Majma uz Zawaid Wa Manba ul Fawaid

12662 - وَعَنْهُ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «أَوْحَى اللَّهُ إِلَى إِبْرَاهِيمَ: يَا خَلِيلِي، حَسِّنْ خُلُقَكَ وَلَوْ مَعَ الْكُفَّارِ، تَدْخُلْ مَدْخَلَ الْأَبْرَارِ، وَإِنَّ كَلِمَتِي سَبَقَتْ لِمَنْ حَسُنَ خُلُقُهُ أَنْ أُظِلَّهُ تَحْتَ عَرْشِي، وَأَنْ أَسْقِيَهُ مِنْ حَظِيرَةِ قُدْسِي، وَأَنْ أُدْنِيَهُ مِنْ جِوَارِي» ". رَوَاهُ الطَّبَرَانِيُّ فِي الْأَوْسَطِ، وَفِيهِ مُؤَمِّلُ بْنُ عَبْدِ الرَّحْمَنِ الثَّقَفِيُّ، وَهُوَ ضَعِيفٌ.

ان کے حوالے سے یہ بات منقول ہے: نبی اکرم صلی اللہ علیہ وآلہ وسلم نے ارشاد فرمایا: ’’اللہ تعالیٰ نے حضرت ابراہیم علیہ السلام کی طرف یہ وحٰ کی : اے میرے خلیل ! تم اپنے اخلاق کو اچھے رکھو خواہ کافروں کے ساتھ ہی کیوں نہ ہو تم نیک لوگوں کی جگہ پر داخل ہو جاؤ گے اور میرا فرمان ان لوگوں کے لئے سبقت لے جا چکا ہے جن کے اخلاق اچھے ہوں کہ میں انہیں اپنے عرش کے ساتھ رکھوں گا اور میں انہیں اپنے حظیرۃ القدس سے پلاؤں گا اور انہیں اپنے پڑوس میں رکھوں گا‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی مؤمل بن عبدالرحمٰن ثقفی ہے‘ اور وہ ضعیف ہے۔

12663 - وَعَنْهُ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَا حَسَّنَ اللَّهُ خَلْقَ رَجُلٍ وَخُلُقَهُ فَيُطْعِمُهُ النَّارَ أَبَدًا» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ سد الْبَكْرِيُّ (*) وَهُوَ ضَعِيفٌ.

ان کے حوالے سے یہ بات منقول ہے۔ وہ بیان کرتے ہیں: میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: ’’جس بھی شخص کے اخلاق اور ظاہری خلقت کو اللہ تعالیٰ نے اچھا رکھا ہو‘ اللہ تعالیٰ اسے کبھی جہنم میں نہیں ڈالے گا‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی عبداللہ بن یزید بکری ہے‘ اور وہ ضعیف ہے۔

رَسُولِ اللَّهِ ← وعنه

12664 - وَعَنِ ابْنِ عَبَّاسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّمَا يَهْدِي أَحْسَنَ الْأَخْلَاقِ وَيَصْرِفُ سَيِّئَهَا هُوَ» ". رَوَاهُ الطَّبَرَانِيُّ.

حضرت عبداللہ بن عباس رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ’’اچھے اخلاق کی طرف رہنمائی کرنے والا اور برے اخلاق کو پھیرنے والا وہی (یعنی اللہ تعالیٰ) ہے‘‘۔ یہ روایت امام طبرانی نے نقل کی ہے۔

ابْنِ عَبَّاسٍ،

12665 - وَعَنْ أَبِي ثَعْلَبَةَ الْخُشَنِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ أَحَبَّكُمْ إِلَيَّ، وَأَقْرَبَكُمْ مِنِّي فِي الْآخِرَةِ مَحَاسِنُكُمْ أَخْلَاقًا، وَإِنَّ أَبْغَضَكُمْ إِلَيَّ، وَأَبْعَدَكُمْ عَنِّي فِي الْآخِرَةِ أَسَاوِئُكُمْ أَخْلَاقًا، الثَّرْثَارُونَ الْمُتَفَيْهِقُونَ الْمُتَشَدِّقُونَ» ". رَوَاهُ أَحْمَدُ وَالطَّبَرَانِيُّ وَرِجَالُ أَحْمَدَ رِجَالُ الصَّحِيحِ.

حضرت ابو ثعلبہ خشنی رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’آخرت میں میرے نزدیک تم میں سے سب سے زیادہ محبوب اور میرے سب سے زیادہ قریب وہ لوگ ہوں گے جن کے اخلاق زیادہ اچھے ہوں گے اور آخرت میں میرے نزدیک سب سے زیادہ نا پسندیدہ اور تم میں سے مجھ سے سب سے زیادہ دور وہ لوگ ہوں گے جن کے اخلاق برے ہوں گے وہ لوگ جو بکثرت کلام کرنے والے اور بنا سنوار کے منہ چبا چبا کے باتیں کرنے والے ہوں گے‘‘۔ یہ روایت امام احمد اور امام طبرانی نے نقل کی ہے اور امام احمد کے رجال صحیح کے رجال ہیں۔

أَبِي ثَعْلَبَةَ الْخُشَنِيِّ،

12666 - وَعَنْ عَبْدِ اللَّهِ بْنِ عَمْرٍ [وَ] أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ: " «أَلَا أُخْبِرُكُمْ بِأَحَبِّكُمْ إِلَيَّ وَأَقْرَبِكُمْ مِنِّي مَجْلِسًا يَوْمَ الْقِيَامَةِ؟ ". فَأَعَادَهَا ثَلَاثًا أَوْ مَرَّتَيْنِ. قَالُوا: نَعَمْ يَا رَسُولَ اللَّهِ. قَالَ: " أَحْسَنُكُمْ خُلُقًا» ". قُلْتُ: لَهُ فِي الصَّحِيحِ: " إِنَّ مِنْ أَحَبِّكُمْ إِلَيَّ أَحْسَنُكُمْ خُلُقًا ". فَقَطْ. رَوَاهُ أَحْمَدُ بِإِسْنَادٍ جَيِّدٌ.

حضرت عبداللہ بن عمرو رضی اللہ تعالیٰ عنہ بیان کرتے ہیں : انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے : ” کیا میں تمہیں ان لوگوں کے بارے میں نہ بتاؤں جو قیامت کے دن میرے نزدیک سب سے زیادہ محبوب ہوں گے اور تم میں سے بیٹھنے کے اعتبار سے میرے سب سے زیادہ قریب ہوں گے؟ یہ بات نبی اکرم صلی اللہ علیہ وآلہ وسلم نے تین یا شاید دو مرتبہ دہرائی‘ لوگوں نے عرض کی : جی ہاں یا رسول اللہ! نبی اکرم صلی اللہ علیہ وآلہ وسلم نے فرمایا: جن کے اخلاق زیادہ اچھے ہوں گے‘‘۔ (علامہ ہیثمی فرماتے ہیں:) میں یہ کہتا ہوں ان صحابی کے حوالے سے ’’صحیح‘‘ میں صرف یہ الفاظ منقول ہیں: ’’میرے نزدیک تم میں سب سے زیادہ محبوب وہ ہوں گے جن کے اخلاق زیادہ اچھے ہوں گے‘‘۔ یہ روایت امام احمد نے عمدہ سند کے ساتھ نقل کی ہے۔

عَبْدِ اللهِ بْنِ عُمَرَ

12667 - وَعَنْ عَبْدِ اللَّهِ - يَعْنِي ابْنَ مَسْعُودٍ - رَفَعَهُ قَالَ: " «إِنَّ أَحَبَّكُمْ إِلَيَّ يَوْمَ الْقِيَامَةِ أَحَاسِنُكُمْ أَخْلَاقًا، وَإِنَّ أَبْغَضَكُمْ إِلَيَّ يَوْمَ الْقِيَامَةِ الْمُتَشَدِّقُونَ الْمُتَفَيْهِقُونَ ". قُلْتُ لِابْنِ بَهْدَلَةَ: مَا الْمُتَفَيْهِقُونَ؟ قَالَ: " الْمُتَكَبِّرُونَ» ". رَوَاهُ الطَّبَرَانِيُّ وَالْبَزَّارُ وَلَفْظُهُ: قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَلَا أُنَبِّئُكُمْ بِخِيَارِكُمْ؟ ". قَالُوا: بَلَى. قَالَ: " خِيَارُكُمْ أَحَاسِنُكُمْ أَخْلَاقًا ". أَحْسَبُهُ قَالَ: " الْمُوَطَّئُونَ أَكْنَافًا» ". وَفِي إِسْنَادِ الْبَزَّارِ صَدَقَةُ بْنُ مُوسَى وَهُوَ ضَعِيفٌ. وَفِي إِسْنَادِ الطَّبَرَانِيِّ عَبْدُ اللَّهِ الرَّمَادِيِّ، وَلَمْ أَعْرِفْهُ.

حضرت عبداللہ بن مسعود رضی اللہ تعالیٰ عنہ مرفوع حدیث کے طور پر یہ بات نقل کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ” قیامت کے دن تم میں سے میرے سب سے زیادہ محبوب وہ لوگ ہوں گے جو اخلاق کے اعتبار سے زیادہ بہتر ہوں گے‘ اور قیامت کے دن میرے نزدیک سب سے زیادہ ناپسندیدہ وہ لوگ ہوں گے جو چبا چبا کر بنا سنوار کے باتیں کریں گ‘ (یا تکبر کا اظہار کریں گے)‘‘۔ اس روایت کے ایک راوی بیان کرتے ہیں : میں نے اپنے استاد بن بہدلہ سے دریافت کیا: لفظ متفیہقون سے مراد کیا ہے؟ انہوں نے جواب دیا : تکبر کرنے والے لوگ ۔ یہ روایت امام طبرانی نے نقل کی ہے اور امام بزار نے نقل کی ہے اور ان کی روایت کے الفاظ یہ ہیں‘ راوی بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ” کیا میں تمہیں تمہارے بہترین لوگوں کے بارے میں نہ بتاؤں؟ لوگوں نے عرض کی : جی ہاں‘ نبی اکرم صلی اللہ علیہ وآلہ وسلم نے فرمایا: تمہارے بہترین لوگ وہ ہوں جن کے اخلاق زیادہ اچھے ہوں‘‘ (راوی بیان کرتے ہیں) میرا خیال روایت میں یہ الفاظ بھی ہیں کہ جن کے اطراف بچھے ہوئے ہوں (یعنی وہ نرمی اختیار کئے ہوں)‘‘۔ امام بزار کی سند میں ایک راوی صدقہ بن موسیٰ ہے اور وہ ضعیف ہے۔ امام طبرانی کی سند میں ایک راوی عبداللہ رمآدمی ہے اور میں اس سے واقف نہیں ہوں ۔

عَبْدِ اللَّهِ يَعْنِي ابْنَ مَسْعُودٍ رَفَعَهُ

12668 - وَعَنْ أَبِي هُرَيْرَةَ - رَضِيَ اللَّهُ عَنْهُ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ أَحَبَّكُمْ إِلَيَّ أَحَاسِنُكُمْ أَخْلَاقًا الْمُوَطَّئُونَ أَكْنَافًا، الَّذِينَ يَأْلَفُونَ وَيُؤْلَفُونَ. وَإِنَّ أَبْغَضَكُمْ إِلَيَّ الْمَشَّاؤُونَ بِالنَّمِيمَةِ، الْمُفَرِّقُونَ بَيْنَ الْأَحِبَّةِ، الْمُلْتَمِسُونَ لِلْبُرَآءِ الْعَيْبَ» ". رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ صَالِحُ بْنُ بَشِيرٍ الْمُرِّيُّ وَهُوَ ضَعِيفٌ.

حضرت ابو ہریرہ رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ” تم میں سے میرے زیادہ محبوب وہ لوگ ہوں گے جن کے اخلاق زیادہ اچھے ہوں گے اور جن کے اطراف بچے ہوئے ہوں گے جو الفت رکھتے ہوں گے اور ان سے الفت رکھی جاتی ہو گی اور تم میں سے میرے نزدیک سب سے زیادہ ناپسندیدہ وہ لوگ ہوں گے جو چغلی کرنے والے ہوں گے اور دوستوں کے درمیان جدائی ڈالنے والے ہوں گے اور لوگوں کے عیوب تلاش کرنے والے ہوں گے‘‘۔ یہ روایت امام طبرانی نے معجم صغیر اور معجم اوسط میں نقل کی ہے اور اس کی سند میں ایک راوی صالح بن بشیر مری ہے‘ اور وہ ضعیف ہے۔

أَبِي هُرَيْرَةَ،

12669 - وَعَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَكْمَلُ الْمُؤْمِنِينَ إِيمَانًا أَحَاسِنُهُمْ أَخْلَاقًا، الْمُوَطَّئُونَ أَكْنَافًا، الَّذِينَ يَأْلَفُونَ وَيُؤْلَفُونَ، وَلَيْسَ مِنَّا مَنْ لَا يَأْلَفُ وَلَا يُؤْلَفُ» ". رَوَاهُ الطَّبَرَانِيُّ فِي الْأَوْسَطِ وَالصَّغِيرِ بِنَحْوِهِ، وَفِيهِ يَعْقُوبُ بْنُ أَبِي عَبَّادٍ الْقَلْزَمِيُّ وَلَمْ أَعْرِفْهُ. __________ (*) 33 - جاء في "المجمع" (8/ 21): عبد الله بن (مسد) البكرى. قلت: هكذا جاء. ورسم والد عبد الله يقرب من سعد ثم ظهر لي من "مجمع البحرين" (2/ ق 262) أنه عبد الله بن يزيد. وانظر "المجمع" (5/ 268).

حضرت ابو سعید خدری رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’اہل ایمان میں سے سب سے زیادہ کامل ایمان والے وہ لوگ ہوں گے جن کے اخلاق زیادہ اچھے ہوں گے اور جن کے اطراف بچھے ہوئے ہوں گے جو (لوگوں کے ساتھ) الفت رکھتے ہوں گے اور ان سے الفت رکھی جاتی ہو گی اور وہ شخص ہم میں سے نہیں ہے (جو لوگوں کے ساتھ) الفت نہ رکھتا ہو اور اس کے ساتھ الفت نہ رکھی جاتی ہو‘‘۔ یہ روایت امام طبرانی نے معجم اوسط میں نقل کی ہے اور معجم صغیر میں اس کی مانند نقل کی ہے۔ اس کی سند میں ایک راوی یقوب بن عبادقلزمی ہے اور میں اس سے واقف نہیں ہوں ۔

أَبِي سَعِيدٍ الْخُدْرِيِّ،

12670 - وَعَنْ عَبْدِ اللَّهِ بْنِ عَمْرٍو قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «إِنَّ الْمُسْلِمَ الْمُسَدِّدَ لَيُدْرِكُ دَرَجَةَ الصَّوَّامِ الْقَوَّامِ بِآيَاتِ اللَّهِ بِحُسْنِ خُلُقِهِ، وَكَرَمِ ضَرِيبَتِهِ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ وَالْأَوْسَطِ، وَفِيهِ ابْنُ لَهِيعَةَ وَفِيهِ ضَعْفٌ، وَبَقِيَّةُ رِجَالِهِ رِجَالُ الصَّحِيحِ.

حضرت عبداللہ بن عمرو رضی اللہ تعالیٰ عنہ بیان کرتے ہیں : میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: ’’اچھے اخلاق والا مسلمان روزہ دار اورنوافل پڑھنے والے شخص کے درجہ تک پہنچ جاتا ہے یہ اس کے اچھے اخلاق کی وجہ سے اور نرم طبیعت کی وجہ سے ہوتاہے‘‘۔ یہ روایت امام احمد اور امام طبرانی نے معجم کبیر اور معجم اوسط میں نقل کی ہے اور اس کی سند میں ایک راوی ابن لہیعہ ہے‘ جس میں ضعف پایا جاتا ہے۔اس روایت کے بقیہ رجال صحیح کے رجال ہیں۔

رَسُولِ اللَّهِ ← عَبْدِ اللہِ بْنِ عَمْرٍو

12671 - وَعَنْ رَافِعِ بْنِ مَكِيثٍ - وَكَانَ شَهِدَ الْحُدَيْبِيَةَ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «حُسْنُ الْخُلُقِ نَمَاءٌ، وَسُوءُ الْخُلُقِ شُؤْمٌ، وَالْبِرُّ زِيَادَةٌ فِي الْعُمْرِ، وَالصَّدَقَةُ تَمْنَعُ مِيتَةَ السُّوءِ» ". قُلْتُ: رَوَى لَهُ أَبُو دَاوُدَ: " سُوءُ الْخُلُقِ شُؤْمٌ ". فَقَطْ. رَوَاهُ أَحْمَدُ مِنْ طَرِيقِ بَعْضِ بَنِي رَافِعٍ وَلَمْ يُسَمِّهِ، وَبَقِيَّةُ رِجَالِهِ ثِقَاتٌ.

حضرت رافع بن مکیث رضی اللہ تعالیٰ عنہ جنہیں غزوہ حدیبیہ میں شرکت کا شرف حاصل ہے۔ وہ بیان کرتے ہیں نبی اکرم صلی اللہ علیہ وآلہ وسلم نے ارشاد فرمایا: ’’اچھے اخلاق نمونے کا باعث ہیں اور برے اخلاق نحوست ہیں‘ نیکی عمر میں اضافہ کرتی ہے اور صدقہ بری موت کو روک دیتا ہے‘‘۔ (علامہ ہیثمی فرماتے ہیں:) میں یہ کہتا ہوں امام ابو داؤد نے ان صحابی کے حوالے سے صرف یہ الفاظ نقل کئے ہیں : ’’برے اخلاق نحوست ہیں‘‘۔ یہ روایت امام احمد نے حضرت رافع رضی اللہ تعالیٰ عنہ کی اولاد میں سے کسی کے حوالے سے نقل کی ہے۔ انہوں نے ان صاحب کا نام بیان نہیں کیا اس روایت کے بقیہ رجال ثقہ ہیں۔

رافع بن مكيث وكان شهد الحديبية

12672 - وَعَنْ أَنَسٍ قَالَ: «لَقِيَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَبَا ذَرٍّ فَقَالَ: " يَا أَبَا ذَرٍّ، أَلَا أَدُلُّكَ عَلَى خَصْلَتَيْنِ هُمَا أَخَفُّ عَلَى الظَّهْرِ، وَأَثْقَلُ فِي الْمِيزَانِ مِنْ غَيْرِهِمَا؟ " قَالَ: بَلَى يَا رَسُولَ اللَّهِ. قَالَ: " عَلَيْكَ بِحُسْنِ الْخُلُقِ، وَطُولِ الصَّمْتِ، فَوَالَّذِي نَفْسِي بِيَدِهِ، مَا تَجَمَّلَ الْخَلَائِقُ بِمِثْلِهِمَا» ". رَوَاهُ أَبُو يَعْلَى وَالطَّبَرَانِيُّ فِي الْأَوْسَطِ، وَرِجَالُ أَبِي يَعْلَى ثِقَاتٌ.

حضرت انس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کی ملاقات حضرت ابو ذر غفاری رضی اللہ تعالیٰ عنہ سے ہوئی‘ آپ نے ارشاد فرمایا: اے ابو ذر! کیا میں تمہاری رہنمائی دو خصلتوں کی طرف نہ کروں جو کرنے کے اعتبار سے ہلکی ہیں اور میزان میں ان کے علاوہ باقی چیزوں سے زیادہ بھاری ہوں گی ۔ انہوں نے عرض کی : جی ہاں یا رسول اللہ! نبی اکرم صلی اللہ علیہ وآلہ وسلم نے فرمایا: تم پر اچھے اخلاق اختیار کرنا اور زیادہ تر خاموش رہنا لازم ہے۔ اس ذات کی قسم! جس کے دست قدرت میں میری جان ہے مخلوق نے ان جیسی چیزوں سے آراستگی اختیارنہیں کی ہو گی ۔ یہ روایت امام ابو یعلیٰٰ نے نقل کی ہے اور امام طبرانی نے معجم اوسط میں نقل کی ہے امام ابو یعلیٰ کے رجال ثقہ ہیں۔

أَنَسٍ،

12673 - وَعَنْهُ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا، وَإِنَّ حُسْنَ الْخُلُقِ لَيَبْلُغُ دَرَجَةَ الصَّوْمِ وَالصَّلَاةِ» ". رَوَاهُ أَبُو يَعْلَى، وَفِيهِ زَكَرِيَّا بْنُ يَحْيَى أَبُو مَالِكٍ الطَّائِيُّ، وَلَمْ أَعْرِفْهُ وَبَقِيَّةُ رِجَالِهِ ثِقَاتٌ.

ان کے حوالے سے یہ بات منقول ہے۔ وہ بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’اہل ایمان میں سب سے زیادہ کامل ایمان والے وہ لوگ ہیں جن کے اخلاق زیادہ اچھے ہوں اور اچھے اخلاق کے ذریعے آدمی نماز اور روزے کے درجہ تک پہنچا جاتا ہے‘‘۔ یہ روایت امام ابو یعلیٰ نے نقل کی ہے۔ اس کی سند میں ایک راوی زکریا بن یحییٰ ابو مالک طائی ہے اور میں اس سے واقف نہیں ہوں ۔اس روایت کے بقیہ رجال ثقہ ہیں۔

وعنه