Majma uz Zawaid Wa Manba ul Fawaid

421 - وَعَنْ صِلَةَ بْنِ زُفَرَ قَالَ: «قُلْنَا لِحُذَيْفَةَ: كَيْفَ عَرَفْتَ أَمْرَ الْمُنَافِقِينَ وَلَمْ يَعْرِفْهُ أَحَدٌ مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَلَا أَبُو بَكْرٍ وَلَا عُمَرُ - رَضِيَ اللَّهُ عَنْهُمْ -؟ قَالَ: إِنِّي كُنْتُ أَسِيرُ خَلْفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَنَامَ عَلَى رَاحِلَتِهِ، فَسَمِعْتُ نَاسًا مِنْهُمْ يَقُولُونَ: لَوْ طَرَحْنَاهُ عَنْ رَاحِلَتِهِ فَانْدَقَّتْ عُنُقُهُ فَاسْتَرَحْنَا مِنْهُ، فَسِرْتُ بَيْنَهُمْ وَبَيْنَهُ، وَجَعَلْتُ أَقْرَأُ وَأَرْفَعُ صَوْتِي فَانْتَبَهَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " مَنْ هَذَا؟ " فَقُلْتُ: حُذَيْفَةُ. قَالَ: " مَنْ هَؤُلَاءِ؟ ". قُلْتُ: فُلَانٌ وَفُلَانٌ حَتَّى عَدَدْتُهُمْ. قَالَ: " وَسَمِعْتَ مَا قَالُوا؟ ". قُلْتُ: نَعَمْ، وَلِذَلِكَ سِرْتُ بَيْنَكَ وَبَيْنَهُمْ. قَالَ: " فَإِنَّ هَؤُلَاءِ فُلَانًا وَفُلَانًا " حَتَّى عَدَّ أَسْمَاءَهُمْ " مُنَافِقُونَ، لَا تُخْبِرَنَّ أَحَدًا» ". رَوَاهُ الطَّبَرَانِيُّ فِي الْكَبِيرِ، وَفِيهِ مُجَالِدُ بْنُ سَعِيدٍ، وَقَدِ اخْتَلَطَ وَضَعَّفَهُ جَمَاعَةٌ.

صلہ بن زفر بیان کرتے ہیں : ہم نے حضرت حذیفہ رضی اللہ عنہ سے کہا : آپ نے منافقین کے معاملے کو کیسے پہچان لیا ؟ جبکہ نبی اکرم صلی اللہ علیہ و آلہ وسلم کے اصحاب میں سے کوئی بھی اسے نہیں پہچان سکا ، یہاں تک کہ حضرت ابو بکر رضی اللہ عنہ اور حضرت عمر رضی اللہ عنہ بھی ( اسے نہیں پہچان سکے ) تو حضرت حذیفہ رضی اللہ عنہ نے فرمایا : ایک مرتبہ میں ، نبی اکرم صلی اللہ علیہ و آلہ وسلم کے پیچھے چلتا ہو جا رہا تھا ، نبی اکرم صلی اللہ علیہ و آلہ وسلم اپنی سواری پر سو گئے اسی دوران میں نے کچھ لوگوں کو یہ کہتے ہوئے سنا : اگر ہم انہیں ( یعنی نبی اکرم صلی اللہ علیہ و آلہ وسلم کو ) ان کی سوار سے گرا دیں ، تو ان کی گردن ٹوٹ جائے گی ، اور ہمیں ان سے نجات مل جائے گی ، تو میں ان لوگوں اور نبی اکرم صلی اللہ علیہ و آلہ وسلم کے درمیان چلتا رہا، میں نے بلند آواز میں تلاوت شروع کر دی ، تو نبی اکرم صلی اللہ علیہ و آلہ وسلم بیدار ہو گئے ، آپ نے دریافت کیا : کون ہے ؟ میں نے عرض کی : حذیفہ ! آپ نے دریافت کیا : کہ کون لوگ ہیں ؟ میں نے بتایا : فلاں ہے ، اور فلاں ہے یہاں تک کہ میں نے ان سب کے بارے میں بتا دیا ، نبی اکرم صلی اللہ علیہ و آلہ وسلم نے دریافت کیا : انہوں نے جو کہا ہے وہ تم نے سنا ؟ میں نے عرض کی : جی ہاں ! ۔ اسی لیے میں آپ کے اور ان لوگوں کے درمیان چل رہا ہوں ، تو آپ صلی اللہ علیہ و آلہ وسلم نے فرمایا : وہ لوگ فلاں اور فلاں ہیں ، یہاں تک کہ نبی اکرم صلی اللہ علیہ و آلہ وسلم نے ان کے نام گنوائے اور فرمایا : یہ منافقین ہیں ، تم کسی کو نہ بتانا۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی مجالد بن سعید ہے ، جو اختلاط کا شکار ہو گیا تھا، ایک جماعت نے اسے ضعیف قرار دیا ہے ۔

صِلَۃَ بْنَ زُفَرَ،

422 - «وَعَنْ حُذَيْفَةَ قَالَ: كُنْتُ آخِذًا بِزِمَامِ نَاقَةِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَقُودُ، وَعَمَّارٌ يَسُوقُ - أَوْ عَمَّارٌ يَقُودُ وَأَنَا أَسُوقُ بِهِ - إِذِ اسْتَقْبَلَنَا اثْنَا عَشَرَ رَجُلًا مُتَلَثِّمِينَ. قَالَ: " هَؤُلَاءِ الْمُنَافِقُونَ إِلَى يَوْمِ الْقِيَامَةِ ". قُلْتُ: يَا رَسُولَ اللَّهِ، أَلَا تَبْعَثُ إِلَى كُلِّ رَجُلٍ مِنْهُمْ فَتَقْتُلُهُ؟ فَقَالَ: " أَكْرَهُ أَنْ يَتَحَدَّثَ النَّاسُ أَنَّ مُحَمَّدًا يَقْتُلُ أَصْحَابَهُ، وَعَسَى تُكْفِهُمُ الدُّبَيْلَةُ ". قُلْنَا: وَمَا الدُّبَيْلَةُ؟ قَالَ: شِهَابٌ مِنْ نَارٍ يُوضَعُ عَلَى نِيَاطِ قَلْبِ أَحَدِهِمْ فَيَقْتُلُهُ» ". قُلْتُ: فِي الصَّحِيحِ بَعْضُهُ. رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ سَلَمَةَ، وَثَّقَهُ جَمَاعَةٌ، وَقَالَ الْبُخَارِيُّ: لَا يُتَابَعُ عَلَى حَدِيثِهِ.

حضرت حذیفہ رضی اللہ عنہ بیان کرتے ہیں : میں نبی اکرم صلی اللہ علیہ و آلہ وسلم کی اونٹنی کی لگام پکڑے ہوئے تھا، اور اسے لے کے چل رہا تھا جبکہ حضرت عمار رضی اللہ عنہ اسے پیچھے سے ہانک رہے تھے ( راوی کو شک ہے ، یا شاید یہ الفاظ ہیں : ) حضرت عمار رضی اللہ عنہ اسے لے کر چل رہے تھے اور میں اسے پیچھے سے ہانک رہا تھا ، اسی دوران ہمارے سامنے 12 افراد آئے ، جنہوں نے دھاٹے باندھے ہوئے تھے ۔ نبی اکرم صلی اللہ علیہ و آلہ وسلم نے ارشاد فرمایا : یہ قیامت کے دن تک کے لئے منافق ہیں ، میں نے عرض کی : یا رسول اللہ ! آپ ان میں سے ہر ایک کی طرف کسی شخص کو بھیج کر انہیں قتل کیوں نہیں کر وا دیتے ؟ نبی اکرم صلی اللہ علیہ و آلہ وسلم نے ارشاد فرمایا : مجھے یہ بات نا پسند ہے کہ لوگ یہ بات کریں کہ حضرت محمد صلی اللہ علیہ و آلہ وسلم اپنے ساتھیوں کو قتل کر وا دیتے ہیں عنقریب " دبیلہ " ان کے لیے کفایت کر جائے گا ہم نے عرض کی : " دبیلہ " سے مراد کیا ہے ؟ نبی اکرم صلی اللہ علیہ و آلہ وسلم نے فرمایا : آگ کا انگارہ جو ان میں سے کسی ایک کے دل پر رکھا جائے گا اور اسے قتل کر دے گا۔ ( علامہ ہیثمی فرماتے ہیں : ) میں یہ کہتا ہوں : " صحیح " میں اس ( روایت ) کا کچھ حصہ منقول ہے ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی عبداللہ بن سلمہ ہے ایک جماعت نے اسے ثقہ قرار دیا ہے ، امام بخاری فرماتے ہیں : اس کی نقل کردہ حدیث کی متابعت نہیں کی جاتی ہے ۔

هَؤُلَاءِ الْمُنَافِقُونَ إِلَى يَوْمِ الْقِيَامَةِ قُلْتُ: ← أَسُوقُ بِهِ إِذِ اسْتَقْبَلَنَا اثْنَا عَشَرَ رَجُلًا مُتَلَثِّمِينَ. ← كُنْتُ آخِذًا بِزِمَامِ نَاقَةِ رَسُولِ اللَّهِ أَقُودُ، وَعَمَّارٌ يَسُوقُ أَوْ عَمَّارٌ يَقُودُ ← حُذَيْفَةَ

423 - «وَعَنْ حُذَيْفَةَ قَالَ: أَخَذَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بَطْنَ الْوَادِي، وَأَخَذَ النَّاسُ الْعَقَبَةَ، فَجَاءَ سَبْعَةُ نَفَرٍ مُتَلَثِّمُونَ، فَلَمَّا رَآهُمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَكَانَ حُذَيْفَةُ الْقَائِدَ وَعَمَّارٌ السَّائِقَ - قَالَ: " شُدُّوا مَا بَيْنَكُمَا " فَلَمْ يَصْنَعُوا شَيْئًا، فَنَظَرَ إِلَيْهِمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " يَا حُذَيْفَةُ، هَلْ تَدْرِي مَنِ الْقَوْمُ؟ " قُلْتُ: مَا أَعْرِفُ مِنْهُمْ إِلَّا صَاحِبَ الْجَمَلِ الْأَحْمَرِ، فَإِنِّي أَعْلَمُ أَنَّهُ فُلَانٌ». قُلْتُ: لَهُ حَدِيثٌ فِي الصَّحِيحِ غَيْرِ هَذَا السِّيَاقِ. رَوَاهُ الطَّبَرَانِيُّ فِي الْأَوْسَطِ، وَفِيهِ تَلِيدُ بْنُ سُلَيْمَانَ، وَثَّقَهُ الْعِجْلِيُّ وَقَالَ: لَا بَأْسَ بِهِ، كَانَ يَتَشَيَّعُ وَيُدَلِّسُ، وَضَعَّفَهُ جَمَاعَةٌ.

حضرت حذیفہ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم وادی کے نشیبی حصے میں آئے اور لوگ گھاٹی کی طرف چلے گئے اسی دوران سات افراد آئے ، جو دھاٹے باندھے ہوئے تھے ، جب نبی اکرم صلی اللہ علیہ و آلہ وسلم نے انہیں ملاحظہ فرمایا : تو اس وقت حضرت حذیفہ رضی اللہ عنہ جانور کو آگے لے کر چل رہے تھے اور حضرت عمار رضی اللہ عنہ اسے پیچھے ہانک رہے تھے ، نبی اکرم صلی اللہ علیہ و آلہ وسلم نے فرمایا : تم اپنے درمیان کی چیز کا خیال رکھنا، ان لوگوں نے کچھ بھی نہیں کیا ، نبی اکرم صلی اللہ علیہ و آلہ وسلم نے ان لوگوں کی طرف دیکھا اور پھر ارشاد فرمایا : اے حذیفہ ! کیا تم جانتے ہو ؟ یہ کون لوگ ہیں ؟ میں نے عرض کی : میں ان میں سے صرف سرخ اونٹ والے شخص کو پہچانتا ہوں ، مجھے پتا ہے کہ یہ فلاں ہے ۔ ( علامہ ہیثمی فرماتے ہیں : ) ان کے حوالے سے " صحیح " میں حدیث منقول ہے جو اس کے علاوہ ہے ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی تلید بن سلیمان ہے ، جیسے عجلی نے ثقہ قرار دیا ہے اور یہ کہا ہے : اس میں کوئی حرج نہیں ہے ، اس میں تشیع پایا جاتا تھا اور یہ تدلیس کرتا تھا ، ایک جماعت نے اسے ضعیف قرار دیا ہے ۔

حُذَيْفَةَ

424 - وَعَنْ جَابِرٍ قَالَ: كَانَ بَيْنَ عَمَّارِ بْنِ يَاسِرٍ وَوَدِيعَةَ بْنِ ثَابِتٍ كَلَامٌ، فَقَالَ وَدِيعَةُ لِعَمَّارٍ: إِنَّمَا أَنْتَ عَبْدُ أَبِي حُذَيْفَةَ بْنِ الْمُغِيرَةِ، مَا أَعْتَقَكَ بَعْدُ. قَالَ عَمَّارٌ: كَمْ كَانَ أَصْحَابُ الْعَقَبَةِ؟ قَالَ: اللَّهُ أَعْلَمُ. قَالَ: أَخْبِرْنِي عَنْ عِلْمِكَ؟ فَسَكَتَ وَدِيعَةُ. قَالَ مَنْ حَضَرَهُ: أَخْبِرْهُ عَمَّا سَأَلَكَ - وَإِنَّمَا أَرَادَ عَمَّارٌ أَنْ يُخْبِرَهُ أَنَّهُ كَانَ فِيهِمْ - قَالَ: كُنَّا نَتَحَدَّثُ أَنَّهُمْ أَرْبَعَةَ عَشَرَ رَجُلًا، فَقَالَ عَمَّارٌ: فَإِنْ كُنْتُ فِيهِمْ، فَإِنَّهُمْ خَمْسَةَ عَشَرَ. فَقَالَ وَدِيعَةُ: مَهْلًا يَا أَبَا الْيَقْظَانِ، أُنْشِدُكَ اللَّهَ أَنْ تَفْضَحَنِي الْيَوْمَ. فَقَالَ عَمَّارٌ: وَاللَّهِ مَا سَمَّيْتُ أَحَدًا وَلَا أُسَمِّيهِ أَبَدًا، وَلَكِنِّي أَشْهَدُ أَنَّ الْخَمْسَةَ عَشَرَ رَجُلًا اثْنَا عَشَرَ رَجُلًا مِنْهُمْ حِزْبُ اللَّهِ وَرَسُولِهِ فِي الْحَيَاةِ الدُّنْيَا وَيَوْمَ يَقُومُ الْأَشْهَادُ. رَوَاهُ الطَّبَرَانِيُّ فِي الْكَبِيرِ - وَفِي الصَّحِيحِ طَرَفٌ مِنْهُ - وَفِيهِ الْوَاقِدِيُّ، وَهُوَ ضَعِيفٌ.

حضرت جابر رضی اللہ عنہ بیان کرتے ہیں : ایک مرتبہ حضرت عمار بن یاسر رضی اللہ عنہ اور ودیعہ بن ثابت کے درمیان تلخ کلامی ہو گئی تو ودیعہ نے حضرت عمار رضی اللہ عنہ سے کہا : آپ ابو حذیفہ بن مغیرہ کے غلام ہیں اور اس نے آپ کو آزاد نہیں کیا تھا، تو حضرت عمار رضی اللہ عنہ نے فرمایا : عقبہ والے افراد کتنے تھے ؟ ( یعنی وہ لوگ ، جنہوں نے ایک گھاٹی میں ، اللہ کے رسول کو شہید کرنے کا منصوبہ بنایا تھا ،کیونکہ ودیعہ بھی ان افراد میں سے ایک تھا ) ودیعہ نے جواب دیا : اللہ بہتر جانتا ہے ، حضرت عمار رضی اللہ عنہ نے فرمایا : تم مجھے اپنے علم کے حوالے سے جواب دو ! تو ودیعہ خاموش رہا، حاضرین میں سے ایک صاحب نے یہ کہا : یہ( یعنی حضرت عمار رضی اللہ عنہ ) تم سے جس چیز کے بارے میں پوچھ رہے ہیں ، تم انہیں بتادو ! حضرت عمار رضی اللہ عنہ کا ارادہ یہ تھا کہ ودیعہ انہیں یہ بتائے گا کہ وہ بھی ان افراد میں سے ایک تھا، ودیعہ نے کہا : ہم یہ بات چیت کیا کرتے تھے کہ وہ چودہ افراد تھے ، حضرت عمار رضی اللہ عنہ نے فرمایا : اگر تم بھی ان میں ہوتے تو وہ پندرہ افراد ہوتے ، تو ودیعہ بولا: اے ابو یقظان ! آپ ٹھہر جائیں ، میں آپ کو اللہ کا واسطہ دیتا ہوں ، آج آپ نے مجھے شرمندہ کر دیا ہے ، تو حضرت عمار رضی اللہ عنہ نے فرمایا : اللہ کی قسم میں نے کسی کا نام نہیں لیا، اور نہ ہی میں کبھی کسی کا نام لوں گا، لیکن میں یہ گواہی دیتا ہوں ، کہ ان 15 افراد سے 12 افراد ایسے ہیں ، جو دنیاوی زندگی میں اور اس دن جب گواہ کھڑے ہوں گے ( وہ 12 افراد ) اللہ اور اس کے رسول کا گروہ ہوں گے ۔ یہ روایت امام طبرانی نے معجم کبیر میں نقل کی ہے " صحیح " میں اس کا ایک حصہ منقول ہے ، اس کی سند میں ایک راوی و اقدی ہے جو ضعیف ہے ۔

وَدِيعَةُ: مَهْلًا يَا أَبَا الْيَقْظَانِ، أُنْشِدُكَ اللَّهَ أَنْ تَفْضَحَنِي الْيَوْمَ. ← عَمَّارٌ: فَإِنْ كُنْتُ فِيهِمْ، فَإِنَّهُمْ خَمْسَةَ عَشَرَ. ← كُنَّا نَتَحَدَّثُ أَنَّهُمْ أَرْبَعَةَ عَشَرَ رَجُلًا، ← عَمَّا سَأَلَكَ وَإِنَّمَا أَرَادَ عَمَّارٌ أَنْ يُخْبِرَهُ أَنَّهُ كَانَ فِيهِمْ ← مَنْ حَضَرَهُ: ← عِلْمِكَ؟ فَسَكَتَ وَدِيعَةُ. ← اللَّهُ أَعْلَمُ ← عَمَّارٌ: كَمْ كَانَ أَصْحَابُ الْعَقَبَةِ؟ ← وَدِيعَةُ لِعَمَّارٍ: إِنَّمَا أَنْتَ عَبْدُ أَبِي حُذَيْفَةَ بْنِ الْمُغِيرَةِ، مَا أَعْتَقَكَ بَعْدُ. ← كَانَ بَيْنَ عَمَّارِ بْنِ يَاسِرٍ وَوَدِيعَةَ بْنِ ثَابِتٍ كَلَامٌ، ← جَابِرٍ

425 - وَعَنْ أَبِي الطُّفَيْلِ قَالَ: «خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى غَزْوَةِ تَبُوكَ فَانْتَهَى إِلَى عَقَبَةٍ، فَأَمَرَ مُنَادِيَهُ فَنَادَى: لَا يَأْخُذَنَّ الْعَقَبَةَ أَحَدٌ ; فَإِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَسِيرُ يَأْخُذُهَا، وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَسِيرُ، وَحُذَيْفَةُ يَقُودُهُ وَعَمَّارُ بْنُ يَاسِرٍ يَسُوقُهُ، فَأَقْبَلَ رَهْطٌ مُتَلَثِّمِينَ عَلَى الرَّوَاحِلِ حَتَّى غَشُّوا النَّبِيَّ - صَلَّى اللَّهُ عَلَيْهِ وَسَلَّمَ - فَرَجَعَ عَمَّارٌ فَضَرَبَ وَجُوهَ الرَّوَاحِلِ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ - لِحُذَيْفَةَ: " قُدْ قُدْ " فَلَحِقَهُ عَمَّارٌ، فَقَالَ: سُقْ سُقْ، حَتَّى أَنَاخَ، فَقَالَ لِعَمَّارٍ: هَلْ تَعْرِفُ الْقَوْمَ؟ فَقَالَ: لَا، كَانُوا مُتَلَثِّمِينَ، وَقَدْ عَرَفْتُ عَامَّةَ الرَّوَاحِلِ. قَالَ: أَتَدْرِي مَا أَرَادُوا بِرَسُولِ اللَّهِ - صَلَّى اللَّهُ عَلَيْهِ وَسَلَّمَ -؟ قُلْتُ: اللَّهُ وَرَسُولُهُ أَعْلَمُ. قَالَ: أَرَادُوا أَنْ يَنْفِرُوا بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - فَيَطْرَحُوهُ مِنَ الْعَقَبَةِ. فَلَمَّا كَانَ بَعْدَ ذَلِكَ نَزَعَ بَيْنَ عَمَّارٍ وَبَيْنَ رَجُلٍ مِنْهُمْ شَيْءٌ مَا، يَكُونُ بَيْنَ النَّاسِ، فَقَالَ: أَنْشُدُكَ بِاللَّهِ كَمْ أَصْحَابُ الْعَقَبَةِ الَّذِينَ أَرَادُوا أَنْ يَمْكُرُوا بِرَسُولِ اللَّهِ - صَلَّى اللَّهُ عَلَيْهِ وَسَلَّمَ -؟ قَالَ: نَرَى أَنَّهُمْ أَرْبَعَةَ عَشَرَ. قَالَ: فَإِنْ كُنْتُ فِيهِمْ فَكَانُوا خَمْسَةَ عَشَرَ، وَيَشْهَدُ عَمَّارٌ أَنَّ اثْنَيْ عَشَرَ حِزْبًا لِلَّهِ وَرَسُولِهِ فِي الْحَيَاةِ الدُّنْيَا وَيَوْمَ يَقُومُ الْأَشْهَادُ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت ابو طفیل رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم غزوہ تبوک کے لیے روانہ ہوئے ، آپ ایک گھاٹی کے پاس پہنچے تو آپ نے اعلان کرنے والے شخص کو حکم دیا، تو اس نے یہ اعلان کیا: کوئی شخص گھاٹی کی طرف نہ جائے ، کیونکہ اللہ کے رسول وہاں جانے لگے ہیں ، نبی اکرم صلی اللہ علیہ و آلہ وسلم سفر کر رہے تھے ۔ حضرت حذیفہ رضی اللہ عنہ آپ کے جانور کے آگے چل رہے تھے ، اور حضرت عمار رضی اللہ عنہ اسے پیچھے سے ہانک رہے تھے ، اسی دوران کچھ لوگ سواریوں پر سوار ہو کر آئے انہوں نے ڈھاٹے باندھے ہوئے تھے ، نبی اکرم صلی اللہ علیہ و آلہ وسلم کو گھیر لیا ، حضرت عمار رضی اللہ عنہ مڑے اور انہوں نے ان لوگوں کی سواریوں کے منہ پر مارا، نبی اکرم صلی اللہ علیہ و آلہ وسلم نے حضرت حذیفہ سے کہا: تم ( جانور کو لے کر ) چلتے رہو ! چلتے رہو ، پھر حضرت عمار رضی اللہ عنہ آپ کے پاس پہنچے تو آپ صلی اللہ علیہ و آلہ وسلم نے فرمایا : تم ( جانور کو ) ہانکتے رہو ، ہانکتے رہو یہاں تک کہ ( ذرا آگے جا کر ) نبی اکرم صلی اللہ علیہ و آلہ وسلم نے سواری کو بٹھا لیا آپ صلی اللہ علیہ و آلہ وسلم نے حضرت عمار رضی اللہ عنہ سے دریافت کیا : کیا تم ان لوگوں کو پہچانتے ہو؟ حضرت عمار رضی اللہ عنہ نے عرض کی : جی نہیں ، انہوں نے منہ پر کپڑا لپیٹا ہوا تھا ، البتہ میں ان میں سے زیادہ تر کی سواریوں کو پہچان لوں گا، نبی اکرم صلی اللہ علیہ و آلہ وسلم نے دریافت کیا : کیا تم جانتے ہو؟ وہ لوگ اللہ کے رسول کے بارے میں کیا ارادہ رکھتے تھے ؟ میں نے عرض کی : اللہ اور اس کا رسول بہتر جانتے ہیں ، نبی اکرم صلی اللہ علیہ و آلہ وسلم نے فرمایا : ان کا یہ ارادہ کہ وہ اللہ کے رسول کو لے جائیں گے اور انہیں گھاٹی سے نیچے گرا دیں گے ۔ ( راوی بیان کرتے ہیں : ) بعد میں ، ایک مرتبہ حضرت عمار رضی اللہ عنہ اور ان لوگوں میں سے ایک شخص کے درمیان تلخ کلامی ہو گئی ، جس طرح لوگوں کے درمیان ہو جاتی ہے ، تو حضرت عمار رضی اللہ عنہ نے فرمایا : میں تمہیں اللہ کا واسطہ دے کر یہ دریافت کرتا ہوں کے گھنٹی والے افراد کتنے تھے ؟ جنہوں نے اللہ کے رسول کو دھوکہ دینے کا ارادہ کیا تھا، تو اس شخص نے کہا : ہم یہ سمجھتے ہیں کہ وہ چودہ افراد تھے ، حضرت عمار رضی اللہ عنہ نے فرمایا : اگر تم بھی ان میں ہو ، تو وہ پندرہ ہوں گے ۔ حضرت عمار رضی اللہ عنہ نے اس بات کی گواہی دی کے 12 افراد دنیاوی زندگی میں ،اور قیامت کے دن اللہ تعالیٰ اور اس کے رسول کا گروہ شمار ہوں گے ۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔

أَبِي الطُّفَيْلِ،

426 - قَالَ الطَّبَرَانِيُّ: حَدَّثَنَا عَلِيُّ بْنُ عَبْدِ الْعَزِيزِ، حَدَّثْنَا الزُّبَيْرُ بْنُ بَكَّارٍ، قَالَ: تَسْمِيَةُ أَصْحَابِ الْعَقَبَةِ: مُعَتِّبُ بْنُ قُشَيْرِ بْنِ مُلَيْلٍ مِنْ بَنِي عَمْرِو بْنِ عَوْفٍ شَهِدَ بَدْرًا، وَهُوَ الَّذِي قَالَ: يَعِدُنَا مُحَمَّدٌ كُنُوزَ كِسْرَى وَقَيْصَرَ وَأَحَدُنَا لَا يَأْمَنُ عَلَى خَلَائِهِ، وَهُوَ الَّذِي قَالَ: لَوْ كَانَ لَنَا مِنَ الْأَمْرِ شَيْءٌ مَا قُتِلْنَا هَاهُنَا. قَالَ الزُّبَيْرُ: وَهُوَ الَّذِي شَهِدَ عَلَيْهِ الزُّبَيْرُ بِهَذَا الْكَلَامِ. وَوَدِيعَةُ بْنُ ثَابِتِ بْنِ عَمْرِو بْنِ عَوْفٍ، وَهُوَ الَّذِي قَالَ: إِنَّمَا كُنَّا نَخُوضُ وَنَلْعَبُ، وَهُوَ الَّذِي قَالَ: مَالِي أَرَى قُرَّاءَنَا هَؤُلَاءِ أَرْغَبُنَا بُطُونًا وَأَجْبَنُنَا عِنْدَ اللِّقَاءِ. وَجَدُّ بْنُ عَبْدِ اللَّهِ بْنِ نَبْتَلَ بْنِ الْحَارِثِ مِنْ بَنِي عَمْرِو بْنِ عَوْفٍ، وَهُوَ الَّذِي قَالَ جِبْرِيلُ عَلَيْهِ السَّلَامُ: يَا مُحَمَّدُ، مَنْ هَذَا الْأَسْوَدُ كَثِيرُ شَعْرٍ، عَيْنَاهُ كَأَنَّهُمَا قِدْرَانِ مِنْ صُفْرٍ، يَنْظُرُ بِعَيْنَيْ شَيْطَانِ، وَكَبِدُهُ كَبِدُ حِمَارٍ، يُخْبِرُ الْمُنَافِقِينَ بِخَبَرِكَ، وَهُوَ الْمُخْبَرُ بِخَبَرِهِ؟. وَالْحَارِثُ بْنُ يَزِيدَ الطَّائِيِّ، حَلِيفٌ لِبَنِي عَمْرِو بْنِ عَوْفٍ، وَهُوَ الَّذِي سَبَقَ إِلَى الْوَشَلِ - يَعْنِي الْبِئْرَ - الَّتِي نَهَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَنْ يَسْبِقَهُ أَحَدٌ، فَاسْتَقَى مِنْهُ. وَأَوْسُ بْنُ قِبْطِيٍّ، وَهُوَ مِنْ بَنِي حَارِثَةَ، وَهُوَ الَّذِي قَالَ: إِنَّ بُيُوتَنَا عَوْرَةٌ، وَهُوَ جَدُّ يَحْيَى بْنِ سَعِيدِ بْنِ قَيْسٍ. وَالْجُلَّاسُ بْنُ سُوَيْدِ بْنِ الصَّامِتِ، وَهُوَ مِنْ بَنِي عَمْرِو بْنِ عَوْفٍ، وَبَلَغَنَا أَنَّهُ تَابَ بَعْدَ ذَلِكَ. وَسَعْدُ بْنُ زُرَارَةَ، مِنْ بَنِي مَالِكِ بْنِ النَّجَّارِ، وَهُوَ الْمُدَّخَنُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ أَصْغَرُهُمْ سِنًّا، وَأَخْبَثُهُمْ. وَسُوَيْدٌ وَرَاعِشٌ، وَهُمَا مِنْ بَلْحُبْلَى، وَهُمَا مِمَّنْ جَهَّزَ ابْنُ أُبَيٍّ فِي غَزْوَةِ تَبُوكَ لِخِذْلَانِ النَّاسِ. وَقَيْسُ بْنُ عَمْرِو بْنِ فَهْدٍ. وَزَيْدُ بْنُ اللُّصَيْبِ، وَكَانَ مِنْ يَهُودِ قَيْنُقَاعَ، فَأَظْهَرَ الْإِسْلَامَ وَفِيهِ غِشُّ الْيَهُودِ وَنِفَاقُ مَنْ نَافَقَ. وَسُلَالَةُ بْنُ الْحُمَامِ، مِنْ بَنِي قَيْنُقَاعَ، فَأَظْهَرَ الْإِسْلَامَ. رَوَاهُ الطَّبَرَانِيُّ فِي الْكَبِيرِ مِنْ قَوْلِ الزُّبَيْرِ بْنِ بَكَّارٍ كَمَا تَرَى.

امام طبرانی بیان کرتے ہیں : علی بن عبدالعزیز نے ہمیں یہ بات بیان کی ہے : زبیر بن بکار بیان کرتے ہیں : " گھاٹی والے افراد (جنہوں نے نبی اکرم صلی اللہ علیہ و آلہ وسلم کو شہید کرنے کا منصوبہ بنایا تھا، ان ) کے نام یہ ہیں : " معتب بن قشیر بن ملیل ، اس کا تعلق بنو عمرو بن عوف سے ہے ، اس نے غزوہ بدر میں شرکت کی تھی ، یہ وہ شخص ہے ، جس نے یہ کہا تھا : حضرت محمد صلی اللہ علیہ و آلہ وسلم ہمارے ساتھ کسریٰ ، اور قیصر کے خزانوں کا وعدہ کرتے ہیں ، جبکہ ہم میں سے کوئی ایک اپنے خلائی کے حوالے سے بھی محفوظ نہیں ہے یہی وہ شخص ہے جس نے یہ کہا تھا: اگر ہمارے بس میں ہوتا تو ہم یہاں قتل نہ ہوتے زبیر بن بکار فرماتے ہیں : اس کلام کے حوالے سے حضرت زبیر رضی اللہ عنہ نے اسی شخص کے خلاف گواہی دی تھی ۔ ودیعہ بن ثابت بن عمرو بن عوف یہ وہ شخص ہے جس نے یہ کہا تھا۔ کیا وجہ ہے کہ میں یہ دیکھتا ہوں ہ ہمارے یہ قاری صاحبان پیٹ کی طرف سے سب سے زیادہ رغبت رکھتے ہیں اور دشمن کا سامان کرنے کے وقت سب سے زیادہ بزدل ہوتے ہیں ۔ جدبن عبداللہ بن نبتل بن حارث اس کا تعلق بنو عمرو بن عوف سے ہے یہ وہ شخص ہے جس کے بارے میں حضرت جبرائیل علیہ السلام نے یہ کہا تھا : اے حضرت محمد صلی اللہ علیہ و آلہ وسلم بہت سے بالوں والا یہ شخص کون ہے ؟ جس کی آنکھیں پیتل کی ہنڈیاؤں جیسی ہیں ، وہ شیطان کی آنکھوں کے ساتھ دیکھتا ہے اور اس کا جگر گدھے کا جگر ہے ، یہ منافقین کو آپ کی خبریں پہنچاتا ہے ۔ حارث بن یزید طائی یہ بنو عمرو بن عوف کا حلیف ہے ، یہ وہ شخص ہے جو اس کنویں کے پاس پہلے چلا گیا تھا، جس کے بارے میں نبی اکرم صلی اللہ علیہ و آلہ وسلم نے منع کیا تھا کہ کوئی آپ سے پہلے وہاں تک جائے ، اس نے وہاں سے پانی حاصل کیا تھا۔ اوس بن قبطی اس کا تعلق بنو حارثہ سے ہے یہ وہی شخص ہے جس نے یہ کہا تھا : ہمارے گھر پردہ کی چیزیں ہیں ، یہ یحییٰ بن سعید بن قیس کا دادا ہے ۔ جلاس بن سوید بن صامت اس کا تعلق بنو عمرو بن عوف سے ہے ، ہم تک یہ روایت پہنچی ہے کہ اس نے بعد میں توبہ کر لی تھی ۔ سعد بن زرارہ اس کا تعلق بنو مالک بن نجار سے ہے ، یہ وہ شخص جس نے نبی اکرم کے خلاف دھواں پھیلایا تھا، یہ ان لوگوں میں عمر میں سب سے چھوٹا تھا اور سب سے زیادہ خبیث تھا۔ سوید اور راعش ان دونوں کا تعلق بلحبلی سے تھا ، یہ دونوں ان افراد میں سے ہیں ، جنہیں عبداللہ بن ابی نے غزوہ تبوک کے موقع پر سامان فراہم کیا تھا تاکہ یہ لوگوں کو رسوا کریں ۔ قیس بن عمرو بن فہد ، زید بن لصیب ، اس کا تعلق قینقاع کے یہودیوں سے تھا ، اور اس نے خود کو مسلمان ظاہر کیا تھا ، اس میں یہودیوں کا کھوٹ تھا اور منافقین کا نفاق تھا۔ سلالہ بن حمام اس کا تعلق بنو قینقاع سے تھا اس نے خود کو مسلمان ظاہر کیا تھا۔ یہ روایت امام طبرانی نے معجم کبیر میں زبیر بن بکار کے قول کے طور پر نقل کی ہے ، جیسا کہ آپ ملاحظہ فرما رہے ہیں۔

427 - وَعَنْ أَبِي الطُّفَيْلِ قَالَ: «لَمَّا كَانَ غَزْوَةُ تَبُوكَ نَادَى مُنَادِي النَّبِيِّ - صَلَّى اللَّهُ عَلَيْهِ وَسَلَّمَ: " إِنَّ الْمَاءَ قَلِيلٌ فَلَا يَسْبِقْنِي إِلَيْهِ أَحَدٌ "، فَأَتَى الْمَاءَ وَقَدْ سَبَقَهُ أَقْوَامٌ، فَلَعَنَهُمْ». رَوَاهُ الطَّبَرَانِيُّ فِي الْكَبِيرِ، وَفِيهِ يَحْيَى بْنُ مُحَمَّدِ بْنِ السَّكَنِ عَنْ بَكْرِ بْنِ بَكَّارٍ، وَلَمْ أَرَ مَنْ تَرْجَمَهُمَا.

حضرت ابو طفیل رضی اللہ عنہ بیان کرتے ہیں : غزوہ تبوک کے موقع پر نبی اکرم صلی اللہ علیہ و آلہ وسلم کے منادی نے یہ اعلان کیا : پانی تھوڑا ہے ، تو کوئی بھی شخص مجھ سے ( یعنی نبی اکرم صلی اللہ علیہ و آلہ وسلم سے ) پہلے اس ( چشمے ) تک نہ جائے ، جب نبی اکرم صلی اللہ علیہ و آلہ وسلم اس چشمے کے پاس تشریف لائے تو کچھ لوگ آپ صلی اللہ علیہ و آلہ وسلم سے پہلے اس تک پہنچ چکے تھے ، تو نبی اکرم صلی اللہ علیہ و آلہ وسلم نے ان لوگوں پر لعنت کی ۔ یہ روایت امام طبرانی نے معجم کبیر میں نقل کی ہے ، اس کی سند میں یہ مذکور ہے : اس کو یحییٰ بن محمد بن سکن نے بکر بن بکار سے روایت کیا ہے ، میں نے ان دونوں کے حالات ( کسی کتاب میں ) نہیں دیکھے ہیں ۔

«لَمَّا كَانَ غَزْوَةُ تَبُوكَ نَادَى مُنَادِي النَّبِيِّ ← أَبِي الطُّفَيْلِ،

428 - وَعَنْ عَبْدِ اللَّهِ بْنِ عُثْمَانَ بْنِ خُثَيْمٍ قَالَ: «دَخَلْتُ عَلَى أَبِي الطُّفَيْلِ فَوَجَدْتُهُ طَيِّبَ النَّفْسِ، فَقُلْتُ: لَأَغْتَنِمَنَّ ذَلِكَ مِنْهُ فَقُلْتُ: يَا أَبَا الطُّفَيْلِ، النَّفَرُ الَّذِينَ لَعَنَهُمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مَنْ هُمْ؟ سَمِّهِمْ مَنْ هُمْ؟ قَالَ: فَهَمَّ أَنْ يُخْبِرَنِي بِهِمْ، فَقَالَتْ لَهُ امْرَأَتُهُ سَوْدَةُ: مَهْ يَا أَبَا الطُّفَيْلِ، أَمَا بَلَغَكَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " اللَّهُمَّ إِنَّمَا أَنَا بَشَرٌ، فَأَيُّمَا عَبْدٍ مِنَ الْمُؤْمِنِينَ دَعَوْتُ عَلَيْهِ بِدَعْوَةٍ فَاجْعَلْهَا لَهُ زَكَاةً وَرَحْمَةً» "؟. رَوَاهُ أَحْمَدُ، وَرِجَالُهُ ثِقَاتٌ.

عبداللہ بن عثمان بن خثیم بیان کرتے ہیں : میں حضرت ابو طفیل رضی اللہ عنہ کی خدمت میں حاضر ہوا، تو میں نے ان کا مزاج خوشگوار پایا، میں نے سوچا میں اس موقع کو غنیمت سمجھوں گا، میں نے کہا : اے حضرت ابو طفیل وہ کون تھے ؟ جن پر نبی اکرم صلی اللہ علیہ و آلہ وسلم نے لعنت کی تھی ، آپ ان کے نام بیان کیجیے کہ وہ کون تھے ؟ راوی بیان کرتے ہیں : انہوں نے مجھے ان کے نام بیان کرنے کا ارادہ کیا، تو ان کی اہلیہ سیدہ سودہ نے ان سے کہا: اے ابو طفیل ! آپ رک جائیے ! کیا آپ تک یہ روایت نہیں پہنچی ہے کہ نبی اکرم صلی اللہ علیہ و آلہ وسلم نے ارشاد فرمایا ہے : اے اللہ میں ایک بشر ہوں ، اہل ایمان میں سے جس بھی شخص کے خلاف میں دعا کر دوں ( اور وہ اس کا مستحق نہ ہو ) تو ، تو اس دعائے ضرر کو اس شخص کے حق میں پاکیزگی اور رحمت کا باعث بنا دینا " ۔ یہ روایت امام احمد نے نقل کی ہے اور اس کا رجال ثقہ ہیں ۔

عَبْدِ اللهِ بْنِ عُثْمَانَ بْنِ خُثَيْمٍ

429 - وَعَنْ أَبِي مَسْعُودٍ قَالَ: «خَطَبَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - خُطْبَةً فَحَمِدَ اللَّهَ وَأَثْنَى عَلَيْهِ، ثُمَّ قَالَ: " إِنَّ مِنْكُمْ مُنَافِقِينَ، فَمَنْ سَمَّيْتُ فَلْيَقُمْ " ثُمَّ قَالَ: " قُمْ يَا فُلَانُ، قُمْ يَا فُلَانُ، قُمْ يَا فُلَانُ " حَتَّى سَمَّى سِتَّةً وَثَلَاثِينَ رَجُلًا ثُمَّ قَالَ: " إِنَّ فِيكُمْ أَوْ مِنْكُمْ، فَاتَّقُوا اللَّهَ " قَالَ فَمَرَّ عُمَرُ عَلَى رَجُلٍ مِمَّنْ سَمَّى مُقَنَّعٍ، قَدْ كَانَ يَعْرِفُهُ، قَالَ: مَالَكَ؟ قَالَ: فَحَدَّثَهُ بِمَا قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: بُعْدًا لَكَ سَائِرَ الْيَوْمِ». رَوَاهُ أَحْمَدُ وَالطَّبَرَانِيُّ فِي الْكَبِيرِ، وَفِيهِ عِيَاضُ بْنُ عِيَاضٍ عَنْ أَبِيهِ، وَلَمْ أَرَ مَنْ تَرْجَمَهُمَا.

حضرت ابو مسعود رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ہمیں خطبہ دیا، آپ صلی اللہ علیہ و آلہ وسلم نے اللہ تعالیٰ کی حمد و ثناء بیان کرنے کے بعد ارشاد فرمایا : تم لوگوں میں کچھ منافقین موجود ہیں ، جس بھی شخص کا میں نام لوں وہ اٹھ جائے ( اور اٹھ کر چلا جائے ) پھر آپ نے ارشاد فرمایا : اے فلاں تم کھڑے ہو جاؤ ! اے فلاں تم کھڑے ہو جاؤ ، اے فلاں تم کھڑے ہو جاؤ یہاں تک کہ نبی اکرم صلی اللہ علیہ و آلہ وسلم نے 36 افراد کے نام لیے ، پھر آپ صلی اللہ علیہ و آلہ وسلم نے ارشاد فرمایا : بے شک تم میں ( راوی کو شک ہے ، یا شاید یہ الفاظ ہیں : ) تم میں سے ( یعنی تم میں یہ لوگ منافق تھے ) راوی بیان کرتے ہیں : حضرت عمر رضی اللہ عنہ کا گزر ایک ایسے شخص کے پاس سے ہوا، جس کا نام نبی اکرم صلی اللہ علیہ و آلہ وسلم نے لیا تھا اس نے سر جھکایا ہوا تھا، حضرت عمر رضی اللہ عنہ اس کے واقف تھے ، انہوں نے دریافت کیا : تمہیں کیا ہوا ہے ؟ تو اس نے انہیں نبی اکرم صلی اللہ علیہ و آلہ وسلم کے ارشاد کے بارے میں بتایا ، تو حضرت عمر رضی اللہ عنہ نے فرمایا : تم ہمیشہ کے لیے دور ہو جاؤ ( یا تم ہمیشہ کے لیے برباد ہو گئے ) ۔ یہ روایت امام احمد نے اور امام طبرانی نے معجم کبیر میں نقل کی ہے ، اس کی سند میں ایک راوی عیاض بن عیاض ہے ، جس نے اسے اپنے والد سے نقل کیا ہے ( علامہ ہیثمی فرماتے ہیں : ) میں نے کسی ( محدث ) کو ان دونوں کے حالات ذکر کرتے ہوئے نہیں دیکھا ہے ۔

أَبِي مَسْعُودٍ،

430 - وَعَنْ أُمِّ سَلَمَةَ قَالَتْ: قَالَ النَّبِيُّ - صَلَّى اللَّهُ عَلَيْهِ وَسَلَّمَ: " «مِنْ أَصْحَابِي مَنْ لَا أَرَاهُ وَلَا يَرَانِي بَعْدَ أَنْ أَمُوتَ أَبَدًا " قَالَ: فَبَلَغَ ذَلِكَ عُمَرَ فَأَتَاهُمَا يَشْتَدُّ - أَوْ يُسْرِعُ - فَقَالَ لَهَا: أَنْشُدُكِ اللَّهَ أَنَا مِنْهُمْ؟ قَالَتْ: لَا، وَلَا أُبَرِّئُ بَعْدَكَ أَحَدًا أَبَدًا». رَوَاهُ أَحْمَدُ وَأَبُو يَعْلَى وَالطَّبَرَانِيُّ فِي الْكَبِيرِ، وَفِي رِوَايَةٍ أُخْرَى لِأَبِي يَعْلَى وَأَحْمَدَ عَنْهَا: «دَخَلَ عَلَيْهَا عَبْدُ الرَّحْمَنِ بْنُ عَوْفٍ، قَالَ: فَقَالَ: يَا أُمَّهْ، قَدْ خِفْتُ أَنْ يُهْلِكَنِي كَثْرَةُ مَالِي، أَنَا أَكْثَرُ قُرَيْشٍ مَالًا، قَالَتْ: يَا بُنَيَّ، أَنْفِقْ ; فَإِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " إِنَّ مِنْ أَصْحَابِي مَنْ لَا يَرَانِي بَعْدَ أَنْ أُفَارِقَهُ» " - فَذَكَرَ نَحْوَهُ وَفِيهِ عَاصِمُ بْنُ بَهْدَلَةَ، وَهُوَ ثِقَةٌ يُخْطِئُ.

سیدہ ام سلمہ رضی اللہ عنہا بیان کرتی ہیں : نبی اکرم صلی اللہ علیہ و آلہ وسلم نے ارشاد فرمایا : " میرے ساتھ والوں میں ایسا فرد بھی ہے کہ میرے مرنے کے بعد اسے میں کبھی نہیں دیکھوں گا ، اور وہ مجھے کبھی نہیں دیکھے گا" ۔ راوی بیان کرتے ہیں : جب حضرت عمر رضی اللہ عنہ کو اس بات کی اطلاع ملی ، تو وہ جلدی سے سیدہ ام سلمہ رضی اللہ عنہا کی خدمت میں حاضر ہوئے ، اور ان سے کہا: میں آپ کو اللہ کا واسطہ دے کر دریافت کرتا ہوں ، کیا میں ان لوگوں میں سے ایک ہوں ؟ سیدہ ام سلمہ رضی اللہ عنہا نے جواب دیا ، جی نہیں البتہ آپ کے بعد میں کسی اور کو لا تعلق قرار نہیں دوں گی ۔ یہ رویت امام احمد ، امام ابو یعلیٰ، اور امام طبرانی نے معجم کبیر میں نقل کی ہے ، امام ابو یعلی اور امام احمد کی ایک اور روایت جو انہوں نے سیدہ ام سلمہ رضی اللہ عنہا کے حوالے سے نقل کی ہے ( اس میں یہ الفاظ ہیں : ) حضرت عبدالرحمان بن عوف رضی اللہ عنہ سیدہ ام سلمہ رضی اللہ عنہا کی خدمت میں حاضر ہوئے اور بولے : اے امی جان مجھے یہ اندیشہ ہے کہ میرے مال کی کثرت مجھے ہلاکت کا شکار کر دے گی ، کیونکہ میرے پاس قریش میں سب سے زیادہ مال ہے ، تو سیدہ ام سلمہ رضی اللہ عنہا نے فرمایا : اے میرے بیٹے ( تم اللہ کی راہ میں ) خرچ کرو ! کیونکہ میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : " میرے ساتھیوں میں ایک ایسا فرد بھی ہے کہ جب میں اس سے جدا ہو جاؤں گا تو اس کے بعد وہ مجھے کبھی نہیں دیکھے گا" اس کے بعد راوی نے حسب سابق حدیث ذکر کی ہے ، اس کی سند میں ایک راوی عاصم بن بہدلہ ہے یہ ثقہ ہے ، لیکن غلطی کر جاتا ہے ۔

أُمِّ سَلَمَةَ

431 - وَعَنْ عَبْدِ اللَّهِ بْنِ عَمْرٍو قَالَ: «كُنَّا جُلُوسًا عِنْدَ النَّبِيِّ - صَلَّى اللَّهُ عَلَيْهِ وَسَلَّمَ - وَقَدْ ذَهَبَ عَمْرُو بْنُ الْعَاصِ يَلْبَسُ ثِيَابَهُ لِيَلْحَقَنِي، فَقَالَ - وَنَحْنُ عِنْدَهُ -: " لَيَدْخُلَنَّ عَلَيْكُمْ رَجُلٌ لَعِينٌ "، فَوَاللَّهِ مَازِلْتُ وَجِلًا أَتَشَوَّفُ خَارِجًا وَدَاخِلًا حَتَّى دَخَلَ فُلَانٌ - يَعْنِي الْحَكَمَ» -. رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت عبداللہ بن عمرو رضی اللہ عنہ بیان کرتے ہیں : ایک مرتبہ ہم لوگ نبی اکرم صلی اللہ علیہ و آلہ وسلم کے پاس بیٹھے ہوئے تھے ، حضرت عمرو بن العاص رضی اللہ عنہ لباس تبدیل کرنے کے لیے چلے گئے ، ان کا مجھ سے آ کے ملنے کا ارادہ تھا، ہم نبی اکرم صلی اللہ علیہ و آلہ وسلم کے پاس بیٹھے ہوئے تھے ، آپ نے ارشاد فرمایا : ابھی تمہارے سامنے ایک ملعون شخص آئے گا ، حضرت عبداللہ رضی اللہ عنہ فرماتے ہیں : اللہ کی قسم ! میں مسلسل پریشانی کا شکار رہا اور آنے جانے والے کا منتظر رہا، یہاں تک کہ وہ شخص اندر آیا ( راوی بیان کرتے ہیں : ) ان کی مراد حکم تھا۔ یہ روایت امام احمد نے نقل کی ہے اور اس کے رجال صحیح کے رجال ہیں ۔

كُنَّا جُلُوسًا عِنْدَ النَّبِيِّ وَقَدْ ذَهَبَ عَمْرُو بْنُ الْعَاصِ يَلْبَسُ ثِيَابَهُ لِيَلْحَقَنِي ← عَبْدِ اللہِ بْنِ عَمْرٍو

432 - وَعَنْهُ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَيَطَّلِعَنَّ عَلَيْكُمْ رَجُلٌ يُبْعَثُ يَوْمَ الْقِيَامَةِ عَلَى غَيْرِ سُنَّتِي - أَوْ عَلَى غَيْرِ مِلَّتِي - " وَكُنْتُ تَرَكْتُ أَبِي فِي الْمَنْزِلِ، فَخِفْتُ أَنْ يَكُونَ هُوَ، فَاطَّلَعَ رَجُلٌ غَيْرُهُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " هُوَ هَذَا» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ، إِلَّا أَنَّ فِيهِ رَجُلًا لَمْ يُسَمَّ.

ان کے حوالے سے یہ بات منقول ہے : نبی اکرم صلی اللہ علیہ و آلہ وسلم نے ارشاد فرمایا : " ابھی تمہارے سامنے ایک ایسا شخص آئے گا ، جسے قیامت کے دن میری سنت ( راوی کو شک ہے یا شاید یہ الفاظ ہیں : ) میرے مذہب کے علاوہ پر زندہ کیا جائے گا " ۔ حضرت عبداللہ رضی اللہ عنہ کہتے ہیں : میں اپنے والد کو گھر چھوڑ کر آیا تھا، مجھے یہ اندیشہ ہوا کہ کہیں وہ مراد نہ ہوں ، لیکن پھر ان کی بجائے کوئی اور شخص آ گیا ، تو نبی اکرم صلی اللہ علیہ و آلہ وسلم نے ارشاد فرمایا : وہ یہ ہے ۔ یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں ، البتہ اس کی سند میں ایک راوی کا نام بیان نہیں کیا گیا ہے ۔

وعنه