Majma uz Zawaid Wa Manba ul Fawaid

49 - وَعَنْ أَبِي بَكْرٍ الصِّدِّيقِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أُمِرْتُ أَنْ أُقَاتِلَ النَّاسَ حَتَّى يَقُولُوا: لَا إِلَهَ إِلَّا اللَّهُ، فَإِذَا قَالُوهَا مَنَعُوا مِنِّي دِمَاءَهُمْ وَأَمْوَالَهُمْ إِلَّا بِحَقِّهَا، وَحِسَابُهُمْ عَلَى اللَّهِ». رَوَاهُ الْبَزَّارُ وَقَالَ: وَهَذَا الْحَدِيثُ لَا أَعْلَمُهُ يُرْوَى عَنْ أَنَسٍ عَنْ أَبِي بَكْرٍ إِلَّا مِنْ هَذَا الْوَجْهِ، وَأَحْسَبُ أَنَّ عِمْرَانَ أَخْطَأَ فِي إِسْنَادِهِ.

حضرت ابو بکر صدیق رضی اللہ عنہ بیان کرتے ہیں: نبی اکرم صلی اللہ علیہ و آلہ وسلم نے ارشاد فرمایا ہے : لوگوں کے ساتھ اس وقت تک جنگ کروں ، جب تک وہ یہ نہیں کہہ دیتے کہ اللہ تعالیٰ کے علاوہ اور کوئی معبود نہیں ہے، وہ یہ کہہ دیں گے ، تو وہ اپنی جانوں اور اموال کو مجھ سے روک لیں گے ( یعنی محفوظ کر لیں گے)، البتہ ان کے حق کا معاملہ مختلف ہے، اور ان لوگوں کا حساب ، اللہ تعالیٰ کے ذمہ ہو گا"۔ یہ روایت امام بزار نے نقل کی ہے : وہ فرماتے ہیں : میرے علم کے مطابق ، یہ روایت حضرت انس رضی اللہ عنہ کے حوالے سے ، حضرت ابو بکر صدیق رضی اللہ عنہ سے منقول ہونے کے طور پر ، صرف اسی سند کے ساتھ منقول ہے، اور میں یہ سمجھتا ہوں کہ عمران نامی راوی نے اس کی سند میں غلطی کی ہے۔

أَبِي بَكْرٍ الصِّدِّيقِ:

50 - وَعَنْ عَبْدِ اللَّهِ بْنِ مَسْعُودٍ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «إِذَا شَرَعَ أَحَدُكُمْ بِالرُّمْحِ إِلَى الرَّجُلِ، فَإِنْ كَانَ سِنَانُهُ عِنْدَ ثُغْرَةِ نَحْرِهِ، فَقَالَ: لَا إِلَهَ إِلَّا اللَّهُ ; فَلْيَرْفَعْ عَنْهُ الرُّمْحَ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِي إِسْنَادِهِ الصَّلْتُ بْنُ عَبْدِ الرَّحْمَنِ الزُّبَيْدِيُّ، لَا تَقُومُ بِهِ حُجَّةٌ.

حضرت عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ارشا د فرمایا ہے: " جب کوئی شخص نیزے کے ذریعے ، کسی ( غیر مسلم ) پر حملہ آور ہو ، اور جب نیزے کی نوک ، اس ( غیر مسلم ) کی گردن کے اوپر ہو اور اس وقت وہ لا الہ الا اللہ پڑھ لے ، تو مسلمان شخص کو اس سے نیزا اٹھا لینا چاہیے " ۔ یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی صلہ بن عبد الرحمٰن زبیدی ہے ، جس کے ذریعے حجت قائم نہیں ہوتی۔

عَبْدِ اللهِ بْنِ مَسْعُودٍ

51 - وَعَنْ أَبِي مَالِكٍ الْأَشْجَعِيِّ، عَنْ أَبِيهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أُمِرْتُ أَنْ أُقَاتِلَ النَّاسَ حَتَّى يَقُولُوا: لَا إِلَهَ إِلَّا اللَّهُ، فَإِذَا قَالُوهَا عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّهَا، وَحِسَابُهُمْ عَلَى اللَّهِ - عَزَّ وَجَلَّ -». رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

ابو مالک اشجعی ، اپنے والد کے حوالے سے بات نقل کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " مجھے یہ حکم دیا گیا ہے کہ میں لوگوں کے ساتھ اس وقت تک جنگ کروں ، جب تک وہ لا الہ الا اللہ نہیں پڑھ لیتے جب وہ یہ پڑھ لیں گے تو وہ اپنی جانیں اور اموال کو مجھ سے روک لیں گے ( یعنی محفوظ کر لیں گے)، البتہ ان کے حق کا معاملہ مختلف ہے، اور ان لوگوں کا حساب ، اللہ تعالیٰ کے ذمہ ہو گا"۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے۔

أَبِيهِ ← وَعَنْ أَبِي مَالِكٍ الْأَشْجَعِيِّ،

52 - وَعَنْ أَبِي بَكْرَةَ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أُمِرْتُ أَنْ أُقَاتِلَ النَّاسَ حَتَّى يَقُولُوا: لَا إِلَهَ إِلَّا اللَّهُ، فَإِذَا قَالُوهَا عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّهَا، وَحِسَابُهُمْ عَلَى اللَّهِ - عَزَّ وَجَلَّ -». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ عَبْدُ اللَّهِ بْنُ عِيسَى الْخَزَّازُ، وَهُوَ ضَعِيفٌ لَا يُحْتَجُّ بِهِ.

حضرت ابو بکر ہ رضی اللہ عنہ بیان کرتے ہیں کہ : نبی اکرم صلی اللہ علیہ و آلہ وسلم نے ارشاد فرمایا: " مجھے یہ حکم دیا گیا ہے کہ میں لوگوں کے ساتھ اس وقت تک جنگ کروں ، جب تک وہ لا الہ الا اللہ نہیں پڑھ لیتے ، جب وہ یہ پڑھ لیں گے ، تو وہ اپنی جانیں اور اموال مجھ سے محفوظ کر لیں گے ، البتہ ان کے حق کا معاملہ مختلف ہے اور ان لوگوں کا حساب ، اللہ تعالیٰ کے ذمہ ہو گا " ۔ یہ روایت امام طبرانی نے معجم کبیر اور معجم اوسط میں نقل کی ہے اس کی سند میں ایک راوی عبداللہ بن عیسیٰ حجاز ہے اور وہ ضعیف ہے ، اس سے استدلال نہیں کیا جائے گا۔

أَبِي بَكْرَةَ

53 - وَعَنْ سَمُرَةَ بْنِ جُنْدُبٍ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أُمِرْتُ أَنْ أُقَاتِلَ النَّاسَ حَتَّى يَقُولُوا: لَا إِلَهَ إِلَّا اللَّهُ، فَإِذَا قَالُوهَا عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّهَا، وَحِسَابُهُمْ عَلَى اللَّهِ». رَوَاهُ الطَّبَرَانِيُّ فِي الْأَوْسَطِ، وَفِيهِ مُبَارَكُ بْنُ فَضَالَةَ، وَاخْتُلِفَ فِي الِاحْتِجَاجِ بِهِ.

حضرت سمرہ بن جندب رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : "مجھے یہ حکم دیا گیا ہے کہ میں لوگوں کے ساتھ اس وقت تک جنگ کروں ، جب تک وہ لا الہ الا اللہ نہیں پڑھ لیتے ،جب وہ یہ پڑھ لیں گے ، تو و ہ اپنی جانیں اور اموال کو مجھ سے محفوظ کر لیں گے، البتہ ان کے حق کا معاملہ مختلف ہے، اور ان لوگوں کا حساب ، اللہ تعالیٰ کے ذمہ ہو گا"۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی مبارک بن فضالہ ہے، جس سے استدلال کرنے میں اختلاف کیا گیا ہے۔

سَمُرَةَ بْنِ جُنْدُبٍ

54 - وَعَنْ أَنَسِ بْنِ مَالِكٍ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أُمِرْتُ أَنْ أُقَاتِلَ النَّاسَ حَتَّى يَقُولُوا: لَا إِلَهَ إِلَّا اللَّهُ، فَإِذَا قَالُوهَا عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّهَا "، قِيلَ: وَمَا حَقُّهَا؟ قَالَ: " زِنًى بَعْدَ إِحْصَانٍ، أَوْ كُفْرٌ بَعْدَ إِسْلَامٍ، أَوْ قَتْلُ نَفْسٍ فَيُقْتَلُ بِهِ». رَوَاهُ الطَّبَرَانِيُّ فِي الْأَوْسَطِ، وَفِيهِ عَمْرُو بْنُ هَاشِمٍ الْبَيْرُوتِيُّ، وَالْأَكْثَرُ عَلَى تَوْثِيقِهِ.

حضرت ان بن مالک رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " مجھے یہ حکم دیا گیا ہے کہ میں لوگوں کے ساتھ اس وقت تک جنگ کروں ، جب تک وہ لا الہ الا اللہ نہیں پڑھ لیتے جب وہ یہ پڑھ لیں گے تو وہ اپنی جانیں اور اموال کو مجھ سے محفوظ کر لیں گے، البتہ ان کے حق کا معاملہ مختلف ہے، اور ان لوگوں کا حساب ، اللہ تعالیٰ کے ذمہ ہو گا، عرض کی گئی : ان کے حق سے مراد کیا ہے؟ نبی اکرم صلی اللہ علیہ و آلہ وسلم نے فرمایا : محصن ہونے کے باوجود زنا کا ارتکاب کرنا ، یا اسلام قبول کر لینے کے بعد کفر اختیار کر نا یا کسی کو قتل کرنا ، تو اس کے عوض میں اس شخص کو قتل کر دیا جائے گا۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی عمرو بن ہاشم بیروتی ہے ، اکثر محدثین نے اس کی توثیق کی ہے۔

اَنَسِ بْنِ مَالِکٍ،

55 - وَعَنْ عِيَاضٍ الْأَنْصَارِيِّ رَفَعَهُ قَالَ: «إِنَّ لَا إِلَهَ إِلَّا اللَّهُ كَلِمَةٌ عَلَى اللَّهِ كَرِيمَةٌ، لَهَا عِنْدَ اللَّهِ مَكَانٌ، وَهِيَ كَلِمَةٌ مَنْ قَالَهَا صَادِقًا أَدْخَلَهُ اللَّهُ بِهَا الْجَنَّةَ، وَمَنْ قَالَهَا كَاذِبًا حَقَنَتْ دَمَهُ وَأَحْرَزَتْ مَالَهُ، وَلَقِيَ اللَّهَ غَدًا فَحَاسَبَهُ». رَوَاهُ الْبَزَّارُ، وَرِجَالُهُ مُوَثَّقُونَ إِنْ كَانَ تَابِعِيَّهُ عَبْدُ الرَّحْمَنِ بْنُ عَبْدِ اللَّهِ بْنِ مَسْعُودٍ.

حضرت عیاض انصاری رضی اللہ عنہ مرفوع حدیث کے طور پر نقل کرتے ہیں: نبی اکرم صلی اللہ علیہ و آلہ وسلم نے ارشاد فرمایا ہے: " لا الہ الا اللہ ، اللہ تعالیٰ کی بارگاہ میں معزز کلمہ ہے، جسے اللہ تعالیٰ کی بارگاہ میں بلند حیثیت حاصل ہے، یہ ایک ایسا کلمہ ہے کہ جو شخص سچے دل کے ساتھ اسے پڑھ لے گا، اللہ تعالیٰ اس کی وجہ سے اسے جنت میں داخل کر دے گا۔ اور جو شخص جھوٹ کے طور پر اسے پڑھے گا، یہ کلمہ اس کی جان بچا لے گا اور اس کے مال کو محفوظ کر دے گا، کل جب وہ شخص اللہ تعالیٰ کی بارگاہ میں حاضر ہو گا تو اللہ تعالیٰ اس سے حساب لے گا۔ یہ روایت امام بزار نے روایت کی ہے، اس کے رجال کی توثیق کی گئی ہے، اگرچہ اس کا تابعی عبدالرحمٰن بن مسعود ہیں ۔

عِيَاضٍ الْأَنْصَارِيِّ رَفَعَهُ،

56 - وَعَنْ حُمَيْدِ بْنِ هِلَالٍ قَالَ: «غَزَا عُمَارَةُ بْنُ قَرْضٍ اللَّيْثِيُّ غَزَاةً لَهُ، فَمَكَثَ فِيهَا مَا شَاءَ اللَّهُ ثُمَّ رَجَعَ، حَتَّى إِذَا كَانَ قَرِيبًا مِنَ الْأَهْوَازِ سَمِعَ صَوْتَ الْأَذَانِ فَقَالَ: وَاللَّهِ مَا لِي عَهْدٌ بِصَلَاةٍ بِجَمَاعَةٍ مِنَ الْمُسْلِمِينَ مُنْذُ ثَلَاثٍ، وَقَصَدَ نَحْوَ الْأَذَانِ يُرِيدُ الصَّلَاةَ فَإِذَا هُوَ بِالْأَزَارِقَةِ، فَقَالُوا لَهُ: مَا جَاءَ بِكَ يَا عَدُوَّ اللَّهِ؟ فَقَالَ: مَا أَنْتُمْ إِخْوَانِي. قَالُوا: أَنْتَ أَخُو الشَّيْطَانِ، لَنَقْتُلَنَّكَ. قَالَ: أَمَا تَرْضَوْنَ مِنِّي بِمَا رَضِيَ بِهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ -؟ قَالُوا: أَيُّ شَيْءٍ رَضِيَ بِهِ مِنْكَ؟ قَالَ: أَتَيْتُهُ وَأَنَا كَافِرٌ، فَشَهِدْتُ أَنْ لَا إِلَهَ إِلَّا اللَّهُ وَأَنَّهُ رَسُولُ اللَّهِ فَخَلَّى عَنِّي. فَأَخَذُوهُ فَقَتَلُوهُ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ رِجَالُ الصَّحِيحِ.

حمید بن ہلال بیان کرتے ہیں : حضرت عمارہ بن قرض لیثی رضی اللہ عنہ ایک جنگ میں شریک ہوئے ، جتنا عرصہ اللہ کو منظور تھا وہ وہاں رہے ، پھر وہ واپس روانہ ہو گئے ، جب وہ اہواز کے قریب پہنچے اور انہوں نے اذان کی آواز سنی ، تو بولے : اللہ کی قسم ! میں نے گزشتہ تین دن سے مسلمانوں کے ساتھ با جماعت نماز ادا نہیں کی ، وہ اذان کی طرف چل پڑے ، ان کا ارادہ ( باجماعت ) نماز ادا کرنے کا تھا ، لیکن وہ مسجد " ازارقہ "( یعنی خوارج ) کی تھی، ان لوگوں نے حضرت عمارہ رضی اللہ عنہ سے کہا : اے اللہ کے دشمن ! تم کیوں آئے ہو؟ حضرت عمارہ رضی اللہ عنہ نے کہا : کیا تم لوگ میرے بھائی یعنی مسلمان نہیں ہو؟ ان لوگوں نے کہا: تم شیطان کے بھائی ہو ، ہم تمہیں ضرور قتل کر دیں گے ، تو حضرت عمارہ رضی اللہ عنہ نے کہا : کیا تم میری طرف سے اس چیز سے راضی نہیں ہو گے ، جس سے اللہ کے رسول راضی ہوئے تھے؟ ان لوگوں نے دریافت کیا: وہ کیا چیز تھی؟ جس کی وجہ سے اللہ کے رسول صلی اللہ علیہ و آلہ وسلم آپ سے راضی ہوئے تھے؟ حضرت عمارہ رضی اللہ عنہ نے بتایا :جب میں نبی اکرم صلی اللہ علیہ و آلہ وسلم کی خدمت میں حاضر ہوا، تو میں کافر تھا، پھر میں نے اس بات کی گواہی دی کہ اللہ تعالیٰ کے علاوہ اور کوئی معبود نہیں ہے، اور بے شک آپ ، صلی اللہ علیہ و آلہ وسلم اللہ کے رسول ہیں ، تو نبی اکرم صلی اللہ علیہ و آلہ وسلم نے مجھے چھوڑ دیا تھا۔ ( راوی کہتے ہیں : ) لیکن ان خوارج نے انہیں پکڑ کر شہید کر دیا ۔ یہ روایت امام طبرانی نے معجم کبیر اور معجم اوسط میں نقل کی ہے اور اس کے رجال صحیح کے رجال ہیں۔

حُمَيْدِ بْنِ هِلَالٍ،

57 - وَعَنِ النُّعْمَانِ بْنِ بَشِيرٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «أُمِرْتُ أَنْ أُقَاتِلَ النَّاسَ حَتَّى يَقُولُوا: لَا إِلَهَ إِلَّا اللَّهُ، فَإِذَا قَالُوهَا عَصَمُوا مِنِّي دِمَاءَهُمْ وَأَمْوَالَهُمْ إِلَّا بِحَقِّهَا». رَوَاهُ الْبَزَّارُ، وَرِجَالُهُ رِجَالُ الصَّحِيحِ.

حضرت نعمان بن بشیر رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " مجھے یہ حکم دیا گیا ہے کہ میں لوگوں کے ساتھ اس وقت تک جنگ کروں جب وہ لا الہ الا اللہ نہیں پڑھ لیتے ، جب وہ لوگ یہ پڑھ لیں گے، تو وہ اپنی جانیں اور اموال مجھ سے محفوظ کر لیں گے، البتہ ان کے حق کا معاملہ مختلف ہے" یہ روایت امام بزار نے نقل کی ہے اور اس کے رجال صحیح کے رجال ہیں ۔

النُّعْمَانَ بْنَ بَشِيرٍ،

58 - «وَعَنْ مُسْلِمٍ التَّمِيمِيِّ قَالَ: بَعَثَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي سَرِيَّةٍ، فَلَمَّا هَجَمْنَا عَلَى الْقَوْمِ تَقَدَّمْتُ أَصْحَابِي عَلَى فَرَسٍ، فَاسْتَقْبَلَنَا النِّسَاءُ وَالصِّبْيَانُ يَضِجُّونَ، فَقُلْتُ لَهُمْ: تُرِيدُونَ أَنْ تُحْرِزُوا أَنْفُسَكُمْ؟ قَالُوا: نَعَمْ، فَقُلْتُ: قُولُوا: نَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ، فَقَالُوهَا، فَجَاءَ أَصْحَابِي فَلَامُونِي وَقَالُوا: أَشْرَفْنَا عَلَى الْغَنِيمَةِ فَمَنَعْتَنَا، ثُمَّ انْصَرَفْنَا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " أَتَدْرُونَ مَا صَنَعَ؟ لَقَدْ كَتَبَ اللَّهُ لَهُ بِكُلِّ إِنْسَانٍ كَذَا وَكَذَا "، ثُمَّ أَدْنَانِي مِنْهُ». رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ الْحَارِثُ بْنُ مُسْلِمٍ، وَهُوَ مَجْهُولٌ.

حضرت مسلم تمیمی رضی اللہ عنہ بیان کرتے ہیں : اللہ کے رسول نے ہمیں ایک جنگی مہم پر روانہ کیا ، جب ہم نے دشمن پر حملہ کیا، تو میں گھوڑے پر سوار ہو کر ، اپنے ساتھیوں سے آگے نکل آیا ، خواتین اور بچے ہمارے سامنے آئے ، جو چیخ و پکار کر رہے تھے، میں نے ان سے کہا: کیا تم یہ چاہتے ہو کہ اپنی جانیں بچا لو ؟ انہوں نے جواب دیا: جی ہاں ! میں نے کہا : پھر تم لوگ یہ کہو: " ہم اس بات کی گواہی دیتے ہیں کہ اللہ کے علاوہ اور کوئی معبود نہیں ہے، صرف وہی ایک معبود ہے اس کا کوئی شریک نہیں ہے، اور حضرت محمد صلی اللہ علیہ و آلہ وسلم اس کے بندے اور اس کے رسول ہیں" ان لوگوں نے یہ کلمہ پڑھ لیا ، جب میرے ساتھی آئے تو انہوں نے مجھے ملامت کی اور یہ کہا : ہمیں تو غنیمت حاصل ہونے کی توقع تھی، لیکن تم نے وہ ہمیں نہیں ملنے دیا، ( راوی بیان کرتے ہیں : ) جب ہم لوگ واپس نبی اکرم صلی اللہ علیہ و آلہ وسلم کی خدمت میں حاضر ہوئے ، ( تو نبی اکرم صلی اللہ علیہ و آلہ وسلم نے میرے ساتھیوں سے فرمایا: کیا تم لوگ یہ جانتے ہو؟ کہ اس نے کیا کیا ہے ( یعنی اس شخص کے اس عمل کا اجر و ثواب کتنا ہو گا؟ ) اللہ تعالیٰ نے ( اسلام قبول کرنے والے ) ہر ایک انسان کے بدلے میں اتنی، اتنی ( نیکیاں یا اجرو ثواب ) اسے عطا کر دیا ہے، راوی بیان کرتے ہیں : پھر نبی اکرم صلی اللہ علیہ و آلہ وسلم نے مجھے اپنے قریب کیا ۔ یہ روایت امام طبرانی نے معجم کبیر میں نقل کی ہے ، اور اس کی سند میں ایک راوی حارث بن مسلم ہے، اور وہ مجہول ہے۔

مُسْلِمٍ التَّمِيمِيِّ

59 - وَعَنْ عُقْبَةَ بْنِ مَالِكٍ اللَّيْثِيِّ قَالَ: «بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - سَرِيَّةً، فَأَغَارُوا عَلَى قَوْمٍ، فَشَدَّ رَجُلٌ مِنَ الْقَوْمِ، فَاتَّبَعَهُ رَجُلٌ مِنَ السَّرِيَّةِ وَمَعَهُ السَّيْفُ شَاهِرُهُ، فَقَالَ الشَّادُّ مِنَ الْقَوْمِ: إِنِّي مُسْلِمٌ، فَلَمْ يَنْظُرْ فِيمَا قَالَ، فَضَرَبَهُ فَقَتَلَهُ، فَنَمَى الْحَدِيثُ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ فِيهِ قَوْلًا شَدِيدًا بَلَغَ الْقَاتِلَ، فَبَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَخْطُبُ إِذْ قَالَ الْقَاتِلُ: وَاللَّهِ يَا رَسُولَ اللَّهِ، مَا قَالَ الَّذِي قَالَ إِلَّا تَعَوُّذًا مِنَ الْقَتْلِ، فَأَعْرَضَ عَنْهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَعَمَّنْ قِبَلَهُ مِنَ النَّاسِ، وَأَخَذَ فِي خُطْبَتِهِ، ثُمَّ قَالَ الثَّانِيَةَ: وَاللَّهِ مَا قَالَ الَّذِي قَالَ إِلَّا تَعَوُّذًا مِنَ الْقَتْلِ، فَأَعْرَضَ عَنْهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَأَخَذَ فِي خُطْبَتِهِ، فَلَمْ يَصْبِرْ أَنْ قَالَ الثَّالِثَةَ: وَاللَّهِ مَا قَالَ الَّذِي قَالَ إِلَّا تَعَوُّذًا مِنَ الْقَتْلِ، فَأَقْبَلَ عَلَيْهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ - تُعْرَفُ الْمَسَاءَةُ فِي وَجْهِهِ، ثُمَّ قَالَ: " إِنَّ اللَّهَ أَبَى عَلَيَّ فِيمَنْ قَتَلَ مُؤْمِنًا [قَالَهَا] ثَلَاثًا». رَوَاهُ الطَّبَرَانِيُّ فِي الْكَبِيرِ وَأَحْمَدُ وَأَبُو يَعْلَى، إِلَّا أَنَّهُ قَالَ: عُقْبَةُ بْنُ خَالِدٍ بَدَلَ عُقْبَةَ بْنِ مَالِكٍ، وَرِجَالُهُ ثِقَاتٌ كُلُّهُمْ.

حضرت عقبہ بن مالک لیثی رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ایک جنگی مہم روانہ کی ، ان لوگوں نے دشمن پر حملہ کیا تو دشمن کا ایک فر د ان سے الگ ہو گیا ، ایک مسلمان اس کے پیچھے تلوار لہراتا ہو گیا، تو الگ ہونے والے اس فرد نے یہ کہا: میں مسلمان ہوں ، لیکن مسلمان نے اس کی بات پر دھیان نہیں دیا ۔اور اس پر حملہ کر کے اسے قتل کر دیا، جب نبی اکرم صلی اللہ علیہ وآلہ وسلم کو اس بات کی اطلاع ملی، تو نبی اکرم صلی اللہ علیہ وآلہ وسلم نے اس پر شدید ناراضگی کا اظہار کیا، اس بات کی اطلاع قتل کرنے والے مسلمان کو ملی ، تو نبی اکرم صلی اللہ علیہ وآلہ وسلم خطبہ ارشاد فرما رہے تھے، اسی دوران اس شخص نے کہا: یا رسول اللہ صلی اللہ علیہ وآلہ وسلم! اللہ کی قسم ! اس ( مقتول ) شخص نے یہ بات صرف قتل سے بچنے کے لیے کہی تھی، نبی اکرم صلی اللہ علیہ وآلہ وسلم نے اس شخص سے اور اس طرف موجود افراد سے منہ پھیر لیا، اور اپنا خطبہ جاری رکھا، اس شخص نے دوسری مرتبہ پھر یہی بات کہی: اللہ کی قسم ! اس نے قتل سے بچنے کے لیے یہ بات کہی تھی، نبی اکرم صلی اللہ علیہ وآلہ وسلم نے پھر اس سے منہ پھیر لیا اور اپنا خطبہ جاری رکھا، اس شخص سے صبر نہیں ہوا، یہاں تک کہ اس نے تیسری مرتبہ یہ کہا: اللہ کی قسم ! اس نے قتل سے بچنے کے لیے یہ بات کہی تھی، تو نبی اکرم صلی اللہ علیہ وآلہ وسلم اس شخص کی طرف متوجہ ہوئے، آپ صلی اللہ علیہ وآلہ وسلم کے چہرہ مبارک پر ناگواری کے آثار واضح تھے ، آپ نے ارشاد فرمایا: " جو کسی مؤمن کو قتل کر دیتا ہے ، اللہ تعالیٰ نے ا س کے بارے میں مجھے منع کیا ہے" یہ بات آپ صلی اللہ علیہ وآلہ وسلم نے تین مرتبہ ارشاد فرمائی ۔یہ روایت امام طبرانی نے معجم کبیر میں نقل کی ہے، امام احمد اور امام ابو یعلیٰ نے بھی اسے نقل کیا ہے، تا ہم انہوں نے راوی کا نام حضرت عقبہ بن مالک رضی اللہ عنہ کی بجائے ،حضرت عقبہ بن خالد رضی اللہ عنہ نقل کیا ہے، اس روایت کے تمام رجال ثقہ ہیں۔

عُقْبَةُ بْنُ مَالِكٍ اللَّيْثِيُّ

60 - «وَعَنْ جُنْدُبِ بْنِ سُفْيَانَ - رَجُلٌ مِنْ بَجِيلَةَ - قَالَ: إِنِّي لَعِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - حِينَ جَاءَهُ بَشِيرٌ مِنْ سَرِيَّتِهِ فَأَخْبَرَهُ بِالنَّصْرِ الَّذِي نَصَرَ اللَّهُ سَرِيَّتَهُ، وَبِالْفَتْحِ الَّذِي فَتَحَ اللَّهُ لَهُمْ، وَقَالَ: يَا رَسُولَ اللَّهِ، بَيْنَا نَحْنُ نَطْلُبُ الْقَوْمَ وَقَدْ هَزَمَهُمُ اللَّهُ - تَعَالَى - إِذْ لَحِقْتُ رَجُلًا بِالسَّيْفِ، فَوَاقَعْتُهُ وَهُوَ يَسْعَى وَهُوَ يَقُولُ: إِنِّي مُسْلِمٌ، إِنِّي مُسْلِمٌ. قَالَ: " فَقَتَلْتَهُ؟ " فَقَالَ: يَا رَسُولَ اللَّهِ، إِنَّمَا تَعَوَّذَ. قَالَ: " فَهَلَّا شَقَقْتَ عَنْ قَلْبِهِ فَنَظَرْتَ أَصَادِقٌ هُوَ أَمْ كَاذِبٌ " قَالَ: لَوْ شَقَقْتُ عَنْ قَلْبِهِ مَا كَانَ عِلْمِي؟ هَلْ قَلْبُهُ إِلَّا بَضْعَةٌ مِنْ لَحْمٍ؟ قَالَ: " لَا مَا فِي قَلْبِهِ تَعْلَمُ، وَلَا لِسَانَهُ صَدَّقْتَ! " قَالَ: يَا رَسُولَ اللَّهِ، اسْتَغْفِرْ لِي. قَالَ: " لَا أَسْتَغْفِرُ لَكَ " فَمَاتَ ذَلِكَ الرَّجُلُ فَدَفَنُوهُ، فَأَصْبَحَ عَلَى وَجْهِ الْأَرْضِ، ثُمَّ دَفَنُوهُ فَأَصْبَحَ عَلَى وَجْهِ الْأَرْضِ ثَلَاثَ مَرَّاتٍ، فَلَمَّا رَأَوْا ذَلِكَ اسْتَحْيَوْا وَخَزُوا لِمَا لَقِيَ، فَاحْتَمَلُوهُ فَأَلْقَوْهُ فِي شِعْبٍ مِنْ تِلْكَ الشِّعَابِ». قُلْتُ: هُوَ فِي الصَّحِيحِ بِاخْتِصَارٍ. رَوَاهُ الطَّبَرَانِيُّ فِي الْكَبِيرِ وَأَبُو يَعْلَى، وَفِي إِسْنَادِهِ عَبْدُ الْحَمِيدِ بْنُ بَهْرَامَ وَشَهْرُ بْنُ حَوْشَبٍ، وَقَدِ اخْتُلِفَ فِي الِاحْتِجَاجِ بِهِمَا.

حضرت جندب بن سفیان رضی اللہ عنہ جن کا تعلق " بجیلہ " قبیلے سے ہے، وہ بیان کرتے ہیں : میں نبی اکرم صلی اللہ علیہ وآلہ وسلم کے پاس موجود تھا، جب ایک جنگی مہم کی طرف سے خوشخبری سنانے والے ایک شخص آپ صلی اللہ علیہ وآلہ وسلم کی خدمت میں حاضر ہوا اور آپ صلی اللہ علیہ وآلہ وسلم کو یہ اطلاع دی : کہ اللہ تعالیٰ نے اس جنگی مہم کی مدد کرتے ہوئے انہیں کامیابی عطا کی ہے اور انہیں فتح نصیب کر دی ہے، اس شخص نے یہ بھی بتایا : یا رسول اللہ صلی اللہ علیہ وآلہ وسلم ! جب اللہ تعالیٰ نے دشمن کو پسپا کر دیا اور ہم ان کا تعاقب کر رہے تھے اس دوران میں تلوار لے کر ایک شخص کے پاس پہنچا ، میں ا س پر حملہ کرنے لگا، تو وہ دوڑ پڑا اور بولا: میں مسلمان ہوں ، میں مسلمان ہوں ، نبی اکرم صلی اللہ علیہ وآلہ وسلم نے دریافت کیا تم نے اسے قتل کر دیا؟ اس شخص نے عرض کی : یارسول اللہ صلی اللہ علیہ وآلہ وسلم ! وہ بچنا چاہ رہا تھا ، نبی اکرم صلی اللہ علیہ وآلہ وسلم نے فرمایا: تم نے اس کا دل کیوں نہیں چیر دیا؟ تاکہ تم یہ دیکھ لیتے کہ کیا وہ سچا ہے ، یا جھوٹا ہے؟ اس شخص نے عرض کی: اگر میں اس کا دل چیر بھی لیتا ، تو بھی مجھے یہ پتہ نہیں چل سکتا تھا، کیوں کہ اس کا دل تو صرف گوشت کا ایک لوتھڑا ہے، نبی اکرم صلی اللہ علیہ وآلہ وسلم نے فرمایا: اس کے دل میں جو تھا ، نہ تو تم اس کے بارے میں جان سکتے تھے ، اور نہ ہی تم نے اس کی زبان کی تصدیق کی ، اس شخص نے عرض کی: یارسول اللہ صلی اللہ علیہ وآلہ وسلم ! آپ میرے لیے دعائے مغفرت کیجئے ! نبی اکرم صلی اللہ علیہ وآلہ وسلم نے فرمایا: میں تمہارے لئے دعائے مغفرت نہیں کروں گا۔ راوی بیان کرتے ہیں : جب وہ شخص مر گیا اور لوگوں نے اسے دفن کر دیا ، تو اگلے دن اس کی لاش ( قبر سے باہر ) زمین پر پڑی ہوئی تھی، لوگوں نے اسے دوبارہ دفن کیا، ( تو اگلے دن ) اس کی لاش پھر زمین پر پڑی ہوئی تھی، ایسا تین مرتبہ ہوا ، جب لوگوں نے یہ صورت حال دیکھی تو اس شخص کے معاملے کے حوالے سے انہیں حیا محسوس ہوئی اور شرمندگی محسوس ہوئی ، تو لوگوں نے اس کی لاش اٹھا کر ایک گڑھے میں دال دی۔ ( علامہ ہیثمی کہتے ہیں : ) میں یہ کہتا ہوں : یہ روایت " صحیح " میں اختصار کے ساتھ منقول ہے۔ یہ روایت امام طبرانی نے معجم کبیر میں اور امام ابو یعلیٰ نے بھی نقل کی ہے، اس کی سند میں دو راوی ، عبدالحمید بن بہرام اور شہر بن حوشب ہیں، ان دونوں سے استد لال کرنے کے بارے میں اختلاف کیا گیا ہے۔

إِنِّي لَعِنْدَ رَسُولِ اللَّهِ حِينَ جَاءَهُ بَشِيرٌ مِنْ سَرِيَّتِهِ ← جُنْدُبُ بْنُ سُفْيَانَ رَجُلٍ مِنْ بَجِيلَةَ