Majma uz Zawaid Wa Manba ul Fawaid

181 - وَعَنْ فَضَالَةَ بْنِ عُبَيْدٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَوْمَ حِجَّةِ الْوَدَاعِ: " وَالْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ» ". رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ إِنْ شَاءَ اللَّهُ.

حضرت فضالہ بن عبید رضی اللہ عنہ روایت کرتے ہیں : حجۃ الوداع کے دن نبی اکرم صلی اللہ علیہ و آلہ وسلم نے ارشاد فرمایا: " اور مسلمان وہ ہے ، جس کی زبان اور ہاتھ سے ( دوسرے ) مسلمان محفوظ رہیں "۔ یہ روایت امام طبرانی نے معجم کبیر میں نقل کی ہے اور اس کی سند حسن ہو گی ، اگر اللہ نے چاہا۔

فَضَالَةَ بْنَ عُبَيْدٍ

182 - عَنِ ابْنِ عُمَرَ «عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " خَمْسٌ مِنَ الْإِيمَانِ، مَنْ لَمْ يَكُنْ فِيهِ شَيْءٌ مِنْهَا فَلَا إِيمَانَ لَهُ: التَّسْلِيمُ لِأَمْرِ اللَّهِ، وَالرِّضَا بِقَضَاءِ اللَّهِ، وَالتَّفْوِيضُ إِلَى أَمْرِ اللَّهِ، وَالتَّوَكُّلُ عَلَى اللَّهِ، وَالصَّبْرُ عِنْدَ الصَّدْمَةِ الْأُولَى. وَلَمْ يَطْعَمِ امْرٌؤٌ حَقِيقَةَ الْإِسْلَامِ حَتَّى يَأْمَنَهُ النَّاسُ عَلَى دِمَائِهِمْ وَأَمْوَالِهِمْ "، فَقَالَ قَائِلٌ: يَا رَسُولَ اللَّهِ، أَيُّ الْإِسْلَامِ أَفْضَلُ؟ قَالَ: " مَنْ سَلِمَ الْمُسْلِمُونَ مِنْ لِسَانِهِ وَيَدِهِ، عَلَامَاتٌ كَمَنَارِ الطَّرِيقِ: شَهَادَةُ أَنْ لَا إِلَهَ إِلَّا اللَّهُ، وَإِقَامُ الصَّلَاةِ، وَإِيتَاءُ الزَّكَاةِ، وَالْحُكْمُ بِكِتَابِ اللَّهِ وَطَاعَةُ النَّبِيِّ الْأُمِّيِّ، وَالتَّسْلِيمُ عَلَى بَنِي آدَمَ إِذَا لَقِيتُمُوهُمْ» ". رَوَاهُ الْبَزَّارُ، وَفِيهِ سَعِيدُ بْنُ سِنَانٍ وَلَا يُحْتَجُّ بِهِ.

حضرت عبداللہ بن عمر رضی اللہ عنہ نبی اکرم صلی اللہ علیہ و آلہ وسلم کا یہ فرما نقل کرتے ہیں: " پانچ چیزیں ایمان میں سے ہیں ، جس شخص میں ان میں سے کوئی چیز نہیں ہو گی ، اس کا ایمان نہیں ہو گا، اللہ تعالیٰ کے حکم کو تسلیم کرنا ، اللہ تعالیٰ کے ( یعنی تقدیر کے ) فیصلے سے راضی رہنا ، معاملات کو اللہ تعالیٰ کے سپر د کرنا ، اللہ تعالیٰ پر توکل کرنا اور صدمے کے آغاز میں صبر کرنا آدمی اسلام کی حقیقت تک اس وقت تک نہیں پہنچ سکتا ، جب تک لوگ اپنی جانوں اور اموال کے حوالے سے اس سے محفوظ نہ ہوں" ایک صاحب نے عرض کی : یارسول اللہ صلی اللہ علیہ و آلہ وسلم ! کون سا اسلام زیادہ فضیلت رکھتا ہے؟ نبی اکرم صلی اللہ علیہ و آلہ وسلم نے فرمایا: " اس شخص کا ، جس کی زبان اور ہاتھ سے دوسرے مسلمان محفوظ ہوں ، راستے کے نشان کی طرح ، اس کی کچھ علامات ہیں اس بات کی گواہی دینا ، کہ اللہ تعالیٰ کے علاوہ اور کوئی معبود نہیں ہے، نماز قائم کرنا ، زکوٰۃ ادا کرنا ، اللہ کی کتاب کے مطابق فیصلہ دینا ، اُ مّی نبی ( صلی اللہ علیہ و آلہ وسلم ) کی فرمانبرداری کرنا ، اور جب بنی نوح انسان ( میں سے کسی سے بھی ) تمہاری ملاقات ہو ، تو انہیں سلام کرنا" یہ روایت امام بزار نے نقل کی ہے اور اس کی سند میں ایک راوی سعید بن سنان ہے، جس سے استدلال نہیں کیا جائے گا۔

ابْنِ عُمَرَ

183 - عَنْ عَمَّارٍ - رَضِيَ اللَّهُ عَنْهُ - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " ثَلَاثٌ مِنَ الْإِيمَانِ: الْإِنْفَاقُ مِنَ الْإِقْتَارِ، وَبَذْلُ السَّلَامِ لِلْعَالَمِ، وَالْإِنْصَافُ مِنْ نَفْسِكَ» ". رَوَاهُ الْبَزَّارُ، وَرِجَالُهُ رِجَالُ الصَّحِيحِ، إِلَّا أَنَّ شَيْخَ الْبَزَّارِ لَمْ أَرَ مَنْ ذَكَرَهُ، وَهُوَ الْحَسَنُ بْنُ عَبْدِ اللَّهِ الْكُوفِيُّ.

حضرت عمار رضی اللہ عنہ روایت کرتے ہیں : : نبی اکرم صلی اللہ علیہ و آلہ وسلم نے ارشاد فرمایا ہے: " تین چیزیں ایمان کا حصہ ہیں ، تنگ دستی کے با وجود خرچ کرنا ، سب لوگوں کو سلام کرنا ، اور اپنی طرف سے انصاف کرنا" یہ روایت امام بزار نے نقل کی ہے اور اس کے رجال صحیح کے رجال ہیں ، البتہ میں نے کسی کو امام بزار کے استاد کا تذکرہ کرتے ہوئے نہیں دیکھا ہے، اور وہ استاد حسن بن عبداللہ کوفی ہیں۔

عَمَّارٍ

184 - «وَعَنْ عَمَّارِ بْنِ يَاسِرٍ - رَضِيَ اللَّهُ عَنْهُ - قَالَ: ثَلَاثُ خِلَالٍ مَنْ جَمَعَهُنَّ فَقَدْ جَمَعَ خِلَالَ الْإِيمَانِ، فَقَالَ لَهُ بَعْضُ أَصْحَابِهِ: يَا أَبَا الْيَقْظَانِ، مَا هَذِهِ الْخِلَالُ الَّتِي زَعَمْتَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: مَنْ جَمَعَهُنَّ فَقَدْ جَمَعَ الْإِيمَانَ؟ فَقَالَ عَمَّارُ عِنْدَ ذَلِكَ: سَمِعْتُهُ يَقُولُ: " الْإِنْفَاقُ مِنَ الْإِقْتَارِ، وَالْإِنْصَافُ مِنْ نَفْسِكَ، وَبَذْلُ السَّلَامِ لِلْعَالَمِ» ". رَوَاهُ الطَّبَرَانِيُّ فِي الْكَبِيرِ، وَفِيهِ الْقَاسِمُ أَبُو عَبْدِ الرَّحْمَنِ وَهُوَ ضَعِيفٌ.

حضرت عمار بن یاسر رضی اللہ عنہ فرماتے ہیں : تین خصائل جو شخص جمع کر لے گا، وہ ایمان کے خصائل جمع کر لے گا، ان کے ساتھیوں میں سے کسی نے ان سے دریافت کیا: اے ابو الیقنطان ! وہ خصائل کیا ہیں؟ جن کے بارے میں آپ کا یہ کہنا ہے کہ نبی اکرم صلی اللہ علیہ و آلہ وسلم نے یہ بات ارشاد فرمائی ہے کہ جو انہیں جمع کر لے گا، وہ ایمان کو جمع کر لے گا ، تو اس وقت حضرت عمار بن یاسر رضی اللہ عنہ نے فرمایا: میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : ( یعنی وہ خصائل درج ذیل ہیں : ) " تنگ دستی کے وقت خرچ کرنا، اپنی ذات کی طرف سے انصاف کرنا ، اور سب کو سلام کرنا"۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی قاسم ابو عبدالرحمٰن ہے اور وہ ضعیف ہے۔

ثَلَاثُ خِلَالٍ مَنْ جَمَعَهُنَّ فَقَدْ جَمَعَ خِلَالَ الْإِيمَانِ، ← عَمَّارِ بْنِ يَاسِرٍ

185 - وَعَنْ أَنَسٍ - رَضِيَ اللَّهُ عَنْهُ - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " ثَلَاثٌ مَنْ كُنَّ فِيهِ اسْتَوْجَبَ الثَّوَابَ وَاسْتَكْمَلَ الْإِيمَانَ: خُلُقٌ يَعِيشُ بِهِ فِي النَّاسِ، وَوَرَعٌ يَحْجِزُهُ عَنْ مَحَارِمِ اللَّهِ، وَحِلْمٌ يَرُدُّهُ عَنْ جَهْلِ الْجَاهِلِ» ". رَوَاهُ الْبَزَّارُ، وَفِيهِ عَبْدُ اللَّهِ بْنُ سُلَيْمَانَ، قَالَ الْبَزَّارُ: حَدَّثَ بِأَحَادِيثَ لَا يُتَابِعُ عَلَيْهَا.

حضر انس بن مالک رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " تین چیزیں جس شخص میں ہوں گی وہ ثواب کو واجب کر دے گا، اور ایمان کو مکمل کر لے گا، ( ایسے اچھے) اخلاق ، جن کے ہمراہ وہ لوگوں کے ساتھ برتاؤ کرے ، پرہیز گاری ، جو اسے اللہ تعالیٰ کی حرام قرار دی ہوئی چیزوں سے بچا کے رکھے ، اور بردباری ، جو اسے ( کسی ) جاہل کے خلاف جہالت ( کا مظاہرہ) نہ کرنے دے" ۔ یہ روایت امام بزار نے نقل کی ہے اور اس کی سند میں ایک راوی عبداللہ بن سلیمان ہے، اما بزار فرماتے ہیں : اس نے ایسی احادیث روایت کی ہیں، جن کی متابعت نہیں کی گئی ہے۔

أَنَسٍ،

186 - وَعَنْ أَنَسِ بْنِ مَالِكٍ أَنَّ رَسُولَ اللَّهِ - صَلَى اللَّهُ عَلَيْهِ وَسَلَّمَ - قَالَ: " «لَا يَسْتَقِيمُ إِيمَانُ عَبْدٍ حَتَّى يَسْتَقِيمَ قَلْبُهُ وَلَا يَسْتَقِيمُ قَلْبُهُ حَتَّى يَسْتَقِيمَ لِسَانُهُ وَلَا يُدْخُلُ الْجَنَّةَ حَتَّى يَأْمَنَ جَارُهُ بَوَائِقَهُ» " رَوَاهُ أَحْمَدُ وَفِيهِ: عَلِيُّ بَنُ مَسْعَدَةَ، وَثَّقَهُ يَحْيَى بْنُ مَعِينٍ وَغَيْرُهُ، وَضَعَّفَهُ النَّسَائِيُّ وَغَيْرُهُ.

حضرت انس بن مالک رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " بندے کا ایمان ، اس وقت تک ٹھیک نہیں ہوتا ، جب تک اس کا دل ٹھیک نہیں ہوتا اور اس کا دل اس وقت تک ٹھیک نہیں ہوتا ب تک اس کی زبان ٹھیک نہیں ہوتی، اور وہ اس وقت تک جنت میں داخل نہیں ہو گا، جب تک اس کا پڑوسی اس کی زیادتیوں سے محفوظ نہ ہو"۔ یہ روایت امام احمد نے نقل کی ہے ، اور اس کی سند میں ایک راوی علی بن مسعدہ ہے، جسے یحییٰ بن معین اور دیگر حضرات نے ثقہ قرار دیا ہے، جبکہ امام نسائی اور دیگر حضرات نے اسے ضعیف قرار دیا ہے۔

اَنَسِ بْنِ مَالِکٍ،

187 - وَعَنْ عَبْدِ اللَّهِ - يَعْنِي: ابْنَ مَسْعُودٍ - قَالَ: قَالَ رَسُولُ اللَّهِ - صَلَى اللَّهُ عَلَيْهِ وَسَلَّمَ -: «لَا إِيمَانَ لِمَنْ لَا أَمَانَةَ لَهُ، وَلَا دِينَ لِمَنْ لَا عَهْدَ لَهُ، وَالَّذِي نَفْسُ مُحَمَّدٍ بِيَدِهِ لَا يَسْتَقِيمُ دِينُ عَبْدٍ حَتَّى يَسْتَقِيمَ لِسَانُهُ، ولا يَسْتَقِيمُ لِسَانُهُ حَتَّى يَسْتَقِيمَ قَلْبُهُ، وَلَا يُدْخُلُ الْجَنَّةَ مَنْ لَا يَأْمَنُ جَارُهُ بَوَائِقَهُ " قِيلَ: مَا الْبَوَائِقُ يَا رَسُولَ اللَّهِ؟ قَالَ: " غِشُّهُ وَظُلْمُهُ، وَأَيَّمَا رَجُلٌ أَصَابَ مَالًا مِنْ حَرَامٍ، وَأَنْفَقَ مِنْهُ لَمْ يُبَارَكْ لَهُ فِيهِ، وَإِنْ تَصَدَّقَ لَمْ يُقْبَلْ، وَمَا بَقِيَ فَزَادُهُ إِلَى النَّارِ، وَإِنَّ الْخَبِيثَ لَا يُكَفِّرُ الْخَبِيثَ، وَلَكِنَّ الطَّيِّبَ يُكَفِّرُ» " رَوَاهُ الطَّبَرَانِيُّ فِي الْكَبِيرِ، وَفِيهِ: حُصَيْنُ بْنُ مَذْعُورٍ، عَنْ فَرَسٍ التِّيمِيِّ، وَلَمْ أَرَ مَنْ ذَكَرَهُمَا.

حضرت عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " اس شخص کا ایمان نہیں ، جس کی امانت نہ ہو، اور اس شخص کا دین نہیں، جس کا عہد نہ ہو، اس ذات کی قسم ! جس کے دست قدرت میں محمد کی جان ہے، آدمی کا دین اس وقت تک ٹھیک نہیں ہوتا ، جب تک اس کی زبان ٹھیک نہ ہو، اور اس کی زبان اس وقت تک ٹھیک نہیں ہوتی ، جب تک اس کا دل ٹھیک نہ ہو، اور ادمی اس وقت تک جنت میں داخل نہیں ہو گا، جب تک اس کا پڑوسی اس کی زیادتیوں سے محفوظ نہ ہو، عرض کی گئی : اس کی زیادتیوں سے کیا مراد ہے؟ نبی اکرم صلی اللہ علیہ و آلہ وسلم نے فرمایا: اس کو دھوکہ دینا اور ظلم کرنا، ( آپ صلی اللہ علیہ و آلہ وسلم نے یہ بھی ارشاد فرمایا: ) جو شخص حرام طور پر مال حاصل کرے اور پھر اس میں سے خرچ کرے تو اس کے لیے اس مال میں برکت نہیں رکھی جائے گی، اور اگر وہ ( اس مال کو ) صدقہ کرے گا، تو وہ قبول نہیں ہو گا، اور جو مال بچ جائے گا وہ جہنم کی طرف جانے کے لیے اس کا زاد سفر ہو گا، بے شک خبیث کسی خبیث کو ختم نہیں کرتا، بلکہ پاکیزہ چیز ( خبیث چیز کو ) ختم کرتی ہے"۔ یہ روایت امام طبرانی نے معجم کبیر میں نقل کی ہے اس کی سند میں یہ مذکورہ ہے کہ اسے حصین بن مذعور نے فرس تیمی سے نقل کیا ہے۔ اور میں نے کسی کو ان دونوں کا ذکر کرتے ہوئے نہیں دیکھا ہے۔

عبد الله -يعني ابن مسعود-

188 - وَعَنْ عَلْقَمَةَ قَالَ: قَالَ عُبَيْدُ اللَّهِ: الصَّبْرُ نِصْفُ الْإِيمَانِ، وَالْيَقِينُ الْإِيمَانُ كُلُّهُ. رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

علقمہ بیان کرتے ہیں : عبید اللہ فرماتے ہیں: " صبر نصف ایمان ہے اور یقین ، مکمل ایمان ہے" ۔ یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں۔

عَلْقَمَةَ

189 - «عَنِ الْحَارِثِ بْنِ مَالِكٍ الْأَنْصَارِيِّ أَنَّهُ مَرَّ بِالنَّبِيِّ - صَلَّى اللَّهُ عَلَيْهِ وَسَلَّمَ - فَقَالَ لَهُ: " كَيْفَ أَصْبَحْتَ يَا حَارِثَةُ؟ " قَالَ: أَصْبَحْتُ مُؤْمِنًا حَقًّا. قَالَ: " انْظُرْ مَا تَقُولُ ; فَإِنَّ لِكُلِّ قَوْلٍ حَقِيقَةً، فَمَا حَقِيقَةُ إِيمَانِكَ؟ " قَالَ: عَزَفَتْ نَفْسِي عَنِ الدُّنْيَا، فَأَسْهَرْتُ لَيْلِي، وَأَظْمَأْتُ نَهَارِي، وَكَأَنِّي أَنْظُرُ عَرْشَ رَبِّي بَارِزًا، وَكَأَنِّي أَنْظُرُ إِلَى أَهْلِ الْجَنَّةِ يَتَزَاوَرُونَ فِيهَا، وَكَأَنِّي أَنْظُرُ إِلَى أَهْلِ النَّارِ يَتَضَاغَوْنَ فِيهَا. قَالَ: " يَا حَارِثَةُ، عَرَفْتَ فَالْزَمْ» ". رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ، وَفِيهِ مَنْ يَحْتَاجُ إِلَى الْكَشْفِ عَنْهُ.

حضرت حارث بن مالک انصاری رضی اللہ عنہ بیان کرتے ہیں : ایک مرتبہ ان کا گزر ، نبی اکرم ق کے پا س سے ہوا تو ، نبی اکرم صلی اللہ علیہ و آلہ وسلم نے دریافت کیا: اے حارثہ ! تم نے کس حال میں صبح کی ہے ( یا تمہاری کیفیت کیا ہوتی ہے؟ تو حضرت حارثہ رضی اللہ عنہ نے جواب دیا : میں نے ایسی حالت میں صبح کی ( یا میری کیفیت یہ ہے: ) کہ میں حقیقی مؤمن ہوں ، نبی اکرم صلی اللہ علیہ و آلہ وسلم نے فرمایا: تم اس بات کا جائزہ لو! کہ تم کیا کہہ رہے ہو؟ ہر قول کی کوئی حقیقت ہوتی ہے تو تمہارے ایمان کی حقیقت کیا ہے؟ انہوں نے جواب دیا : میں نے اپنے آپ کو دنیا سے لاتعلق کر لیا ہے، اور میں رات بھر جاگتا ہوں ( یعنی عبادت کرتا رہتا ہوں ) اور دن کو پیاسا رہتا ہوں ( یعنی نفلی روزہ رکھتا ہوں ) اور مجھے یوں لگتا ہے جیسے میں اپنے پروردگار کے عرش کو دیکھ رہا ہوں ، اور مجھے یوں لگتا ہے جیسے اہل جنت کو دیکھ رہا ہوں کہ وہ ایک دوسرے سے ملاقات کر رہے ہیں ، اور مجھے یوں لگتا ہے جیسے میں اہل جہنم کو دیکھ رہا ہوں کہ وہ اس (جہنم ) میں چیخ و پکار کر رہے ہیں نبی اکرم صلی اللہ علیہ و آلہ وسلم نے ارشا د فرمایا: تم نے معرفت حاصل کر لی ہے، تو اس کا دھیان رکھنا! یہ روایت امام طبرانی نے معجم کبیر میں نقل کی ہے ، اس کی سند میں ایک راوی ابن لہیعہ ہے ، اور اس میں ایسے راوی بھی ہیں جن کی تحقیق ضروری ہے ۔

الحارث بن مالك الأَنصارى

190 - وَعَنْ أَنَسٍ - رَضِيَ اللَّهُ عَنْهُ - «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - لَقِيَ رَجُلًا يُقَالُ لَهُ: حَارِثَةُ، فِي بَعْضِ سِكَكِ الْمَدِينَةِ، فَقَالَ: " كَيْفَ أَصْبَحْتَ يَا حَارِثَةُ؟ " قَالَ: أَصْبَحْتُ مُؤْمِنًا حَقًّا. قَالَ: " إِنَّ لِكُلِّ إِيمَانٍ حَقِيقَةً، فَمَا حَقِيقَةُ إِيمَانِكَ؟ " قَالَ: عَزَفَتْ نَفْسِي عَنِ الدُّنْيَا، فَأَظْمَأْتُ نَهَارِي، وَأَسْهَرْتُ لَيْلِي، وَكَأَنِّي بِعَرْشِ رَبِّي بَارِزًا، وَكَأَنِّي بِأَهْلِ الْجَنَّةِ فِي الْجَنَّةِ يَتَنَعَّمُونَ فِيهَا، وَكَأَنِّي بِأَهْلِ النَّارِ فِي النَّارِ يُعَذَّبُونَ. فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " أَصَبْتَ فَالْزَمْ، مُؤْمِنٌ نَوَّرَ اللَّهُ قَلْبَهُ» ". رَوَاهُ الْبَزَّارُ، وَفِيهِ يُوسُفُ بْنُ عَطِيَّةَ لَا يُحْتَجُّ بِهِ.

حضرت انس رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم کی ملاقات مدینہ منورہ کی کسی گلی میں ، ایک صاحب سے ہوئی جن کا نام حارثہ تھا، نبی اکرم صلی اللہ علیہ و آلہ وسلم نے دریافت کیا ہے : اے حارثہ تم نے کس حال میں صبح کی ہے؟ انہوں نے عرض کی: میں نے حقیقی مؤمن ہونے کے عالم میں صبح کی ہے، نبی اکرم صلی اللہ علیہ و آلہ وسلم نے ارشاد فرمایا: ہر ایمان کی کوئی حقیقت ہوتی ہے تو تمہارے ایمان کی حقیقت کیا ہے؟ انہوں نے عرض کی : میرا من دنیا سے اچاٹ ہو گیا ہے، تو میں دن میں پیاسا رہتا ہوں اور رات میں جاگتا رہتا ہوں ، مجھے یوں محسوس ہوتا ہے کہ میرے پروردگار کا عرش میرے سامنے ہے اور یوں محسوس ہوتا ہے کہ میں اہل جنت کو ، جنت میں نعمتوں سے لطف اندوز ہوتے دیکھ رہا ہوں ، اور اہل جہنم کو ، جہنم میں عذاب کا شکار ہوتے دیکھ رہا ہوں، نبی اکرم صلی اللہ علیہ و آلہ وسلم نے ارشاد فرمایا : تم ٹھیک ہو ! اس کا دھیان رکھنا ، ( تم ایک ایسے ) مؤمن ہو ، جس کے دل میں اللہ تعالیٰ نے نور عطا کیا ہے۔ یہ روایت امام بزار نے نقل کی ہے اور اس کی سند میں ایک راوی یوسف بن عطیہ ہے، جس سے استدلال نہیں کیا جا تا ہے۔

أَنَسٍ،

191 - عَنْ أَبِي الدَّرْدَاءِ - رَضِيَ اللَّهُ عَنْهُ - «عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " لَا يَبْلُغُ عَبْدٌ حَقِيقَةَ الْإِيمَانِ حَتَّى يَعْلَمَ أَنَّ مَا أَصَابَهُ لَمْ يَكُنْ لِيُخْطِئَهُ، وَمَا أَخْطَأَهُ لَمْ يَكُنْ لِيُصِيبَهُ» ". رَوَاهُ الْبَزَّارُ، وَقَالَ: إِسْنَادُهُ حَسَنٌ.

حضرت ابو درداء رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " بندہ ایمان کی حقیقت تک اس وقت تک نہیں پہنچ سکتا ، جب تک وہ یہ نہیں جان لیتا کہ جو چیز اسے ملنی ہے وہ ملے بغیر نہیں رہے گی، اور جو چیز اسے نہیں ملنی ہے ، وہ اسے کبھی نہیں ملے گی"۔ یہ روایت امام بزار نے نقل کی ہے، وہ فرماتے ہیں : اس کی سند حسن ہے۔

أَبِي الدَّرْدَاءِ،

192 - وَعَنْ عَمْرِو بْنِ الْحَمِقِ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " لَا يَحِقُّ الْعَبْدُ حَقِيقَةَ الْإِيمَانِ حَتَّى يَغْضَبَ لِلَّهِ، وَيَرْضَى لِلَّهِ، فَإِذَا فَعَلَ ذَلِكَ اسْتَحَقَّ حَقِيقَةَ الْإِيمَانِ، وَإِنَّ أَحْبَابِي وَأَوْلِيَائِي الَّذِينَ يُذْكَرُونَ بِذِكْرِي، وَأُذْكَرُ بِذِكْرِهِمْ» ". رَوَاهُ الطَّبَرَانِيُّ فِي الْأَوْسَطِ، وَفِيهِ رِشْدِينُ بْنُ سَعْدٍ، وَالْأَكْثَرُ عَلَى تَضْعِيفِهِ.

حضرت عمرو بن حمق رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " بندہ ایمان کی حقیقت کا حقدار ، اس وقت تک نہیں ہوتا ، جب تک وہ اللہ تعالیٰ کے لئے غضب ناک نہیں ہوتا ، اور اللہ تعالیٰ کے لیے راضی نہیں ہوتا ، جب وہ ایسا کر لیتا ہے ، تو وہ ایمان کی حقیقت کا مستحق بن جاتا ہے، ( اللہ تعالیٰ حدیث قدسی میں فرماتا ہے : ) " میرے محبوب بندے اور میرے ولی وہ ہیں ، جن کا ذکر ، میرے ذکر کے ساتھ کیا جاتا ہے، اور میرا ذکر ، ان کے ذکر کے ساتھ کیا جاتا ہے"۔ یہ روایت امام طبرانی نے معجم اوسط میں نقل کی ہے اور اس کی سند میں ایک راوی رشد ین بن سعد ہے ، زیادہ تر حضرات نے اسے ضعیف قرار دیا ہے۔

عَمْرَو بْنِ الْحَمِقِ،