Majma uz Zawaid Wa Manba ul Fawaid

4540 - وَعَنْ رَافِعِ بْنِ خَدِيجٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «يَدُ الْمُعْطِي الْعُلْيَا، وَيَدُ الْآخِذِ السُّفْلَى إِلَى يَوْمِ الْقِيَامَةِ». رَوَاهُ الطَّبَرَانِيُّ فِي الْكَبِيرِ، وَفِيهِ حَمَّادُ بْنُ شُعَيْبٍ، وَهُوَ ضَعِيفٌ.

حضرت رافع بن خدیج رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا: ’’دینے والے کا ہاتھ اوپر والا ہوتا ہے، لینے والے کا ہاتھ نیچے والا ہوتا ہے، ایسا قیامت کے دن تک رہے گا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی حماد بن شعیب ہے، اور وہ ضعیف ہے۔

رَافِعِ بْنِ خَدِيجٍ

4541 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «خَيْرُ الصَّدَقَةِ مَا أَبْقَتْ غِنًى، وَالْيَدُ الْعُلْيَا خَيْرٌ مِنَ الْيَدِ السُّفْلَى، وَابْدَأْ بِمَنْ تَعُولُ». رَوَاهُ الطَّبَرَانِيُّ فِي الْكَبِيرِ، وَفِيهِ الْحَسَنُ بْنُ أَبِي جَعْفَرٍ الْجُفْرِيُّ، وَفِيهِ كَلَامٌ.

حضرت عبداللہ بن عباس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’ سب سے بہتر صدقہ وہ ہے، جوخوشحالی باقی رہنے د ے، اور اوپر والا ہاتھ نیچے والے ہاتھ سے بہتر ہوتا ہے، اورتم خرچ کا آغاز اس سے کرو، جس کی تم کفالت کرتے ہو‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی حسن بن ابوجعفر جفری ہے، اور اس کے بارے میں کلام کیا گیا ہے۔

ابْنِ عَبَّاسٍ،

4542 - وَعَنْ عِمْرَانَ، وَسَمُرَةَ بْنِ جُنْدُبٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: «الْيَدُ الْعُلْيَا خَيْرٌ مِنَ الْيَدِ السُّفْلَى، وَابْدَأْ بِمَنْ تَعُولُ: أُمَّكَ وَأَبَاكَ، وَأَدْنَاكَ أَدْنَاكَ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت عمران رضی اللہ عنہ اور حضرت سمرہ بن جندب رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’ اوپر والا ہاتھ، نیچے والے ہاتھ سے بہتر ہے، اورتم خرچ کا آغاز اس سے کرو، جس کی تم کفالت کرتے ہو، تمہاری ماں اور تمہارا باپ اور پھر درجہ بدرجہ قریبی عزیز‘‘۔ یہ روایت امام طبرانی نے معجم کبیر میں نقل کی ہے، اور اس کے رجال ثقہ ہیں۔

عِمْرَانَ، وَسَمُرَةَ بْنِ جُنْدُبٍ

4543 - وَعَنْ حَكِيمِ بْنِ حِزَامٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «الْيَدُ الْعُلْيَا خَيْرٌ مِنَ الْيَدِ السُّفْلَى، وَلْيَبْدَأْ أَحَدُكُمْ بِمَنْ يَعُولُ، وَخَيْرُ الصَّدَقَةِ مَا كَانَ عَنْ ظَهْرِ غِنًى، وَمَنْ يَسْتَعْفِفْ يُعِفَّهُ اللَّهُ، وَمَنْ يَسْتَغْنِ يُغْنِهِ اللَّهُ عَزَّ وَجَلَّ». قُلْتُ: هُوَ فِي الصَّحِيحِ خَلَا قَوْلَهُ: " وَمَنْ يَسْتَعْفِفْ يُعِفَّهُ اللَّهُ، وَمَنْ يَسْتَغْنِ يُغْنِهِ اللَّهُ ". رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت حکیم بن حزام رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’ اوپر والا ہاتھ نیچے والے سے بہتر ہوتا ہے، تم میں سے کوئی ایک شخص (خرچ کا) آغاز اُس سے کرے، جس کی وہ کفالت کرتا ہے، سب سے بہتر صدقہ وہ ہے، جو کرنے کے بعد آدمی خوشحال رہے، جوشخص مانگنے سے بچتا ہے، الله تعالی اُسے بچا کے رکھتا ہے، جوشخص (لوگوں سے) بے نیازی اختیار کرتا ہے، الله تعالی اُسے بے نیاز رکھتا ہے‘‘۔ (علامہ ہیثمی فرماتے ہیں:) میں یہ کہتا ہوں: یہ روایت ’’صحیح‘‘ میں منقول ہے، تاہم اس میں یہ الفاظ نہیں ہیں: ’’جو شخص مانگنے سے بچتا ہے، اللہ تعالیٰ اُسے بچاکے رکھتا ہے، اور جو شخص (لوگوں سے) بے نیازی اختیار کرتا ہے، اللہ تعالیٰ اُسے بے نیاز رکھتا ہے‘‘۔ یہ روایت امام طبرانی نے معجم کبیر میں نقل کی ہے، اور اس کے رجال ’’صحیح‘‘ کے رجال ہیں۔

حَكِيمِ بْنِ حِزَامٍ،

4544 - وَعَنْ عَدِيٍّ الْجُذَامِيِّ «أَنَّهُ لَقِيَ رَسُولَ اللَّهِ صَلَّى اللَّهُ عَلَيْهِ وَسَلَّمَ فِي بَعْضِ أَسْفَارِهِ فَقَالَ: يَا رَسُولَ اللَّهِ، كَانَتْ لِي امْرَأَتَانِ فَاقْتَتَلَتَا، فَرَمَيْتُ إِحْدَاهُمَا فَقَتَلْتُهَا فَقَالَ: " اعْقِلْهَا وَلَا تَرِثْهَا " فَكَأَنِّي أَنْظُرُ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ عَلَى نَاقَةٍ [حَمْرَاءَ] جَدْعَاءَ، وَهُوَ يَقُولُ: " يَا أَيُّهَا النَّاسُ، تَعَلَّمُوا فَإِنَّمَا الْأَيْدِي ثَلَاثَةٌ: فَيَدُ اللَّهِ الْعُلْيَا، وَيَدُ الْمُعْطِي الْوُسْطَى، وَيَدُ الْمُعْطَى السُّفْلَى، فَتَعَفَّفُوا وَلَوْ بِحُزَمِ الْحَطَبِ أَلَا هَلْ بَلَّغْتُ؟ [أَلَا هَلْ بَلَّغْتُ؟]». رَوَاهُ الطَّبَرَانِيُّ فِي الْكَبِيرِ، وَلَهُ طَرِيقٌ تَأْتِي فِي الْفَرَائِضِ إِنْ شَاءَ اللَّهُ، وَفِيهِ رَجُلٌ لَمْ يُسَمَّ.

حضرت عدی جذامی رضی اللہ عنہ بیان کرتے ہیں: وہ ایک سفر کے دوران نبی اکرم صلی اللہ علیہ وسلم سے ملے انہوں نے عرض کی: یارسول اللہ! میری دو بیویاں تھیں، ان دونوں کی لڑائی ہوئی، میں نے اُن دونوں میں سے ایک کو مارکے اسے قتل کر دیا، نبی اکرم صلى الله علیہ وسلم نے ارشادفرمایا: تم اس کی دیت دو گے اورتم اس کے وارث نہیں بنو گے، راوی کہتے ہیں: یہ منظر آج بھی میری نگاہ میں ہے کہ نبی اکرم صلی اللہ علیہ وسلم اپنی سرخ اونٹنی جدعاء پر سوار تھے، اور آپ صلی اللہ علیہ وسلم فرمارہے تھے: ’’ اے لوگو! تم لوگ یہ بات جان لو کہ ہاتھ تین قسم کے ہوتے ہیں، اللہ تعالیٰ کا ہاتھ سب سے اوپر والا ہے، دینے والے کا ہاتھ درمیانی ہے، اور لینے والے کا ہاتھ نیچے والا ہے، تو تم مانگنے سے بچو! خواہ لکڑیاں اکھٹی کرکے کرو، خبردار! کیا میں نے تبلیغ کر دی ہے؟ خبردار! کیا میں نے تبلیغ کر دی ہے؟‘‘۔ یہ روایت امام طبرانی نے معجم کبیر میں نقل کی ہے، اور اس کی ایک اور سند بھی ہے، جوفرائض سے متعلق باب میں آگے آئے گی، اگر اللہ نے چاہا، اِس کی سند میں ایک راوی ایسا ہے، جس کا نام بیان نہیں کیا گیا ہے۔

عَدِيٍّ الْجُذَامِيِّ «أَنَّهُ لَقِيَ رَسُولَ اللَّهِ فِي بَعْضِ أَسْفَارِهِ

4545 - عَنْ عَائِشَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: «إِنَّ الدُّنْيَا حُلْوَةٌ خَضِرَةٌ ; فَمَنْ أَعْطَيْنَاهُ مِنْهَا شَيْئًا بِغَيْرِ طِيبِ نَفْسٍ كَانَ غَيْرَ مُبَارَكٍ لَهُ فِيهِ». رَوَاهُ الْبَزَّارُ، وَرِجَالُهُ ثِقَاتٌ.

سیّدہ عائشہ صدیقہ رضی اللہ عنہ نبی اکرم صلی اللہ علیہ وسلم کایہ فرمان نقل کرتی ہیں: ’’بے شک دنیامیٹھی اور سرسبزوشاداب ہے، تو ہم اُس میں سے جس کو کوئی چیز، اپنی خوشی کے بغیر دیں گے، تو اُس شخص کے لئے اس چیز میں برکت نہیں رکھی گئی ہو گی‘‘۔ یہ روایت امام بزارنے نقل کی ہے، اور اس کے رجال ثقہ ہیں۔

النَّبِيِّ ← عَائِشَةَ

4546 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «إِنَّ هَذَا الْمَالَ خَضِرَةٌ حُلْوَةٌ، فَمَنْ أَخَذَهُ - قَالَ يَحْيَى: ذَكَرَ شَيْئًا لَا أَدْرِي مَا هُوَ؟ - بِوُرِكَ لَهُ فِيهِ، وَرُبَّ مُتَخَوِّضٍ فِي مَالِ اللَّهِ وَرَسُولِهِ فِيمَا اشْتَهَتْ نَفْسُهُ لَهُ النَّارُ يَوْمَ الْقِيَامَةِ». رَوَاهُ أَبُو يَعْلَى، وَفِيهِ دَاوُدُ الْعَطَّارُ، وَفِيهِ كَلَامٌ. قُلْتُ: وَتَأْتِي أَحَادِيثُ نَحْوُ هَذَا فِي الزُّهْدِ، إِنْ شَاءَ اللَّهُ.

حضرت ابو ہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’بے شک یہ مال سرسبز اور میٹھا ہے تو جو اس کو حاصل کرتا ہے۔ یحییٰ نامی راوی کہتے ہیں: اس کے بعد انہوں نے کچھ الفاظ نقل کیے تھے، لیکن مجھے نہیں سمجھ آئی کہ وہ کیا تھے؟ (اس کے بعد آگے روایت میں یہ الفاظ ہیں:) اس شخص کے لئے اس میں برکت رکھی جائے گی، اور اللہ اور اس کے رسول کے مال کے بارے کچھ لوگ ایسے ہیں جو اس کا لالچ رکھتے ہیں ،انہیں قیامت کے دن آگ نصیب ہوگی‘‘۔ یہ روایت امام ابویعلیٰ نے نقل کی ہے، اس کی سند میں ایک راوی داؤدعطار ہے، اور اس کے بارے میں کلام کیا گیا ہے۔ (علامہ ہیثمی فرماتے ہیں:) میں یہ کہتا ہوں، اس نوعیت سے متعلق دیگر احادیث آگے چل کر، زہد سے متعلق باب میں آئیں گی، اگر اللہ نے چاہا۔

أَبِي هُرَيْرَةَ،

4547 - وَعَنْ زَيْدِ بْنِ ثَابِتٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «إِنَّ هَذَا الْمَالَ خَضِرَةٌ حُلْوَةٌ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الرَّحْمَنِ بْنُ أَبِي الزِّنَادِ، وَفِيهِ كَلَامٌ قَدْ وُثِّقَ.

حضرت زید بن ثابت رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’بے شک یہ مال سر سبز اور میٹھا ہے‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی عبد الرحمن بن ابوزناد ہے، اس کے بارے میں کلام کیا گیا ہے تاہم اس کی توثیق کی گئی ہے۔

زَيْدِ بْنِ ثَابِتٍ،

4548 - وَعَنْ عَبْدِ اللَّهِ بْنِ عَمْرٍو قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: «إِنَّ الدُّنْيَا حُلْوَةٌ خَضِرَةٌ، فَمَنْ أَخَذَهَا بِحَقِّهِ بُورِكَ لَهُ فِيهَا، وَرُبَّ مُتَخَوِّضٍ فِيمَا اشْتَهَتْ نَفْسُهُ لَيْسَ لَهُ يَوْمَ الْقِيَامَةِ إِلَّا النَّارُ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت عبداللہ بن عمرو رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ’’بے شک دنیا میٹھی اور سرسبز ہے، جو شخص اپنے حق کے ہمراہ اس کو حاصل کرے گا، اُس کے لئے اِس میں برکت رکھی جائے گی، اور کئی دلچسپی رکھنے والے لوگ ایسے ہیں، جو اس چیز کے بارے میں دلچسپی رکھتے ہیں، جن کی اُن کا نفس خواہش کرتا ہے، ان لوگوں کو قیامت کے دن صرف آگ نصیب ہوگی‘‘۔ یہ روایت امام طبرانی نے معجم کبیر میں نقل کی ہے، اور اس کے رجال ثقہ ہیں۔

رَسُولِ اللَّهِ ← عَبْدِ اللہِ بْنِ عَمْرٍو

4549 - عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «إِذَا رَدَدْتَ السَّائِلَ ثَلَاثًا فَلَا عَلَيْكَ أَنْ تَزْبُرَهُ». رَوَاهُ الطَّبَرَانِيُّ فِي الْأَوْسَطِ، وَفِيهِ ضِرَارُ بْنُ صُرَدٍ، وَهُوَ ضَعِيفٌ، وَقَالَ أَبُو حَاتِمٍ: صَدُوقٌ يُكْتَبُ حَدِيثُهُ، وَلَا يُحْتَجُّ بِهِ.

حضرت ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا: ’’جب تم سائل کو تین مرتبہ لوٹا دو، پھر تم پرکوئی حرج نہیں ہوگا، اگرتم اس کو پتھر مار دیتے ہو‘‘۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی ضرار بن صرد ہے، اور وہ ضعیف ہے، ابوحاتم کہتے ہیں: یہ صدوق ہے، اس کی حدیث کو نوٹ کیا جائے، لیکن اس سے استدلال نہیں کیا جائے گا۔

أَبِي هُرَيْرَةَ،

4550 - عَنْ مُعَاوِيَةَ بْنِ حَيْدَةَ قَالَ: قُلْتُ: «يَا رَسُولَ اللَّهِ، إِنَّا قَوْمٌ نَتَسَاءَلُ أَمْوَالَنَا؟ قَالَ: " يَسْأَلُ الرَّجُلُ فِي الْجَائِحَةِ أَوِ الْفَتْقِ لِيُصْلِحَ بِهِ [بَيْنَ قَوْمِهِ]، فَإِذَا بَلَغَ أَوْ كَرُبَ اسْتَعَفَّ». رَوَاهُ أَحْمَدُ، وَرِجَالُهُ ثِقَاتٌ.

حضرت معاویہ بن حیدہ رضی اللہ عنہ بیان کرتے ہیں: میں نے عرض کی: یارسول اللہ! ہم ایسے لوگ ہیں، جو ایک دوسرے کے اموال مانگ لیتے ہیں، نبی اکرم صلی اللہ علیہ وسلم نے ارشاد فر مایا: ’’ آدمی کسی آفت لاحق ہونے، یا(لڑائی یا قتل کی صورت میں کوئی) تاوان ( یادیت وغیرہ) لازم ہونے پر مانگے گا، تا کہ اس کے ذریعے اپنے معاملے کوٹھیک کرلے، جب وہ ضرورت تک پہنچ جائے، یا اُس کے قریب ہو، تو پھر اسے (مانگنے سے) بچنا چاہیے‘‘۔ یہ روایت امام احمد نے نقل کی ہے، اور اس کے رجال ثقہ ہیں۔

قُلْتُ ← معاوية بن حيدة

4551 - وَعَنْ مُجَاهِدٍ قَالَ: جَاءَ رَجُلٌ إِلَى الْحَسَنِ، وَالْحُسَيْنِ فَسَأَلَهُمَا فَقَالَا: إِنَّ الْمَسْأَلَةَ لَا تَصْلُحُ إِلَّا لِثَلَاثَةٍ: لِجَائِحَةٍ مُجْحِفَةٍ، أَوْ لِحَمَالَةٍ مُثْقِلَةٍ، أَوْ دَيْنٍ فَادِحٍ، فَأَعْطَيَاهُ فَأَتَى ابْنَ عُمَرَ فَأَعْطَاهُ وَلَمْ يَسْأَلْهُ. فَقَالَ لَهُ الرَّجُلُ: أَتَيْتُ ابْنَيْ عَمِّي فَسَأَلَانِي وَأَنْتَ لَمْ تَسْأَلْنِي، فَقَالَ ابْنُ عُمَرَ: أَبْنَاءُ رَسُولِ اللَّهِ صَلَّى اللَّهُ عَلَيْهِ وَسَلَّمَ إِنَّمَا كَانَا يُغَرَّانِ الْعِلْمَ غَرًّا .. رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ يُونُسُ بْنُ خَبَّابٍ، وَهُوَ ضَعِيفٌ.

مجاہد بیان کرتے ہیں: ایک شخص حضرت حسن رضی اللہ عنہ اور حضرت حسین رضی اللہ عنہ کے پاس آیا، اس نے ان دونوں سے کچھ مانگا، تو ان دونوں حضرات نے فرمایا: مانگنا صرف تین صورتوں میں جائز ہے، ایسی آفت لاحق ہو، جو نقصان کر دے، یا اس کی ادائیگی لازم ہو، جو بوجھل کر دے، یا ایسا قرض ہو، جو زیر بار کر دے، پھر ان دونوں حضرات نے اسے کچھ دے دیا، پھر وہ شخص حضرت عبداللہ بن عمر رضی اللہ عنہ کے پاس آیا، تو حضرت عبداللہ بن عمر رضی اللہ عنہ نے ویسے ہی کچھ دے دیا، اس سے کچھ دریافت نہیں کیا، اس شخص ان سے کہا: میں اپنے دو چچازاد افراد کے پاس گیا، تو انہوں نے مجھ سے سوال کیا، اور آپ نے مجھ سے کوئی سوال نہیں کیا، تو حضرت عبداللہ عمر رضی اللہ عنہ نے فرمایا: اللہ کے رسول کے صاحبزادوں کو علم لقموں کی طرح کھلایا گیا ہے۔ یہ روایت امام طبرانی نے معجم صغیر اور معجم اوسط میں نقل کی ہے اس کی سند میں ایک راوی یونس بن خباب ہے اور وہ ضعیف ہے۔

مُجَاهِدٍ