Majma uz Zawaid Wa Manba ul Fawaid

433 - وَعَنْهُ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «يَطْلُعُ عَلَيْكُمْ رَجُلٌ مِنْ هَذَا الْفَجِّ مِنْ أَهْلِ النَّارِ " وَكُنْتُ تَرَكْتُ أَبِي يَتَوَضَّأُ، فَخَشِيتُ أَنْ يَكُونَ هُوَ، فَاطَّلَعَ غَيْرُهُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " هُوَ هَذَا» ". وَرِجَالُهُ رِجَالُ الصَّحِيحِ.

ان کے حوالے سے یہ بات منقول ہے : نبی اکرم صلی اللہ علیہ و آلہ وسلم نے ارشاد فرمایا : " اس راستے سے ایک جہنمی شخص تم لوگوں کے سامنے آئے گا، حضرت عبداللہ رضی اللہ عنہ کہتے ہیں : میں اپنے والد کو گھر وضو کرتا ہوا چھوڑ کر آیا تھا، مجھے اندیشہ ہوا کہ کہیں وہ نہ آ جائیں ، لیکن پھر کوئی اور شخص سامنے آ گیا ، تو نبی اکرم صلی اللہ علیہ و آلہ وسلم نے ارشاد فرمایا : وہ یہ ہے " ۔ اس روایت کے رجال صحیح کے رجال ہیں ۔

وعنه

434 - وَعَنِ ابْنِ الزُّبَيْرِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «أَوَّلُ مَنْ يَطْلُعُ مِنْ هَذَا الْبَابِ مِنْ أَهْلِ النَّارِ " فَطَلَعَ فُلَانٌ». رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ، وَهُوَ ضَعِيفٌ.

حضرت ابن زبیر رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا : " اس دروازے سے آنے والا پہلا شخص جہنمی ہوگا " راوی بیان کرتے ہیں : تو فلاں شخص سامنے آیا ۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی ابن لہیعہ ہے اور وہ ضعیف ہے ۔

ابْنُ الزُّبَيْرِ

435 - وَعَنِ ابْنِ عَبَّاسٍ قَالَ: يَقُولُ أَحَدُهُمْ: أَبِي صَحِبَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَكَانَ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَلَنَعْلٌ خَلِقٌ خَيْرٌ مِنْ أَبِيهِ. رَوَاهُ الْبَزَّارُ، وَرِجَالُهُ رِجَالُ الصَّحِيحِ.

حضرت عبداللہ بن عباس رضی اللہ عنہ فرماتے ہیں : اب کوئی شخص اٹھ کر یہ کہہ دیتا ہے : میرے والد اللہ کے رسول کے ساتھ رہے ہیں ، یا وہ اللہ کے رسول کے ساتھ حالانکہ ایک پرانا جوتا بھی اس کے باپ سے زیادہ بہتر ہوگا۔ یہ روایت امام بزار نے نقل کی ہے اور اس کی رجال صحیح کے رجال ہیں ۔

ابْنِ عَبَّاسٍ،

436 - وَعَنِ الْحَسَنِ بْنِ عَلِيٍّ أَنَّهُ قَالَ لِأَبِي الْأَعْوَرِ السُّلَمِيِّ: «وَيْحَكَ، أَلَمْ يَلْعَنْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رِعْلًا وَذَكْوَانَ وَعَمْرَو بْنَ سُفْيَانَ»؟. رَوَاهُ أَبُو يَعْلَى، وَرِجَالُهُ رِجَالُ الصَّحِيحِ غَيْرَ عَبْدِ الرَّحْمَنِ بْنِ أَبِي عَوْفٍ، وَهُوَ ثِقَةٌ. وَذَكَرَ سَنَدًا آخَرَ إِلَى الْحَسَنِ، قَالَ: دَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَيْنَا بَيْتَ فَاطِمَةَ، قَالَ: وَذَكَرَ الْحَدِيثَ، وَكَتَبْنَاهُ فِي أَحَادِيثِ ابْنِ نُمَيْرٍ فِي الْإِمْلَاءِ.

حضرت امام حسن بن علی رضی اللہ عنہ کے بارے میں یہ بات منقول ہے : انہوں نے ابو اعور سلمی سے یہ کہا : تمہارا ستیاناس ہو ! کیا اللہ کے رسول نے رعل اور ذکوان ( قبیلوں ) اور عمرو بن سفیان پر لعنت نہیں کی ہے ؟ یہ روایت امام ابو یعلیٰ نے نقل کی ہے ، اس کے رجال صحیح کے رجال ہیں ، صرف عبدالرحمن بن ابو عوف نامی راوی کا معاملہ مختلف ہے ( یعنی وہ صحیح کے رجال میں سے تو نہیں ہے ، لیکن ) ویسے وہ ثقہ ہے ۔ انہوں نے ایک اور سند کے ساتھ ، حضرت امام حسن رضی اللہ عنہ کے حوالے سے یہ بات نقل کی ہے : وہ فرماتے ہیں : ایک مرتبہ نبی اکرم صلی اللہ علیہ و آلہ وسلم ہمارے ہاں یعنی سیدہ فاطمہ رضی اللہ عنہا کے گھر تشریف لائے ۔۔۔ اس کے بعد راوی نے پوری حدیث ذکر کی ہے ، ہم نے اسے ابن زبیر کی نقل کردہ ان احادیث میں نوٹ کیا ہے جو املاء کے طور پر نقل کی گئی ہیں ۔

الْحَسَنُ بْنُ عَلِيٍّ

437 - وَعَنْ سَفِينَةَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ جَالِسًا، فَمَرَّ رَجُلٌ عَلَى بَعِيرٍ وَبَيْنَ يَدَيْهِ قَائِدٌ وَخَلْفَهُ سَائِقٌ، فَقَالَ: " لَعَنَ اللَّهُ الْقَائِدَ وَالسَّائِقَ وَالرَّاكِبَ» ". رَوَاهُ الْبَزَّارُ، وَرِجَالُهُ ثِقَاتٌ.

حضرت سفینہ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم بیٹھے ہوئے تھے ، ایک شخص اونٹ پر سوار گزرا، جس کے آگے ایک شخص جانور کو چلا رہا تھا اور ایک شخص پیچھے سے اسے ہانک رہا تھا، نبی اکرم صلی اللہ علیہ و آلہ وسلم نے ارشاد فرمایا : اللہ تعالیٰ اس آگے چلانے والے ، پیچھے سے ہانکنے والے اور سوار شخص ( یعنی ان تینوں افراد پر ) لعنت کرے ۔ یہ روایت امام بزار نے نقل کی ہے اور اس کے رجال ثقہ ہیں ۔

سَفِينَةَ:

438 - وَعَنِ الْمُهَاجِرِ بْنِ قُنْفُذٍ، قَالَ: «رَأَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - ثَلَاثَةً عَلَى بَعِيرٍ، فَقَالَ: " الثَّالِثُ مَلْعُونٌ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت مہاجر بن قنفذ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے تین افراد کو ایک اونٹ پر سوار دیکھا ، تو آپ نے ارشاد فرمایا : تیسرا فرد ملعون ہے ۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔

الثَّالِثُ مَلْعُونٌ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ. ← «رَأَى رَسُولُ اللَّهِ ثَلَاثَةً عَلَى بَعِيرٍ، ← الْمُهَاجِرِ بْنِ قُنْفُذٍ

439 - وَعَنْ سَعْدِ بْنِ حُذَيْفَةَ قَالَ: قَالَ عَمَّارُ بْنُ يَاسِرٍ يَوْمَ صِفِّينَ، وَذَكَرَ أَمْرَهُمْ وَأَمْرَ الصُّلْحِ، فَقَالَ: وَاللَّهِ مَا أَسْلَمُوا، وَلَكِنِ اسْتَسْلَمُوا وَأَسَرُّوا الْكُفْرَ، فَلَمَّا رَأَوْا عَلَيْهِ أَعْوَانًا أَظْهَرُوهُ. رَوَاهُ الطَّبَرَانِيُّ فِي الْكَبِيرِ، وَسَعْدُ بْنُ حُذَيْفَةَ لَمْ أَرَ مَنْ تَرْجَمَهُ.

سعد بن حذیفہ بیان کرتے ہیں : جنگ صفین کے موقع پر ، حضرت عمار بن یاسر رضی اللہ عنہ نے فرمایا : انہوں نے ان لوگوں کا معاملہ اور صلح کا معاملہ ذکر کرتے ہوئے ، یہ بات ارشاد فرمائی : اللہ کی قسم ! یہ لوگ مسلمان نہیں ہوئے ، انہوں نے اسلام ظاہر کیا اور کفر کو پوشیدہ رکھا، جب انہیں اس حوالے سے مددگار مل گئے ، تو انہوں نے اسے ظاہر کر دیا ۔ یہ روایت امام طبرانی نے معجم کبیر میں نقل کی ہے ، میں نے کسی کو سعد بن حذیفہ نامی راوی کے حالات بیان کرتے ہوئے نہیں دیکھا ہے ۔

أَمْرَهُمْ وَأَمْرَ الصُّلْحِ، ← عَمَّارُ بْنُ يَاسِرٍ يَوْمَ صِفِّينَ، ← سَعْدِ بْنِ حُذَيْفَةَ

440 - عَنْ عَبْدِ اللَّهِ بْنِ عَمْرٍو قَالَ: يُؤَذِّنُ الْمُؤَذِّنُ، وَيُقِيمُ الصَّلَاةَ قَوْمٌ، وَمَا هُمْ بِمُؤْمِنِينَ. رَوَاهُ الطَّبَرَانِيُّ فِي الْكَبِيرِ، وَفِيهِ رَجُلٌ لَمْ يُسَمَّ.

حضرت عبداللہ بن عمرو رضی اللہ عنہ فرماتے ہیں : مؤذن اذان دیتا ہے اور پھر کچھ ایسے لوگ بھی نماز پڑھتے ہیں جو ( درحقیقت ) مؤمن نہیں ہوتے ہیں ۔ یہ روایت امام طبرانی نے معجم کبیر میں نقل کی ہے ، اور اس کی سند میں ایک ایسا شخص ہے ، جس کا نام بیان نہیں کیا گیا ۔

عَبْدِ اللہِ بْنِ عَمْرٍو

441 - وَعَنْ عَبْدِ الرَّحْمَنِ بْنِ عَوْفٍ قَالَ: دَخَلْتُ عَلَى عُمَرَ فَقَالَ: يَا عَبْدَ الرَّحْمَنِ بْنَ عَوْفٍ، أَتَخْشَى أَنْ يَتْرُكَ النَّاسُ الْإِسْلَامَ وَيَخْرُجُونَ مِنْهُ؟ قُلْتُ: لَا - إِنْ شَاءَ اللَّهُ - وَكَيْفَ يَتْرُكُونَهُ وَفِيهِمْ كِتَابُ اللَّهِ وَسُنَنُ رَسُولِ اللَّهِ - صَلَّى اللَّهُ عَلَيْهِ وَسَلَّمَ -؟ فَقَالَ: لَئِنْ كَانَ مِنْ ذَلِكَ شَيْءٌ لَيَكُونَنَّ بَنُو فُلَانٍ. رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت عبدالرحمان بن عوف رضی اللہ عنہ بیان کرتے ہیں : میں حضرت عمر رضی اللہ عنہ کی خدمت میں حاضر ہوا تو انہوں نے فرمایا : اے عبدالرحمٰن بن عوف کیا تمہیں اندیشہ ہے کہ لوگ اسلام کو ترک کر دیں گے اور اس میں سے نکل جائیں گے ؟ میں نے جواب دیا : جی نہیں : اگر اللہ نے چاہا ( تو ایسا نہیں ہوگا ) لوگ اسے کیسے چھوڑ سکتے ہیں ؟ جبکہ ان کے درمیان اللہ کی کتاب اور اللہ کے رسول کی سنتیں موجود ہیں ، تو حضرت عمر رضی اللہ عنہ نے فرمایا : اگر ایسا ہی ہوتا ہوتا، تو بنو فلاں نے ہونا تھا ( یعنی انہوں نے کتاب و سنت کی موجودگی میں مسلمان رہنا تھا ) ۔ یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں ۔

دَخَلْتُ عَلَى عُمَرَ ← عَبْدِ الرَّحْمَنِ بْنِ عَوْفٍ

442 - عَنْ جَابِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «كُلُّ نَفْسٍ تُحْشَرُ عَلَى هَوَاهَا، فَمَنْ هَوِيَ الْكُفْرَ فَهُوَ مَعَ الْكَفَرَةِ وَلَا يَنْفَعُهُ عَمَلُهُ شَيْئًا» ". قُلْتُ: لَهُ فِي الصَّحِيحِ: " «يُبْعَثُ كُلُّ عَبْدٍ عَلَى مَا مَاتَ عَلَيْهِ» " فَقَطْ. رَوَاهُ الطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ، وَهُوَ ضَعِيفٌ.

حضرت جابر رضی اللہ عنہ روایت کرتے ہیں : کہ نبی اکرم صلی اللہ علیہ و آلہ وسلم نے فرمایا ہے : " ( ( قیامت کے دن ) ہر شخص کو اس کی خواہش کے مطابق اٹھایا جائے گا، جس شخص کی خواہش کفر ہو گی ، وہ کافروں کے ساتھ ہوگا، اور اس نے ( دنیا میں ظاہری طور پر مسلمانوں کی طرح کا ) جو عمل کیا ہوگا، وہ اسے کوئی فائدہ نہیں دے گا" ۔ ( علامہ ہیثمی فرماتے ہیں : ) میں یہ کہتا ہوں : حضرت جابر رضی اللہ عنہ کے حوالے سے " صحیح " میں صرف یہ الفاظ منقول ہیں : " ہر شخص کو اس ( عقیدے ) کے مطابق زندہ کیا جائے گا، جس ( عقیدہ ) پر وہ مرا تھا " ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی ابن لہیعہ ہے اور وہ ضعیف ہے ۔

جَابِرٍ

443 - وَعَنْ فَضَالَةَ بْنِ عُبَيْدٍ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنَّهُ قَالَ: " «مَنْ مَاتَ عَلَى مَرْتَبَةٍ مِنْ هَذِهِ الْمَرَاتِبِ يُبْعَثُ عَلَيْهَا يَوْمَ الْقِيَامَةِ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ فِي أَحَدِ السَّنَدَيْنِ.

حضرت فضالہ بن عبیدہ رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جو شخص ، ان مراتب میں سے جس بھی مرتبے پر مرے ، گا قیامت کے دن اسے اسی پر زندہ کیا جائے گا" ۔ یہ روایت امام طبرانی نے معجم کبیر میں نقل کی ہے اور اس کی دو اسناد میں سے ایک سند کے راوی ثقہ ہیں ۔

رَسُولِ اللَّهِ أَنَّهُ ← فَضَالَةَ بْنَ عُبَيْدٍ

444 - قَالَ رَجُلٌ لِعَبْدِ اللَّهِ بْنِ مَسْعُودٍ: إِنِّي أَخَافُ أَنْ أَكُونَ مُنَافِقًا، قَالَ: لَوْ كُنْتَ مُنَافِقًا مَا خِفْتَ ذَلِكَ. رَوَاهُ الطَّبَرَانِيُّ فِي الْكَبِيرِ، وَهُوَ مُنْقَطِعٌ.

ایک شخص نے ، حضرت عبداللہ بن مسعود رضی اللہ عنہ سے کہا: مجھے یہ اندیشہ ہے کہ منافق ہو جاؤں گا، تو حضرت عبداللہ رضی اللہ عنہ نے فرمایا : اگر تم منافق ہوتے تو تمہیں اس بات کا اندیشہ نہ ہوتا ۔ یہ روایت امام طبرانی نے معجم کبیر میں نقل کی ہے اور یہ " منقطع" ہے ۔

لَوْ كُنْتَ مُنَافِقًا مَا خِفْتَ ذَلِكَ. رَوَاهُ الطَّبَرَانِيُّ فِي الْكَبِيرِ، وَهُوَ مُنْقَطِعٌ. ← رَجُلٌ لِعَبْدِ اللَّهِ بْنِ مَسْعُودٍ: إِنِّي أَخَافُ أَنْ أَكُونَ مُنَافِقًا،