Majma uz Zawaid Wa Manba ul Fawaid

2651 - وَعَنْ عُبَادَةَ بْنِ الصَّامِتِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «مَنْ قَرَأَ خَلْفَ الْإِمَامِ فَلْيَقْرَأْ بِفَاتِحَةِ الْكِتَابِ» ". قُلْتُ: لَهُ حَدِيثٌ فِي الصَّحِيحِ بِغَيْرِ سِيَاقِهِ. رَوَاهُ الطَّبَرَانِيُّ فِي الْكَبِيرِ وَرِجَالُهُ مُوَثَّقُونَ.

حضرت عبادہ بن صامت رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جس نے امام کے پیچھے تلاوت کرنی ہو وہ سورت فاتحہ پڑھ لے " ۔ ( علامہ ہیثمی فرماتے ہیں : ) میں یہ کہتا ہوں : ان کے حوالے سے " صحیح " میں ایک حدیث منقول ہے جو اس سیاق کے بغیر ہے ۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے ۔

عُبَادَةَ بْنِ الصَّامِتِ

2652 - وَعَنْ عَائِشَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «كُلُّ صَلَاةٍ لَا يُقْرَأُ فِيهَا بِأُمِّ الْقُرْآنِ فَهِيَ خِدَاجٌ فَهِيَ خِدَاجٌ فَهِيَ خِدَاجٌ» ". رَوَاهُ الطَّبَرَانِيُّ فِي الصَّغِيرِ، وَفِيهِ ابْنُ لَهِيعَةَ وَفِيهِ كَلَامٌ.

سیدہ عائشہ صدیقہ رضی اللہ عنہا نبی اکرم صلی اللہ علیہ و آلہ وسلم کا یہ فرمان نقل کرتی ہیں : " ہر وہ نماز جس میں سورت فاتحہ کی تلاوت نہ کی جائے وہ نا مکمل ہوتی ہے وہ نا مکمل ہوتی ہے وہ نا مکمل ہوتی ہے " یہ روایت امام طبرانی نے معجم صغیر میں نقل کی ہے ، اس کی سند میں ایک راوی ابن لہیعہ ہے ، جس کے بارے میں کلام کیا گیا ہے ۔

عَائِشَةَ

2653 - وَعَنْ عَبْدِ اللَّهِ بْنِ عَمْرٍو عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «كُلُّ صَلَاةٍ لَا يُقْرَأُ فِيهَا بِأُمِّ الْقُرْآنِ فَخِدْجَةٌ فَخِدْجَةٌ فَخِدْجَةٌ» ". رَوَاهُ الطَّبَرَانِيُّ فِي الْأَوْسَطِ وَفِيهِ سَعِيدُ بْنُ سُلَيْمَانَ النَّشِيطِيُّ قَالَ أَبُو زُرْعَةَ: نَسْأَلُ اللَّهَ السَّلَامَةَ لَيْسَ بِالْقَوِيِّ.

حضرت عبداللہ بن عمرو نبی اکرم صلی اللہ علیہ و آلہ وسلم کا یہ فرمان نقل کرتے ہیں : " ہر وہ نماز جس میں سورت فاتحہ کی تلاوت نہ کی جائے وہ نا مکمل ہوتی ہے وہ نا مکمل ہوتی ہے نا مکمل ہوتی ہے ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی سعید بن سلیمان نشیطی ہے امام ابو زرعہ کہتے ہیں : ہم اللہ تعالیٰ سے سلامتی کا سوال کرتے ہیں یہ قوی نہیں ہے ۔

أَبُو زُرْعَةَ: نَسْأَلُ اللَّهَ السَّلَامَةَ لَيْسَ ← فِيهِ سَعِيدُ بْنُ سُلَيْمَانَ النَّشِيطِيُّ ← «كُلُّ صَلَاةٍ لَا يُقْرَأُ فِيهَا بِأُمِّ الْقُرْآنِ فَخِدْجَةٌ فَخِدْجَةٌ فَخِدْجَةٌ» رَوَاهُ الطَّبَرَانِيُّ فِي الْأَوْسَطِ ← عَبْدِ اللہِ بْنِ عَمْرٍو

2654 - وَعَنْ مِهْرَانَ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «مَنْ لَمْ يَقْرَأْ بِأُمِّ الْكِتَابِ فِي صَلَاتِهِ فَهِيَ خِدَاجٌ» ". رَوَاهُ الطَّبَرَانِيُّ فِي الْأَوْسَطِ وَقَالَ: لَا يُرْوَى عَنْ مِهْرَانَ إِلَّا بِهَذَا الْإِسْنَادِ قُلْتُ: وَفِي إِسْنَادِهِ جَمَاعَةٌ لَمْ أَعْرِفْهُمْ.

حضرت مہران نے نبی اکرم صلی اللہ علیہ و آلہ وسلم کا یہ فرمان نقل کیا ہے : " جو شخص اپنی نماز میں سورت فاتحہ نہیں پڑھتا تو وہ نماز نا مکمل ہوتی ہے " ۔ یہ روایت امام طبرانی نے معجم اوسط میں نقل کی ہے ، وہ بیان کرتے ہیں : حضرت مہران کے حوالے سے یہ روایت صرف اسی سند کے ساتھ منقول ہے ۔ ( علامہ ہیثمی فرماتے ہیں : ) میں یہ کہتا ہوں : اس کی سند میں ایک جماعت ایسی ہے جن لوگوں میں واقف نہیں ہوں ۔

2655 - وَعَنْ أَبِي قَتَادَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " تَقْرَءُونَ خَلْفِي؟ " قَالُوا: نَعَمْ قَالَ: " فَلَا تَفْعَلُوا إِلَّا بِأُمِّ الْقُرْآنِ» ". رَوَاهُ أَحْمَدُ وَفِيهِ رَجُلٌ لَمْ يُسَمَّ.

حضرت ابو قتاد ہرضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے فرمایا : " کیا تم لوگ میرے تلاوت پیچھے کرتے ہو لوگوں نے عرض کی : جی ہاں ! نبی اکرم صلی اللہ علیہ و آلہ وسلم نے فرمایا : تم ایسا نہ کرو البتہ سورت فاتحہ کا معاملہ مختلف ہے " ۔ یہ روایت امام احمد نے نقل کی ہے ، اس میں ایک شخص ایسا ہے جس کا نام بیان نہیں کیا گیا ۔

أَبِي قَتَادَةَ،

2656 - وَعَنْ رَجُلٍ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَعَلَّكُمْ تَقُرَءُونَ وَالْإِمَامُ يَقْرَأُ؟ " قَالَهَا ثَلَاثًا، قَالُوا: إِنَّا لَنَفْعَلُ ذَلِكَ قَالَ: " فَلَا تَفْعَلُوا إِلَّا أَنْ يَقْرَأَ أَحَدُكُمْ بِفَاتِحَةِ الْكِتَابِ فِي نَفْسِهِ» ". رَوَاهُ أَحْمَدُ وَرِجَالُهُ رِجَالُ الصَّحِيحِ.

نبی اکرم صلی اللہ علیہ و آلہ وسلم کے اصحاب میں سے ایک صاحب بیان کرتے ہیں : نبی اکرم صلی اللہ علیہ و آلہ وسلم نے فرمایا : شاید تم لوگ اس وقت تلاوت کرتے ہو جب امام تلاوت کر رہا ہو نبی اکرم صلی اللہ علیہ و آلہ وسلم نے یہ بات تین مرتبہ دریافت کی تو لوگوں نے عرض کی : ہم ایسا کرتے ہیں ۔ نبی اکرم صلی اللہ علیہ و آلہ وسلم نے ارشاد فرمایا : تم ایسا نہ کرو البتہ کوئی شخص اپنے دل میں سورت فاتحہ پڑھ لیا کرے ۔ یہ روایت امام احمد نے نقل کی ہے ، اور اس کے رجال "صحیح " کے رجال ہیں ۔

رَجُلٍ مِنْ أَصْحَابِ النَّبِيِّ

2657 - وَعَنْ رَجُلٍ مِنْ أَهْلِ الْبَادِيَةِ عَنْ أَبِيهِ وَكَانَ أَبُوهُ أَسِيرًا عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: سَمِعْتُ مُحَمَّدًا - صَلَّى اللَّهُ عَلَيْهِ وَسَلَّمَ - يَقُولُ: " «لَا تُقْبَلُ صَلَاةٌ لَا يُقْرَأُ فِيهَا بِأُمِّ الْكِتَابِ» ". وَفِيهِ رَجُلٌ لَمْ يُسَمَّ وَقَدْ رَوَاهُ أَحْمَدُ.

دیہات سے تعلق رکھنے والے ایک صاحب اپنے والد سے روایت نقل کرتے ہیں : ان کے والد نبی اکرم صلی اللہ علیہ و آلہ وسلم کے پاس اسیر کے طور پر رہے تھے وہ بیان کرتے ہیں : میں نے حضرت محمد صلی اللہ علیہ و آلہ وسلم کو یہ ارشاد فرماتے ہوئے سنا ہے : " وہ نماز قبول نہیں ہوتی جس میں سورت فاتحہ کی تلاوت نہ کی گئی ہو ۔ اس کی سند میں ایک راوی ایسا ہے ، جس نام بیان نہیں کیا گیا ہے ۔ یہ روایت امام احمد نے نقل کی ہے ۔

مُحَمَّدًا ← أبيه، وكان أبوه أسيرا عند رسول الله ← رجل من أهل البادية،

2658 - وَعَنْ أُبَيِّ بْنِ كَعْبٍ قَالَ: «قَرَأَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَاتِحَةَ الْكِتَابِ ثُمَّ قَالَ: " قَالَ رَبُّكُمُ: ابْنَ آدَمَ أَنْزَلْتُ عَلَيْكَ سَبْعَ آيَاتٍ؛ ثَلَاثٌ لِي وَثَلَاثٌ لَكَ وَوَاحِدَةٌ بَيْنِي وَبَيْنَكَ فَأَمَّا الَّتِي لِي فَـ {الْحَمْدُ لِلَّهِ رَبِّ الْعَالَمِينَ - الرَّحْمَنِ الرَّحِيمِ - مَالِكِ يَوْمِ الدِّينِ - إِيَّاكَ نَعْبُدُ وَإِيَّاكَ نَسْتَعِينُ} [الفاتحة: 2 - 5] مِنْكَ الْعِبَادَةُ وَعَلَيَّ الْعَوْنُ، وَأَمَّا الَّتِي لَكَ: {اهْدِنَا الصِّرَاطَ الْمُسْتَقِيمَ - صِرَاطَ الَّذِينَ أَنْعَمْتَ عَلَيْهِمْ - غَيْرِ الْمَغْضُوبِ عَلَيْهِمْ وَلَا الضَّالِّينَ} [الفاتحة: 6 - 7]» ". رَوَاهُ الطَّبَرَانِيُّ فِي الْأَوْسَطِ وَفِيهِ سُلَيْمَانُ بْنُ أَرْقَمَ وَهُوَ مَتْرُوكٌ.

حضرت ابی بن کعب رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے سورت فاتحہ کی تلاوت کی پھر ارشاد فرمایا : تمہارا پروردگار فرماتا ہے اے ابن آدم میں نے تم پر سات آیات نازل کی ہیں جن میں سے تین میرے لیے ہیں اور تین تمہارے لیے اور ایک میرے اور تمہارے درمیان ہے جہاں تک ان آیات کا تعلق ہے ، جو میرے لئے ہیں تو وہ یہ ہیں " ہر طرح کی حمد اللہ تعالیٰ کے مخصوص ہے ، جو تمام جہانوں کا پروردگار ہے بڑا مہربان نہایت رحم کرنے والا ہے ۔ قیامت کے دن کا مالک ہے بے شک ہم تیری ہی عبادت کرتے ہیں اور تجھ ہی سے مدد مانگتے ہیں " ۔ ( اللہ تعالیٰ فرماتا ہے : ) تو عبادت تمہاری طرف سے ہو گئی اور مدد میرے ذمہ ہو گی جہاں تک ان آیات کا تعلق ہے ، جو تمہارے لئے ہیں ( تو وہ یہ ہیں ) " تو ہمیں سیدھے راستے پر چلا ان لوگوں کا راستہ جن پر تو نے انعام کیا نہ کہ ان لوگوں کا جن پر غضب کیا گیا اور نہ ہی گمراہوں کا " ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی سلیمان بن ارقم ہے اور وہ متروک ہے ۔

قَرَأَ رَسُولُ اللَّهِ فَاتِحَةَ الْكِتَابِ، ثُمَّ ← أُبَيِّ بْنِ كَعْبٍ