Majma uz Zawaid Wa Manba ul Fawaid

4337 - وَعَنْ أَنَسِ بْنِ مَالِكٍ - رَضِيَ اللَّهُ عَنْهُ - قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَانِعُ الزَّكَاةِ يَوْمَ الْقِيَامَةِ فِي النَّارِ» ". رَوَاهُ الطَّبَرَانِيُّ فِي الصَّغِيرِ، وَفِيهِ سِنَانُ بْنُ سَعْدٍ، وَفِيهِ كَلَامٌ كَثِيرٌ، وَقَدْ وُثِّقَ.

حضرت انس بن مالک رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا:’’قیامت کے دن زکوٰة ادا نہ کرنے والےشخص جہنم میں جائے گا‘‘۔یہ روایت امام طبرانی نے معجم صغیر میں نقل کی ہے، اس کی سند میں ایک راوی سنان بن سعد ہے ،اور اس کے بارے میں بہت زیادہ کام کیا گیا ہے ،اور اس کی توثیق بھی کی گئی ۔

اَنَسِ بْنِ مَالِکٍ،

4338 - وَعَنِ ابْنِ عُمَرَ - رَضِيَ اللَّهُ عَنْهُمَا - أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: " «كُلُّ مَالٍ وَإِنْ كَانَ تَحْتَ سَبْعِ أَرَضِينَ تُؤَدَّى زَكَاتُهُ فَلَيْسَ بِكَنْزٍ، وَكُلُّ مَالٍ لَا تُؤَدَّى زَكَاتُهُ وَإِنْ كَانَ ظَاهِرًا فَهُوَ كَنْزٌ» ". قُلْتُ: هُوَ فِي الصَّحِيحِ بِنَحْوِهِ، وَلَكِنَّهُ مَوْقُوفٌ عَلَى ابْنِ عُمَرَ. رَوَاهُ الطَّبَرَانِيُّ فِي الْأَوْسَطِ، وَفِيهِ سُوَيْدُ بْنُ عَبْدِ الْعَزِيزِ، وَهُوَ ضَعِيفٌ.

حضرت عبداللہ بن عمررضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا:’’ ہر وہ مال خواہ وہ سات زمینوں کے نیچے ہو، اگر اس کی زکوٰۃ ادا کر دی جائے، تووہ’’ کنز‘‘ ، شمار نہیں ہو گا، اور ہروہ مال، جس کی زکوٰۃ ادا نہ کی گئی ہو، وہ اگر چہ ظاہر ہو پھر بھی وہ ’’کنز‘‘، شمار ہوگا‘‘۔ (علامہ ہیثمی فرماتے ہیں: ) میں یہ کہتا ہوں : یہ روایت ’’صحیح‘‘ میں اس کی مانند منقول ہے ،تاہم یہ حضرت عبداللہ بن عمر رضی اللہ عنہ پر ’’موقوف‘‘ ہے۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی سوید بن عبدالعزیز ہے، اور وہ ضعیف ہے۔

ابْنِ عُمَرَ

4339 - وَعَنْ أَبِي شَدَّادٍ - رَجُلٍ مِنْ أَهْلِ عَمَّانَ - قَالَ: «جَاءَنَا كِتَابُ رَسُولِ اللَّهِ صَلَّى اللَّهُ عَلَيْهِ وَسَلَّمَ: " أَمَّا بَعْدُ، فَأَقِرُّوا بِشَهَادَةِ أَنْ لَا إِلَهَ إِلَّا اللَّهُ وَأَنِّي رَسُولُ اللَّهِ، وَأَدُّوا الزَّكَاةَ، وَخُطُّوا الْمَسَاجِدَ كَذَا وَكَذَا وَإِلَّا غَزَوْتُكُمْ» ". قَالَ أَبُو شَدَّادٍ: فَلَمْ نَجِدْ مَنْ يَقْرَأُ عَلَيْنَا ذَلِكَ الْكِتَابَ حَتَّى أَصَبْنَا غُلَامًا يَقْرَأُ فَقَرَأَ عَلَيْنَا. قَالَ عَبْدُ الْعَزِيزِ: فَقُلْتُ لِأَبِي شَدَّادٍ: مَنْ كَانَ عَلَى عَمَّانَ يَوْمَئِذٍ؟ قَالَ: سِوَارٌ مِنْ أَسَاوِرِ كِسْرَى. رَوَاهُ الْبَزَّارُ، وَهُوَ مُرْسَلٌ، وَفِيهِ مَنْ لَا يُعْرَفُ.

حضرت ابوشد ادرضی اللہ عنہ بیان کرتے ہیں: جن کا تعلق اہل عمان سے ہے وہ بیان کرتے ہیں: ہمارے پاس نبی اکرم صلی اللہ علیہ وسلم کا مکتوب آیا (جس میں یہ تحریرتھا:) ’’امابعد ! تم لوگ اس بات کی گواہی کا اقرار کرو، کہ اللہ تعالیٰ کے علاوہ اور کوئی معبو دنہیں ہے، اور بے شک میں اللہ کا رسول ہوں، تم زکوٰۃ ادا کرو تم مساجد کے نشان اس اس طرح بناؤ، ورنہ پھر میں تمہارے ساتھ جنگ کروں گا‘‘۔ حضرت ابوشدادرضی اللہ عنہ بیان کرتے ہیں : ہمیں کوئی ایسا شخص نہیں ملا، جو ہمارے سامنے وہ مکتوب پڑھ کر سناتا یہاں تک کہ ہمیں ایک لڑکا ملا جو پڑھ سکتا تھا ،تو اس نے ہمیں وہ پڑھ کر سنایا۔ عبدالعزیز نامی راوی بیان کرتے ہیں: میں نے حضرت ابوشدا ورضی اللہ عنہ سے دریافت کیا: ان دنوں عمان کا حکمران کون تھا؟ انہوں نے جواب دیا: کسری ٰکی طرف سے مقرر کردہ ایک اہل کارتھا۔ یہ روایت امام بزارنے نقل کی ہے، یہ روایت’’ مرسل‘‘ ہے اور اس کی سند میں ایسا راوی ہے جومعروف نہیں ہے۔

أَبِي شَدَّادٍ رَجُلٍ مِنْ أَهْلِ عَمَّانَ

4340 - وَعَنْ ثَوْبَانَ - رَضِيَ اللَّهُ عَنْهُ - أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «مَنْ تَرَكَ بَعْدَهُ كَنْزًا مُثِّلَ لَهُ يَوْمَ الْقِيَامَةِ شُجَاعًا أَقْرَعَ لَهُ زَبِيبَتَانِ يَتْبَعُهُ يَقُولُ: وَيْلَكَ مَا أَنْتَ؟ يَقُولُ: أَنَا كَنْزُكَ الَّذِي كَنَزْتَ. فَلَا يَزَالُ حَتَّى يَلْقَمَ يَدَهُ ثُمَّ يُتْبِعُهُ سَائِرَ جَسَدِهِ» ". رَوَاهُ الْبَزَّارُ، وَقَالَ: إِسْنَادُهُ حَسَنٌ. قُلْتُ: وَرِجَالُهُ ثِقَاتٌ. وَرَوَاهُ الطَّبَرَانِيُّ فِي الْكَبِيرِ.

حضرت ثوبان رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’جوشخص اپنے بعد خزانہ چھوڑ کر جاتا ہے، قیامت کے دن اس خزانے کو گنجے سانپ کی شکل میں بنادیا جائے گا، جس کی دوز با نیں ہوں گی ،وہ اس شخص کے پیچھے جائے گا وہ شخص کہے گا: تمہارا ستیاناس ہو، تم کون ہو؟ وہ کہے گا: میں تمہارا وہ خزانہ ہوں جسے تم نے اکھٹا کیا تھا، پھر وہ خزانہ مسلسل اس شخص کے پیچھے رہے گا ،یہاں تک کہ وہ اس کے ہاتھ کو اپنے منہ میں ڈال لے گا، اور پھر اس کے پورے جسم کونگل لے گا“۔ یہ روایت امام بزارنے نقل کی ہے، وہ فرماتے ہیں : اس کی سند حسن ہے۔ میں کہتا ہوں : اس کے رجال ثقہ ہیں، یہ روایت امام طبرانی نے معجم کبیر میں بھی نقل کی ہے۔

ثَوْبَانَ،

4341 - وَعَنْ عَائِشَةَ قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «مَا خَالَطَتِ الصَّدَقَةُ - أَوْ قَالَ: الزَّكَاةُ - مَالًا إِلَّا أَفْسَدَتْهُ» ". رَوَاهُ الْبَزَّارُ، وَفِيهِ عُثْمَانُ بْنُ عَبْدِ الرَّحْمَنِ الْجُمَحِيُّ قَالَ أَبُو حَاتِمٍ: يُكْتَبُ حَدِيثُهُ وَلَا يُحْتَجُّ بِهِ.

سیّدہ عائشہ صدیقہ رضی اللہ عنہ بیان کرتی ہیں: نبی اکرم صلی اللہ علیہ وسلم نے ارشادفرمایا: ’’ صدقہ (یعنی وہ صدقہ جو ادا نہ کیا گیا ہو،راوی کوشک ہے ،شاید یہ الفاظ ہیں :) زکوٰة، جس بھی مال کے ساتھ مل جاتی ہے ،اسے خراب کردیتی ہے‘‘۔ یہ روایت امام بزارنے نقل کی ہے ،اس کی سند میں ایک راوی عثمان بن عبد الرحمن جمحی ہے، ابوحاتم کہتے ہیں : اس کی حدیث کونوٹ کیا جائے گا، لیکن اس سے استدلال نہیں کیا جائے گا۔

عَائِشَةَ

4342 - وَعَنِ ابْنِ عُمَرَ - رَضِيَ اللَّهُ عَنْهُمَا - قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «ظَهَرَتْ لَهُمُ الصَّلَاةُ فَصَلَّوْهَا، وَخَفِيَتْ لَهُمُ الزَّكَاةُ فَأَكَلُوهَا، أُولَئِكَ هُمُ الْمُنَافِقُونَ» ". رَوَاهُ الْبَزَّارُ، وَفِيهِ عَبْدُ اللَّهِ بْنُ إِبْرَاهِيمَ الْغِفَارِيُّ، وَهُوَ ضَعِيفٌ.

حضرت عبداللہ بن عمررضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا:’’ان لوگوں کے سامنے نماز کا حکم ظاہر تھا، تو انہوں نے نماز ادا کی ،اور زکوٰة کا حکم ان لوگوں سے پوشیدہ رہا ،تووہ اسے کھا گئے یہ لوگ منافق ہیں“۔ یہ روایت امام بزارنے نقل کی ہے اس کی سند میں ایک راوی عبداللہ بن ابراہیم غفاری ہے، اور وہ ضعیف ہے۔

ابْنِ عُمَرَ

4343 - وَعَنِ ابْنِ الزُّبَيْرِ - رَضِيَ اللَّهُ عَنْهُمَا - أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: " «مَا مِنْ صَاحِبِ إِبِلٍ لَا يُؤَدِّي حَقَّهَا فِي رِسْلِهَا، وَنَجْدَتِهَا إِلَّا جِيءَ يَوْمَ الْقِيَامَةِ حَتَّى تُبْطَحَ لَهَا بِقَاعٍ قَرْقَرٍ تَطَؤُهُ بِأَخْفَافِهَا، كُلَّمَا نَفِدَتْ أُولَاهَا اعْتَدَتْ عَلَيْهِ أُخْرَاهَا، حَتَّى يُقْضَى بَيْنَ النَّاسِ وَيَرَى سَبِيلَهُ» ". رَوَاهُ الْبَزَّارُ، وَرِجَالُهُ ثِقَاتٌ.

حضرت عبداللہ بن زبیر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’جوبھی اونٹوں کا مالک شخص اونٹوں کے بارے میں اُن کے تنگی اور آسانی (یعنی وہ موٹے تازے ہوں یا کمزور ہوں ہر حال میں) حق (یعنی زکوٰۃ) کو ادا نہیں کرے گا ،تو جب وہ قیامت کے دن آئے گا ،تو اسے ان اونٹوں کے سامنے ایک چٹیل میدان میں جائے گا، وہ (اونٹ) اپنے پاؤں کے ذریعے اُسے روندیں گے جب ان میں سے پہلا ختم ہوجائے گا، تو آخری دوبارہ سے شروع ہوجائے گا، ایسا اس وقت تک ہوتا رہے گا ،جب تک لوگوں کے در میان فیصلہ نہیں ہو جا تا ہے، اس کے بعد وہ شخص اپنا راستہ دیکھے گا۔ یہ روایت امام بزارنے نقل کی ہے اور اس کے رجال ثقہ ہیں۔

ابْنُ الزُّبَيْرِ

4344 - وَعَنِ ابْنِ الزُّبَيْرِ - رَضِيَ اللَّهُ عَنْهُمَا - قَالَ: إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: " «مَا مِنْ صَاحِبِ إِبِلٍ إِلَّا يُؤْتَى بِهَا يَوْمَ الْقِيَامَةِ إِذَا لَمْ يَكُنْ يُؤَدِّي حَقَّهَا فَتَمْشِي عَلَيْهِ بِقَاعٍ تَطَؤُهُ بِأَخْفَافِهَا، وَيُؤْتَى بِصَاحِبِ الْبَقَرِ إِذَا لَمْ يَكُنْ يُؤَدِّي حَقَّهَا فَتَمْشِي عَلَيْهِ تَطَؤُهُ بِأَظْلَافِهَا لَيْسَ فِيهَا جَمَّاءُ وَلَا مَكْسُورَةُ الْقَرْنِ، وَيُؤْتَى بِصَاحِبِ الْغَنَمِ إِذَا لَمْ يَكُنْ يُؤَدِّي حَقَّهَا فَتَمْشِي عَلَيْهِ بِقَاعٍ فَتَنْطَحُهُ بِقُرُونِهَا وَتَطَؤُهُ بِأَظْلَافِهَا لَيْسَ فِيهَا جَمَّاءُ وَلَا مَكْسُورَةُ الْقَرْنِ، وَيُؤْتَى بِصَاحِبِ الْكَنْزِ فَيُمَثَّلُ لَهُ شُجَاعًا أَقْرَعَ فَلَا يَجِدُ شَيْئًا فَيُدْخِلُ يَدَهُ فِي فِيهِ» ". رَوَاهُ الطَّبَرَانِيُّ بِطُولِهِ - وَرَوَى الْبَزَّارُ طَرَفًا مِنْهُ - وَرِجَالُهُ مُوَثَّقُونَ.

حضرت عبداللہ بن زبیررضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: اونٹوں کا جو بھی مالک ہوگا، اُسے قیامت کے دن لا یا جائے گا جبکہ اس نے اونٹوں کے حق (یعنی زکوٰۃ) کواد نہیں کیا ہو گا، وہ اونٹ کھلے میدان میں اس کے پاس چلتے ہوئے آئیں گے ،اور اپنے پاؤں کے ذریعے اسے روندیں گے،گائیوں کے مالک کو لایا جائے گا، جب اس نے( دنیا میں) ان کے حق (یعنی زکوٰۃ ) کو ادا نہیں کیا ہو گا وہ چلتی ہوئی اس شخص کے پاس آئیں گی، اور اسے اپنے پاؤں کے ذریعے روندیں گی، ان میں سے کوئی ایسی نہیں ہوگی ،جو بغیر سینگ کے ہو یا کوئی سینگ ٹوٹا ہوا ہو، بکریوں کے مالک کو لایا جائے گا، جس نے ان کے حق کو ادا نہیں کیا ہو گا، تو ایک چٹیل میدان میں وہ بکریاں چلتی ہوئی اس کے پاس آئیں گی، اپنے سینگوں کے ذریعے اسے ماریں گی ،اور اپنے پاؤں کے ذریعے اسے روندیں گی، ان میں کوئی ایسی بکری نہیں ہوگی جس کا سینگ نہ ہویا جس کا سینگ ٹوٹا ہوا ہو، خزانے کے مالک شخص کو لایا جائے گا، اور اس خزانے کو ایک گنجے سانپ کی شکل دے دی جائے گی، اسے کوئی چیزنہیں ملے گی، تو وہ اس شخص کا ہاتھ اپنے منہ میں ڈال لے گا“۔ یہ روایت امام طبرانی نے طویل روایت کے طور پرنقل کی ہے، جبکہ امام بزارنے اس روایت کا ایک حصہ نقل کیا ہے، اس روایت کی توثیق کی گئی ہے۔

ابْنُ الزُّبَيْرِ

4345 - وَعَنِ ابْنِ عُمَرَ - رَضِيَ اللَّهُ عَنْهُمَا - قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: " «مَنْ كَانَ يُؤْمِنُ بِاللَّهِ وَرَسُولِهِ فَلْيُؤَدِّ زَكَاةَ مَالِهِ، وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ حَقًّا أَوْ لِيَسْكُتْ، وَمَنْ كَانَ يُؤْمِنُ بِاللَّهِ وَرَسُولِهِ فَلْيُكْرِمْ ضَيْفَهُ» ". رَوَاهُ الطَّبَرَانِيُّ فِي الْكَبِيرِ، وَفِيهِ يَحْيَى بْنُ عَبْدِ اللَّهِ الْبَابُلُتِّيُّ، وَهُوَ ضَعِيفٌ.

حضرت عبد اللہ بن عمررضی اللہ عنہ بیان کرتے ہیں : میں نے نبی اکرمصلی اللہ علیہ وسلم کو یہ ارشاد فرماتے ہوئے سنا ہے:’’جو شخص اللہ تعالیٰ اور اس کے رسول پر ایمان رکھتا ہو، اسے اپنے مال کی زکوٰۃ ادا کرنی چاہیے، اور جوشخص اللہ تعالیٰ اور آخرت کے دن پر ایمان رکھتا ہو ،اسے حق بات کہنی چاہیے ،یا پھر خاموش رہنا چاہیے ،اور جوشخص اللہ تعالیٰ اور اس کے رسول پر ایمان رکھتا ہو اسے مہمان کی عزت افزائی کرنی چاہیے‘‘۔ یہ روایت امام طبرانی نے معجم کبیر میں نقل کی ہے ،اس کی سند میں ایک راوی یحییٰ بن عبد اللہ بابلتی ہے ،اور وہ ضعیف ہے۔

رَسُولِ اللَّهِ ← ابْنِ عُمَرَ

4346 - وَعَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «خَمْسٌ بِخَمْسٍ ". قِيلَ: يَا رَسُولَ اللَّهِ، وَمَا خَمْسٌ بِخَمْسٍ؟ قَالَ: " مَا نَقَضَ قَوْمٌ الْعَهْدَ إِلَّا سُلِّطَ عَلَيْهِمْ عَدُوُّهُمْ، وَمَا حَكَمُوا بِغَيْرِ مَا أَنْزَلَ اللَّهُ إِلَّا فَشَا فِيهِمُ [الْفَقْرُ، وَلَا ظََهَرَتْ فِيهِمُ الْفَاحِشَةُ إِلَا فَشَا فِيهِمُ] الْمَوْتُ. وَلَا مَنَعُوا الزَّكَاةَ إِلَّا حُبِسَ عَنْهُمُ الْقَطْرُ، وَلَا طَفَّفُوا الْمِكْيَالَ إِلَّا حُبِسَ عَنْهُمُ النَّبَاتُ وَأُخِذُوا بِالسِّنِينَ» ". رَوَاهُ الطَّبَرَانِيُّ فِي الْكَبِيرِ، وَفِيهِ إِسْحَاقُ بْنُ عَبْدِ اللَّهِ بْنِ كَيْسَانَ الْمَرْوَزِيُّ، لَيَّنَهُ الْحَاكِمُ، وَبَقِيَّةُ رِجَالِهِ مُوَثَّقُونَ، وَفِيهِمْ كَلَامٌ.

حضرت عبداللہ بن عباس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا:’’پانچ چیز یں، پانچ چیزوں کے ساتھ مشروط ہیں ،عرض کی گئی : یا رسول اللہ پانچ چیز یں پانچ چیزوں کے ساتھ مشروط ہونے سے مراد کیا ہے؟ نبی اکرم صلی اللہ علیہ وسلم نے فرمایا: جب بھی کوئی قوم عہد شکنی کرتی ہے، تو ان کے دشمن کو ان پر مسلط کردیا جاتا ہے ،اور جب بھی لوگ اس چیز کے علاوہ فیصلہ دیتے ہیں، جو الله تعالیٰ نے نازل کیا ہے ،تو ان کے درمیان غربت پھیل جاتی ہے اور جس قوم کے درمیان فحاشی ظاہر ہو جاتی ہے، ان کے درمیان موت پھیل جاتی ہے، اور جولوگ ز کوٰۃ نہیں دیتے ہیں، ان سے بارش کو روک لیا جا تا ہے ،اور جولوگ ماپنے میں ہیرا پھیری کرتے ہیں، ان سے پیدوار کوروک دیا جاتا ہے ،اور انہیں قحط سالی لپیٹ میں لے لیتی ہے‘‘۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی عبد الله بن کیسان مروزی ہے۔ امام حاکم نے اسے کمزور قرار دیا ہے ،اس کے بقیہ رجال کی توثیق کی گئی ہے، اور ان کے بارے میں کلام بھی کیا گیا ہے۔

ابْنِ عَبَّاسٍ،

4347 - وَعَنْ عَبْدِ اللَّهِ بْنِ عَمْرٍو - رَضِيَ اللَّهُ عَنْهُمَا - قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «لَيَأْتِيَنَّ عَلَى النَّاسِ زَمَانٌ قُلُوبُهُمْ قُلُوبُ الْعَجَمِ ". قُلْتُ: وَمَا قُلُوبُ الْعَجَمِ؟ قَالَ: " حُبُّ الدُّنْيَا ". قَالَ: " سُنَّتُهُمْ سُنَّةُ الْأَعْرَابِ، مَا أَتَاهُمْ مِنْ رِزْقٍ جَعَلُوهُ فِي الْحَيَوَانِ، يَرَوْنَ الْجِهَادَ ضَرَرًا، وَالزَّكَاةَ مَغْرَمًا» ". رَوَاهُ الطَّبَرَانِيُّ فِي الْكَبِيرِ، وَفِيهِ بَقِيَّةُ بْنُ الْوَلِيدِ، وَهُوَ ثِقَةٌ وَلَكِنَّهُ مُدَلِّسٌ، وَبَقِيَّةُ رِجَالِهِ مُوَثَّقُونَ.

حضرت عبداللہ بن عمر ورضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا: ’’عنقریب لوگوں پر ایسا زمانہ آئے گا کہ ان کے دل عجمیوں کے دلوں کی مانند ہوں گے میں نے دریافت کیا: عجمیوں کے دل سے مراد کیا ہے؟ نبی اکرم صلی اللہ علیہ وسلم نے ارشادفرمایا: دنیا کی محبت، آپ نے ارشاد فرمایا: ان لوگوں کا طور طریقہ دیہاتیوں کا طور طریقہ ہوگا ،ان کے پاس جو بھی رزق آئے گا، وہ اسے جانوروں پر خرچ کریں گے، وہ لوگ جہاد کو نقصان دہ چیز سمجھیں گے، اور زکوٰة کو تاوان سمجھیں گے‘‘۔ یہ روایت امام طبرانی نے معجم کبیر میں نقل کی ہے ،اس کی سند میں ایک راوی بقیہ بن ولید ہے ،وہ ثقہ ہے لیکن وہ تدلیس کرنے والا ہے ،اس کے بقیہ رجال کی توثیق کی گئی ہے۔

عَبْدِ اللہِ بْنِ عَمْرٍو

4348 - وَعَنْ عَبْدِ اللَّهِ بْنِ مَسْعُودٍ قَالَ: مَنْ كَسَبَ طَيِّبًا خَبَّثَتْهُ مَنَعُ الزَّكَاةِ، وَمَنْ كَسَبَ خَبِيثًا لَمْ تُطَيِّبْهُ الزَّكَاةُ. رَوَاهُ الطَّبَرَانِيُّ فِي الْكَبِيرِ، وَإِسْنَادُهُ مُنْقَطِعٌ.

حضرت عبداللہ بن مسعود رضی اللہ عنہ بیان فرماتے ہیں: جوشخص پا کیزہ (یعنی حلال مال ) کماتا ہے ،تو زکوٰۃ ادا نہ کرنا اُسے خبیث کر دیتا ہے، اور جو خبیث (یعنی حرام مال) کماتا ہے تو زکوٰۃ کی ادائیگی ا سے پاک نہیں کرتی ہے۔یہ روایت امام طبرانی نے معجم کبیرمیں نقل کی ہے ،اور اس کی سند منقطع ہے۔

عَبْدِ اللهِ بْنِ مَسْعُودٍ