Majma uz Zawaid Wa Manba ul Fawaid

80 - عَنْ عُثْمَانَ - يَعْنِي ابْنَ عَفَّانَ - رَضِيَ اللَّهُ عَنْهُ - قَالَ: «تَمَنَّيْتُ أَنْ أَكُونَ سَأَلْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ -: مَاذَا يُنْجِينَا مِمَّا يُلْقِي الشَّيْطَانُ فِي أَنْفُسِنَا، فَقَالَ أَبُو بَكْرٍ: قَدْ سَأَلْتُهُ عَنْ ذَلِكَ، فَقَالَ: " يُنْجِيكُمْ مِنْ ذَلِكَ أَنْ تَقُولُوا مَا أَمَرْتُ بِهِ عَمِّي أَنْ يَقُولَهُ فَلَمْ يَقُلْهُ» ". رَوَاهُ أَحْمَدُ، وَفِي إِسْنَادِهِ أَبُو الْحُوَيْرِثِ عَبْدُ الرَّحْمَنِ بْنُ مُعَاوِيَةَ، ذَكَرَهُ ابْنُ حِبَّانَ فِي الثِّقَاتِ وَالْأَكْثَرُ عَلَى تَضْعِيفِهِ.

حضرت عثمان غنی رضی اللہ عنہ بیان کرتے ہیں : میری یہ خواہش تھی کہ میں نبی اکرم صلی اللہ علیہ و آلہ وسلم سے اس بارے میں دریافت کیا ہوتا ، کہ شیطان ہمارے من میں جو چیز ڈال دیتا ہے، اس سے نجات کا طریقہ کیا ہے؟ تو حضرت ابو بکر رضی اللہ عنہ نے بتایا: میں نے نبی اکرم صلی اللہ علیہ و آلہ وسلم سے اس بارے میں سوال کیا تھا، تو نبی اکرم صلی اللہ علیہ و آلہ وسلم نے ارشاد فرمایا: " اس سے تمہیں یہ چیز نجات دلائے گی کہ وہ کلمہ پڑھ لو جو میں نے اپنے چچا کو ، ان کے انتقال کے وقت پڑھنے کا کہا تھا، اور انہوں نے ایسا نہیں کیا تھا"۔ یہ روایت امام احمد نے نقل کی ہے، اس کی سند میں ایک راوی ابو حویرث عبدالرحمٰن بن معاویہ ہے، ابن حبان نے اس کا تذکرہ کتاب " الثقات " میں کیا ہے، تاہم زیادہ تر محدثین نے اسے ضعیف قرار دیا ہے۔

تَمَنَّيْتُ ← عُثْمَانَ يَعْنِي ابْنَ عَفَّانَ

81 - وَعَنْ خُزَيْمَةَ - يَعْنِي: ابْنَ ثَابِتٍ - «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " يَأْتِي الشَّيْطَانُ الْإِنْسَانَ فَيَقُولُ: مَنْ خَلَقَ السَّمَاوَاتِ؟ فَيَقُولُ: اللَّهُ، فَيَقُولُ: مَنْ خَلَقَ الْأَرْضَ؟ فَيَقُولُ: اللَّهُ، حَتَّى يَقُولَ: مَنْ خَلَقَ اللَّهَ؟ فَإِذَا وَجَدَ أَحَدُكُمْ ذَلِكَ فَلْيَقُلْ: آمَنْتُ بِاللَّهِ وَرُسُلِهِ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ بِإِسْنَادٍ فِيهِ ابْنُ لَهِيعَةَ.

حضرت خزیمہ بن ثابت رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں: " شیطان انسان کے پاس آتا ہے ، اور کہتا ہے : آسمانوں کو کس نے پیدا کیا ہے؟ آدمی کہتا ہے : اللہ تعالیٰ نے، شیطان کہتا ہے : زمین کو کس نے پیدا کیا ہے؟ آدمی کہتا ہے : اللہ تعالیٰ نے ، یہاں تک کہ شیطان کہتا ہے : اللہ تعالیٰ کو کس نے پیدا کیا ہے ؟ جب کوئی شخص اس طرح کی صورت حال پائے تو اسے یہ کہنا چاہیے : میں اللہ تعالیٰ اور اس کے رسولوں پر ایمان رکھتا ہوں"۔ یہ روایت امام احمد نے اور امام طبرانی نے معجم کبیر میں ، ایسی سند کے ساتھ نقل کی ہے، جس میں ایک راوی ابن لہیعہ ہے۔

خُزَيْمَةَ يَعْنِي: ابْنَ ثَابِتٍ

82 - وَعَنْ عَائِشَةَ - رَضِيَ اللَّهُ عَنْهَا - «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " إِنَّ أَحَدَكُمْ يَأْتِيهِ الشَّيْطَانُ فَيَقُولُ: مَنْ خَلَقَكَ؟ فَيَقُولُ: اللَّهُ، فَيَقُولُ: مَنْ خَلَقَ اللَّهَ؟ فَإِذَا وَجَدَ أَحَدُكُمْ ذَلِكَ فَلْيَقُلْ: آمَنْتُ بِاللَّهِ وَرَسُولِهِ، فَإِنَّ ذَلِكَ يُذْهِبُ عَنْهُ» ". رَوَاهُ أَحْمَدُ وَأَبُو يَعْلَى وَالْبَزَّارُ، وَرِجَالُهُ ثِقَاتٌ.

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ و آلہ وسلم نے ارشاد فرمایا ہے: " تم میں سے کسی ایک کے پاس شیطان آتا ہے اور کہتا ہے :تمہیں کس نے پیدا کیا؟ آدمی کہتا ہے : اللہ تعالیٰ نے شیطان کہتا ہے : اللہ تعالیٰ کو کس نے پیدا کیا ہے ؟ ( نبی اکرم صلی اللہ علیہ و آلہ وسلم فرماتے ہیں ) : جب کوئی شخص ایسی صورت حال پائے ، تو اسے یہ کہنا چاہیے : میں اللہ تعالیٰ اور اس کے رسول پر ایمان رکھتا ہوں ، تو یہ چیز ) یعنی وسوسہ ) اس سے دور ہو جائے گا۔ یہ روایت امام احمد ، امام ابو یعلیٰ اور امام بزار نے نقل کی ہے اور اس کے رجال ثقہ ہیں ۔

عَائِشَةَ

83 - وَعَنْ عَائِشَةَ - رَضِيَ اللَّهُ عَنْهَا - قَالَتْ: «شَكَوْا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - مَا يَجِدُونَ مِنَ الْوَسْوَسَةِ، وَقَالُوا: يَا رَسُولَ اللَّهِ، إِنَّا نَجِدُ شَيْئًا لَوْ أَنَّ أَحَدَنَا خَرَّ مِنَ السَّمَاءِ كَانَ أَحَبَّ إِلَيْهِ مِنْ أَنْ يَتَكَلَّمَ بِهِ! فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " ذَاكَ مَحْضُ الْإِيمَانِ». رَوَاهُ أَحْمَدُ وَأَبُو يَعْلَى، بِنَحْوِهِ، إِلَّا أَنَّ لَفْظَ أَبِي يَعْلَى: أَنَّ رَجُلًا قَالَ لِعَائِشَةَ: «إِنَّ أَحَدَنَا يُحَدِّثُ نَفْسَهُ بِشَيْءٍ لَوْ تَكَلَّمَ بِهِ ذَهَبَتْ آخِرَتُهُ، وَلَوْ ظَهَرَ [عَلَيْهِ] لَقُتِلَ، [قَالَ] فَكَبَّرَتْ ثَلَاثًا، ثُمَّ قَالَتْ: سُئِلَ عَنْهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَكَبَّرَ ثَلَاثًا، ثُمَّ قَالَ: " إِنَّمَا يُخْتَبَرُ بِهَذَا الْمُؤْمِنُ». وَفِي إِسْنَادِهِ شَهْرُ بْنُ حَوْشَبٍ.

سیدہ عائشہ صدیقہ رضی اللہ عنہا بیان کرتی ہیں : کچھ لوگوں نے نبی اکرم صلی اللہ علیہ و آلہ وسلم کے سامنے وسوسے آنے کے حوالے سے شکایت کی انہوں نے عرض کی: یارسول اللہ صلی اللہ علیہ و آلہ وسلم! ہم ایسا خیال بھی پاتے ہیں اگر ہم میں سے کوئی ایک آسمان سے گر جائے، تو یہ اس کے نزدیک اس خیال کے بارے میں بات کرنے سے زیادہ پسندیدہ ہو گا، نبی اکرم صلی اللہ علیہ و آلہ وسلم نے ارشاد فرمایا: یہ محض ایمان ہے۔ یہ روایت امام احمد نے اور امام ابو یعلیٰ نے ، اس کی مانند نقل کیے، تاہم امام ابو یعلیٰ کے الفاظ یہ ہیں: " ایک شخص نے سیدہ عائشہ رضی اللہ عنہا سے کہا :ہم میں سے کسی ایک شخص کو بعض اوقات ایسا خیال آتا ہے کہ اگر آدمی اس کے بارے میں بات کر لے، تو اس کی آخرت تباہ ہو جائے اور اگر وہ اس خیال کو ظاہر کرے ، تو اسے قتل کر دیا جائے، راوی بیان کرتے ہیں : سیدہ عائشہ رضی اللہ عنہا نے تین مرتبہ تکبیر کہی ، پھر انہوں نے فرمایا: نبی اکرم صلی اللہ علیہ و آلہ وسلم سے بھی اس بارے میں دریافت کیا گیا تھا، تو آپ صلی اللہ علیہ و آلہ وسلم نے تین مرتبہ تکبیر کہی تھی اور پھر یہ ارشاد فرمایا تھا: اس کے ذریعے مؤمن کا امتحان لیا جاتا ہے۔ اس روایت کی سند میں، ایک راوی شہر بن حوشب ہے۔

شَكَوْا إِلَى رَسُولِ اللَّهِ مَا يَجِدُونَ مِنْ الْوَسْوَسَةِ وَقَالُوا ← وعن عائشة

84 - وَعَنْ مُحَمَّدِ بْنِ جُبَيْرٍ «أَنَّ عُمَرَ مَرَّ عَلَى عُثْمَانَ وَهُوَ جَالِسٌ فِي الْمَسْجِدِ، فَسَلَّمَ عَلَيْهِ فَلَمْ يَرُدَّ عَلَيْهِ، فَدَخَلَ عَلَى أَبِي بَكْرٍ فَاشْتَكَى ذَلِكَ إِلَيْهِ، فَقَالَ: مَرَرْتُ عَلَى عُثْمَانَ فَسَلَّمْتُ عَلَيْهِ، فَلَمْ يَرُدَّ عَلَيَّ، فَقَالَ: أَيْنَ هُوَ؟ قَالَ: هُوَ فِي الْمَسْجِدِ قَاعِدٌ، فَانْطَلَقَا إِلَيْهِ فَقَالَ لَهُ أَبُو بَكْرٍ: مَا مَنَعَكَ أَنْ تَرُدَّ عَلَى أَخِيكَ حِينَ سَلَّمَ عَلَيْكَ؟ قَالَ: وَاللَّهِ مَا شَعَرْتُ أَنَّهُ مَرَّ بِي، وَأَنَا أُحَدِّثُ نَفْسِي فَلَمْ أَشْعُرْ أَنَّهُ سَلَّمَ، فَقَالَ أَبُو بَكْرٍ: فَمَاذَا تُحَدِّثُ نَفْسَكَ؟ قَالَ: خَلَا بِي الشَّيْطَانُ فَجَعَلَ يُلْقِي فِي نَفْسِي أَشْيَاءَ مَا أُحِبُّ أَنِّي تَكَلَّمْتُ بِهَا وَإِنَّ لِي مَا عَلَى الْأَرْضِ، قُلْتُ فِي نَفْسِي حِينَ أَلْقَى الشَّيْطَانُ ذَلِكَ فِي نَفْسِي: يَا لَيْتَنِي سَأَلْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ -: مَا الَّذِي يُنْجِينَا مِنْ هَذَا الْحَدِيثِ الَّذِي يُلْقِي الشَّيْطَانُ فِي أَنْفُسِنَا؟ فَقَالَ أَبُو بَكْرٍ: فَإِنِّي وَاللَّهِ لَقَدِ اشْتَكَيْتُ ذَلِكَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَسَأَلْتُهُ: مَا الَّذِي يُنْجِينَا مِنْ هَذَا الْحَدِيثِ الَّذِي يُلْقِي الشَّيْطَانُ فِي أَنْفُسِنَا؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " يُنْجِيكُمْ مِنْ ذَلِكَ أَنْ تَقُولُوا مِثْلَ الَّذِي أَمَرْتُ بِهِ عَمِّي عِنْدَ الْمَوْتِ فَلَمْ يَفْعَلْ» ". رَوَاهُ أَبُو يَعْلَى، وَعِنْدَ أَحْمَدَ طَرَفٌ مِنْهُ، وَفِي إِسْنَادِهِ أَبُو الْحُوَيْرِثِ عَبْدُ الرَّحْمَنِ بْنُ مُعَاوِيَةَ وَثَّقَهُ ابْنُ حِبَّانَ وَالْأَكْثَرُ عَلَى تَضْعِيفِهِ. وَاللَّهُ أَعْلَمُ.

محمد بن جبیر بیان کرتے ہیں : حضرت عمر رضی اللہ عنہ کا گزر حضرت عثمان رضی اللہ عنہ کے پاس سے ہوا جو مسجد میں بیٹھے ہوئے تھے، حضرت عمر رضی اللہ عنہ نے انہیں سلام کیا، لیکن انہوں نے جواب نہیں دیا، حضرت عمر رضی اللہ عنہ حضرت ابو بکر رضی اللہ عنہ کے پاس گئے اور ان کے سامنے شکایت کی، اور یہ بتایا کہ میں عثمان کے پاس سے گزرا تھا میں نے اسے سلام کیا تھا، لیکن اس نے مجھے جواب نہیں دیا، حضرت ابوبکر رضی اللہ عنہ نے دریافت کیا : وہ کہاں ہے؟ حضرت عمر رضی اللہ عنہ نے بتایا : وہ مسجد میں بیٹھا ہوا ہے، یہ دونوں حضرات ، حضرت عثمان رضی اللہ عنہ کے پاس گئے ، تو حضرت ابوبکر رضی اللہ عنہ نے ان سے دریافت کیا: آپ کے بھائی نے جب آپ کو سلام کیا تھا ، تو آپ نے اسے جواب کیوں نہیں دیا؟ حضرت عثمان رضی اللہ عنہ نے کہا : اللہ کی قسم ! مجھے تو پتہ ہی نہیں چلا کہ یہ میرے پاس سے گزرے ہیں ، میں اپنے خیالوں میں گم تھا، اس لیے مجھے پتہ ہی نہیں چل سکا ، کہ انہوں نے سلام کیا ہے، حضرت ابو بکر رضی اللہ عنہ نے دریافت کیا : آپ کن خیالوں میں گم تھے؟ حضرت عثمان رضی اللہ عنہ نے بتایا : جب میں اکیلا ہوتا ہوں ، تو شیطان میرے ذہن میں ایسے خیالات ڈالتا ہے کہ مجھے یہ پسند نہیں ہے کہ میں ان کے بارے میں بات چیت کروں ، اگر چہ اس کے بدلے میں مجھے روئے زمین پر موجود ہر چیز مل رہی ہو، جب شیطان میرے ذہن میں اس طرح کے خیال ڈالتا ہے، تو میں دل میں سوچتا ہوں ، کاش میں نے نبی اکرم صلی اللہ علیہ و آلہ وسلم سے اس بارے میں دریافت کیا ہوتا، کہ شیطان ہمارے ذہنوں میں اس طرح کے خیال پیدا کرتا ہے تو اس سے کیا چیز ہمیں نجات دے سکتی ہے ؟ حضرت ابو بکر رضی اللہ عنہ بولے: اللہ کی قسم ! میں نے نبی اکرم صلی اللہ علیہ و آلہ وسلم کے سامنے اسی چیز کی شکایت کی تھی اور میں نے آپ صلی اللہ علیہ و آلہ وسلم سے یہ سوال کیا تھا ، شیطان ہمارے ذہنوں میں جو خیال ڈالتا ہے ، کیا چیز اس سے ہمیں نجات دے سکتی ہے؟ تو نبی اکرم صلی اللہ علیہ و آلہ وسلم نے ارشاد فرمایا تھا: " اس سے تمہیں وہ چیز نجات دے سکتی ہے ، کہ تم وہ ( کلمہ) پڑھو جو میں نے اپنے چچا کو پڑھنے کے لیے کہا تھا ، جب ان کے انتقال ہونے لگا تھا، تو انہوں نے ایسا نہیں کیا تھا"۔ یہ روایت امام ابو یعلیٰ نے نقل کی ہے ، امام احمد نے اس کا ایک حصہ نقل کیا ہے، اس کی سند میں ایک راوی ابو حویرث عبدالرحمٰن بن معاویہ ہے ، جسے ابن حبان نے ثقہ قرار دیا ہے، تاہم اکثر اہل علم نے اسے ضعیف قرار دیا ہے، باقی اللہ بہتر جانتا ہے۔

مُحَمَّدِ بْنِ جُبَيْرٍ

85 - وَعَنْ أَنَسِ بْنِ مَالِكٍ - رَضِيَ اللَّهُ عَنْهُ - قَالَ: «قَالُوا: يَا رَسُولَ اللَّهِ، أَرَأَيْتَ أَحَدَنَا يُحَدِّثُ نَفْسَهُ بِالشَّيْءِ الَّذِي لَأَنْ يَخِرَّ مِنَ السَّمَاءِ فَيَتَقَطَّعَ أَحَبُّ إِلَيْهِ مِنْ أَنْ يَتَكَلَّمَ بِهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " ذَاكَ مَحْضُ الْإِيمَانِ». رَوَاهُ أَبُو يَعْلَى وَرِجَالُهُ رِجَالُ الصَّحِيحِ إِلَّا يَزِيدَ بْنَ أَبَانٍ الرَّقَاشِيَّ.

حضرت انس بن مالک رضی اللہ عنہ بیان کرتے ہیں : لوگوں نے عرض کی: یا رسول اللہ صلی اللہ علیہ و آلہ وسلم ! اس بارے میں آپ کی کیا رائے ہے؟ کہ بعض اوقات ہم میں سے کسی ایک کو ایسا خیال آتا ہے کہ اگر آسمان سے گرے اور اس کے ٹکڑے ہو جائیں ، تو یہ چیز اس شخص کے نزدیک زیادہ پسندیدہ ہو گی کہ وہ اس خیال کے بارے میں کلام کرے ، تو نبی اکرم صلی اللہ علیہ و آلہ وسلم نے ارشاد فرمایا: یہ محض ایمان ہے۔ یہ روایت امام ابو یعلیٰ نے نقل کی ہے، اس کے راوی صحیح کے رجال ہیں ، صرف یزید بن ابان رقاشی کا معاملہ مختلف ہے۔

اَنَسِ بْنِ مَالِکٍ،

86 - وَعَنْ أَنَسٍ - رَضِيَ اللَّهُ عَنْهُ - قَالَ: «قَالُوا: يَا رَسُولَ اللَّهِ، إِنَّا نَكُونُ عِنْدَكَ عَلَى حَالٍ حَتَّى إِذَا فَارَقْنَاكَ نَكُونُ عَلَى غَيْرِهِ. قَالَ: " كَيْفَ أَنْتُمْ وَنَبِيُّكُمْ؟ " قَالُوا: أَنْتَ نَبِيُّنَا فِي السِّرِّ وَالْعَلَانِيَةِ. قَالَ: " لَيْسَ ذَاكَ النِّفَاقَ» ". رَوَاهُ أَبُو يَعْلَى وَالْبَزَّارُ، إِلَّا أَنَّ الْبَزَّارَ قَالَ: «كَيْفَ أَنْتُمْ وَرَبُّكُمْ؟ " قَالُوا: اللَّهُ رَبُّنَا فِي السِّرِّ وَالْعَلَانِيَةِ». وَرِجَالُ أَبِي يَعْلَى رِجَالُ الصَّحِيحِ.

حضرت انس رضی اللہ عنہ بیان کرتے ہیں : لوگوں نے عرض کی: یارسول اللہ صلی اللہ علیہ و آلہ وسلم ! جب ہم آپ کے پاس ہوتے ہیں کہ ، تو ہماری مخصوص کیفیت ہوتی ہے، اور جب ہم آپ سے جدا ہوتے ہیں ، تو وہ کیفیت تبدیل ہو جاتی ہے، نبی اکرم صلی اللہ علیہ و آلہ وسلم نے ارشاد فرمایا: تمہارا اپنے نبی کے ساتھ تعلق کیسا ہے؟ انہوں نے عرض کی : پوشیدہ اور علانیہ ( ہر حال میں ) آپ صلی اللہ علیہ و آلہ وسلم ہمارے نبی ہیں ، نبی اکرم صلی اللہ علیہ و آلہ وسلم نے ارشاد فرمایا: یہ چیز ( یعنی کیفیات کا تبدیل ہونا ) منافقت نہیں ہے۔ یہ روایت امام ابو یعلیٰ اور امام بزار نے نقل کی ہے، تاہم امام بزار کے الفاظ یہ ہیں : "تمہارا اور تمہارے پر وردگار کا تعلق کیسا ہے؟ لوگوں نے عرض کی: پوشیدہ اور علانیہ ( ہر حال میں ) اللہ تعالیٰ ہمارا پروردگار ہے"۔ امام ابو یعلی ٰ کے رجال صحیح کے رجال ہیں ۔

أَنَسٍ،

87 - وَعَنْ عَبْدِ اللَّهِ بْنِ عَمْرٍو - رَضِيَ اللَّهُ عَنْهُمَا - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّ الشَّيْطَانَ يَأْتِي أَحَدَكُمْ فَيَقُولُ: مَنْ خَلَقَ السَّمَاءَ؟ فَيَقُولُ: اللَّهُ، فَيَقُولُ: مَنْ خَلَقَ الْأَرْضَ؟ فَيَقُولُ: اللَّهُ، فَيَقُولُ: مَنْ خَلَقَ اللَّهَ؟ فَإِذَا وَجَدَ أَحَدُكُمْ ذَلِكَ فَلْيَقُلْ: آمَنْتُ بِاللَّهِ وَرُسُلِهِ» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ وَرِجَالُهُ رِجَالُ الصَّحِيحِ خَلَا أَحْمَدَ بْنَ مُحَمَّدِ بْنِ نَافِعٍ الطَّحَّانَ شَيْخَ الطَّبَرَانِيِّ.

حضرت عبداللہ بن عمرو رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " شیطان تم میں سے کسی ایک کے پاس آتا ہے، اور کہتا ہے : آسمان کو کس نے پیدا کیا ہے ؟ بندہ کہتا ہے : اللہ تعالیٰ نے وہ پوچھتا ہے :زمین کو کس نے پیدا کیا ہے؟ بندہ کہتا ہے : اللہ تعالیٰ نے ، وہ پوچھتا ہے: اللہ تعالیٰ کو کس نے پیدا کیا ہے ؟ ( نبی اکرم صلی اللہ علیہ و آلہ وسلم فرماتے ہیں ) : جب کوئی شخص یہ صورتحال پائے تو اسے یہ کہنا چاہیے میں اللہ تعالیٰ اور اس کے رسولوں پر ایمان رکھتا ہوں "۔یہ روایت امام طبرانی نے معجم اوسط اور معجم کبیر میں نقل کی ہے اور اس کے رجال صحیح ہیں ، صرف احمد بن محمد بن نافع طحان کا معاملہ مختلف ہے ، جو امام طبرانی کے استاد ہیں۔

عَبْدِ اللہِ بْنِ عَمْرٍو

88 - وَعَنِ ابْنِ عَبَّاسٍ قَالَ: «قَالَ رَجُلٌ لِلنَّبِيِّ - صَلَّى اللَّهُ عَلَيْهِ وَسَلَّمَ -: إِنِّي أَجِدُ فِي نَفْسِي الشَّيْءَ لَأَنْ أَكُونَ حُمَمَةً أَحَبُّ إِلَيَّ مِنْ أَنْ أَتَكَلَّمَ بِهِ، فَقَالَ: " ذَاكَ صَرِيحُ الْإِيمَانِ» ". رَوَاهُ الطَّبَرَانِيُّ فِي الصَّغِيرِ، وَرِجَالُهُ رِجَالُ الصَّحِيحِ خَلَا شَيْخِ الطَّبَرَانِيِّ مُنْتَصِرٍ.

حضرت عبداللہ بن عباس بیان کرتے ہیں : ایک شخص نے نبی اکرم صلی اللہ علیہ و آلہ وسلم کی خدمت میں عرض کی: مجھے بعض اوقات ایسا خیال آتا ہے کہ میں کوئلہ بن جاؤں ، یہ میرے نزدیک اس سے زیادہ پسندیدہ ہو گا، کہ میں اس خیال کے حوالے سے کلام کروں ، تو نبی اکرم صلی اللہ علیہ و آلہ وسلم نے ارشاد فرمایا: یہ صریح ایمان ہے۔ یہ روایت امام طبرانی نے معجم صغیر میں نقل کی ہے اور اس کے رجال صحیح کے رجال ہیں ، صرف منتصر کا معاملہ مختلف ہے، جو امام طبرانی کے استاد ہیں۔

ابْنِ عَبَّاسٍ،

89 - وَعَنْ أُمِّ سَلَمَةَ - رَضِيَ اللَّهُ عَنْهَا -: أَنَّهَا «سَمِعَتِ النَّبِيَّ - صَلَّى اللَّهُ عَلَيْهِ وَسَلَّمَ - وَسَأَلَهُ رَجُلٌ فَقَالَ: إِنِّي أُحَدِّثُ نَفْسِي بِالشَّيْءِ لَوْ تَكَلَّمْتُ بِهِ لَأَحْبَطْتُ آخِرَتِي، فَقَالَ: " لَا يَلْقَى ذَلِكَ الْكَلَامَ إِلَّا مُؤْمِنٌ». رَوَاهُ الطَّبَرَانِيُّ فِي الْأَوْسَطِ وَالصَّغِيرِ، وَفِي إِسْنَادِهِ سَيْفُ بْنُ عُمَيْرَةَ، قَالَ الْأَزْدِيُّ: يَتَكَلَّمُونَ فِيهِ.

سیدہ ام سلمہ رضی اللہ عنہا بیان کرتی ہیں : انہوں نے نبی اکرم صلی اللہ علیہ و آلہ وسلم کو سنا : ایک شخص نے آپ سے سوال کرتے ہوئے یہ کہا: میرے ذہن میں ایسا خیال آ جاتا ہے ، کہ اگر میں اس کے بارے میں کلام کروں ، تو میں اپنی آخرت کو برباد کر دوں گا، تو نبی اکرم صلی اللہ علیہ و آلہ وسلم نے ارشاد فرمایا : اس طرح کی بات ( یعنی وسوسہ کا سامنا ، صرف مؤمن کرتا ہے۔ یہ روایت امام طبرانی نے معجم اوسط اور معجم صغیر میں نقل کی ہے، اس کی سند میں ایک راوی سیف بن عمیرہ ہے، ازدی کہتے ہیں : علماء نے اس کے بارے میں کلام کیا ہے۔

أُمِّ سَلَمَةَ

90 - وَعَنْ عَبْدِ اللَّهِ - يَعْنِي: ابْنَ مَسْعُودٍ - رَضِيَ اللَّهُ عَنْهُ - قَالَ: «سُئِلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنِ الْوَسْوَسَةِ. فَقَالَ: " ذَاكَ مَحْضُ الْإِيمَانِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ، وَشَيْخُ الطَّبَرَانِيِّ ثِقَةٌ. وَاللَّهُ أَعْلَمُ.

حضرت عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم سے وسوسہ کے بارے میں سوال کیا گیا، تو آپ صلی اللہ علیہ و آلہ وسلم نے ارشاد فرمایا: یہ محض ایمان ہے۔ یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں، امام طبرانی کے استاد بھی ثقہ ہیں، باقی اللہ بہتر جانتا ہے۔

الْوَسْوَسَةِ ← سُئِلَ رَسُولُ اللَّهِ ← عبد الله -يعني ابن مسعود-

91 - «وَعَنْ مُعَاذِ بْنِ جَبَلٍ - رَضِيَ اللَّهُ عَنْهُ - قَالَ: قُلْتُ: يَا رَسُولَ اللَّهِ، وَالَّذِي بَعَثَكَ بِالْحَقِّ إِنَّهُ لَيَعْرِضُ فِي نَفْسِيَ الشَّيْءُ، لَأَنْ أَكُونَ حُمَمَةً أَحَبُّ إِلَيَّ مِنْ أَنْ أَتَكَلَّمَ بِهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " الْحَمْدُ لِلَّهِ أَنَّ الشَّيْطَانَ قَدْ أَيِسَ أَنْ يُعْبَدَ بِأَرْضِي هَذِهِ، وَلَكِنَّهُ رَضِيَ بِالْمُحَقَّرَاتِ مِنْ أَعْمَالِكُمْ» ". رَوَاهُ الطَّبَرَانِيُّ فِي الْكَبِيرِ، وَهُوَ مِنْ رِوَايَةِ ذَرِّ بْنِ عَبْدِ اللَّهِ عَنْ مُعَاذٍ، وَلَمْ يُدْرِكْهُ.

حضرت معاذ بن جبل رضی اللہ عنہ بیان کرتے ہیں : میں نے عرض کی: یارسول اللہ صلی اللہ علیہ و آلہ وسلم ! اس ذات کی قسم ! جس نے آپ کو حق کے ہمراہ مبعوث کیا ہے، بعض اوقات میرے ذہین میں ایسا خیال پیدا ہوتا ہے ، کہ میں جل کر کوئلہ بن جاؤں ، یہ میرے نزدیک اس سے زیادہ پسند یدہ ہو گا کہ میں اس خیال کے بارے میں کلام کروں ، نبی اکرم صلی اللہ علیہ و آلہ وسلم نے ارشاد فرمایا: اس بات پر ، ہر طرح کی حمد، اللہ تعالیٰ کے لیے مخصوص ہے، کہ شیطان اس بات سے مایوس ہو چکا ہے ، کہ اب میری اس سرزمین پر اس کی عبادت کی جائے ، البتہ اب وہ تمہارے اعمال میں سے ،معمولی سی چیزوں ( یعنی گناہوں اور کوتاہیوں ) سے بھی راضی ہو جائے گا۔ یہ روایت امام طبرانی نے معجم کبیر میں نقل کی ہے، یہ روایت ذر بن عبداللہ نے حضرت معاذ رضی اللہ عنہ سے نقل کی ہے، حالانکہ انہوں نے حضرت معاذ رضی اللہ عنہ کا زمانہ نہیں پا یا۔

قُلْتُ ← وَعَنْ مُعَاذِ بْنِ جَبَلٍ