Majma uz Zawaid Wa Manba ul Fawaid

9913 - وَعَنْ أَسْمَاءَ بِنْتِ أَبِي بَكْرٍ قَالَتْ: لَمَّا خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَخَرَجَ أَبُو بَكْرٍ مَعَهُ احْتَمَلَ أَبُو بَكْرٍ مَعَهُ مَالَهُ كُلَّهُ، وَكَانَ خَمْسَةَ آلَافِ دِرْهَمٍ أَوْ سِتَّةَ آلَافِ دِرْهَمٍ فَانْطَلَقَ بِهَا مَعَهُ، قَالَتْ: فَدَخَلَ عَلَيْنَا جَدِّي أَبُو قُحَافَةَ، وَقَدْ ذَهَبَ بَصَرُهُ، فَقَالَ: وَاللَّهِ إِنِّي لَأَرَاهُ قَدْ فَجَعَكُمْ بِمَالِهِ مَعَ نَفْسِهِ، قَالَتْ: قُلْتُ: كَلَّا يَا أَبَتِ، قَدْ تَرَكَ لَنَا خَيْرًا كَثِيرًا، قَالَتْ: فَأَخَذْتُ أَحْجَارًا فَجَعَلْتُهَا فِي كُوَّةٍ فِي الْبَيْتِ كَانَ أَبِي يَجْعَلُ فِيهَا مَالَهُ، ثُمَّ جَعَلْتُ عَلَيْهَا ثَوْبًا ثُمَّ أَخَذْتُ بِيَدِهِ، فَقُلْتُ: ضَعْ يَا أَبَتِ يَدَكَ عَلَى هَذَا الْمَالِ، قَالَتْ: فَوَضَعَ يَدَهُ عَلَيْهِ، فَقَالَ: لَا بَأْسَ إِنْ كَانَ تَرَكَ لَكُمْ هَذَا لَقَدْ أَحْسَنَ، وَفِي هَذَا لَكُمْ بِلَاغٌ، قَالَتْ: وَلَا وَاللَّهِ مَا تَرَكَ لَنَا شَيْئًا، وَلَكِنْ أَرَدْتُ أَنْ أُسْكِنَ الشَّيْخَ بِذَلِكَ. رَوَاهُ أَحْمَدُ، وَالطَّبَرَانِيُّ، وَرِجَالُ أَحْمَدَ رِجَالُ الصَّحِيحِ غَيْرَ ابْنِ إِسْحَاقَ وَقَدْ صَرَّحَ بِالسَّمَاعِ.

سیدہ اسماء بنت ابو بکر رضی اللہ تعالیٰ عنہ بیان کرتی ہیں: جب نبی اکرم صلی اللہ علیہ وآلہ وسلم نکلے ' آپ کے ساتھ حضرت ابو بکر رضی اللہ تعالیٰ عنہ بھی نکلے ' حضرت ابو بکر رضی اللہ تعالیٰ عنہ نے اپنا سارا مال ساتھ لے لیا' جو پانچ ہزار درہم ' یا شاید چھ ہزار درہم بنتے تھے' وہ اس رقم کو اپنے ساتھ لے گئے' سیدہ اسماء رضی اللہ تعالیٰ عنہا بیان کرتی ہیں: ہمارے دادا حضرت ابو قحافہ رضی اللہ تعالیٰ عنہ ہمارے پاس تشریف لائے' ان کی بینائی رخصت ہو چکی تھی' انہوں نے کہا: اللہ کی قسم! ابو بکر کے بارے میں میرا یہ خیال ہے کہ وہ تم لوگوں کو چھوڑ کر سارامال لے کر اپنے ساتھ لے گیا ہوگا' میں نے کہا: ہر گز نہیں! دادا جان انہوں نے ہمارے لئے بہت سے بھلائی چھوڑی ہے' سیدہ اسماء رضی اللہ تعالیٰ عنہا بیان کرتی ہیں؛ میں نے کچھ پتھر لئے اور انہیں گھر میں موجود تھیلی میں ڈال دیا جس میں میرے والد اپنا مال رکھا کرتے تھے' پھر میں نے اس پر کپڑا ڈالا پھر اسے اپنے ہاتھ میں لیا اور میں نے کہا: اے دادا جان آپ اپنا ہاتھ اس مال پر رکھیں ' سیدہ اسماء رضی اللہ تعالیٰ عنہ کہتی ہیں انہوں نے اپنا ہاتھ اس مال پر رکھا اور پھر بولے : اگر اس نے تمہارے لئے اتنی رقم چھوڑی ہے' تو پھر اس میں کوئی حرج نہیں ہے' اس نے یہ اچھا کیا ہے' اس سے تمہاری ضروریات پوری ہو جائیں گی' سیدہ اسماء رضی اللہ تعالیٰ عنہ کہتی ہیں : اللہ کی قسم! انہوں نے ہمارے لئے کچھ نہیں چھوڑا تھا' لیکن میں یہ چاہتی تھی کہ اس طرح بزرگوار کو مطمئن کر دوں۔ یہ روایت امام احمد اور امام طبرانی نے نقل کی ہے' امام احمد کے رجال صحیح کے رجال ہیں' ابن اسحاق کا معاملہ مختلف ہے' اور اس نے سماع کی صراحت کی ہے۔

أَسْمَاءَ بِنْتِ أَبِي بَكْرٍ،

9914 - وَعَنْ أَنَسِ بْنِ مَالِكٍ قَالَ: «لَمَّا هَاجَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَرْكَبُ، وَأَبُو بَكْرٍ رِدْفُهُ، وَأَبُو بَكْرٍ يَعْرِفُ فِي الطَّرِيقِ لِاخْتِلَافِهِ بِالشَّامِ فَكَانَ يَمُرُّ بِالْقَوْمِ، فَيَقُولُونَ: مَنْ هَذَا بَيْنَ يَدَيْكَ؟ فَيَقُولُ: هَذَا يَهْدِينِي، فَلَمَّا دَنَا مِنَ الْمَدِينَةِ بَعَثَ إِلَى الْقَوْمِ الَّذِينَ أَسْلَمُوا مِنَ الْأَنْصَارِ إِلَى أَبِي أُمَامَةَ وَأَصْحَابِهِ، فَخَرَجُوا إِلَيْهِمَا، فَقَالُوا: ادْخُلَا آمِنِينَ مُطَاعِينَ، فَدَخَلَا» - فَذَكَرَ الْحَدِيثَ -. رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت انس بن مالک رضی اللہ تعالیٰ عنہ بیان کرتے ہیں: جب نبی اکرم صلی اللہ علیہ وآلہ وسلم نے ہجرت کی ' تو نبی اکرم صلی اللہ علیہ وآلہ وسلم سوار تھے' حضرت ابو بکر رضی اللہ تعالیٰ عنہ آپ کے پیچھے بیٹھے ہوئے تھے' حضرت ابو بکر رضی اللہ تعالیٰ عنہ راستے سے واقف تھے' کیونکہ وہ شام آتے جاتے رہتے تھے' وہ جب بھی لوگوں کے پاس سے گزرتے تھے' تو وہ لوگ یہ دریافت کرتے تھے: یہ آپ کے آگے کون ہے؟ تو حضرت ابو بکر رضی اللہ تعالیٰ عنہ جواب دیتے تھے: یہ میری رہنمائی کر رہے ہیں' جب وہ مدینہ منورہ کے قریب پہنچے ' تو نبی اکرم صلی اللہ علیہ وآلہ وسلم نے انصار سے تعلق رکھنے والے مسلمانوں کو پیغام بھیجا ' یعنی حضرت ابو امامہ رضی اللہ تعالیٰ عنہ اور ان کے ساتھیوں کو پیغام بھیجا' تو یہ حضرات نکل کر ان دونوں کی طر ف آئے اور انہوں نے گزارش کی: آپ دونوں صاحبان ایسی حالت میں داخل ہوں کہ آپ محفوظ بھی ہوں اور آپ کی اطاعت بھی کی جائے' تو یہ دونوں حضرات (اس علاقے میں) داخل ہو گئے۔۔۔۔۔ اس کے بعد راوی نے پوری حدیث ذکر کی ہے۔ یہ روایت امام احمد نے نقل کی ہے اور اس کے رجال صحیح کے رجال ہیں۔

اَنَسِ بْنِ مَالِکٍ،

9915 - وَعَنْ صُهَيْبٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَرَأَيْتَ دَارَ هِجْرَتِكُمْ سَبْخَةً بَيْنَ ظَهْرَانَيْ حَرَّةَ، فَإِمَّا أَنْ تَكُونَ هَجَرَ، وَإِمَّا أَنْ تَكُونَ يَثْرِبَ ". قَالَ: وَخَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى الْمَدِينَةِ وَخَرَجَ مَعَهُ أَبُو بَكْرٍ، وَكُنْتُ قَدْ هَمَمْتُ أَنْ أَخْرُجَ مَعَهُ، وَصَدَّنِي فِتْيَانٌ مِنْ قُرَيْشٍ، فَجَعَلْتُ لَيْلَتِي تِلْكَ أَقُومُ وَلَا أَقْعُدُ، فَقَالُوا: قَدْ شَغَلَهُ اللَّهُ عَنْكُمْ بِبَطْنِهِ، وَلَمْ أَكُنْ شَاكِيًا، فَنَامُوا، فَخَرَجْتُ فَلَحِقَنِي مِنْهُمْ نَاسٌ بَعْدَ مَا سِرْتُ يُرِيدُونَ رَدِّي، فَقُلْتُ لَهُمْ: هَلْ لَكُمْ أَنْ أُعْطِيَكُمْ أَوَاقَ مِنْ ذَهَبٍ وَحُلَّةً سِيَرَاءَ بِمَكَّةَ، وَتُخَلُّونَ سَبِيلِي وَتُوَثِّقُونَ لِي، فَفَعَلُوا فَتَبِعْتُهُمْ إِلَى مَكَّةَ، فَقُلْتُ: احْفِرُوا تَحْتَ أُسْكُفَّةِ الْبَابِ، فَإِنَّ تَحْتَهَا الْأَوَاقَ، وَاذْهَبُوا إِلَى فُلَانَةَ بِآيَةِ كَذَا وَكَذَا فَخُذُوا الْحُلَّتَيْنِ، وَخَرَجْتُ حَتَّى قَدِمْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قِبَاءً قَبْلَ أَنْ يَتَحَوَّلَ مِنْهَا فَلَمَّا رَآنِي قَالَ: " يَا أَبَا يَحْيَى، رَبِحَ الْبَيْعُ " ثَلَاثًا. فَقُلْتُ: يَا رَسُولَ اللَّهِ، مَا سَبَقَنِي إِلَيْكَ أَحَدٌ، وَمَا أَخْبَرَكَ إِلَّا جِبْرِيلُ - صَلَّى اللَّهُ عَلَيْهِ وَسَلَّمَ» -. رَوَاهُ الطَّبَرَانِيُّ، وَفِيهِ جَمَاعَةٌ لَمْ أَعْرِفْهُمْ. قُلْتُ: وَلِصُهَيْبٍ حَدِيثٌ آخَرُ سَهَوْتُ عَنْهُ يَأْتِي فِي آخِرِ هَذَا الْبَابِ.

حضرت صہیب رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشا دفرمایا: " میرا خیا ل ہے تم لوگوں کی ہجرت کی جگہ ' ایک شور یدہ زمین ہے ' جو دو طرف موجود پتھر یلے علاقے کے درمیان ہے' یا تو یہ "حجر" ہو گا یا "یثرب" ہو گا''۔ راوی بیان کرتے ہیں : جب نبی اکرم صلی اللہ علیہ وآلہ وسلم مدینہ منورہ کی طرف نکلنے لگے' تو آپ کے ساتھ حضرت ابو بکر رضی اللہ تعالیٰ عنہ بھی تھے' میرا بھی یہ ارادہ تھا کہ میں آپ کے ساتھ نکلوں گا لیکن قریش کے کچھ نوجوانوں نے مجھےروک لیا' اس رات میں نوافل پڑھتا رہا' میں بیٹھا نہیں ان لوگوں نے یہ کہا: اس کے پیٹ کی وجہ سے اللہ تعالیٰ نے اسے تم لوگوں سے مشغول کر دیا ہے' حالانکہ میں بیمار نہیں تھا' پھر وہ لوگ سو گئے' تو میں نکلا میرے روانہ ہونے کے بعد ان میں سے کچھ لوگ آکر مجھ سے ملے ' وہ مجھے واپس لے جانا چاہ رہے تھے' میں نے ان سے کہا: کیا تم اس بات میں دلچسپی رکھتے ہو؟ کہ میں سونے کے کچھ اوقیہ اور مکہ میں موجود سیرائی حلہ تمہیں دے دوں؟ اور تم لو گ میرا راستہ چھوڑ دو ' ان لوگوں نے یہ بات مان لی' تو میں ان کے پیچھے مکہ تک آیا' میں نے کہا: تم دروازے کی چوکھٹ کے نیچے سے کھدائی کرو' ان کے نیچے اوقیہ موجود ہیں' اور تم فلاں عورت کے پاس فلاں نشانی لے کے جاؤ اور اس سے دو حلے لے لینا' پھر میں وہاں سے نکلا یہاں تک کہ قباء میں نبی اکرم صلی اللہ علیہ وآلہ وسلم کی خدمت میں حاضر ہوا ' یہ آپ کے وہاں سے منتقل ہونے سے پہلے کی بات ہے' جب آپ نے مجھے ملاحظہ فرمایا: تو آپ نے تین مرتبہ ارشاد فرمایا: اے ابو یحییٰ ! منافع کا سودا کیا ہے(یعنی تم نے ان لوگوں کو سونا اور حلے دے کر جو اپنا پیچھا کرنے سے روک دیا ہے) میں نے عرض کی: یا رسول اللہ ! مجھ سے پہلے کوئی آپ تک نہیں پہنچا ( جو آپ کو اس بارے میں بتاتا' تو ) آپ کو حضرت جبرائیل علیہ السلام نے اس بارے میں بتایا ہو گا۔ یہ روایت اما م طبرانی نے نقل کی ہے' اس کی سند میں راویوں کی ایک جماعت ایسی ہے' جن سے میں واقف نہیں ہوں۔ (علامہ ہیثمی فرماتے ہیں: ) میں یہ کہتا ہوں : حضرت صہیب رضی اللہ تعالیٰ عنہ کے حوالے سے ایک اور حدیث منقول ہے جسے میں بھول گیا تھا وہ اس باب کے آخر میں آئے گی۔

صُھَیْبٍ

9916 - وَعَنِ الْبَرَاءِ قَالَ: «كَانَ أَوَّلَ مَنْ قَدِمَ عَلَيْنَا مِنَ الْمُهَاجِرِينَ مُصْعَبُ بْنُ عُمَيْرٍ أَخِي بَنِي عَبْدِ الدَّارِ بْنِ قُصَيٍّ، فَقُلْتُ لَهُ: مَا فَعَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -؟ قَالَ: هُوَ مَكَانُهُ، وَأَصْحَابُهُ عَلَى أَثَرِي». رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت براء رضی اللہ تعالیٰ عنہ بیان کرتے ہیں: مہاجرین میں سے ہمارے پاس سب سے پہلے حضرت مصعب بن عمیر رضی اللہ تعالیٰ عنہ تشریف لائے ' جن کا تعلق بنو عبدالدار بن قصی سے تھا میں نے ان سے دریافت کیا نبی اکرم صلی اللہ علیہ وآلہ وسلم کا کیا حال ہے؟ انہوں نے بتایا : آپ اپنی جگہ پر ہیں ا ور آپ کے اصحاب میرے پیچھے آ رہے ہیں۔ یہ روایت امام طبرانی نے نقل کی ہے اور اس کے رجال صحیح کے رجال ہیں۔

الْبَرَاءِ،

9917 - وَعَنْ عُمَرَ بْنِ الْخَطَّابِ قَالَ: «كُنَّا قَدِ اسْتَبْطَأْنَا رَسُولَ اللَّهِ - صَلَّى اللَّهُ عَلَيْهِ وَسَلَّمَ - فِي الْقُدُومِ عَلَيْنَا، وَكَانَتِ الْأَنْصَارُ يَفِدُونَ إِلَى ظَهْرِ الْحَرَّةِ فَيَجْلِسُونَ حَتَّى يَرْتَفِعَ النَّهَارُ، فَإِذَا ارْتَفَعَ النَّهَارُ وَحَمِيَتِ الشَّمْسُ رَجَعَتْ إِلَى مَنَازِلِهَا، فَقَالَ عُمَرُ: كُنَّا نَنْتَظِرُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - إِذَا رَجُلٌ مِنَ الْيَهُودِ قَدْ أَوْفَى عَلَى أُطُمٍ مِنْ آطَامِهِمْ فَصَاحَ بِأَعْلَى صَوْتِهِ: يَا مَعْشَرَ الْعَرَبِ، هَذَا صَاحَبُكُمُ الَّذِي تَنْتَظِرُونَ، قَالَ عُمَرُ: سَمِعْتُ الْوَجْبَةَ فِي بَنَى عَمْرِو بْنِ عَوْفٍ، فَأَخْرَجْتُ رَأْسِي فَإِذَا الْمُسْلِمُونَ قَدْ لَبِسُوا السِّلَاحَ، فَانْطَلَقْتُ مَعَ الْقَوْمِ عِنْدَ الظَّهِيرَةِ فَأَخَذَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - ذَاتَ الْيَمِينِ حَتَّى نَزَلَ فِي بَنِي عَمْرِو بْنِ عَوْفٍ». رَوَاهُ الْبَزَّارُ، وَفِيهِ عَبْدُ اللَّهِ بْنُ زَيْدِ بْنِ أَسْلَمَ، وَثَّقَهُ أَبُو حَاتِمٍ، وَغَيْرُهُ، وَضَعَّفَهُ ابْنُ مَعِينٍ، وَغَيْرُهُ.

حضرت عمر بن خطاب رضی اللہ تعالیٰ عنہ بیان کرتے ہیں: نبی اکر م صلی اللہ علیہ وآلہ وسلم کی ہمارے پاس (مدینہ منورہ میں ) تشریف آوری میں تاخیر ہو گئی' انصار صبح کے وقت پتھریلی زمین کی طرف چلےجاتے تھے' اور بیٹھے رہتے تھے یہاں تک کہ دن چڑھ جاتا تھا جب دن چڑھ جاتا تھا اور سورج کی تپش زیادہ ہو جاتی تھی ' تو وہ لوگ اپنے گھروں کی طرف واپس چلے جاتے تھے' حضرت عمر رضی اللہ تعالیٰ عنہ کہتے ہیں: ہم لوگ نبی اکرم صلی اللہ علیہ وآلہ وسلم کا انتظار کر رہے تھے' اسی دوران یہودیوں میں سے ایک شخص جو کسی بلند عمارت پر چڑھا ہوا تھا' اس نے بلند آواز میں چیخ کر کہا: اے عربوں کے گروہ! یہ تمہارے آقا آ رہے ہیں' جن کا تم انتظار کر رہے ہو' حضرت عمر رضی اللہ تعالیٰ عنہ کہتے ہیں: ہمیں بنو عمرو بن عوف کے علاقے میں ہلچل سنائی دی' میں نے سر نکال کے دیکھا تو مسلمان ہتھیار پہن رہے تھے' دن چڑھ چکا تھا' میں بھی لوگوں کے ساتھ نکلا ' نبی اکرم صلی اللہ علیہ وآلہ وسلم دائیں طرف ہو گئے' اور آپ صلی اللہ علیہ وآلہ وسلم نے بنو عمرو بن عوف کے علاقے میں پڑاؤ کیا۔ یہ روایت امام بزار نے نقل کی ہے' اس کی سند میں ایک راوی عبداللہ بن زید بن اسلم ہے ' جسے ابو حاتم اور دیگر حضرات نے ثقہ قرار دیا ہے' جبکہ یحییٰ بن معین اور دیگر حضرات نے اسے ضعیف کہا ہے۔

عُمَرَ بْنِ الْخَطَّابِ،

9918 - وَعَنْ عُمَرَ بْنِ الْخَطَّابِ قَالَ: اجْتَمَعْنَا لِلْهِجْرَةِ أَوْعَدْتُ أَنَا وَعِيَّاشُ بْنُ أَبِي رَبِيعَةَ، وَهِشَامُ بْنُ الْعَاصِ الْمَيْضَاةَ - مَيْضَاةَ بَنِي غِفَارٍ - فَوْقَ شُرَفٍ، وَقُلْنَا: أَيُّكُمْ لَمْ يُصْبِحْ عِنْدَهَا، فَقَدِ احْتُبِسَ، فَلْيَمْضِ صَاحِبَاهُ، فَحُبِسَ عَنَّا هِشَامُ بْنُ الْعَاصِ، فَلَمَّا قَدِمْنَا مَنْزِلَنَا فِي بَنِي عَمْرِو بْنِ عَوْفٍ، وَخَرَجَ أَبُو جَهْلِ بْنُ هِشَامٍ، وَالْحَارِثُ بْنُ هِشَامٍ إِلَى عَيَّاشِ بْنِ أَبِي رَبِيعَةَ، وَكَانَ ابْنُ عَمِّهِمَا وَأَخَاهُمَا لِأُمِّهِمَا حَتَّى قَدِمَا عَلَيْنَا الْمَدِينَةَ فَكَلَّمَاهُ، فَقَالَا لَهُ: إِنَّ أُمَّكَ نَذَرَتْ أَنْ لَا تَمَسَّ رَأْسَهَا مُشْطٌ حَتَّى تَرَاكَ، فَرَقَّ لَهَا، فَقُلْتُ لَهُ: يَا عَيَّاشُ، وَاللَّهِ إِنْ يَرُدَّكَ الْقَوْمُ إِلَّا عَنْ دِينِكَ، فَاحْذَرْهُمْ، فَوَاللَّهِ لَوْ قَدْ آذَى أُمَّكَ الْقَمْلُ لَامْتَشَطَتْ، وَلَوْ قَدِ اشْتَدَّ عَلَيْهَا حَرُّ مَكَّةَ - أَحْسَبُهُ قَالَ - لَامْتَشَطَتْ قَالَ: إِنَّ لِي هُنَاكَ مَالًا فَآخُذُهُ؟ قَالَ: قُلْتُ: وَاللَّهِ إِنَّكَ لَتَعْلَمُ أَنِّي مِنْ أَكْثَرِ قُرَيْشٍ مَالًا، فَلَكَ نِصْفُ مَالِي وَلَا تَذْهَبْ مَعَهُمَا، فَأَبَى إِلَّا أَنْ يَخْرُجَ مَعَهُمَا، فَقُلْتُ لَهُ لَمَّا أَبَى عَلَيَّ: أَمَّا إِذْ فَعَلْتَ مَا فَعَلْتَ فَخُذْ نَاقَتِي هَذِهِ ; فَإِنَّهَا نَاقَةٌ ذَلُولٌ فَالْزَمْ ظَهْرَهَا، فَإِنْ رَابَكَ مِنَ الْقَوْمِ رَيْبٌ ; فَأَنِخْ عَلَيْهَا، فَخَرَجَ مَعَهُمَا عَلَيْهَا حَتَّى إِذَا كَانُوا بِبَعْضِ الطَّرِيقِ، قَالَ أَبُو جَهْلِ بْنُ هِشَامٍ: وَاللَّهِ لَقَدِ اسْتَبْطَأْتُ بَعِيرِي هَذَا، أَفَلَا تَحْمِلُنِي عَلَى نَاقَتِكَ هَذِهِ؟ قَالَ: بَلَى، فَأَنَاخَ وَأَنَاخَا لِيَتَحَوَّلَ عَلَيْهَا، فَلَمَّا اسْتَوَوْا بِالْأَرْضِ عَدَّيَا عَلَيْهِ، فَأَوْثَقَاهُ ثُمَّ أَدْخَلَاهُ مَكَّةَ، وَفَتَنَاهُ فَافْتُتِنَ قَالَ: فَكُنَّا نَقُولُ: وَاللَّهِ لَا يَقْبَلُ اللَّهُ مِمَّنِ افْتُتِنَ صَرْفًا وَلَا عَدْلًا، وَلَا يَقْبَلُ تَوْبَةَ قَوْمٍ عَرَفُوا اللَّهَ ثُمَّ رَجَعُوا إِلَى الْكُفْرِ ; لِبَلَاءٍ أَصَابَهُمْ قَالَ: وَكَانُوا يَقُولُونَ ذَلِكَ لِأَنْفُسِهِمْ، فَلَمَّا قَدِمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمَدِينَةَ أَنْزَلَ اللَّهُ عَزَّ وَجَلَّ فِيهِمْ، وَفِي قَوْلِنَا لَهُمْ، وَقَوْلِهِمْ لِأَنْفُسِهِمْ: {يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} [الزمر: 53] إِلَى قَوْلِهِ: {وَأَنْتُمْ لَا تَشْعُرُونَ} [الزمر: 55]، قَالَ عُمَرُ: فَكَتَبْتُهَا فِي صَحِيفَةٍ وَبَعَثْتُ بِهَا إِلَى هِشَامِ بْنِ الْعَاصِ، قَالَ هِشَامٌ: فَلَمْ أَزَلْ أَقْرَؤُهَا بِذِي طُوَى أَصْعَدُ بِهَا فِيهِ حَتَّى فَهِمْتُهَا قَالَ: فَأُلْقِيَ فِي نَفْسِي أَنَّهَا إِنَّمَا نَزَلَتْ فِينَا، وَفِيمَا كُنَّا نَقُولُ فِي أَنْفُسِنَا، وَيُقَالُ فِينَا، فَرَجَعْتُ فَجَلَسْتُ عَلَى بَعِيرِي فَلَحِقْتُ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - بِالْمَدِينَةِ. رَوَاهُ الْبَزَّارُ، وَرِجَالُهُ ثِقَاتٌ.

حضرت عمر بن خطاب رضی اللہ تعالیٰ عنہ بیان کرتے ہیں: ہم نے ہجرت کرنے کا اردہ کر لیا' میں نے عیاش بن ابو ربیعہ نے اور ہشام بن عاص نے بنو غفار کے "میضاۃ" پر اکٹھے ہونے کا وعدہ کیا' جو ٹیلے پر تھا' ہم نے یہ طے کیا کہ جو شخص وہاں نہیں پہنچ پائے گا' وہ پیچھے رہ جائے گا اور باقی لوگ چلے جائیں گے' تو ہشام بن عاص ہم تک نہیں آ سکے ' جب ہم مدینہ منورہ میں بنو عمرو بن عوف کے علاقے میں قباء میں اپنی رہائشی جگہ پر پہنچ گئے' تو ابو جہل بن ہشام اور حارث بن ہشام نکل کر عیاش بن ابوربیعہ کے پاس آئے' یہ دونوں عیاش بن ابو ربیعہ کے چچا زاد بھی تھے' اور ماں کی طرف سے زریک بھائی بھی تھے' یہ دونوں مدینہ منورہ میں ہمارے پاس آئے' ان دونوں نے عیاش کے ساتھ بات چیت کی اور اس سے یہ کہا: تمہاری مان نے یہ نذر مانی ہے کہ وہ اس وقت تک بالوں میں کنگھی نہیں کرے گی جب تک تمہیں دیکھ نہیں لے گی' تو عیاش کا دل اپنی والدہ کے لئے پسیج گیا' میں نے اس سے کہا: اے عیاش! اللہ کی قسم! یہ لوگ تمہیں تمہارے دین سے واپس موڑنا چاہتے ہیں' تو تم ان سے بچو! اللہ کی قسم! جب جوئیں تمہاری ماں کو تنگ کریں گی' تو وہ خود ہی کنگھی کر لے گی' اور جب مکہ کی گرمی اس پر گراں گزرے گی ' راوی کہتے ہیں: میرا خیال ہے' روایت میں یہ الفاظ ہیں: تو وہ کنگھی بھی کر لے گی 'عیاش نے کہا: وہاں میرا مال موجود ہے' وہ میں لے لوں گا' میں نے کہا: اللہ کی قسم! تم یہ بات جانتے ہوئ کہ میرے پاس قریش میں سے سب سے زیادہ مال تھا' میرا نصف مال تم لے لو ' لیکن تم ان دونوں کے ساتھ نہ جاؤلیکن اس نے یہ بات نہیں مانی اور ان دونوں کے ساتھ چلا گیا' جب اس نے میری بات نہیں مانی ' تو میں نے اس سے کہا: چلو تمہاری مرضی ہے وہ کرو ' لیکن تم میری یہ اونٹنی لے لو یہ ایک فرمانبردار اونٹنی ہے' تم اس کی پشت پر بیٹھا جانا' اگر ان لوگوں نے تمہیں دھوکا دیا ' تو تم اس پر سوار ہو جانا' پھر وہ ان دونوں کے ساتھ اس اونٹنی پر بیٹھ کر چلا گیا' راستے میں کسی جگہ ابو جہل بن ہشام نے کہا: اللہ کی قسم! میرا یہ اونٹ چلنے میں سستی دکھا رہا ہے' کیا تم مجھے اپنی اس اونٹنی پر سواری کرنے دیتے ہو؟ عیاش نے کہا: ٹھیک ہے اس نے اونٹنی کو بٹھایاتاکہ ابو جہل اس پر منتقل ہو جائے جب وہ لوگ زمین پر بیٹھے ' تو ان دونوں نے عیاش پر حملہ کر کے اسے باندھ دیا اور پھر اسے لے کر مکہ چلے گئے ' اور اسے آزمائش کا شکار کر دیا' تو وہ آزمائش کا شکار ہوا۔ حضرت عمر رضی اللہ تعالیٰ عنہ کہتے ہیں: ہم یہ کہا کرتے تھے: اللہ کی قسم! جو شخص آزمائش کا شکارکرتا ہے' اس کی کوئی فرض یا نفل عبادت الہ تعالیٰ قبول نہیں کرے گا' اور اس قوم کی توبہ بھی اللہ تعالیٰ قبو ل نہیں کرتے گا' جنہوں نے اللہ تعالیٰ کی معرفت حاصل کر لی ہواور پھرپیش آنے والی کسی مصیبت کے نتیجے میں وہ کفر کی طرف واپس چلے گئے ہوں ' حضرت عمر رضی اللہ تعالیٰ عنہ کہتے ہیں: لوگ یہ موقف اپنی ذاتی رائے کی بنیاد پر رکھتے تھے' جب نبی اکرم صلی اللہ علیہ وآلہ وسلم مدینہ منورہ تشریف لائے ' تو اللہ تعالیٰ نے ان لوگوں کے بارے میں ' ہمارے موقف اور ان لوگوں کے بارے میں ان کے اپنے موقوف کے بارے میں یہ آیت کی: " اے میرے وہ بندو! جنہوں نے اپنے اوپر ظلم کیا' تم اللہ کی رحمت سے مایوس نہ ہو ' بےشک اللہ تعالیٰ تمام گناہوں کی مغفرت کر دے گا' بے شک وہ مغفرت کرنے والا رحم کرنے والا ہے"۔ یہ آیت یہاں تک ہے: " اور تم شعور نہیں رکھتے ہو"۔ حضرت عمر رضی اللہ تعالیٰ عنہ کہتے ہیں: ہم نے یہ آیت ایک صحیفہ میں نوٹ کی اور اسے ہشام بن العاص کو بھجوا دیا' ہشام کہتے ہیں: زی طویٰ کے مقام پر میں مسلسل اسے پڑھتا رہا یہاں تک کہ یہ مجھے سمجھ آ گئی' پھر میرے ذہن میں یہ بات آئی' یہ ہمارے بارے میں نازل ہوئی ہے' اور اس چیز کے بارے میں نازل ہوئی ہے'جو ہم اپنی ذات کے بارے میں کہتے ہیں'یا جو ہمارے بارے میں کہی جاتی ہے' تو میں واپس آیا ' اپنے اونٹ پر بیٹھا اور نبی اکرم صلی اللہ علیہ وآلہ وسلم سے آملا۔ یہ روایت امام بزار نے نقل کی ہے' اور اس کے رجال ثقہ ہیں۔

عُمَرَ بْنِ الْخَطَّابِ،

9919 - وَعَنْ عُرْوَةَ قَالَ: خَرَجَ عُمَرُ بْنُ الْخَطَّابِ، وَعِيَّاشُ بْنُ أَبِي رَبِيعَةَ فِي أَصْحَابٍ لَهُمْ فَنَزَلُوا فِي بَنِي عَمْرِو بْنِ عَوْفٍ، فَطَلَبَ أَبُو جَهْلِ بْنُ هِشَامٍ، وَالْحَارِثُ بْنُ هِشَامٍ عَيَّاشَ بْنَ أَبِي رَبِيعَةَ وَهُوَ أَخُوهُمَا لِأُمِّهِمَا فَقَدِمَا الْمَدِينَةَ، فَذَكَرَا لَهُ حُزْنَ أُمِّهِ، فَقَالَا: إِنَّهَا حَلَفَتْ أَنْ لَا يُظِلَّهَا بَيْتٌ، وَلَا يَمَسَّ رَأْسَهَا دُهْنٌ حَتَّى تَرَاكَ وَلَوْلَا ذَلِكَ لَمْ نَطْلُبْكَ، فَنُذَكِّرْكَ اللَّهَ فِي أُمِّكَ، وَكَانَ بِهَا رَحِيمًا، وَكَانَ يَعْلَمُ مِنْ حُبِّهَا إِيَّاهُ وَرِقِّهَا - يَعْنِي عَلَيْهِ - مَا كَانَ يُصَدِّقُهُمَا بِهِ، فَرَقَّ لَهَا لِمَا ذَكَرُوا لَهُ وَأَبَى أَنْ يَتْبَعَهُمَا حَتَّى عَقَدَ لَهُ الْحَارِثُ بْنُ هِشَامٍ، فَلَمَّا خَرَجَ مَعَهُمَا، أَوْثَقَاهُ فَلَمْ يَزَلْ هُنَاكَ مُوَثَّقًا حَتَّى خَرَجَ مَعَ مَنْ خَرَجَ قَبْلَ فَتْحِ مَكَّةَ، وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - دَعَا لَهُ بِالْخَلَاصِ وَالْحِفْظِ. رَوَاهُ الطَّبَرَانِيُّ مُرْسَلًا، وَفِيهِ ابْنُ لَهِيعَةَ، وَفِيهِ ضَعْفٌ. وَرَوَاهُ أَيْضًا عَنِ ابْنِ شِهَابٍ مُرْسَلًا، وَرِجَالُهُ ثِقَاتٌ.

عروہ بیان کرتے ہیں: حضرت عمر بن خطاب رضی اللہ تعالیٰ عنہ اور عیاش بن ابو ربیعہ اپنےساتھیوں کے ساتھ نکلے ' ان لوگوں نے بنو عمرو بن عوف کے علاق میں رہائش ختیار کی' ابو جہل بن ہشام اور حارث بن ہشام ' عیاش بن ابو ربیعہ کی تلاش میں نکلے ' عیاش ان دونوں کا ماں کی طرف سے شریک بھائی تھا یہ دونوں مدینہ منورہ آئے اور ان دونوں نے عیاش کے سامنے اس کی والدہ کے پریشان ہونے کا ذکر کیا'ا ن دونوں نے یہ بتایا کہ اس خاتون نے یہ حلف اٹھایا ہے' کہ وہ نہ گھر کے سائے میں آئے گی' نہ اپنے سر پر تیل لگائے گی جب تک کہ تمہیں دیکھ نہیں لیتی' انہوں نے بتایا کہ اگر ایسا نہ ہوتا ' تو ہم نے تمہاری تلاش میں نہیں آنا تھا' تو تمہاری والدہ کے حوالے سے ہم تمہیں اللہ کی یاد دلاتے ہیں ' وہ شخص اپنی والدہ سے بڑی محبت کر تا تھا' اور وہ یہ بھی جانتا تھا کہ اس کی والدہ بھی اس سے محبت کرتی ہے'ا س لئے اسے ان کی بات سچ سمجھنے میں دشواری نہیں ہوئی' ان لوگوں نے اس کے سامنے جو صورتحال ذکر کی ' اس کے حوالے سے اس کا دل پسیج گیا' لیکن اس نے ان دونوں کے ساتھ جانے سے انکار کر دیا' جب تک حارث بن ہشام اس کے ساتھ طے نہیں کر لیتا' جب وہ ان دونوں کے ساتھ نکلا ' تو ان دونوں نے اسے باندھ دیا اور وہ مسلسل بندش میں رہا' یہاں تک کہ مکہ فتح ہونے سے کچھ عرصہ پہلے ( وہ اپنے دوسرے ساتھیوں کے ساتھ) وہاں سے نکلے تھے' نبی اکرم صلی اللہ علیہ وآلہ وسلم نے ان کے لئے نجات پانے اور محفوظ رہنے کی دعا کی تھی۔ یہ روایت امام طبرانی نے "مرسل" روایت کے طور پر نقل کی ہے' ااس کی سند میں ایک راوی ابن لہیعہ ہے اس میں ضعف پایا جاتا ہے' راوی نے یہ روایت ابن شہاب کے حوالے سے مرسل" روایت کے طور پر بھی نقل کی ہے اور اس کے رجال ثقہ ہیں۔

خَرَجَ عُمَرُ بْنُ الْخَطَّابِ، ← عُرْوَةَ

9920 - «وَعَنِ ابْنِ عُمَرَ قَالَ: كُنَّا نَقُولُ: لَيْسَ لِمَنِ افْتُتِنَ تَوْبَةٌ إِذَا تَرَكَ دِينَهُ بَعْدَ إِسْلَامِهِ وَمَعْرِفَتِهِ. فَأَنْزَلَ اللَّهُ فِيهِمْ: {يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ} [الزمر: 53] إِلَى قَوْلِهِ: {مِنْ قَبْلِ أَنْ يَأْتِيَكُمُ الْعَذَابُ بَغْتَةً وَأَنْتُمْ لَا تَشْعُرُونَ} [الزمر: 55] فَكَتَبْتُهَا بِيَدِي، ثُمَّ بَعَثْتُ بِهَا إِلَى هِشَامِ بْنِ الْعَاصِ بْنِ وَائِلٍ، قَالَ هِشَامٌ: فَلَمَّا جَاءَتْنِي صَعَدْتُ بِهَا كَذَا أُصَوِّتُ بِهَا وَأَقُولُ فَلَا أَفْهَمُهَا، فَوَقَعَتْ فِي نَفْسِي أَنَّهَا نَزَلَتْ فِينَا وَمَا كُنَّا نَقُولُ، فَجَلَسْتُ عَلَى بَعِيرِي ثُمَّ لَحِقْتُ بِالْمَدِينَةِ، وَأَقَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَنْتَظِرُ أَنْ يُؤْذَنَ لَهُ بِالْهِجْرَةِ، وَأَصْحَابُهُ مِنَ الْمُهَاجِرِينَ قَدِمُوا إِرْسَالًا، وَقَدْ كَانَ أَبُو بَكْرٍ اسْتَأْذَنَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فِي الْهِجْرَةِ فَقَالَ: " لَا تَعْجَلْ لَعَلَّ اللَّهَ أَنْ يَجْعَلَ لَكَ صَاحِبًا ". فَطَمِعَ أَبُو بَكْرٍ أَنْ يَكُونَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَعْنِي نَفْسَهُ - وَكَانَ أَبُو بَكْرٍ قَدْ أَعَدَّ لِذَلِكَ رَاحِلَتَيْنِ يَعْلِفُهُمَا فِي دَارِهِ». رَوَاهُ الطَّبَرَانِيُّ، وَفِيهِ عَبْدُ الرَّحْمَنِ بْنُ بَشِيرٍ الدِّمَشْقِيِّ، ضَعَّفَهُ أَبُو حَاتِمٍ.

حضرت عبداللہ بن عمر رضی اللہ تعالیٰ عنہ بیان کرتے ہیں؛ ہم یہ کہا کرتے تھے: جو شخص کود کو آزمائش کا شکار کر دے ' اس کی توبہ قبول نہیں ہو گی' جب کہ اس نے اسلام قبول کرنے کے بعد اور اس کی معرفت کے بعد' اپنے دین کو ترک کیا ہوا' تو اللہ تعالیٰ نے ان لوگوں کے بارے میں یہ آیات نازل کیں: " اے میرے وہ بندو ! جنہوں نے اپنے اوپر ظلم کیا ' تم اللہ کی رحمت سے مایوس نہ ہو"۔ یہ آیت یہاں تک کہ : '' اس سے پہلے کہ تمہارے پاس اچانک عذاب آ جائے اور تمہیں شعور بھی نہ ہو"۔ راوی کہتے ہیں: میں نے اپنے ہاتھ کے ذریعے اس آیت کو تحریر کیا اور پھر اسے ہشام بن العاص بن وائل کو بھیجوایا' ہشام کہتے ہیں: جب یہ آیت میرے پاس آئی ' تو میں نے اسے پڑھنا شروع کیا ' لیکن مجھے اس کی سمجھ نہیں آئی ' پھر میرے ذہن میں یہ خیال آیا کہ یہ آیت ہمارے بارے میں ہے' اور جو ہم کہتے ہیں ' اس کے بارے میں نازل ہوئی ہے' تو میں اپنے اونٹ پر بیٹھا اور مدینہ منورہ آگیا' نبی اکرم صلی اللہ علیہ وآلہ وسلم اس انتظار میں تھے کہ آپ کو ہجرت کی اجازت مل جائے ' مہاجرین سے تعلق رکھنے والے آپ کے اصحاب مختلف ٹولیوں کی شکل میں آ چکے تھے' حضرت ابو بکر رضی اللہ تعالیٰ عنہ نے نبی اکرم صلی اللہ علیہ وآلہ وسلم سے ہجرت کی اجازت مانگی تھی ' تو نبی اکرم صلی اللہ علیہ وآلہ وسلم نے ارشاد فرمایاتھا: تم جلدی نہ کرو! ہو سکتا ہے' اللہ تعالیٰ تمہارے لئے کوئی ساتھی مقرر کر دے' تو حضرت ابو بکر رضی اللہ تعالیٰ عنہ کو یہ توقع تھی کہ وہ ساتھی خود نبی اکرم صلی اللہ علیہ وآلہ وسلم ہوں گے' حضرت ابو بکر رضی اللہ تعالیٰ عنہ نے ہجرت کے لئے دوسواریاں تیار کی تھیں' وہ اپنے گھر میں ان دونوں کو چارہ کھلایا کرتے تھے۔ یہ روایت امام طبرانی نے نقل کی ہے' اس روایت کی سند میں ایک راوی عبدالرحمٰن بن بشیر دمشقی ہے' جسے امام ابو حاتم نے ضعیف قرار دیا ہے۔

ابْنِ عُمَرَ

9921 - وَعَنِ ابْنِ عُمَرَ قَالَ: لَعَنَ اللَّهُ مَنْ يَزْعُمُ أَنِّي هَاجَرْتُ قَبْلَ أَبِي، إِنَّمَا قَدَّمَنِي فِي ثِقَلِهِ. رَوَاهُ الطَّبَرَانِيُّ، وَفِيهِ جَابِرٌ الْجُعْفِيُّ وَهُوَ ضَعِيفٌ.

حضرت عبداللہ بن عمر رضی اللہ تعالیٰ عنہ فرماتے ہیں: اللہ تعالیٰ اس شخص پر لعنت کرے' جو یہ کہتا ہے کہ میں اپنے والد ( یعنی حضرت عمر رضی اللہ تعالیٰ عنہ ) سے پہلے ہجرت کی تھی ' (اصل بات یہ ہے: ) انہوں نے مجھے سامان کے ساتھ آگے بھجوا دیا تھا۔ یہ روایت امام طبرانی نے نقل کی ہے' اس کی سند میں ایک راوی جابر جعفی ہے اور وہ ضعیف ہے۔

فِيهِ جَابِرٌ الْجَعْفِيُّ، وَهُوَ ضَعِيفٌ. ← لَعَنَ اللَّهُ مَنْ يَزْعُمُ أَنِّي هَاجَرْتُ قَبْلَ أَبِي، إِنَّمَا قَدَّمَنِي فِي ثِقَلِهِ. رَوَاهُ الطَّبَرَانِيُّ، ← ابْنِ عُمَرَ

9922 - وَعَنِ ابْنِ إِسْحَاقَ قَالَ: «نَزَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِقُبَاءٍ عَلَى كُلْثُومِ بْنِ هَدْمِ أَخِي بَنِي عَمْرِو بْنِ عَوْفٍ وَيُقَالُ: بَلْ نَزَلَ عَلَى سَعْدِ بْنِ خَيْثَمَةَ، فَأَقَامَ فِي بَنِي عَمْرِو بْنِ عَوْفٍ، وَأَدْرَكَتْهُ الْجُمُعَةُ فِي بَنِي سَالِمِ بْنِ عَوْفٍ فَصَلَّى الْجُمُعَةَ الْكُبْرَى فِي الْمَسْجِدِ بِبَطْنِ الْوَادِي». قَالَ ابْنُ إِسْحَاقَ: «ثُمَّ نَزَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى أَبِي أَيُّوبَ وَأَمَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِبِنَاءِ مَسْجِدِهِ فِي تِلْكَ السَّنَةِ». رَوَاهُ الطَّبَرَانِيُّ، وَرِجَالُهُ ثِقَاتٌ.

ابن اسحاق بیان کرتے ہیں: نبی اکرم صلی اللہ علیہ وآلہ وسلم نے قباء میں بنو عمرو بن عوف سے تعلق رکھنے والے صاحب حضرت کلثوم بن ہدم رضی اللہ تعالیٰ عنہ کے ہاں پڑاؤ کیا تھا' ایک قول کے مطابق آپ نے حضرت سعد بن خیثمہ رضی اللہ تعالیٰ عنہ کے ہاں پڑاؤ کیا تھا' آپ بنو عمرو بن عوف کے محلے میں مقیم رہے ' یہاں تک کہ بنو سالم بن عوف کے علاقے میں جمعہ کا دن آ گیا' تو آپ نے آبادی کے نشیبی حصے میں موجود مسجد میں جمعہ کی نماز ادا کی' اس کے بعد نبی اکرم صلی اللہ علیہ وآلہ وسلم حضرت ابو ایوب انصاری کے ہاں ٹھہرے ' اور اسی سال نبی اکرم صلی اللہ علیہ وآلہ وسلم نے اپنی مسجد ( یعنی مسجد نبوی ) کی تعمیر کا حکم دیا ۔ یہ روایت امام طبرانی نے نقل کی ہےاور اس کے رجال ثقہ ہیں۔

أَمَرَ رَسُولُ اللَّهِ بِبِنَاءِ مَسْجِدِهِ فِي تِلْكَ السَّنَةِ». رَوَاهُ الطَّبَرَانِيُّ، وَرِجَالُهُ ثِقَاتٌ. ← ابْنُ إِسْحَاقَ: «ثُمَّ نَزَلَ رَسُولُ اللَّهِ عَلَى أَبِي أَيُّوبَ ← أَدْرَكَتْهُ الْجُمُعَةُ فِي بَنِي سَالِمِ بْنِ عَوْفٍ فَصَلَّى الْجُمُعَةَ الْكُبْرَى فِي الْمَسْجِدِ بِبَطْنِ الْوَادِي». ← بَلْ نَزَلَ عَلَى سَعْدِ بْنِ خَيْثَمَةَ، فَأَقَامَ فِي بَنِي عَمْرِو بْنِ عَوْفٍ، ← «نَزَلَ رَسُولُ اللَّهِ بِقُبَاءٍ عَلَى كُلْثُومِ بْنِ هَدْمِ أَخِي بَنِي عَمْرِو بْنِ عَوْفٍ وَيُقَ ← ابْنِ إِسْحَاقَ،

9923 - وَعَنْ عَاصِمِ بْنِ عَدِيٍّ قَالَ: «قَدِمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمَدِينَةَ يَوْمَ الِاثْنَيْنِ لِاثْنَتَيْ عَشْرَةَ لَيْلَةً خَلَتْ مِنْ رَبِيعٍ الْأَوَّلِ فَأَقَامَ بِالْمَدِينَةِ عَشْرَ سِنِينَ». رَوَاهُ الطَّبَرَانِيُّ، وَرِجَالُهُ ثِقَاتٌ.

حضرت عاصم بن عدی رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم بارہ ربیع الاول ' پیر کے دن ' مدینہ منورہ تشریف لائے تھے اور آپ نے مدینہ منورہ میں دس سال قیام کیا۔ یہ روایت امام طبرانی نے نقل کی ہے اور اس کے رجال ثقہ ہیں۔

عَاصِمِ بْنِ عَدِيٍّ

9924 - وَعَنْ عَبْدِ اللَّهِ بْنِ الزُّبَيْرِ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَدِمَ الْمَدِينَةَ فَاسْتَنَاخَتْ بِهِ رَاحِلَتُهُ بَيْنَ دَارِ جَعْفَرِ بْنِ مُحَمَّدِ بْنِ عَلِيٍّ، وَدَارِ الْحَسَنِ بْنِ زَيْدٍ، فَأَتَاهُ النَّاسُ، فَقَالُوا: يَا رَسُولَ اللَّهِ، الْمَنْزِلُ، فَانْبَعَثَ بِهِ رَاحِلَتُهُ، فَقَالَ: " دَعُوهَا فَإِنَّهَا مَأْمُورَةٌ ". ثُمَّ خَرَجَتْ بِهِ حَتَّى جَاءَتْ بِهِ مَوْضِعَ الْمِنْبَرِ فَاسْتَنَاخَتْ بِهِ ثُمَّ تَجَلْجَلَتْ، وَلِنَاسٍ ثَمَّ عَرِيشٌ كَانُوا يَرُشُّونَهُ وَيُعَمِّرُونَهُ وَيَتَبَرَّدُونَ فِيهِ حَتَّى نَزَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنْ رَاحِلَتِهِ، فَآوَى إِلَى الظِّلِّ فَنَزَلَ فِيهِ فَأَتَاهُ أَبُو أَيُّوبَ، فَقَالَ: يَا رَسُولَ اللَّهِ، مَنْزِلِي أَقْرَبُ الْمَنَازِلِ إِلَيْهِ فَانْقُلْ رَحْلَكَ قَالَ: " نَعَمْ ". فَذَهَبَ بِرَحْلِهِ إِلَى الْمَنْزِلِ ثُمَّ أَتَاهُ رَجُلٌ آخَرُ، فَقَالَ: يَا رَسُولَ اللَّهِ، انْزِلْ عَلَيَّ، فَقَالَ: " إِنَّ الرَّجُلَ مَعَ رَحْلِهِ حَيْثُ كَانَ ". وَثَبَتَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي الْعَرِيشِ اثْنَتَيْ عَشَرَةَ لَيْلَةً حَتَّى بَنَى الْمَسْجِدَ». رَوَاهُ الطَّبَرَانِيُّ فِي الْأَوْسَطِ، وَفِيهِ صِدِّيقُ بْنُ مُوسَى، قَالَ الذَّهَبِيُّ: لَيْسَ بِالْحُجَّةِ.

حضرت عبداللہ بن زبیر رضی اللہ تعالیٰ عنہ کے حوالے سے یہ بات منقول ہے : جب نبی اکرم صلی اللہ علیہ وآلہ وسلم مدینہ منورہ تشریف لائے (راوی بیان کرتے ہیں: ) تو آپ کی اونٹنی اس جگہ پر ٹھہر گئی جو (اس وقت) امام جعفر صادق اور امام حسن بن زید کے گھروں کے درمیان والی جگہ ہے لوگ نبی اکرم صلی اللہ علیہ وآلہ وسلم کی خدمت میں حاضر ہوئے ' انہوں نے عرض کی: یار سول اللہ ! رہائشی جگہ کون سی ہوگی؟ تو نبی اکرم صلی اللہ علیہ وآلہ وسلم کی اونٹنی آپ کے لے کر کھڑی ہو گئی ' نبی اکرم صلی اللہ علیہ وآلہ وسلم نے فرمایا: ایسے چھوڑ دو! یہ حکم کی پابند ہے' پھر وہ آپ کے لو کر چلی ' یہا ں تک کہ وہ آپ کے لے کر اس جگہ پر آئی ' جہاں منبر رکھا ہوا ہے' وہاں ٹھہر گئی اور بیٹھ گئی ' اس جگہ پر لوگوں نے ایک چھپر بنایا ہوا تھا' جہاں وہ پانی چھڑکا کرتے تھے اور وہاں ٹھنڈک حاصل کیا کرتے تھے' یہاں تک کہ نبی اکرم صلی اللہ علیہ وآلہ وسلم اپنی سواری سے اترے آپ سائے کی طرف آئے اور وہاں ٹھہر گئے' حضرت ابو ایوب انصاری رضی اللہ تعالیٰ عنہ آپ کی خدمت میں حاضر ہوئے' انہو ں نے عرض کی: یا رسول اللہ ! میرا گھر تمام گھر وں سے زیادہ قریب ہے ' تو آپ اپنی سواری کو(یا سامان کو) وہاں منتقل کر دیں ' نبی اکرم صلی اللہ علیہ وآلہ وسلم نے فرمایا ٹھیک ہے! پھر وہ نبی اکرم صلی اللہ علیہ وآلہ وسلم کے سامان کو اپنے گھر لے گئے' ایک اور شخص آپ کی خدمت میں حاضر ہوا اس نے عرض کی : یا رسول اللہ ! آپ میرے ہاں پڑاؤ کیجئے ! نبی اکرم صلی اللہ علیہ وآلہ وسلم نے فرمایا: آدمی اپنے سامان کے ساتھ ہوتا ہے' جہاں وہ ہو ' پھر نبی اکرم صلی اللہ علیہ وآلہ وسلم بارہ دن تک اس جگہ پر مقیم رہے' یہاں تک کہ آپ نے مسجد کی تعمیر شروع کروائی۔ یہ روایت امام طبرانی نے معجم اوسط میں نقل کی ہے' اس کی سندمیں ایک راوی صدیق بن موسیٰ ہے ' امام ذہبی کہتے ہیں: وہ حجت نہیں ہے۔

عَبْدِ اللَّهِ بْنِ الزُّبَيْرِ،