Majma uz Zawaid Wa Manba ul Fawaid

172 - وَعَنْ عَبْدِ اللَّهِ بْنِ زَيْدٍ الْأَنْصَارِيِّ - رَضِيَ اللَّهُ عَنْهُ - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِذَا سُئِلَ أَحَدُكُمْ: أَمُؤْمِنٌ؟ فَلَا يَشُكَّ» ". رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ أَحْمَدُ بْنُ بُدَيْلٍ، وَثَّقَهُ النَّسَائِيُّ وَأَبُو حَاتِمٍ، وَضَعَّفَهُ آخَرُونَ.

حضرت عبداللہ بن زید انصاری رضی اللہ عنہ روایت کرتے ہیں :: نبی اکرم صلی اللہ علیہ و آلہ وسلم نے ارشاد فرمایا ہے:: " جب تم میں کسی سے یہ پوچھا جائے: کیا تم مؤمن ہو؟ تو وہ شخص شک کا اظہار نہ کرے "۔ یہ روایت امام طبرانی نے معجم کبیر میں نقل کی ہے اور اس کی سند میں ایک راوی احمد بن بدیل ہے، جسے امام نسائی اور ابو حاتم نے ثقہ قرار دیا ہے، جبکہ دیگر حضرات نے اسے ضعیف قرار دیا ہے اور اس کی سند میں ایک راوی احمد بن بدیل ہے، جسے امام نسائی اور ابو حتم نے ثقہ قرار دیا ہے، جبکہ دیگر حضرات نے اسے ضعیف قرار دیا ہے۔

عَبْدِ اللَّهِ بْنِ زَيْدٍ الْأَنْصَارِيِّ:

173 - وَعَنْ عَلْقَمَةَ قَالَ: قَالَ رَجُلٌ عِنْدَ عَبْدِ اللَّهِ: إِنِّي مُؤْمِنٌ، فَقَالَ عَبْدُ اللَّهِ: قُلْ إِنِّي فِي الْجَنَّةِ، لَكِنَّا آمَنَّا بِاللَّهِ وَمَلَائِكَتِهِ وَكُتُبِهِ وَرُسُلِهِ. رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

علقمہ بیان کرتے ہیں : حضرت عبداللہ بن مسعود رضی اللہ عنہ کی موجودگی میں ایک شخص نے یہ کہہ دیا : بے شک میں مؤمن ہوں حضرت عبداللہ نے فرمایا: تم یہ بھی کہہ دو : بے شک میں جنتی ہوں ، لیکن ہم ( تو یہ کہتے ہیں: ) ہم اللہ تعالیٰ اس کے فرشتوں اس کی کتابوں اور اس کے رسولوں پر ایمان رکھتے ہیں ۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں۔

رَجُلٌ عِنْدَ عَبْدِ اللَّهِ إِنِّي مُؤْمِنٌ ← عَلْقَمَةَ

174 - وَعَنْ عُثْمَانَ بْنِ سُهَيْلِ بْنِ حُنَيْفٍ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَبْلَ أَنْ يَقْدُمَ مِنْ مَكَّةَ يَدْعُو النَّاسَ إِلَى الْإِيمَانِ بِاللَّهِ وَتَصْدِيقًا بِهِ قَوْلًا بِلَا عَمَلٍ، وَالْقِبْلَةُ إِلَى بَيْتِ الْمَقْدِسِ، فَلَمَّا هَاجَرَ إِلَيْنَا نَزَلَتِ الْفَرَائِضُ وَنَسَخَتِ الْمَدِينَةُ مَكَّةَ، وَالْقَوْلَ فِيهَا، وَنَسَخَ الْبَيْتُ الْحَرَامُ بَيْتَ الْمَقْدِسِ، فَصَارَ الْإِيمَانُ قَوْلًا وَعَمَلًا». رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ جَمَاعَةٌ لَمْ أَعْرِفْهُمْ.

حضرت عثمان بن سہیل بن حنیف رضی اللہ عنہ فرماتے ہیں : نبی اکرم صلی اللہ علیہ و آلہ وسلم کے مکہ سے ( مدینہ منورہ ) تشریف لانے سے پہلے آپ صلی اللہ علیہ و آلہ وسلم لوگوں کو اللہ پر ایمان لانے کی دعوت دیتے تھے اور قول کے ذریعے اس کی تصدیق کرنے ( کی دعوت دیتے تھے) اس عمل کی شرط نہیں ہوتی تھی، اس وقت قبلہ ، بیت المقدس تھا، جب نبی اکرم صلی اللہ علیہ و آلہ وسلم ہجرت کر کے ہماری طرف تشریف لے آئے ، اور فرائض کے احکام نازل ہو گئے ، تو مدینہ نے مکہ ( یعنی وہاں کے احکام ) کو منسوخ کر دیا) اور بیت الحرام ( کے قبلہ ہونے کے حکم نے بیت المقدس کو منسوخ کر دیا ، تو ایمان ، قول اور عمل ( کے مجموعہ کا نام ) ہو گیا۔ یہ روایت امام طبرانی نے معجم کبیر میں نقل کی ہے ، اس کی سند میں ( راویوں کی ) ایک جماعت ایسی ہے، جن سے میں واقف نہیں ہوں ۔

عُثْمَانَ بْنِ سُهَيْلِ بْنِ حُنَيْفٍ

175 - وَعَنْ أَبِي أُمَامَةَ - رَضِيَ اللَّهُ عَنْهُ - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " ثَلَاثٌ مَنْ كُنَّ فِيهِ وَجَدَ حَلَاوَةَ الْإِيمَانِ: أَنْ يَكُونَ اللَّهُ وَرَسُولُهُ أَحَبَّ إِلَيْهِ مِمَّا سِوَاهُمَا، وَأَنْ يُحِبَّ الْمَرْءَ لَا يُحِبُّهُ إِلَّا لِلَّهِ، وَأَنْ لَا يَرْجِعُ فِي الْكُفْرِ بَعْدَ إِذْ أَنْقَذَهُ اللَّهُ مِنْهُ كَمَا يَكْرَهُ أَنْ يُلْقَى فِي النَّارِ» ". رَوَاهُ الطَّبَرَانِيُّ فِي الْكَبِيرِ، وَفِيهِ فَضَالُ بْنُ جُبَيْرٍ، لَا يَحِلُّ الِاحْتِجَاجُ بِهِ.

حضرت ابو امامہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " تین چیزیں ، جس شخص میں موجود ہوں گی ، وہ ایمان کی حلاوت کو پا لے گا، ایک یہ کہ اللہ اور اس کا رسول اس کے نزدیک ، ان دونوں کے علاوہ ، ہر ایک سے زیادہ محبوب ہوں، اور یہ کہ وہ کسی شخص کے ساتھ صرف ، اللہ تعالیٰ کی خاطر محبت رکھے ، اور یہ کہ جب اللہ تعالیٰ نے اسے کفر سے بچا لیا ہے، تو وہ کفر کی طرف واپس نہ جائے ( وہ کفر کی طرف واپس جانے کو ) اسی طرح ناپسند کرے ، جس طرح وہ آگ میں ڈالے جانے کو ناپسند کرتا ہے "۔ یہ روایت امام طبرانی نے معجم کبیر میں نقل کی ہے اور اس کی سند میں ایک راوی فضال بن جبیر ہے، جس سے استدلا ل کرنا جائز نہیں ہے۔

اَبِیْ اُمَامَۃَ،

176 - وَعَنْ قَتَادَةَ - رَضِيَ اللَّهُ عَنْهُ - أَنَّ ابْنَ مَسْعُودٍ - رَضِيَ اللَّهُ عَنْهُ - قَالَ: ثَلَاثٌ مَنْ كُنَّ فِيهِ يَجِدُ بِهِنَّ حَلَاوَةَ الْإِيمَانِ: تَرْكُ الْمِرَاءِ فِي الْحَقِّ، وَالْكَذِبِ فِي الْمِزَاحِةِ، وَيَعْلَمُ أَنَّ مَا أَصَابَهُ لَمْ يَكُنْ لِيُخْطِئَهُ، وَأَنَّ مَا أَخْطَأَهُ لَمْ يَكُنْ لِيُصِيبَهُ. رَوَاهُ الطَّبَرَانِيُّ، وَقَتَادَةُ لَمْ يَسْمَعْ مِنَ ابْنِ مَسْعُودٍ ..

قتادہ بیان کرتے ہیں : حضرت عبداللہ بن مسعود رضی اللہ عنہ فرماتے ہیں: " تین چیزیں جس میں ہوں گی ، وہ ان کی وجہ سے ایمان کی حلاوت پالے گا، حق کے بارے میں بحث ( کو ترک کرنا ) مذاق کے طور پر جھوٹ بولنے کو ترک کرنا اور اس بات کا یقین رکھنا کہ جو چیز آدمی کو ملنی ہے، وہ اسے ملے بغیر نہیں رہے گی، اور جو چیز اسے نہیں ملنی ہے وہ ( کسی صورت میں ) نہیں ملے گی"۔ یہ روایت امام طبرانی نے نقل کی ہے، اور قتادہ نامی راوی نے حضرت عبداللہ بن مسعود رضی اللہ عنہ سے سما ع نہیں کیا ہے۔

قَتَادَةَ

177 - وَعَنْ يَحْيَى بْنِ سَعِيدٍ، عَنْ نَوْفَلِ بْنِ مَسْعُودٍ قَالَ: دَخَلْنَا عَلَى أَنَسِ بْنِ مَالِكٍ فَقُلْنَا: حَدِّثْنَا بِمَا سَمِعْتَ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: «سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " ثَلَاثٌ مَنْ كُنَّ فِيهِ حُرِّمَ عَلَى النَّارِ وَحُرِّمَتِ النَّارُ عَلَيْهِ: إِيمَانٌ بِاللَّهِ، وَحُبُّ اللَّهِ - تَبَارَكَ وَتَعَالَى - وَأَنْ يُلْقَى فِي النَّارِ فَيَحْتَرِقَ أَحَبُّ إِلَيْهِ مِنْ أَنْ يَرْجِعَ إِلَى الْكُفْرِ» ". قُلْتُ: لَهُ فِي الصَّحِيحِ حَدِيثٌ بِغَيْرِ هَذَا السِّيَاقِ. رَوَاهُ أَحْمَدُ وَأَبُو يَعْلَى، وَنَوْفَلُ بْنُ مَسْعُودٍ لَمْ أَرَ مَنْ ذَكَرَ لَهُ تَرْجَمَةً، إِلَّا أَنَّ الْمِزِّيَّ قَالَ فِي تَرْجَمَةِ يَحْيَى الْقَطَّانِ: رَوَى عَنْ نَوْفَلِ بْنِ مَسْعُودٍ صَاحِبِ أَنَسٍ.

یحییٰ بن سعید نے نوفل بن مسعود کا یہ بیان نقل کیا ہے : ہم لوگ حضرت انس بن مالک رضی اللہ عنہ کی خدمت میں حاضر ہوئے اور ہم نے کہا : آپ ہمیں کوئی ایسی حدیث بیان کیجئے ! جو آپ نے نبی اکر م صلی اللہ علیہ و آلہ وسلم کی زبانی سنی ہو، تو انہوں نے فرمایا: میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے: " تین چیزیں ، جس شخص میں ہوں گی ، اسے آگ پر حرام قرار دی دیا جائے گا۔ اللہ تعالیٰ پر ایمان رکھنا ، اللہ تعالیٰ سے محبت رکھنا ، اور آگ میں ڈالے جا کر ، جل جانا ، اس کے نزدیک اس سے زیادہ پسند یدہ ہو کہ وہ کفر کی طرف واپس چلا جائے"۔ ( علامہ ہیثمی فرماتے ہیں : ) میں یہ کہتا ہوں : ان کے حوالے سے " صحیح " میں یہ حدیث مذکور ہے، لیکن وہ اس سیاق کے بغیر ہے۔ یہ روایت امام احمد اور امام بو یعلیٰ نے نقل کی ہے ، اور نوفل بن مسعود کے بارے میں ، میں نے کسی کو نہیں دیکھا ، کہ کسی نے اس کے حالات ذکر کئے ہوں ، صرف امام مزی نے یحییٰ القطان کے حالات میں یہ بات کہی ہے: انہوں نے حضرت انس رضی اللہ عنہ کے شاگرد نوفل بن مسعود سے روایت نقل کی ہیں ۔

مِنْ رَسُولِ اللَّهِ ← بِمَا ← دَخَلْنَا عَلَى أَنَسِ بْنِ مَالِكٍ فَقُلْنَا: ← نَوْفَلُ بْنُ مَسْعُودٍ ← يَحْيَی بْنُ سَعِيدٍ

178 - وَعَنْ أَنَسِ بْنِ مَالِكٍ - رَضِيَ اللَّهُ عَنْهُ - «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " ثَلَاثٌ مَنْ كُنَّ فِيهِ فَقَدْ ذَاقَ طَعْمَ الْإِيمَانِ: مَنْ كَانَ لَا شَيْءَ أَحَبَّ إِلَيْهِ مِنَ اللَّهِ وَرَسُولِهِ، وَمَنْ كَانَ أَنْ يُحْرَقَ فِي النَّارِ أَحَبَّ إِلَيْهِ مِنْ أَنْ يَرْتَدَّ عَنْ دِينِهِ، وَمَنْ كَانَ يُحِبُّ لِلَّهِ وَيُبْغِضُ لِلَّهِ» ". رَوَاهُ الطَّبَرَانِيُّ فِي الْكَبِيرِ وَالصَّغِيرِ، وَهُوَ فِي الصَّحِيحِ خَلَا قَوْلِهِ: " وَيُبْغِضُ لِلَّهِ "، وَفِي إِسْنَادِهِ أَبُو الْحُوَيْرِثِ، ضَعَّفَهُ مَالِكٌ وَابْنُ مَعِينٍ، وَوَثَّقَهُ ابْنُ حِبَّانَ.

حضرت انس بن مالک رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " تین چیزیں ، جس شخص میں ہوں گی ، وہ ایمان کا ذائقہ چکھ لے گا، وہ شخص کہ کوئی بھی چیز اس کے نزدیک ، اللہ اور اس کے رسول سے زیادہ محبوب نہ ہو، اور وہ شخص کہ جس کے نزدیک آگ میں جل جانا اس سے زیادہ محبوب ہو کہ وہ اپنے دین ( یعنی اسلام ) کو چھوڑ دے ، اور وہ شخص جو اللہ کی خاطر ( کسی سے ) محبت رکھتا ہو اور اللہ تعالیٰ کی خاطر ( کسی سے ) بغض رکھتا ہو"۔ یہ روایت امام طبرانی نے معجم کبیر اور معجم صغیر میں نقل کی ہے، ار یہ " صحیح " میں بھی منقول ہے، صرف یہ الفاظ نہیں ہیں : " وہ اللہ تعالیٰ کی خاطر بغض رکھتا ہو" اس کی سند میں ایک راوی ابو حویرث ہے، جسے امام مالک اور یحییٰ بن معین نے ضعیف قرار دیا ہے، جبکہ ابن حبان نے اسے ثقہ قرار دیا ہے۔

اَنَسِ بْنِ مَالِکٍ،

179 - وَعَنْ أَبِي أُمَامَةَ - رَضِيَ اللَّهُ عَنْهُ - قَالَ: «قَالَ رَجُلٌ: يَا رَسُولَ اللَّهِ، مَنِ الْمُسْلِمُ؟ قَالَ: " مَنْ سَلِمَ الْمُسْلِمُونَ مِنْ لِسَانِهِ وَيَدِهِ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ فَضَالُ بْنُ جُبَيْرٍ لَا يَحِلُّ الِاحْتِجَاجُ بِهِ.

حضرت ابو امامہ رضی اللہ عنہ بیان کرتے ہیں : ایک شخص نے دریافت کیا: یا رسول اللہ صلی اللہ علیہ و آلہ وسلم! مسلمان کون ہیں ؟ نبی اکرم صلی اللہ علیہ و آلہ وسلم نے ارشاد فرمایا: وہ جس کی زب ان اور ہاتھ سے ( دوسرے ) مسلمان سلامت ( یعنی محفوظ ) رہیں ۔ یہ روایت امام طبرانی نے معجم کبیر میں اور معجم اوسط میں نقل کی ہے ، اس کی سند میں ایک راوی فضال بن جبیر ہے، جس سے استدلال کرنا جائز نہیں ہے۔

رَجُلٌ: ← وعن أبي أمامة

180 - وَعَنْ بِلَالِ بْنِ الْحَارِثِ الْمُزَنِيِّ عَنِ «النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ مُوَثَّقُونَ.

حضرت بلال بن حارث مزنی رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " مسلمان وہ ہے ، جس کی زبان اور ہاتھ سے ( دوسرے ) مسلمان محفوظ رہیں "۔ یہ روایت امام طبرانی نے معجم کبیر اور معجم اوسط میں نقل کی ہے اور اس کے رجال کی توثیق کی گئی ہے۔

النَّبِيِّ ← بِلَالَ بْنَ الْحَارِثِ الْمُزَنِیَّ

181 - وَعَنْ فَضَالَةَ بْنِ عُبَيْدٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَوْمَ حِجَّةِ الْوَدَاعِ: " وَالْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ» ". رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ إِنْ شَاءَ اللَّهُ.

حضرت فضالہ بن عبید رضی اللہ عنہ روایت کرتے ہیں : حجۃ الوداع کے دن نبی اکرم صلی اللہ علیہ و آلہ وسلم نے ارشاد فرمایا: " اور مسلمان وہ ہے ، جس کی زبان اور ہاتھ سے ( دوسرے ) مسلمان محفوظ رہیں "۔ یہ روایت امام طبرانی نے معجم کبیر میں نقل کی ہے اور اس کی سند حسن ہو گی ، اگر اللہ نے چاہا۔

فَضَالَةَ بْنَ عُبَيْدٍ