Majma uz Zawaid Wa Manba ul Fawaid

10163 - وَعَنْ كَعْبِ بْنِ مَالِكٍ قَالَ: «لَمَّا رَجَعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مِنْ طَلَبِ الْأَحْزَابِ فَنَزَلَ الْمَدِينَةَ، وَضَعَ لَأْمَتَهُ وَاغْتَسَلَ وَاسْتَجْمَرَ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ.

حضرت کعب بن مالک رضی اللہ عنہ بیان کرتے ہیں :جب نبی اکرم صلی اللہ علیہ و آلہ وسلم لشکروں کا پیچھا کر کے واپس تشریف لائے اور مدینہ منورہ آئے تو آپ صلی اللہ علیہ و آلہ وسلم نے اپنے ہتھیار اتارے غسل کیا اور ڈھیلے استعمال کیے ۔یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں ۔

كَعْبِ بْنِ مَالِكٍ،

10164 - وَعَنْ كَعْبِ بْنِ مَالِكٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - لَمَّا رَجَعَ مِنْ طَلَبِ الْأَحْزَابِ، رَجَعَ فَنَزَعَ لَأْمَتَهُ وَاغْتَسَلَ وَاسْتَجْمَرَ. زَادَ دُحَيْمٌ فِي حَدِيثِهِ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " فَنَزَلَ جِبْرِيلُ - عَلَيْهِ السَّلَامُ - فَقَالَ: عَذِيرُكَ مِنْ مُحَارِبٍ، أَلَا أَرَاكَ قَدْ وَضَعْتَ اللَّأْمَةَ وَمَا وَضَعْنَاهَا بَعْدُ ". فَوَثَبَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَزِعًا، فَعَزَمَ عَلَى النَّاسِ أَلَّا يُصَلُّوا الْعَصْرَ إِلَّا فِي بَنِي قُرَيْظَةَ، فَلَبِسُوا السِّلَاحَ وَخَرَجُوا فَلَمْ يَأْتُوا بَنِي قُرَيْظَةَ حَتَّى غَرَبَتِ الشَّمْسُ. وَاخْتَصَمَ النَّاسُ فِي صَلَاةِ الْعَصْرِ، فَقَالَ بَعْضُهُمْ: صَلُّوا فَإِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - لَمْ يُرِدْ أَنْ تَتْرُكُوا الصَّلَاةَ، وَقَالَ بَعْضُهُمْ: عَزَمَ عَلَيْنَا أَنْ لَا نُصَلِّيَ حَتَّى نَأْتِيَ بَنِي قُرَيْظَةَ، وَإِنَّمَا نَحْنُ فِي عَزِيمَةِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَلَيْسَ عَلَيْنَا إِثْمٌ. فَصَلَّتْ طَائِفَةٌ الْعَصْرَ إِيمَانًا وَاحْتِسَابًا، وَطَائِفَةٌ لَمْ يُصَلُّوا حَتَّى نَزَلُوا بَنِي قُرَيْظَةَ بَعْدَ مَا غَرَبَتِ الشَّمْسُ فَصَلَّوْهَا إِيمَانًا وَاحْتِسَابًا، فَلَمْ يُعَنِّفْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَاحِدَةً مِنَ الطَّائِفَتَيْنِ». رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ غَيْرَ مَرْزُوقِ بْنِ أَبِي الْهُذَيْلِ وَهُوَ ثِقَةٌ.

حضرت کعب بن مالک رضی اللہ عنہ بیان کرتے ہیں :نبی اکرم صلی اللہ علیہ و آلہ وسلم لشکروں کا پیچھا کرکے جب واپس تشریف لائے ،تو آپ صلی اللہ علیہ و آلہ وسلم نے اپنے ہتھیار اتارے غسل کیا اور ڈھیلے استعمال کیے ۔دحیم نامی راوی نے اپنی روایت میں یہ الفاظ زائد نقل کیے ہیں :نبی اکرم صلی اللہ علیہ و آلہ وسلم نے ارشاد فرمایا :جبرائیل نازل ہوا اور بولا :جنگجو کی طرف سے آپ کا عذر ،میں آپ کو دیکھ رہا ہوں کہ آپ نے ہتھیار اتارد دیے ہیں ،حالانکہ ہم (فرشتوں )نے وہ نہیں اتارے ہیں ،تو نبی اکرم صلی اللہ علیہ و آلہ وسلم پریشانی کے عالم میں فوراً کھڑے ہوئے ،آپ نے لوگوں کو ہدایت کی کہ وہ عصر کی نماز بنو قریظہ کے علاقے میں ادا کریں لوگوں نے ہتھیار پہنے اور روانہ ہو گئے ،ان کے بنو قریظہ پہنچنے سے پہلے سورج غروب ہونے کے قریب ہو گیا ،تو عصر کی نماز بارے میں لوگوں کے درمیان اختلاف ہو گیا بعض حضرات کا یہ کہنا تھا کہ تم لوگ نماز ادا کرلو ،کیونکہ نبی اکرم صلی اللہ علیہ و آلہ وسلم کی مراد یہ نہیں تھی کہ تم لوگ نماز ترک کردو،بعض حضرات کا یہ کہنا تھا کہ نبی اکرم صلی اللہ علیہ و آلہ وسلم نے ہمیں یہ تاکید کی تھی کہ ہم نماز اس وقت ادا کریں ،جب ہم بنو قریظہ کے علاقہ میں پہنچ جائیں ،تو ہم اللہ کے رسول صلی اللہ علیہ و آلہ وسلم کے حکم کے پابند ہیں ،اس حوالے سے ہم پر کوئی گناہ نہیں ہوگا،تو ایک گروہ نے ایمان کی حالت میں ثواب کی امید رکھتے ہوئے عصر کی نماز ادا کرلی اور ایک گروہ نے نماز اس وقت تک ادا نہیں کی جب ،تک وہ بنو قریظہ کے علاقے میں نہیں پہنچ گئے،اور وہ سورج غروب ہونے کے بعد وہاں پہنچے تھے،وہاں پہنچ کر انہوں نے ایمان کی حالت میں ثوا ب کی نیت سے ،وہ نماز ادا کی ،تو نبی اکرم صلی اللہ علیہ و آلہ وسلم نے دونوں گروہوں میں سے کسی پر بھی ناراضگی کا اظہار نہیں کیا ۔یہ روایت امام طبرانی نے نقل کی ہے اور اس کے رجال صحیح کے رجال ہیں ،صرف مرزوق بن ابو ہذیل کا معاملہ مختلف ہے اور وہ ثقہ ہے ۔

كَعْبِ بْنِ مَالِكٍ،

10165 - وَعَنْ عَائِشَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - سَمِعَ صَوْتَ رَجُلٍ فَوَثَبَ وَثْبَةً شَدِيدَةً، وَخَرَجَ إِلَيْهِ، فَاتَّبَعْتُهُ فَإِذَا هُوَ مُتَّكِئٌ مُعْتَمٌّ مُرْخٍ عِمَامَتَهُ بَيْنَ كَتِفَيْهِ، فَلَمَّا دَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قُلْتُ: وَثَبْتَ وَثْبَةً وَخَرَجْتَ فَإِذَا هُوَ دِحْيَةُ الْكَلْبِيُّ، قَالَ: " وَرَأَيْتِهِ؟ "، قُلْتُ: نَعَمْ قَالَ: " ذَاكَ جِبْرِيلُ - عَلَيْهِ السَّلَامُ - أَمَرَنِي أَنْ أَخْرُجَ إِلَى بَنِي قُرَيْظَةَ». قُلْتُ: هُوَ فِي الصَّحِيحِ بِاخْتِصَارٍ. رَوَاهُ الطَّبَرَانِيُّ فِي الْأَوْسَطِ عَنْ شَيْخِهِ مِقْدَامِ بْنِ دَاوُدَ وَهُوَ ضَعِيفٌ.

سید ہ عائشہ صدیقہ رضی اللہ عنہ بیان کرتی ہیں :نبی اکرم صلی اللہ علیہ و آلہ وسلم نے ایک شخص کی آواز سنی ،تو آپ جلدی سے اٹھے اور نکل کر اس کی طرف گئے میں آپ کے پیچھے گئی ،تو وہ ایک ایسا شخص تھا ،جس نے ٹیک لگائی ہوئی تھی ،عمامہ باندھا ہوا تھا ،اور عمامہ کا شملہ کندھوں کے درمیان پیچھے لٹکا یا ہوا تھا ،جب نبی اکرم صلی اللہ علیہ و آلہ وسلم گھر تشریف لائے ،تو میں نے عرض کی :آپ جلدی سے اٹھ کر چلے گئے تھے ،جب کہ وہ دحیہ کلبی تھے ،نبی اکرم صلی اللہ علیہ و آلہ وسلم نے دریافت کیا :کیا تم نے اس کو دیکھا تھا ؟میں نے عرض کی :جی ہاں !نبی اکرم صلی اللہ علیہ و آلہ وسلم نے فرمایا:وہ جبرائیل علیہ اسلام تھے اور انہوں نے مجھے یہ کہا کہ میں بنو قریضہ کی طرف نکلوں ۔(علامہ ہیثمی فرماتے ہیں )میں یہ کہتا ہوں :یہ روایت "صحیح "میں اختصار کے ساتھ منقول ہے ۔یہ روایت امام طبرانی نے معجم اوسط میں اپنے استاد مقدام بن داؤد کے حوالے سے نقل کی ہے اور وہ ضعیف ہے ۔

عَائِشَةَ

10166 - وَعَنْ أَبِي رَافِعٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - غَدَا إِلَى بَنِي قُرَيْظَةَ عَلَى حِمَارٍ عَرِيٍّ يُقَالُ لَهُ: يَعْفُورُ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ.

حضرت ابو رافع رضی اللہ عنہ بیان کرتے ہیں :نبی اکرم صلی اللہ علیہ و آلہ وسلم بنو قریظہ کی طرف ایک دراز گوش (یعنی گدھے )پر سوار ہو کر گئے تھے ،جس کے اوپر کچھ (بچھا ہوا نہیں تھا )اس کا نام "یعفور "تھا۔یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں ۔

أَبِي رَافِعٍ

10167 - وَعَنِ ابْنِ عَبَّاسٍ قَالَ: «خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - حِينَ خَرَجَ إِلَى بَنِي قُرَيْظَةَ عَلَى حِمَارٍ، وَمَعَهُ جِبْرِيلُ - عَلَيْهِ السَّلَامُ - عَلَى بَغْلَةٍ بَيْضَاءَ عَلَيْهَا قَطِيفَةٌ مِنْ إِسْتَبْرَقٍ خَمْلُهَا اللُّؤْلُؤُ، فَقَالَ: يَا مُحَمَّدُ، أَمَا وَالَّذِي بَعَثَكَ بِالْحَقِّ، لَا أَنْزِلُ عَنْهَا حَتَّى تُفْتَحَ لَكَ، وَلَأَرُضْهَا كَمَا تُرَضُ الْبَيْضَةُ عَلَى الصَّفْوَانِ. فَقَالَ ابْنُ عَبَّاسٍ: فَلَمْ يَرْجِعْ حَتَّى فُتِحَتْ عَلَيْهِ». رَوَاهُ الطَّبَرَانِيُّ عَنْ شَيْخِهِ الْمِقْدَامِ بْنِ دَاوُدَ وَهُوَ ضَعِيفٌ.

حضرت عبداللہ بن عباس رضی اللہ عنہ بیان کرتے ہیں :نبی اکرم صلی اللہ علیہ و آلہ وسلم جب بنو قریضہ کی طرف روانہ ہوئے ،تو آپ صلی اللہ علیہ و آلہ وسلم ایک دراز گوش (یعنی گدھے )پر سوار ہو کر نکلے ،آپ صلی اللہ علیہ و آلہ وسلم کے ساتھ جبرائیل علیہ اسلام ایک سفید خچر پر سوار تھے اور ان کے نیچے استبرق کا بنا ہوا بچھونا تھا ،جس میں موتی لگے ہوئے تھے۔انہوں نے کہا :اے محمد صلی اللہ علیہ و آلہ وسلم !ا س ذات کی قسم ! جس نے آپ صلی اللہ علیہ و آلہ وسلم کو حق کے ہمراہ مبعوث کیا ہے ،میں وہاں سے اس وقت تک واپس نہیں جاؤں گا ،جب تک وہ آپ کے لئے فتح نہیں ہو جاتا ،اور میں انہیں اس طرح کچل دوں گا جس طرح انڈے کو پتھر پر پیس دیا جاتا ہے ۔حضرت عبداللہ بن عباس رضی اللہ عنہ بیان کرتے ہیں :تو وہ اس وقت تک واپس نہیں گئے ،جب تک وہ علاقہ فتح نہیں ہوگیا ۔یہ روایت امام طبرانی نے اپنے استاد مقدام بن داؤد کے حوالے سے نقل کی ہے اور وہ ضعیف ہے۔

ابْنِ عَبَّاسٍ،

10168 - وَعَنِ أَسْلَمَ الْأَنْصَارِيِّ قَالَ: «جَعَلَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى أَسْرَى قُرَيْظَةَ، فَكُنْتُ أَنْظُرُ إِلَى فَرْجِ الْغُلَامِ، فَإِنْ رَأَيْتُهُ قَدْ أَنْبَتَ ضَرَبْتُ عُنُقَهُ، وَإِنْ لَمْ أَرَهُ قَدْ أَنْبَتَ جَعَلْتُهُ فِي مَغَانِمِ الْمُسْلِمِينَ». رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ جَمَاعَةٌ لَمْ أَعْرِفْهُمْ.

حضرت اسلم انصاری رضی اللہ عنہ بیان کرتے ہیں کہ نبی اکرم صلی اللہ علیہ و آلہ وسلم نے مجھے قریظہ کے قیدیوں کا نگران مقرر کیا ،میں لڑکوں کی شرمگاہ کی طرف دیکھتا تھا ،جس کو میں دیکھتا تھا کہ اس کے زیر ناف بال اگ چکے ہیں ،تو میں اس کی گردن اڑا دیتا تھا ،اور اگر میں یہ دیکھتا تھا کہ ابھی نہیں اگے ہیں ،تو اسے مسلمانوں کے مال غنیمت میں شامل کر دیتا تھا۔یہ روایت امام طبرانی نے معجم صغیر اور معجم اوسط میں نقل کی ہے ،اس کی سند میں راویوں کی ایک جماعت ایسی ہے ،جن سے میں واقف نہیں ہوں۔

أَسْلَمَ الْأَنْصَارِيِّ

10169 - وَعَنْ عَائِشَةَ قَالَتْ: «كَانَ الزُّبَيْرُ رَجُلًا أَعْمَى فَقَالَ ثَابِتُ بْنُ قَيْسِ بْنِ شَمَّاسٍ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ -: إِنَّ الزُّبَيْرَ مَنَّ عَلِيَّ يَوْمَ بُعَاثٍ فَأَعْتَقَنِي، فَهَبْهُ لِي أَجْزِهِ، فَقَالَ: " هُوَ لَكَ ". فَقَالَ لِلزُّبَيْرِ: هَلْ تَعْرِفُنِي؟ قَالَ: نَعَمْ؛ أَنْتَ ثَابِتُ بْنُ قَيْسٍ قَالَ: إِنِّي أَمُنَّ عَلَيْكَ كَمَا مَنَنْتَ عَلِيَّ يَوْمَ بُعَاثٍ قَالَ: هَلْ تَنْفَعُنِي؟ أَيْنَ أَهْلِي؟ فَرَجَعَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: هَبْ لِي أَهْلَهُ قَالَ: فَوَهَبَ لَهُ أَهْلَهُ، فَأَتَاهُ فَأَخْبَرَهُ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَدْ رَدَّ لَهُ أَهْلَهُ قَالَ: يَا ابْنَ أَخِي، مَا يَنْفَعُنِي أَنْ نَعِيشَ أَجْسَادًا؟ أَيْنَ الْمَالُ؟ فَرَجَعَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ - صَلَّى اللَّهُ عَلَيْهِ وَسَلَّمَ -: هَبْ لِي مَالَهُ قَالَ: " وَلَكَ مَالُهُ ". قَالَ: فَرَجَعَ إِلَيْهِ، فَقَالَ: إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَدْ رَدَّ عَلَيْكَ مَالَكَ وَقَدْ أَرَادَ اللَّهُ تَعَالَى بِكَ خَيْرًا. قَالَ: يَا ابْنَ أَخِي، مَا فَعَلَ حُيَيُّ بْنُ أَخْطَبَ سَيِّدُ الْحَاضِرِ وَالْبَادِ؟ قَالَ: قَدْ قُتِلَ قَالَ: يَا ابْنَ أَخِي مَا فَعَلَ زَيْدُ بْنُ رُوطَا حَامِيَةُ الْيَهُودِ؟ قَالَ: قَدْ قُتِلَ، قَالَ: مَا فَعَلَ كَعْبُ بُنُ أَشْطَا الَّذِي بَطَلَ عَذَارَى الْحَيِّ تَنْغَمِزُ مِنْ حَشْيِهِ؟ قَالَ: قَدْ قُتِلَ قَالَ: مَا فَعَلَ الْمُحَمَّسَانِ؟ قَالَ: هُمَا كَأَمْسِ الذَّاهِبِ قَالَ: فَمَا بَيْنِي وَبَيْنَ لِقَاءِ الْأَحِبَّةِ إِلَّا كَإِفْرَاغِ الدَّلْوِ، أَسْأَلُكَ بِيَدِي عِنْدَكَ إِلَّا أَلْحَقْتَنِي بِالْقَوْمِ قَالَ: فَقَتَلَهُ». رَوَاهُ الطَّبَرَانِيُّ فِي الْأَوْسَطِ، وَفِيهِ مُوسَى بْنُ عُبَيْدَةَ وَهُوَ ضَعِيفٌ.

سیدہ عائشہ صدیقہ رضی اللہ عنہ بیان کرتی ہیں :زبیر نامی ایک نابینا شخص تھا ،ثابت بن قیس بن شماس نے نبی اکرم صلی اللہ علیہ و آلہ وسلم سے کہا :زبیر نے جنگ بعاث کے موقع پر مجھ پر ایک احسان کیاتھا اس نے مجھے آزاد کیا تھا ،تو آپ مجھے وہ ہبہ کردیں تاکہ میں اسے جزا دے دوں نبی اکرم صلی اللہ علیہ و آلہ وسلم نے فرمایا وہ تمھارا ہوا ،حضرت ثابت نے زبیر سے دریافت کیا :کیا تم نے مجھے پہچانا ؟اس نے جواب دیا جی ہاں ۔تم ثابت بن قیس ہو ،حضرت ثابت رضی اللہ عنہ نے کہا میں تم پر احسان کرنا چاہتا ہوں جس طرح تم نے جنگ بعارث کے موقع پر مجھ پر احسان کیا تھا اس نے کہا :اس نے کہا کیا تم مجھے فائدہ دینا چاہتے ہو؟میرے گھر والے کہاں ہیں؟حضرت ثابت رضی اللہ عنہ واپس نبی اکرم صلی اللہ علیہ و آلہ وسلم کے پاس گئے اور عرض کی :اس کے گھر والے بھی مجھے ہبہ کردیں :راوی کہتے ہیں نبی اکرم صلی اللہ علیہ و آلہ وسلم نے اس کے گھر والے انہیں ہبہ کردیئے ،وہ زبیر نامی شخص کے پاس آئے اور اسے بتایا کہ نبی اکرم صلی اللہ علیہ و آلہ وسلم نے اسے اس کے گھر والے واپس کردیے ہیں،زبیر نے کہا :اے میرے بھتیجے !ہمیں کیا فائدہ ہوگا کہ اگر ہمارے جسم زندہ رہیں ،مال کہاں جائے گا؟تو حضرت ثابت رضی اللہ عنہ دوبارہ نبی اکرم صلی اللہ علیہ و آلہ وسلم کے پاس گئے ،اور عرض کی ؛یا رسول اللہ صلی اللہ علیہ و آلہ وسلم اس کا مال بھی مجھے دے دیں ،نبی اکرم صلی اللہ علیہ و آلہ وسلم نے فرمایا اس کا مال بھی تمھارا ہوا ،پھر حضرت ثابت رضی اللہ عنہ زبیر نامی شخص کے پاس آئے اور بولے :اللہ کے رسول صلی اللہ علیہ و آلہ وسلم نے تمھارا مال تمہیں واپس کردیا ہے اللہ تعالیٰ نے تمھارے بارے میں بھلائی کا رادہ کیا ہے ،زبیر نے کہا :اے میرے بھتیجے! شہریوں اور دیہاتیوں کے سردار حیی بن اخطب کا کیا بنا ؟انہوں نےبتایا کہ وہ قتل ہو گیا ہے ،اس نے دریافت کیا :اے میرے بھتیجے ! زید بن رو طا کا کیا بنا ؟جو یہودیوں کا حامی تھا ،انہوں نے بتایا :وہ بھی قتل ہو گیا ہے ،اس نے دریافت کیا :کعب بن اشطا کا کیا بنا ؟انہوں نے بتایا وہ بھی قتل ہو گیا ہے اس نے دریافت کیا :مہسمان کا کیا بنا ؟وہ دونوں گزرے ہوئے کل کی مانند ہیں ،تو اس نے کہا :پھر میرے اور (میرے )دوستوں کے ساتھ ملاقات کے درمیان ،صرف اتنا فرق ہے جتنا ڈول ڈالنے کا ہوتا ہے ،میں تم سے یہ درخواست کرتا ہوں کہ تم مجھ پر یہ مہربانی کرو کہ مجھے ان لوگو ں کے ساتھ ملادو! تو حضرت ثابت رضی اللہ عنہ نے انہیں قتل کردیا ۔یہ روایت امام طبرانی نے معجم اوسط میں نقل کی ہے اور اس کی سند میں ایک راوی موسیٰ بن عبیدہ ہے اور وہ ضعیف ہے ۔

ثَابِتُ بْنُ قَيْسِ بْنِ شَمَّاسٍ لِرَسُولِ اللَّهِ ← كَانَ الزُّبَيْرُ رَجُلًا أَعْمَى، ← عَائِشَةَ

10170 - عَنِ ابْنِ شِهَابٍ قَالَ: اسْتُشْهِدَ يَوْمَ الْخَنْدَقِ مِنَ الْأَنْصَارِ: أَنَسُ بْنُ مُعَاذِ بْنِ أَوْسِ بْنِ عَبْدِ عَمْرٍو. وَمِنَ الْأَنْصَارِ ثُمَّ مِنْ بَنِي سَلَمَةَ: ثَعْلَبَةُ بْنُ عَنَمَةَ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ، وَقَدْ تَقَدَّمَ حَدِيثُ سَعْدِ بْنِ مُعَاذٍ وَالْقَرِينَانِ.

ابن شہاب بیان کرتے ہیں :غزوہ خندق کے موقع پر انصار میں سے حضرت انس بن معاذ بن انس بن اوس بن عبد عمرو رضی اللہ عنہ اور انصار کی شاخ بنو سلمہ سے تعلق رکھنے والے حضرت ثعلبہ بن عنمہ رضی اللہ عنہ نے جام شہادت نوش کیا ۔یہ روایت امام طبرانی نے نقل کی ہے اور اس کے رجال صحیح کے رجال ہیں۔اس سے پہلے حضرت سعد بن معاذ رضی اللہ عنہ کے حوالے سے یہ حدیث پہلے گزر چکی ہے ،جس میں دو افراد کے ایک ساتھ شہید ہونے کا ذکر ہے۔

ابْنِ شِهَابٍ،

10171 - عَنْ مُحَمَّدِ بْنِ إِسْحَاقَ قَالَ: كَانَتِ الْخَنْدَقُ فِي شَوَّالٍ سَنَةَ خَمْسٍ، وَفِيهَا مَاتَ سَعْدُ بْنُ مُعَاذٍ - رَضِيَ اللَّهُ عَنْهُ -. رَوَاهُ الطَّبَرَانِيُّ، وَرِجَالُهُ ثِقَاتٌ.

محمد بن اسحاق بیان کرتے ہیں :غزوہ خندق ،شوال کے مہینے میں ،پانچ ہجری میں ہوا تھا ،اس کے دوران حضرت سعد بن معاذ رضی اللہ عنہ کا انتقال ہوا (یعنی اس کے دواران وہ زخمی ہوئے اور وہ زخم ان کے انتقال کا سبب بنا )یہ روایت امام طبرانی نے نقل کی ہے اور اس کے رجال ثقہ ہیں۔

مُحَمَّدِ بْنِ إِسْحَاقَ

10172 - عَنْ سِنَانِ بْنِ وَبْرَةَ قَالَ: «كُنَّا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي غَزْوَةِ الْمُرَيْسِيعِ - غَزْوَةِ بَنِي الْمُصْطَلِقِ - فَكَانَ شِعَارُهُمْ: يَا مَنْصُورُ أَمِتْ أَمِتْ». رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَإِسْنَادُ الْكَبِيرِ حَسَنٌ.

حضرت سنان بن وبرہ رضی اللہ عنہ بیان کرتے ہیں :غزوہء مریسیع ،یعنی غزوہ ء بنو مصطلق کے موقع پر ،ہم لوگ نبی اکرم صلی اللہ علیہ و آلہ وسلم کے ساتھ تھے اور ان لوگوں کا شعاریہ تھا :اے منصور ! تم موت دے دو ،تم موت دے دو (یاتم مادو!)۔یہ روایت امام طبرانی نے معجم اوسط اور معجم کبیر میں نقل کی ہے ،معجم کبیر کی سند حسن ہے ۔

سِنَانِ بْنِ وَبْرَةَ

10173 - وَعَنْ مُحَمَّدِ بْنِ إِسْحَاقَ قَالَ: حَدَّثَنِي عَاصِمُ بْنُ عُمَرَ بْنِ قَتَادَةَ، وَعَبْدُ اللَّهِ بْنُ أَبِي بَكْرٍ، وَمُحَمَّدُ بْنُ يَحْيَى بْنِ حِبَّانَ، كُلٌّ قَدْ حَدَّثَنِي بِبَعْضِ حَدِيثِ بَنِي الْمُصْطَلِقِ، قَالَ: «بَلَغَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَنَّ بَنِي الْمُصْطَلِقِ يَجْمَعُونَ لَهُ، قَائِدُهُمُ الْحَارِثُ بْنُ أَبِي ضِرَارٍ أَبُو جُوَيْرِيَةَ بِنْتِ الْحَارِثِ زَوْجِ رَسُولِ اللَّهِ - صَلَّى اللَّهُ عَلَيْهِ وَسَلَّمَ -. فَلَمَّا سَمِعَ بِهِمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - خَرَجَ إِلَيْهِمْ حَتَّى لَقِيَهُمْ عَلَى مَاءٍ لَهُمْ، يُقَالُ لَهُ: الْمُرَيْسِيعِ مِنْ نَاحِيَةِ قَدِيدٍ إِلَى السَّاحِلِ، فَتَزَاحَفَ النَّاسُ وَاقْتَتَلُوا، فَهَزَمَ اللَّهُ بَنِي الْمُصْطَلِقِ، وَقَتَلَ الْحَارِثَ بْنَ أَبِي ضِرَارٍ أَبَا جُوَيْرِيَةَ، وَقَتَلَ مَنْ قَتَلَ مِنْهُمْ، وَنَفَّلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَبْنَاءَهُمْ وَنِسَاءَهُمْ. وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَصَابَ مِنْهُمْ سَبْيًا كَثِيرًا قَسَّمَهُ بَيْنَ الْمُسْلِمِينَ، وَكَانَ فِيمَا أَصَابَ يَوْمَئِذٍ مِنَ النِّسَاءِ جُوَيْرِيَةُ بِنْتُ أَبِي ضِرَارٍ سَيِّدَةُ قَوْمِهَا». رَوَاهُ الطَّبَرَانِيُّ، وَرِجَالُهُ ثِقَاتٌ.

محمد بن اسحاق بیان کرتے ہیں: عاصم بن عمر بن قتادہ اور عبداللہ بن ابوبکر اور محمد بن یحییٰ بن حیان، ان سب نے مجھے بنو مصطلق کے بارےمیں حدیث کا کچھ حصہ بیان کیا ہے وہ بیان کرتے ہیں: نبی اکرم ان کو یہ اطلاع ملی کہ بنو مصطلق کوان کا قائدحارث بن ابوضرار نبی اکرم صلی اللہ علیہ و آلہ وسلم کے خلاف اکٹھا کر رہا ہے یہ صاحب نبی اکرم صلی اللہ علیہ و آلہ وسلم کی زوجہ محترمہ سیدہ جویریہ بنت حارث رضی اللہ عنہ کے والد ہیں جب نبی اکرم صلی اللہ علیہ و آلہ وسلم کو اس بارے میں اطلاع ملی تو آپ صلی اللہ علیہ و آلہ وسلم نکل کر ان لوگوں کی طرف گئے یہاں تک کہ ان کے پانی جس کا نام "مریسیع" ہے وہاں آپ صلی اللہ علیہ و آلہ وسلم ان لوگوں تک پہنچ گئے یہ" قدید" کے ایک کنارے پرساحل کی طرف موجود جگہ ہے دونوںطرف سے لوگوں کا مقابلہ ہوا جنگ شروع ہوئی تو اللہ تعالی نے بنو مصطلق کو پسپا کردیا اور سیدہ جویریہ رضی اللہ عنہ کا والد حارث بن ابوضرارقتل ہو گیا ان میں سے کئی لوگ قتل ہو گئے اور ان کے بچوں اور عورتوں کونبی اکرم صلی اللہ علیہ و آلہ وسلم نے مال غنیمت میں شامل کرلیا نبی اکرم صلی اللہ علیہ و آلہ وسلم کو ان کے علاقے سے بہت سے قیدی ملے جنہیں آپ صلی اللہ علیہ و آلہ وسلم نےمسلمانوں کے درمیان تقسیم کردیا اس موقع پر جوخواتین قیدی ہوئی تھیں ان میں ایک سیدہ جویریہ بنت ابوضرار رضی اللہ عنہ تھیں جو اپنی قوم کی سردار تھیں"۔ یہ روایت امام طبرانی نے قتل کیا ہے اور اس کے رجال ثقہ ہیں۔

بِبَعْضِ حَدِيثِ بَنِي الْمُصْطَلِقِ، ← مُحَمَّدُ بْنُ يَحْيَى بْنِ حِبَّانَ، كُلٌّ قَدْ ← عَبْدُ اللہِ بْنُ اَبِیْ بَکْرِ ← عَاصِمِ بْنِ عُمَرَ بْنِ قَتَادَةَ ← مُحَمَّدِ بْنِ إِسْحَاقَ

10174 - وَعَنْ مُحَمَّدِ بْنِ إِسْحَاقَ قَالَ: «كَانَتْ غَزْوَةُ بَنِي الْمُصْطَلِقِ فِي شَعْبَانَ سَنَةِ سِتٍّ، وَخَرَجَ فِي تِلْكَ الْغَزْوَةِ بِعَائِشَةَ مَعَهُ، أَقْرَعَ بَيْنَ نِسَائِهِ فَخَرَجَ سَهْمُهَا، وَفِي تِلْكَ الْغَزْوَةِ قَالَ فِيهَا أَهْلُ الْإِفْكِ مَا قَالُوا، فَأَنْزَلَ اللَّهُ عَزَّ وَجَلَّ بَرَاءَتَهَا». رَوَاهُ الطَّبَرَانِيُّ، وَرِجَالُهُ ثِقَاتٌ.

محمد بن اسحاق بیان کرتے ہیں: غزوہ بنو مصطلق شعبان کے مہینے میں ،سن چھ ہجری میں ہوا تھا ،اور اس غزوہ میں نبی اکرم صلی اللہ علیہ و آلہ وسلم سیدہ عائشہ رضی اللہ عنہ کو ساتھ لے کر گئے تھے ،آپ نے اپنی ازواج کے درمیان قرعہ اندازی کی تو سیدہ عائشہ رضی اللہ عنہ کا نام نکلا تھا۔ یہی وہ غزوہ ہے جس کے دوران جھوٹا الزام عائد کرنے والوں نے الزام عائد کیا تھا، تو اللہ تعالی نے سیدہ عائشہ رضی اللہ عنہ کے براءت کے بارے میں حکم نازل کیا تھا۔یہ روایت امام طبرانی نے نقل کی ہے اور اس کے رجال ثقہ ہیں۔

فَأَنْزَلَ اللَّهُ عَزَّ وَجَلَّ بَرَاءَتَهَا». رَوَاهُ الطَّبَرَانِيُّ، وَرِجَالُهُ ثِقَاتٌ. ← فِيهَا أَهْلُ الْإِفْكِ مَا ← «كَانَتْ غَزْوَةُ بَنِي الْمُصْطَلِقِ ← مُحَمَّدِ بْنِ إِسْحَاقَ