Majma uz Zawaid Wa Manba ul Fawaid

4528 - وَعَنْ مَسْعُودِ بْنِ عَمْرٍو رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: «لَا يَزَالُ الْعَبْدُ يَسْأَلُ وَهُوَ غَنِيٌّ حَتَّى يُخْلَقَ وَجْهُهُ، فَمَا يَكُونُ لَهُ عِنْدَ اللَّهِ وَجْهٌ». رَوَاهُ الْبَزَّارُ، وَالطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ أَبِي لَيْلَى، وَفِيهِ كَلَامٌ.

حضرت مسعود بن عمرو رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’ بندہ مسلسل مانگتا رہتا ہے، حالانکہ وہ خوش حال ہوتا ہے، یہاں تک کہ اُس کا چہرہ بوسیّدہ ( یا خراب ) ہو جاتا ہے، اور اللہ تعالیٰ کی بارگاہ میں اُس کا کوئی چہرہ نہیں ہوگا‘‘۔ یہ روایت امام بزارنے اور امام طبرانی نے معجم کبیر میں نقل کی ہے، اس کی سند میں ایک راوی محمد بن ابولیلیٰ ہے، اور اس کے بارے میں کلام کیا گیا ہے۔

مسعود بن عمرو

4529 - وَعَنْ سَمُرَةَ بْنِ جُنْدُبٍ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَا تَصْلُحُ الْمَسْأَلَةُ لِغَنِيٍّ إِلَّا مِنْ ذِي رَحِمٍ أَوْ سُلْطَانٍ». رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ خِرَاشٍ وَثَّقَهُ ابْنُ حِبَّانَ، وَضَعَّفَهُ جَمَاعَةٌ. وَلَهُ عِنْدَ أَبِي دَاوُدَ، وَالتِّرْمِذِيِّ، وَالنَّسَائِيِّ مِنْ رِوَايَةِ زَيْدِ بْنِ عُقْبَةَ عَنْهُ: " «أَنَّ الْمَسْأَلَةَ كَدٌّ يَكُدُّ بِهَا الرَّجُلُ وَجْهَهُ إِلَّا أَنْ يَسْأَلَ الرَّجُلُ سُلْطَانًا أَوْ فِي أَمْرٍ لَابُدَّ مِنْهُ» ".

حضرت سمرہ بن جندب رضی اللہ عنہ روایت کرتے ہیں: نبی صلی اللہ علیہ وسلم نے ارشاد فر مایا: ’’کسی خوشحال شخص کے لئے مانگنا جائز نہیں ہے، البتہ وہ کسی رشتہ دار سے یا حاکم وقت سے مانگ سکتا ہے‘‘۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی عبداللہ بن خراش ہے، جسے ابن حبان نے ’’ثقہ‘‘ قرار دیا ہے، اور ایک جماعت نے اُسے ’’ضعیف‘‘ قرار دیا ہے اُن صحابی کے حوالے سے امام ابوداؤد،امام ترمذی اور امام نسائی نے ایک روایت نقل کی ہے، جو زید بن عقبہ نے اُن سے نقل کی ہے۔ (اُس کے الفاظ یہ ہیں :) ’’مانگنا ایک خراش ہے، جوآدمی اپنے چہرے پر ڈال لیتا ہے، البتہ اگر آدمی حاکم وقت سے مانگے، یا کسی ایسی صورت حال میں مانگے، جس میں مانگے بغیر چارہ نہ ہو، تو معاملہ مختلف ہے‘‘۔

سَمُرَةَ بْنِ جُنْدُبٍ

4530 - وَعَنْ أُمِّ الدَّرْدَاءِ، عَنْ أَبِي الدَّرْدَاءِ، قَالَتْ: قُلْتُ لَهُ: مَا لَكَ لَا تَطْلُبُهُ كَمَا يَطْلُبُ فُلَانٌ وَفُلَانٌ؟ قَالَ: إِنِّي سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: «إِنْ وَرَاءَكُمْ عَقَبَةً كَؤُودًا لَا يَجُوزُهَا الْمُثْقِلُونَ، فَأَنَا أُحِبُّ أَنْ أَتَخَفَّفَ لِتِلْكَ الْعَقَبَةِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

سیده اُمّ در اء رضی اللہ عنہ حضرت ابودرداء رضی اللہ عنہ کے حوالے سے یہ بات نقل کرتی ہیں: میں نے ان سے کہا: کیا وجہ ہے کہ آپ اس طرح نہیں طلب کرتے ہیں، جس طرح فلاں اور فلاں طلب کر لیتے ہیں؟ تو انہوں نے بتایا: میں نے نبی اکرم صلی اللہ علیہ وسلم کو یہ ارشاد فر ماتے ہوئے سنا ہے:  ’’تمہارے آگے ایک دشوار گز ارگھاٹی ہے، بوجھل لوگ اُسے پار نہیں کر سکیں گے‘‘۔ (حضرت ابودرداء رضی اللہ عنہ نے فرمایا:) تو مجھے یہ بات پسند ہے کہ اُس گھاٹی کے لئے، میں ہلکا پھلکارہوں۔ یہ روایت امام طبرانی نے معجم کبیر میں نقل کی ہے، اور اس کے رجال ثقہ ہیں۔

"إنَّ وراءَكُمْ عقَبةً كَؤُوداً لا يَجُوزُها المُثْقِلونَ". ← رَسُولِ اللَّهِ ← إِنِّي ← قُلْتُ لَهُ: مَا لَكَ لَا تَطْلُبُهُ كَمَا يَطْلُبُ فُلَانٌ وَفُلَانٌ؟ ← أَبِي الدَّرْدَاءِ، ← أُمِّ الدَّرْدَاءِ،

4531 - وَعَنْ حَكِيمِ بْنِ حِزَامٍ قَالَ: «جَاءَ مَالٌ مِنَ الْبَحْرَيْنِ فَدَعَا النَّبِيُّ صَلَّى اللَّهُ عَلَيْهِ وَسَلَّمَ الْعَبَّاسَ فَحَفَنَ لَهُ، قَالَ: " أَزِيدُكَ؟ " قَالَ: نَعَمْ، فَحَفَنَ لَهُ، ثُمَّ قَالَ: " أَزِيدُكَ؟ " قَالَ: نَعَمْ، فَحَفَنَ لَهُ، ثُمَّ قَالَ: " أَزِيدُكَ؟ " قَالَ: نَعَمْ، قَالَ: " أَبْقِ لِمَنْ بَعْدَكَ " ثُمَّ دَعَانِي فَحَفَنَ لِي، فَقُلْتُ: يَا رَسُولَ اللَّهِ، خَيْرٌ لِي أَوْ شَرٌّ لِي؟ قَالَ: " لَا بَلْ شَرٌّ لَكَ "، فَرَدَدْتُ عَلَيْهِ مَا أَعْطَانِي ثُمَّ قُلْتُ: لَا وَالَّذِي نَفْسِي بِيَدِهِ لَا أَقْبَلُ مِنْ أَحَدٍ عَطِيَّةً بَعْدَكَ. قَالَ مُحَمَّدٌ - يَعْنِي ابْنَ سِيرِينَ -: قَالَ حَكِيمٌ: فَقُلْتُ: يَا رَسُولَ اللَّهِ، ادْعُ اللَّهَ أَنْ يُبَارِكَ لِي. قَالَ: " اللَّهُمَّ بَارِكْ لَهُ فِي صَفْقَةِ يَدِهِ». قُلْتُ: لِحَكِيمٍ حَدِيثٌ غَيْرُ هَذَا فِي الصَّحِيحِ. رَوَاهُ الطَّبَرَانِيُّ فِي الْكَبِيرِ.

حضرت حکیم بن حزام رضی اللہ عنہ بیان کرتے ہیں: بحرین سے کچھ مال آیا، نبی اکرم صلی اللہ علیہ وسلم نے حضرت عباس رضی اللہ عنہ کو بلوایا اور انہیں کچھ مال دیا، پھر آپ نے دریافت کیا: کیا میں آپ کو مزیددوں؟ انہوں نے جواب دیا: جی ہاں! نبی اکرم صلی اللہ علیہ وسلم نے انہیں مزید دیا، پھر آپ نے دریافت کیا: کیا میں آپ کو مزیددوں؟ انہوں نے جواب دیا: جی ہاں! نبی اکرم صلی اللہ علیہ وسلم نے انہیں اور دیا نبی اکرم صلی اللہ علیہ وسلم نے دریافت کیا: کیا میں آپ کو مزیددوں؟ انہوں نے جواب دیا: جی ہاں! نبی اکرم صلی اللہ علیہ وسلم نے فرمایا: اپنے بعد والے کے لئے بھی باقی رہنے دیں، پھر نبی اکرم صلی اللہ علیہ وسلم نے مجھے بلوایا اور مجھے دیا، تو میں نے عرض کی: یا رسول اللہ! کیا یہ میرے حق میں بہتر ہے، یابراہے؟ تو نبی اکرم صلی اللہ علیہ وسلم نے فرمایا: جی نہیں! بلکہ یہ تمہارے حق میں براہے۔ تو نبی اکرم صلی اللہ علیہ وسلم نے جو مجھے دیا تھا، وہ میں نے آپ کو واپس کر دیا، پھر میں نے عرض کی: اس ذات کی قسم! جس کے دست قدرت میں میری جان ہے، آپ صلی اللہ علیہ وسلم کے بعد میں کبھی کسی سے کوئی عطیہ قبول نہیں کروں گا۔ محمد بن سیرین بیان کرتے ہیں: حضرت حکیم رضی اللہ عنہ نے یہ بات بیان کی: میں نے عرض کی: یارسول اللہ! آپ الله تعالیٰ سے دعا کیجئے کہ وہ مجھے برکت نصیب کرے، تو نبی اکرم صلی اللہ علیہ وسلم نے دعا کی: ’’اے اللہ! تو اس کے ہاتھ کے سودے میں اس کے لئے برکت رکھ دے‘‘۔ (علامہ ہیثمی فرماتے ہیں:) میں یہ کہتا ہوں: حضرت حکیم رضی اللہ عنہ سے منقول حدیث،جو ’’صحیح‘‘ میں منقول ہے، وہ اس کے علاوہ ہے۔ یہ روایت امام طبرانی نے معجم کبیر میں نقل کی ہے۔

"أَبقِ لمن بعدك". ثم دعاني فحفن لي. فقلت: ← نَعَمْ ← أَزِيدُك ← نعم. فحفن له، ثم ← أَزِيدُك ← نعم. فحفن له، ثم ← أَزِيدُك ← «جَاءَ مَالٌ مِنَ الْبَحْرَيْنِ فَدَعَا النَّبِيُّ الْعَبَّاسَ فَحَفَنَ لَهُ، ← وَعَنْ حَكِيمِ بْنِ حِزَامٍ

4532 - وَلَهُ عِنْدَهُ فِي رِوَايَةٍ أُخْرَى: «أَنَّهُ أَعَانَ بِفَرَسَيْنِ يَوْمَ حُنَيْنٍ فَأُصِيبَتَا، فَأَتَى النَّبِيَّ صَلَّى اللَّهُ عَلَيْهِ وَسَلَّمَ فَقَالَ: يَا رَسُولَ اللَّهِ، إِنَّ فَرَسَيَّ أُصِيبَتَا فَعَوِّضْنِي، فَأَعْطَاهُ، فَاسْتَزَادَهُ». وَفِي الْأَوَّلِ إِسْمَاعِيلُ بْنُ مُسْلِمٍ الْمَكِّيُّ، وَفِيهِ كَلَامٌ كَثِيرٌ، وَقَدْ قِيلَ فِيهِ: أَنَّهُ صَدُوقٌ يَهِمُ.

امام طبرانی نے، حضرت حکیم رضی اللہ عنہ کے حوالے سے ایک روایت بھی نقل کی ہے ،جس میں یہ الفاظ ہیں: ’’غزوہ حنین کے موقع پر انہوں نے دوگھوڑے پیش کیے،وہ دونوں مارے گئے، وہ نبی اکرم صلی اللہ علیہ وسلم کی خدمت میں حاضر ہو ئے انہوں نے عرض کی: یا رسول اللہ! میرے دوگھوڑے مارے گئے ہیں، تو آپ مجھے اس کاعوض دیں، تو نبی اکرم صلی اللہ علیہ وسلم نے انہیں ایک گھوڑا عطا کیا، اور انہیں مزید بھی عطا کیا ( یا انہوں نے مز ید طلب کیا)‘‘۔ پہلی روایت میں اسماعیل بن مسلم مکی ہے، اس کے بارے میں بہت زیادہ کلام کیا گیا ہے اس کے بارے میں یہ کہا گیا ہے: یہ صدوق ہے، لیکن وہم کا شکار ہوتا ہے۔

4433 - عَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «الْأَيْدِي ثَلَاثَةٌ: فَيَدُ اللَّهِ الْعُلْيَا، وَيَدُ الْمُعْطِي الَّتِي تَلِيهَا، وَيَدُ السَّائِلِ السُّفْلَى». رَوَاهُ أَحْمَدُ، وَأَبُو يَعْلَى، وَزَادَ: «وَيَدُ السَّائِلِ السُّفْلَى إِلَى يَوْمِ الْقِيَامَةِ، فَاسْتَعِفَّ عَنِ السُّؤَالِ وَعَنِ الْمَسْأَلَةِ مَا اسْتَطَعْتَ، فَإِنْ أُعْطِيتَ شَيْئًا - أَوْ قَالَ: خَيْرًا - فَلْيُرَ عَلَيْكَ، وَابْدَأْ بِمَنْ تَعُولُ، وَارْضَخْ مِنَ الْفَضْلِ، وَلَا تُلَامُ عَلَى الْعَفَافِ». وَرِجَالُهُ مُوَثَّقُونَ.

حضرت عبداللہ بن مسعود رضی اللہ عنہ روایت کرتے ہیں: نبی اکرم صلى الله علیہ وسلم نے ارشاد فرمایا ہے: ’’ہاتھ تین قسم کے ہوتے ہیں ،اللہ تعالیٰ کا ہاتھ اوپر والا ہے، دینے والے کا ہاتھ اس کے بعد والا ہے، اور مانگنے کے والے ہاتھ نیچے والا ہے‘‘۔ یہ روایت امام احمد اور امام ابویعلیٰ نے نقل کی ہے۔ انہوں نے یہ الفاظ زائد نقل کیے ہیں: ’’ مانگنے والے کا ہاتھ قیامت کے دن تک نیچے والا رہے گا، تم مانگنے سے اور سوال کرنے سے بچو! جہاں تک تم سے ہو سکے اگر تمہیں کچھ دیا جائے (راوی کو شک ہے، یا شاید یہ الفاظ ہیں :) اگر بھلائی دی جائے، تو وہ تم پرنظر آنی چاہیے اور تم اپنے زیر کفالت پرخرچ کا آغاز کرو، اور تم اضافی چیز کو عطیہ کر دو، اور مانگنے سے بچنے پر ملامت نہیں کی جاتی ہے‘‘۔  اس روایت کے رجال کی توثیق کی گئی ہے۔

عَبْدِ اللهِ بْنِ مَسْعُودٍ

4534 - وَعَنْ عَطِيَّةَ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: «الْيَدُ الْمُعْطِيَةُ خَيْرٌ مِنَ الْيَدِ السُّفْلَى». رَوَاهُ أَحْمَدُ، وَالْبَزَّارُ، وَالطَّبَرَانِيُّ فِي الْأَوْسَطِ وَالْكَبِيرِ، إِلَّا أَنَّهُ قَالَ: «عَنْ عَطِيَّةَ: أَنَّهُ قَدِمَ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فِي وَفْدِ قَوْمِهِ، فَلَمَّا دَخَلُوا عَلَى النَّبِيِّ صَلَّى اللَّهُ عَلَيْهِ وَسَلَّمَ قَالَ: " هَلْ قَدِمَ مَعَكُمْ أَحَدٌ غَيْرُكُمْ؟ " قَالُوا: نَعَمْ، فَتًى خَلَّفْنَاهُ عَلَى رِحَالِنَا، قَالَ: " أَرْسِلُوا إِلَيْهِ ". فَلَمَّا أُدْخِلْتُ عَلَيْهِ وَهُمْ عِنْدَهُ اسْتَقْبَلَنِي، فَقَالَ: " إِنَّ الْيَدَ الْمُنْطِيَةَ هِيَ الْعُلْيَا، وَإِنَّ الْيَدَ السَّائِلَةَ هِيَ السُّفْلَى، وَمَا اسْتَغْنَيْتَ فَلَا تَسَلْ، فَإِنَّ مَالَ اللَّهِ مَسْئُولٌ وَمُنْطًى ". فَكَلَّمَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ بُلْغَتِي»، وَرِجَالُ أَحْمَدَ ثِقَاتٌ.

حضرت عطیہ رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ’’د ینے والا ہاتھ نیچے والے ہاتھ سے بہتر ہوتا ہے۔‘‘ یہ روایت امام احمد، امام بزار اور امام طبرانی نے معجم اوسط اور معجم کبیر میں نقل کی ہے، تاہم انہوں نے یہ الفاظ نقل کیے ہیں: حضرت عطیہ رضی اللہ عنہ بیان کرتے ہیں: ’’وہ اپنی قوم کے وفد کے ہمراہ، نبی اکرم صلى الله علیہ وسلم کی خدمت میں حاضر ہوئے، جب وہ لوگ نبی اکرم صلی اللہ علیہ وسلم کی خدمت میں آئے، تو نبی اکرم صلى الله علیہ وسلم نے ارشادفرمایا: کیا تمہارے ساتھ کوئی ایسا فرد بھی آیا ہے، جو تمہارے علاوہ ہو؟ لوگوں نے عرض کی: جی ہاں! ایک نوجوان ہے، جسے ہم اپنے پیچھے اپنی سواریوں میں چھوڑ کے آئے ہیں، نبی اکرم صلی اللہ علیہ وسلم نے فرمایا: اسے پیغام بھیج کر اسے بلواؤ!جب مجھے نبی اکرم صلی اللہ علیہ وسلم کے پاس لایا گیا، تو میرے ساتھی آپ کے پاس موجود تھے، نبی اکرم صلی اللہ علیہ وسلم نے میرا استقبال کیا، آپ نے ارشاد فرمایا: منطیہ (یعنی دینے والا) ہاتھ اوپر والا ہوتا ہے، اور مانگنے والا ہاتھ نیچے والا ہوتا ہے، جب تک تم بے نیاز ہو، تم نہ مانگو! کیونکہ الله تعالی کا مال، اس کے بارے میں حساب بھی لیا جائے گا اور وہ دیا بھی جائے گا، راوی کہتے ہیں: نبی اکرم صلی اللہ علیہ وسلم نے میرے ساتھ میرے محاورے کے مطابق بات چیت کی‘‘۔ امام احمد کے رجال ثقہ ہیں۔

الطَّبَرَانِيُّ فِي الْأَوْسَطِ وَالْكَبِيرِ، إِلَّا أَنَّهُ ← «الْيَدُ الْمُعْطِيَةُ خَيْرٌ مِنَ الْيَدِ السُّفْلَى». رَوَاهُ أَحْمَدُ، وَالْبَزَّارُ، ← عَطِيَّةَ،

4535 - وَعَنْ أَبِي رِمْثَةَ قَالَ: «أَتَيْتُ النَّبِيَّ صَلَّى اللَّهُ عَلَيْهِ وَسَلَّمَ، وَهُوَ يَخْطُبُ وَيَقُولُ: " يَدُ الْمُعْطِي الْعُلْيَا ; أُمَّكَ وَأَبَاكَ، وَأُخْتَكَ وَأَخَاكَ، وَأَدْنَاكَ فَأَدْنَاكَ». رَوَاهُ أَحْمَدُ، وَالطَّبَرَانِيُّ فِي الْكَبِيرِ، وَفِيهِ الْمَسْعُودِيُّ، وَهُوَ ثِقَةٌ، وَلَكِنَّهُ اخْتَلَطَ.

حضرت ابورمثہ رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا، آپ اس وقت خطبہ دے رہے تھے، آپ نے ارشادفرمایا: ’’دینے والا ہاتھ اوپر والا ہوتا ہے (تم خرچ کرتے ہوئے، یوں خرچ کرو، کہ پہلے ) تمہاری ماں، تمہارا باپ، تمہارا بھائی، پھر درجہ بدرجہ قریبی عزیز ہوں“۔ یہ روایت امام احمد نے نقل کی ہے، امام طبرانی نے معجم کبیر میں نقل کی ہے اس کی سند میں ایک راوی مسعودی ہے، اور وہ ثقہ ہے، تاہم وہ اختلاط کا شکار ہوا تھا۔

أَتَيْتُ النَّبِيَّ وَهُوَ يَخْطُبُ ← أَبِي رِمْثَةَ

4536 - وَعَنْ رَجُلٍ مِنْ بَنَى يَرْبُوعٍ قَالَ: أَتَيْتُ النَّبِيَّ صَلَّى اللَّهُ عَلَيْهِ وَسَلَّمَ فَسَمِعْتُهُ يَقُولُ: «يَدُ الْمُعْطِي الْعُلْيَا ; أُمَّكَ وَأَبَاكَ، وَأُخْتَكَ وَأَخَاكَ، وَأَدْنَاكَ ثُمَّ أَدْنَاكَ فَأَدْنَاكَ». رَوَاهُ أَحْمَدُ، وَرِجَالُهُ رِجَالُ الصَّحِيحِ.

بنویر بوع سے تعلق رکھنے والے ایک صاحب بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا، میں نے آپ صلی اللہ علیہ وسلم کو یہ ارشاد فرماتے ہوئے سنا: ’’دینے والا ہاتھ اوپروالا ہاتھ ہوتا ہے (تم خرچ کرتے ہوئے یوں خرچ کرو کہ پہلے) تمہاری ماں، تمہارا باپ، تمہارا بھائی، تمہاری بہن اور پھر درجہ بدرجہ قریبی عزیز ہوں“۔ یہ روایت امام احمد نے نقل کی ہے، اور اس کے رجال ’’صحیح‘‘ کے رجال ہیں۔

اَتَیْتُ النَّبِیَّ ← رَجُلٍ مِنْ بَنِي يَرْبُوعٍ

4537 - وَعَنْ ثَعْلَبَةَ بْنِ زَهْدَمٍ الْيَرْبُوعِيِّ، أَنَّهُ انْتَهَى إِلَى النَّبِيِّ صَلَّى اللَّهُ عَلَيْهِ وَسَلَّمَ فَسَمِعَهُ يَقُولُ: «يَدُ الْمُعْطِي الْعُلْيَا ; أُمَّكَ وَأَبَاكَ، وَأُخْتَكَ فَأَخَاكَ، وَأَدْنَاكَ أَدْنَاكَ». رَوَاهُ الْبَزَّارُ، وَذُكِرَ بِأَسَانِيدَ أُخَرَ عَنِ الْأَسْوَدِ بْنِ ثَعْلَبَةَ قَالَ مِثْلَهُ، وَرِجَالُهُمَا ثِقَاتٌ، وَرِجَالُ الْأَوَّلِ رِجَالُ الصَّحِيحِ.

حضرت ثعلبہ بن زہدم یربوعی رضی اللہ عنہ بیان کرتے ہیں: وہ نبی اکرم صلی اللہ علیہ وسلم کی خدمت میں حاضر ہوئے، تو انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا: ’’دینے والا ہاتھ اوپر والا ہوتا ہے (تم یوں خرچ کرو) تمہاری ماں، تمہارا باپ، تمہاری بہن، اور تمہارا بھائی اور پھر درجہ بدرجہ تمہارے قریبی عزیز‘‘۔ یہ روایت امام بزار نے نقل کی ہے، دیگر اسانید کے ساتھ یہ روایت اسود بن ثعلبہ کے حوالے سے منقول ہے، انہوں نے اس کی مانند نقل کی ہے، ان دونوں روایات کے رجال ثقہ ہیں، تاہم پہلی روایت کے رجال، صحیح کے رجال ہیں۔

مِثْلَهُ، وَرِجَالُهُمَا ثِقَاتٌ، وَرِجَالُ الْأَوَّلِ رِجَالُ الصَّحِيحِ. ← الْأَسْوَدِ بْنِ ثَعْلَبَةَ ← بِأَسَانِيدَ أُخَرَ ← «يَدُ الْمُعْطِي الْعُلْيَا أُمَّكَ وَأَبَاكَ، وَأُخْتَكَ فَأَخَاكَ، وَأَدْنَاكَ أَدْنَاكَ». رَوَاهُ الْبَزَّارُ، ← ثَعْلَبَةَ بْنِ زَهْدَمٍ الْيَرْبُوعِيِّ، أَنَّهُ انْتَهَى إِلَى النَّبِيِّ فَسَمِعَهُ

4538 - وَعَنْ سَعْدِ بْنِ أَبِي وَقَّاصٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «الْيَدُ الْعُلْيَا خَيْرٌ مِنَ الْيَدِ السُّفْلَى، وَابْدَأْ بِمَنْ تَعُولُ». رَوَاهُ الْبَزَّارُ، عَنْ مُحَمَّدِ بْنِ عَبْدِ اللَّهِ التَّمِيمِيِّ، وَهُوَ ضَعِيفٌ.

حضرت سعد بن ابی وقاص رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا: ’’اوپر والا ہاتھ نیچے والے ہاتھ سے بہتر ہوتا ہے، اورتم خرچ کا آغاز اپنے زیر کفالت (افراد) سے کرو‘‘۔ یہ روایت امام بزار نے محمد بن عبدالله تمیمی کے حوالے سے نقل کی ہے، اور وہ ضعیف ہے۔

سَعْدَ بْنَ اَبِیْ وَقَّاصِ

4539 - وَعَنِ ابْنِ عُمَرَ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: «الْيَدُ الْعُلْيَا خَيْرٌ مِنَ الْيَدِ السُّفْلَى، وَابْدَأْ بِمَنْ تَعُولُ». رَوَاهُ الطَّبَرَانِيُّ فِي الْكَبِيرِ، وَلَهُ طَرِيقٌ رِجَالُهَا رِجَالُ الصَّحِيحِ.

حضرت عبداللہ بن عمر رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ’’اوپر والا ہاتھ، نیچے والے ہاتھ سے بہتر ہوتا ہے، اور تم خرچ کا آغاز اُس سے کرو، جوتمہارے زیر کفالت ہیں‘‘۔ یہ روایت امام طبرانی نے معجم کبیر میں نقل کی ہے، اس کا ایک اور طریق ہے، اس کے رجال ’’صحیح‘‘ کے رجال ہیں۔

رَسُولِ اللَّهِ ← ابْنِ عُمَرَ