Majma uz Zawaid Wa Manba ul Fawaid

13129 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ أَكَلَ لَحْمَ أَخِيهِ فِي الدُّنْيَا قُرِّبَ إِلَيْهِ يَوْمَ الْقِيَامَةِ فَيُقَالُ لَهُ: كُلْهُ حَيًّا كَمَا أَكَلْتَهُ مَيِّتًا، فَيَأْكُلُهُ وَيَكْلَحُ وَيَصِيحُ» ". رَوَاهُ الطَّبَرَانِيُّ فِي الْأَوْسَطِ، وَفِيهِ ابْنُ إِسْحَاقَ وَهُوَ مُدَلِّسٌ وَمَنْ لَمْ أَعْرِفْهُ.

حضرت ابو ہریرہ رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’جو شخص دنیا میں اپنے بھائی کا گوشت کھاتا ہے قیامت کے دن اسے اس کے قریب کیا جائے گا اور اس سے کہا جائے گا: تم اس کے زندہ ہونے کے عالم میں اس کو کھاؤ جس طرح تم نے اسے مردہ ہونے کے طور پر کھایا تھا تو وہ اس کو کھائے گا اور ماتھے پر بل ڈالے گا اور چیخے گا‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی ابن اسحاق ہے‘ اور وہ مدلس ہے‘ اور ایک ایسا راوی ہے جس سے میں واقف نہیں ہوں ۔

أَبِي هُرَيْرَةَ،

13130 - وَعَنْهُ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «يُؤْتَى بِالرَّجُلِ الَّذِي كَانَ يَغْتَابُ النَّاسَ فِي الدُّنْيَا، فَيُقَالُ لَهُ: كُلْ لَحْمَ أَخِيكَ مَيِّتًا كَمَا أَكَلْتَهُ حَيًّا» ". فَذَكَرَ نَحْوَهُ. رَوَاهُ الطَّبَرَانِيُّ فِي الْأَوْسَطِ، وَفِيهِ ابْنُ إِسْحَاقَ وَهُوَ مُدَلِّسٌ، وَبَقِيَّةُ رِجَالِهِ ثِقَاتٌ.

ان کے حوالے سے یہ بات منقول ہے۔ وہ بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’ایک شخص کولا یا جائے گا جو دنیا میں لوگوں کی غیبت کیا کرتا تھا تو اس سے کہا جائے گا تم اپنے مردہ بھائی کا گوشت کھاؤ جس طرح تم نے اس کے زندہ ہونے کے عالم میں اس کا گوشت کھا یا تھا ۔۔۔۔‘‘۔اس کے بعد راوی نے حسب سابق حدیث ذکر کی ہے۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی ابن اسحاق ہے‘ اور وہ مدلس ہے۔ اس روایت کے بقیہ رجال ثقہ ہیں۔

وعنه

13131 - وَعَنِ ابْنِ عَبَّاسٍ قَالَ: «لَيْلَةَ أُسْرِيَ بِنَبِيِّ اللَّهِ - صَلَّى اللَّهُ عَلَيْهِ وَسَلَّمَ - نَظَرَ فِي النَّارِ، فَإِذَا قَوْمٌ يَأْكُلُونَ الْجِيَفَ قَالَ: " مَنْ هَؤُلَاءِ يَا جِبْرِيلُ؟ ". قَالَ: هَؤُلَاءِ الَّذِينَ يَأْكُلُونَ لُحُومَ النَّاسِ. وَرَأَى رَجُلًا أَحْمَرَ أَزْرَقَ جَعْدًا (شَعْثًا إِذَا رَأَيْتَهُ)، قَالَ: " مَنْ هَذَا يَا جِبْرِيلُ؟ ". قَالَ: هَذَا عَاقِرُ النَّاقَةِ». رَوَاهُ أَحْمَدُ، وَفِيهِ قَابُوسٌ وَهُوَ ثِقَةٌ وَفِيهِ ضَعْفٌ، وَبَقِيَّةُ رِجَالِهِ رِجَالُ الصَّحِيحِ.

حضرت عبداللہ بن عباس رضی اللہ تعالیٰ عنہ بیان کرتے ہیں: جس رات نبی اکرم صلی اللہ علیہ وآلہ وسلم کو معراج کروائی گئی نبی اکرم صلی اللہ علیہ وآلہ وسلم نے جہنم میں دیکھا تو وہاں کچھ لوگ تھے جو مردار کھا رہے تھے آپ نے دریافت کیا: اے جبرائیل! یہ کون لوگ ہیں؟ انہوں نے بتایا: یہ وہ لوگ ہیں جو لوگوں کا گوشت کھایا کرتے تھے پھر آپ نے ایک شخص کو دیکھا جو نیلی آنکھوں، بکھرے ہوئے گھنگھریالے بالوں والا تھا تو آپ صلی اللہ علیہ وآلہ وسلم نے دریافت کیا: اے جبرائیل یہ کون ہے؟ انہوں نے یہ بتایا ہے یہ (حضرت صالح علیہ السلام ) اونٹنی کے پاؤں کاٹنے والا شخص ہے۔ یہ روایت امام احمد نے نقل کی ہے۔ اس کی سند میں ایک راوی قابوس ہے‘ اور وہ ثقہ ہے‘ اور اس میں ضعف پایا جاتا ہے۔ اس روایت کے بقیہ رجال صحیح کے رجال ہیں۔

ابْنِ عَبَّاسٍ،

13132 - وَعَنْ عَائِشَةَ قَالَتْ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِأَصْحَابِهِ: " تَدْرُونَ أَزْنَى الزِّنَا عِنْدَ اللَّهِ؟ ". قَالُوا: اللَّهُ وَرَسُولُهُ أَعْلَمُ. قَالَ: " فَإِنَّ أَزْنَى الزِّنَا عِنْدَ اللَّهِ، اسْتِحْلَالُ عِرْضِ امْرِئٍ مُسْلِمٍ ". ثُمَّ قَرَأَ: {وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا} [الأحزاب: 58]». رَوَاهُ أَبُو يَعْلَى، وَرِجَالُهُ رِجَالُ الصَّحِيحِ.

سیدہ عائشہ صدیقہ رضی اللہ تعالیٰ عنہا بیان کرتی ہیں : نبی اکرم صلی اللہ علیہ وآلہ وسلم نے اپنے اصحاب سے فرمایا: ” کیا تم یہ جانتے ہو کہ اللہ تعالیٰ کے نزدیک سب سے بڑا زنا کیا ہے؟ لوگوں نے عرض کی : اللہ اور اس کا رسول زیادہ بہتر جانتے ہیں نبی اکرم صلی اللہ علیہ وآلہ وسلم نے فرمایا: اللہ تعالیٰ کے نزدیک سب سے بڑا زنا یہ ہے کہ کسی مسلمان شخص کی عزت کو حلال قرار دیا جائے پھر آپ نے یہ آیت تلاوت کی : ’’ جو لوگ مومن مردوں اور مومن خواتین کو ان کے کسی عمل کے بغیر اذیت پہنچاتے ہیں۔۔۔۔‘‘۔ یہ روایت امام ابو یعلیٰ نے نقل کی ہے‘ اور اس کے رجال صحیح کے رجال ہیں۔

عَائِشَةَ

13133 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ مِنْ أَزْنَى الزِّنَا اسْتِطَالَةَ الْمَرْءِ فِي عِرْضِ أَخِيهِ» ". رَوَاهُ الْبَزَّارُ بِإِسْنَادَيْنِ، وَرِجَالُ أَحَدِهِمَا رِجَالُ الصَّحِيحِ غَيْرَ مُحَمَّدِ بْنِ أَبِي نُعَيْمٍ وَهُوَ ثِقَةٌ وَفِيهِ ضَعْفٌ.

حضرت ابو ہریرہ رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ” سب سے بڑا زنا یہ ہے کہ آدمی اپنے بھائی کی عزت پر حملہ آور ہو‘‘۔ یہ روایت امام بزار نے دو اسناد کے ساتھ نقل کی ہے اور ان دونوں میں سے ایک کے رجال صحیح کے رجال ہیں‘ صرف محمد بن ابو نعیم کا معاملہ مختلف ہے‘ اور اس میں ضعف پایا جاتا ہے۔

أَبِي هُرَيْرَةَ،

13134 - وَعَنْ يُوسُفَ بْنِ عَبْدِ اللَّهِ بْنِ سَلَامٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ أَزْنَى الزِّنَا اسْتِطَالَةُ أَحَدِكُمْ فِي عِرْضِ أَخِيهِ الْمُسْلِمِ» ". رَوَاهُ الطَّبَرَانِيُّ فِي الْأَوْسَطِ عَنْ شَيْخِهِ مُحَمَّدِ بْنِ مُوسَى الْأَيْلِيِّ، عَنْ عَمْرِو بْنِ يَحْيَى الْأُبَلِّيِّ وَلَمْ أَعْرِفْهُمَا، وَبَقِيَّةُ رِجَالِهِ ثِقَاتٌ.

حضرت یوسف بن عبداللہ بن سلام رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ’’سب سے بڑا زنا یہ ہے کہ کوئی شخص اپنے مسلمان بھائی کی عزت پر حملہ آور ہو‘‘۔ یہ روایت امام طبرانی نے معجم اوسط میں اپنے استاد محمد بن موسیٰ ایلی کے حوالے سے عمر و بن یحییٰ ابلی سے نقل کی ہے اور میں ان دونوں سے واقف نہیں ہوں‘ اس روایت کے بقیہ رجال ثقہ ہیں۔

يُوسُفَ بْنَ عَبْدِ اللهِ بْنِ سَلامٍ

13135 - وَعَنْ أَبِي بَكْرَةَ قَالَ: «بَيْنَا أَنَا أُمَاشِي رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَهُوَ آخِذٌ بِيَدِي، وَبِرَجُلٍ عَنْ يَسَارِهِ، فَإِذَا نَحْنُ بِقَبْرَيْنِ أَمَامَنَا، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّهُمَا لَيُعَذَّبَانِ وَمَا يُعَذَّبَانِ فِي كَبِيرٍ، وَقَالَ: بَلَى كَانَ أَحَدُهُمَا لَا يَسْتَبْرِئُ مِنْ بَوْلِهِ، وَكَانَ الْآخَرُ يَمْشِي بِالنَّمِيمَةِ؛ فَأَيُّكُمْ يَأْتِينِي بِجَرِيدَةٍ؟ ". فَاسْتَبَقْنَا فَسَبَقْتُهُ، فَأَتَيْتُهُ بِجَرِيدَةٍ فَكَسَرَهَا نِصْفَيْنِ، فَأَلْقَى عَلَى ذَا الْقَبْرِ قِطْعَةً، وَعَلَى ذَا الْقَبْرِ قِطْعَةً، قَالَ: " إِنَّهُ يُهَوَّنُ عَلَيْهِمَا مَا كَانَتَا رَطْبَتَيْنِ، وَمَا يُعَذَّبَانِ إِلَّا فِي الْغِيبَةِ وَالْبَوْلِ». قُلْتُ: عِنْدَ ابْنِ مَاجَهْ بَعْضُهُ. رَوَاهُ أَحْمَدُ، وَرِجَالُهُ رِجَالُ الصَّحِيحِ غَيْرَ بَحْرِ بْنِ مَرَّارٍ وَهُوَ ثِقَةٌ.

حضرت ابو بکرہ رضی اللہ تعالیٰ عنہ بیان کرتے ہیں: ایک مرتبہ میں نبی اکرم صلی اللہ علیہ وآلہ وسلم کے ساتھ چلتا ہوا جا رہا تھا آپ نے میرا ہاتھ پکڑا ہوا تھا آپ کی بائیں طرف ایک اور شخص تھا ہمارے سامنے دو قبریں آئیں تو نبی اکرم صلی اللہ علیہ وآلہ وسلم ارشاد فرمایا: ’’ان دونوں کو عذاب ہورہا ہے اور ان دونوں کو (بظاہر) کسی بڑے گناہ کی وجہ سے عذاب نہیں ہو رہا (یعنی ایسابڑا گناہ جس سے بچنا مشکل ہو) تم میں سے کون شخص میرے پاس ایک شاخ لے کر آئے گا۔ راوی کہتے ہیں: ہم دونوں گئے اور میں اپنے ساتھی سے پہلے شاخ لے کے آ گیا نبی اکرم صلی اللہ علیہ وآلہ وسلم نے اسے دو حصوں میں تقسیم کیا اور ایک قبر پر ایک ٹکڑا رکھ دیا اور دوسری قبر پر دوسرا ڑکڑا رکھ دیا اور ارشاد فرمایا : جب تک یہ دونوں تر رہیں گی ان دونوں کے عذاب میں تخفیف رہے گی اور ان دونوں کو غیبت کرنے اور پیشاب(کے چھینٹوں سے) نہ بچنے کی وجہ سے عذاب ہو رہا ہے‘‘۔ (علامہ ہیثمی فرماتے ہیں:) میں یہ کہتا ہوں امام ابن ماجہ نے اس روایت کا کچھ حصہ نقل کیا ہے۔ یہ روایت امام احمد نے نقل کی ہے‘ اور اس کے رجال صحیح کے رجال ہیں‘ صرف بحر بن مرار کا معاملہ مختلف ہے‘ اور وہ ثقہ ہے۔

بَيْنَا ← أَبِي بَكْرَةَ

13136 - وَعَنْ أَنَسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - «مَرَّ بِرَجُلٍ يُعَذَّبُ فِي قَبْرِهِ فِي النَّمِيمَةِ». رَوَاهُ الطَّبَرَانِيُّ فِي الْأَوْسَطِ، وَفِيهِ خُلَيْدُ بْنُ دَعْلَجٍ وَهُوَ مَتْرُوكٌ.

حضرت انس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کا گزر ایک شخص (کی قبر) کے پاس سے ہوا جسے اس کی قبر میں چغلی کرنے کی وجہ سے عذاب دیا جا رہا تھا۔ یہ روایت امام طبرانی نے معجم اوسط میں نقل کی ہے اور اس کی سند میں ایک راوی خلید بن دعلج ہے‘ اور وہ متروک ہے۔

أَنَسٍ،

13137 - وَعَنْ يَعْلَى بْنِ سِيَابَةَ «أَنَّهُ عَهِدَ النَّبِيَّ - صَلَّى اللَّهُ عَلَيْهِ وَسَلَّمَ - وَأَتَى عَلَى قَبْرٍ يُعَذَّبُ صَاحِبُهُ فَقَالَ: " إِنَّ هَذَا كَانَ يَأْكُلُ لُحُومَ النَّاسِ ". ثُمَّ دَعَا بِجَرِيدَةٍ رَطْبَةٍ، فَوَضَعَهَا عَلَى قَبْرِهِ وَقَالَ: " لَعَلَّهُ أَنْ يُخَفَّفَ عَنْهُ مَا دَامَتْ رَطْبَةً» ". رَوَاهُ الطَّبَرَانِيُّ فِي الْأَوْسَطِ وَأَحْمَدُ فِي حَدِيثٍ طَوِيلٍ يَأْتِي فِي عَلَامَاتِ النُّبُوَّةِ، وَفِيهِ عَاصِمُ بْنُ بَهْدَلَةَ وَهُوَ ثِقَةٌ وَفِيهِ ضَعْفٌ، وَبَقِيَّةُ رِجَالِهِ ثِقَاتٌ.

حضرت یعلیٰ بن سیابہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے بارے میں انہیں یہ بات پتہ ہے کہ آپ قبر کے پاس تشریف لائے جس کے مردے کو عذاب ہو رہا تھا آپ نے ارشاد فرمایا: یہ شخص لوگوں کا گوشت کھایا کرتا تھا پھر آپ نے ایک تر شاخ منگوائی اور اسے اس کی قبر پر رکھ دیا اور ارشاد فرمایا: ہوسکتا ہے کہ جب تک میں شاخ تر رہے۔ اس وقت تک اس شخص کے (عذاب میں) تخفیف ہو۔ یہ روایت امام طبرانی نے معجم اوسط میں نقل کی ہے اور امام احمد نے ایک طویل حدیث کے ضمن میں نقل کی ہے جو آگے چل کر نبوت کی علامات سے متعلق باب میں آئے گی اس کی سند میں ایک راوی عاصم بن بہدلہ ہے‘ اور وہ ثقہ ہے‘ اور اس میں ضعف پایا جاتا ہے۔ اس روایت کے بقیہ رجال ثقہ ہیں۔

يَعْلَى بْنُ سِيَابَةَ

13138 - وَعَنْ أَسْمَاءَ بِنْتِ يَزِيدَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «أَلَا أُخْبِرُكُمْ بِخِيَارِكُمْ؟ ". قَالُوا: بَلَى يَا رَسُولَ اللَّهِ، قَالَ: " الَّذِينَ إِذَا رُؤُوا ذُكِرَ اللَّهُ عَزَّ وَجَلَّ ". ثُمَّ قَالَ: " أَلَا أُخْبِرُكُمْ بِشِرَارِكُمْ؟ الْمَشَّاؤُونَ بِالنَّمِيمَةِ، الْمُفْسِدُونَ بَيْنَ الْأَحِبَّةِ، الْبَاغُونَ لِلْبُرَآءِ الْعَنَتَ» ". رَوَاهُ أَحْمَدُ، وَفِيهِ شَهْرُ بْنُ حَوْشَبٍ وَقَدْ وَثَّقَهُ غَيْرُ وَاحِدٍ، وَبَقِيَّةُ رِجَالِ أَحَدِ أَسَانِيدِهِ رِجَالُ الصَّحِيحِ.

سیدہ اسماء بنت یزید رضی اللہ تعالیٰ عنہا بیان کرتی ہیں: نبی اکرم صلی اللہ علیہ وآلہ وسلم نے ارشاد فرمایا: ’’کیا میں تمہیں تمہارے سب سے بہتر لوگوں کے بارے میں نہ بتاؤں؟ لوگوں نے عرض کی : جی ہاں یا رسول اللہ ! نبی اکرم صلی اللہ علیہ وآلہ وسلم نے ارشاد فرمایا: یہ کہ جب وہ دکھائی دیں تو اللہ کی یاد آ جائے پھر آپ نے ارشاد فرمایا: کیا میں تمہیں تمہارے سب سے برے لوگوں کے بارے میں نہ بتاؤں؟ وہ چغلی کرنے والے اور دوستوں کے درمیان فساد پیدا کرنے والے اور شریف لوگوں کے بارے میں سرکشی تلاش کرنے والے لوگ ہیں‘‘۔ یہ روایت امام احمد نے نقل کی ہے‘ اس کی سند میں ایک راوی شہر بن حوشب ہے‘ جسے ایک سے زیادہ افراد نے ثقہ قرار دیا ہے۔ اس کی اسانید میں سے ایک کے بقیہ رجال صحیح کے رجال ہیں۔

أَسْمَاءَ بِنْتِ يَزِيدَ

13139 - وَعَنْ عَبْدِ الرَّحْمَنِ بْنِ غَنْمٍ، يَبْلُغُ بِهِ النَّبِيَّ - صَلَّى اللَّهُ عَلَيْهِ وَسَلَّمَ -: " «خِيَارُ عِبَادِ اللَّهِ الَّذِينَ إِذَا رُؤُوا ذُكِرَ اللَّهُ، وَشِرَارُ عِبَادِ اللَّهِ الْمَشَّاؤُونَ بِالنَّمِيمَةِ، الْمُفَرِّقُونَ بَيْنَ الْأَحِبَّةِ، الْبَاغُونَ لِلْبُرَآءِ الْعَنَتَ» ". رَوَاهُ أَحْمَدُ، وَفِيهِ شَهْرُ بْنُ حَوْشَبٍ، وَبَقِيَّةُ رِجَالِهِ رِجَالُ الصَّحِيحِ.

حضرت عبدالرحمٰن بن غنم رضی اللہ تعالیٰ عنہ بیان کرتے ہیں: ان تک نبی اکرم صلی اللہ علیہ وآلہ وسلم کے حوالے سے یہ حدیث پہنچی ہے (آپ صلی اللہ علیہ وآلہ وسلم نے ارشاد فرمایا ہے:) ’’اللہ کے بندوں میں سب سے بہتر وہ لوگ ہیں جب انہیں دیکھا جائے تو اللہ یاد آ جائے اور اللہ کے بندوں میں سب سے برے وہ لوگ ہیں جو چغلی کرتے ہیں دوستوں کے درمیان علیحدگی پیدا کرتے ہیں اور شریف لوگوں کے بارے میں سرکشی تلاش کرتے ہیں‘‘۔ یہ روایت امام احمد نے نقل کی ہے۔ اس کی سند میں ایک راوی شہر بن حوشب ہے۔ اس روایت کے بقیہ رجال صحیح کے رجال ہیں۔

13140 - وَعَنْ عُبَادَةَ بْنِ الصَّامِتِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «خِيَارُ أُمَّتِي الَّذِينَ إِذَا رُؤُوا ذُكِرَ اللَّهُ، وَإِنَّ شِرَارَ أُمَّتِي الْمَشَّاؤُونَ بِالنَّمِيمَةِ، الْمُفَرِّقُونَ بَيْنَ الْأَحِبَّةِ، الْبَاغُونَ لِلْبُرَآءِ الْعَنَتَ» ". رَوَاهُ الطَّبَرَانِيُّ، وَفِيهِ يَزِيدُ بْنُ رَبِيعَةَ وَهُوَ مَتْرُوكٌ.

حضرت عبادہ بن صامت رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ”میری امت کے بہترین لوگ وہ ہیں جو نظر آئیں تو اللہ تعالیٰ یاد آ جائے اور میری امت کے برے لوگ وہ ہیں جو چغلی کرتے ہیں دوستوں کے درمیان علیحدگی پیدا کرتے ہیں اور شریف لوگوں کے بارے میں سرکشی تلاش کرتے ہیں‘‘۔یہ روایت امام طبرانی نے نقل کی ہے۔ اس کی سند میں ایک راوی یزید بن ربیعہ ہے‘ اور وہ متروک ہے۔

عُبَادَةَ بْنِ الصَّامِتِ