Majma uz Zawaid Wa Manba ul Fawaid

13009 - عَنْ سَلَمَةَ بْنِ الْأَكْوَعِ قَالَ: كُنَّا إِذَا رَأَيْنَا الرَّجُلَ يَلْعَنُ أَخَاهُ، رَأَيْنَا أَنَّهُ قَدْ أَتَى بَابًا مِنَ الْكَبَائِرِ. رَوَاهُ الطَّبَرَانِيُّ فِي الْأَوْسَطِ وَالْكَبِيرِ بِنَحْوِهِ، وَإِسْنَادُ الْأَوْسَطِ جَيِّدٌ، وَفِي إِسْنَادِ الْكَبِيرِ ابْنُ لَهِيعَةَ، وَهُوَ لَيِّنٌ.

حضرت سلمہ بن اکوع رضی اللہ تعالیٰ عنہ بیان کرتے ہیں: جب بھی ہم کسی ایسے شخص کو دیکھتے تھے کہ جو اپنے بھائی پر لعنت کر رہا ہو تو ہم یہ سمجھتے تھے کہ اس نے ایک کبیرہ گناہ کا ارتکاب کیا ہے۔ یہ روایت امام طبرانی نے معجم اوسط میں نقل کی ہے اور معجم کبیر میں اس کی مانند نقل کی ہے‘ معجم اوسط کی سند عمدو ہے‘ اور معجم کبیر کی سند میں ایک راوی ابن لہیعہ ہے‘ اور وہ کمزور ہے۔

سَلَمَةَ بْنِ الْأَكْوَعِ

13010 - وَعَنْ عِمْرَانَ بْنِ حُصَيْنٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَعْنُ الْمُؤْمِنِ كَقَتْلِهِ» ". رَوَاهُ الْبَزَّارُ، وَفِيهِ إِسْحَاقُ بْنُ إِدْرِيسَ وَهُوَ مَتْرُوكٌ.

حضرت عمران بن حصین رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا : ’’مومن پر لعنت کرنا اسے قتل کرنے کی مانند ہے‘‘۔ یہ روایت امام بزار نے نقل کی ہے۔ اس کی سند میں ایک راوی اسحاق بن ادریس ہے‘ اور وہ متروک ہے۔

عِمْرَانَ بْنِ حُصَيْنٍ

13011 - وَعَنْ عَبْدِ اللَّهِ بْنِ عَمْرٍو - رَفَعَهُ - قَالَ: " «سِبَابُ الْمُسْلِمِ، كَالْمُشْرِفِ عَلَى الْهَلَكَةِ» ". رَوَاهُ الْبَزَّارُ، وَرِجَالُهُ ثِقَاتٌ.

حضرت عبداللہ بن عمرو رضی اللہ تعالیٰ عنہ مرفوع حدیث کے طور پر یہ بات نقل کرتے ہیں: (نبی اکرم صلی اللہ علیہ وآلہ وسلم نے ارشاد فرمایاہے:) ’’مسلمان کو برا کہنا ہلاکت کی طرف جھانکنے والے شخص کی مانند ہے‘‘۔یہ روایت امام بزار نے نقل کی ہے اور اس کے رجال ثقہ ہیں۔

«سِبَابُ الْمُسْلِمِ، كَالْمُشْرِفِ عَلَى الْهَلَكَةِ» رَوَاهُ الْبَزَّارُ، وَرِجَالُهُ ثِقَاتٌ. ← وَعَنْ عَبْدِ اللَّهِ بْنِ عَمْرٍو رَفَعَهُ

13012 - وَعَنْ عَمْرِو بْنِ النُّعْمَانِ بْنِ مُقَرِّنٍ قَالَ: «انْتَهَى النَّبِيُّ - صَلَّى اللَّهُ عَلَيْهِ وَسَلَّمَ - إِلَى مَجْلِسٍ مِنْ مَجَالِسِ الْأَنْصَارِ، وَرَجُلٌ مِنْهُمْ كَانَ يُعْرَفُ بِالْبَذَاءِ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " سِبَابُ الْمُسْلِمِ فُسُوقٌ، وَقِتَالُهُ كُفْرٌ» ". رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ، غَيْرَ أَبِي خَالِدٍ الْوَالِبِيِّ وَهُوَ ثِقَةٌ.

حضرت عمرو بن نعمان بن مقرن رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم انصار کی ایک محفل کے پاس تشریف لائے جن کے درمیان ایسا شخص موجود تھا جو بدزبانی کے حوالے سے معروف تھا تو نبی اکرم صلی اللہ علیہ وآلہ وسلم نے ارشاد فرمایا: مسلمان کو برا کہنا فسق ہے اور اس کے ساتھ جنگ کرنا (یا اسے قتل کرنا) کفر ہے‘‘۔ یہ روایت امام طبرانی نے نقل کی ہے اور اس کے رجال صحیح کے رجال ہیں‘ صرف ابو خالد والبی کا معاملہ مختلف ہے‘ اور وہ ثقہ ہے۔

«انْتَهَى النَّبِيُّ إِلَى مَجْلِسٍ مِنْ مَجَالِسِ الْأَنْصَارِ، وَرَجُلٌ مِنْهُمْ كَانَ يُعْرَفُ بِالْبَذَاءِ، ← عمرو بن النعمان بن مقرن

13013 - وَعَنْ عَبْدِ اللَّهِ بْنِ مُغَفَّلٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «سِبَابُ الْمُسْلِمِ فُسُوقٌ وَقِتَالُهُ كُفْرٌ» ". رَوَاهُ الطَّبَرَانِيُّ فِي الْأَوْسَطِ، وَفِيهِ كَثِيرُ بْنُ يَحْيَى وَهُوَ ضَعِيفٌ.

حضرت عبداللہ بن مغفل رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ”مسلمان کو برا کہنا فسق ہے اور اس کے ساتھ قتال کرنا (یا اسے قتل کرنا) کفر ہے‘‘۔ یہ روایت امام طبرانی نے معجم اوسط میں نقل کی ہے۔اس کی سند میں ایک راوی کثیر بن یحییٰ ہے‘ اور وہ ضعیف ہے۔

عَبْدِ اللهِ بْنِ مُغَفَّلٍ

13014 - وَعَنِ ابْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا مِنْ مُسْلِمَيْنِ إِلَّا وَبَيْنَهُمَا سِتْرٌ مِنَ اللَّهِ، فَإِذَا قَالَ أَحَدُهُمَا لِصَاحِبِهِ هَجْرًا، هَتْكَ سِتْرَهُ، وَإِذَا قَالَ: يَا كَافِرٌ، فَقَدْ كَفَرَ أَحَدُهُمَا» ". رَوَاهُ الطَّبَرَانِيُّ وَالْبَزَّارُ بِاخْتِصَارٍ، وَفِيهِ يَزِيدُ بْنُ أَبِي زِيَادٍ، وَحَدِيثُهُ حَسَنٌ وَفِيهِ خِلَافٌ، وَبَقِيَّةُ رِجَالِ الْبَزَّارِ ثِقَاتٌ.

حضرت عبداللہ بن مسعود رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’ہر دو مسلمانوں کے درمیان اللہ تعالیٰ کی طرف سے ایک پردہ ہوتا ہے جب ان میں سے کوئی ایک شخص دوسرے کو بری بات کہتا ہے تو وہ پردہ پھٹ جاتا ہے اور جب وہ یہ کہہ دے اے کافر! تو ان دونوں میں سے ایک کافر ہو جاتا ہے‘‘۔ یہ روایت امام طبرانی نے نقل کی ہے‘ اور امام بزار نے اختصار کے ساتھ نقل کی ہے۔ اس کی سند میں ایک راوی یزید بن ابو زیاد ہے جس کی نقل کردہ حدیث حسن ہے۔ اس راوی کے بارے میں اختلاف پایا جاتا ہے‘ امام بزار کے بقیہ رجال ثقہ ہیں۔

ابْنِ مَسْعُودٍ،

13015 - وَعَنْ أَبِي ذَرٍّ أَنَّهُ سَمِعَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «لَا يَرْمِي رَجُلٌ رَجُلًا بِالْفُسُوقِ، وَلَا يَرْمِيهِ بِالْكُفْرِ، إِلَّا ارْتَدَّتْ عَلَيْهِ، إِنْ لَمْ يَكُنْ صَاحِبُهُ كَذَلِكَ» ". رَوَاهُ أَحْمَدُ وَالْبَزَّارُ، وَرِجَالُهُ رِجَالُ الصَّحِيحِ.

حضرت ابو ذر غفاری رضی اللہ تعالیٰ عنہ بیان کرتے ہیں : انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا کوئی شخص کسی دوسرے شخص پر فاسق ہونے کا الزام نہ لگائے یا کفر کا الزام نہ لگائے اگر وہ ایسا کرتا ہے تو یہ چیز اس کی طرف لوٹ آتی ہے اگر دوسرا شخص اس طرح کا نہ ہو‘‘۔ یہ روایت امام احمد اور امام بزار نے نقل کی ہے اور اس کے رجال صحیح کے رجال ہیں۔

رَسُولِ اللَّهِ ← أَبِي ذَرٍّ أَنَّهُ

13016 - وَعَنْ عِمْرَانَ بْنِ حُصَيْنٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا قَالَ الرَّجُلُ لِأَخِيهِ: يَا كَافِرُ. فَهُوَ كَقَتْلِهِ» ". رَوَاهُ الْبَزَّارُ، وَرِجَالُهُ ثِقَاتٌ.

حضرت عمران بن حصین رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ” جب کوئی شخص اپنے بھائی سے یہ کہے:اے کافر ! تو یہ اسے قتل کرنے کی مانند ہے‘‘۔ یہ روایت امام بزار نے نقل کی ہے اور اس کے رجال ثقہ ہیں۔

عِمْرَانَ بْنِ حُصَيْنٍ

13017 - عَنْ قَيْسِ بْنِ سَعْدٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «إِنَّ أَرْبَى الرِّبَا أَنْ يَسْتَطِيلَ الرَّجُلُ فِي شَتْمِ أَخِيهِ، وَإِنَّ أَكْبَرَ الْكَبَائِرِ، أَنْ يَشْتُمَ الرَّجُلُ وَالِدَيْهِ ". قَالُوا: وَكَيْفَ يَشْتُمُهُمَا يَا رَسُولَ اللَّهِ؟ قَالَ: " يَشْتُمُ أَبَا الرَّجُلِ، فَيَشْتُمُهُمَا» ". رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ غَيْرَ طَاهِرِ بْنِ خَالِدِ بْنِ نِزَارٍ، وَهُوَ ثِقَةٌ وَفِيهِ لِينٌ.

حضرت قیس بن سعد رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ’’سب سے زیادہ برا کام یہ ہے کہ ایک شخص اپنے بھائی کو زیادہ برا بھلا کہے اور سب سے بڑا کبیرہ گناہ یہ ہے کہ آدمی اپنے ماں باپ کو برا بھلا کہے‘ لوگوں نے عرض کی : یا رسول اللہ ! وہ ان دونوں کو کیسے برا کہہ سکتا ہے۔ نبی اکرم صلی اللہ علیہ وآلہ وسلم نے ارشاد فرمایا: وہ دوسرے کے ماں باپ کو برا کہتا ہے تو دوسرا اس کے ماں باپ کو کہہ دیتا ہے‘‘۔ یہ روایت امام طبرانی نے نقل کی ہے اور اس کے رجال صحیح کے رجال ہیں‘ صرف طاہر بن خالد بن نزار کا معاملہ مختلف ہے‘ اور وہ ثقہ ہے اور اس میں کمزور ہونا پایا جاتا ہے۔

قَیْسِ بْنِ سَعْدٍ،

13018 - عَنْ سَمُرَةَ بْنِ جُنْدُبٍ قَالَ: «نَهَانَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَنْ نَسُبَّ وَقَالَ: " إِنْ كَانَ أَحَدُكُمْ سَابًّا صَاحِبَهُ لَا مَحَالَةَ، فَلَا يَفْتَرِ، وَلَا يَسُبَّ وَالِدَيْهِ، وَلَا يَسُبَّ قَوْمَهُ، وَلَكِنْ إِنْ كَانَ يَعْلَمُ ذَلِكَ فَلْيَقُلْ: إِنَّكَ بَخِيلٌ، أَوْ لِيَقُلْ: إِنَّكَ لَجَبَانٌ، أَوْ لِيَقُلْ: إِنَّكَ لَكَذُوبٌ، أَوْ لِيَقُلْ: إِنَّكَ لَئُومٌ» ". رَوَاهُ الطَّبَرَانِيُّ وَالْبَزَّارُ، وَإِسْنَادُ الْبَزَّارِ فِيهِ مَتْرُوكٌ، وَفِي إِسْنَادِ الطَّبَرَانِيِّ مَجَاهِيلُ.

حضرت سمرہ بن جندب رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ہمیں اس بات سے منع کیا ہے کہ ہم کسی کو(براکہیں) آپ نے ارشاد فرمایا ہے: ’’اگر کسی شخص نے لازمی طور پر اپنے ساتھی کو برا کہنا ہی ہو تو وہ اس پر کوئی جھوٹا الزام نہ لگائے اور اس کے ماں باپ کو برا نہ کہے۔ اس کی قوم کو برا نہ کہے بلکہ یہ ہے کہ اگر وہ جانتا ہے کہ (یہ خامی اس شخص میں پائی جاتی ہے) تو پھر وہ یہ کہہ دے کہ تم کنجوس ہو یا یہ کہہ دے کہ تم بزدل ہو یا یہ کہہ دے کہ تم جھوٹے ہو یا یہ کہہ دے کہ تم قابل مذمت ہو ‘‘۔ یہ روایت امام طبرانی نے اور امام بزار نے نقل کی ہے‘ امام بزار کی سند میں ایک متروک راوی ہے‘ اور امام طبرانی کی سند میں ایک مجہول راوی ہے۔

«نَهَانَا رَسُولُ اللَّهِ أَنْ نَسُبَّ ← سَمُرَةَ بْنِ جُنْدُبٍ

13019 - «عَنِ الْعَيْزَارِ بْنِ جَرْوَلٍ، عَنْ رَجُلٍ مِنْهُمْ يُكَنَّى أَبَا عُمَيْرٍ، أَنَّهُ كَانَ صَدِيقًا لِعَبْدِ اللَّهِ بْنِ مَسْعُودٍ، وَأَنَّ عَبْدَ اللَّهِ بْنَ مَسْعُودٍ زَارَهُ فِي أَهْلِهِ فَلَمْ يَجِدْهُ، قَالَ: فَاسْتَأْذَنَ عَلَى أَهْلِهِ وَسَلَّمَ، وَاسْتَسْقَى، فَبَعَثْتُ الْجَارِيَةَ تَجِيئُهُ بِشَرَابٍ مِنَ الْجِيرَانِ، فَأَبْطَأَتْ فَلَعَنَهَا، فَخَرَجَ عَبْدُ اللَّهِ، فَجَاءَ أَبُو عُمَيْرٍ فَقَالَ: يَا أَبَا عَبْدِ الرَّحْمَنِ، لَيْسَ مِثْلُكَ يُغَارُ عَلَيْهِ، هَلَّا سَلَّمْتَ عَلَى أَهْلِ أَخِيكَ، وَجَلَسْتَ وَأَصَبْتَ مِنَ الشَّرَابِ؟ قَالَ: قَدْ فَعَلْتُ، فَأَرْسَلْتُ الْجَارِيَةَ فَأَبْطَأَتْ، إِمَّا لَمْ يَكُنْ عِنْدَهُمْ شَرَابٌ، وَإِمَّا رَغِبُوا عَمَّا عِنْدَهُمْ، فَأَبْطَأَتِ الْخَادِمَةُ فَلَعَنْتَهَا، وَسَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " إِنَّ اللَّعْنَةَ إِذَا وُجِّهَتْ إِلَى مَنْ وُجِّهَتْ إِلَيْهِ، فَإِنْ أَصَابَتْ عَلَيْهِ سَبِيلًا، أَوْ وَجَدَتْ فِيهِ مَسْلَكًا، وَإِلَّا قَالَتْ: يَا رَبِّ، وُجِّهْتُ إِلَى فُلَانٍ، فَلَمْ أَجِدْ فِيهِ مَسْلَكًا، وَلَمْ أَجِدُ عَلَيْهِ سَبِيلًا. فَيُقَالُ لَهَا: ارْجِعِي مِنْ حَيْثُ جِئْتِ. فَخَشِيتُ أَنْ يَكُونَ الْخَادِمُ مَعْذُورَةً، فَتَرْجِعُ اللَّعْنَةُ فَأَكُونُ سَبَبَهَا» ". رَوَاهُ أَحْمَدُ، وَأَبُو عُمَيْرٍ لَمْ أَعْرِفْهُ، وَبَقِيَّةُ رِجَالِهِ ثِقَاتٌ، وَلَكِنَّ الظَّاهِرَ أَنَّ صَدِيقَ ابْنِ مَسْعُودٍ الَّذِي يَزُورُهُ هُوَ ثِقَةٌ، وَاللَّهُ أَعْلَمُ.

عیزار بن جرول اپنی قوم کے ایک فرد جن کی کنیت ابو عمیر تھی ان کے بارے میں یہ بات نقل کرتے ہیں : وہ حضرت عبداللہ بن مسعود رضی اللہ تعالیٰ عنہ کے دوست تھے ایک مرتبہ حضرت عبداللہ بن مسعود رضی اللہ تعالیٰ عنہ ان کے گھر ان سے ملنے کے لئے آئے تو انہوں نے ان کو گھر نہیں پایا راوی بیان کرتے ہیں : انہوں نے گھر والوں سے اندر آنے کی اجازت مانگی‘ سلام کیا‘ پینے کے لئے کچھ مانگا تو اس شخص کی اہلیہ نے ایک کنیز کو بھیجا جو پڑوسیوں کے پاس سے مشروب ان کے پاس لے کے آئی اس کو آنے میں تاخیر ہوئی تو حضرت عبداللہ رضی اللہ تعالیٰ عنہ نے ان کنیز پرلعنت کی پھر حضرت عبداللہ رضی اللہ تعالیٰ عنہ گھر سے باہر نکل آئے اسی دوران ابو عمیر آ گئے انہوں نے کہا: اے ابوعبدالرحمٰن آپ جیسے افراد پر غصہ نہیں کیا جا سکتا ہے آپ نے اپنے بھائی کی بیوی (یا گھر والوں کو) سلام کیوں نہیں کیا اور بیٹھ کر کچھ پیا کیوں نہیں تو انہوں نے فرمایا: میں نے ایسا ہی کیا تھا تو اس خاتون نے کنیز کو بھیجا اسے آنے میں تاخیر ہو گئی یا تو یہ ہے کہ پڑوسیوں کے پاس پینے کے لئے کچھ نہیں ہو گا یا پھر یہ ہے کہ وہ کسی وجہ سے دینا نہیں چاہتے ہوں گے جب خادمہ کو آنے میں تاخیر ہو گئی تو میں نے اس پر لعنت کر دی اور میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: ’’جب لعنت کسی طرف بھیجی جاتی ہے تو جس کی طرف وہ بھیجی گئی ہو اگر اس کو وہاں تک جانے کے لئے راستہ مل جائے (راوی کوشک ہے یہاں کچھ الفاظ مختلف ہیں لیکن مفہوم یہی ہے) تو ٹھیک ہےورنہ وہ یہ کہتی ہے اے میرے پروردگار مجھے فلاں کی طرف بھیجا گیا اور میں نے وہاں جانے کا راستہ نہیں پایا اور میں نے اس کی کوئی گزر گاہ نہیں پائی تو اس لعنت سے کہا جاتا ہے تو تم اس طرف واپس چلی جاؤ جہاں سے تم آئی ہو (حضرت عبداللہ رضی اللہ تعالیٰ عنہ نے فرمایا :) مجھے یہ اندیشہ ہوا کہ خادمہ معذور ہو گی اور لعنت واپس آ جائے گی اور میں اس کا ہدف بن جاؤں گا‘‘۔ یہ روایت امام احمد نے نقل کی ہے۔ ابو عمیر نامی راوی سے میں واقف نہیں ہوں ۔ اس روایت کے بقیہ رجال ثقہ ہیں لیکن بظاہر یہ لگتا ہے کہ حضرت عبداللہ بن مسعود رضی اللہ تعالیٰ عنہ کا وہ دوست جس سے وہ ملنے کے لئے آئے تھے وہ ثقہ ہی ہو گا‘ باقی اللہ بہتر جانتا ہے۔

الْعَيْزَارِ بْنِ جَرْوَلٍ؛

13020 - وَعَنْ أَبِي مُوسَى، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «إِنِ اسْتَطَعْتَ أَنْ لَا تَلْعَنَ شَيْئًا فَافْعَلْ، فَإِنَّ اللَّعْنَةَ إِذَا خَرَجَتْ مِنْ صَاحِبِهَا فَكَانَ الْمَلْعُونُ لَهَا أَهْلًا أَصَابَتْهُ، وَإِنْ لَمْ يَكُنْ لَهَا أَهْلًا فَكَانَ اللَّاعِنُ لَهَا أَهْلًا، رَجَعَتْ عَلَيْهِ، وَإِنْ لَمْ يَكُنْ لَهَا أَهْلًا أَصَابَتْ يَهُودِيًّا أَوْ نَصْرَانِيًّا أَوْ مَجُوسِيًّا، فَإِنِ اسْتَطَعْتَ أَنْ لَا تَلْعَنَ شَيْئًا أَبَدًا فَافْعَلْ» ". رَوَاهُ الطَّبَرَانِيُّ، وَفِيهِ عَلِيُّ بْنُ الْجَعْدِ وَثَّقَهُ ابْنُ حِبَّانَ وَقَالَ ابْنُ مَعِينٍ: يَضَعُ الْحَدِيثَ، وَكَذَّبَهُ غَيْرُهُ، وَفِيهِ مَنْ لَمْ أَعْرِفْهُ أَيْضًا.

حضرت ابو موسیٰ اشعری رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ”اگر تم سے ہو سکے کہ تم کسی پر لعنت نہ کرو تو تم ایسا کرو کیونکہ جب لعنت اپنے متعلقہ فرد سے نکلتی ہے تو اگر ملعون شخص اس کا اہل ہو تو وہ اس تک پہنچ جاتی ہے اور اگر وہ اس کا اہل نہ ہو تو پھر لعنت کرنے والا اس کا اہل ہو گا اور وہ اس کی طرف واپس آ جاتی ہے اور اگر وہ بھی اس کا اہل نہ ہو تو وہ کسی یہودی یا عیسائی یا مجوسی تک پہنچ جاتی ہے تو اگر تم سے ہو سکے تو تم بھی کسی چیز پر لعنت نہ کرنا‘‘۔ یہ روایت امام طبرانی نے نقل کی ہے۔ اس کی سند میں ایک راوی علی بن جعد ہے‘ جسے ابن حبان نے ثقہ قرار دیا یحییٰ بن معین کہتے ہیں: یہ حدیث ایجاد کرتا ہے ان کے علاوہ دیگر افراد نے اسے جھوٹا قرار دیا ہے اور اس روایت کی سند میں ایسا راوی بھی ہے جس سے میں واقف نہیں ہوں ۔

اَبِیْ مُوْسیٰ