ← بَلَغَ ابْنَ عَبَّاسٍ، أَنَّ ابْنَ مَسْعُودٍ ← ابْنُ جُرَيْجٍ،