Majma uz Zawaid Wa Manba ul Fawaid

7110 - وَعَنْ مُعَاذٍ قَالَ: «أَوْصَانِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِعَشْرِ كَلِمَاتٍ قَالَ: " لَا تُشْرِكْ بِاللَّهِ شَيْئًا، وَإِنْ قُتِلْتَ وَحُرِّقْتَ. وَلَا تَعُقَنَّ وَالِدَيْكَ، وَإِنْ أَمَرَاكَ أَنْ تَخْرُجَ مِنْ أَهْلِكَ وَمَالِكَ. وَلَا تَتْرُكَنَّ صَلَاةً مَكْتُوبَةً مُتَعَمِّدًا، فَإِنَّ مَنْ تَرَكَ صَلَاةً مَكْتُوبَةَ مُتَعَمِّدًا، فَقَدْ بَرِئَتْ مِنْهُ ذِمَّةُ اللَّهِ. وَلَا تَشْرَبَنَّ خَمْرًا، فَإِنَّهُ رَأَسُ كُلِّ فَاحِشَةٍ. وَإِيَّاكَ وَالْمَعْصِيَةَ، فَإِنَّ بِالْمَعْصِيَةِ حَلَّ سَخْطُ اللَّهِ. وَإِيَّاكَ وَالْفِرَارَ مِنَ الزَّحْفِ، وَإِنْ هَلَكَ النَّاسُ، وَإِنْ أَصَابَ النَّاسَ مَوْتٌ فَاثْبُتْ. وَأَنْفِقْ عَلَى أَهْلِكَ مِنْ طَوْلِكَ، وَلَا تَرْفَعْ عَصَاكَ عَنْهُمْ أَدَبًا وَأَخِفْهُمْ فِي اللَّهِ» ". رَوَاهُ أَحْمَدُ، وَالطَّبَرَانِيُّ فِي الْكَبِيرِ، وَرِجَالُ أَحْمَدَ ثِقَاتٌ إِلَّا أَنَّ عَبْدَ الرَّحْمَنِ بْنَ جُبَيْرِ بْنِ نُفَيْرٍ لَمْ يَسْمَعْ مِنْ مُعَاذٍ، وَإِسْنَادُ الطَّبَرَانِيِّ مُتَّصِلٌ، وَفِيهِ عَمْرُو بْنُ وَاقَدٍ الْقُرَشِيُّ، وَهُوَ كَذَّابٌ.

حضرت معاذ رضی اللہ عنہ بیان کرتے ہیں: نبی اکرم صلی اللہ علیہ وسلم نے مجھے دس کلمات کی وصیت کی تھی آپ نے ارشاد فرمایا: ’’تم کسی کو اللہ کا شریک نہ ٹھہرانا، خواہ تمہیں قتل کردیا جائےیا نہیں جلا دیا جائے، اور تم اپنے ماں باپ کی نافرمانی نہ کرنا، اگرچہ وہ دونوں تمہیں یہ حکم دیں کہ تم اپنے اہل خانہ اور اپنے مال سے نکل جاؤ، اورتم فرض نماز جان بوجھ کر ہرگز ترک نہ کرنا، کیونکہ جو شخص فرض نماز جان بوجھ کر ترک کر دیتا ہے، اس سے اللہ تعالیٰٰ کا ذمہ لا تعلق ہو جاتا ہے، اور تم شراب ہرگز نہ پینا، کیونکہ یہ ہر برائی کی جڑ ہے اور تم گناہ کے ارتکاب سے بچ کے رہنا، کیونکہ گناه الله تعالیٰ کی ناراضگی کوحلال کردیتا ہے اورتم میدان جنگ سے راہ فرار اختیار کرنے سے بچنا، خواہ لوگ ہلاکت کا شکار ہو رہے ہوں، اگر لوگوں کو موت لاحق ہوجائے، تو تم ثابت قدم رہنا، اور تم اپنی حیثیت کے مطابق اپنے اہل خانہ پر خرچ کرنا اور ان کی تر بیت کے حوالے سے ان سے عصا کو نہ اٹھانا اور انہیں اللہ تعالیٰٰ کا خوف دلاتے رہنا‘‘۔ یہ روایت امام احمد نے اور امام طبرانی نے معجم کبیر میں نقل کی ہے، امام احمد کے رجال ثقہ ہیں، البتہ عبد الرحمن بن جبیر بن نفیر نے حضرت معاذ رضی اللہ عنہ سے سماع نہیں کیا ہے، امام طبرانی کی سند متصل ہے اس کی سند میں ایک راوی عمرو بن واقد قرشی ہے اور وہ کذاب ہے۔

أوْصاني رسولُ الله بعَشْرِ كلِماتٍ ← مُعَاذٌ،

7111 - وَعَنْ أَبِي سَعِيدٍ الْخُدْرِيِّ «أَنَّ رَجُلًا جَاءَهُ، فَقَالَ: أَوْصِنِي. فَقَالَ: سَأَلْتَنِي عَمَّا سَأَلْتُ عَنْهُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - مِنْ قَبْلِكَ. أُوصِيكَ بِتَقْوَى اللَّهِ فَإِنَّهُ رَأَسُ كُلُّ شَيْءٍ، وَعَلَيْكَ بِالْجِهَادِ فَإِنَّهَا رَهْبَانِيَّةُ الْإِسْلَامِ، وَعَلَيْكَ بِذِكْرِ اللَّهِ وَتِلَاوَةِ الْقُرْآنِ، فَإِنَّهُ رُوحُكَ فِي السَّمَاءِ وَذِكْرُكَ فِي الْأَرْضِ». رَوَاهُ أَحْمَدُ، وَأَبُو يَعْلَى إِلَّا أَنَّهُ قَالَ: «جَاءَ رَجُلٌ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ أَوْصِنِي. قَالَ: " عَلَيْكَ بِتَقْوَى اللَّهِ، فَإِنَّهُ جِمَاعُ كُلِّ خَيْرٍ» ". فَذَكَرَ نَحْوَهُ وَزَادَ: " «وَاخَزِنْ لِسَانَكَ إِلَّا مِنْ خَيْرٍ، فَإِنَّكَ بِذَلِكَ تَغْلِبُ الشَّيْطَانَ» ". وَرِجَالُ أَحْمَدَ ثِقَاتٌ، وَفِي إِسْنَادِ أَبِي يَعْلَى لَيْثُ بْنُ أَبِي سُلَيْمٍ، وَهُوَ مُدَلِّسٌ.

حضرت ابوسعید خدری رضی اللہ عنہ کے بارے میں یہ بات منقول ہے: ایک شخص ان کے پاس آیا اور بولا: آپ مجھے کوئی نصیحت کیجئے۔ انہوں نے فرمایا:تم نے مجھ سے اس چیز کے بارے میں دریافت کیا ہے ،جس کے بارے میں، میں نے نبی اکرم صلی اللہ علیہ وسلم سے تم سے پہلے دریافت کیا (تو نبی اکرم صلى الله عليہ وسلم نے ارشادفرمایا تھا:) ’’میں تمہیں اللہ تعالیٰ کا تقویٰٰ اختیارکرنے کی وصیت کرتا ہوں کیونکہ یہ ہر چیز کی بنیاد ہے اورتم پر جہادکرنا لازم ہے، کیونکہ یہ اسلام کی رہبانیت ہے اور تم پر اللہ تعالیٰ کا ذکر کرنا اور قرآن کی تلاوت کرنا لازم ہے کیونکہ یہ آسان میں تمہارے لئے آسانی کا باعث بنے گا اور زمین میں تمہارے ذکر کا باعث بنے گا‘‘۔یہ روایت امام احمد اور امام ابویعلیٰ نقل کی ہے، تاہم انہوں نے یہ الفاظ نقل کیے ہیں :’’ایک شخص نبی اکرم صلی اللہ علیہ وسلم کے پاس آیا اور بولا: یا رسول اللہ! آپ مجھے وصیت کیجئے، نبی اکرم صلی اللہ علیہ وسلم نے ارشادفرمایا :تم پر الله کا تقویٰ اختیار کرنا لازم ہے، کیونکہ یہ ہر بھلائی کا مجموعہ ہے....‘‘ اس کے بعد راوی نے حسب سابق حدیث نقل کی ہے، جس میں یہ الفاظ زائد ہیں:’’ تم اپنی زبان کو صرف بھلائی کے کام میں استعمال کرنا، اس کے ذریعہ تم شیطان پر غالب آجاؤگے۔ امام احمد کے رجال ثقہ ہیں امام ابویعلیٰ کی سند میں ایک راوی لیث بن ابوسلیم ہے اور وہ تدلیس کرنے والا ہے۔

أَبِي سَعِيدٍ الْخُدْرِيِّ،

7112 - وَعَنْ حَرْمَلَةَ الْعَنْبَرِيِّ قَالَ: «أَتَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقُلْتُ: يَا رَسُولَ اللَّهِ أَوْصِنِي، فَقَالَ: " اتَّقِ اللَّهَ، وَإِذَا كُنْتَ فِي مَجْلِسٍ فَقُمْتَ مِنْهُ فَسَمِعْتَهُمْ يَقُولُونَ مَا يُعْجِبُكَ فَأْتِهِ، وَإِذَا سَمِعْتَهُمْ يَقُولُونَ مَا تَكْرَهُ فَاتْرُكْهُ» ". رَوَاهُ أَحْمَدُ، وَرِجَالُهُ ثِقَاتٌ.

حضرت حرملہ عنبری رضی اللہ عنہ بیان کرتے ہیں : میں نبی اکرم صلی اللہ علیہ وسلم کی خدمت میں حاضر ہوا، میں نے عرض کی: یارسول الله! آپ مجھے وصیت کیجئے نبی اکرم صلی اللہ علیہ وسلم نے ارشادفرمایا:’’تم اللہ تعالیٰ سے ڈرتے رہنا ،اور جب تم کسی محفل میں موجود ہو ،اور وہاں سے اٹھو اور پھر تم ان لوگوں کو وہ بات کہتےہوئےسنو، جو تمہیں اچھی لگے توتم چلے جانا، اور جب ان لوگوں کو کوئی ایسی بات کہتے ہوئے سنو ،جوتم ناپسند کرتے ہو ،تو پھر اسے چھوڑ دینا‘‘۔یہ روایت امام احمد نے نقل کی ہے، اور اس کے رجال ثقہ ہیں۔

أَتَيْتُ رَسُولَ اللَّهِ فَقُلْتُ: ← وَعَنْ حَرْمَلَةَ الْعَنْبَرِيِّ

7113 - «وَعَنْ أَبِي ذَرٍّ قَالَ: قُلْتُ: يَا رَسُولَ اللَّهِ أَوْصِنِي. قَالَ: " أُوصِيكَ بِتَقْوَى اللَّهِ؛ فَإِنَّهَا رَأْسُ أَمْرِكَ ". قُلْتُ: يَا رَسُولَ اللَّهِ زِدْنِي. قَالَ: " عَلَيْكَ بِتِلَاوَةِ الْقُرْآنِ وَذِكْرِ اللَّهِ؛ فَإِنَّ ذَلِكَ نُورٌ لَكَ فِي السَّمَاوَاتِ وَنُورٌ لَكَ فِي الْأَرْضِ ". قُلْتُ: يَا رَسُولَ اللَّهِ زِدْنِي. قَالَ: " لَا تُكْثِرِ الضَّحِكَ؛ فَإِنَّهُ يُمِيتُ الْقَلْبَ وَيُذْهِبُ نُورَ الْوَجْهِ ". قُلْتُ: يَا رَسُولَ اللَّهِ زِدْنِي. قَالَ: " عَلَيْكَ بِالْجِهَادِ؛ فَإِنَّهُ رَهْبَانِيَّةُ أُمَّتِي ". قُلْتُ: يَا رَسُولَ اللَّهِ زِدْنِي. قَالَ: " عَلَيْكَ بِالصَّمْتِ إِلَّا مِنْ خَيْرٍ؛ فَإِنَّهُ مَرَدَّةٌ لِلشَّيْطَانِ عَنْكَ وَعَوْنٌ لَكَ عَلَى أَمْرِ دِينِكَ ". قُلْتُ: يَا رَسُولَ اللَّهِ زِدْنِي. قَالَ: " انْظُرْ إِلَى مَنْ هُوَ دُونَكَ، وَلَا تَنْظُرْ إِلَى مَنْ هُوَ فَوْقَكَ، فَإِنَّهُ أَجْدَرُ أَنْ لَا تَزْدَرِيَ نِعْمَةَ اللَّهِ عِنْدَكَ ". قُلْتُ: يَا رَسُولَ اللَّهِ زِدْنِي. قَالَ: " صِلْ قَرَابَتَكَ، وَإِنْ قَطَعُوكَ ". قُلْتُ: يَا رَسُولَ اللَّهِ زِدْنِي. قَالَ: " لَا تَخَفْ فِي اللَّهِ لَوْمَةَ لَائِمٍ ". قُلْتُ: يَا رَسُولَ اللَّهِ زِدْنِي. قَالَ: " تُحِبُّ لِلنَّاسِ مَا تُحِبُّ لِنَفْسِكَ ". ثُمَّ ضَرَبَ يَدَهُ عَلَى صَدْرِي فَقَالَ: " يَا أَبَا ذَرٍّ لَا عَقْلَ كَالتَّدْبِيرِ، وَلَا وَرَعَ كَالْكَفِّ، وَلَا حَسَبَ كَحُسْنِ الْخُلُقِ» ". قُلْتُ: رَوَى ابْنُ مَاجَهْ مِنْهُ مِنْ عِنْدِ قَوْلِهِ: لَا وَرَعَ كَالْكَفِّ إِلَى آخِرِهِ. رَوَاهُ الطَّبَرَانِيُّ، وَفِيهِ إِبْرَاهِيمُ بْنُ هِشَامِ بْنِ يَحْيَى الْغَسَّانِيُّ وَثَّقَهُ ابْنُ حِبَّانَ، وَضَعَّفَهُ أَبُو حَاتِمٍ، وَأَبُو زُرْعَةَ.

حضرت ابوذرغفاری رضی اللہ عنہ بیان کرتے ہیں : میں نے عرض کی: یا رسول اللہ! آپ مجھے وصیت کیجئے، نبی نبی اکرم صلی اللہ علیہ وسلم نےارشاد فرمایا: میں تمہیں اللہ تعالیٰ کا تقویٰ اختیار کرنے کی وصیت کرتا ہوں ،کیونکہ یہ تمہارے معاملے (یعنی دین )کی بنیاد ہے، میں نے عرض کی : یا رسول اللہ! مجھے مزید عطا کیجئے ! نبی اکرم صلی اللہ علیہ وسلم نے فرمایا:تم پر قرآن کی تلاوت کرنا اور اللہ کا ذکر کرنا لازم ہے ،کیونکہ یہ چیز تمہارے لئے آسمانوں میں نور ہوگی، اور زمین میں تمہارے لئے نور ہوگی، میں نے عرض کی: یا رسول اللہ بھی مزید عطا کیجئے ! نبی اکرم صلی اللہ علیہ وسلم نے فرمایا: تم زیادہ نہ ہنسنا، کیونکہ یہ چیز دل کو مردہ کر دیتی ہے، اور چہرے کے نور کو رخصت کر دیتی ہے، میں نے عرض کی : یا رسول اللہ! آپ مجھے مزید عطا کیجئے ! نبی اکرم صلی اللہ علیہ وسلم نے فرمایا: تم پر جہادکرنالازم ہے، کیونکہ یہ میری امت کے رہبانیت ہے ،میں نے عرض کی: یا رسول اللہ! مجھے مزید عطا کیجئے ! نبی اکرم صلی اللہ علیہ وسلم نے فرمایا: تم پر خاموش رہنالازم ہے ،البتہ بھلائی کی بات کا معاملہ مختلف ہے ،یہ چیز شیطان کو تم سے پرے کر دے گی ،اور تمہارے دین کے معاملے میں تمہاری مددگار ہوگی، میں نے عرض کی : یا رسول اللہ! مجھے مزید عطا کیجئے! نبی اکرم صلی اللہ علیہ وسلم نے ارشاد فرمایا: تم اس کا جائزہ لینا جوتم سے کمتر ہو، تم اس کی طرف نہ دیکھنا، جوتم سے بلند تر ہو ،یہ چیز اس بات کے زیادہ لائق ہوگی کہ تم اپنے اوپر الله تعالیٰ کی نعمت کوحقیر نہیں سمجھو گے ، میں نے عرض کی: یارسول اللہ! مجھے مزید عطا کیجئے! نبی اکرم صلى الله عليہ وسلم نے ارشادفرمایا:تم رشتہ داروں کے ساتھ اچھا سلوک کرنا ،اگر چہ وہ تمہارے ساتھ برا سلوک کریں ، میں نے عرض کی: یارسول اللہ مجھے مزید عطا کیجئے! آپ نے فرمایا: تم الله تعالیٰ کے بارے میں کسی ملامت کرنے والے کی ملامت سے خوف زدہ نہ ہونا، میں نے عرض کی : یا رسول اللہ! مجھے مزید عطا کیجئے ! نبی اکرم صلی اللہ علیہ وسلم نے فرمایا :تم لوگوں کے لئے اسی چیز کو پسند کرنا، جوتم اپنے لئے پسند کرتے ہو ،پھر نبی اکرم صلی اللہ علیہ وسلم نے اپنا دست مبارک میرے سینے پر مارا، اور پھر ارشادفرمایا:’’اے ابوذر! تدبیر کی مانند کوئی عقل مندی نہیں ہے، احتیاط کی مانند کوئی پرہیز گاری نہیں ہے، اور اچھے اخلاق کی مانند کوئی خوبی نہیں ہے۔(علامہ ہیثمی فرماتے ہیں:) میں یہ کہتا ہوں : امام ابن ماجہ نے اس روایت میں سے یہ الفاظ نقل کیے ہیں:”پر ہیز کی مانندکوئی احتیاط نہیں ہے ...‘‘ یہاں سے لے کر آخر تک نقل کیا ہے۔ یہ روایت امام طبرانی نے نقل کی ہے، اس کی سند میں ایک راوی ابراہیم بن ہشام بن یحییٰ غسانی ہے ،جسے ابن حبان نے ثقہ قراردیا ہے جبکہ ابوحاتم اور ابوزرعہ نے اسے ضعیف کہا ہے۔

قُلْتُ ← وعن ابي ذر

7114 - وَعَنْ عُبَادَةَ بْنِ الصَّامِتِ قَالَ: «أَوْصَانِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِسَبْعِ خِلَالٍ قَالَ: " لَا تُشْرِكُوا بِاللَّهِ شَيْئًا، وَإِنْ قُطِّعْتُمْ أَوْ حُرِّقْتُمْ أَوْ صُلِبْتُمْ، وَلَا تَتْرُكُوا الصَّلَاةَ مُتَعَمِّدًا فَمَنْ تَرَكَهَا مُتَعَمِّدًا، فَقَدْ خَرَجَ مِنَ الْمِلَّةِ. وَلَا تَرْكَبُوا الْمَعْصِيَةَ؛ فَإِنَّهَا سُخْطُ اللَّهِ، وَلَا تَشْرَبُوا الْخَمْرَ؛ فَإِنَّهَا رَأْسُ الْخَطَايَا كُلِّهَا، وَلَا تَفِرُّوا مِنَ الْمَوْتِ وَإِنْ كُنْتُمْ فِيهِ، وَلَا تَعْصِ وَالِدَيْكَ، وَإِنْ أَمَرَاكَ أَنْ تَخْرُجَ مِنَ الدُّنْيَا كُلِّهَا فَاخْرُجْ، وَلَا تَضَعْ عَصَاكَ عَنْ أَهْلِكَ، وَأَنْصِفْهُمْ مِنْ نَفْسِكَ» ". رَوَاهُ الطَّبَرَانِيُّ، وَفِيهِ سَلَمَةُ بْنُ شُرَيْحٍ قَالَ الذَّهَبِيُّ: لَا يُعْرَفُ، وَبَقِيَّةُ رِجَالِهِ رِجَالُ الصَّحِيحِ.

حضرت عبادہ بن صامت رضی اللہ عنہ بیان کرتے ہیں: نبی اکرم صلی اللہ علیہ وسلم نے مجھے سات باتوں کی وصیت کی تھی آپ نے فرمایاتھا:’’ تم کسی کو الله کا شریک نہ ٹھہرانا خواہ تمہیں کاٹ دیا جائے یا تمہیں جلا دیا جائے ،یا تمہیں مصلوب کردیا جائے ،اورتم جان بوجھ کر نماز ترک نہ کرنا، کیونکہ جو جان بوجھ کر اسے ترک کرتا ہے ، وہ ملت سے خارج ہوجا تا ہے ، اورتم معصیت کا ارتکاب نہ کرنا، کیونکہ یہ اللہ تعالیٰ کی ناراضگی کا باعث ہے، اورتم شراب نہ پینا، کیونکہ یہ تمام برائیوں کی جڑ ہے ،اور تم موت سے فرار اختیار نہ کرنا ، اگر تم اس میں ہو، اور تم اپنے والدین کی نافرمانی نہ کرنا، اگرچہ وہ دونوں تمہیں حکم دیں، کہ تم اپنی پوری دنیا سے نکل جاؤ، توتم نکل جانا، اور تم اپنے اہل خانہ سے عصا کو اٹھا کے نہ رکھنا، اور اپنی ذات کی طرف سے ان کے ساتھ انصاف سے کام لینا‘‘۔یہ روایت امام طبرانی نے نقل کی ہے، اس کی سند میں ایک راوی سلمہ بن شریح ہے ،امام ذہبی کہتے ہیں: یہ معروف نہیں ہے اس روایت کے بقیہ رجال صحیح کے رجال ہیں۔

عُبَادَةَ بْنِ الصَّامِتِ

7115 - وَعَنْ أَبِي الدَّرْدَاءِ قَالَ: «أَوْصَانِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِسَبْعٍ: " لَا تُشْرِكْ بِاللَّهِ شَيْئًا، وَإِنْ قُطِّعْتُ أَوْ حُرِّقْتُ. وَلَا تَتْرُكْ صَلَاةً مُتَعَمِّدًا؛ فَإِنَّهُ مَنْ تَرَكَهَا، فَقَدْ بَرِئَتْ مِنْهُ الذِّمَّةُ. وَلَا تَشْرَبِ الْخَمْرَ؛ فَإِنَّهَا مِفْتَاحُ كُلِّ شَرٍّ. وَأَطِعْ وَالِدَيْكَ وَإِنْ أَمَرَاكَ أَنْ تَخْرُجَ مِنْ دُنْيَاكَ فَاخْرُجْ مِنْهَا. وَلَا تُنَازِعِ الْأَمْرَ أَهْلَهُ إِنَّكَ أَنْتَ أَنْتَ وَلَا تَفِرَّنَّ مِنَ الزَّحْفِ وَإِنْ هَلَكْتَ. وَأَقْرِ أَصْحَابَكَ، وَأَنْفِقْ عَلَى أَهْلِكَ مِنْ طَوْلِكَ، وَلَا تَرْفَعْ عَنْهُمُ الْعَصَا وَأَخِفْهُمْ فِي اللَّهِ ". قُلْتُ: رَوَى ابْنُ مَاجَهْ مِنْهُ: " لَا تَشْرَبِ الْخَمْرَ؛ فَإِنَّهَا مِفْتَاحُ كُلِّ شَرٍّ» " (فَقَطْ). وَقَدْ عَلَّمَ الشَّيْخُ جَمَالُ الدِّينِ الْمِزِّيُّ عَلَيْهِ عَلَامَةَ ابْنِ مَاجَهْ وَلَعَلَّهُ قَلَّدَ فِيهِ ابْنُ عَسَاكِرَ وَاللَّهُ أَعْلَمُ. رَوَاهُ الطَّبَرَانِيُّ، وَفِيهِ شَهْرُ بْنُ حَوْشَبٍ، وَحَدِيثُهُ حَسَنٌ، وَبَقِيَّةُ رِجَالِهِ ثِقَاتٌ.

حضرت ابودرداء رضی اللہ عنہ بیان کرتے ہیں: نبی اکرم صلی اللہ علیہ وسلم نے مجھے سات باتوں کی وصیت کی تھی: تم کسی کواللہ کا شریک نہ ٹھہرانا، خواہ تمہیں کاٹ دیا جائے یا نہیں جلا دیا جائے ، اور تم جان بوجھ کرنماز ترک نہ کرنا، کیونکہ جوشخص اسے ترک کر دیتا ہے، اس سے ذمہ لاتعلق ہوجا تا ہے، اورتم شراب نہ پینا کیونکہ یہ ہر برائی کی کنجی ہے، اورتم اپنے ماں باپ کی فرمانبرداری کرنا، اگرچہ وہ دونوں تمہیں حکم دیں کہ دنیا سے نکل جاؤ، توتم اس سے نکل جانا، اورتم حکومت کے بارے میں متعلقہ فرد سے تنازع نہ کرنا ،تم تم ہی ہو اور میدان جنگ سے راہ فرار ہرگز اختیار نہ کرنا، خواہ تم ہلاک ہو جاؤ ،اور تم اپنے ساتھیوں کی مہمان نوازی کرنا، اور اپنےاہل خانہ پر اپنی حیثیت کے مطابق خرچ کرنا، اور ان سے عصانہ اُٹھانا، اور تم اللہ تعالیٰ کا خوف اُنہیں دلاتے رہنا‘‘۔ (علامہ ہیثمی فرماتے ہیں: )میں یہ کہتا ہوں : امام ابن ماجہ نے اس روایت میں سے یہ حصہ نقل کیا ہے:’’تم شراب نہ پینا کیونکہ یہ ہر برائی کی کنجی ہے‘‘۔شیخ جمال الدین مزی نے اس پر’’ ابن ماجہ‘‘ کی علامت لگائی ہے، شاید نہوں نے اصل میں’’ ابن عسا کر‘‘ کہنا تھا، باقیااللہ بہتر جانتا ہے۔ یہ روایت امام طبرانی نقل کی ہے، اس کی سند میں ایک راوی شہر بن حوشب ہے ،اس کی نقل کردہ حدیث حسن ہے اس روات کے بقیہ رجال ثقہ ہیں۔

أَبِي الدَّرْدَاءِ،

7116 - وَعَنْ أَبِي الدَّرْدَاءِ قَالَ: «أَوْصَانِي خَلِيلِي - صَلَّى اللَّهُ عَلَيْهِ وَسَلَّمَ: أَنْ أَنْظُرَ إِلَى مَنْ هُوَ أَسْفَلُ مِنِّي، وَلَا أَنْظُرَ إِلَى مَنْ هُوَ فَوْقِي. وَأَنْ أُحِبَّ الْمَسَاكِينَ وَأَدْنُوَ مِنْهُمْ، وَأَنْ أَصِلَ رَحِمِي، وَإِنْ قَطَعَتْنِي وَجَفَتْنِي. وَأَنْ أَقُولَ بِاللَّهِ لَا أَخَافُ فِي اللَّهِ لَوْمَةَ لَائِمٍ. وَأَنْ لَا أَسْأَلَ أَحَدًا شَيْئًا. وَأَنْ أُكْثِرَ مِنْ قَوْلِ: لَا حَوْلَ وَلَا قُوَّةَ إِلَّا بِاللَّهِ، فَإِنَّهَا مِنْ كُنُوزِ الْجَنَّةِ». رَوَاهُ الطَّبَرَانِيُّ، وَفِيهِ أَبُو الْجُوديِّ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

حضرت ابو درداء رضی اللہ عنہ بیان کرتے ہیں : میرے خلیل صلی اللہ علیہ وسلم نے مجھے وصیت کی تھی کہ میں اس شخص کا جائز ہ لوں جومجھ سے نیچے کا ہے، میں اس شخص کی طرف نہ دیکھوں ،جو مجھ سے اوپر کا ہے، اور یہ کہ میں مسکینوں سے محبت رکھوں ،اور ان کے قریب رہوں ،اور میں صلہ رحمی کروں، اگر چہ وہ لوگ میرے ساتھ زیادتی کریں اور جفا کریں، اور میں اللہ تعالیٰ کے حکم کے مطابق بات کروں، اور میں الله تعالیٰ کے بارے میں کسی ملامت کرنے والی کی ملامت سے خوف زدہ نہ ہوؤں، اور میں کسی سے کچھ نہ مانگوں ،اور میں کثرت کے ساتھ لاحول ولاقوة الا بالله پڑھتا رہوں کیونکہ یہ جنت کے خزانوں میں سے ہے۔ یہ روایت امام طبرانی نے نقل کی ہے، اس کی سند میں ایک راوی ابوجودی ہے، میں اس سے واقف نہیں ہوں اس روایت کے بقیہ رجال ثقہ ہیں۔

أَوْصَانِي خَلِيلِي ← أَبِي الدَّرْدَاءِ،

7117 - وَعَنْ أُمَيْمَةَ مَوْلَاةِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَتْ: «كُنْتُ أَصُبُّ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَضُوءَهُ فَدَخَلَ رَجُلٌ فَقَالَ: أَوْصِنِي. فَقَالَ: " لَا تُشْرِكْ بِاللَّهِ شَيْئًا، وَإِنْ قُطِّعْتَ وَحُرِّقْتَ بِالنَّارِ. وَلَا تَعْصِ وَالِدَيْكَ، وَإِنْ أَمَرَاكَ أَنْ تُخَلَّى مِنْ أَهْلِكَ وَدُنْيَاكَ فَتَخَلَّ. وَلَا تَشْرَبَنَّ خَمْرًا، فَإِنَّهَا مِفْتَاحُ كُلِّ شَرٍّ. وَلَا تَتْرُكَنَّ صَلَاةً مُتَعَمِّدًا فَمَنْ فَعَلَ ذَلِكَ بَرِئَتْ مِنْهُ ذِمَّةُ اللَّهِ وَذِمَّةُ رَسُولِهِ. وَلَا تَفِرَّنَّ مِنَ الزَّحْفِ فَمَنْ فَعَلَ ذَلِكَ بَاءَ بِسَخْطٍ مِنَ اللَّهِ وَمَأْوَاهُ جَهَنَّمُ وَبِئْسَ الْمَصِيرُ. وَلَا تَزْدَادَنَّ فِي تُخُومِ أَرْضِكَ، فَمَنْ فَعَلَ ذَلِكَ يَأْتِي بِهِ يَوْمَ الْقِيَامَةِ عَلَى رَقَبَتِهِ مِنْ مِقْدَارِ سَبْعِ أَرَضِينَ، وَأَنْفِقْ عَلَى أَهْلِكَ مِنْ طَوْلِكَ، وَلَا تَرَفَعْ عَصَاكَ عَنْهُمْ وَأَخِفْهُمْ فِي اللَّهِ» ". رَوَاهُ الطَّبَرَانِيُّ، وَفِيهِ يَزِيدُ بْنُ سِنَانٍ الرَّهَاوِيُّ وَثَّقَهُ الْبُخَارِيُّ وَغَيْرُهُ، وَالْأَكْثَرُ عَلَى تَضْعِيفِهِ، وَبَقِيَّةُ رِجَالِهِ ثِقَاتٌ.

سیده اُمّ اُمیمہ رضی اللہ عنہ جو نبی اکرم صلی اللہ علیہ وسلم کی کنیز ہیں، وہ بیان کرتی ہیں: ایک مرتبہ میں نبی اکرم صلی اللہ علیہ وسلم پر وضو کا پانی انڈیل رہی تھی اسی دوران ایک شخص اندر آیا ،اس نے کہا: آپ مجھے وصیت کیجئے نبی اکرم صلی اللہ علیہ وسلم نے فرمایا:’’تم کسی کو الله کا شریک ٹھہرانا، خواہ تمہیں کاٹ دیا جائے یا تمہیں آگ کے ذریعے جلا دیا جائے، اور تم اپنے ماں باپ کی نافرمانی نہ کرنا، اگرچہ وہ دونوں تمہیں حکم دیں ،کہ تم اپنے اہل خانہ اور اپنی دنیا سے نکل جاؤ، توتم نکل جانا اورتم شراب ہرگز نہ پینا ،کیونکہ یہ ہر برائی کی کنجی ہے، اور تم جان بوجھ کر نماز ترک نہ کرنا، کیونکہ جوشخص ایسا کرتا ہے، اس سے اللہ اور اس کے رسول کاذمہ لاتعلق ہوجاتا ہے، اورتم میدان جنگ سے راہ فرار ہرگز اختیار نہ کرنا ،کیونکہ جوشخص ایسا کرتا ہے ،وہ الله تعالیٰ کی ناراضگی لے کر واپس آتا ہے ،اور اس کا ٹھکانہ جہنم ہوگا ،اور وہ برا ٹھکانہ ہے ،اورتم زمین کے (حد بندی کے) نشانات میں کوئی اضافہ نہ کرنا ،کیونکہ جوشخص ایسا کرے گا ،تو جب وہ قیامت کے دن آئے گا ،تو اس کی گردن پرسات زمینوں کی مقدار جتنے (وزن کا طوق) ہوگا اور تم اپنی حیثیت کے مطابق اپنے اہل خا نہ پر خرچ کرنا اور ان سے اپنے عصا کو اٹھا کے نہ رکھنا، اور الله تعالیٰ کا خوف اُنہیں دلاتے رہنا“۔ یہ روایت امام طبرانی نقل کی ہے، اس کی سند میں ایک راوی یزید بن سنان ر ہاوی ہے ،جسے امام بخاری اور دیگر حضرات نے ثقہ قراردیا ہے ،اکثر حضرات نے اسے ضعیف کہا ہے، اس روایت کے بقیہ رجال ثقہ ہیں۔

أَوْصِنِي ← كنت أَصُبُّ على رسولِ الله وَضوءه، فدخل رجلٌ، ← أُمَيْمَةَ مَوْلَاةِ رَسُولِ اللَّهِ

7118 - وَعَنْ عَبْدِ اللَّهِ بْنِ مَسْعُودٍ قَالَ: «أَوْصَانِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَنْ أُصْبِحَ يَوْمَ صَوْمِي دَهِينًا مُتَرَجِّلًا: " وَلَا تُصْبِحْ يَوْمَ صَوْمِكَ عَبُوسًا. وَأَجِبْ دَعْوَةَ مَنْ دَعَاكَ مِنَ الْمُسْلِمِينَ مَا لَمْ يُظْهِرُوا الْمَعَازِفَ فَلَا تُجِبْهُمْ. وَصَلِّ عَلَى مَنْ مَاتَ مِنْ أَهْلِ قَبِلَتِنَا، وَإِنْ قُتِلَ مَصْلُوبًا أَوْ مَرْجُومًا. وَلَأَنْ تَلْقَى اللَّهَ بِمِثْلِ قُرَابِ الْأَرْضِ ذُنُوبًا خَيْرٌ لَكَ مِنْ أَنْ تَبُثَّ الشَّهَادَةَ عَلَى أَحَدٍ مِنْ أَهْلِ قِبْلَتِنَا» ". رَوَاهُ الطَّبَرَانِيُّ، وَفِيهِ الْيَمَانُ بْنُ سَعِيدٍ ضَعَّفَهُ الدَّارَقُطْنِيُّ وَغَيْرُهُ.

حضرت عبداللہ بن مسعود رضی اللہ عنہ بیان کرتے ہیں: نبی اکرم صلی اللہ علیہ وسلم نے مجھے یہ وصیت کی تھی کہ:’’جس دن میں نے روزه رکھا ہوا ہو، تو بالوں میں تیل بھی لگایا ہوا ہو، اور بال سنوارے بھی ہوئے ہوں، آپ نے فرمایا:تم روزے کی حالت میں ایسی صبح نہ کرنا کہ ،تم نے ماتھے پر بل ڈالے ہوئے ہوں ،اور مسلمانوں میں سے جو تمہاری دعوت کرے ،تو اس کی دعوت قبول کر لینا ، جبکہ وہاں آلات موسیقی ظاہر نہ کیے گئے ہوں ،اگر ایسا ہو تو پھرتم قبول نہ کرنا، اور اہل قبلہ میں سے جو شخص مرجاتا ہے، تم اس کی نماز جنازہ ادا کرنا، اگرچہ اسے مصلوب کر کے یا سنگسار کر کے مارا گیا ہو، اورتم اللہ تعالیٰ کی بارگاہ میں ایسی حالت میں حاضر ہو کہ تم نے پوری زمین جتنے گناہ ساتھ لیے ہوئے ہوں ،یہ چیز تمہارے لئے اس سے زیادہ بہتر ہوگی کہ تم نے اہل قبلہ میں سے کسی ایک کے خلاف گواہی دی ہو‘‘۔ یہ روایت امام طبرانی نقل کی ہے، اس کی سند میں ایک راوی یمان بن سعید ہے، جسے امام دار قطنی اور دیگر حضرات نےضعیف قراردیا ہے۔

أوصاني رسول الله ← عَبْدِ اللهِ بْنِ مَسْعُودٍ

7119 - وَعَنْ أُمِّ أَنَسٍ أَنَّهَا قَالَتْ: «يَا رَسُولَ اللَّهِ أَوْصِنِي قَالَ: " اهْجُرِي الْمَعَاصِيَ؛ فَإِنَّهَا أَفْضَلُ الْهِجْرَةِ، وَحَافِظِي عَلَى الْفَرَائِضِ؛ فَإِنَّهَا أَفْضَلُ الْجِهَادِ، وَأَكْثِرِي مِنْ ذِكْرِ اللَّهِ؛ فَإِنَّكِ لَا تَأْتِي اللَّهَ بِشَيْءٍ أَحَبَّ إِلَيْهِ مِنْ ذِكْرِهِ» ". رَوَاهُ الطَّبَرَانِيُّ، وَفِيهِ إِسْحَاقُ بْنُ إِبْرَاهِيمَ بْنِ نِسْطَاسٍ، وَهُوَ ضَعِيفٌ.

سیّدہ اُم انس رضی اللہ عنہ بیان کرتی ہیں، انہوں نے عرض کی: یارسول اللہ! آپ مجھے وصیت کیجئے آپ نے فرمایا:’’تم گناہوں سے لاتعلق رہو، کیونکہ یہ سب سے زیادہ فضیلت والی ہجرت ہے، اورتم فرائض کی حفاظت کرنا کیونکہ یہ سب سے زیادہ فضیلت والا جہاد ہے، اور تم اللہ تعالیٰ کا ذکر کثرت سے کرنا کیونکہ تم اللہ تعالیٰ کے پاس کوئی ایسی چیزنہیں لے کر جاؤ گی ،جو اس کے نزدیک اس کے ذکر سے زیادہ محبوب ہو‘‘۔ یہ روایت امام طبرانی نقل کی ہے، اس کی سند میں ایک راوی سعد بن ابراہیم بن نسطاس ہے اور وہ ضعیف ہے۔

أم أنس أنها

7120 - وَعَنْ أَبِي سَلَمَةَ قَالَ: قَالَ مُعَاذٌ: «قُلْتُ: يَا رَسُولَ اللَّهِ أَوْصِنِي. قَالَ: " اعْبُدِ اللَّهَ كَأَنَّكَ تَرَاهُ وَاعْدُدْ نَفْسَكَ فِي الْمَوْتَى وَاذْكُرِ اللَّهَ عِنْدَ كُلِّ حَجَرٍ، وَعِنْدَ كُلِّ شَجَرَةٍ، وَإِذَا عَمِلْتَ سَيِّئَةً فَاعْمَلْ بِجَنْبِهَا حَسَنَةَ السِّرِّ بِالسِّرِّ وَالْعَلَانِيَةِ بِالْعَلَانِيَةِ» ". رَوَاهُ الطَّبَرَانِيُّ، وَأَبُو سَلَمَةَ لَمْ يُدْرِكْ مُعَاذًا، وَرِجَالُهُ ثِقَاتٌ.

ابوسلمہ بنیان کرتے ہیں : حضرت معاذرضی اللہ عنہ بیان کرتے ہیں : میں نے عرض کیا: یا رسول اللہ آپ مجھے وصیت کیجئے! آپ نے فرمایا: تم اللہ تعالیٰ کی یوں عبادت کرو جیسے تم اسے دیکھ رہے ہو ،اور تم اپناشمار مرحومین میں کرو ،تم ہر پتھر، اور درخت کے پاس ،اللہ کا ذکر کرو ،اور جب تم کوئی برائی کرلو، تو اس کے فورابعد نیکی کر لو، پوشیدہ کی جگہ پوشیدہ ،اور اعلانیہ کی جگہ اعلانیہ‘‘۔ یہ روایت امام طبرانی نے نقل کی ہے، ابوسلمہ نامی راوی نے حضرت معاذرضی اللہ عنہ کا زمان نہیں پایا ہے، اس روایت کے رجال ثقہ ہیں۔

مُعَاذٌ: «قُلْتُ: ← وَعَنْ أَبِي سَلَمَةَ

7121 - وَعَنْ عُبَادَةَ بْنِ الصَّامِتِ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " اضْمَنُوا لِي سِتًّا مِنْ أَنْفُسِكُمْ أَضْمَنُ لَكُمُ الْجَنَّةَ. اصْدُقُوا إِذَا حَدَّثْتُمْ. وَأَوْفُوا إِذَا وَعَدْتُمْ. وَأَدُّوا إِذَا ائْتُمِنْتُمْ. وَاحْفَظُوا فُرُوجَكُمْ. وَغُضُّوا أَبْصَارَكُمْ. وَكُفُّوا أَيْدِيَكُمْ» ". رَوَاهُ أَحْمَدُ، وَالطَّبَرَانِيُّ، وَرِجَالُ أَحْمَدَ ثِقَاتٌ إِلَّا أَنَّ الْمُطَّلِبَ لَمْ يَسْمَعْ مِنْ عُبَادَةَ.

حضرت عبادہ بن صامت رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فر مایا: ’’تم اپنی ذات کے حوالے سے مجھے چھ چیزوں کی ضمانت دو ،میں تمہیں جنت کی ضمانت دیتا ہوں ،جب تم بات کرو تو سچ بولو ،جب وعدہ کرو تو پورا کرو، جب تمہیں امین بنایا جائے تو امانت ادا کر دو، اپنی شرمگاہوں کی حفاظت کرو ، اپنی نگاہیں جھکا کے رکھو ،اور اپنے ہاتھ (کسی کونقصان پہنچانے کے حوالے سے) روک کے رکھو‘‘۔یہ روایت امام احمد نے اور امام طبرانی نے نقل کی ہے، امام احمد کے رجال ثقہ ہیں، البتہ مطلب نامی راوی نے حضرت عبادہ رضی اللہ عنہ سے سماع نہیں کیا ہے۔

عُبَادَةَ بْنِ الصَّامِتِ