Majma uz Zawaid Wa Manba ul Fawaid

10127 - وَعَنْ أَنَسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - «لَمَّا بَعَثَ حَرَامًا أَخَا أُمِّ سُلَيْمٍ فِي سَبْعِينَ رَجُلًا، قُتِلُوا يَوْمَ بِئْرِ مَعُونَةَ، وَكَانَ رَئِيسَ الْمُشْرِكِينَ يَوْمَئِذٍ عَامِرُ بْنُ الطُّفَيْلِ، وَكَانَ هُوَ أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: اخْتَرْ مِنِّي ثَلَاثَ خِصَالٍ: يَكُونُ لَكَ أَهْلُ السَّهْلِ، وَيَكُونُ لِي أَهْلُ الْوَبَرِ، أَوْ أَكُونُ خَلِيفَةً مِنْ بَعْدِكَ، أَوْ أَغْزُوكَ بِغَطَفَانَ أَلْفِ أَشْقَرَ وَأَلْفِ شَقْرَاءَ. قَالَ: فَطَعَنَ فِي بَيْتِ امْرَأَةٍ مِنْ بَنِي فُلَانٍ قَالَ: غُدَّةٌ كَغُدَّةِ الْبَعِيرِ، فِي بَيْتِ امْرَأَةٍ مِنْ بَنِي فُلَانٍ، ائْتُونِي بِفَرَسِي، فَأُتِيَ بِهِ فَرَكِبَهُ فَمَاتَ وَهُوَ عَلَى ظَهْرِهِ، فَانْطَلَقَ حَرَامٌ أَخُو أُمِّ سُلَيْمٍ وَرَجُلَانِ مَعَهُ: رَجُلٌ مِنْ بَنِي أُمَيَّةَ، وَرَجُلٌ أَعْرَجُ، فَقَالَ لَهُمْ: كُونُوا قَرِيبًا مِنِّي حَتَّى آتِيَهُمْ، فَإِنْ أَمَّنُونِي وَإِلَّا كُنْتُ قَرِيبًا مِنْكُمْ، فَإِنْ قَتَلُونِي أَعْلَمْتُمْ أَصْحَابَكُمْ، قَالَ: فَأَتَاهُمْ حَرَامٌ، فَقَالَ: أَتُؤَمِّنُونِي أُبَلِّغْكُمْ رِسَالَةَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِلَيْكُمْ؟ قَالُوا: نَعَمْ، فَجَعَلَ يُحَدِّثُهُمْ، وَأَوْمَئُوا إِلَى رَجُلٍ لَهُمْ مِنْ خَلْفِهِمْ فَطَعَنَهُ، حَتَّى أَنْفَذَهُ بِالرُّمْحِ، قَالَ: اللَّهُ أَكْبَرُ، فُزْتُ وَرَبِّ الْكَعْبَةِ، قَالَ: فَقَتَلُوهُمْ كُلَّهُمْ غَيْرَ الْأَعْرَجِ، كَانَ فِي رَأْسِ جَبَلٍ»، فَذَكَرَ الْحَدِيثَ.

حضرت ا نس رضی اللہ تعالیٰ عنہ بیان کرتے ہیں: جب نبی اکرم صلی اللہ علیہ وآلہ وسلم نے ان کے ماموں حضرت حرام رضی اللہ تعالیٰ عنہ کو' جو سیدہ ام سلیم رضی اللہ تعالیٰ عنہا کے بھائی ہیں' انہیں ستر افراد کے ہمراہ بھیجا ' جو بعد میں "بئر معونہ" کے پاس شہید کر دیے گئے تھے' ان دنوں مشرکین کا سردار عامر بن طفیل تھا' وہ نبی اکرم صلی اللہ علیہ وآلہ وسلم کے پاس آیا اور بولا: میرے لئے تین میں سے کوئی ایک چیز طے کر دیں' شہری علاقے کے لوگ آپ کے ساتھ ہو گے دیہاتوں کے لوگ میرے پاس رہیں گے' یا پھر یہ ہے کہ میں آپ کے بعد خلیفہ بن جاؤں گا' ورنہ پھر میں غطفان قبیلے کے دو ہزار جانوروں ( سمیت لوگوں) کے ہمراہ آپ کے ساتھ جنگ کروں گا۔راوی کہتے ہیں: بنو فلاں سے تعلق رکھنے والی عورت کے گھر میں اسے بیماری لاحق ہوئی ' اس نے کہا: یہ تو اونٹ کے غدہ کی طرح کا غدہ ہے' جو فلاں قبیلے سے تعلق رکھنے والی عورت کے گھر میں ہے' تم میرا گھوڑا میرے پاس لے کے آؤ! وہ اس کے پاس لایا گیا وہ اس پر سوارہوا ' پھر وہ اس کی پشت پر موجود رہتے ہوئے مر گیا۔ سیدہ ام سلیم کے بھائی حضرت حرام رضی اللہ تعالیٰ عنہ گئے ' ان کےساتھ دو آدمی تھے' ایک کا تعلق بنو امیہ سے تھا' اور ایک شخص لنگڑا تھا۔ انہوں نے ان لوگوں سے کہا: تم میرے قریب رہنا' جب تک کہ میں تمہارے پاس نہیں آ جاتا ' اگر تو مجھے ان لوگوں نے امان دے دی تو ٹھیک ہے ' ورنہ تم لوگ میرے قریب ہو گے ' اگر وہ لوگ مجھے قتل کر دیتے ہیں' تو تم اپنے ساتھیوں کو اس بارے میں اطلاع دے دینا' پھر حضرت حرام رضی اللہ تعالیٰ عنہ ان لوگوں کے پاس گئے' اور فرمایا: کیا تم مجھے اس بارے میں امان دیتے ہو کہ میں اللہ کے رسول صلی اللہ علیہ وآلہ وسلم کے' تمہاری طرف پیغام کی تم تک تبلیغ کروں؟ انہوں نے کہا: ٹھیک ہے! پھر وہ ان کے ساتھ بات چیت کرنے لگے' انہوں نے اپنے میں سے ایک شخص کو اشارہ کیا ' وہ ان کے پیچھے سے آیا ' اس نے انہیں نیزہ مارا ' یہاں تک کہ وہ نیزہ ان کے اندر سرایت کر گیا' تو انہوں نے فرمایا: اللہ اکبر ! رب کعبہ کی قسم! میں کامیاب ہو گیا۔ روای کہتے ہیں؛ پھر ان لوگوں نے ان سب کو قتل کر دیا' صرف لنگڑے شخص کو قتل نہیں کیا' کیونکہ وہ پہاڑ کی چوٹی پر موجود تھا اس کے بعد راوی نے پوری حدیث ذکر کی ہے۔

أَنَسٍ،

10128 - وَفِي رِوَايَةٍ قَالَ هَمَّامٌ: فَأَرَاهُ ذَكَرَ مَعَ الْأَعْرَجِ آخَرَ عَلَى الْجَبَلِ، قُلْتُ: هُوَ فِي الصَّحِيحِ بِاخْتِصَارٍ. رَوَاهُ أَحْمَدُ، وَرِجَالُهُ رِجَالُ الصَّحِيحِ.

ایک روایت یہ الفاظ ہیں: ہمام نامی راوی بیان کرتے ہیں: میرا خیال ہے' روایت میں انہوں نےیہ بات ذکر کی ہے کہ اس لنگڑے کے ساتھ ایک اور شخص بھی اس پہاڑ پر موجود تھا۔ ( علامہ ہیثمی فرماتے ہیں: ) میں یہ کہتا ہوں : یہ روایت "صحیح" میں اختصار کے ساتھ منقول ہے۔ یہ روایت امام احمد نے نقل کی ہے اور اس کے رجال صحیح کے رجال ہیں۔

هَمَّامٌ: فَأَرَاهُ ← وَفِي رِوَايَةٍ

10129 - وَعَنْ كَعْبِ بْنِ مَالِكٍ قَالَ: «جَاءَ مُلَاعِبُ الْأَسِنَّةِ إِلَى النَّبِيِّ - صَلَّى اللَّهُ عَلَيْهِ وَسَلَّمَ - بِهَدِيَّةٍ فَعَرَضَ عَلَيْهِ الْإِسْلَامَ، فَأَبَى أَنْ يُسْلِمَ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ: " فَإِنِّي لَا أَقْبَلُ هَدِيَّةَ مُشْرِكٍ ". قَالَ: فَابْعَثْ إِلَى أَهْلِ نَجْدٍ مَنْ شِئْتَ فَأَنَا لَهُمْ جَارٌ، فَبَعَثَ إِلَيْهِمْ بِقَوْمٍ فِيهِمُ: الْمُنْذِرُ بْنُ عَمْرٍو وَهُوَ الَّذِي يُقَالُ لَهُ: الْمُعْتَقُ لِيَمُوتَ أَوْ أُعْتِقَ عِنْدَ الْمَوْتِ، فَاسْتَجَاشَ عَلَيْهِمْ عَامِرُ بْنُ الطُّفَيْلِ بَنِي عَامِرٍ فَأَبَوْا أَنْ يُطِيعُوهُ، وَأَبَوْا أَنْ يَخْفِرُوا مُلَاعِبَ الْأَسِنَّةِ. فَاسْتَجَاشَ عَلَيْهِمْ بَنِي سُلَيْمٍ، فَأَطَاعُوهُ، فَأَتْبَعَهُمْ بِقَرِيبٍ مِنْ مِائَةِ رَجُلٍ رَامٍ، فَأَدْرَكُوهُمْ بِبِئْرِ مَعُونَةَ فَقَتَلُوهُمْ إِلَّا عَمْرَو بْنَ أُمَيَّةَ». رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت کعب بن مالک رضی اللہ تعالیٰ عنہ بیان کرتے ہیں: " ملاعب الاسنہ" تحفہ لے کر نبی اکرم صلی اللہ علیہ وآلہ وسلم کے پاس آیا' نبی اکرم صلی اللہ علیہ وآلہ وسلم نے اسے اسلام کی پیشکش کی ' تو اس نے اسلام قبول کرنے سے انکار کر دیا' نبی اکرم صلی اللہ علیہ وآلہ وسلم نے ارشاد فرمایا: میں کسی مشرک کا تحفہ قبول نہیں کرتا ہوں' س نے کہا: پھر آپ اہل نجد کی طرف جسے چاہیں بھیج دیں' میں ان لوگوں کو پناہ دیتا ہوں' نبی اکرم صلی اللہ علیہ وآلہ وسلم نے کچھ لوگوں کو ان کی طرف بھیجا ' جن میں سے ایک حضرت منذر بن عمرو رضی اللہ تعالیٰ عنہ تھے ' یہ وہ صاحب ہیں' جنہیں " معتق لیموت" کہا جاتا ہے یا "اعتق عند الموت" کہا جاتا ہے' تو عامر بن طفیل نے ان حضرات کے خلاف بنو عامر کو اکٹھا کرنا چاہا' ان لوگوں نے اس کی اطاعت کرنے سے انکار کر دیا اور اس بات سے انکار کر دیا کہ وہ " ملا عب الاسنہ" کی دی ہوئی پناہ کی خلاف ورزی کریں' عامر نے ان لوگوں ( یعنی صحابہ کرام ) کے خلاف بنو سلیم کو اکٹھا ہونے کے لئے کہا' تو انہوں نے اس کی بات مان لی' وہ تقریباً ایک سو تیر انداز مل کر اس کے پیچھے آ گئے' وہ ان حضرات تک'' بئر معونہ" کے پاس پہنچ گئے' اور انہیں قتل کر دیا' صرف حضرت عمرو بن امیہ رضی اللہ تعالیٰ عنہ بچ گئے۔ یہ روایت امام طبرانی نے نقل کی ہے اور اس کے رجال صحیح کے رجال ہیں۔

فَابْعَثْ إِلَى أَهْلِ نَجْدٍ مَنْ شِئْتَ ← النَّبِيُّ فَإِنِّي لَا أَقْبَلُ هَدِيَّةَ مُشْرِكٍ ← «جَاءَ مُلَاعِبُ الْأَسِنَّةِ إِلَى النَّبِيِّ بِهَدِيَّةٍ فَعَرَضَ عَلَيْهِ الْإِسْلَامَ، فَأَبَى أَنْ يُسْلِمَ، ← كَعْبِ بْنِ مَالِكٍ،

10130 - وَعَنْ عَبْدِ الرَّحْمَنِ بْنِ كَعْبِ بْنِ مَالِكٍ وَغَيْرِهِ ; «أَنَّ عَامِرَ بْنَ مَالِكٍ الَّذِي يُدْعَى مُلَاعِبَ الْأَسِنَّةِ قَدِمَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ مُشْرِكٌ، فَعَرَضَ عَلَيْهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْإِسْلَامَ، وَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " إِنِّي لَا أَقْبَلُ هَدِيَّةَ مُشْرِكٍ ". فَقَالَ عَامِرُ بْنُ مَالِكٍ: ابْعَثْ يَا رَسُولَ اللَّهِ مِنْ رُسُلِكَ مَنْ شِئْتَ فَأَنَا لَهُمْ جَارٌ، فَبَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَهْطًا فِيهِمُ الْمُنْذِرُ بْنُ عَمْرٍو السَّاعَدِيُّ - وَهُوَ الَّذِي يُقَالُ لَهُ: أُعْتِقَ لِيَمُوتَ - عَيْنًا فِي أَهْلِ نَجْدٍ، فَسَمِعَ بِهِمْ عَامِرُ بْنُ الطُّفَيْلِ، فَاسْتَغْفَرَ لَهُمْ مِنْ بَنِي سُلَيْمٍ، فَنَفَرُوا مَعَهُ فَقَتَلَهُمْ بِبِئْرِ مَعُونَةَ غَيْرَ عَمْرِو بْنِ أُمَيَّةَ الضَّمْرِيِّ، أَخَذَهُ عَامِرُ بْنُ الطُّفَيْلِ فَأَرْسَلَهُ، فَلَمَّا قَدِمَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - مِنْ بَيْنِهِمْ، وَكَانَ فِيهِمْ عَامِرُ بْنُ فُهَيْرَةَ. فَزَعَمَ لِي عُرْوَةُ: أَنَّهُ قُتِلَ يَوْمَئِذٍ فَلَمْ يُوجَدْ جَسَدُهُ حِينَ دَفَنُوهُ، يَقُولُ عُرْوَةُ: كَانُوا يَرَوْنَ الْمَلَائِكَةَ هِيَ دَفَنَتْهُ، فَقَالَ حَسَّانُ يُعَرِّضُ عَلَى عَامِرِ بْنِ الطُّفَيْلِ: بَنِي أُمِّ الْبَنِينَ أَلَمْ يَرُعْكُمْ ... وَأَنْتُمْ مِنْ ذَوَائِبِ أَهْلِ نَجْدِ تَهَكُّمُ عَامِرٍ بِأَبِي بَرَاءٍ ... لِيَخْفِرَهُ وَمَا خَطَأٌ كَعَمْدِ فَطَعَنَ رَبِيعَةُ بْنُ عَامِرِ بْنِ مَالِكٍ عَامِرَ بْنَ الطُّفَيْلِ فِي خَفْرَتِهِ عَامِرُ بْنُ مَالِكٍ فِي فَخِذِهِ طَعْنَةً فَقَدَّهُ»، رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت عبدالرحمٰن بن کعب بن مالک رضی اللہ تعالیٰ عنہ اور دیگر حضرات کے حوالے سے یہ بات منقول ہے: " عامر بن مالک ' وہ شخص ہے ' جسے "ملاعب الاسنہ" کہا جاتا ہے' وہ نبی اکرم صلی اللہ علیہ وآلہ وسلم کی خدمت میں حاضر ہوا ' وہ شخص اس وقت مشرک تھا' نبی اکرم صلی اللہ علیہ وآلہ وسلم نے اسے اسلام کی پیشکش کی' نبی اکرمصلی اللہ علیہ وآلہ وسلم نے ارشاد فرمایا: میں کسی مشرک کا تحفہ قبول نہیں کرتا ہوں' تو عامر بن مالک نے کہا: یا رسول اللہ ! آپ اپنے پیغام رساں ( یا مبلغین) افراد میں سے جسے چاہیں بھیج دیں' میں انہیں پنا ہ دیتا ہوں' نبی اکرم صلی اللہ علیہ وآلہ وسلم نے کچھ افراد کو بھیجا ' جن میں سے ایک حضرت منذر بن عمرو ساعدی رضی اللہ تعالیٰ عنہ تھے' یہ وہ صاحب ہیں' جنہیں " اعتق لیموت'' کہا جاتا ہے' انہیں اہل نجد میں جاسوسی کے لئے بھیجا گیا تھا' عامر بن طفیل کو ان کے بارے میں پتہ چل گیا ' اس نے بنو سلیم سے تعلق رکھنے والے افراد کو اپنے ساتھ چلنے کے لئے کہا' تو وہ لوگ اس کے ساتھ روانہ ہوئے' ان لوگوں نے ان صحابہ کرام کو "بئر معونہ " کے پاس قتل کر دیا ' صرف حضرت عمرو بن امیہ ضمری رضی اللہ تعالیٰ عنہ بچ گئے' عامر بن طفیل نے انہیں پکڑ لیا اور پھر انہیں چھوڑ دیا' ان لوگوں کے درمیان میں صرف وہ نبی اکرم صلی اللہ علیہ وآلہ وسلم کی خدمت میں حاضر ہوئے' ان لوگوں میں ایک حضرت عامر بن فہیرہ رضی اللہ تعالیٰ عنہ بھی تھے''۔ روای بیان کرتے ہیں: عروہ نے میرے سامنے یہ بات بیان کی ہے: وہ اسی دن قتل ہو گئے تھے لیکن دفن کے وقت انہیں ان کا جسم نہیں ملا ' عروہ کہتے ہیں: لوگوں کا یہ خیال تھا کہ فرشتوں نے انہیں دفن کیا تھا' تو حضرت حسان بن ثابت رضی اللہ تعالیٰ عنہ نے عامر بن طفیل پر طنز کرتے ہوئے یہ اشعار کہے: "بیٹوں کی ماں کے بیٹو! تم اہل نجد کے نمایاں حیثیت کے افراد ہو ' کیا یہ چیز تمہیں پریشان نہیں کرتی' کہ عامر نے ابو براء کے سامنے تکبر کا مظاہرہ کیا ہے' کہ اس کی دی ہوئی پناہ کی خلاف ورزی کی ہے' اور خطا' عمد کی طرح نہیں ہوتی"۔ پھر ربیعہ بن عامر بن مالک نے عامر بن طفیل کے عہد کی خلاف ورزی کرنے پر طعن کیا' اور عامر بن مالک کے زانوں پر ہتھیار مارا' جو اس میں سرایت کر گیا۔ یہ روایت امام طبرانی نے نقل کی ہے اور اس کے رجال صحیح کے رجال ہیں۔

غَيْرِهِ، ← عَبْدِ الرَّحْمَنِ بْنِ كَعْبِ بْنِ مَالِكٍ،

10131 - وَعَنْ عُرْوَةَ بْنِ الزُّبَيْرِ قَالَ: «ثُمَّ غَزْوَةُ الْمُنْذِرِ بْنِ عَمْرٍو أَخِي بَنِي سَاعِدَةَ إِلَى بِئْرِ مَعُونَةَ، وَبَعَثَ مَعَهُمُ الْمُطَّلِبَ السُّلَمِيَّ لِيَدُلَّهُمْ عَلَى الطَّرِيقِ، فَبَعَثَ أَعْدَاءُ اللَّهِ إِلَى عَامِرِ بْنِ الطُّفَيْلِ يَسْتَمِدُّونَهُ، فَأَمَدُّوهُ عَلَى الْمُسْلِمِينَ، فَقُتِلَ الْمُنْذِرُ بْنُ عَمْرٍو وَأَصْحَابُهُ إِلَّا عَمْرَو بْنَ أُمَيَّةَ الضَّمْرِيَّ، فَإِنَّهُمْ أَسَرُوهُ فَاسْتَحْيَوْهُ حَتَّى قَدِمُوا بِهِ مَكَّةَ، فَهُوَ دَفَنَ خُبَيْبَ بْنَ عَدِيٍّ، وَعَرَضَ الْمُشْرِكُونَ عَلَى عُرْوَةَ بْنِ الصَّلْتِ يَوْمَ بِئْرِ مَعُونَةَ: أَنْ يُؤَمِّنُوهُ فَأَبَى، فَقَتَلُوهُ، فَذُكِرَ لَنَا: أَنَّ الْمُسْلِمِينَ قَالُوا يَوْمَ بِئْرِ مَعُونَةَ حِينَ أَحَاطَ بِهِمُ الْعَدُوُّ: اللَّهُمَّ إِنَّا لَا نَجِدُ مَنْ يُبَلِّغُ عَنَّا رَسُولَكَ غَيْرَكَ، اللَّهُمَّ فَاقْرَأْ مِنَّا عَلَيْهِ السَّلَامَ، وَأَخْبِرْهُ خَبَرَنَا». رَوَاهُ الطَّبَرَانِيُّ، وَفِيهِ ابْنُ لَهِيعَةَ، وَحَدِيثُهُ حَسَنٌ إِذَا تُوبِعَ عَلَيْهِ.

عروہ بن زبیر بیان کرتے ہیں: پھر حضرت منذر بن عمرو رضی اللہ تعالیٰ عنہ والا غزوہ ہوا' جن کا تعلق بنو ساعدہ سے تھا' اور وہ' 'بئر معونہ" کی طرف گئے تھے' نبی اکرم صلی اللہ علیہ وآلہ وسلم نے ان کے ہمراہ " مطلب سلمی " کو بھیجا تھا' تاکہ وہ راستے کے بارے میں ان کی رہنمائی کرے' پھر اللہ کے دشمنوں نے عامر بن طفیل کو پیغام بھیجا اور اس سے مدد مانگی ' تو اس نے مسلمانوں کے خلاف ان کی مدد کی' اس نے حضرت منذر بن عمرو رضی اللہ تعالیٰ عنہ اور ان کے ساتھیوں کو قتل کروا دیا' صرف حضرت عمرو بن امیہ ضمری رضی اللہ تعالیٰ عنہ بچ گئے' ان لوگوں نے انہیں قید کر لیا' انہیں ان سے حیاء آئی وہ لوگ انہیں لے کر مکہ آ گئے' یہی وہ صاحب ہیں' جنہوں نے حضرت خبیب بن عدی رضی اللہ تعالیٰ عنہ کو دفن کیا تھا'' بئر معونہ" کے دن مشرکین نے عروہ بن صلت کوپیش کش کی کہ وہ انہیں امان دیدیتے ہیں' لیکن انہوں نے یہ نہیں مانا' تو ان لوگوں نے انہیں بھی قتل کر دیا' ہمارے سامنے یہ بات ذکر کی گئی ہے کہ "بئر معونہ" کے دن جب دشمن نے ان لوگوں کو گھیر لیا تھا' تو انہوں نے یہ کہا: اے اللہ ! ہمیں ایسا کوئی شخص نہیں ملتا 'جو ہمارے بارے میں تیرے رسول صلی اللہ علیہ وآلہ وسلم تک پیغام پہنچائے' تیرے علاوہ اور کوئی ایسا نہیں ہے' اے اللہ ! تو ہماری طرف سے انہیں سلام پہنچا دینا اور انہیں ہماری صورت حال کے بارے میں بتا دینا" ۔ یہ روایت امام طبرانی نے نقل کی ہے' اس کی سند میں ایک راوی ابن لہیعہ ہے 'اس کی نقل کردہ حدیث حسن ہو گی' جب س کی متابعت کی گئی ہو۔

عُرْوَةُ بْنُ الزُّبَيْرِ،

10132 - وَعَنْ مُحَمَّدِ بْنِ إِسْحَاقَ قَالَ: «أَقَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بَعْدَ أُحُدٍ بَقِيَّةَ شَوَّالٍ وَذَا الْقَعْدَةِ وَذَا الْحِجَّةِ، وَوَلَّى تِلْكَ الْحِجَّةُ وَالْمُحَرَّمُ، ثُمَّ بَعَثَ أَصْحَابَهُ بِئْرَ مَعُونَةَ فِي صَفَرٍ عَلَى رَأْسِ أَرْبَعَةِ أَشْهُرٍ مِنْ أُحُدٍ، فَكَانَ مِنْ حَدِيثِهِمْ كَمَا حَدَّثَنِي إِسْحَاقُ، عَنِ الْمُغِيرَةِ بْنِ عَبْدِ الرَّحْمَنِ بْنِ الْحَارِثِ بْنِ هِشَامٍ، وَعَبْدُ اللَّهِ بْنُ أَبِي بَكْرِ بْنِ مُحَمَّدِ بْنِ عَمْرِو بْنِ حَزْمٍ، وَغَيْرُهُمْ مِنْ أَهْلِ الْعِلْمِ، قَالُوا: قَدِمَ أَبُو بَرَاءٍ عَامِرُ بْنُ مَالِكِ بْنِ جَعْفَرٍ مُلَاعِبُ الْأَسِنَّةِ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - الْمَدِينَةَ فَعَرَضَ عَلَيْهِ الْإِسْلَامَ فَلَمْ يُسْلِمْ، وَلَمْ يَبْعُدْ مِنَ الْإِسْلَامِ، وَقَالَ: يَا مُحَمَّدُ، لَوْ بَعَثْتَ رَجُلًا مِنْ أَصْحَابِكَ يَدْعُوهُمْ إِلَى أَمْرِكَ، رَجَوْتُ أَنْ يَسْتَجِيبُوا لَكَ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِنِّي أَخْشَى أَهْلَ نَجْدٍ، فَقَالَ أَبُو بَرَاءٍ: أَنَا لَهُمْ جَارٌ، فَابْعَثْهُمْ فَلْيَدْعُوا النَّاسَ إِلَى أَمْرِكَ، فَبَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمُنْذِرَ بْنَ عَمْرٍو أَخَا بَنِي سَاعِدَةَ بْنِ الْخَزْرَجِ الْمُعْتَقَ لِيَمُوتَ فِي أَرْبَعِينَ رَجُلًا مِنَ الْمُسْلِمِينَ، مِنْ خِيَارِهِمْ، مِنْهُمُ الْحَارِثُ بْنُ الصِّمَّةِ، وَحَرَامُ بْنُ مِلْحَانَ أَخُو بَنِي عَدِيِّ بْنِ النَّجَّارِ، وَعُرْوَةُ بْنُ أَسْمَاءَ بْنِ الصَّلْتِ السُّلَمِيُّ، وَنَافِعُ بْنُ بُدَيْلِ بْنِ وَرْقَاءَ الْخُزَاعِيُّ، وَعَامِرُ بْنُ فُهَيْرَةَ مَوْلَى أَبِي بَكْرٍ، وَرِجَالٌ مُسَمَّوْنَ مِنْ خِيَارِ الْمُسْلِمِينَ، فَسَارُوا حَتَّى نَزَلُوا بِئْرَ مَعُونَةَ، وَهِيَ بِئْرُ أَرْضِ بَنِي عَامِرٍ، وَحَرَّةُ بَنِي سُلَيْمٍ، كِلَا الْبَلَدَيْنِ مِنْهَا قَرِيبٌ، وَهِيَ مِنْ بَنِي سُلَيْمٍ أَقْرَبُ، فَلَمَّا نَزَلُوا بَعَثُوا حَرَامَ بْنَ مِلْحَانَ بِكِتَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِلَى عَامِرِ بْنِ الطُّفَيْلِ، فَلَمَّا أَتَاهُمْ لَمْ يَنْظُرْ فِي كِتَابِهِ حَتَّى غَدَا عَلَى الرَّجُلِ فَقَتَلَهُ، ثُمَّ اسْتَصْرَخَ بَنِي عَامِرٍ فَأَبَوْا أَنْ يُجِيبُوهُ إِلَى مَا دَعَاهُمْ، وَقَالُوا: لَنْ نَخْفِرَ أَبَا بَرَاءٍ، وَقَدْ عَقَدَ لَهُمْ عَقْدًا وَجِوَارًا، فَاسْتَصْرَخَ عَلَيْهِمْ قَبَائِلَ مِنْ بَنِي سُلَيْمٍ عَصِيَّةَ وَرَعْلًا وَذَكْوَانَ، فَأَجَابُوهُ إِلَى ذَلِكَ، فَخَرَجُوا حَتَّى غَشَوُا الْقَوْمَ، فَأَحَاطُوا بِهِمْ فِي رِحَالِهِمْ، فَلَمَّا رَأَوْهُمْ أَخَذُوا أَسْيَافَهُمْ فَقَاتَلُوا حَتَّى قُتِلُوا عَنْ آخِرِهِمْ، إِلَّا كَعْبَ بْنَ زَيْدٍ أَخَا بَنِي دِينَارِ بْنِ النَّجَّارِ، فَإِنَّهُمْ تَرَكُوهُ وَبِهِ رَمَقٌ، فَارْتَثَّ مِنْ بَيْنِ الْقَتْلَى، فَعَاشَ حَتَّى قُتِلَ يَوْمَ الْخَنْدَقِ، وَكَانَ فِي السَّرْحِ عَمْرُو بْنُ أُمَيَّةَ الضَّمْرِيُّ، وَرَجُلٌ مِنَ الْأَنْصَارِ أَخُو بَنِي عَمْرِو بْنِ عَوْفٍ فَلَمْ يُنْبِئْهُمَا بِمُصَابِ إِخْوَانِهِمَا، إِلَّا الطَّيْرُ تَحُومُ عَلَى الْعَسْكَرِ، فَقَالَا: وَاللَّهِ إِنَّ لِهَذَا الطَّيْرِ لَشَأْنًا، فَأَقْبَلَا لِيَنْظُرَا فَإِذَا الْقَوْمُ فِي دِمَائِهِمْ وَإِذَا الْخَيْلُ الَّتِي أَصَابَتْهُمْ وَاقِفَةٌ، فَقَالَ الْأَنْصَارِيُّ لِعَمْرِو بْنِ أُمَيَّةَ: مَا تَرَى؟ قَالَ: أَرَى أَنْ نَلْحَقَ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - فَنُخْبِرَهُ الْخَبَرَ، فَقَالَ الْأَنْصَارِيُّ: لَكِنِّي مَا كُنْتُ لِأَرْغَبَ بِنَفْسِي عَنْ مَوْطِنٍ قُتِلَ فِيهِ الْمُنْذِرُ بْنُ عَمْرٍو، وَمَا كُنْتُ لِتَجْتَزِيَ عَنْهُ الرِّجَالُ، فَقَاتَلَ الْقَوْمَ حَتَّى قُتِلَ، وَأَخَذُوا عَمْرَو بْنَ أُمَيَّةَ أَسِيرًا، فَلَمَّا أَخْبَرَهُمْ أَنَّهُ مِنْ مُضَرَ أَطْلَقَهُ عَامِرُ بْنُ الطُّفَيْلِ، وَجَزَّ نَاصِيَتَهُ، وَأَعْتَقَهُ عَنْ رَقَبَةٍ زَعَمَ أَنَّهَا عَلَى أُمِّهِ، فَخَرَجَ عَمْرُو بْنُ أُمَيَّةَ حَتَّى إِذَا كَانَ بِالْقَرْقَرَةِ مِنْ صَدْرِ قُبَاءَ أَتَاهُ رَجُلَانِ مِنْ بَنِي عَامِرٍ، نَزَلَا فِي ظِلٍّ هُوَ فِيهِ، وَكَانَ لِلْعَامِرِيِّينَ عَقْدٌ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَجِوَارٌ، فَلَمْ يَعْلَمْ بِهِ عَمْرُو بْنُ أُمَيَّةَ، وَقَدْ سَأَلَهُمَا حِينَ نَزَلَ: مِمَّنْ أَنْتُمَا؟ قَالَا: مِنْ بَنِي عَامِرٍ، فَأَمْهَلَهُمَا حَتَّى نَامَا، فَغَدَا عَلَيْهِمَا فَقَتَلَهُمَا، وَهُوَ يَرَى أَنَّهُ قَدْ أَصَابَ بِهِمَا ثَأْرَهُ مِنْ بَنِي عَامِرٍ ; لِمَا أَصَابُوا مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَلَمَّا قَدِمَ عَمْرُو بْنُ أُمَيَّةَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَخْبَرَهُ الْخَبَرَ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " لَقَدْ قَتَلْتَ قَتِيلَيْنِ لَأُدِينَّهُمَا "، ثُمَّ قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " هَذَا عَمَلُ أَبِي بَرَاءٍ، قَدْ كُنْتُ لِهَذَا كَارِهًا مُتَخَوِّفًا "، فَبَلَغَ ذَلِكَ أَبَا بَرَاءٍ فَشَقَّ عَلَيْهِ إِخْفَارُ عَامِرٍ إِيَّاهُ، وَمَا أُصِيبَ مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - بِسَبَبِهِ وَجِوَارِهِ، فَقَالَ حَسَّانُ بْنُ ثَابِتٍ يُحَرِّضُ ابْنَ أَبِي بَرَاءٍ عَلَى عَامِرِ بْنِ الطُّفَيْلِ: بَنِي أُمِّ الْبَنِينَ أَلَمْ يَرُعْكُمْ ... وَأَنْتُمْ مِنْ ذَوَائِبِ أَهْلِ نَجْدِ تَهَكُّمُ عَامِرٍ بِأَبِي بَرَاءٍ ... لِيَخْفِرَهُ وَمَا خَطَأٌ كَعَمْدِ أَلَا أَبْلِغْ رَبِيعَةَ ذَا الْمَسَاعِي ... بِمَا أَحْدَثْتَ فِي الْحُدْثَانِ بَعَدِي أَبُوكَ أَبُو الْحُرُوبِ أَبُو بَرَاءٍ ... وَخَالُكَ مَاجِدٌ حَكَمُ بْنُ سَعْدِ. فَحَمَلَ رَبِيعَةُ بْنُ عَامِرٍ عَلَى عَامِرِ بْنِ الطُّفَيْلِ فَطَعَنَهُ بِالرُّمْحِ، فَوَقَعَ فِي فَخِذِهِ فَأَشْوَاهُ، وَوَقَعَ عَنْ فَرَسِهِ، فَقَالَ: هَذَا عَمَلُ أَبِي بَرَاءٍ، فَإِنْ أَمُتْ فَدَمِي لِعَمِّي لَا يُتْبَعُ بِهِ، وَإِنْ أَعِشْ فَسَأَرَى رَأْيِي فِيمَا أَتَى إِلَيَّ». رَوَاهُ الطَّبَرَانِيُّ، وَرِجَالُهُ ثِقَاتٌ إِلَى ابْنِ إِسْحَاقَ.

محمد بن اسحاق بیان کرتے ہیں: غزوہ احد کے بعد ' نبی اکرم صلی اللہ علیہ وآلہ وسلم شوال کا بقیہ حصہ ' ذیقعدہ اور ذوالحج کے (پورے) مہینے تک ٹھہرے رہے' اس حج کے موقع کے نگران مشرکین بنے تھے' نبی اکرم صلی اللہ علیہ وآلہ وسلم محرم کا مہینہ بھی ٹھہر ے رہے ' پھر آپ نے صفر کے مہینے میں اپنے اصحاب کو "بئر معونہ" کی طرف بھیجا' یہ غزوہ احد کے بعد چوتھے مہینے کی بات ہے' ان حضرات نے یہ روایت جس طرح بیان کی ہے' اسی طرح اسحاق نے مجھے بیان کی ہے' مغیرہ بن عبدالرحمٰن بن حارث بن ہشام کے حوالے سے' اور عبداللہ بن ابو بکر بن محمد بن عمر بن حزم کے حوالے سے ' اور دیگر اہل علم کے حوالے سے یہ بات منقول ہے' وہ بیان کرتے ہیں: " ابو براء عامر بن مالک بن جعفر " ملاعب الاسنہ" ۔ نبی اکرم صلی اللہ علیہ وآلہ وسلم کی خدمت میں مدینہ منورہ حاضر ہوا' نبی اکرم صلی اللہ علیہ وآلہ وسلم نے اسے اسلام کی پیشکش کی ' ا س نے اسلام قبول نہیں کیا' لیکن وہ اسلام سے دور بھی نہیں تھا' اس نے کہا: اے حضرت محمد (صلی اللہ علیہ وآلہ وسلم) اگر آپ اپنے اصحاب میں سے کسی شخص کو بھیج دیں' جو ان لوگوں کو آپ کے معاملے کی طرف دعوت دے' تو یہ مناسب ہو گا مجھے یہ امید ہے کہ وہاں کے لوگ آپ کی بات مان لیں گے' تو نبی اکرم صلی اللہ علیہ وآلہ وسلم نے بنو ساعدہ سے تعلق رکھنے والے حضرت منذر بن عمرو رضی اللہ تعالیٰ عنہ کو بھیجا' جنہیں " معتق لیموت " کہا جاتا تھا' ان کے ہمراہ مسلمانوں کے چالیس بہترین افراد بھیجے ' جن میں ایک حضرت حارثہ بن صمہ رضی اللہ تعالیٰ عنہ ایک حضرت حرام بن ملحان رضی اللہ تعالیٰ عنہ تھے' جن کا تعلق بنو عدی بن نجار سے ہے ایک حضرت عروہ بن اسماء بن صلت سلمی رضی اللہ تعالیٰ عنہ تھے ایک حضرت نافع بن بدیل بن ورقاء خزاعی رضی اللہ تعالیٰ عنہ تھے ایک حضرت عامر بن فہیرہ رضی اللہ تعالیٰ عنہ تھے جو حضرت ابو بکر رضی اللہ تعالیٰ عنہ کے غلام ہیں اور ان کے علاوہ کچھ لوگ تھے' جو مسلمانوں کے بہترین لوگ تھے اور ان کے نام بھی ذکر کیے گئے ہیں یہ لوگ روانہ ہوئے' یہاں تک کہ انہوں نے "بئر معونہ" کے پاس پڑاؤ کیا' وہ بنو عامر کے علاقے میں موجود کنواں تھا' اور اس کے پاس بنو سلیم کا پتھریلی زمین کا علاقہ تھا' ان دونوں کے علاقے اس کنویں کے قریب تھے لیکن بنو سلیم کے علاقے سے یہ زیادہ قریب تھا ' جب ان لوگوں نے وہاں پڑاؤ کیا' تو ان لوگوں نے حضرت حرام بن ملحان رضی اللہ تعالیٰ عنہ کو اللہ کے رسول کے مکتوب کے ہمراہ عامر بن طفیل کے پاس بھیجا' جب وہ ان کے پاس آئے ' تو اس نے مکتوب کی طرف دیکھا ہی نہیں ' بلکہ ان صاحب کی طرف بڑھا اور انہیں قتل کر دیا' پھر اس نے بنو عامر کو مدد کے لئے بلایا' تو ان لوگوں نے اس کی وہ بات ماننے سے انکار کر دیا' جس کی طرف اس نے انہیں بلایا تھا' انہوں نے کہا: ہم ابو براء ( یعنی عامر بن مالک – "ملاعب الاسنہ" ) کی دی ہوئی پناہ کی خلاف ورزی نہیں کریں گے' کیونکہ اس نے ان لوگوں کے لئے عقد طے کیا تھا' اور پناہ دی تھی۔پھر اس نے(یعنی عامر بن طفیل نے) بنو سلیم سے تعلق رکھنے والے مختلف قبائل عصیہ ' رعل اور ذکوان کو' ان کے خلاف بلایا' تو ان لوگوں نے اس کی بات مان لی' وہ لوگ وہاں سے نکلے اور انہوں نے مسلمانوں کو گھیر لیا اور ان کی رہائشی جگہ کے آس پاس انہیں گھرے میں لے لیا' جب ان حضرات نے ان لوگوں کو دیکھا تو انہوں نے اپنی تلواریں نکال لیں اور لڑائی کرتے رہے ' یہاں تک کہ ان کا آخری فرد بھی شہید ہو گیا' صرف بنو نجار بن دینار سے تعلق رکھنے والے حضرت کعب بن زید رضی اللہ تعالیٰ عنہ بچ گئے' کیونکہ ان لوگوں نے انہیں چھوڑ دیا تھا' کیونکہ ان کے اندر رمق باقی تھی اور مقتولین کے درمیان وہی شدید زخمی تھے' وہ بعد میں زندہ رہے ' یہاں تک کہ غزوہ خندق کے موقع پر شہید ہوئے' ان لوگوں میں حضرت عمرو بن امیہ ضمری رضی اللہ تعالیٰ عنہ تھے اور انصار سے تعلق رکھنے والے ایک صاحب تھے ' جن کا تعلق بن عمرو بن عوف سے تھا' ان کے ساتھیوں کو جو صورت حال لاحق ہوئی تھی' اس کے بارے میں ان دونوں کو پرندے کے ذریعے چلا' جو لشکر پر گھوم رہا تھا' ان دونوں نے کہا: اللہ کی قسم ! اس پرندے کے حوالے سے ضرور کوئی چیز سامنے آئے گی' پھر وہ دونوں آئے تاکہ اس بات کا جائزہ لیں' تو لوگ خون میں لت پت پڑے ہوئے تھے اور ان کے گھوڑے وہاں کھڑے ہوئے تھے' انصاری نے عمرو بن امیہ سے کہا: تمہاری کیا رائے ہے؟ انہوں نے کہا: میرا یہ خیال ہے کہ ہمیں اللہ کے رسول صلی اللہ علیہ وآلہ وسلم کے پاس جا کر آپ کو اس بارے میں بتانا چاہیے' انصاری نے کہا: لیکن میں اپنی جان کے حوالے سے یہ رغبت نہیں رکھتا کہ میں اس جگہ سے چلا جاؤں' جہاں منذر ب عمرو قتل ہو چکا ہے' انہوں نے دشمن کے ساتھ جنگ کی' یہاں تک کہ شہید ہو گئے' پھر انہوں نے حضرت عمرو بن امیہ رضی اللہ تعالیٰ عنہ کو قیدی کے طور پر پکڑ لیا' جب انہوں نے ان لوگوں کو بتایا کہ ان کا تعلق مضر قبیلے سے ہے' تو عامر بن طفیل نے انہیں چھوڑ یا' اس نے ان کی پیشانی کے بال کاٹ دیے اور انہیں اس غلام کی جگہ آزاد کر دیا' جس کے بارے میں اس کا یہ خیال تھا اس کی ماں کے ذمہ غلا م آزاد کرنا لازم تھا' حضرت عمر بن امیہ رضی اللہ تعالیٰ عنہ وہاں سے نکلے ' یہاں تک کہ جب وہ قباء کےمقام" قرقرہ " میں موجود تھے' تو بنو عامر سے تعلق ر کھنے والے دو افراد آ گئے' ان دونوں نے اسی سائے میں پڑاؤ کیا' جہاں وہ موجود تھے' بنو عامر سے تعلق رکھنے والے افراد کو نبی اکرم صلی اللہ علیہ وآلہ وسلم کی طرف سے عہد ملا ہوا تھا' اور پنا ہ ملی ہوئی تھی' لیکن حضرت عمرو بن امیہ رضی اللہ تعالیٰ عنہ کو اس بارے میں پتہ نہیں تھا' انہوں نے ان دونوں سے پڑاؤ کے وقت دریافت کیا: تمہارا تعلق کس سے ہے؟ ان دونوں نے بتایا: بنو عامر سے ہے' تو حضرت عمرو بن امیہ رضی اللہ تعالیٰ عنہ نے ان کو سونے کی مہلت دی' جب وہ سو گئے' تو انہوں نے ان دونوں پر حملہ کر کے ان دونوں کو قتل کر دیا' وہ یہ سمجھ رہے تھے' انہوں نے ان دونوں کے ساتھ ٹھیک کیا ہے' کیونکہ یہ بنو عامر کو بدلہ دینے کے مترادف ہے' کیونکہ انہوں نے نبی اکرم صلی اللہ علیہ وآلہ وسلم کے اصحاب کو نقصان پہنچایا تھا۔ جب حضرت عمرو بن امیہ رضی اللہ تعالیٰ عنہ ' نبی اکرم صلی اللہ علیہ وآلہ وسلم کی خدمت میں حاضر ہوئے اور آپ کو صورت حال کے بارے میں بتایا ' تو نبی اکر م صلی اللہ علیہ وآلہ وسلم نے ارشاد فرمایا: تم نے دو ایسے افراد کو قتل کیا ہے' جن کی میں دیت ضرور دوں گا' پھر نبی اکرم صلی اللہ علیہ وآلہ وسلم نے ارشاد فرمایا: یہ ابو براء کا عمل ہے' میں اس بات کو ناپسند کرتا ہوں' اور مجھے اسی بات کا اندیشہ تھا۔ جب ابو براء کو اس بات کی اطلاع ملی' تو اس پر یہ بات بہت گراں گزری کہ عامر(بن طفیل) نے اس کی دی ہوئی پناہ کی خلاف ورزی کی ہے اور اس کےسبب سے اور اس کی پناہ کی وجہ سے' حضرت محمد صلی اللہ علیہ وآلہ وسلم کے اصحاب کو نقصان اٹھانا پڑا ہے' تو حسان بن ثابت رضی اللہ تعالیٰ عنہ نے ' ابو براء کے بیٹے کو عامر بن طفیل کے خلاف برانگیختہ کرتے ہوئے ' یہ اشعار کہے: '' بیٹوں کی ماں کی بیٹو! تم اہل نجد کے نمایاں حیثیت کے افراد ہو ' کیا یہ چیز تمہیں پریشان نہیں کرتی' کہ عامر نے ابو براء کے سامنے تکبر کا مظاہرہ کیا ہے' کہ اس کی دی ہوئی پناہ کی خلاف ورزی کی ہے' اور خطا' عمد کی طرح نہیں ہوتی ' خبردار! کوششیں کرنے والے ربیعہ تک یہ پیغام پہنچا دو' کہ میرے بعد کیا حادثہ رونما ہوا ہے' تمہارا باپ ' ابو براء ' جنگوں کا باپ ہے' اور تمہار ا ماموں حکم بن سعد بزرگی والا فرد ہے"۔ تو ربیعہ بن عامر (یعنی ابو براء "ملاعب الاسنہ" کے بیٹے ) نے عامر بن طفیل پر حملہ کر کے اسے نیزہ مارا' جو اس کے زانوں پر لگنا تھا' وہ اپنی جگہ سے ہٹ کے لگا ' اور وہ شخص اپنے گھوڑے سے گر گیا' اس نے کہا : یہ ابو براء کا عمل ہے' اگر میں مر گیا ' تو میرے خون کا حساب میرا چچا کے ذمہ ' اسے بارے میں اس کے پیچھے نہیں جایا جائے گا' اور اگر میں زندہ رہ گیا ' تو میں نے جو مناسب سمجھوں گا' وہ فیصلہ کر لوں گا۔ یہ روایت امام طبرانی نے نقل کی ہے اور ابن اسحاق تک اس کے رجال ثقہ ہیں۔

مُحَمَّدِ بْنِ إِسْحَاقَ

10133 - عَنْ عُرْوَةَ فِي تَسْمِيَةِ مَنِ اسْتُشْهِدَ يَوْمَ بِئْرِ مَعُونَةَ مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ: أَوْسُ بْنُ مُعَاذٍ الْأَنْصَارِيُّ، وَالْحَكَمُ بْنُ كَيْسَانَ الْمَخْزُومِيُّ، وَالْحَارِثُ بْنُ الصِّمَّةِ، وَسَهْلُ بْنُ عَامِرِ بْنِ سَعْدِ بْنُ عَمْرِو بْنِ ثَقَبٍ الْأَنْصَارِيُّ، وَمِنْ قُرَيْشٍ ثُمَّ مِنْ بَنِي تَيْمِ بْنِ مُرَّةَ: عَامِرُ بْنُ فُهَيْرَةَ. وَفِي إِسْنَادِهِ ابْنُ لَهِيعَةَ، وَحَدِيثُهُ حَسَنٌ إِذَا تُوبِعَ، وَفِيهِ ضَعْفٌ.

عروہ نے "بئر معونہ" کے دن جام شہادت نوش کرنے ولے صحابہ کرام کے اسماء بیان کیے ہیں(جویہ ہیں: ) حضرت اوس بن معاذ انصاری رضی اللہ تعالیٰ عنہ ' حضرت حکم بن کیسان مخزومی رضی اللہ تعالیٰ عنہ' حضرت حارث بن صمہ رضی اللہ تعالیٰ عنہ ' حضرت سہل بن عامر بن سعد بن عمرو بن ثقیف انصاری رضی اللہ تعالیٰ عنہ' قریس کی شاخ بنو تیم بن مرہ سے تعلق رکھنے والے حضرت عامر بن فہیرہ رضی اللہ تعالیٰ عنہ ۔ اس روایت کی سند میں ایک راوی ابن لہیعہ ہے ' اس کی نقل کردہ حدیث حسن ہے ' جبکہ اس کی متابعت کی گئی ہے' اور س راوی میں ضعف پایا جاتا ہے۔

10134 - وَعَنِ ابْنِ شِهَابٍ فِي تَسْمِيَةِ مَنِ اسْتُشْهِدَ مِنَ الْمُسْلِمِينَ يَوْمَ بِئْرِ مَعُونَةَ: الْحَارِثُ بْنُ الصِّمَّةِ. وَرِجَالُهُ رِجَالُ الصَّحِيحِ.

ابن شہا ب زہری نے "بئر معونہ" کے دن' جام شہادت کرنے والے مسلمانوں کے ناموں میں' حضرت حارث بن صمہ رضی اللہ تعالیٰ عنہ کا ذکر کیا ہے۔ اس روایت کے رجال صحیح کے رجال ہیں۔

10135 - وَعَنْ مُحَمَّدِ بْنِ إِسْحَاقَ فِي تَسْمِيَةِ مَنِ اسْتُشْهِدَ مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - يَوْمَ بِئْرِ مَعُونَةَ: نَافِعُ بْنُ يَزِيدَ بْنِ وَرْقَاءَ الْخُزَاعِيُّ.

محمد بن اسحاق نے "بئر معونہ" کے دن جام شہادت نوش کرنے والے صحابہ کرام کے اسماء میں' حضرت نافع بن یزید بن ورقاء خزاعی رضی اللہ تعالیٰ عنہ کا ذکر کیا ہے۔

10136 - وَعَنْ عَبْدِ اللَّهِ بْنِ مَسْعُودٍ قَالَ: «إِيَّاكُمْ وَالشَّهَادَاتِ، فَإِنْ كُنْتُمْ لَا بُدَّ فَاعِلِينَ، فَاشْهَدُوا لِسَرِيَّةٍ بَعَثَهُمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَأُصِيبُوا، فَنَزَلَ فِيهِمُ الْقُرْآنُ: أَنْ أَبْلِغُوا عَنَّا قَوْمَنَا: أَنْ قَدْ لَقِينَا رَبَّنَا، فَرَضِيَ عَنَّا وَأَرْضَانَا». رَوَاهُ الطَّبَرَانِيُّ، وَفِيهِ عَطَاءُ بْنُ السَّائِبِ، وَقَدِ اخْتَلَطَ.

حضرت عبداللہ بن مسعود رضی اللہ تعالیٰ عنہ فرماتے ہیں: تم گواہیاں دینے سے بچو! اگر تم نے ضرور ایسا کرنا ہو ' تو اس مہم کے حق میں گواہی دو' جن لوگوں کے اللہ کے رسول صلی اللہ علیہ وآلہ وسلم نے بھیجا تھا' اور پھر انہیں شہادت نصیب ہوئی' ان کے بارے میں قرآن نازل ہوا: "(انہوں نے کہا: ) تم ہماری طرف سے ہماری قوم کو یہ پیغام پہنچا دو! کہ ہم اپنے پروردگار کی بارگاہ میں حاضر ہوچکے ہیں' وہ ہم سے راضی ہے ' اور اس نے ہمیں راضی کر دیا ہے' ' ۔ یہ روایت امام طبرانی نے نقل کی ہے۔ اس کی سند میں ایک راوی عطاء بن سائب ہے' جو اختلاط کا شکار ہو گیا تھا۔

عَبْدِ اللهِ بْنِ مَسْعُودٍ

10137 - عَنْ عَمْرِو بْنِ عَوْفٍ الْمُزَنِيِّ ; «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - خَطَّ الْخَنْدَقَ مِنْ أَحْمَرِ السَّبْخَتَيْنِ طَرَفَ بَنِي حَارِثَةَ عَامَ حِزْبِ الْأَحْزَابِ حَتَّى بَلَغَ الْمَذَاحِجَ، فَقَطَعَ لِكُلِّ عَشَرَةٍ أَرْبَعِينَ ذِرَاعًا، وَاحْتَجَّ الْمُهَاجِرُونَ وَالْأَنْصَارُ فِي سَلْمَانَ الْفَارِسِيِّ، وَكَانَ رَجُلًا قَوِيًّا، فَقَالَ الْمُهَاجِرُونَ: سَلْمَانُ مِنَّا، وَقَالَتِ الْأَنْصَارُ: مِنَّا، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " سَلْمَانُ مِنَّا أَهْلَ الْبَيْتِ». رَوَاهُ الطَّبَرَانِيُّ، وَفِيهِ كَثِيرُ بْنُ عَبْدِ اللَّهِ الْمُزَنِيُّ، وَقَدْ ضَعَّفَهُ الْجُمْهُورُ، وَحَسَّنَ التِّرْمِذِيُّ حَدِيثَهُ، وَبَقِيَّةُ رِجَالِهِ ثِقَاتٌ.

حضرت عمرو بن عوف مزنی رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے بنو حارثہ والی طرف میں شور والی ' سرخ' دو طرف کی زمین میں خندق کی لکیر کھینچی'آپ نے مختلف ٹولیاں بنا دیں' یہاں تک کہ وہ " مزاحج" تک پہنچ جائے' آپ نے چالیس ذراع کا حصہ دس افراد کے لئے مقرر کیا' مہاجرین اور انصار نے حضرت سلمان فارسی رضی اللہ تعالیٰ عنہ کے بارے میں اختلاف کیا وہ ایک طاقتور شخص تھے مہاجرین کا یہ کہنا تھا کہ سلمان ہم سے ہیں' انصار کا یہ کہنا تھا: وہ ہم سے ہیں' تو نبی اکرم صلی اللہ علیہ وآلہ وسلم نے ارشاد فرمایا: " سلمان ' ہم اہل بیت میں سے ہے"۔ یہ روایت امام طبرانی نے نقل کی ہے' اس کی سند میں ایک راوی کثیر بن عبداللہ مزنی ہے' جسے جمہور نے ضعیف قرار دیا ہے امام ترمذی نے اس کی نقل کردہ حدیث کو حسن قرار دیا ہے' اس روایت کے بقیہ رجال ثقہ ہیں۔

عمرو بن عوف المزنى

10138 - وَعَنِ الْبَرَاءِ بْنِ عَازِبٍ قَالَ: «أَمَرَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِحَفْرِ الْخَنْدَقِ، وَعَرَضَ لَنَا صَخْرَةٌ فِي مَكَانٍ مِنَ الْخَنْدَقِ لَا تَأْخُذُ فِيهَا الْمَعَاوِلُ، فَشَكَوْهَا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَجَاءَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَأَحْسَبُهُ قَالَ: وَضَعَ ثَوْبَهُ - ثُمَّ هَبَطَ إِلَى الصَّخْرَةِ فَأَخَذَ الْمِعْوَلَ، فَقَالَ: " بِسْمِ اللَّهِ " فَضَرَبَ ضَرْبَةً فَكَسَرَ ثُلُثَ الْحَجَرِ، وَقَالَ: " اللَّهُ أَكْبَرُ، أُعْطِيتُ مَفَاتِيحَ الشَّامِ، وَاللَّهِ إِنِّي لَأُبْصِرُ قُصُورَهَا الْحُمْرَ مِنْ مَكَانِي هَذَا "، ثُمَّ قَالَ: " بِسْمِ اللَّهِ " وَضَرَبَ أُخْرَى، فَكَسَرَ ثُلُثَ الْحَجَرِ، فَقَالَ: " اللَّهُ أَكْبَرُ، أُعْطِيتُ مَفَاتِيحَ فَارِسَ، وَاللَّهِ إِنِّي لَأُبْصِرُ الْمَدَائِنَ، وَأُبْصِرُ قَصْرَهَا الْأَبْيَضَ مِنْ مَكَانِي هَذَا "، ثُمَّ قَالَ: " بِسْمِ اللَّهِ " وَضَرَبَ ضَرْبَةً أُخْرَى فَقَطَعَ بَقِيَّةَ الْحَجَرِ، فَقَالَ: " اللَّهُ أَكْبَرُ، أُعْطِيتُ مَفَاتِيحَ الْيَمَنِ، وَاللَّهِ إِنِّي لَأُبْصِرُ أَبْوَابَ صَنْعَاءَ مِنْ مَكَانِي هَذَا». رَوَاهُ أَحْمَدُ، وَفِيهِ مَيْمُونُ أَبُو عَبْدِ اللَّهِ، وَثَّقَهُ ابْنُ حِبَّانَ، وَضَعَّفَهُ جَمَاعَةٌ، وَبَقِيَّةُ رِجَالِهِ ثِقَاتٌ.

حضرت براء بن عازب رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ہمیں خندق کھودنے کا حکم دیا ' خندق میں ایک جگہ ایک چٹان ہمارے سامنے آئی' جس پر پھاؤڑے کا اثر نہیں ہوتا تھا' لوگوں نے اس کی شکایت نبی اکرم صلی اللہ علیہ وآلہ وسلم سے کی' نبی اکرم صلی اللہ علیہ وآلہ وسلم تشریف لائے ۔ راوی کہتے ہیں: میرا خیال ہے ' روایت میں یہ الفاظ ہیں: آپ نے اپنا کپڑا رکھا اور آپ چٹان پر چڑھ گئے' آپ نے پھاؤڑا پکڑا اور پھر فرمایا: اللہ کے نام سے برکت حاصل کرتے ہوئے' پھر آپ نے ایک ضرب لگائی' تو پتھر (یعنی چٹان) کا ایک تہائی حصہ ٹوٹ گیا۔ نبی اکرم صلی اللہ علیہ وآلہ وسلم نے فرمایا: اللہ اکبر! مجھے شام کی کنجیاں عطا کر دی گئی ہیں۔ اللہ کی قسم! میں اپنی اس جگہ سے وہاں کے سرخ محلات دیکھ رہا ہوں' پھر آپ نے فرمایا: اللہ کے نام سے برکت حاصل کرتے ہوئے ' اور آپ نے دوسری ضرب لگائی' تو اس کا مزید ایک تہائی حصہ ٹوٹ گیا۔ نبی اکرم صلی اللہ علیہ وآلہ وسلم نے ارشاد فرمایا: اللہ اکبر! مجھے فارس کا چابیاں عطا کر دی گئی ہیں' اور میں مختلف شہروں کو ( یامدائن نامی شہر کو) دیکھ رہا ہوں' اور میں اپنی اس جگہ سے ' وہاں کے سفید محل کو دیکھ رہا ہوں' پھر نبی اکرم صلی اللہ علیہ وآلہ وسلم نے فرمایا: اللہ کے نام سے برکت حاصل کرتے ہوئے ' پھر آپ نے ایک اور ضرب لگائی اور بقیہ پتھر کو بھی توڑ دیا' آپ نے فرمایا: اللہ اکبر! مجھے یمن کی چابیاں عطا کر دی گئی ہیں' اور میں اپنی اس جگہ پر کھڑا ہوا صنعاء کے دروازوں کو دیکھ رہا ہوں''۔ یہ روایت امام احمد نے نقل کی ہے' اس کی سند میں ایک راوی میمون ابو عبداللہ ہے' جسے ابن حبان نے ثقہ قرار دیا ہے اور ایک جماعت نے اسے ضعیف کہا ہے'اس روایت کے بقیہ رجال ثقہ ہیں۔

الْبَرَاءِ بْنِ عَازِبٍ