Majma uz Zawaid Wa Manba ul Fawaid

5107 - وَعَنْ عَلِيٍّ «أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَصُومُ عَاشُورَاءَ وَيَأْمُرُ بِهِ». رَوَاهُ عَبْدُ اللَّهِ بْنُ أَحْمَدَ وَالْبَزَّارُ، وَفِيهِ جَابِرٌ الْجُعْفِيُّ، وَثَّقَهُ شُعْبَةُ وَالثَّوْرِيُّ، وَفِيهِ كَلَامٌ كَثِيرٌ.

حضرت علیؓ بیان کر تے ہیں : نبی اکرم ﷺ عاشوراء کے دن روزہ رکھا کرتے تھے‘ اور اس کا حکم بھی دیتےیہ روایت عبداللہ بن احمد نے اورامام بزار نے نقل کی ہے۔ اس کی سند میں ایک راوی جابرجعفی ہے ‘جسے شعبہ اور ثوری نے’’ثقہ‘‘ قرار دیا ہے اور اس کے بارے میں بہت زیادہ کلام کیا گیا ہے۔

عَلِيٍّ،

5108 - وَعَنْ ثُوَيْرِ بْنِ أَبِي فَاخِتَةَ قَالَ: سَمِعْتُ عَبْدَ اللَّهِ بْنَ الزُّبَيْرِ، وَهُوَ عَلَى الْمِنْبَرِ يَقُولُ: «هَذَا يَوْمُ عَاشُورَاءَ فَصُومُوهُ، فَإِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَمَرَ بِصَوْمِهِ». رَوَاهُ أَحْمَدُ وَالْبَزَّارُ وَالطَّبَرَانِيُّ فِي الْكَبِيرِ. وَثُوَيْرٌ ضَعِيفٌ.

ثویر بن ابوفاختہ بیان کرتے ہیں: میں نے حضرت عبداللہ بن زبیرؓ کومنبر پر ارشادفرماتے ہوئےسنا’’یہ عاشوراء کا دن ہے تم اس دن روزہ رکھو کیونکہ نبی اکرم ﷺ نے اس کے روزے کا حکم دیا ہے‘‘۔ یہ روایت امام احمد نے امام بزارنے اور امام طبرانی نے معجم کبیر میں نقل کی ہے ۔ ثویر نامی راوی ضعیف ہے۔

عَبْدَ اللَّهِ بْنَ الزُّبَيْرِ وَهُوَ عَلَى الْمِنْبَرِ ← ثوير بن أبي فاختة

5109 - وَعَنِ ابْنِ عَبَّاسٍ قَالَ: «أَرْسَلَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَى أَهْلِ قَرْيَةٍ عَلَى أَرْبَعَةِ فَرَاسِخَ - أَوْ قَالَ: فَرْسَخَيْنِ - يَوْمَ عَاشُورَاءَ، فَأَمَرَ مَنْ أَكَلَ أَنْ لَا يَأْكُلَ بَقِيَّةَ يَوْمِهِ، وَمَنْ لَمْ يَأْكُلْ أَنْ يُتِمَّ صَوْمَهُ». رَوَاهُ أَحْمَدُ وَالطَّبَرَانِيُّ فِي الْكَبِيرِ، وَفِيهِ جَابِرٌ الْجُعْفِيُّ ; وَثَّقَهُ شُعْبَةُ وَالثَّوْرِيُّ، وَفِيهِ كَلَامٌ كَثِيرٌ.

حضرت عبداللہ بن عباس ؓ بیان کرتے ہیں: نبی اکرم ﷺنے چارفرسخ (راوی کوشک ہے ‘شاید یہ الفاظ ہیں:) دوفرسخ کے فاصلے پرموجودبستی والوں کو پیغام بھیجا یہ عاشوراء کے دن کی بات ہے آپ نے یہ حکم دیا کہ جس نے کچھ کھالیا ہے وہ باقی دن میں کچھ نہ کھائےاورجس نے کچھ نہیں کھایا ہے وہ باقی دن میں روزے کومکمل کرے۔ یہ روایت امام احمد نے اورامام طبرانی نے معجم کبیر میں نقل کی ہے۔ اس کی سند میں ایک راوی جابر جعفی ہے‘ جسے شعبہ اورثوری نے’’ثقہ‘‘ قرار دیا ہے ‘اور اس کے بارے بہت زیادہ کلام کیا گیا ہے۔

«أَرْسَلَ رَسُولُ اللَّهِ إِلَى أَهْلِ قَرْيَةٍ عَلَى أَرْبَعَةِ فَرَاسِخَ أَوْ ← ابْنِ عَبَّاسٍ،

5110 - وَعَنْ بَعْجَةَ بْنِ عَبْدِ اللَّهِ بْنِ بَدْرٍ، أَنَّ أَبَاهُ أَخْبَرَهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَهُمْ يَوْمًا: «هَذَا يَوْمُ عَاشُورَاءَ فَصُومُوهُ ". فَقَالَ رَجُلٌ مِنْ بَنِي عَمْرِو بْنِ عَوْفٍ: يَا رَسُولَ اللَّهِ، إِنِّي تَرَكْتُ قَوْمِي مِنْهُمْ صَائِمٌ وَمِنْهُمْ مُفْطِرٌ؟ فَقَالَ النَّبِيُّ صَلَّى اللَّهُ عَلَيْهِ وَسَلَّمَ: " اذْهَبْ إِلَيْهِمْ فَمَنْ كَانَ مِنْهُمْ مُفْطِرًا فَلْيُتِمَّ صَوْمَهُ». رَوَاهُ أَحْمَدُ وَالطَّبَرَانِيُّ فِي الْكَبِيرِ وَالْأَوْسَطِ وَالْبَزَّارُ، وَإِسْنَادُهُ حَسَنٌ.

بعجہ بن عبداللہ بن بدر بیان کر تے ہیں : ان کے والد نے انہیں یہ بات بتائی ایک دن نبی اکرم ﷺ نے لوگوں سے ارشادفرمایا: یہ عاشوراء کا دن ہے ‘توتم اس میں روزہ رکھو بنوعمر و بن عوف سے تعلق رکھنے والے ایک صاحب نے عرض کی: یا رسول اللہ! میں نے اپنی قوم کوایسی حالت میں چھوڑ ا ہے کہ ان میں سے کچھ لوگوں نے روزہ رکھا ہوا تھا اور کچھ نے روز ہ نہیں رکھا ہوا تھا نبی اکرم ﷺ نے ارشادفر مایا: تم ان لوگوں کی طرف جاؤ اوران میں سے جس نے روزہ نہیں رکھا ہوا تھاوہ اپنےروزے کو مکمل کرے (یعنی باقی دن میں کچھ نہ کھائے پیے)۔یہ روایت امام احمدنے اورامام طبرانی نےمعجم کبیراورمعجم اوسط میں نقل کی ہے‘ اورامام بزارنے نقل کی ہے‘ اور اس کی سندحسن ہے۔

بَعْجَةَ بْنِ عَبْدِ اللَّهِ بْنِ بَدْرٍ، أَنَّ أَبَاهُ

5111 - وَعَنْ هِنْدِ بْنِ أَسْمَاءَ الْأَسْلَمِيِّ قَالَ: «بَعَثَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَى قَوْمِي مِنْ أَسْلَمَ فَقَالَ: " مُرْ قَوْمَكَ فَلْيَصُومُوا هَذَا الْيَوْمَ يَوْمَ عَاشُورَاءَ، فَمَنْ وَجَدْتَهُ مِنْهُمْ قَدْ أَكَلَ فِي أَوَّلِ يَوْمِهِ فَلْيُتِمَّ آخِرَهُ». رَوَاهُ أَحْمَدُ وَالطَّبَرَانِيُّ فِي الْكَبِيرِ، وَرِجَالُ أَحْمَدَ ثِقَاتٌ.

حضرت ہند بن اسماءاسلمی ؓ بیان کرتے ہیں: نبی اکرم ﷺ نے مجھے میری قوم اسلم قبیلے کی طرف بھیجا آپ نے ارشادفرمایا: تم اپنی قوم کو یہ ہدایت کرو کہ اس دن یعنی عاشوراء کے دن روزہ رکھیں اوران میں سے جس شخص کوتم پاؤ کہ اس نے دن کے ابتدائی حصے میں کچھ کھالیا ہوتو وہ دن کے آخری حصے تک ( روزے کو) مکمل کرے۔ یہ روایت امام احمد نے اور امام طبرانی نے معجم کبیر میں نقل کی ہے۔ امام احمد کے رجال ثقہ ہیں۔

بَعَثَنِي رَسُولُ اللَّهِ إِلَى قَوْمِي مِنْ أَسْلَمَ ← هِنْدِ بْنِ أَسْمَاءَ الْأَسْلَمِيِّ

5112 - وَعَنْ يَحْيَى بْنِ هِنْدِ بْنِ حَارِثَةَ، وَكَانَ هِنْدُ مِنْ أَصْحَابِ الْحُدَيْبِيَةِ، وَأَخُوهُ الَّذِي بَعَثَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ يَأْمُرُ قَوْمَهُ بِصِيَامِ عَاشُورَاءَ، وَهُوَ أَسْمَاءُ بْنُ حَارِثَةَ، فَحَدَّثَنِي يَحْيَى بْنُ هِنْدٍ عَنْ أَسْمَاءَ بْنِ حَارِثَةَ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ بَعَثَهُ فَقَالَ: «مُرْ قَوْمَكَ بِصِيَامِ هَذَا الْيَوْمِ ". قَالَ: أَرَأَيْتَ إِنْ وَجَدْتَهُمْ قَدْ طَعِمُوا؟ قَالَ: " فَلْيُتِمُّوا آخِرَ يَوْمِهِمْ». رَوَاهُ أَحْمَدُ هَكَذَا شَبَّهَ الْمُرْسَلِ، وَرَوَاهُ ابْنُهُ عَنْ يَحْيَى بْنِ هِنْدِ بْنِ حَارِثَةَ عَنْ أَبِيهِ، وَرِجَالُهُ ثِقَاتٌ.

یحییٰ بن ہند بن حارثہ بیان کرتے ہیں : حضرت ہندؓ کوغرز وہ حد یبیہ میں شرکت کا شرف حاصل ہے‘ اوران کے بھائی وہ شخص ہیں جنہیں نبی اکرم ﷺنے بھیجا تھا کہ وہ اپنی قوم کو عاشوراء کے دن روزہ رکھنے کا حکم دیں ان کا نام حضرت اسماء بن حارثہ ؓ ہے ‘تویحییٰ بن ہند نے حضرت اسماء بن حارثہ ؓکے حوالے سے یہ بات مجھے بیان کی کہ نبی اکرم ﷺنے مجھے بھیجا اورارشادفرمایا: تم اپنی قوم کو اس دن روزہ رکھنے کاحکم دو! انہوں نے عرض کی : آپ کی اس بارے میں کیا رائےہے؟اگر میں ان لوگوں کوپا تا ہوں کہ وہ کھاناکھا چکےہوں؟نبی اکرمﷺنےفرمایا:پھروہ دن کے آخری حصےتک(روزےکو)مکمل کر یں (یعنی پھر کچھ نہ کھائیں پیئیں)۔یہ روایت امام احمد نے نقل کی ہے ‘اور انہوں نے اسے اس طرح ’’مرسل‘‘ روایت کے طور پرنقل کیا ہے ان سے ان کے صاحبزادے نے یحییٰ بن ہند بن حارثہ کے حوالے سے ان کے والد کے حوالے سے اسے نقل کیا ہے‘ اور اس کے رجال ثقہ ہیں۔

5113 - وَعَنْ أَسْمَاءَ بْنِ حَارِثَةَ قَالَ: «بَعَثَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ فَقَالَ: " ائْتِ قَوْمَكَ فَمُرْهُمْ أَنْ يَصُومُوا هَذَا الْيَوْمَ ". قَالَ: يَا رَسُولَ اللَّهِ، مَا أُرَانِي آتِيهِمْ حَتَّى يَطْعَمُوا؟ قَالَ: " فَمُرْ مَنْ طَعِمَ مِنْهُمْ فَلْيَصُمْ بَقِيَّةَ يَوْمِهِ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ رِجَالُ الصَّحِيحِ.

حضرت اسماء بن حارثہؓ بیان کرتے ہیں: عاشوراء کے دن نبی اکرم ﷺنے مجھے بھیجا اور ارشادفرمایا:تم اپنی قوم کے پاس جاؤ اور انہیں یہ ہدایت کرو کہ وہ آج کے دن روزہ رکھیں انہوں نے عرض کی : یا رسول اللہ! اپنے بارے میں میرایہ خیال ہے کہ جب میں ان کے پاس پہنچوں گا‘ تو وہ لوگ کچھ کھا چکے ہوں گے ۔ نبی اکرم ﷺ نے ارشادفر مایا: ان میں سے جس نے کچھ کھالیا ہواس کوتم یہ ہدایت کرنا کہ وہ باقی دن میں روزہ رکھے‘‘۔ یہ روایت امام طبرانی نے معجم کبیر اورمعجم اوسط میں نقل کی ہے اور اس کے رجال’’صحیح‘‘کے رجال ہیں۔

ائْتِ قَوْمَكَ فَمُرْهُمْ أَنْ يَصُومُوا هَذَا الْيَوْمَ ← بَعَثَنِي رَسُولُ اللَّهِ يَوْمَ عَاشُورَاءَ ← أَسْمَاءِ بْنِ حَارِثَةَ

5114 - وَعَنْ جَابِرٍ أَنَّهُ قَالَ: «أَمَرَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ بِيَوْمِ عَاشُورَاءَ أَنْ نَصُومَهُ وَقَالَ: " هُوَ يَوْمٌ كَانَتِ الْيَهُودُ تَصُومُهُ». رَوَاهُ أَحْمَدُ وَالطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ، وَهُوَ حَسَنُ الْحَدِيثِ، وَفِيهِ كَلَامٌ.

حضرت جابرؓ بیان کرتے ہیں: نبی اکرم ﷺ نے ہمیں عاشوراء کے دن کے بارے میں یہ حکم دیا تھا کہ ہم اس دن روزہ رکھیں ۔ (راوی کہتے ہیں:)یہ وہ دن تھا جس میں یہودی روز ہ رکھا کرتے تھے ۔یہ روایت امام احمد نے اور امام طبرانی نے معجم اوسط میں نقل کی ہے۔ اس کی سند میں ایک راوی ابن لہیعہ ہے‘ اور وہ حسن الحدیث ہے‘ اور اس کے بارے میں کلام کیا گیا ہے۔

أَمَرَنَا رَسُولُ اللَّهِ بِيَوْمِ عَاشُورَاءَ أَنْ نَصُومَهُ ← جَابِرٍ أَنَّهُ

5115 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «عَاشُورَاءُ عِيدُ نَبِيٍّ كَانَ قَبْلَكُمْ فَصُومُوهُ أَنْتُمْ». رَوَاهُ الْبَزَّارُ، وَفِيهِ إِبْرَاهِيمُ الْهَجَرِيُّ وَثَّقَهُ ابْنُ عَدِيٍّ، وَضَعَّفَهُ الْأَئِمَّةُ.

حضرت ابو ہریرہؓ روایت کرتے ہیں: نبی اکرم ﷺ نے ارشادفر مایا: ’’عاشوراءتم سے پہلے کے ایک نبی کی عید کا دن ہے ‘توتم لوگ اس دن روزہ رکھو‘‘۔یہ روایت امام بزار نے نقل کی ہے۔ اس کی سند میں ایک راوی ابراہیم ہجری ہے ‘جسے ابن عدی نے ’’ثقہ‘‘ قرار دیا ہے‘اور ائمہ نے اسے ضعیف کہا ہے۔

أَبِي هُرَيْرَةَ،

5116 - وَعَنْ مَجْزَأَةَ بْنِ زَاهِرٍ عَنْ أَبِيهِ قَالَ: «سَمِعْتُ مُنَادِيَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ، وَهُوَ يَقُولُ: " مَنْ كَانَ صَائِمًا الْيَوْمَ فَلْيُتِمَّ صَوْمَهُ، وَمَنْ لَمْ يَكُنْ صَائِمًا فَلْيُتِمَّ مَا بَقِيَ أَوْ لِيَصُمْ». رَوَاهُ الْبَزَّارُ وَالطَّبَرَانِيُّ فِي الْكَبِيرِ وَالْأَوْسَطِ إِلَّا أَنَّهُ قَالَ: إِنَّ النَّبِيَّ صَلَّى اللَّهُ عَلَيْهِ وَسَلَّمَ أَمَرَ، وَرِجَالُ الْبَزَّارِ ثِقَاتٌ.

مجزاۃ بن زاہر نے اپنے والد کا یہ بیان نقل کیا ہے: میں نے نبی اکرم ﷺکے منادی کو عاشوراء کے دن یہ کہتے ہوئے سنا :’’آج جس نے روزہ رکھا ہوا ہے وہ اپنے روزے کومکمل کرے اور جس نے روزہ نہیں رکھاہواتووہ باقی رہ جانےوالے (دن کے حصے کو) مکمل کرے ( راوی کوشک ہے شاید یہ الفاظ ہیں:) روزہ رکھے‘‘۔ یہ روایت امام بزارنے امام طبرانی نے معجم کبیر اورمعجم اوسط میں نقل کی ہے ‘اورانہوں نے یہ الفاظ نقل کیے ہیں: ’’نبی اکرم ﷺنے یہ حکم دیا….‘‘امام بزار کے رجال ثقہ ہیں ۔

مُنَادِيَ رَسُولِ اللَّهِ يَوْمَ عَاشُورَاءَ، وَهُوَ ← أَبِيهِ ← مَجْزَأَةَ بْنِ زَاهِرٍ

5117 - وَعَنْ أَبِي سَعِيدٍ الْخُدْرِيِّ «أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَمَرَ بِصَوْمِ عَاشُورَاءَ، وَكَانَ لَا يَصُومُهُ». رَوَاهُ أَبُو يَعْلَى، وَفِيهِ أَبُو هَارُونَ الْعَبْدِيُّ، وَهُوَ ضَعِيفٌ.

حضرت ابوسعید خدریؓ بیان کرتے ہیں : نبی اکرم ﷺنے عاشوراء کے دن روزہ رکھنے کا حکم دیا تھا اور آپ خود یہ روز ہ نہیں رکھتے تھے۔یہ روایت امام ابویعلیٰ نے نقل کی ہے۔ اس کی سند میں ایک راوی بارون عبدی ہے‘اور وہ ضعیف ہے۔

أَبِي سَعِيدٍ الْخُدْرِيِّ،

5118 - وَعَنْ عُلَيْلَةَ عَنْ أُمِّهَا قَالَتْ: قُلْتُ لِأَمَةِ اللَّهِ بِنْتِ رُزَيْنَةَ: «يَا أَمَةَ اللَّهِ، حَدَّثَتْكِ أُمُّكِ أَنَّهَا سَمِعَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ يَذْكُرُ صَوْمَ عَاشُورَاءَ؟ قَالَتْ: نَعَمْ، وَكَانَ يُعَظِّمُهُ حَتَّى يَدْعُوَ بِرُضَعَائِهِ وَرُضَعَاءِ ابْنَتِهِ فَاطِمَةَ فَيَتْفُلُ فِي أَفَوَاهِهِنَّ، وَيَقُولُ لِلْأُمَّهَاتِ: " لَا تُرْضِعُوهُنَّ إِلَى اللَّيْلِ». رَوَاهُ أَبُو يَعْلَى وَالطَّبَرَانِيُّ فِي الْكَبِيرِ وَالْأَوْسَطِ وَلَفْظُهُ: «كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُعَظِّمُهُ حَتَّى إِنْ كَانَ لَيَدْعُوَ بِصِبْيَانِهِ وَصِبْيَانِ فَاطِمَةَ الْمَرَاضِعِ ذَلِكَ الْيَوْمَ فَيَتْفُلُ فِي أَفْوَاهِهِمْ وَيَقُولُ لِأُمَّهَاتِهِمْ: " لَا تُرْضِعُوهُمْ إِلَى اللَّيْلِ ". وَكَانَ رِيقُهُ يُجْزِئُهُمْ». وَعُلَيْلَةُ وَمَنْ فَوْقَهَا لَمْ أَجِدْ مَنْ تَرْجَمَهُنَّ، وَسَمَّى الطَّبَرَانِيُّ فَقَالَ: عُلَيْلَةُ بِنْتُ الْكُمَيْتِ، عَنْ أُمِّهَا أَمِينَةَ.

علیلہ نامی خاتون اپنی والدہ کا یہ بیان نقل کرتی ہیں : میں نے امۃ اللہ بنت رزینہ سے کہا: اے امۃ اللہ! کیا آپ کی والدہ نے آپ کو یہ حدیث بیان کی ہے کہ انہوں نے نبی اکرم ﷺکو عاشوراء کے روزے کے بارے میں کوئی بات ارشادفر ماتے ہوئےسناہے؟تواس خاتون نے جواب دیا:جی ہاں۔ نبی اکرمﷺاس دن کی تعظیم کرتے تھے‘یہاں تک کہ آپ اپنے اور اپنی صاحبزادی سیدہ فاطمہ ؓ کے دودھ پیتے بچوں کو بلاتے تھے‘ اوران کے منہ میں لعاب دہن ڈال دیتے تھے اور ان کی ماؤں سے یہ فرماتے تھے کہ رات ہونے تک انہیں دودھ نہ پلانا۔یہ روایت امام ابویعلیٰ نے اور امام طبرانی نے معجم کبیر اورمعجم اوسط میں نقل کی ہے ‘اوراس کے الفاظ یہ ہیں :’’نبی اکرم ﷺاس کی تعظیم کرتے تھے‘ یہاں تک کہ آپ اپنے اور سیدہ فاطمہؓ کے دودھ پیتے بچوں کو بھی بلواتے تھے‘ اوران کے منہ میں لعاب دہن ڈال دیتے تھے‘ اوران کی ماؤں سے یہ کہتے تھے: رات ہونے تک تم انہیں دودھ نہ پلانا نبی اکرمﷺکا لعاب دہن ان بچوں کے لئے کفایت کر جا تا تھا‘‘۔علیلہ نامی خاتون اور اس سے اوپر کی خواتین کے حالات بیان کرتے ہوئے میں نے کسی کونہیں پایاہے۔امام طبرانی نےیہ بات بیان کی ہے علیلہ بنت کمیت نے اپنی والد ہ امینہ کے حوالے سے یہ روایت نقل کی ہے۔

قُلْتُ لِأَمَةِ اللَّهِ بِنْتِ رُزَيْنَةَ: «يَا أَمَةَ اللَّهِ، حَدَّثَتْكِ أُمُّكِ ← أُمِّهَا ← عُلَيْلَةَ