Majma uz Zawaid Wa Manba ul Fawaid

325 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا يُؤْمِنُ الْعَبْدُ الْإِيمَانَ كُلَّهُ حَتَّى يَتْرُكَ الْكَذِبَ فِي الْمُزَاحَةِ، وَالْمِرَاءَ وَإِنْ كَانَ صَادِقًا» ". رَوَاهُ أَحْمَدُ وَالطَّبَرَانِيُّ فِي الْأَوْسَطِ، وَفِيهِ مَنْصُورُ بْنُ أُذَيْنٍ، وَلَمْ أَرَ مَنْ ذَكَرَهُ. قُلْتُ: وَتَأْتِي أَحَادِيثُ مِنْ هَذَا الْبَابِ، بَعْضُهَا فِي الْعِلْمِ، وَبَعْضُهَا فِي الْأَدَبِ - إِنْ شَاءَ اللَّهُ -.

حضرت ابو ہریرہ رضی اللہ عنہ روایت کرتے ہیں :: نبی اکرم صلی اللہ علیہ وآلہ وسلم نے ارشاد فرمایا ہے : " آدمی اس وقت تک مکمل طور پر مؤمن نہیں ہوتا ، جب تک وہ مذاق میں بھی جھوٹ بولنا ، اور جھگڑا کرنا ترک نہیں کر دیتا ، خواہ سچا ہی ( یعنی جھگڑا کرنے میں حق پر ہی ) کیوں نہ ہو"۔ یہ روایت امام احمد نے اور امام طبرانی نے معجم اوسط میں نقل کی ہے ، اس کی سند میں ایک راوی منصور بن اذین ہے، میں نے کسی کو اس کا ذکر کرتے ہوئے نہیں دیکھا ہے۔ ( علامہ ہیثمی فرماتے ہیں : ) میں یہ کہتا ہوں : اس موضوع سے متعلق دیگر احادیث آگے آئیں گی ، جن میں سے کچھ علم سے متعلق باب میں آئیں گی اور کچھ ادب سے متعلق باب میں آئیں گی، اگر اللہ نے چاہا۔

أَبِي هُرَيْرَةَ،

326 - وَعَنْ عُمَرَ بْنِ الْخَطَّابِ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا يَبْلُغُ الْعَبْدُ صَرِيحَ الْإِيمَانِ حَتَّى يَدَعَ الْمِزَاحَ وَالْكَذِبَ، وَيَدَعَ الْمِرَاءَ وَإِنْ كَانَ مُحِقًّا» ". رَوَاهُ أَبُو يَعْلَى فِي الْكَبِيرِ، وَفِيهِ مُحَمَّدُ بْنُ عُثْمَانَ عَنْ سُلَيْمَانَ بْنِ دَاوُدَ، لَمْ أَرَ مَنْ ذَكَرَهُمَا.

حضرت عمر بن خطاب رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے : " آدمی صریح ایمان تک ، اس وقت تک نہیں پہنچ سکتا ، جب تک وہ مزاح اور جھوٹ کو ترک نہیں کر دیتا، اور جھگڑا کرنے کو ترک نہیں کر دیتا ، اگرچہ ( جھگڑ ا کرنے میں ) وہ حق پر ہی ہو "۔ یہ روایت امام طبرانی نے " کبیر " میں نقل کی ہے، اس کی سند میں یہ مذکور ہے : اسے محمد بن عثمان نے ، سلیمان بن داؤد سے نقل کیا ہے ، اور میں نے کسی کو ان دونوں کا ذکر کرتے ہوئے نہیں دیکھا ہے۔

عُمَرَ بْنِ الْخَطَّابِ،

327 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «يُطْبَعُ الْمُؤْمِنُ عَلَى الْخِلَالِ كُلِّهَا، إِلَّا الْخِيَانَةَ وَالْكَذِبَ» ". رَوَاهُ أَحْمَدُ، وَهُوَ مُنْقَطِعٌ بَيْنَ الْأَعْمَشِ وَأَبِي أُمَامَةَ.

حضرت ابو امامہ رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " مؤمن میں ہر عادت ہو سکتی ہے ، صرف خیانت اور جھوٹ نہیں ہو سکتے "۔ یہ روایت امام احمد نے نقل کی ہے اور اعمش اور حضرت ابو امامہ رضی اللہ عنہ کے درمیان یہ منقطع ہے۔

اَبِیْ اُمَامَۃَ،

328 - وَعَنْ سَعْدِ بْنِ أَبِي وَقَّاصٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «يُطْبَعُ الْمُؤْمِنُ عَلَى كُلِّ خُلَّةٍ غَيْرِ الْخِيَانَةِ وَالْكَذِبِ» ". رَوَاهُ الْبَزَّارُ وَأَبُو يَعْلَى، وَرِجَالُهُ رِجَالُ الصَّحِيحِ.

حضرت سعید بن ابی وقاص رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " مؤمن میں ہر عادت ہو سکتی ہے ، سوائے خیانت اور جھوٹ کے ( یعنی اس میں خیانت اور جھوٹ کبھی نہیں ہو سکتے ) "۔ یہ روایت امام بزار اور امام ابو یعلیٰ نے نقل کی ہے ، اور اس کے رجال صحیح کے رجال ہیں ۔

سَعْدَ بْنَ اَبِیْ وَقَّاصِ

329 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «يُطْبَعُ الْمُؤْمِنُ عَلَى كُلِّ خُلُقٍ، لَيْسَ الْخِيَانَةَ وَالْكَذِبَ» ". رَوَاهُ الطَّبَرَانِيُّ فِي الْكَبِيرِ، وَفِيهِ عُبَيْدُ اللَّهِ بْنُ الْوَلِيدِ، وَهُوَ ضَعِيفٌ.

حضرت عبداللہ بن عمر رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: " مؤمن میں ، ہر اخلاق ( یعنی ہر عادت ) ہو سکتی ہے ، لیکن خیانت اور جھوٹ بولنا نہیں ہو سکتا" ۔ یہ روایت امام طبرانی نے معجم کبیر میں نقل کی ہے ، اور اس کی سند میں ایک راوی عبید اللہ بن ولید ہے اور وہ ضعیف ہے۔

ابْنِ عُمَرَ

330 - وَعَنْ أَبِي هُرَيْرَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَا يَجْتَمِعُ الْكُفْرُ وَالْإِيمَانُ فِي قَلْبِ امْرِئٍ، وَلَا يَجْتَمِعُ الصِّدْقُ وَالْكَذِبُ جَمِيعًا، وَلَا تَجْتَمِعُ الْخِيَانَةُ وَالْأَمَانَةُ جَمِيعًا» ". رَوَاهُ أَحْمَدُ، وَفِيهِ ابْنُ لَهِيعَةَ، وَهُوَ ضَعِيفٌ.

حضرت ابو ہریرہ رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " کفر اور ایمان کسی ایک شخص کے دل میں اکٹھے نہیں ہو سکتے ، اور سچ اور جھوٹ اکٹھے نہیں ہو سکتے ہیں ، اور خیانت اور امانت دونوں ( کسی ایک شخص کے دل میں ( اکٹھے نہیں ہو سکتے ہیں : ۔ یہ روایت امام احمد نے نقل کی ہے ، اس کی سند میں ایک راوی ابن لہیعہ ہے اور وہ ضعیف ہے۔

أَبِي هُرَيْرَةَ،

331 - وَعَنْ عَبْدِ اللَّهِ - يَعْنِي ابْنَ مَسْعُودٍ - قَالَ: كُلُّ الْخِلَالِ يُطْوَى عَلَيْهَا الْمُؤْمِنُ إِلَّا الْخِيَانَةَ وَالْكَذِبَ. رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت عبداللہ بن مسعود رضی اللہ عنہ فرماتے ہیں : " مؤمن ، ہر عادت میں مبتلا ہو سکتا ہے، لیکن خیانت اور جھوٹ بولنے ( مبتلا نہیں ہو سکتا ہے ) "۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں۔

عبد الله -يعني ابن مسعود-

332 - وَعَنْ مُعَاوِيَةَ بْنِ أَبِي سُفْيَانَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «عَلَيْكُمْ بِالصِّدْقِ ; فَإِنَّهُ يَهْدِي إِلَى الْبِرِّ، وَهُمَا فِي الْجَنَّةِ، وَإِيَّاكُمْ وَالْكَذِبَ ; فَإِنَّهُ يَهْدِي إِلَى الْفُجُورِ، وَهُمَا فِي النَّارِ». رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ.

حضرت معاویہ بن ابو سفیان رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " شچائی کو تم ( لازمی ) اختیار کرو! کیونکہ وہ نیکی کی طرف رہنمائی کرتی ہے ، اور وہ دونوں ( یعنی سچائی اور نیکی ) جنت میں ہوں گی اور جھوٹ سے بچنا تم پر لازم ہے! کیونکہ وہ گناہوں کی طرف رہنمائی کرتا ہے ، اور وہ دونوں ( یعنی جھوٹ اور گناہ ) جہنم میں ہوں گے۔" یہ روایت امام طبرانی نے معجم کبیر میں نقل کی ہے اور اس کی سند حسن ہے۔

مُعَاوِيَةَ بْنَ أَبِي سُفْيَانَ

333 - وَعَنْ مَازِنِ بْنِ الْغَضُوبَةِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «عَلَيْكُمْ بِالصِّدْقِ ; فَإِنَّهُ يَهْدِي إِلَى الْجَنَّةِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ يَحْيَى بْنُ كَثِيرٍ، وَهُوَ مَتْرُوكٌ.

حضرت مازن بن غضوبہ رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے:: " تم پر سچ کو اختیار کرنا لازم ہے، کیونکہ وہ جنت کی طرف لے جاتا ہے" ۔ یہ روایت امام طبرانی نے معجم اوسط میں نقل کی ہے اور اس کی سند میں ایک راوی یحییٰ بن کثیر ہے اور وہ متروک ہے۔

مَازِنَ بْنَ الْغَضُوبَةِ،

334 - عَنْ أَبِي أُمَامَةَ قَالَ: «إِنِّي لَتَحْتَ رَاحِلَةِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - يَوْمَ الْفَتْحِ، فَقَالَ قَوْلًا حَسَنًا جَمِيلًا، فَكَانَ فِيمَا قَالَ: " مَنْ أَسْلَمَ مِنْ أَهْلِ الْكِتَابِ فَلَهُ أَجْرُهُ مَرَّتَيْنِ، وَلَهُ مَا لَنَا وَعَلَيْهِ مَا عَلَيْنَا، وَمَنْ أَسْلَمَ مِنَ الْمُشْرِكِينَ فَلَهُ أَجْرُهُ، وَلَهُ مَا لَنَا وَعَلَيْهِ مَا عَلَيْنَا» ". رَوَاهُ أَحْمَدُ وَالطَّبَرَانِيُّ فِي الْكَبِيرِ، وَفِيهِ الْقَاسِمُ أَبُو عَبْدِ الرَّحْمَنِ، وَقَدْ ضَعَّفَهُ أَحْمَدُ وَغَيْرُهُ.

حضرت ابو امامہ رضی اللہ عنہ بیان کرتے ہیں : فتح مکہ کے موقع پر ، میں نبی اکرم صلی اللہ علیہ وآلہ وسلم کی سواری کے نیچے موجود تھا، آپ صلی اللہ علیہ وآلہ وسلم نے عمدہ گفتگو ارشاد فرمائی ، آپ صلی اللہ علیہ وآلہ وسلم نے جو ارشاد فرمایا ، اس میں یہ بات بھی تھی: " اہل کتاب میں سے جو شخص مسلمان ہو جائے ، اسے دو گنا اجر ملے گا، اسے وہ تمام حقوق حاصل ہونگے ، جو ہمیں ( یعنی مسلمانوں کو ) حاصل ہیں اور اس پر وہ تمام چیزیں لازم ہو ں گی ، جو ہم پر یعنی (مسلمانوں پر ) لازم ہیں، مشرکین میں سے جو شخص مسلمان ہو گا، اسے ایک گنا اجر حاصل ہو گا، اسے وہ تمام حقوق حاصل ہوں گے ، جو ہمیں حاصل ہیں، اور اس پر وہ تمام چیزیں لازم ہوں گی، جو ہم پر لازم ہیں "۔ یہ روایت امام احمد نے اور امام طبرانی نے معجم کبیر میں نقل کی ہے، اس کی سند میں ایک راوی قاسم ابو عبدالرحمٰن ہے، جسے امام احمد اور دیگر حضرات نے ضعیف قرار دیا ہے۔

قَوْلًا حَسَنًا جَمِيلًا، فَكَانَ فِيمَا ← إِنِّي لَتَحْتَ رَاحِلَةِ رَسُولِ اللَّهِ يَوْمَ الْفَتْحِ ← اَبِیْ اُمَامَۃَ،

335 - قَالَ الطَّبَرَانِيُّ فِي الْكَبِيرِ: حَدَّثَنَا عَلِيُّ بْنُ عَبْدِ الْعَزِيزِ، حَدَّثَنَا الزُّبَيْرُ بْنُ بَكَّارٍ، قَالَ: «فَوُلِدَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - الْقَاسِمُ، وَهُوَ أَكْبَرُ وَلَدِهِ، ثُمَّ زَيْنَبُ، وَكَانَتْ زَيْنَبُ بِنْتُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - عِنْدَ أَبِي الْعَاصِ بْنِ الرَّبِيعِ بْنِ عَبْدِ شَمْسٍ، فَوَلَدَتْ لَهُ عَلِيًّا وَأُمَامَةَ، وَكَانَ عَلِيٌّ مُسْتَرْضِعًا فِي بَنِي غَاضِرَةَ، فَافْتَصَلَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَأَبُوهُ يَوْمَئِذٍ مُشْرِكٌ، فَقَالَ: " مَنْ شَارَكَنِي فِي شَيْءٍ فَأَنَا أَحَقُّ بِهِ، وَأَيُّمَا كَافِرٍ شَارَكَ مُسْلِمًا فِي شَيْءٍ فَهُوَ أَحَقُّ بِهِ مِنْهُ» ". فَذَكَرَ الْحَدِيثَ، وَهُوَ مُنْقَطِعٌ كَمَا تَرَى.

امام طبرانی نے معجم کبیر میں ، زبیر بن بکار کا یہ بیان نقل کیا ہے : " نبی اکرم صلی اللہ علیہ وآلہ وسلم کے ہاں حضرت قاسم رضی اللہ عنہ پیدا ہوئے ، جو آپ صلی اللہ علیہ وآلہ وسلم کی اولاد میں سب سے بڑے تھے، پھر سیدہ زینب رضی اللہ عنہا پیدا ہوئی ، نبی اکرم صلی اللہ علیہ وآلہ وسلم کی صاحبزادی سیدہ زینب کی شادی ،حضرت ابو العاص بن ربیع بن عبد شمس رضی اللہ عنہ سے ہوئی ، اور سیدہ زینب رضی اللہ عنہا نے ان کے ( دو بچوں ) علی اور امامہ کو جنم دیا ، علی نامی صاحبزادے ، بنو غاضرہ میں دودھ پیتے بچے تھے، تو نبی اکرم صلی اللہ علیہ وآلہ وسلم نے ان کا دودھ چھڑا دیا تھا ( ان کا شیر خوار گی کی عمر میں انتقال ہو گیا تھا) ان کے والد ( یعنی حضرت ابو العاص بن ربیع بن عبد شمس ) اس وقت مشرک تھے، تو نبی اکرم صلی اللہ علیہ وآلہ وسلم نے ارشاد فرمایا : جو شخص کسی چیز میں میرا شراکت دار بن جائے ، تو اس چیز کا میں زیادہ حقدار ہوؤں گا، اور جب کافر، کسی مسلمان کا کسی چیز میں حصے دار بن جائے ، تو وہ (مسلمان ) اس چیز کے بارے میں ، اس ( کافر) سے زیادہ حقدار ہو گا"۔

336 - عَنْ عُقْبَةَ بْنِ عَامِرٍ الْجُهَنِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ أَسْلَمَ عَلَى يَدَيْهِ رَجُلٌ وَجَبَتْ لَهُ الْجَنَّةُ» ". رَوَاهُ الطَّبَرَانِيُّ فِي الثَّلَاثَةِ، وَفِيهِ مُحَمَّدُ بْنُ مُعَاوِيَةَ النَّيْسَابُورِيُّ، وَثَّقَهُ أَحْمَدُ، وَضَعَّفُهُ أَكْثَرُ النَّاسِ. قَالَ يَحْيَى بْنُ مَعِينٍ: كَذَّابٌ. قُلْتُ: وَتَأْتِي أَحَادِيثُ هَذَا الْبَابِ فِي الْجِهَادِ - إِنْ شَاءَ اللَّهُ - وَحَدِيثُ عَائِشَةَ فِيمَنْ رَبَّى صَغِيرًا حَتَّى يَقُولَ: لَا إِلَهَ إِلَّا اللَّهُ، فِي الْبِرِّ وَالصِّلَةِ.

حضرت عقبہ بن عامر جہنی رضی اللہ عنہ روایت کرتے ہیں :: نبی اکرم صلی اللہ علیہ وآلہ وسلم نے ارشاد فرمایا ہے: " جس شخص کے ہاتھ پر کوئی مسلمان ہو جائے ، تو اس کے لیے جنت واجب ہو جاتی ہے"۔ یہ روایت امام طبرانی نے تینوں کتابوں میں نقل کی ہے ، اس کی سند میں ایک راوی محمد بن معاویہ نیشا پوری ہے ، اسے امام احمد نے ثقہ قرار دیا ہے اور اکثر لوگوں نے اسے ضعیف قرار دیا ہے، یحییٰ بن معین کہتے ہیں : یہ کذاب ہے۔ ( علامہ ہیثمی فرماتے ہیں : ) میں یہ کہتا ہوں : اس موضوع سے متعلق دیگر احادیث ، جہاد سے متعلق باب میں آئیں گی ، اگر اللہ نے چاہا۔ جو شخص کسی کمسن بچے کی تربیت کرے ( یعنی اسے پال پوس کر بڑا کرے ) یہاں تک کہ وہ بچہ اتنا بڑا ہو جائے کہ وہ لا الہ الا اللہ پڑھ لے ، ایسے شخص کے بارے میں سیدہ عائشہ رضی اللہ عنہ کی نقل کر دہ حدیث ، نیکی اور صلہ رحمی سے متعلق باب میں آئے گی۔

عُقْبَةَ بْنَ عَامِرٍ الْجُهَنِيَّ،