Majma uz Zawaid Wa Manba ul Fawaid

5082 - وَعَنْ مُعَاذِ بْنِ جَبَلٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: «سَأُنْبِئُكَ بِأَبْوَابٍ مِنَ الْخَيْرِ: الصَّوْمُ جُنَّةٌ، وَالصَّدَقَةُ تُطْفِئُ الْخَطِيئَةَ كَمَا يُطْفِئُ الْمَاءُ النَّارَ، وَقِيَامُ الْعَبْدِ مِنْ جَوْفِ اللَّيْلِ ". ثُمَّ قَرَأَ: " تَتَجَافَى جُنُوبُهُمْ عَنِ الْمَضَاجِعِ». الْآيَةَ. رَوَاهُ أَحْمَدُ، وَشَهْرُ بْنُ حَوْشَبٍ لَمْ يَسْمَعْ مِنْ مُعَاذٍ.

حضرت معاذ بن جبل رضی اللہ عنہ بیان کر تے ہیں : نبی اکرم صلی اللہ علیہ وسلم نے ارشاد فرمایا: ’’ میں تمہیں بھلائی کے کچھ دروازوں کے بارے میں بتاؤں گا۔ روزہ ڈھال ہے صدقہ گناہوں کو اس طرح بجھا دیتا ہے ‘ جس طرح پانی آگ کو بجھا دیتا ہے ‘ اور نصف رات کے وقت بندے کا قیام کرنا‘‘۔ پھر آپ نے یہ آیت تلاوت کی : ’’ ان کے پہلو بستروں سے الگ رہتے ہیں‘‘ الآیہ۔ یہ روایت امام احمد نے نقل کی ہے ‘ اور شہر بن حوشب نے حضرت معاذ رضی اللہ عنہ سے سماع نہیں کیا ہے۔

مُّعَاذِ بْنِ جَبَلِ

5083 - وَعَنْ أَبِي ذَرٍّ أَنَّهُ قَالَ: «يَا رَسُولَ اللَّهِ، مَا الصَّوْمُ؟ قَالَ: " فَرْضٌ مُجْزِئٌ». رَوَاهُ أَحْمَدُ فِي حَدِيثٍ طَوِيلٍ، وَيَأْتِي إِنْ شَاءَ اللَّهُ بِتَمَامِهِ، وَفِيهِ رَجُلٌ لَمْ يُسَمَّ.

حضرت ابوذ رغفاری رضی اللہ عنہ بیان کرتے ہیں: انہوں نے عرض کی : یا رسول اللہ ! روز ہ کیا ہے؟ نبی اکرم صلی اللہ علیہ وسلم نے ارشاد فرمایا: ایک ایسا فرض ‘ جو کفایت کر جاتا ہے۔ یہ روایت امام احمد نے ایک طویل حدیث میں ذکر کی ہے جو آگے چل کر ایک مکمل طور پر آئے گی ‘ اگر اللہ نے چاہا اس کی سند میں ایک راوی ایسا ہے ‘ جس کا نام بیان نہیں کیا گیا ہے۔

أَبِي ذَرٍّ أَنَّهُ

5084 - وَعَنْ عَبْدِ اللَّهِ بْنِ عَمْرٍو قَالَ: «جَاءَ رَجُلٌ إِلَى النَّبِيِّ صَلَّى اللَّهُ عَلَيْهِ وَسَلَّمَ فَقَالَ: يَا رَسُولَ اللَّهِ، ائْذَنْ لِي أَخْتَصِيَ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " خِصَاءُ أُمَّتِي الصِّيَامُ وَالْقِيَامُ». رَوَاهُ أَحْمَدُ، وَإِسْنَادُهُ حَسَنٌ.

حضرت عبداللہ بن عمرو رضی اللہ عنہ بیان کرتے ہیں: ایک شخص نبی اکرم صلی اللہ علیہ وسلم کی خدمت میں حاضر ہوا اس نے عرض کی: یارسول اللہ! آپ مجھے اجازت دیں کہ میں خصی ہو جاؤں نبی اکرم صلی اللہ علیہ وسلم نے ارشاد فرمایا: میری امت کے خصی ہونے کاطریقہ روزے رکھنا اور قیام کرنا ہے (یعنی ایسا کرنے سے شہوت ختم ہو جائےگی )۔ یہ روایت امام احمد نے نقل کی ہے ‘ اور اس کی سند حسن ہے۔

جَاءَ رَجُلٌ إِلَى النَّبِيِّ فَقَالَ ← وعن عبد الله بن عمرو

5085 - وَعَنْ سَلَمَةَ بْنِ قَيْصَرٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «مَنْ صَامَ يَوْمًا ابْتِغَاءَ وَجْهِ اللَّهِ بَاعَدَهُ اللَّهُ مِنْ جَهَنَّمَ كَبُعْدِ غُرَابٍ طَارَ وَهُوَ فَرْخٌ حَتَّى مَاتَ هَرِمًا». رَوَاهُ أَبُو يَعْلَى وَالطَّبَرَانِيُّ فِي الْكَبِيرِ وَالْأَوْسَطِ إِلَّا أَنَّهُ قَالَ: سَلَامَةُ بْنُ قَيْصَرٍ، وَفِيهِ ابْنُ لَهِيعَةَ، وَفِيهِ كَلَامٌ.

حضرت سلمہ بن قیصر رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ’’ جو شخص اللہ تعالیٰ کی رضا کے حصول کے لئے ایک دن روزہ رکھتا ہے اللہ تعالیٰ اسے جہنم سے اتنی دور کر دیتا ہے ‘ جس طرح اگر کوئی کوا ‘ جو بچہ ہو وہ اڑنا شروع کرے یہاں تک کہ بوڑھا ہو کے مرجائے(یعنی جتنا فاصلہ وہ طے کر تا ہے اللہ تعالیٰ اس بندے کو جہنم سے اتنادور کر دیتا ہے )‘‘۔ یہ روایت امام ابویعلیٰ اور امام طبرانی نے معجم کبیر اور معجم اوسط میں نقل کی ہے تا ہم انہوں نے یہ لفظ نقل کیے ہیں: سلامہ بن قیصر اس کی سند میں ایک راوی ابن لہیعہ ہے ‘ اوراس کے بارے میں کلام کیا گیا ہے۔

سلمة بن قيصر

5086 - وَعَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «مَنْ صَامَ يَوْمًا ابْتِغَاءَ وَجْهِ اللَّهِ بَعَّدَهُ اللَّهُ مِنْ جَهَنَّمَ كَبُعْدِ غُرَابٍ طَارَ، وَهُوَ فَرْخٌ حَتَّى مَاتَ هَرِمًا». رَوَاهُ أَحْمَدُ وَالْبَزَّارُ، وَفِيهِ رَجُلٌ لَمْ يُسَمَّ.

حضرت ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں:’’ جو شخص اللہ تعالیٰ کی رضا کے حصول کے لئے ایک دن کا روزہ رکھتا ہے اللہ تعالیٰ اسے جہنم سے اتنی دور کر دیتا ہے جتنا فاصلہ وہ کوا طے کرتا ہے ‘ جو بچہ ہو ‘ تو اڑنا شروع کرے اور یہاں تک کہ بوڑھا ہو کے مر جائے‘‘۔ یہ روایت امام احمد نے اور امام بزار نے نقل کی ہے ۔ اس کی سند میں ایک راوی ایسا ہے ‘ جس کا نام بیان نہیں کیا گیا ہے۔

أَبِي هُرَيْرَةَ،

5087 - وَعَنْ أَبِي أُمَامَةَ قَالَ: «أَنْشَأَ رَسُولُ اللَّهِ صَلَّى اللَّهُ عَلَيْهِ وَسَلَّمَ غَزْوَةً فَأَتَيْتُهُ فَقُلْتُ: يَا رَسُولَ اللَّهِ، ادْعُ لِي بِالشَّهَادَةِ. فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " اللَّهُمَّ سَلِّمْهُمْ وَغَنِّمْهُمْ ". قَالَ: فَسَلِمْنَا وَغَنِمْنَا. قَالَ: ثُمَّ أَنْشَأَ رَسُولُ اللَّهِ صَلَّى اللَّهُ عَلَيْهِ وَسَلَّمَ غَزْوًا ثَانِيًا فَأَتَيْتُهُ فَقُلْتُ: يَا رَسُولَ اللَّهِ، ادْعُ لِي بِالشَّهَادَةِ. فَقَالَ: " اللَّهُمَّ سَلِّمْهُمْ وَغَنِّمْهُمْ ". قَالَ: فَسَلِمْنَا وَغَنِمْنَا. قَالَ: ثُمَّ أَنْشَأَ رَسُولُ اللَّهِ صَلَّى اللَّهُ عَلَيْهِ وَسَلَّمَ غَزْوًا ثَالِثًا فَأَتَيْتُهُ فَقُلْتُ: يَا رَسُولَ اللَّهِ، إِنِّي أَتَيْتُكَ مَرَّتَيْنِ قَبْلَ مَرَّتِي هَذِهِ فَسَأَلَتُكَ أَنْ تَدْعُوَ اللَّهَ لِي بِالشَّهَادَةِ فَقُلْتَ: اللَّهُمَّ سَلِّمْهُمْ وَغَنِّمْهُمْ، فَسَلِمْنَا وَغَنِمْنَا، يَا رَسُولَ اللَّهِ، مُرْنِي بِعَمَلٍ. قَالَ: " عَلَيْكَ بِالصَّوْمِ فَإِنَّهُ لَا مِثْلَ لَهُ ". قَالَ: فَمَا رُئِيَ أَبُو أُمَامَةَ وَلَا امْرَأَتُهُ وَلَا خَادِمُهُ إِلَّا صِيَامًا. قَالَ: فَكَانَ إِذَا رُئِيَ فِي دَارِهِمْ دُخَانٌ بِالنَّهَارِ قِيلَ: اعْتَرَاهُمْ ضَيْفٌ نَزَلَ بِهِمْ نَازِلٌ. قَالَ: فَلَبِثْتُ بِذَلِكَ مَا شَاءَ اللَّهُ ثُمَّ أَتَيْتُهُ فَقُلْتُ: يَا رَسُولَ اللَّهِ، أَمَرْتَنَا بِالصِّيَامِ فَأَرْجُو أَنْ يَكُونَ قَدْ بَارَكَ اللَّهُ لَنَا فِيهِ، يَا رَسُولَ اللَّهِ، فَمُرْنِي بِعَمَلٍ آخَرَ؟ قَالَ: " اعْلَمْ أَنَّكَ لَنْ تَسْجُدَ لِلَّهِ سَجْدَةً إِلَّا رَفَعَ اللَّهُ لَكَ بِهَا دَرَجَةً وَحَطَّ عَنْكَ بِهَا خَطِيئَةً». قُلْتُ: رَوَى النَّسَائِيُّ طَرَفًا مِنْهُ يَسِيرًا فِي الصِّيَامِ. رَوَاهُ أَحْمَدُ وَالطَّبَرَانِيُّ فِي الْكَبِيرِ، وَرِجَالُ أَحْمَدَ رِجَالُ الصَّحِيحِ.

حضرت ابوامامہ رضی اللہ عنہ بیان کرتے ہیں: نبی اکرم صلی اللہ علیہ وسلم ایک جنگی مہم روانہ کرنے لگے میں آپ کی خدمت میں حاضر ہوا میں نے عرض کی: یا رسول اللہ! آپ میرے لئے شہادت کی دعا کیجئے نبی اکرم صلی اللہ علیہ وسلم نے فرمایا: اے اللہ! ان لوگوں کو سلامت رکھنا اور انہیں غنیمت عطا کرنا راوی کہتے ہیں : ہم لوگ سلامت بھی رہے ‘ اور ہمیں غنیمت بھی نصیب ہوئی پھراس کے بعد نبی اکرم صلی اللہ علیہ وسلم نے ایک اور جنگی مہم کی تیاری کی میں نبی اکرم صلی اللہ علیہ وسلم کی خدمت میں حاضر ہوا میں نے عرض کی: یارسول اللہ! آپ میرے لئے شہادت کی دعا کیجئے نبی اکرم صلی اللہ علیہ وسلم نے فرمایا: اے اللہ! تو انہیں سلامت رکھنا اور انہیں غنیمت عطا کرنا راو ی کہتے ہیں: ہم سلامت بھی رہے ‘ اور ہمیں غنیمت بھی ملی پھر نبی اکرم صلی اللہ علیہ وسلم نے تیسری جنگ کی تیاری کی میں آپ کی خدمت میں حاضر ہوا میں نے عرض کی : یا رسول اللہ! اس مرتبہ سے پہلے میں آپ کی خدمت میں دو مرتبہ حاضر ہوا میں نے گزارش کی کہ آپ اللہ تعالیٰ سے میرے لئے شہادت کی دعا کیجئے تو آپ نے ارشاد فرمایا: اے اللہ! تو انہیں سلامت رکھنا اور انہیں غنیمت عطا کرنا تو ہم سلامت بھی رہے ‘ اور ہمیں غنیمت بھی ملی یا رسول اللہ ! آپ مجھے کسی عمل کے بارے میں حکم دیجئے نبی اکرم صلی اللہ علیہ وسلم نے ارشاد فرمایا: تم پر روزے رکھنا لازم ہے کیونکہ اس کی مانند اور کوئی نہیں ہے راوی کہتے ہیں: اس کے بعد حضرت ابوامامہ رضی اللہ عنہ اور ان کی اہلیہ اور ان کے خادم کو ہمیشہ روزے کی حالت میں دیکھا گیا راوی بیان کرتے ہیں: جب ان کے گھر سے دن کے وقت دھواں نظر آتا تھا ‘ تو یہ بات کہی جاتی تھی کہ کوئی مہمان ان کے ہاں آیا ہوا ہوگا راوی بیان کرتے ہیں: اس کے بعد کچھ عرصہ گزر گیا پھر میں نبی اکرم صلی اللہ علیہ وسلم کی خدمت میں حاضر ہوا میں نے عرض کی یا رسول اللہ! آپ نے مجھے روزہ رکھنے کاحکم دیا تھا مجھے یہ امید ہے کہ اللہ تعالیٰ ہمارے لئے اس میں برکت رکھے گا یا رسول اللہ آپ مجھے کوئی اور عمل کر نے کے بارے میں بھی حکم دیجیے نبی اکرم صلی اللہ علیہ وسلم نے ارشاد فرمایا: تم یہ بات جان لو کہ تم جب بھی اللہ تعالیٰ کی بارگاہ میں سجدہ کرو گے تو اللہ تعالیٰ اس کی وجہ سے تمہارے درجہ کو بلند کرے گا اور اس کی وجہ سے تمہاری خطا کو ختم کر دے (علامہ ہیثمی فرماتے ہیں: ) میں یہ کہتا ہوں: امام نسائی نے اس روایت کا صرف ایک مختصر حصہ نقل کیا ہے ‘ جو روزے کے بارے میں ہے۔ یہ روایت امام احمد نے اور امام طبرانی نے معجم کبیر میں نقل کی ہے ۔ امام احمد کے رجال ’’صحیح‘‘ کے رجال ہیں ۔

أَنْشَأَ رَسُولُ اللهِ غَزْوَةً فَأَتَيْتُهُ فَقُلْتُ: ← وعن أبي أمامة

5088 - وَعَنْ سَهْلِ بْنِ سَعْدٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لِكُلِّ شَيْءٍ زَكَاةٌ ; وَزَكَاةُ الْجَسَدِ الصَّوْمُ». رَوَاهُ الطَّبَرَانِيُّ فِي الْكَبِيرِ، وَفِيهِ حَمَّادُ بْنُ الْوَلِيدِ، وَهُوَ ضَعِيفٌ.

حضرت سہل بن سعد رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا:’’ہر چیز کی زکوۃ ہوتی ہے ‘ اور جسم کی زکوۃ روزہ ہے‘‘ ۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی حماد بن ولید ہے ‘ اور وہ ضعیف ہے۔

سَهْلِ بْنِ سَعْدٍ

5089 - وَعَنِ ابْنِ عُمَرَ قَالَ: مَا أَتَأَسَّى عَلَى شَيْءٍ فَاتَنِي إِلَّا الصَّوْمَ وَالصَّلَاةَ وَتَرْكِي الْفِئَةَ الْبَاغِيَةَ إِلَّا أَنْ أَكُونَ قَاتَلْتُهَا وَاسْتِقَالَتِي عَلِيًّا الْبَيْعَةَ. رَوَاهُ الطَّبَرَانِيُّ فِي الْكَبِيرِ وَالْأَوْسَطِ إِلَّا أَنَّهُ قَالَ: مَا آسَى عَلَى شَيْءٍ فَاتَنِي مِنَ الدُّنْيَا إِلَّا الصَّوْمَ فِي الْهَوَاجِرِ، وَأَنْ لَا أَكُونَ فَرَّجْتُ بَيْنَ قَدَمَيَّ فِي الصَّلَاةِ - يَعْنِي: طُولَ الصَّلَاةِ. وَفِيهِ سِنَانُ بْنُ هَارُونَ وَثَّقَهُ أَبُو حَاتِمٍ وَابْنُ عَدِيٍّ وَضَعَّفَهُ ابْنُ مَعِينٍ.

حضرت عبداللہ بن عمر رضی اللہ عنہ فرماتے ہیں: مجھے رہ جانے والی کسی بھی چیز پر اتنا افسوس نہیں ہے جتنا روزے اور نماز پر ہے ‘ اور اس بات پر ہے کہ میں نے باغی گروہ کو کیوں چھوڑ دیا؟ مجھے ان کے ساتھ لڑنا چاہیے تھا اور اس ( بات پر افسوس ہے ) کہ میں نے حضرت علی رضی اللہ عنہ کی بیعت کیوں واپس کر دی ۔ یہ روایت امام طبرانی نے معجم کبیر اور معجم اوسط میں نقل کی ہے ‘ تاہم انہوں نے یہ الفاظ نقل کیے ہیں: ’’دنیا سے رہ جانے والی کسی بھی چیز پر مجھے اتنا افسوس نہیں ہے جتنا گرمیوں کے روزوں پر ہے ‘ اور یہ کہ میں نے نماز میں اپنے دونوں قدم کشادہ کیوں نہیں کیے ‘ ان کی مراد یہ تھی کہ میں نے طویل نماز ادا کیوں نہیں کی؟ اس روایت کی سند میں ایک راوی سنان بن ہارون ہے ‘ جسے ابو حاتم نے اور ابن عدی نے ’’ ثقہ‘‘ قرار دیا ہے جبکہ یحییٰ بن معین نے اسے ضعیف کہا ہے۔

ابْنِ عُمَرَ

5090 - وَعَنِ ابْنِ عُمَرَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «الْأَعْمَالُ سَبْعَةٌ: عَمَلَانِ مُنْجِيَانِ، وَعَمَلَانِ بِأَمْثَالِهِمَا، وَعَمَلٌ بِعَشَرَةِ أَمْثَالِهِ، وَعَمَلٌ بِسَبْعِمِائَةِ ضِعْفٍ، وَعَمَلٌ لَا يَعْلَمُ ثَوَابَ عَامِلِهِ إِلَّا اللَّهُ، فَأَمَّا الْمُنْجِيَاتُ: فَمَنْ لَقِيَ اللَّهَ عَزَّ وَجَلَّ يَعْبُدُهُ مُخْلِصًا لَا يُشْرِكُ بِهِ شَيْئًا وَجَبَتْ لَهُ الْجَنَّةُ، وَمَنْ لَقِيَ اللَّهَ يُشْرِكُ بِهِ شَيْئًا وَجَبَتْ لَهُ النَّارُ، وَمَنْ عَمِلَ سَيِّئَةً جُزِيَ بِهَا، وَمَنْ أَرَادَ أَنْ يَعْمَلَ حَسَنَةً فَلَمْ يَعْمَلْهَا جُزِيَ مِثْلَهَا، وَمَنْ عَمِلَ حَسَنَةً جُزِيَ عَشْرًا، وَمَنْ أَنْفَقَ مَالَهُ فِي سَبِيلِ اللَّهِ ضُعِّفَتْ لَهُ نَفَقَةُ الدِّرْهَمِ بِسَبْعِمِائَةٍ، وَالصِّيَامُ لَا يَعْلَمُ ثَوَابَ عَامِلِهِ إِلَّا اللَّهُ عَزَّ وَجَلَّ». رَوَاهُ الطَّبَرَانِيُّ فِي الْأَوْسَطِ، وَفِيهِ يَحْيَى بْنُ الْمُتَوَكِّلِ، وَقَدْ ضَعَّفَهُ جُمْهُورُ الْأَئِمَّةِ، وَوَثَّقَهُ ابْنُ مَعِينٍ فِي رِوَايَةٍ، وَضَعَّفَهُ فِي أُخْرَى.

حضرت عبداللہ بن عمر رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’ اعمال سات قسم کے ہوتے ہیں دو قسم کے اعمال نجات دلانے والے ہیں دو قسم کے عمل برابر کے ہوتے ہیں ایک عمل ایسا ہے ‘ جس کا اجر دس گنا ہوتا ہے ایک عمل ایسا ہے ‘ جس کا اجر سات سو گنا ہوتا ہے ‘ اور ایک عمل ایسا ہے کہ اسے کرنے والے کے ثواب کے بارے میں اللہ تعالیٰ کے علاوہ کوئی نہیں جانتا ‘ جہاں تک نجات دلانے والے عمل کا تعلق ہے ‘ تو جو شخص اللہ تعالیٰ کی بارگاہ میں ایسی حالت میں حاضر ہو کہ وہ اخلاص کے ساتھ اسی کی عبادت کرتا ہو کسی کو اس کا شریک نہ ٹھہراتا ہو تو اس شخص کے لئے جنت واجب ہو جائے گی ‘ اور جو شخص اللہ تعالیٰ کی بارگاہ میں ایسی حالت میں حاضر ہو کہ وہ کسی کو اللہ کا شریک ٹھہراتا ہو اس کے لئے جہنم واجب ہو جائے گی جو شخص ایک برائی کرے تو اسے اس کے برابر کا(یعنی ایک گنا ) بدلہ ملے اور جو شخص نیکی کرنے کا ارادہ کرے اور اس پر عمل نہ کرے تو اس کو ایک نیکی کا اجر ملے گا اور جو شخص ایک نیکی کرے گا اسے دس گنا اجر ملے گا ‘ اور جو شخص اپنامال اللہ کی راہ میں خرچ کرے گا ‘ تو اسے ایک درہم خرچ کرنے کا اجر سات سو گنا ملے گا ‘ اور روزہ رکھنے والے کے ثواب کے بارے میں اللہ تعالیٰ کے علاوہ اور کوئی نہیں جانتا‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی یحییٰ بن متوکل ہے ‘ جسے جمہورائمہ نے ”ضعیف‘‘ قرار دیا ہے یحییٰ بن معین نے ایک روایت کے مطابق اسے ثقہ کہا ہے ‘ اور دوسری روایت کے مطابق انہوں نے اسے ضعیف کہا ہے۔

ابْنِ عُمَرَ

5091 - وَعَنْ أَنَسِ بْنِ مَالِكٍ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: «الصَّوْمُ يُذْبِلُ اللَّحْمَ، وَيُبْعِدُ مِنْ حَرِّ السَّعِيرِ، إِنَّ لِلَّهِ مَائِدَةً عَلَيْهَا مَا لَا عَيْنٌ رَأَتْ وَلَا أُذُنٌ سَمِعَتْ، وَلَا خَطَرَ عَلَى قَلْبِ بَشَرٍ لَا يَقْعُدُ عَلَيْهَا إِلَّا الصَّائِمُونَ». رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ الْمَجِيدِ بْنُ كَثِيرٍ الْحَرَّانِيُّ ; وَلَمْ أَجِدْ مَنْ تَرْجَمَهُ.

حضرت انس بن مالک رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’ روزہ گوشت کو کمزور کر دیتا ہے اور جہنم کی تپش کو دور کر دیتا ہے اللہ تعالیٰ کا ایک دستر خوان ہے، جس پرایسی چیزیں موجود ہیں جن کو کسی آنکھ نے دیکھا نہیں کسی کان نے سنا نہیں کسی انسان کے دل میں ان کا خیال بھی نہیں آیا ہو گا اس دسترخوان پر صرف روزہ دار بیٹھیں گے‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی عبدالمجید بن کثیر حرانی ہے میں نے کسی کو اس کے حالات بیان کرتے ہوئے نہیں پایا ہے۔

اَنَسِ بْنِ مَالِکٍ،

5092 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَوْ أَنَّ رَجُلًا صَامَ يَوْمًا تَطَوُّعًا ثُمَّ أُعْطِيَ مِلْءَ الْأَرْضِ ذَهَبًا لَمْ يَسْتَوْفِ ثَوَابَهُ دُونَ يَوْمِ الْحِسَابِ». رَوَاهُ أَبُو يَعْلَى وَالطَّبَرَانِيُّ فِي الْأَوْسَطِ، وَفِيهِ لَيْثُ بْنُ أَبِي سُلَيْمٍ، وَهُوَ ثِقَةٌ وَلَكِنَّهُ مُدَلِّسٌ، وَبَقِيَّةُ رِجَالِهِ ثِقَاتٌ.

حضرت ابو ہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’ اگر کوئی شخص ایک دن کا نفلی روزہ رکھ لے پھر اس کے بعداگر پوری روئے زمین جتنا سونا اسے دیا جائے تو قیامت کے دن سے پہلے پھر بھی وہ اس ایک روزے کے ثواب کو پورا وصول نہیں کرے گا ۔ یہ روایت امام ابویعلیٰ اورامام طبرانی نے معجم اوسط میں نقل کی ہے۔ اس کی سند میں ایک راوی لیث بن ابوسلیم ہے وہ ثقہ ہے ‘ لیکن وہ تدلیس کر نے والا ہے ۔

أَبِي هُرَيْرَةَ،

5093 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «قَالَ اللَّهُ تَبَارَكَ وَتَعَالَى: الصِّيَامُ لِي وَأَنَا أَجْزِي بِهِ. وَبِمَحْلُوفِ رَسُولِ اللَّهِ صَلَّى اللَّهُ عَلَيْهِ وَسَلَّمَ: لَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رَائِحَةِ الْمِسْكِ، فَأَيُّمَا امْرِئٍ مِنْكُمْ أَصْبَحَ صَائِمًا فَلَا يَرْفُثْ وَلَا يَجْهَلْ، وَإِنْ إِنْسَانٌ قَاتَلَهُ فَلْيَقُلْ: إِنِّي صَائِمٌ، فَإِنَّ لَهُمْ يَوْمَ الْقِيَامَةِ حَوْضًا مَا يَرِدُهُ غَيْرُ الصُّوَّامِ». قُلْتُ: هُوَ فِي الصَّحِيحِ بِاخْتِصَارٍ الْحَوْضُ. رَوَاهُ الْبَزَّارُ، وَرِجَالُهُ مُوَثَّقُونَ.

حضرت ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرما یا :’’اللہ تعالیٰ ارشاد فرما تا ہے :’’روزہ میرے لئے ہے ‘ اور میں اس کی جزا دوں گا‘‘۔( راوی بیان کرتے ہیں: ) نبی اکرم صلی اللہ علیہ وسلم کی قسم کے مطابق ’’روزہ دار کے منہ کی بو اللہ تعالیٰ کے نزد یک مشک کی خوشبو سے زیادہ پاکیزہ ہوتی ہے تم میں سے جو بھی شخص روزہ دار ہونے کے عالم میں صبح کرتا ہے ‘ تو وہ فحش کلامی نہ کرے اور جہالت کا مظاہرہ نہ کرے اگر کوئی اس کے ساتھ جھگڑا کرتا ہے ‘ تو وہ یہ کہہ دے: میں نے روزہ رکھا ہوا ہے کیونکہ ان لوگوں کے لئے قیامت کے دن ایک حوض ہوگا اس حوض پر روزہ داروں کے علاوہ کوئی اور نہیں آئےگا‘‘۔ (علامہ ہیثمی فرماتے ہیں: )میں یہ کہتا ہوں: یہ روایت ’’صحیح‘‘ میں مذکور ہے ‘ لیکن اختصار کے ساتھ ہے ‘ جس میں صرف حوض کا تذکرہ ہے۔ یہ روایت امام بزار نے نقل کی ہے ‘ اور اس کے رجال کی توثیق کی گئی ہے۔

أَبِي هُرَيْرَةَ،