Majma uz Zawaid Wa Manba ul Fawaid

2613 - عَنْ عَبْدِ اللَّهِ بْنِ عَمْرٍو «أَنَّ رَجُلًا قَالَ ذَاتَ يَوْمٍ وَدَخَلَ فِي الصَّلَاةِ: الْحَمْدُ لِلَّهِ مَلْءَ السَّمَاءِ وَسَبَّحَ وَدَعَا فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَنْ قَائِلُهُنَّ؟ " فَقَالَ: أَنَا، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " لَقَدْ رَأَيْتُ الْمَلَائِكَةَ تَلْقَى بِهِ بَعْضُهُمْ بَعْضًا» ". رَوَاهُ أَحْمَدُ وَالْبَزَّارُ وَفِيهِ عَطَاءُ بْنُ السَّائِبِ وَهُوَ ثِقَةٌ اخْتَلَطَ، وَلَكِنَّهُ مِنْ رِوَايَةِ حَمَّادِ بْنِ سَلَمَةَ عَنْ عَطَاءٍ، وَحَمَّادٌ سَمِعَ مِنْهُ قَبْلَ الِاخْتِلَاطِ - قَالَهُ أَبُو دَاوُدَ فِيمَا رَوَاهُ أَبُو عُبَيْدٍ الْآجُرِّيُّ عَنْهُ - وَرَوَاهُ الطَّبَرَانِيُّ فِي الْكَبِيرِ مِنْ رِوَايَةِ حَمَّادِ بْنِ سَلَمَةَ عَنْ يَعْلَى بْنِ عَطَاءٍ عَنْ أَبِيهِ عَنْ عَبْدِ اللَّهِ بْنِ عُمَرَ وَإِسْنَادُهُ جَيِّدٌ، وَيَعْلَى بْنُ عَطَاءٍ الْعَامِرِيُّ وَأَبُوهُ ثِقَتَانِ.

حضرت عبداللہ بن عمرو رضی اللہ عنہ بیان کرتے ہیں : ایک دن ایک شخص نے نماز میں داخل ہونے کے بعد یہ پڑھا : " ہر طرح کی حمد اللہ تعالیٰ کے لیے مخصوص ہے ، جو آسمان کو بھر دے اس نے سبحان اللہ کے کلمات بھی اس کی مانند کہے ، اور دعا بھی کی تو نبی اکرم صلی اللہ علیہ و آلہ وسلم نے فرمایا : ان کلمات کو کہنے والا شخص کون ہے ، اس شخص نے عرض کی : یا رسول اللہ ! میں ہوں ۔ نبی اکرم صلی اللہ علیہ و آلہ وسلم نے ارشاد فرمایا : میں نے فرشتوں کو دیکھا کہ وہ اس کو لے کر ایک دوسرے کو مل رہے تھے ( یا وہ ایک دوسرے کو یہ کلمات پکڑا رہے تھے ) " ۔ یہ روایت امام احمد اور امام بزار نے نقل کی ہے ، اس کی سند میں ایک راوی عطاء بن سائب ہے وہ " ثقہ " ہے اور اختلاط کا شکار ہے اور حماد بن سلمہ نے اسے عطاء کے حوالے سے نقل کیا ہے ۔ حماد نے ان سے اختلاط کا شکار ہونے سے پہلے سماع کیا تھا ابو عبید آجری نے ان کے حوالے سے جو روایت نقل کی ہے ، اس کے بارے میں امام ابو داؤد نے یہ بات بیان کی ہے ۔ یہ روایت امام طبرانی نے معجم کبیر میں حماد بن سلمہ کے حوالے سے یعلی بن عطاء کے حوالے سے ان کے والد کے حوالے حضرت عبداللہ بن عمر رضی اللہ عنہ سے نقل کی ہے اور اس کی سند عمدہ ہے یعلی بن عطاء عامری اور اس کے والد دونوں " ثقہ " ہیں ۔

عَبْدِ اللہِ بْنِ عَمْرٍو

2614 - وَعَنْ عَبْدِ اللَّهِ بْنِ أَبِي أَوْفَى قَالَ: «جَاءَ رَجُلٌ وَنَحْنُ فِي الصَّفِّ خَلْفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَدَخَلَ فِي الصَّفِّ فَقَالَ: اللَّهُ أَكْبَرُ كَبِيرَا وَسُبْحَانَ اللَّهِ بُكْرَةً وَأَصِيلًا. قَالَ: فَرَفَعَ الْمُسْلِمُونَ رُؤُسَهُمْ وَاسْتَنْكَرُوا الرَّجُلَ وَقَالُوا: مَنِ الَّذِي رَفَعَ صَوْتَهُ فَوْقَ صَوْتِ رَسُولِ اللَّهِ - صَلَّى اللَّهُ عَلَيْهِ وَسَلَّمَ -؟ فَلَمَّا انْصَرَفَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالَ: " مَنْ هَذَا الْعَالِي الصَّوْتِ؟ " فَقِيلَ: هُوَ ذَا يَا رَسُولَ اللَّهِ فَقَالَ: " وَاللَّهِ لَقَدْ رَأَيْتُ كَلَامَكَ يَصْعَدُ فِي السَّمَاءِ حَتَّى فُتِحَ بَابٌ فَدَخَلَ فِيهِ». رَوَاهُ أَحْمَدُ وَالطَّبَرَانِيُّ فِي الْكَبِيرِ وَرِجَالُهُ ثِقَاتٌ.

حضرت عبداللہ بن ابو اوفیٰ رضی اللہ عنہ بیان کرتے ہیں : ایک شخص آیا ہم اس وقت صف میں موجو د نبی اکرم صلی اللہ علیہ و آلہ وسلم کے پیچھے نماز ادا کر رہے تھے ، وہ شخص صف میں شامل ہوا اور اس نے کہا : " اللہ تعالیٰ سب سے بڑا ہے ، جو بڑائی والا ہے ، اور صبح و شام میں اللہ تعالیٰ کے ہر عیب سے پاک ہونے کا اعتراف کرتا ہوں " ۔ راوی بیان کرتے ہیں : مسلمانوں نے اپنے سر اٹھا کر اس شخص کے سامنے ناگواری کا اظہار کیا مسلمانوں نے یہ کہا یہ کون شخص ہے ، جو اللہ کے رسول کی آواز سے اپنی آواز کو بلند کر رہا ہے ۔ نبی اکرم صلی اللہ علیہ و آلہ وسلم نے جب نماز مکمل کی تو آپ نے ارشاد فرمایا : یہ بلند آواز والا شخص کون ہے ؟ عرض کی گئی : یا رسول اللہ ! وہ یہ ہے ۔ نبی اکرم صلی اللہ علیہ و آلہ وسلم نے ارشاد فرمایا : اللہ کی قسم میں نے تمہارے کلام کو دیکھا کہ وہ آسمان کی طرف بلند ہوا یہاں تک کہ اس کے لیے دروازہ کھولا گیا تو اس میں داخل ہو گیا ۔ یہ روایت امام احمد نے اور امام طبرانی نے معجم کبیر میں نقل کی ہے اور اس کے رجال " ثقہ " ہیں ۔

مَنْ هَذَا الْعَالِي الصَّوْتِ؟ فَقِيلَ: هُوَ ذَا ← مَنِ الَّذِي رَفَعَ صَوْتَهُ فَوْقَ صَوْتِ رَسُولِ اللَّهِ فَلَمَّا انْصَرَفَ رَسُولُ اللَّهِ ← فَرَفَعَ الْمُسْلِمُونَ رُؤُسَهُمْ وَاسْتَنْكَرُوا الرَّجُلَ ← اللَّهُ أَكْبَرُ كَبِيرًا، وَسُبْحَانَ اللَّهِ بُكْرَةً وَأَصِيلا، ← جَاءَ رَجُلٌ وَنَحْنُ فِي الصَّفِّ خَلْفَ رَسُولِ اللَّهِ فَدَخَلَ فِي الصَّفِّ، ← عَبْدِ اللہِ بْنِ اَبِیْ اَوْفٰی

2615 - وَعَنْ سَمُرَةَ بْنِ جُنْدُبٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يَقُولُ لَنَا: " «إِذَا صَلَّى أَحَدُكُمْ فَلْيَقُلْ: اللَّهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللَّهُمَّ أَعُوذُ بِكَ أَنْ تَصُدَّ عَنِّي وَجْهَكَ يَوْمَ الْقِيَامَةِ، اللَّهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الْأَبْيَضُ مِنَ الدَّنَسِ، اللَّهُمَّ أَحْيِنِي مُسْلِمًا وَأَمِتْنِي مُسْلِمًا» ". رَوَاهُ الْبَزَّارُ وَالطَّبَرَانِيُّ فِي الْكَبِيرِ وَإِسْنَادُهُ ضَعِيفٌ.

حضرت سمرہ بن جندب رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم ہم سے یہ فرماتے تھے : جب کوئی شخص نماز ادا کرے تو وہ یہ پڑھے : " اے اللہ ! میرے اور میری خطاؤں کے درمیان اتنا فاصلہ رکھ دے جتنا تو نے مشرق اور مغرب کے درمیان فاصلہ رکھا ہے اے اللہ ! میں اس بات سے تیری پناہ مانگتا ہوں کی قیامت کے دن تو مجھ سے اپنا کرم روک لے اے اللہ ! مجھے میری خطاؤں سے اس طرح پاک کر دے جس طرح سفید کپڑے کو میل سے صاف کیا جاتا ہے اے اللہ ! تو مسلمان ہونے کے عالم میں مجھ کو زندہ رکھنا اور مسلمان ہونے کے عالم میں مجھے موت دینا " ۔ یہ روایت امام بزار نے اور امام طبرانی نے معجم کبیر میں نقل کی ہے اور اس کی سند " ضعیف " ہے ۔

سَمُرَةَ بْنِ جُنْدُبٍ

2616 - وَعَنْ سَمُرَةَ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " اللَّهُمَّ بَاعِدْ بَيْنِي وَبَيْنَ ذَنْبِي كَمَا بَاعَدْتَ بَيْنَ الْمَشْرِقِ وَالْمَغْرِبِ، وَنَقِّنِي مِنْ خَطِيئَتِي كَمَا نَقَّيْتَ الثَّوْبَ الْأَبْيَضَ مِنَ الدَّنَسِ» ". رَوَاهُ الطَّبَرَانِيُّ فِي الْكَبِيرِ وَإِسْنَادُهُ حَسَنٌ.

حضرت سمرہ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم فرماتے تھے : " اے اللہ ! میرے اور میرے گناہوں کے درمیان اتنا فاصلہ رکھ دے جتنا تو نے مشرق اور مغرب کے درمیان فاصلہ رکھا ہے ، اور میری خطاؤں کے حوالے سے مجھے اس طرح پاک کر دے جس طرح تو نے سفید کپڑے کو میل سے پاک رکھا ہے " ۔ یہ روایت امام طبرانی نے معجم کبیر میں نقل کی ہے اور اس کی سند حسن ہے ۔

كَانَ رَسُولُ اللَّهِ ← سَمُرَةَ

2617 - وَعَنْ عَبْدِ اللَّهِ بْنِ مَسْعُودٍ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يُعَلِّمُنَا إِذَا اسْتَفْتَحْنَا الصَّلَاةَ أَنْ نَقُولَ: " سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلَا إِلَهَ غَيْرُكَ " وَكَانَ عُمَرُ بْنُ الْخَطَّابِ يُعَلِّمُنَا وَيَقُولُ: كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقُولُهُ». رَوَاهُ الطَّبَرَانِيُّ فِي الْأَوْسَطِ وَأَبُو عُبَيْدَةَ لَمْ يَسْمَعْ مِنِ ابْنِ مَسْعُودٍ رَوَاهُ فِي الْكَبِيرِ بِاخْتِصَارٍ، وَفِيهِ مَسْعُودُ بْنُ سُلَيْمَانَ قَالَ أَبُو حَاتِمٍ: مَجْهُولٌ.

حضرت عبداللہ بن مسعود رضی اللہ عنہ فرماتے ہیں : نبی اکرم صلی اللہ علیہ و آلہ وسلم ہمیں یہ تعلیم دیتے تھے کہ جب ہم نماز کا آغاز کریں تو اس میں شروع میں یہ پڑھیں : " تو ہر عیب سے پاک ہے اے اللہ ! اور حمد تیرے لیے مخصوص ہے تیرا نام برکت والا ہے تیری بزرگی بلند و برتر ہے تیرے علاوہ اور کوئی معبود نہیں ہے " ۔ راوی بیان کرتے ہیں : حضرت عمر بن خطاب رضی اللہ عنہ ہمیں تعلیم دیتے تھے اور یہ بات ارشاد فرماتے تھے : نبی اکرم صلی اللہ علیہ و آلہ وسلم یہ کلمات پڑھا کرتے تھے : یہ روایت امام طبرانی نے معجم اوسط میں نقل کی ہے ابو عبیدہ نامی راوی نے حضرت عبداللہ بن مسعود رضی اللہ عنہ سے سماع نہیں کیا ہے مصنف نے یہ روایت معجم کبیر میں اختصار کے ساتھ نقل کی ہے ، اس کی سند میں ایک راوی مسعود بن سلیمان ہے ابو حاتم کہتے ہیں : یہ مجہول ہے ۔

عَبْدِ اللهِ بْنِ مَسْعُودٍ

2618 - وَعَنِ ابْنِ جُرَيْجٍ قَالَ: حَدَّثَنِي مَنْ أُصَدِّقُ عَنْ أَبِي بَكْرٍ وَعُمَرَ وَعُثْمَانَ وَعَنِ ابْنِ مَسْعُودٍ - رَضِيَ اللَّهُ عَنْهُ - أَنَّهُمْ كَانُوا إِذَا اسْتَفْتَحُوا قَالُوا: " «سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلَا إِلَهَ غَيْرُكَ» " قَبْلَ الْقِرَاءَةِ. رَوَاهُ الطَّبَرَانِيُّ فِي الْكَبِيرِ وَفِيهِ مَنْ لَمْ يُسَمَّ.

ابن جریج بیان کرتے ہیں : مجھے اس شخص نے یہ بات بیان کی ہے ، جسے میں سچا قرار دیتا ہوں اس نے حضرت ابو بکر صدیق رضی اللہ عنہ حضرت عمر رضی اللہ عنہ حضرت عثمان اور حضرت عبداللہ بن مسعود رضی اللہ عنہ کے بارے میں یہ بات بیان کی ہے : یہ حضرات نماز کے آغاز میں یہ قرات سے پہلے یہ پڑھتے تھے " تو ہر عیب سے پاک ہے اے اللہ ! اور حمد تیرے لیے مخصوص ہے تیرا اسم برکت والا ہے تیری بزرگی بلند و برتر ہے ، اور تیرے علاوہ اور کوئی معبود نہیں ہے " ۔ یہ روایت امام طبرانی نے معجم کبیر میں نقل کی ہے ، اور اس کی سند میں ایک راوی ایسا ہے ، جس کا نام بیان نہیں کیا گیا ہے ۔

ابْنِ مَسْعُودٍ، أَنَّهُمْ كَانُوا إِذَا اسْتَفْتَحُوا ← أَبِي بَكْرٍ وَعُمر وَعُثْمَانَ. ← مَنْ أُصَدِّقُ، ← ابْنُ جُرَيْجٍ،

2619 - وَعَنْ وَاثِلَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا اسْتَفْتَحَ الصَّلَاةَ قَالَ: " سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلَا إِلَهَ غَيْرُكَ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ وَفِيهِ عَمْرُو بْنُ الْحُصَيْنِ وَهُوَ ضَعِيفٌ.

حضرت واثلہ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نماز کے آغاز میں یہ پڑھتے تھے : " تو ہر عیب سے پاک ہے اے اللہ ! حمد تیرے لیے مخصوص ہے تیرا اسم برکت والا ہے تیری بزرگی بلند و برتر ہے ، اور تیرے علاوہ اور کوئی معبود نہیں ہے " ۔ یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی عمرو بن حصین ہے اور وہ " ضعیف " ہے ۔

وَاثِلَةَ

2620 - وَعَنْ عَبْدِ اللَّهِ بْنِ عُمَرَ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِذَا اسْتَفْتَحَ الصَّلَاةَ قَالَ: " وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا مُسْلِمًا وَمَا أَنَا مِنَ الْمُشْرِكِينَ، سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلَا إِلَهَ غَيْرُكَ، إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ لَا شَرِيكَ لَهُ وَبِذَلِكَ أُمِرْتُ وَأَنَا مِنَ الْمُسْلِمِينَ» ". رَوَاهُ الطَّبَرَانِيُّ فِي الْكَبِيرِ وَفِيهِ عَبْدُ اللَّهِ بْنُ عَامِرٍ الْأَسْلَمِيُّ وَهُوَ ضَعِيفٌ.

حضرت عبداللہ بن عمر رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم جب نماز کا آغاز کرتے تھے تو یہ پڑھتے تھے : " میں نے اپنا رخ اس ذات کی طرف کر لیا جس نے آسمانوں اور زمین کو پیدا کیا ہے میں نے سیدھے دین پر قائم رہتے ہوئے مسلمان ہوتے ہوئے ( اس کی طرف اپنا رخ کیا ہے ) اور میں مشرک لوگوں میں سے نہیں ہوں تو ہر عیب سے پاک ہے اے اللہ ! اور حمد تیرے لئے مخصوص ہے تیرا اسم برکت والا ہے تیری بزرگی بلند و برتر ہے تیرے علاوہ اور کوئی معبود نہیں ہے ، بے شک میری نماز میری قربانی میر زندگی اور میر موت اللہ تعالیٰ کے لئے مخصوص ہے ، جو تمام جہانوں کا پروردگار ہے ، جس کا کوئی شریک نہیں ہے مجھے اسی بات کا حکم دیا گیا ہے اور میں مسلمانوں میں سے ایک ہوں " ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عبداللہ بن عامر اسلمی ہے اور وہ " ضعیف " ہے ۔

عَبْدِ اللهِ بْنِ عُمَرَ

2621 - وَعَنْ أَبِي رَافِعٍ قَالَ: «وَقَعَ إِلَيَّ كِتَابٌ فِيهِ اسْتِفْتَاحُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا كَبَّرَ قَالَ: " إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا وَمَا أَنَا مِنَ الْمُشْرِكِينَ، إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ، لَا شَرِيكَ لَهُ وَبِذَلِكَ أُمِرْتُ وَأَنَا مِنَ الْمُسْلِمِينَ، اللَّهُمَّ أَنْتَ الْمَلِكُ لَا إِلَهَ إِلَّا أَنْتَ سُبْحَانَكَ وَبِحَمْدِكَ أَنْتَ رَبِّي وَأَنَا عَبْدُكَ لَا شَرِيكَ لَكَ ظَلَمْتُ نَفْسِي وَاعْتَرَفْتُ بِذَنْبِي فَاغْفِرْ لِي ذُنُوبِي جَمِيعًا فَإِنَّهُ لَا يَغْفِرُ الذُّنُوبَ إِلَّا أَنْتَ لَبَّيْكَ وَسَعْدَيْكَ وَالْخَيْرُ كُلُّهُ فِي يَدَيْكَ لَا مَنْجَا وَلَا مَلْجَأَ مِنْكَ إِلَّا إِلَيْكَ أَسْتَغْفِرُكَ وَأَتُوبُ إِلَيْكَ " - ثُمَّ يَقْرَأُ». رَوَاهُ الطَّبَرَانِيُّ فِي الْكَبِيرِ وَفِيهِ مُحَمَّدُ بْنُ إِسْحَاقَ وَهُوَ ثِقَةٌ وَلَكِنَّهُ مُدَلِّسٌ وَقَدْ عَنْعَنَهُ وَبَقِيَّةُ رِجَالِهِ مُوَثَّقُونَ.

حضرت ابو رافع رضی اللہ عنہ بیان کرتے ہیں : مجھے ایک تحریر ملی جس میں یہ ذکر تھا کہ نبی اکرم صلی اللہ علیہ و آلہ وسلم جب تکبیر کہتے تھے تو نماز کے آغاز میں آپ کیا پڑھتے تھے ؟ آپ یہ پڑھتے تھے : " بے شک میں نے سیدھے راستے پر گامزن رہتے ہوئے اپنا رخ اس ذات کی طرف کر لیا ہے ، جس نے آسمانوں اور زمین کو پیدا کیا ہے اور میں مشرکین میں سے نہیں ہوں بے شک میری نماز میری قربانی میری زندگی ، اور میری موت اللہ تعالیٰ کے لئے مخصوص ہے ، جو تمام جہانوں کا پروردگار ہے ، اس کا کوئی شریک نہیں ہے مجھے اسی بات کا حکم دیا گیا ہے ، اور میں مسلمانوں میں سے ایک ہوں ، اے اللہ ! تو بادشاہ ہے تیرے علاوہ اور کوئی معبود نہیں ہے ، تو ہر عیب سے پاک ہے حمد تیرے لئے مخصوص ہے ، تو میرا پروردگار ہے میں تیرا بندہ ہوں تیرا کوئی شریک نہیں ہے میں نے اپنے اوپر ظلم کیا ہے میں اپنے گناہ کا اعتراف کرتا ہوں ، تو میرے تمام گناہوں کی مغفرت کر دے کیونکہ گناہوں کی مغفرت صرف تو ہی کرتا ہے میں حاضر ہوں سعادت مندی تیری طرف سے حاصل ہو سکتی ہے ہر قسم کی بھلائی تیرے دست قدرت میں ہے تیرے مقابلے میں جائے نجات اور جائے پناہ صرف تو ہے میں تجھ سے مغفرت طلب کرتا ہوں ، اور تیری بارگاہ میں توبہ مغفرت طلب کرتا ہوں " ۔ ( راوی بیان کرتے ہیں : ) اس کے بعد نبی اکرم صلی اللہ علیہ و آلہ وسلم تلاوت کرتے تھے ۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی محمد بن اسحاق ہے وہ " ثقہ " ہے لیکن تدلیس کرنے والا ہے ، اس نے یہ روایت عنعنہ کے ساتھ نقل کی ہے ، اس روایت کے بقیہ رجال کی توثیق کی گئی ہے ۔

أَبِي رَافِعٍ

2622 - وَعَنْ أَنَسٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - «أَنَّهُ كَانَ إِذَا كَبَّرَ رَفَعَ يَدَيْهِ حَتَّى يُحَاذِيَ أُذُنَيْهِ يَقُولُ: " سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلَا إِلَهَ غَيْرُكَ» ". رَوَاهُ الطَّبَرَانِيُّ فِي الْأَوْسَطِ وَرِجَالُهُ مُوَثَّقُونَ.

حضرت انس رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم جب تکبیر کہتے تھے تو دونوں بلند کرتے تھے یہاں تک کہ انہیں کانوں کے برابر لے آتے تھے پھر آپ یہ پڑھتے تھے : " تو ہر عیب سے پاک ہے اے اللہ ! اور حمد تیرے لئے مخصوص ہے تیرا اسم برکت والا ہے تیری بزرگی بلند و برتر ہے ، اور تیرے علاوہ اور کوئی معبود نہیں ہے " ۔ یہ روایت امام طبرانی نے معجم اوسط میں نقل کی ہے اور اس کے رجال کی تو ثیق کی گئی ہے ۔

النَّبِيِّ «أَنَّهُ كَانَ إِذَا كَبَّرَ رَفَعَ يَدَيْهِ حَتَّى يُحَاذِيَ أُذُنَيْهِ ← أَنَسٍ،

2623 - وَعَنْ أَبِي هُرَيْرَةَ أَنَّ «رَسُولَ اللَّهِ - صَلَّى اللَّهُ عَلَيْهِ وَسَلَّمَ - إِذَا افْتَتَحَ الصَّلَاةَ قَالَ: " {الْحَمْدُ لِلَّهِ رَبِّ الْعَالَمِينَ} [الفاتحة: 2] " ثُمَّ يَسْكُتُ هُنَيْهَةً». رَوَاهُ الطَّبَرَانِيُّ فِي الْأَوْسَطِ وَرِجَالُهُ مُوَثَّقُونَ.

حضرت ابو ہریرہ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم جب نماز کا آغاز کرتے تھے تو پہلے سورت فاتحہ پڑھتے تھے پھر کچھ دیر کے لئے خاموش رہتے تھے ۔ یہ روایت امام طبرانی نے معجم اوسط میں نقل کی ہے ، اور اس کے رجال کی تو ثیق کی گئی ہے ۔

أَبِي هُرَيْرَةَ،

2624 - وَعَنْ حُذَيْفَةَ بْنِ الْيَمَانِ قَالَ: «أَتَيْتُ النَّبِيَّ - صَلَّى اللَّهُ عَلَيْهِ وَسَلَّمَ - ذَاتَ لَيْلَةٍ فَتَوَضَّأَ وَقَامَ يُصَلِّي فَأَتَيْتُهُ فَقُمْتُ عَنْ يَسَارِهِ فَأَقَامَنِي عَنْ يَمِينِهِ فَقَالَ: " سُبْحَانَ اللَّهِ ذِي الْمَلَكُوتِ وَالْجَبَرُوتِ وَالْكِبْرِيَاءِ وَالْعَظَمَةِ» ". رَوَاهُ الطَّبَرَانِيُّ فِي الْأَوْسَطِ وَرِجَالُهُ مُوَثَّقُونَ.

حضرت حذیفہ بن یمان رضی اللہ عنہ بیان کرتے ہیں : ایک رات میں نبی اکرم صلی اللہ علیہ و آلہ وسلم کی خدمت میں حاضر ہوا آپ نے وضو کیا اور نماز ادا کرنے کے لئے کھڑے ہوئے میں آپ کے پاس آیا اور آپ کے بائیں طرف کھڑا ہو گیا تو آپ نے مجھے اپنے دائیں طرف کھڑا کر لیا پھر آ پ نے یہ پڑھا : " اللہ تعالیٰ کی ذات ہر عیب سے پاک ہے ، جو بادشاہی غلبہ کبریائی اور عظمت کی مالک ہے " ۔ یہ روایت امام طبرانی نے معجم اوسط میں نقل کی ہے اور اس کے رجال توثیق کی گئی ہے ۔

یَّمِیْنِہٖ ← يساره فأقامني ← أَتَيْتُ النَّبِيَّ ذَاتَ لَيْلَةٍ، فَتَوَضَّأَ وَقَامَ يُصَلِّي، فَأَتَيْتُهُ، فَقُمْتُ ← حُذَيْفَةَ بْنِ الْيَمَانِ