Majma uz Zawaid Wa Manba ul Fawaid

61 - وَعَنْ عِمْرَانَ بْنِ حُصَيْنٍ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «عَلَى مَا أُقَاتِلُ النَّاسَ إِلَّا عَلَى الْإِسْلَامِ، وَاللَّهِ لَا أَسْتَغْفِرُ لَكَ» أَوْ كَمَا قَالَ. قُلْتُ: ذُكِرَ هَذَا فِي حَدِيثٍ طَوِيلٍ رَوَاهُ ابْنُ مَاجَهْ فِي الْفِتَنِ، وَهَذَا لَفْظُهُ. وَفِي إِسْنَادِهِ رَجُلٌ مَجْهُولٌ. رَوَاهُ الطَّبَرَانِيُّ فِي الْكَبِيرِ.

حضرت عمران بن حصین رضی اللہ عنہ بیان کرتے ہیں کہ : نبی اکرم صلی اللہ علیہ وآلہ وسلم نے ارشاد فرمایا: ( یعنی مذکورہ بالا روایت میں یہ الفاط ہیں : ) " میں لوگوں کے ساتھ صرف اسلام کی بنیاد پر جنگ کرتا ہوں ، اللہ کی قسم ! میں تمہارے لیے دعائے مغفرت نہیں کروں گا" ( راوی بیان کرتے ہیں : ) یا جس طرح بھی آپ صلی اللہ علیہ وآلہ وسلم نے ارشاد فرمایا۔ ( علامہ ہیثمی کہتے ہیں : ) میں یہ کہتا ہوں : یہ بات ایک طویل حدیث میں ذکر کی گئی ہے ، جسے امام ابن ماجہ نے فتنوں سے متعلق باب میں نقل کیا ہے، اور یہ الفاظ ان کے نقل کردہ ہیں ، اس کی سند میں ایک مجہول شخص ہے، یہ روایت امام طبرانی نے معجم کبیر میں نقل کی ہے۔

عِمْرَانَ بْنِ حُصَيْنٍ

62 - «وَعَنْ قُطْبَةَ بْنِ قَتَادَةَ السَّدُوسِيِّ قَالَ: قُلْتُ: يَا رَسُولَ اللَّهِ، ابْسُطْ يَدَكَ أُبَايِعْكَ عَلَى نَفْسِي وَعَلَى ابْنَتِي الْحُوَيْصَلَةِ، وَلَوْ كَذَبْتُ عَلَى اللَّهِ لَخَدَعْتُكَ، قَالَ: وَحَمَلَ عَلَيْنَا خَالِدُ بْنُ الْوَلِيدِ، [فِي خَيْلِهِ] فَقُلْنَا: إِنَّا مُسْلِمُونَ، فَتَرَكَنَا، وَغَزَوْنَا مَعَهُ الْأُبُلَّةَ، فَفَتَحَهَا، فَمَلَأْنَا أَيْدِيَنَا». رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ رَجُلٌ مَجْهُولٌ وَهُوَ قَتَادَةُ الَّذِي رَوَاهُ عَنْ قُطْبَةَ لَمْ أَرَ أَحَدًا ذَكَرَهُ.

حضرت قطبہ بن قتادہ سدوسی رضی اللہ عنہ بیان کر تے ہیں : میں نے عرض کی: یا رسول اللہ صلی اللہ علیہ وآلہ وسلم ! آپ صلی اللہ علیہ وآلہ وسلم اپنا دست مبارک آگے کیجئے تاکہ میں اپنی ذات اور اپنی بیٹی " حویصلہ " کے حوالے سے آپ کی بیعت کر لوں ، اور اگر میں اللہ کی طرف جھوٹی بات منسوب کروں گا، تو میں آپ کو دھوکا دوں گا۔ حضرت قطبہ رضی اللہ عنہ بیان کرتے ہیں : حضرت خالد بن ولید رضی اللہ عنہ نے اپنے شہسواروں کے ساتھ ہم پر حملہ کیا تھا، تو ہم نے کہا: ہم مسلمان ہیں ، تو انہوں نے ہمیں چھوڑ دیا ، ہم نے حضرت خالد رضی اللہ عنہ کے ہمراہ جنگ " ابلہ " میں حصہ لیا تھا، انہیں فتح نصیب ہوئی ، تو انہوں نے ہمارے ہاتھ(مال غنیمت کے ذریعے ) بھر دئیے تھے۔ یہ روایت امام طبرانی نے معجم کبیر میں نقل کی ہے اور اس کی سند میں ایک مجہول راوی ہے، اور وہ قتادہ نامی شخص ہے، جس نے حضرت قطبہ رضی اللہ عنہ کے حوالے سے یہ روایت نقل کی ہے۔ ( علامہ ہیثمی کہتے ہیں : ) میں نے ایسا کوئی شخص نہیں دیکھا ، جس نے اس راوی ( قتادہ) کا ذکر کیا ہو۔

قُلْتُ ← «وَعَنْ قُطْبَةَ بْنِ قَتَادَةَ السَّدُوسِيِّ

63 - «وَعَنْ سَعْدِ بْنِ أَبِي ذِيَابٍ قَالَ: قَدِمْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأَسْلَمْتُ، وَقُلْتُ: يَا رَسُولَ اللَّهِ، اجْعَلْ لِقَوْمِي مَا أَسْلَمُوا عَلَيْهِ مِنْ أَمْوَالِهِمْ، فَفَعَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَاسْتَعْمَلَنِي عَلَيْهِمْ، ثُمَّ اسْتَعْمَلَنِي أَبُو بَكْرٍ مِنْ بَعْدِهِ، ثُمَّ اسْتَعْمَلَنِي عُمَرُ مِنْ بَعْدِهِ». رَوَاهُ الْإِمَامُ أَحْمَدُ وَسَمَّاهُ فِي مَكَانٍ آخَرَ سَعِيدًا، وَذَكَرَ لَهُ هَذَا الْحَدِيثَ بِإِسْنَادِهِ. وَاللَّهُ أَعْلَمُ. وَفِي إِسْنَادِهِ مُنِيرُ بْنُ عَبْدِ اللَّهِ، وَهُوَ مَجْهُولٌ، وَقَدْ ضَعَّفَهُ الْأَزْدِيُّ أَيْضًا.

حضرت سعد بن ابو ذیاب رضی اللہ عنہ بیان کرتے ہیں : میں نبی اکرم صلی اللہ علیہ وآلہ وسلم کی خدمت میں حاضر ہوا ، میں نے اسلام قبول کر لیا تو میں نے عرض کی: یارسول اللہ صلی اللہ علیہ وآلہ وسلم ! میری قوم کے افراد جن اموال ( یعنی زمینوں ) سمیت اسلام قبول کریں گے ، آپ وہ ( زمینیں ) ان لوگوں کی ملکیت رہنے دیں ، تو نبی اکرم صلی اللہ علیہ وآلہ وسلم نے ایسا ہی کیا، اور آپ صلی اللہ علیہ وآلہ وسلم نے مجھے ان لوگوں پر عامل مقرر کر دیا، نبی اکرم صلی اللہ علیہ وآلہ وسلم کے بعد ،حضرت ابو بکر رضی اللہ عنہ نے مجھے عامل مقرر کیا، اور ان کے بعد حضرت عمر رضی اللہ عنہ نے بھی مجھے ہی عامل مقرر کیا۔ یہ روایت امام حمد نے نقل کی ہے اور دوسرے مقام پر انہوں نے راوی کا نام " سعید " ( بن ابو ذیاب نقل کیا ہے۔ اور اپنی سند کے ساتھ اس راوی کے حوالے سے یہی حدیث نقل کی ہے، باقی اللہ بہتر جانتا ہے۔ اس سند میں ایک راوی منیر بن عبداللہ ہے اور وہ مجہول ہے، ازدی نے بھی اسے ضعیف قرار دیا ہے۔

قدِمْتُ عَلَى رَسُولِ اللهِ فَأَسْلَمْتُ وَقُلْتُ ← «وَعَنْ سَعْدِ بْنِ أَبِي ذِيَابٍ

64 - عَنْ عَبْدِ اللَّهِ يَعْنِي ابْنَ مَسْعُودٍ - رَضِيَ اللَّهُ عَنْهُ - قَالَ: «كَتَبَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى الْمُنْذِرِ بْنِ سَاوَى: " مَنْ صَلَّى صَلَاتَنَا وَأَكَلَ ذَبِيحَتَنَا فَذَاكُمُ الْمُسْلِمُ، لَهُ ذِمَّةُ اللَّهِ وَذِمَّةُ الرَّسُولِ - صَلَّى اللَّهُ عَلَيْهِ وَسَلَّمَ -». رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ الْحَسَنُ بْنُ إِدْرِيسَ الْحُلْوَانِيُّ، وَلَمْ أَرَ أَحَدًا ذَكَرَهُ، وَهُوَ أَيْضًا مِنْ رِوَايَةِ أَبِي عُبَيْدَةَ عَنْ أَبِيهِ، وَلَمْ يَسْمَعْ مِنْهُ.

حضرت عبداللہ بن مسعود بیان کرتے ہیں کہ : نبی اکرم صلی اللہ علیہ وآلہ وسلم نے منذر بن سادیٰ کو خط میں یہ لکھا تھا: " جو شخص ہماری نماز ادا کرے ، اور ہمارا ذبیحہ کھائے ، تو وہ مسلمان شمار ہو گا، اور اس کے لیے اللہ اور اس کے رسول کے ذمہ ( ثابت ) ہو گا"۔ یہ روایت امام طبرانی نے معجم کبیر میں نقل کی ہے، اور اس کی سند میں ایک راوی حسن بن ادریس حلوانی ہے، ( علامہ ہیثمی کہتے ہیں : ) میں نے کسی کو اس کا ذکر کرتے ہوئے نہیں دیکھا، نیز یہ روایت ابو عبیدہ نے اپنے والد ( حضرت عبداللہ بن مسعود رضی اللہ عنہ ) سے نقل کی ہے، حالانکہ انہوں نے ( یعنی ابو عبیدہ ) نے اپنے والد ( حضرت عبداللہ بن مسعود رضی اللہ عنہ ) سے سماع نہیں کیا ہے۔

65 - وَعَنْ جُنْدُبٍ - رَضِيَ اللَّهُ عَنْهُ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «مَنْ صَلَّى صَلَاتَنَا وَاسْتَقْبَلَ قِبْلَتَنَا وَأَكَلَ ذَبِيحَتَنَا، فَذَاكَ الْمُسْلِمُ، لَهُ ذِمَّةُ اللَّهِ وَذِمَّةُ رَسُولِهِ». رَوَاهُ الطَّبَرَانِيُّ فِي الْكَبِيرِ، وَعُبَيْدُ بْنُ عُبَيْدَةَ التَّمَّارُ لَمْ أَقِفْ لَهُ عَلَى تَرْجَمَةٍ.

حضرت جندب رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " جو شخص ہماری نماز ادا کرے ، اور قبلہ کی طرف رخ کرے اور ہمارا ذبیحہ کھائے ، وہ مسلمان شمار ہو گا، اس کے لیے اللہ کا ، اور اس کے رسول کا ذمہ ( ثابت ) ہو گا"۔ یہ روایت امام طبرانی نے معجم کبیر میں نقل کی ہے، عبید بن عبیدہ تمار ، نامی راوی کے حالات سے میں واقف نہیں ہو سکا۔

جُنْدُبٍ

66 - «وَعَنْ عَبْدِ اللَّهِ بْنِ مَاعِزٍ أَنَّهُ أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: " إِنَّ مَاعِزًا أَسْلَمَ أَحْرَزَ مَالَهُ، وَإِنَّهُ لَا يَجْنِي عَلَيْهِ إِلَّا يَدُهُ "، فَبَايَعْتُ عَلَى ذَلِكَ». رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ هُنَيْدُ بْنُ الْقَاسِمِ، وَهُوَ مَجْهُولٌ.

حضرت عبداللہ بن ماعز رضی اللہ عنہ کے بارے میں یہ بات منقول ہے: وہ نبی اکرم صلی اللہ علیہ وآلہ وسلم کی خدمت میں حاضر ہوئے تو نبی اکرم صلی اللہ علیہ وآلہ وسلم نے ارشا د فرمایا: ماعز نے اسلام قبول کیا ، تو اپنا مال محفوظ کر لیا، اب اس کے خلاف صرف اس کا ہاتھ ہی جنایت کرے گا۔ راوی کہتے ہیں: تو اس بات پر ، میں نے نبی اکرم صلی اللہ علیہ وآلہ وسلم کی بیعت کر لی، یہ روایت امام طبرانی نے معجم کبیر میں نقل کی ہے اور اس کی سند میں ایک راوی ہنید بن قاسم ہے اور وہ مجہول ہے۔

عَبْدِ اللَّهِ بْنِ مَاعِزٍ أَنَّهُ أَتَى النَّبِيَّ

67 - «عَنْ مَالِكِ بْنِ أَحْمَرَ أَنَّهُ لَمَّا بَلَغَهُ قُدُومُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَفَدَ إِلَيْهِ، فَقَبِلَ إِسْلَامَهُ، وَسَأَلَهُ أَنْ يَكْتُبَ لَهُ كِتَابًا يَدْعُو بِهِ إِلَى الْإِسْلَامِ، فَكَتَبَ لَهُ فِي رُقْعَةٍ مِنْ أَدَمٍ: " بِسْمِ اللَّهِ الرَّحْمَنِ الرَّحِيمِ، هَذَا كِتَابٌ مِنْ مُحَمَّدٍ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لِمَالِكِ بْنِ أَحْمَرَ وَلِمَنِ اتَّبَعَهُ مِنَ الْمُسْلِمِينَ، أَمَانًا لَهُمْ مَا أَقَامُوا الصَّلَاةَ، وَآتَوُا الزَّكَاةَ، وَاتَّبَعُوا الْمُسْلِمِينَ، وَجَانَبُوا الْمُشْرِكِينَ، وَأَدَّوُا الْخُمُسَ مِنَ الْمَغْنَمِ، وَسَهْمَ الْغَارِمِينَ، وَسَهْمَ كَذَا، وَسَهْمَ كَذَا - فَهُمْ آمِنُونَ بِأَمَانِ اللَّهِ وَأَمَانِ مُحَمَّدٍ رَسُولِ اللَّهِ - صَلَّى اللَّهُ عَلَيْهِ وَسَلَّمَ -». رَوَاهُ الطَّبَرَانِيُّ فِي الْأَوْسَطِ، وَفِي إِسْنَادِهِ سَعِيدُ بْنُ مَنْصُورٍ الْجُذَامِيُّ، وَلَمْ أَقِفْ لَهُ عَلَى تَرْجَمَةٍ.

حضرت مالک بن احمر رضی اللہ عنہ بیان کرتے ہیں کہ : جب انہیں نبی اکرم صلی اللہ علیہ وآلہ وسلم کی تشریف آوری کی اطلاع ملی ، تو وہ وفد کی شکل میں نبی اکرم صلی اللہ علیہ وآلہ وسلم کی خدمت میں حاضر ہوئے ، انہوں نے نبی اکرم صلی اللہ علیہ وآلہ وسلم سے یہ درخواست کی کہ آپ صلی اللہ علیہ وآلہ وسلم ان کے لیے کوئی تحریر لکھوا دیں ، جس میں انہیں اسلام کی دعوت دی گئی ہو، تو نبی اکرم صلی اللہ علیہ وآلہ وسلم نے ان کے لیے چمڑے کے ٹکڑے پر یہ تحریر لکھوائی : " اللہ تعالیٰ کے نام سے برکت حاصل کرتے ہوئے ، جو بڑا مہربان ، نہایت رحم کرنے والا ہے، یہ تحریر ، اللہ کے رسول حضرت محمد صلی اللہ علیہ وآلہ وسلم کی طرف سے مالک بن احمر کے لیے ، اور ان کی پیروی کرنے والے مسلمانوں کے لیے ہے، یہ ان کے لیے امان نامہ ہے، جب وہ نماز قائم کرتے رہیں گے زکوٰۃ دیتے رہے گے، مسلمانوں کی پیروی کرتے رہے گے مشرکین سے لاتعلق رہیں گے، مال غنیمت میں سے خمس ادا کریں گے، غار مین کا حصہ ، اور فلاں حصہ، اور فلاں حصہ ادا کریں گے، تو یہ لوگ ، اللہ تعالیٰ کی طرف سے ملنے والی امان ، اور اللہ کے رسول حضرت محمد صلی اللہ علیہ وآلہ وسلم کی طرف سے ملنے والی امان کے تحت محفوظ رہیں گے"۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی سعید بن منصور جذامی ہے، میں اس کے حالات سے واقف نہیں ہو سکا۔

68 - «وَعَنْ أَبِي شَدَّادٍ - رَجُلٌ مِنْ أَهْلِ ذِمَارِ مِنْ قَرْيَةٍ مِنْ قُرَى عُمَانَ - قَالَ: جَاءَنَا كِتَابُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِلَى أَهْلِ عُمَانَ: " سَلَامٌ، أَمَّا بَعْدُ: فَأَقِرُّوا بِشَهَادَةِ أَنْ لَا إِلَهَ إِلَّا اللَّهُ وَأَنِّي رَسُولُ اللَّهِ، وَأَدُّوا الزَّكَاةَ، وَإِلَّا غَزَوْتُكُمْ ". قَالَ أَبُو شَدَّادٍ: فَلَمْ أَجِدْ أَحَدًا يَقْرَأُ عَلَيْنَا الْكِتَابَ حَتَّى وَجَدْنَا غُلَامًا أَسْوَدَ، فَقَرَأَ عَلَيْنَا الْكِتَابَ، فَقُلْتُ لِأَبِي شَدَّادٍ: مَنْ كَانَ عَلَى أَهْلِ عُمَانَ يَلِي أَمْرَهُمْ؟ قَالَ: إِسْوَارٌ مِنْ أَسَاوِرَةِ كِسْرَى يُقَالُ لَهُ: سُبَيْحِبَانُ». رَوَاهُ الطَّبَرَانِيُّ فِي الْأَوْسَطِ، وَإِسْنَادُهُ لَمْ أَرَ أَحَدًا ذَكَرَهُمْ إِلَّا أَنَّ الطَّبَرَانِيَّ قَالَ: تَفَرَّدَ بِهِ مُوسَى بْنُ إِسْمَاعِيلَ. قُلْتُ: وَلَيْسَ بِالتَّبُوذَكِيِّ ; لِأَنَّ هَذَا يَرْوِي عَنِ التَّابِعِينَ. وَاللَّهُ أَعْلَمُ.

حضرت ابو شداد ، جن کا تعلق عمان کی ایک بستی " ذمار " سے ہے، وہ بیان کرتے ہیں : ہمارے پاس نبی اکرم صلی اللہ علیہ وآلہ وسلم کا مکتوب آیا، جو اہل عمان کی طرف تھا ( اس میں یہ تحریر تھا: ) " تم لوگ اس بات کی گواہی کا اقرار کرو! کہ اللہ تعالیٰ کے علاوہ اور کوئی معبود نہیں ہے ، اور میں اللہ کا رسول ہوں ، تم لوگ زکوٰۃ ادا کرو! ورنہ میں تمہارے ساتھ جنگ کروں گا"۔ حضرت ابو شداد رضی اللہ عنہ بیان کرتے ہیں : مجھے کوئی ایسا شخص نہیں ملا، جو ہمیں وہ مکتوب پڑھ کر سناتا ، آخر کار ایک سیاہ فام لڑکا ملا ، اس نے ہمیں وہ مکتوب پڑھ کر سنایا۔ راوی بیان کرتے ہیں : میں نے حضرت ابو شداد رضی اللہ عنہ سے دریافت کیا: اس وقت اہل عمان کا حکمران کون تھا؟ انہوں نے جواب دیا: کسریٰ کی طرف سے مقرر کردہ ایک گورنر تھا، جس کا نام سبیحبان تھا۔ یہ روایت امام طبرانی نے معجم اوسط میں نقل کی ہے اور اس کی سند کے حوالے سے ، میں نے کسی کو ان راویوں کا ذکر کرتے ہوئے نہیں دیکھا ، البتہ امام طبرانی نے یہ بات بیان کی ہے: موسیٰ بن اسماعیل اسے نقل کرنے میں منفر د ہے۔ ( علامہ ہیثمی کہتے ہیں : ) میں یہ کہتا ہوں : یہ راوی " تبوذکی " نہیں ہے، کیونکہ یہ تابعین سے روایات نقل کرتا ہے، باقی اللہ بہتر جانتا ہے۔

أَبِي شَدَّادٍ رَجُلٌ مِنْ أَهْلِ ذِمَارِ مِنْ قَرْيَةٍ مِنْ قُرَى عُمَانَ

69 - «وَعَنْ عَمْرِو بْنِ الْحَمِقِ قَالَ: بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - سَرِيَّةً فَقَالُوا: يَا رَسُولَ اللَّهِ، إِنَّكَ بَعَثْتَنَا وَلَيْسَ لَنَا زَادٌ وَلَا لَنَا طَعَامٌ، وَلَا عِلْمَ لَنَا بِالطَّرِيقِ. قَالَ: " إِنَّكُمْ سَتَمُرُّونَ بِرَجُلٍ صَبِيحِ الْوَجْهِ، يُطْعِمُكُمْ مِنَ الطَّعَامِ، وَيَسْقِيكُمْ مِنَ الشَّرَابِ، وَيَدُلُّكُمْ عَلَى الطَّرِيقِ، وَهُوَ مِنْ أَهْلِ الْجَنَّةِ ". فَلَمَّا نَزَلَ الْقَوْمُ عَلَيَّ جَعَلَ يُشِيرُ بَعْضُهُمْ إِلَى بَعْضٍ، وَيَنْظُرُونَ إِلَيَّ، فَقُلْتُ: يُشِيرُ بَعْضُكُمْ إِلَى بَعْضٍ، وَتَنْظُرُونَ إِلَيَّ! فَقَالُوا: أَبْشِرْ بِبُشْرَى مِنْ عِنْدِ اللَّهِ وَرَسُولِهِ ; فَإِنَّا نَعْرِفُ فِيكَ نَعْتَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأَخْبَرُونِي بِمَا قَالَ، فَأَطْعَمْتُهُمْ، وَسَقَيْتُهُمْ، وَزَوَّدْتُهُمْ، وَخَرَجْتُ مَعَهُمْ حَتَّى دَلَلْتُهُمْ عَلَى الطَّرِيقِ، ثُمَّ رَجَعْتُ إِلَى أَهْلِي فَأَوْصَيْتُهُمْ بِإِبِلِي، ثُمَّ خَرَجْتُ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقُلْتُ: مَا الَّذِي تَدْعُو إِلَيْهِ؟ قَالَ: " أَدْعُو إِلَى شَهَادَةِ أَنْ لَا إِلَهَ إِلَّا اللَّهُ وَأَنِّي رَسُولُ اللَّهِ، وَإِقَامِ الصَّلَاةِ، وَإِيتَاءِ الزَّكَاةِ، وَحَجِّ الْبَيْتِ، وَصَوْمِ رَمَضَانَ "، فَقُلْتُ: إِذَا أَجَبْنَاكَ إِلَى هَذَا فَنَحْنُ آمِنُونَ عَلَى أَهْلِنَا وَأَمْوَالِنَا وَدِمَائِنَا؟ قَالَ: " نَعَمْ "، فَأَسْلَمْتُ وَرَجَعْتُ إِلَى قَوْمِي فَأَعْلَمْتُهُمْ بِإِسْلَامِي، فَأَسْلَمَ عَلَى يَدَيَّ بَشَرٌ كَثِيرٌ مِنْهُمْ». قُلْتُ: فَذَكَرَ الْحَدِيثَ، وَهُوَ بِتَمَامِهِ فِي الْمَنَاقِبِ. رَوَاهُ الطَّبَرَانِيُّ فِي الْأَوْسَطِ، وَفِي إِسْنَادِهِ صَخْرُ بْنُ الْحَارِثِ عَنْ عَمِّهِ، وَلَمْ أَرَ أَحَدًا ذَكَرَهُمَا. وَاللَّهُ أَعْلَمُ.

حضرت عمرو بن حمق رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم ایک جنگی مہم روانہ کرنے لگے ، تو ان لوگوں نے عرض کی: یا رسول اللہ صلی اللہ علیہ وآلہ وسلم ! آپ ہمیں روانہ کرنے لگے ہیں ، لیکن ہمارے پاس نہ تو زاد سفر ہے، اور نہ ہی اناج ہے، اور نہ ہی ہمیں راستے کا علم ہے، بنی اکرم صلی اللہ علیہ وآلہ وسلم نے ارشاد فرمایا: تمہارا گزر ایک شخص کے پاس سے ہو گا ، جس کا چہرہ خوبصورت ہو گا، وہ تمہیں کھانا بھی فراہم کرے گا، اور مشروب بھی پلائے گا، اور راستے کے بارے میں بھی بتائے گا اور وہ شخص جنتی ہو گا، حضرت عمرو رضی اللہ عنہ بیان کرتے ہیں کہ : جب ان لوگوں نے میرے پاس پڑاؤ کیا، تو وہ ایک دوسرے کی طرف اشارہ کرنے لگے، اور میری طرف دیکھنے لگے ، میں نے کہا: تم لوگ میری طرف دیکھ کر ایک دوسرے کو کیا اشارے کر رہے ہو؟ ان لوگوں نے کہا : تم اللہ اور اس کے رسول کی طرف سے خوش خبری قبول کرو ! کیونکہ ہمیں تمہارے اندر وہ نشانی نظر آ رہی ہے، جو اللہ کے رسول صلی اللہ علیہ وآلہ وسلم نے بیان کی تھی، پھر ان لوگوں نے مجھے نبی اکرم صلی اللہ علیہ وآلہ وسلم کے ارشاد کے بارے میں بتایا ، تو میں نے انہیں کھانا فراہم کیا، مشروب فراہم کیا، زاد سفر دیا اور ان کے ساتھ نکل کر گیا، یہاں تک کہ میں نے راستے کے بارے میں ان کی رہنمائی کی، پھر میں اپنے گھر والوں کے پاس واپس آیا ، انہیں اپنے اونٹوں کے بارے میں ہدایات دیں، اور پھر نبی اکرم صلی اللہ علیہ وآلہ وسلم کی طرف روانہ ہو گیا، ( آپ صلی اللہ علیہ وآلہ وسلم کی خدمت میں حاضر ہونے کے بعد ) میں نے دریافت کیا: آپ کس چیز کی طرف دعوت دیتے ہیں ؟ نبی اکرم صلی اللہ علیہ وآلہ وسلم نے ارشاد فرمایا: میں اس بات کی گواہی دینے کی طرف دعوت دیتا ہوں : کہ اللہ تعالیٰ کے علاوہ اور کوئی معبود نہیں ہے، اور میں اللہ کا رسول ہوں ، اور نماز قائم کرنے ، زکوٰۃ ادا کرنے ، بیت اللہ کا حج کرنے اور رمضان کے روزے رکھنے ( کی طرف بھی دعوت دیتا ہوں ) میں نے دریافت کیا: اگر ہم اس دعوت کو قبول کر لیتے ہیں ، تو کیا ہم اپنے اہل خانہ ، اپنے اموال اور اپنی جانوں کے حوالے سے محفوظ ہوں گے؟ نبی اکرم صلی اللہ علیہ وآلہ وسلم نے ارشاد فرمایا: جی ہاں ! تو میں نے اسلام قبول کر لیا، پھر میں اپنی قوم کی طرف واپس گیا اور انہیں اپنے اسلام قبول کرنے کے بارے میں بتایا، تو ان میں سے بہت سے افراد نے میرے ہاتھ پر اسلام قبو ل کر لیا،۔ (علامہ ہیثمی بیان کر تے ہیں : ) میں یہ کہتا ہوں : اس کے بعد راوی نے پوری حدیث ذکر کی ہے اور یہ مکمل روایت " منا قب " سے متعلق باب میں آئے گی۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی صخر بن حارث ہے جس نے اپنے چچا سے یہ روایت نکل کی ہے، لیکن میں نے کسی کو ان دونوں کا ذکر کرتے ہوئے نہیں دیکھا ہے۔

بَعَثَ رَسُولُ اللَّهِ سَرِيَّةً فَقَالُوا: ← «وَعَنْ عَمْرِو بْنِ الْحَمِقِ

70 - «وَعَنْ عُمَيْرٍ قَالَ: جَاءَنَا كِتَابُ رَسُولِ اللَّهِ - صَلَّى اللَّهُ عَلَيْهِ وَسَلَّمَ -: " بِسْمِ اللَّهِ الرَّحْمَنِ الرَّحِيمِ، مِنْ مُحَمَّدٍ رَسُولِ اللَّهِ إِلَى عُمَيْرٍ ذِي مَرَّانَ وَمَنْ أَسْلَمَ مِنْ هَمْدَانَ، سَلَامٌ عَلَيْكُمْ، فَإِنِّي أَحْمَدُ إِلَيْكُمُ اللَّهَ الَّذِي لَا إِلَهَ إِلَّا هُوَ. أَمَّا بَعْدُ: فَإِنَّهُ قَدْ بَلَغَنَا إِسْلَامُكُمْ بَعْدَ مَقْدِمِنَا مِنْ أَرْضِ الرُّومِ، فَأَبْشِرُوا ; فَإِنَّ اللَّهَ قَدْ هَدَاكُمْ بِهِدَايَتِهِ ; فَإِنَّكُمْ إِذَا شَهِدْتُمْ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَأَقَمْتُمُ الصَّلَاةَ، وَأَعْطَيْتُمُ الزَّكَاةَ - فَإِنَّ لَكُمْ ذِمَّةَ اللَّهِ وَذِمَّةَ رَسُولِهِ عَلَى دِمَائِكُمْ وَأَمْوَالِكُمْ، وَعَلَى أَرْضِ الرُّومِي الَّذِي أَسْلَمْتُمْ عَلَيْهَا: سَهْلِهَا، وَغَوْرِيهَا، وَمَرَاعِيهَا، غَيْرُ مَظْلُومِينَ وَلَا مُضَيَّقٌ عَلَيْهِمْ، وَإِنَّ الصَّدَقَةَ لَا تَحِلُّ لِمُحَمَّدٍ وَلَا لِأَهْلِ بَيْتِهِ، وَإِنَّ مَالِكَ بْنَ مِرَارَةَ الرَّهَاوِيَّ قَدْ حَفِظَ الْغَيْبَ، وَأَدَّى الْأَمَانَةَ، [وَبَلَّغَ الرِّسَالَةَ]، فَآمُرُكَ يَا ذَا مَرَّانَ بِهِ خَيْرًا ; فَإِنَّهُ مَنْظُورٌ إِلَيْهِ فِي قَوْمِهِ، وَلْيُحْبِبْكُمْ رَبُّكُمْ». رَوَاهُ الطَّبَرَانِيُّ فِي الْكَبِيرِ مِنْ طَرِيقِ عُمَيْرِ بْنِ ذِي مَرَّانَ عَنْ أَبِيهِ عَنْ جَدِّهِ، وَلَمْ أَرَ أَحَدًا ذَكَرَهُمْ بِتَوْثِيقٍ وَلَا جَرْحٍ.

حضرت عمیر رضی اللہ عنہ بیان کرتے ہیں : ہمارے نبی اکرم صلی اللہ علیہ وآلہ وسلم کی مکتوب آیا ( جس میں یہ تحریر تھا: ) " اللہ کے نام سے برکت حاصل کرتے ہوئے ، جو بڑا مہربان ، نہایت رحم کرنے والا ہے، یہ مکتوب ، اللہ کے رسول ، حضرت محمد صلی اللہ علیہ وآلہ وسلم ! کی طرف سے ، عمیر ذی مران اور ہمدان سے تعلق رکھنے والے ، ہر اس فرد کی طرف ہے، جو اسلام قبول کر چکا ہو، تم لوگوں پر سلام ہو ! میں تمہارے سامنے اس اللہ کی حمد بیان کرتا ہوں ، جس کے علاوہ اور کوئی معبود نہیں ہے، اما بعد ! روم کی سرزمین سے ہمارے واپسی پر تم لوگوں کے اسلام قبول کرنے کی اطلاع ہمیں ملی ، تو تم لوگ یہ خوش خبری قبول کرو! کہ اللہ تعالیٰ نے تمہیں اپنی ہدایت نصیب کی ہے ۔ جب تم لوگ اس بات کی گواہی دے دو گے کہ اللہ تعالیٰ کے علاوہ اور کوئی معبود نہیں ہے اور حضرت محمد صلی اللہ علیہ وآلہ وسلم اللہ کے رسول ہیں اور تم لوگ نماز قائم کرو گے، اور زکوٰۃ ادا کرو گے، تو تمہاری جانوں اور تمہارے اموال اور تمہاری وہ سر زمین جس کا تعلق روم سے ہے، جس پر موجود رہتے ہو ئے ، تم نے اسلام قبول کیا ہے ، اس کا آباد اور بے آباد حصہ اور اس کی چراگاہیں ان سب کے حوالے سے تم اللہ اور اس کے رسول کی پناہ میں ہو گئے ، نہ تمہارے ساتھ ظلم کیا جائے گا، نہ تمہیں تنگی کا شکار کیا جائے گا ، محمد ( صلی اللہ علیہ وآلہ وسلم ) اور ان کے اہل بیت کے لیے صدقہ حلال نہیں ہے، بیشک مالک بن مرارہ رہاوی نے پوشیدہ چیز کی حفاظت کی، اور امانت کو ادا کیا ( یعنی پیغام پہنچا دیا) تو اے ذی مران ! اس کے بارے میں ، میں تمہیں بھلائی کا حکم دیتا ہوں ، کیونکہ وہ اپنی قوم کا ایک اہم فرد ہے، تمہارا پروردگار تم سے محبت رکھے گا"۔ یہ روایت امام طبرانی نے معجم کبیر میں عمیر بن ذی مران کے حوالے سے ، ان کے والد کے حوالے سے ، ان کے دادا سے نقل کی ہے اور میں نے کسی کو ان حضرات کا تذکرہ ، کسی توثیق یا جرح کے ہمراہ ، کرتے ہوئے نہیں دیکھا ہے۔

عُمَيْرٍ

71 - وَعَنْ أَبِي نُعَيْمٍ قَالَ: «أَخْرَجَ إِلَيْنَا عَبْدُ الْمَلِكِ بْنُ عَطَاءٍ الْعَامِرِيُّ كِتَابًا مِنَ النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: اكْتُبُوهُ، وَلَمْ يُمْلِهِ عَلَيْنَا. زَعَمَ أَنَّ ابْنَهُ الْفُجَيْعَ حَدَّثَهُ بِهِ. " هَذَا كِتَابٌ مِنْ مُحَمَّدٍ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لِلْفُجَيْعِ وَمَنْ مَعَهُ. وَمَنْ أَسْلَمَ، وَأَقَامَ الصَّلَاةَ، وَآتَى الزَّكَاةَ، وَأَطَاعَ اللَّهَ وَرَسُولَهُ، وَأَعْطَى مِنَ الْمَغْنَمِ خُمُسَ اللَّهِ، وَنَصَرَ نَبِيَّ اللَّهِ، وَأَشْهَدَ عَلَى إِسْلَامِهِ، وَفَارَقَ الْمُشْرِكِينَ - فَإِنَّهُ آمِنٌ بِأَمَانِ اللَّهِ وَمُحَمَّدٍ - صَلَّى اللَّهُ عَلَيْهِ وَسَلَّمَ -». رَوَاهُ الطَّبَرَانِيُّ فِي الْكَبِيرِ، وَإِسْنَادُهُ مُنْقَطِعٌ.

ابو نعیم بیان کرتے ہیں : عبدالملک بن عطاء عمری نے ہمیں نبی اکرم صلی اللہ علیہ وآلہ وسلم کا مکتوب نکال کر دکھایا اور بولے : تم لوگ اسے نوٹ کر لو ! انہوں نے اس کی عبارت ہمیں املاء نہیں کروائی ، ان کا یہ کہنا تھا: ان کے فجیع نے انہیں اس کے بارے میں حدیث بیان کی ہے۔ ( اس مکتوب میں یہ تحریر تھا: ) " یہ اللہ کے رسول ، حضرت محمد صلی اللہ علیہ وآلہ وسلم کی طرف سے فجیع اور اس کے ساتھیوں کے مان مکتوب ہے، جس نے بھی اسلام قبول کیا، نماز قائم کی ، زکوٰۃ ادا کی ، اللہ اور اس کے رسول کی اطاعت کی، مال غنیمت میں سے اللہ تعالیٰ کا پانچواں حصہ ادا کیا ، اللہ کے نبی کی مدد کی ، اس نے اپنے اسلام پر گواہ بنایا، مشرکین سے لا تعلقی اختیار کی، تو وہ اللہ تعالیٰ اور حضرت محمد صلی اللہ علیہ وآلہ وسلم کی امان کے تحت محفوظ شمار ہو گا"۔ یہ روایت امام طبرانی نے معجم کبیر میں نقل کی ہے اور اس کی سند منقطع ہے۔

اكْتُبُوهُ، وَلَمْ يُمْلِهِ عَلَيْنَا. زَعَمَ أَنَّ ابْنَهُ الْفُجَيْعَ ← «أَخْرَجَ إِلَيْنَا عَبْدُ الْمَلِكِ بْنُ عَطَاءٍ الْعَامِرِيُّ كِتَابًا مِنَ النَّبِيِّ ← أَبِي نُعَيْمٍ،

72 - «وَعَنْ عُمَارَةَ بْنِ أَحْمَرَ الْمَازِنِيِّ قَالَ: كُنْتُ فِي إِبِلِي فِي الْجَاهِلِيَّةِ أَرْعَاهَا، فَأَغَارَتْ عَلَيْنَا خَيْلُ رَسُولِ اللَّهِ - صَلَّى اللَّهُ عَلَيْهِ وَسَلَّمَ -، فَجَمَعْتُ إِبِلِي وَرَكِبْتُ الْفَحْلَ فَتَفَاجَّ يَبُولُ، فَنَزَلْتُ عَنْهُ، وَرَكِبْتُ نَاقَةً، فَنَجَوْتُ عَلَيْهَا، وَاسْتَاقُوا الْإِبِلَ، فَأَتَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَأَسْلَمْتُ فَرَدَّهَا عَلَيَّ، وَلَمْ يَكُونُوا اقْتَسَمُوهَا. قَالَ جَوَّابُ بْنُ عُمَارَةَ: فَأَدْرَكْتُ أَنَا وَأَخِي النَّاقَةَ الَّتِي رَكِبَهَا عُمَارَةُ يَوْمَئِذٍ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ -». رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ قُتَيْلَةُ بِنْتُ جُمَيْعٍ عَنْ يَزِيدِ بْنِ صَيْفٍ، عَنْ أَبِيهِ. وَلَمْ أَرَ أَحَدًا تَرْجَمَهُمْ.

حضرت عمارہ بن احمر مازنی رضی اللہ عنہ بیان کرتے ہیں : زمانہ جاہلیت میں ، میں اپنے اونٹ چرا رہا تھا، اسی دوران نبی اکرم صلی اللہ علیہ وآلہ وسلم کے شہہ سواروں نے ہم پر حملہ کر دیا، میں نے اپنے اونٹ جمع کئے اور ایک اونٹ پر سوار ہوا، تو وہ پیشاب کر نے کے لئے رک گیا، میں اس سے نیچے اترا ، اور اونٹنی پر سوار ہو گیا، جس کی وجہ سے میں بچ گیا، وہ لوگ میرے اونٹ ہانک کر لے گئے ، میں نبی اکرم صلی اللہ علیہ وآلہ وسلم کی خدمت میں حاضر ہوا اور میں نے اسلام قبول کر لیا، تو نبی اکرم صلی اللہ علیہ وآلہ وسلم نے میرے اونٹ مجھے واپس کر دئیے ، جو ان لوگوں نے ابھی تقسیم نہیں کیے تھے۔ حضرت عمارہ رضی اللہ عنہ کے صاحبزادے جوّاب بیان کرتے ہیں : میں نے میرے بھائی نے وہ انٹنی دیکھی ہے، جس پر سوار ہو کر حضرت عمارہ رضی اللہ عنہ نبی اکرم صلی اللہ علیہ وآلہ وسلم کی خدمت میں حاضر ہوئے تھے۔ یہ روایت امام طبرانی نے معجم کبیر میں نقل کی ہے اور اس کی سند میں قتیلہ بنت جمیع ہے، جس نے یزید بن صیف کے حوالے سے ان کے والد سے یہ روایت نقل کی ہے، میں نے ان میں سے کسی کے حالات ( کسی کتاب میں ) نہیں دیکھے ہیں ۔

عُمَارَةَ بْنِ أَحْمَرَ الْمَازِنِيِّ