Majma uz Zawaid Wa Manba ul Fawaid

4588 - وَعَنْ أَبِي هُرَيْرَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ بِنَحْوِ حَدِيثٍ تَقَدَّمَ وَزَادَ: «يَا عَائِشَةُ، اشْتَرِي نَفْسَكِ مِنَ اللَّهِ، لَا أُغْنِي عَنْكِ مِنَ اللَّهِ شَيْئًا، وَلَوْ بِشِقِّ تَمْرَةٍ. يَا عَائِشَةُ، لَا يَرْجِعَنَّ مِنْ عِنْدِكِ سَائِلٌ وَلَوْ بِظِلْفٍ مُحْرَقٍ». رَوَاهُ الْبَزَّارُ، وَفِيهِ عَبْدُ اللَّهِ بْنُ شَبِيبٍ، وَهُوَ ضَعِيفٌ.

حضرت ابو ہریرہ رضی اللہ عنہ نے اس کی مانند حدیث نقل کی ہے، جو پہلے گزر چکی ہے، اور یہ الفاظ زائد نقل کیے ہیں: ’’اے عائشہ! تم اللہ تعالیٰٰ سے اپنی ذات کا سودا کر لو میں اللہ تعالیٰٰ کے مقابلے میں تمہارے کسی کام نہیں آسکتا خواہ تم نصف کھجور کے ذریعے (اپنی ذات کا سودا کرو) اے عائشہ! مانگنے والا تمہارے پاس سے (خالی ہاتھ) واپس نہیں جانا چاہیے خواہ وہ جلا ہوا پایا ہی لے کر جائے‘‘۔ یہ روایت امام بزارنے نقل کی ہے۔ اس کی سند میں ایک راوی عبداللہ بن شبیب ہے، اور وہ ضعیف ہے۔

النَّبِيِّ ← أَبِي هُرَيْرَةَ،

4589 - وَعَنْ أَبِي أُمَامَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «يَا أَيُّهَا النَّاسُ، اتَّقُوا النَّارَ وَلَوْ بِشِقِّ تَمْرَةٍ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ فَضَالُ بْنُ جُبَيْرٍ، وَهُوَ ضَعِيفٌ.

حضرت ابوامامہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا: ’’اے لوگو! جہنم سے بچوخواہ نصف کھجور کے ذریعے ہو‘‘۔ یہ روایت امام طبرانی نے معجم کبیر اور معجم اوسط میں نقل کی ہے۔ اس کی سند میں ایک راوی فضال بن جبیر ہے اور وہ معیف ہے۔

اَبِیْ اُمَامَۃَ،

4590 - وَعَنْ أَنَسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «تَصَدَّقُوا ; فَإِنَّ الصَّدَقَةَ فِكَاكُكُمْ مِنَ النَّارِ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ.

حضرت انس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’تم لوگ صدقہ کرو کیونکہ صد قہ جہنم سے تمہارے بچاؤ کا باعث ہے‘‘۔ یہ روایت امام طبرانی نے معجم اوسط میں نقل کی ہے، اوراس کے رجال ثقہ ہیں۔

أَنَسٍ،

4591 - وَعَنْ عَبْدِ اللَّهِ بْنِ عَبْدِ الرَّحْمَنِ، أَنَّهُ سَمِعَ عَبْدَ اللَّهِ بْنَ مُجَمِّرٍ مِنْ أَهْلِ الْيَمَنِ يُحَدِّثُ: «أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لِعَائِشَةَ: " احْتَجِبِي مِنَ النَّارِ وَلَوْ بِشِقِّ تَمْرَةٍ». رَوَاهُ الطَّبَرَانِيُّ فِي الْكَبِيرِ، وَفِيهِ سَعِيدُ بْنُ أَبِي مَرْيَمَ، وَهُوَ ضَعِيفٌ لِاخْتِلَاطِهِ.

عبداللہ بن عبد الرحمن بیان کرتے ہیں: انہوں نے عبداللہ بن مجمرجن کا تعلق اہل یمن سے ہے انہیں یہ حدیث بیان کرتے ہوئے سنا نبی اکرم صلی اللہ علیہ وسلم نے سیدہ عائشہ رضی اللہ عنہ سے فرمایا: ’’جہنم سے بچوخواہ نصف کھجور کے ذریعے ہو‘‘۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی سعید بن ابومریم ہے اور وہ اختلاط کا شکار ہونے کی وجہ سے ضعیف ہے۔

عَبْدَ اللَّهِ بْنَ مُجَمِّرٍ مِنْ أَهْلِ الْيَمَنِ ← وَعَنْ عَبْدِ اللَّهِ بْنِ عَبْدِ الرَّحْمَنِ، أَنَّهُ

4592 - وَعَنْ فَضَالَةَ بْنِ عُبَيْدٍ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: «اجْعَلُوا بَيْنَكُمْ وَبَيْنَ النَّارِ حِجَابَةً وَلَوْ بِشِقِّ تَمْرَةٍ». رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ، وَفِيهِ كَلَامٌ.

حضرت فضالہ بن عبید رضی اللہ عنہ نبی اکرم صلی اللہ علیہ وسلم کا فرمان نقل کرتے ہیں: ’’اپنے اور جہنم کے درمیان رکاوٹ ڈال دوخواه نصف کھجور کے ذریعے ہی ہو‘‘۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی ابن لہیعہ ہے، اور اس کے بارے میں کلام کیا گیا ہے۔

النَّبِيِّ ← فَضَالَةَ بْنَ عُبَيْدٍ

4593 - وَعَنْ أَبِي جُحَيْفَةَ قَالَ: «دَهَمَ رَسُولُ اللَّهِ صَلَّى اللَّهُ عَلَيْهِ وَسَلَّمَ نَاسٌ مَنْ قِيسٍ مُجْتَابِي النِّمَارِ مُتَقَلِّدِي السُّيُوفِ، فَسَاءَهُ مَا رَأَى مِنْ حَالِهِمْ، فَصَلَّى ثُمَّ دَخَلَ بَيْتَهُ، ثُمَّ خَرَجَ فَصَلَّى، وَجَلَسَ فِي مَجْلِسِهِ، فَأَمَرَ بِالصَّدَقَةِ وَحَضَّ عَلَيْهَا فَقَالَ: " تَصَدَّقَ رَجُلٌ مِنْ دِينَارِهِ، تَصَدَّقَ مِنْ دِرْهَمِهِ، تَصَدَّقَ رَجُلٌ مِنْ صَاعِ بُرِّهِ، تَصَدَّقَ رَجُلٌ مِنْ صَاعِ تَمْرِهِ "، فَجَاءَ رَجُلٌ مِنَ الْأَنْصَارِ بِصُرَّةٍ مِنْ ذَهَبٍ فِي يَدِهِ، ثُمَّ تَتَابَعَ النَّاسُ حَتَّى رَأَى كَوْمَيْنِ مِنْ ثِيَابٍ وَطَعَامٍ، فَرَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَتَهَلَّلُ كَأَنَّهُ مُدْهَنَةٌ». رَوَاهُ الْبَزَّارُ، وَفِيهِ أَبُو إِسْرَائِيلَ الْمُلَائِيُّ، وَفِيهِ كَلَامٌ، وَقَدْ وُثِّقَ.

حضرت ابو جحیفہ رضی اللہ عنہ بیان کرتے ہیں: نبی اکرم صلی اللہ علیہ وسلم نے قیس قبیلے سے تعلق رکھنے والے کچھ لوگوں کو ملاحظہ فرمایا جنہوں نے کپڑے پہنے ہوئے تھے، اورتلواریں لٹکائی ہوئی تھیں ان کی حالت نبی اکرم صلی اللہ علیہ وسلم کو افسوس ناک لگی نبی اکرم صلی اللہ علیہ وسلم گھر تشریف لے گئے پھر آپ تشریف لائے آپ نے نماز پڑھائی پھر آپ وہاں پر تشریف فرما ہوئے آپ نے صدقہ کرنے کا حکم دیا اور اس بارے میں ترغیب دی آپ نے ارشادفرمایا: کوئی شخص اپنا دینار صدقہ کرے کوئی درہم کرے کوئی اپنی گندم کا ایک صاع کردے کوئی اپنی کھجوروں کا ایک صاع کر دے انصار سے تعلق رکھنے والا ایک شخص اپنے ہاتھ میں سونے کی ایک تھیلی لے کے آیا پھر لوگ یکے بعد دیگرے چیزیں لانے لگے یہاں تک کہ کپڑوں اور اناج کے دوڈھیر نبی اکرم صلی اللہ علیہ وسلم نے ملاحظہ فرمائے راوی کہتے ہیں: تو ہم نے نبی اکرم صلی اللہ علیہ وسلم کے چہرے کو یوں جگمگاتے ہوئے دیکھا جیسے اس پر تیل لگا ہوا ہو۔ یہ روایت امام بزار نے نقل کی ہے۔ اس کی سند میں ایک راوی ابو اسرائیل ملائی ہے، اور اس کے بارے میں کلام کیا گیا ہے اس کی توثیق کی گئی ہے۔

أَبِي جُحَيْفَةَ

4594 - وَعَنْ عَدِيِّ بْنِ حَاتِمٍ قَالَ: «جَاءَ أَعْرَابٌ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فِي بَحْرِ الظَّهِيرَةِ مُتَقَلِّدِي السُّيُوفِ، مُجْتَابِي النِّمَارِ فَحَثَّ رَسُولُ اللَّهِ صَلَّى اللَّهُ عَلَيْهِ وَسَلَّمَ النَّاسَ عَلَيْهِمْ فَقَالَ: " لِيَتَصَدَّقْ ذُو الدِّينَارِ مِنْ دِينَارِهِ، وَذُو الدِّرْهَمِ مِنْ دِرْهَمِهِ، وَذُو الْبُرِّ مَنْ بُرِّهُ، وَذُو الشَّعِيرِ مِنْ شَعِيرِهِ، وَذُو التَّمْرِ مَنْ تَمْرِهِ، مِنْ قَبْلِ أَنْ يَأْتِيَ عَلَيْهِ يَوْمٌ فَيَنْظُرُ أَمَامَهُ فَلَا يَرَى إِلَّا النَّارَ، وَيَنْظُرُ عَنْ يَمِينِهِ فَلَا يَرَى إِلَّا النَّارَ، وَيَنْظُرُ عَنْ شِمَالِهِ فَلَا يَرَى إِلَّا النَّارَ، وَيَنْظُرُ مِنْ وَرَائِهِ فَلَا يَرَى إِلَّا النَّارَ». قُلْتُ: فِي الصَّحِيحِ بَعْضُهُ. رَوَاهُ الطَّبَرَانِيُّ فِي الْأَوْسَطِ، وَفِيهِ الْحَسَنُ بْنُ أَبِي جَعْفَرٍ الْجُفْرِيُّ، وَهُوَ ضَعِيفٌ.

حضرت عدی بن حاتم رضی اللہ عنہ بیان کرتے ہیں: کچھ دیہاتی دوپہر کے وقت نبی اکرم صلی اللہ علیہ وسلم کی خدمت میں حاضر ہوئے انہوں نے تلواریں لٹکائی ہوئی تھیں اور ادنیٰ کپڑے پہنے ہوئے تھے۔ نبی اکرم صلی اللہ علیہ وسلم نے لوگوں کو ان کے حوالے سے ترغیب دی آپ نے ارشادفرمایا: دینار والا شخص اپنے دینار میں سے صدقہ کرے درہم والا اپنے درہم میں سے صدقہ کرے گندم والا اپنی گندم میں سے کرے جو والا اپنے جو میں سے کرے کھجوروں والا اپنی کھجوروں میں سے کرے اس سے پہلے کہ وه دن آجائے کہ جب وہ اپنے سامنے دیکھے گا، تو اسے صرف آگ نظر آئے گی وہ دائیں طرف دیکھے گا، تو اسے صرف آگ نظر آئے گی وہ اپنے بائیں طرف دیکھے گا، تو اسے صرف آگ نظر آئے گی وہ اپنے پیچھے کی طرف دیکھے گا، تو اسے صرف آگ نظر آئے گی۔ (علامہ ہیثمی فرماتے ہیں:) میں یہ کہتا ہوں:’’صحیح‘‘ میں اس کا کچھ حصہ منقول ہے۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی ابوجعفر جفری ہے، اور وہ ضعیف ہے۔

عَدِيِّ بْنِ حَاتِمٍ

4595 - عَنْ جَابِرٍ قَالَ: «سُئِلَ رَسُولُ اللَّهِ صَلَّى اللَّهُ عَلَيْهِ وَسَلَّمَ: مَا حَقُّ الْإِبِلِ؟ قَالَ: " أَنْ يَنْحَرَ سَمِينَهَا، وَيُطْرِقَ فَحْلُهَا، وَيَحْلُبَهَا يَوْمَ وِرْدِهَا». رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ خَلَا شَيْخَ الطَّبَرَانِيِّ، وَقَدْ رَوَى عَنْهُ ابْنُ أَبِي حَاتِمٍ كِتَابَةً، وَلَمْ يُضَعِّفْهُ أَحَدٌ.

حضرت جابر رضی اللہ عنہ بیان کرتے ہیں: نبی اکرم صلی اللہ علیہ وسلم سے سوال کیا گیا اونٹوں کا حق کیا ہے؟ نبی اکرم صلی اللہ علیہ وسلم نے ارشاد فرمایا: یہ کہ جو اس میں سے صحت مند ہو اسے آدمی قربان کرے اور جونر ہو اسے جفتی کے لئے دے دے اور جس دن سے پانی پر لے جائے اس دن اس کا دودھ دوہ لے۔ یہ روایت امام طبرانی نے معجم اوسط میں نقل کی ہے۔ اس کے رجال ’’صحیح‘‘ کے رجال ہیں صرف امام طبرانی کے استاد کا معاملہ مختلف ہے۔ ابن ابوحاتم نے اس کے حوالے سے تحریری طور پر روایت نقل کی ہے، اور کسی نے انہیں ’’ضعیف‘‘ قرار نہیں دیا ہے۔

«سُئِلَ رَسُولُ اللَّهِ مَا حَقُّ الْإِبِلِ؟ ← جَابِرٍ

4596 - وَعَنِ الشَّرِيدِ قَالَ: «جَاءَ رَجُلٌ إِلَى النَّبِيِّ صَلَّى اللَّهُ عَلَيْهِ وَسَلَّمَ يَسْأَلُهُ عَنْ شَيْءٍ مِنْ أَمْرِ الْإِبِلِ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " انْحَرْ سَمِينَهَا، وَاحْمِلْ عَلَى نَجِيبِهَا، وَاحْلِبْ يَوْمَ وِرْدِهَا تَدْخُلُ الْجَنَّةَ بِسَلَامٍ». رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ.

حضرت شرید رضی اللہ عنہ بیان کرتے ہیں: ایک شخص نبی اکرم صلی اللہ علیہ وسلم کی خدمت میں حاضر ہوا اس نے اونٹوں کے معاملے کے بارے میں دریافت کیا، تو آپ نے ارشادفرمایا: ان میں سے جو صحت مند ہو اسے قربان کرو جو عمدہ ہواس کو سواری کے لئے دو اور جس دن اسے پانی پر لے جاؤ اس دن ان کا دودھ دوہ لو تم جنت میں سلامتی کے ساتھ داخل ہو جاؤ گے۔ یہ روایت امام طبرانی نے جم کبیر میں نقل کی ہے ،اور اس کی سند حسن ہے۔

شَيْءٍ مِنْ أَمْرِ الْإِبِلِ ← جاءَ رجل إلى النبي يسأله ← الشَّرِيدَ،

4597 - وَعَنْ قَيْسِ بْنِ عَاصِمٍ الْمِنْقَرِيِّ قَالَ: «قَدِمْتُ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَلَمَّا رَآنِي سَمِعْتُهُ يَقُولُ: " هَذَا سَيِّدُ أَهْلِ الْوَبَرِ ". قَالَ: فَلَمَّا نَزَلْتُ أَتَيْتُهُ فَجَعَلْتُ أُحَدِّثُهُ، قُلْتُ: يَا رَسُولَ اللَّهِ، الْمَالُ الَّذِي لَا يَكُونُ عَلَيَّ فِيهِ تَبِعَةٌ مِنْ ضَيْفٍ ضَافَنِي وَعِيَالٍ كَثُرَتْ عَلَيَّ؟ قَالَ: " نِعْمَ الْمَالُ الْأَرْبَعُونَ، وَالْأَكْثَرُ السِّتُّونَ، وَوَيْلٌ لِأَصْحَابِ الْمِئِينَ إِلَّا مَنْ أَعْطَى فِي رِسْلِهَا، وَنَجْدَتِهَا، وَأَفْقَرَ ظَهْرَهَا، وَنَحَرَ سَمِينَهَا، فَأَطْعَمَ الْقَانِعَ وَالْمُعْتَرَّ ". قَالَ: قُلْتُ: يَا نَبِيَّ اللَّهِ، مَا أَكْرَمَ هَذِهِ الْأَخْلَاقَ وَأَحْسَنَهَا، يَا نَبِيَّ اللَّهِ لَا يَحِلُّ بِالْوَادِي الَّذِي أَنَا فِيهِ لِكَثْرَةِ إِبِلِي، قَالَ: " وَكَيْفَ تَصْنَعُ؟ " قَالَ: تَغْدُو الْإِبِلُ وَيَغْدُوا النَّاسُ، فَمَنْ شَاءَ أَخَذَ بِرَأْسِ بَعِيرٍ فَذَهَبَ بِهِ قَالَ: " مَا تَفْعَلُ بِإِفْقَارِ الظَّهْرِ؟ " قُلْتُ: إِنِّي لَا أُفْقِرُ الصَّغِيرَ وَلَا النَّابَ الْمُدْبِرَةَ. قَالَ: " فَمَالُكَ أَحَبُّ إِلَيْكَ أَمْ مَالُ مَوَالِيكَ؟ ". قُلْتُ: مَالِي أَحَبُّ إِلَيَّ مَنْ مَالِ مَوَالِيَّ. فَقَالَ: " فَإِنَّ لَكَ مِنْ مَالِكَ مَا أَكَلْتَ فَأَفْنَيْتَ، أَوْ لَبِسْتَ فَأَبْلَيْتَ، أَوْ أَعْطَيْتَ فَأَمْضَيْتَ، وَإِلَّا فَلِمَوَالِيكَ ". فَقُلْتُ: وَاللَّهِ لَأَنْ بَقِيتُ لَأُفْنِيَنَّ عَدَدَهَا. قَالَ الْحَسَنُ: يَفْعَلُ وَاللَّهِ، فَلَمَّا حَضَرَتْ قَيْسًا الْوَفَاةُ قَالَ: يَا بَنِيَّ خُذُوا عَنِّي لَا أَحَدَ أَنْصَحُ لَكُمْ مِنِّي، إِذَا أَنَا مِتُّ فَسَوِّدُوا أَكْبَرَكُمْ وَلَا تُسَوِّدُوا أَصَاغِرَكُمْ فَتُسَفِّهَكُمُ النَّاسُ وَتَهُونُوا عَلَيْهِمْ، وَعَلَيْكُمْ بِإِصْلَاحِ الْمَالِ فَإِنَّهُ مَنْبَهَةٌ لِلْكَرِيمِ، وَيُسْتَغْنَى بِهِ عَنِ اللَّئِيمِ، وَإِيَّاكُمْ وَالْمَسْأَلَةَ فَإِنَّهَا آخِرُ كَسْبِ الْمَرْءِ [إِنَّ أَحَدًا لَمْ يَسْأَلْ إِلَّا تَرَكَ كَسْبَهُ]، فَإِذَا أَنَا مِتُّ فَلَا تَنُوحُوا عَلَيَّ ; فَإِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَنْهَى عَنِ النِّيَاحَةِ، وَكَفِّنُونِي فِي ثِيَابِي الَّتِي كُنْتُ أُصَلِّي فِيهَا وَأَصُومُ، فَإِذَا دَفَنْتُمُونِي فَلَا تَدْفِنُونِي فِي مَوْضِعٍ يَطَّلِعُ عَلَيْهِ أَحَدٌ، فَإِنَّهُ قَدْ كَانَ بَيْنِي وَبَيْنَ بَكْرِ بْنِ وَائِلٍ خُمَاشَاتٌ فِي الْجَاهِلِيَّةِ، فَأَخَافُ أَنْ يَنْبِشُونِي فَيَصْنَعُونَ فِي ذَلِكَ مَا يَذْهَبُ فِيهِ دِينُكُمْ وَدُنْيَاكُمْ. قَالَ الْحَسَنُ رَحِمَهُ اللَّهُ: نَصَحَ لَهُمْ فِي الْحَيَاةِ، وَنَصَحَ لَهُمْ فِي الْمَمَاتِ». قُلْتُ: لَهُ عِنْدَ النَّسَائِيِّ: لَا تَنُوحُوا عَلَيَّ ; فَإِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَمْ يُنَحْ عَلَيْهِ. رَوَاهُ الطَّبَرَانِيُّ فِي الْكَبِيرِ، وَفِي الْأَوْسَطِ بِاخْتِصَارٍ، وَفِيهِ زِيَادٌ الْخَصَّاصُ، وَفِيهِ كَلَامٌ وَقَدْ وُثِّقَ.

حضرت قیس بن عاصم منقری رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا جب آپ نے مجھے ملاحظہ فرمایا تو میں نے آپ کو یہ ارشاد فر ما تے ہوئے سنا: یہ دیہات کے رہنے والوں کا سردار ہے، جب میں سواری سے اترا اور آپ کی خدمت میں حاضر ہوا اور آپ کے ساتھ بات چیت کرنا شروع کی، تو میں نے عرض کی: یا رسول اللہ! وہ مال کیا ہے؟ کہ جس کے بارے میں مجھ پر کوئی بوجھ نہ ہو، جو مہمان کے حوالے سے ہو جو میرے ہاں مہمان کے طور پر ٹھرتا ہے، یا میرے عیال کی کثرت (کی وجہ سے بھی اس مال کی موجودگی میں مجھ پر کوئی بوجھ نہ ہو) نبی اکرم صلی اللہ علیہ وسلم نے فرمایا: اچھامال چالیس ہے زیادہ مال ساٹھ ہے، اور دوسو والے کے لئے بربادی ہے، البتہ اس شخص کا معاملہ مختلف ہے، جو ان (اونٹوں) کی صحت مندی اور کمزوری (ہر حال) میں دیتا ہے اور اس کی پشت کوسواری کے لئے دیتا ہے، صحت مند اونٹ کو قربان کرتا ہے، اور وہ مانگنے والے کو، اور نہ مانگنے والے محتاج کو کھلاتا ہے، راوی کہتے ہیں: میں نے عرض کی: اے اللہ کے نبی ! یہ اخلاق کتنے عمدہ اور اتنے خوبصورت ہیں؟ اے اللہ کے نبی! میں جس وادی میں رہتا ہوں وہاں میرے اونٹوں کی کثرت کی وجہ جگہ نہیں ہے، نبی اکرم صلی اللہ علیہ وسلم نے دریافت کیا: تم کیا کرتے ہو؟ اس نے کہا: اونٹ آتے ہیں، پھر لوگ آتے ہیں، جو شخص چاہتا ہے اونٹ کا سر پکڑ کر اسے لے جاتا ہے، نبی اکرم صلی اللہ علیہ وسلم نے دریافت کیا: سواری کو عاریت کے طور پر دینے کے حوالے سے تم کیا کرتے ہو؟ میں نے جواب دیا: میں چھوٹی عمر کا جانور یا مسنہ اونٹنی عاریت کے طور پر نہیں دیتا ہوں، نبی اکرم صلی اللہ علیہ وسلم نے دریافت کیا: تمہارا مال تمہارے نزدیک زیادہ محبوب ہے؟ یا تمہارے موالی کامال زیادہ محبوب ہے؟ میں نے عرض کی : میرا مال میرے نزدیک میرے موالی کے مال سے زیادہ محبوب ہے نبی اکرم صلی اللہ علیہ وسلم نے ارشادفرمایا: تو تمہارے مال میں سے تمہارا حصہ وہ ہے، جسے تم کھا کرفنا کر دو یا پہن کر پرانا کر دو اور جوتم دے دو گے وہ آگے بھیج دو گے ورنہ باقی سب تمہارے موالی (ورثاء) کامال ہے میں نے عرض کی: اللہ کی قسم اگر میں زندہ رہا تو میں ان (اونٹوں) کی تعداد کو فنا کر دوں گا۔ حسن بصری نامی راوی کہتے ہیں: انہوں نے ایسا ہی کیا تھا، اللہ کی قسم جب حضرت قیس رضی اللہ عنہ کی وفات کا وقت قریب آیاتو انہوں نے فرمایا: اے میرے بیٹو! تم مجھ سے نصیحت حاصل کرو کیونکہ مجھ سے زیادہ تمہارا خیر خواہ اور کوئی نہیں ہے، جب میں مر جاؤں تو تم اپنے سب سے بڑے بھائی کو سردار بنانا تم چھوٹوں کو سردار نہ بنانا ورنہ لوگ تمہیں بے وقوف بنائیں گے اورتم لوگ ان کے لئے ہلکے ہو جاؤ گے اورتم مال کی دیکھ بھال کرنا کیونکہ یہ معزز شخص کے لئے تنبیہ کاباعث ہے، اور کمینے شخص سے آدمی کو بے نیاز کردیتا ہے، اورتم مانگنے سے بچنا کیونکہ یہ آخری کمائی ہے، جو شخص مانگتا ہے وہ کمائی کو ترک کر دیتا ہے، جب میں مر جاؤں، توتم مجھے پرنوحہ نہ کرنا کیونکہ نبی اکرم صلی اللہ علیہ وسلم نے نوحہ کرنے سے منع کیا ہے، اور تم میرے ان ہی کپڑوں میں کفن دینا جن میں، میں نماز ادا کرتا تھا اور روزہ رکھا کرتا تھا جب تم مجھے دفن کروتو تم مجھے کسی ایسی جگہ پر دفن نہ کرنا جس کے بارے میں کسی کو پتہ چل سکے کیونکہ میرے اور بکر بن وائل کے درمیان زمانہ جاہلیت سے دشمنی چلی آرہی ہے مجھے یہ اندیشہ ہے کہ وہ میری قبر کی بے حرمتی کریں گے اور اس کے نتیجے میں تمہارے دین اور تمہاری دنیا دونوں میں نا گوار صورت حال ہوگی۔ حسن فرماتے ہیں: انہوں نے زندگی میں بھی ان لوگوں کے لئے خیر خواہی کی اور مرنے کے بعد بھی ان لوگوں کے لئے خیر خواہی کی۔ (علامہ ہیثمی فرماتے ہیں:) میں یہ کہتا ہوں: ان صحابی کے حوالے سے امام نسائی نے یہ روایت نقل کی ہے: ’’تم مجھ پرنوحہ نہ کرنا کیونکہ نبی اکرم صلی اللہ علیہ وسلم پرنوحہ نہیں کیا گیا تھا‘‘۔ یہ روایت امام طبرانی نے معجم کبیر میں نقل کی ہے، اورمعجم اوسط میں اختصار کے ساتھ نقل کی ہے۔ اس کی سند میں ایک راوی زیاد خصاص ہے، اور اس کے بارے میں کلام کیا گیا ہے ویسے اس کی توثیق کی گئی ہے۔

فَلَمَّا نَزَلْتُ أَتَيْتُهُ فَجَعَلْتُ أُحَدِّثُهُ، قُلْتُ: ← هَذَا سَيِّدُ أَهْلِ الْوَبَرِ ← قَدِمْتُ عَلَى رَسُولِ اللَّهِ فَلَمَّا رَآنِي ← وَعَنْ قَيْسِ بْنِ عَاصِمٍ الْمِنْقَرِيِّ

4598 - عَنْ يَزِيدَ بْنِ الْأَخْنَسِ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «لَا تَنَافُسَ بَيْنِكُمْ إِلَّا فِي اثْنَتَيْنِ: رَجُلٌ أَعْطَاهُ اللَّهُ الْقُرْآنَ فَهُوَ يَقُومُ بِهِ آنَاءَ اللَّيْلِ وَالنَّهَارِ، وَيَتَّبِعُ مَا فِيهِ، فَيَقُولُ رَجُلٌ: لَوْ أَنَّ اللَّهَ عَزَّ وَجَلَّ أَعْطَانِي مِثْلَ مَا أَعْطَى فُلَانًا فَأَقُومَ بِهِ كَمَا يَقُومُ بِهِ. وَرَجُلٌ أَعْطَاهُ اللَّهُ مَالًا فَهُوَ يُنْفِقُ مِنْهُ وَيَتَصَدَّقُ فَيَقُولُ رَجُلٌ: لَوْ أَنَّ اللَّهَ أَعْطَانِي مِثْلَ مَا أَعْطَى فُلَانًا فَأَتَصَدَّقَ بِهِ ". فَقَالَ رَجُلٌ: يَا رَسُولَ اللَّهِ، أَرَأَيْتُكَ النَّجْدَةَ تَكُونُ فِي الرَّجُلِ؟ قَالَ: سَقَطَ بَاقِي الْحَدِيثِ». رَوَاهُ أَحْمَدُ كِتَابَةً وَالطَّبَرَانِيُّ فِي الْكَبِيرِ وَالْأَوْسَطِ وَالصَّغِيرِ، وَفِيهِ سُلَيْمَانُ بْنُ مُوسَى، وَفِيهِ كَلَامٌ وَقَدْ وَثَّقَهُ جَمَاعَةٌ.

حضرت یزید بن اخنس رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’تم آپس میں صرف دو آدمیوں پر رشک کر سکتے ہو ایک وہ شخص جسے اللہ تعالیٰٰ نے قرآن (کا علم) عطا کیا ہو، اور وہ رات دن اس کے ساتھ مصروف رہتا ہو، اور اس کے احکام کی پیروی کرتا ہو تو کوئ شخص یہ کہے کہ اگر الله تعالیٰٰ مجھے بھی وہ چیز عطا کر دے جو اس کو عطا کی ہے، تو میں بھی اسی طرح مصروف رہوں گا جس طرح وہ مصروف رہتا ہے، اور ایک وہ شخص جسے اللہ تعالیٰٰ نے مال عطا کیا ہو، اور وہ اس میں سے خرچ کرتا ہو، اور صدقہ کرتا ہو اگر کوئی شخص یہ کہے کہ اگر اللہ تعالیٰٰ مجھے اس طرح عطا کر دے جس طرح اس نے فلاں کو عطا کیا ہے تو میں بھی اسی طرح صدقہ کروں گا ایک صاحب نے عرض کی: یا رسول اللہ! خوشحالی ( یا جسمانی صحت) کے بارے میں آپ کی کیا رائے ہے، جو کسی شخص میں پائی جاتی ہے‘‘۔۔۔۔۔راوی بیان کرتے ہیں : روایت کا بقیہ حصہ ساقط ہے۔ یہ روایت امام احمد نے کتابت کے طور پرنقل کی ہے۔ امام طبرانی نے معجم کبیر، معجم اوسط اور معجم صغیر میں نقل کی ہے۔ اس کی سند میں ایک راوی سلیمان بن موسیٰ ہے اس کے بارے میں کلام کیا گیا ہے ایک جماعت نے اسے ’’ثقہ‘‘ قرار دیا ہے۔

يَزِيدَ بْنِ الْأَخْنَسِ،

4599 - وَعَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَا حَسَدَ إِلَّا فِي اثْنَتَيْنِ: رَجُلٌ أَعْطَاهُ اللَّهُ الْقُرْآنَ فَهُوَ يَتْلُوهُ آنَاءَ اللَّيْلِ وَآنَاءَ النَّهَارِ، فَسَمِعَهُ رَجُلٌ فَقَالَ: يَا لَيْتَنِي أُوتِيتُ بِمِثْلِ مَا أُوتِيَ هَذَا، فَعَمِلْتُ فِيهِ مِثْلَ مَا يَعْمَلُ هَذَا. وَرَجُلٌ آتَاهُ اللَّهُ مَالًا فَهُوَ يُهْلِكُهُ فِي الْحَقِّ، فَقَالَ رَجُلٌ: يَا لَيْتَنِي أُوتِيتُ مِثْلَ مَا أُوتِيَ هَذَا، فَعَمِلْتُ فِيهِ مِثْلَ مَا يَعْمَلُ». رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت ابوسعید خدری رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’رشک صرف دوطرح کے آدمیوں پر کیا جاسکتا ہے ایک وہ شخص جسے اللہ تعالیٰٰ نے قرآن عطا کیا ہو اور وہ رات دن اس کی تلاوت کرتا رہتا ہو یہ شخص اس کو سنے اور بولے اے کاش مجھے بھی اس کی مانند عطا کیا جاتا جو اسے عطا کیا گیا ہے، تو اس کے بارے میں، میں بھی اسی طرح عمل کرتا جس طرح وہ عمل کرتا ہے ایک وہ شخص جسے اللہ تعالیٰٰ نے مال عطا کیا ہو، اور وہ اسے حق کے راستے میں خرچ کرتا ہو تو کوئی شخص یہ کہے اے کاش مجھے بھی اسی طرح عطا کیا جاتا جس طرح اسے عطا کیا گیا ہے، تو میں بھی اس کے بارے میں اسی طرح کا طرزعمل اختیار کرتا جس طرح یہ کرتا ہے‘‘۔ یہ روایت امام احمد نے نقل کی ہے، اور اس کے رجال ’’صحیح‘‘ کے رجال ہیں۔

أَبِي سَعِيدٍ الْخُدْرِيِّ،