Majma uz Zawaid Wa Manba ul Fawaid

1804 - وَعَنْ أَبِي بَكْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ نَسِيَ صَلَاةً أَوْ نَامَ عَنْهَا فَلْيُصَلِّهَا إِذَا ذَكَرَهَا» ". رَوَاهُ الْبَزَّارُ، وَرِجَالُهُ مُوَثَّقُونَ.

حضرت ابوبکرہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " جو شخص نماز بھول جائے یا اس کے وقت سو یا رہ جائے تو جب وہ اسے یاد آئے اس وقت وہ اسے ادا کر لے "۔ یہ روایت امام بزار نے نقل کی ہے ، اور اس کے رجال کی توثیق کی گئی ہے۔

أَبِي بَكْرَةَ

1805 - «وَعَنْ بِلَالٍ أَنَّهُمْ نَامُوا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي سَفَرٍ حَتَّى طَلَعَتِ الشَّمْسُ، فَأَمَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِلَالًا حِينَ نَامُوا، فَأَذَّنَ ثُمَّ صَلَّى رَكْعَتَيْنِ، ثُمَّ أَقَامَ بِلَالٌ فَصَلَّى بِهِمُ النَّبِيُّ - صَلَّى اللَّهُ عَلَيْهِ وَسَلَّمَ - صَلَاةً بَعْدَ مَا طَلَعَتِ الشَّمْسُ». رَوَاهُ الْبَزَّارُ وَالطَّبَرَانِيُّ فِي الْكَبِيرِ بِاخْتِصَارٍ، وَرِجَالُهُ مُوَثَّقُونَ.

حضرت بلال رضی اللہ عنہ کے حوالے سے یہ بات منقول ہے : وہ لوگ نبی اکرم صلی اللہ علیہ و آلہ وسلم کے ساتھ سفر کے دوران سو گئے یہاں تک کہ سورج نکل آیا تو نبی اکرم صلی اللہ علیہ و آلہ وسلم نے حضرت بلال رحمۃ اللہ علیہ کو حکم دیا انہوں نے اذان دی پھر نبی اکرم صلی اللہ علیہ و آلہ وسلم نے دو رکعت ادا کیں پھر حضرت بلال رضی اللہ عنہ نے اقامت کہی تو نبی اکرم صلی اللہ علیہ و آلہ وسلم ان لوگوں کو نماز پڑھائی یہ سورج نکل آنے کے بعد کی بات ہے۔ یہ روایت امام بزار نے اور امام طبرانی نے معجم کبیر میں اختصار کے ساتھ نقل کی ہے، اور اس کے رجال کی توثیق کی گئی ہے۔

1806 - «وَعَنْ أَنَسٍ قَالَ: كُنْتُ مَعَ النَّبِيِّ - صَلَّى اللَّهُ عَلَيْهِ وَسَلَّمَ - فِي سَفَرٍ فَقَالَ: " مَنْ يَكْلَأُنَا اللَّيْلَةَ؟ " فَقُلْتُ: أَنَا، فَنَامَ وَنَامَ النَّاسُ، وَنِمْتُ فَلَمْ نَسْتَيْقِظْ إِلَّا بِحَرِّ الشَّمْسِ، فَقَالَ: " أَيُّهَا النَّاسُ، إِنَّ هَذِهِ الْأَرْوَاحَ عَارِيَّةٌ فِي أَجْسَادِ الْعِبَادِ، يَقْبِضُهَا وَيُرْسِلُهَا إِذَا شَاءَ، فَاقْضُوا حَوَائِجِكُمْ عَلَى رِسْلِكُمْ " فَقَضَيْنَا حَوَائِجَنَا عَلَى رِسْلِنَا، وَتَوَضَّأْنَا وَتَوَضَّأَ النَّبِيُّ - صَلَّى اللَّهُ عَلَيْهِ وَسَلَّمَ - وَصَلَّى رَكْعَتَيِ الْفَجْرِ، ثُمَّ صَلَّى بِنَا». رَوَاهُ الْبَزَّارُ، وَفِيهِ عُتْبَةُ أَبُو عَمْرٍو رَوَى عَنْ الشَّعْبِيِّ وَرَوَى عَنْهُ مُحَمَّدُ بْنُ الْحَسَنِ الْأَسَدِيُّ، وَلَمْ أَجِدْ مَنْ ذَكَرَهُ، وَبَقِيَّةُ رِجَالِهِ رِجَالُ الصَّحِيحِ.

حضرت انس رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم کے استھ ایک سفر میں تھا آپ صلی اللہ علیہ و آلہ وسلم نے ارشاد فرمایا: آج رات کون ہماری پہرہ داری کرے گا میں نے عرض کی : میں تو نبی اکرم صلی اللہ علیہ و آلہ وسلم سو گئے اور لوگ بھی سو گئے اور میں بھی سو گیا ہم لوگ سورج کی تپش کی وجہ سے بیدار ہوئے نبی اکرم صلی اللہ علیہ و آلہ وسلم نے ارشاد فرمایا : اے لوگوں بے شک یہ ارواح بندوں کے اجسام میں عاریت کے طور پر ہیں وہ جب چاہتا ہے انہیں قبض کر لیتا ہے اور انہیں چھوڑ دیتا ہے ، تو تم آرام سے اپنی حاجات سے فارغ ہو جاؤ راوی کہتے ہیں : ہم نے آرام سے حاجات پوری کیں پھر ہم نے وضو کیا نبی اکرم صلی اللہ علیہ و آلہ وسلم نے وضو کر کے فجر کی دو رکعتیں ادا کیں پھر آپ صلی اللہ علیہ و آلہ وسلم نے ہمیں نماز پڑھائی ۔ یہ روایت امام بزار نے نقل کی ہے ، اس کی سند میں ایک راوی ابو عمرو عتبہ ہے، جس نے امام شعبی سے روایت نقل کی ہے ، اور اس سے محمد بن حسن اسدی نے روایت نقل کی ہے: میں نے کسی کو اس کا ذکر کرتے ہوئے نہیں پایا ہے ، اس کے بقیہ رجال " صحیح " کے رجال ہیں ۔

مَنْ يَكْلَأُنَا اللَّيْلَةَ؟ فَقُلْتُ: ← کُنْتُ مَعَ النَّبِيِّ فِي سَفَرٍ ← أَنَسٍ،

1807 - وَعَنْ أَبِي هُرَيْرَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «مَنْ نَسِيَ صَلَاةً فَوَقْتُهَا إِذَا ذَكَرَهَا» ". رَوَاهُ الطَّبَرَانِيُّ فِي الْأَوْسَطِ، وَفِيهِ حَفْصُ بْنُ عُمَرَ بْنِ أَبِي الْعَطَّافِ، وَهُوَ ضَعِيفٌ جِدًّا.

حضر ابو ہریرہ رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جو شخص نماز بھول جائے تو اس کا وقت وہ ہوگا جب وہ اسے یاد آئے "۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی حفص بن عمر بن ابو عطاف ہے، اور وہ انتہائی "ضعیف " ہے۔

أَبِي هُرَيْرَةَ،

1808 - «وَعَنْ عِمْرَانَ بْنِ حُصَيْنٍ قَالَ: سِرْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَيْلَةً فَعَرَّسَ بِنَا تَعْرِيسَةً فِي آخِرِ اللَّيْلِ، فَاسْتَيْقَظْنَا وَقَدْ طَلَعَتِ الشَّمْسُ فَقَالَ: " الرَّحِيلَ الرَّحِيلَ "، فَارْتَحَلْنَا حَتَّى كَانَتِ الشَّمْسُ فِي كَبِدِ السَّمَاءِ، نَزَلَ، فَأَمَرَ بِلَالًا فَأَذَّنَ وَصَلَّى كُلُّ رَجُلٍ مِنَّا رَكْعَتَيْنِ، ثُمَّ صَلَّى بِنَا فَقُلْنَا: يَا رَسُولَ اللَّهِ، أَنُعِيدُهَا مِنَ الْغَدِ لِوَقْتِهَا؟ فَقَالَ: " نَهَانَا اللَّهُ عَنِ الرِّبَا وَيَقْبَلُهُ مِنَّا» ". قُلْتُ: رَوَاهُ أَبُو دَاوُدَ بِاخْتِصَارٍ عَنْ هَذَا. رَوَاهُ الطَّبَرَانِيُّ فِي الْأَوْسَطِ، وَفِيهِ كَثِيرُ بْنُ يَحْيَى وَهُوَ ضَعِيفٌ.

حضرت عمران بن حصین رضی اللہ عنہ بیان کرتے ہیں : ہم لوگ نبی اکرم صلی اللہ علیہ و آلہ وسلم کے ساتھ رات کے وقت سفر کر رہے تھے رات کے آخری حصے میں نبی اکرم صلی اللہ علیہ و آلہ وسلم نے ہمیں پڑاؤ کرنے کا حکم دیا ( ہم لوگ سو گئے ) جب ہم بیدار ہوئے تو سورج طلوع ہو چکا تھا آپ صلی اللہ علیہ و آلہ وسلم نے ارشاد فرمایا: روانہ ہو جاؤ ، روانہ ہو جاؤ ہم لوگ روانہ ہو گئے یہاں تک کہ جب سورج آسمان کے جگر میں تھا تو آپ صلی اللہ علیہ و آلہ وسلم نیچے اترے آپ نے حضرت بلال کو حکم دیا انہوں نے اذان دی ہم میں سے ہر ایک شخص نے دو رکعت (یعنی سنتیں ) ادا کیں پھر نبی اکرم صلی اللہ علیہ و آلہ وسلم نے ارشاد فرمایا: اللہ تعالیٰ نے ہمیں سود سے منع کیا ہے، تو کیا وہ اس ( سود ) کو ہم سے قبول کر لے گا"۔ ( علامہ ہیثمی فرماتے ہیں : ) میں کہتا ہوں : یہ روایت امام ابو داؤد نے اختصار کے ساتھ نقل کی ہے یہ روایت امام طبرانی نے معجم اوسط میں نقل کی ہے ، اس کی سند میں ایک راوی کثیر بن یحییٰ ہے ، اور وہ " ضعیف " ہے ۔

عِمْرَانَ بْنِ حُصَيْنٍ

1809 - وَعَنْ عِمْرَانَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ نَسِيَ صَلَاةً فَلْيُصَلِّهَا إِذَا ذَكَرَهَا» ". رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ مُوسَى بْنِ أَبِي نُعَيْمٍ ضَعَّفَهُ ابْنُ مَعِينٍ، وَوَثَّقَهُ أَبُو حَاتِمٍ وَابْنُ حِبَّانَ، وَقَالَ أَحْمَدُ بْنُ سِنَانٍ: ابْنُ أَبِي نُعَيْمٍ ثِقَةٌ صَدُوقٌ.

حضرت عمران رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " جو شخص نماز ادا کرنا بھول جائے تو وہ اسے اس وقت ادا کر لے جب وہ اسے یاد آ جائے "۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی محمد بن موسیٰ بن ابو نعیم ہے، جسے یحییٰ بن معین نے ضعیف قرار دیا ہے، اور ابو حاتم اور ابن حبان نے اسے " ثقہ " قرار دیا ہے احمد بن سنان کہتے ہیں : ابن ابو نعیم " ثقہ " اور صدوق ہے۔

عِمْرَانُ،

1810 - وَعَنْ عُبَادَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - سُئِلَ عَنْ رَجُلٍ غَفَلَ عَنِ الصَّلَاةِ حَتَّى غَرَبَتِ الشَّمْسُ أَوْ طَلَعَتْ، مَا كَفَّارَتُهَا؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " يَتَوَضَّأُ فَيُحْسِنُ وُضُوءَهُ، ثُمَّ يُصَلِّي فَيُحْسِنُ صَلَاتَهُ، وَيَسْتَغْفِرُ اللَّهَ، وَلَا كَفَّارَةَ لَهَا إِلَّا ذَلِكَ، إِنَّ اللَّهَ - عَزَّ وَجَلَّ - يَقُولُ: (وَأَقِمِ الصَّلَاةَ لِذِكْرِي)». رَوَاهُ الطَّبَرَانِيُّ فِي الْكَبِيرِ، وَفِيهِ إِسْحَاقُ بْنُ يَحْيَى، وَلَمْ يَسْمَعْ مِنْ عُبَادَةَ، وَلَمْ يَرْوِ عَنْهُ غَيْرُ مُوسَى بْنِ عُقْبَةَ.

حضرت عبادہ رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم سے ایسے شخص کے بارے میں دریافت کیا گیا : جو نماز سے غافل رہتا ہے یہاں تک کہ سورج غروب ہو گیا یا طلوع ہو گیا ( اس شخص نے دریافت کیا: ) اس کا کفارہ کیا ہے ؟ نبی اکرم صلی اللہ علیہ و آلہ وسلم نے ارشاد فرمایا: وہ شخص وضو کرتے ہوئے اچھی طرح وضو کرے پھر نماز ادا کرے اور اچھی طرح نماز ادا کرے اور اللہ تعالیٰ سے مغفرت طلب کرے اس کا صرف یہی کفارہ ہے اللہ تعالیٰ نے ارشاد فرمایا ہے " میرے ذکر کے لئے نماز قائم کرو"۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی اسحاق بن یحییٰ ہے ، اس نے حضرت عبادہ رضی اللہ عنہ سے سماع نہیں کیا ہے، اور اس کے حوالے سے موسیٰ بن عقبہ کے علاوہ اور کسی نے روایت نقل نہیں کی ہے۔

عبادة

1811 - وَعَنْ ابْنِ عَبَّاسٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - نَسِيَ صَلَاةَ الظُّهْرِ وَالْعَصْرِ يَوْمَ الْأَحْزَابِ، فَذَكَرَ بَعْدَ الْمَغْرِبِ فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " شَغَلُونَا عَنِ الصَّلَاةِ حَتَّى ذَهَبَ النَّهَارُ، أَدْخَلَ اللَّهُ قُبُورَهُمْ نَارًا " فَصَلَّاهُمَا بَعْدَ الْمَغْرِبِ». رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ وَفِيهِ ضَعْفٌ.

حضرت عبداللہ بن عباس رضی اللہ عنہ بیان کرتے ہیں: نبی اکرم صلی اللہ علیہ و آلہ وسلم غزوہ احزاب کے دن ظہر اور عصر کی نماز ادا نہیں کر سکے مغرب کے بعد آپ کو وہ یاد آئی تو آپ صلی اللہ علیہ و آلہ وسلم نے ارشاد فرمایا: ان لوگوں نے ہمیں نماز ادا نہیں کرنے دی یہاں تک کہ دن رخصت ہو گیا اللہ تعالیٰ ان کی قبروں میں آگ داخل کر دے تو نبی اکرم صلی اللہ علیہ و آلہ وسلم نے مغرب کے بعد یہ دونوں نمازیں ادا کیں۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی ابن لہیعہ ہے، اور اس میں ضعف پایا جاتا ہے۔

ابْنِ عَبَّاسٍ،

1812 - وَعَنْ عَبْدِ اللَّهِ بْنِ عَمْرٍو قَالَ: «لَمَّا غَزَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - تَبُوكَ أَدْلَجَ بِهِمْ حَتَّى إِذَا كَانَ مَعَ السَّحَرِ، ثُمَّ نَزَلَ بِهِمْ سَحَرًا فَقَالَ: " يَا بِلَالُ، احْرُسْ لَنَا الصَّلَاةَ ". قَالَ: نَعَمْ، يَا رَسُولَ اللَّهِ، فَغَلَبَ بِلَالًا النَّوْمُ فَرَقَدَ، فَنَامُوا حَتَّى أَوْجَعَتْهُمُ الشَّمْسُ، فَقَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَتَيَمَّمَ، فَقَالَ لِبِلَالٍ: " أَذِّنْ وَأَقِمْ " فَقَالَ بِلَالٌ: الْآنَ؟ فَقَالَ: " نَعَمْ "، فَصَلُّوا بَعْدَمَا أَضْحَوْا». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ خَلَا شَيْخِ الطَّبَرَانِيِّ.

حضرت عبداللہ بن عمرو رضی اللہ عنہ بیان کرتے ہیں : جب نبی اکرم صلی اللہ علیہ و آلہ وسلم غزوہ تبوک کے لئے تشریف لے گئے تو آپ رات بھر سفر کرتے رہے سحری سے کچھ پہلے آپ صلی اللہ علیہ و آلہ وسلم نے پڑاؤ کیا آپ صلی اللہ علیہ و آلہ وسلم نے ارشاد فرمایا: اے بلال ہمارے لئے نماز کے وقت کی حفاظت کرنا انہوں نے عرض کی : ٹھیک ہے یا رسول اللہ صلی اللہ علیہ و آلہ وسلم ! حضرت بلال رضی اللہ عنہ پر بھی نیند غالب آ گئی اور وہ بھی سو گئے باقی لوگ بھی سو گئے یہاں تک کہ سورج نے انہیں پریشان کیا تو نبی اکرم صلی اللہ علیہ و آلہ وسلم اٹھے آپ صلی اللہ علیہ و آلہ وسلم نے تیمم کیا آپ صلی اللہ علیہ و آلہ وسلم نے حضرت بلال رضی اللہ عنہ سے فرمایا تم اذان دو اور تم اقامت کہو حضرت بلال رضی اللہ عنہ نے دریافت کیا: کیا اس وقت ؟ نبی اکرم صلی اللہ علیہ و آلہ وسلم نے ارشاد فرمایا: جی ہاں ! تو ان لوگوں نے دن چڑھ جانے کے بعد نماز ادا کی ۔ یہ روایت امام طبرانی نے معجم کبیر میں نقل کی ہے امام طبرانی کے استاد کے علاوہ اس کے تمام رجال " صحیح" کے رجال ہیں ۔

عَبْدِ اللہِ بْنِ عَمْرٍو

1813 - وَعَنْ جُنْدَبٍ قَالَ: «سَافَرْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - سَفَرًا، فَأَتَاهُ قَوْمٌ فَقَالُوا: يَا رَسُولَ اللَّهِ، سَهَوْنَا عَنِ الصَّلَاةِ فَلَمْ نُصَلِّ حَتَّى طَلَعَتِ الشَّمْسُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " تَوَضَّئُوا وَصَلُّوا "، ثُمَّ قَالَ: " إِنَّ هَذَا لَيْسَ بِالسَّهْوِ، إِنَّ هَذَا مِنَ الشَّيْطَانِ، فَإِذَا أَخَذَ أَحَدُكُمْ مَضْجَعَهُ فَلْيَقُلْ: بِسْمِ اللَّهِ أُعُوذُ بِاللَّهِ مِنَ الشَّيْطَانِ الرَّجِيمِ». رَوَاهُ الطَّبَرَانِيُّ فِي الْكَبِيرِ، وَفِيهِ سَهْلُ بْنُ فُلَانٍ الْفَزَارِيُّ عَنْ أَبِيهِ، وَهُوَ مَجْهُولٌ.

حضرت جندب رضی اللہ عنہ بیان کرتے ہیں : ہم لوگوں نے نبی اکرم صلی اللہ علیہ و آلہ وسلم کے ساتھ سفر کیا کچھ لوگ آپ کی خدمت میں حاضر ہوئے انہوں نے عرض کی: یا رسول اللہ صلی اللہ علیہ و آلہ وسلم ! ہم نماز کے حوالے سے غافل رہ گئے یہاں تک کہ ہم نے اسے ادا نہیں کیا یہاں تک کہ سورج طلوع ہو گیا تو نبی اکرم صلی اللہ علیہ و آلہ وسلم نے ارشاد فرمایا: تم لوگ وضو کر کے نماز ادا کر لو پھر آپ صلی اللہ علیہ و آلہ وسلم نے ارشاد فرمایا : یہ سہو نہیں ہے ، یہ شیطان کی طرف سے ہے، جب کوئی شخص بستر پر جائے تو وہ یہ پڑھ لے " اللہ تعالیٰ کے نام سے برکت حاصل کرتے ہوئے میں مردود شیطان سے اللہ تعالیٰ کی پناہ مانگتا ہوں" یہ روایت امام طبرانی نے معجم کبیر میں نقل کی ہے ، اس کی سند میں یہ مذکور ہے ، اسے سہل بن فلاں فزاری نے اپنے والد سے نقل کیا ہے ۔ اور وہ راوی مجہول ہے۔

«سَافَرْنَا مَعَ رَسُولِ اللَّهِ سَفَرًا، فَأَتَاهُ قَوْمٌ فَقَالُوا: ← وَعَنْ جُنْدَبٍ

1814 - وَعَنْ أَبِي أُمَامَةَ قَالَ: «كُنَّا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي سَفَرٍ فَلَمْ يَسْتَيْقِظْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - حَتَّى آذَاهُ حَرُّ الشَّمْسِ بَيْنَ كَتِفَيْهِ، فَلَمَّا اسْتَيْقَظَ مَكَثُوا، فَأَقَامَ الصَّلَاةَ فَتَقَدَّمَ، [فَلَمَّا صَلَّى بِهِمْ] قَالَ: " إِذَا رَقَدَ أَحَدُكُمْ فَغَلَبَتْهُ عَيْنَاهُ فَلْيَفْعَلْ هَكَذَا، فَإِنَّ اللَّهَ - تَعَالَى - يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا» ". رَوَاهُ الطَّبَرَانِيُّ فِي الْكَبِيرِ، وَفِيهِ جَعْفَرُ بْنُ الزُّبَيْرِ وَهُوَ ضَعِيفٌ.

حضرت ابو امامہ رضی اللہ عنہ بیان کرتے ہیں : ہم لوگ نبی اکرم صلی اللہ علیہ و آلہ وسلم کے ساتھ سفر کر رہے تھے ، ( ہم لو گ سو گئے ) نبی اکر م صلی اللہ علیہ و آلہ وسلم بیدار نہیں ہوئے یہاں تک کہ دونوں کندھوں کے درمیان سورج کی تپش نے آپ کو اذیت پہنچائی جب آپ صلی اللہ علیہ و آلہ وسلم بیدار ہوئے تو لوگ رک گئے آپ صلی اللہ علیہ و آلہ وسلم نے تکبیر کہی اور آگے بڑھے پھر آپ صلی اللہ علیہ و آلہ وسلم نے انہیں نماز پڑھائی پھر آپ صلی اللہ علیہ و آلہ وسلم نے ارشاد فرمایا: جب کوئی شخص سویا ہو اور اس کی آنکھیں اس پر غالب آ جائیں تو وہ اس طرح کر لے ، تو اللہ تعالیٰ اس کے ہر جان کو اس کے مخصوص وقت پر وفات دے دیتا ہے ، اور اس کو بھی جو نیند کے دوران مرتا نہیں ہے۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی جعفر بن زبیر ہے، اور وہ " ضعیف " ہے ۔

اَبِیْ اُمَامَۃَ،

1815 - «وَعَنْ مَيْمُونَةَ بِنْتِ سَعْدٍ أَنَّهَا قَالَتْ: يَا رَسُولَ اللَّهِ، أَفْتِنَا يَا رَسُولَ اللَّهِ عَنْ رَجُلٍ نَسِيَ الصَّلَاةَ حَتَّى طَلَعَتِ الشَّمْسُ أَوْ غَرَبَتْ، مَا كَفَّارَتُهَا؟ قَالَ: " إِذَا ذَكَرَهَا فَلْيُصَلِّهَا وَلْيُحْسِنْ صَلَاتَهُ وَلْيَتَوَضَّأْ فَلْيُحْسِنْ وُضَوْءَهُ، فَذَلِكَ كَفَّارَتُهَا» ". رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ مَجَاهِيلُ.

سیدہ میمونہ بنت سعد رضی اللہ عنہا بیان کرتی ہیں : انہوں نے عرض کی : یارسول اللہ صلی اللہ علیہ و آلہ وسلم ! آپ ہمیں ایسے شخص کے بارے میں حکم بیان کیجئے جو نماز بھول جاتا ہے یہاں تک کہ سورج طلوع ہو جاتا ہے ، یا غروب ہو جاتا ہے ، تو اس کا کفارہ کیا ہوگا؟ نبی اکرم صلی اللہ علیہ و آلہ وسلم نے ارشاد فرمایا : جب وہ اسے یاد آئے تو وہ اسے ادا کر لے اور اچھی طرح سے نماز ادا کرے اور وضو کرتے ہوئے اچھی طرح سے وضو کرے یہ اس کا کفارہ ہے ۔ یہ روایت امام طبرانی نے معجم کبیر میں نقل کی ہے ، اس کی سند میں مجہول راوی پائے جاتے ہیں ۔

ميمونةَ بنت سعدٍ؛ أنها