Majma uz Zawaid Wa Manba ul Fawaid

4432 - وَعَنْ عَمْرِو بْنِ عَوْفٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «الزَّكَاةُ عَلَى الْمُسْلِمِينَ صَاعٌ مِنْ تَمْرٍ، أَوْ صَاعٌ مِنْ زَبِيبٍ، أَوْ صَاعٌ مِنْ شَعِيرٍ، أَوْ صَاعٌ مِنْ أَقِطٍ» ". رَوَاهُ الْبَزَّارُ، وَفِيهِ كَثِيرُ بْنُ عَبْدِ اللَّهِ، وَهُوَ ضَعِيفٌ.

حضرت عمرو بن عوف رضی اللہ عنہ روایت کرتے ہیں: نبی اکرم صلى الله عليہ وسلم نے ارشادفرمایا: ’’زکوٰۃ (یعنی صدقہ فطر ) مسلمانوں پر ادا کرنا لازم ہے، جو کھجور کا ایک صاع ، یا کشمش کا ایک صاع، کیا جو کا ایک صاع، یا پنیر کا ایک صاع ہوگا‘‘۔ یہ روایت امام بزارنے نقل کی ہے ،اس کی سند میں ایک راوی کثیر بن عبداللہ ہے ،اور وہ ضعیف ہے۔

عَمْرُو بْنُ عَوْفٍ،

4433 - وَعَنِ ابْنِ عَبَّاسٍ «أَنَّ النَّبِيَّ صَلَّى اللَّهُ عَلَيْهِ وَسَلَّمَ أَمَرَ صَارِخًا يَصْرُخُ فِي بَطْنِ مَكَّةَ يَأْمُرُ بِصَدَقَةِ الْفِطْرِ وَيَقُولُ: " هِيَ حَقٌّ وَاجِبٌ عَلَى كُلِّ مُسْلِمٍ ذَكَرٍ أَوْ أُنْثَى، صَغِيرٍ أَوْ كَبِيرٍ، حُرٍّ أَوْ عَبْدٍ، حَاضِرٍ أَوْ بَادٍ ; مُدَّانِ مِنْ قَمْحٍ أَوْ صَاعٌ مِمَّا سِوَى ذَلِكَ مِنَ الطَّعَامِ، أَلَا وَإِنَّ الْوَلَدَ لِلْفِرَاشِ وَلِلْعَاهِرِ الْحَجَرُ» ". وَفِي رِوَايَةٍ: " «أَوْ نِصْفُ صَاعٍ مِنْ بُرٍّ، مَنْ أَتَى بِدَقِيقٍ قُبِلَ مِنْهُ، وَمَنْ أَتَى بِسَوِيقٍ قُبِلَ مِنْهُ» ". رَوَاهُ كُلَّهُ الْبَزَّارُ، وَفِيهِ يَحْيَى بْنُ عَبَّادٍ السَّعْدِيُّ، وَفِيهِ كَلَامٌ. وَقَوْلُهُ: " مَنْ أَتَى بِدَقِيقٍ قُبِلَ مِنْهُ " مِنْ رِوَايَةِ الْحَسَنِ، عَنِ ابْنِ عَبَّاسٍ، وَالْحَسَنُ مُدَلِّسٌ، وَلَكِنَّهُ ثِقَةٌ.

حضرت عبد الله بن عباس رضی اللہ عنہ بیان کرتے ہیں: نبی اکرم صلی اللہ علیہ وسلم نے ایک شخص کوحکم دیا کہ وہ مکہ کے نشیبی علاقے میں بلند آواز میں اعلان کرے اور صدقہ فطر ادا کرنے کا حکم دے اور یہ کہے: ’’یہ حق اور واجب ہے، جو ہر مسلمان پر لازم ہے ،خواہ وہ مذکرہو، یا مؤنث ہو، خواہ وہ چھوٹا ہو ،یا بڑاہو، آزاد ہو ،یا غلام ہو، شہری ہو ،یا دیہاتی ہو، یہ گندم کے دومد ،یا اس کے علاوہ کسی بھی اناج کا ایک صاع ہو گا، اور خبر داربچہ فراش والے کو ملے گا، اور زنا کا رکومحرومی ملے گی۔ ایک روایت میں یہ الفاظ ہیں :” یا گندم کا نصف صاع ہو گا، جوشخص آٹا لے گا، تو اس سے قبول کیا جائے گا، اور جوشخص جو لے آئے گا ،تو اس سے قبول کیا جائے گا‘‘۔ یہ تمام روایات امام بزارنے نقل کی ہیں، اس کی سند میں ایک راوی یحییٰ بن عباد سعدی ہے ،اس کے بارے میں کلام کیا گیاہے۔ یہ روایت کے یہ الفاظ :’’ جوشخص آٹالے آئے گا وہ اس سے قبول کیا جائے گا‘‘۔ یہ روایت حسن نے حضرت عبداللہ بن عباس رضی اللہ عنہ رضی اللہ عنہ سے نقل کی ہے ،حسن نامی راوی تدلیس کرنے والا ہے ،لیکن وہ ثقہ ہے۔

ابْنِ عَبَّاسٍ،

4434 - وَعَنْ زَيْدِ بْنِ ثَابِتٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «يَا زَيْدُ، أَعْطِ زَكَاةَ رَأْسِكَ مَعَ النَّاسِ، وَإِنْ لَمْ تَجِدْ إِلَّا صَاعًا مِنْ حِنْطَةٍ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ إِلَّا أَنَّهُ قَالَ: " وَإِنْ لَمْ تَجِدْ إِلَّا خَيْطًا ". وَفِيهِ عَبْدُ الصَّمَدِ بْنُ سُلَيْمَانَ الْأَزْرَقُ، وَهُوَ ضَعِيفٌ.

حضرت زید بن ثابت رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ”اے زید!تم اپنی ذات کی زکوٰۃ (یعنی صدقہ فطر ) لوگوں کے ساتھ ادا کرو خواہ تمہیں گندم کا ایک صاع ملے‘‘۔ یہ روایت امام طبرانی نے معجم کبیر اورمعجم اوسط میں نقل کی ہے، تاہم انہوں نے یہ الفاظ نقل کیے ہیں :”اگر چہ تمہیں ایک دھاگہ ملے‘‘۔ اس روایت کی سند میں ایک راوی عبد الصمد بن سلیمان ازرق ہے ،اور وہ ضعیف ہے۔

زَيْدِ بْنِ ثَابِتٍ،

4435 - وَعَنْ أَوْسِ بْنِ الْحَدَثَانِ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: " «أَخْرِجُوا صَدَقَةَ الْفِطْرِ صَاعًا مِنْ طَعَامٍ» ". وَكَانَ طَعَامَنَا يَوْمَئِذٍ الْبُرُّ، وَالتَّمْرُ، وَالزَّبِيبُ. وَفِي رِوَايَةٍ: وَالْأَقِطُ. رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الصَّمَدِ بْنُ سُلَيْمَانَ الْأَزْرَقُ، وَهُوَ ضَعِيفٌ.

حضرت اوس بن حدثان رضی اللہ عنہ نبی اکرم صلى الله عليہ وسلم کا یہ فرمان نقل کرتے ہیں: ’’صدقہ فطر میں اناج کا ایک صاع نکالو‘‘۔ راوی بیان کرتے ہیں: ان دنوں ہمارا اناج، گندم ،انگور اور کشمش ہوتے تھے۔ ایک روایت میں یہ الفاظ ہیں:’’ پنیر ہوتا تھا‘‘۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی عبد الصمد بن سلیمان ازرق ہے اور وہ ضعیف ہے۔

أَوْسِ بْنِ الْحَدَثَانِ

4436 - وَعَنْ جَابِرِ بْنِ عَبْدِ اللَّهِ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «صَدَقَةُ الْفِطْرِ عَلَى كُلِّ إِنْسَانٍ مُدَّانِ مِنْ دَقِيقٍ، أَوْ قَمْحٍ، وَمِنَ الشَّعِيرِ صَاعٌ، وَمِنَ الْحَلْوَاءِ زَبِيبٍ أَوْ تَمْرٍ صَاعٌ صَاعٌ» ". رَوَاهُ الطَّبَرَانِيُّ فِي الْأَوْسَطِ، وَفِيهِ اللَّيْثُ بْنُ حَمَّادٍ، وَهُوَ ضَعِيفٌ.

حضرت جابر بن عبداللہ رضی اللہ عنہ روایت کرتے ہیں: نبی اکرم ا نے ارشادفرمایا:’’صدقہ فطر ادا کرنا ہر انسان پر لازم ہے، جو آٹے کے ،یا گندم کے دومد ہوں گے ،جو کا ایک صاع ہوگا، اور میٹھی چیز یعنی کھجور اور کشمش کا ایک صاع ہوگا‘‘۔ یہ روایت امام طبرانی نے معجم اوسط میں نقل کی ہے ،اس کی سند میں ایک راوی لیث بن حماد ہے، اور وہ ضعیف ہے۔

جَابِرِ بْنِ عَبْدِ اللَّهِ:

4437 - وَعَنْ أَبِي سَعِيدٍ الْخُدْرِيِّ «أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَخَذَ زَكَاةَ الْفِطْرِ مِنْ أَهْلِ الْبَادِيَةِ الْأَقِطَ». رَوَاهُ الطَّبَرَانِيُّ فِي الْأَوْسَطِ، وَفِيهِ كَثِيرُ بْنُ عَبْدِ اللَّهِ، وَهُوَ ضَعِيفٌ.

حضرت ابوسعید خدریرضی اللہ عنہ بیان کرتے ہیں: نبی اکرم صلی اللہ علیہ وسلم دیہاتی علاقے کے رہنے والوں سے صدقہ فطر میں پنیر وصول کرتے تھے۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی کثیر بن عبداللہ ہے ،اور وہ ضعیف ہے۔

أَبِي سَعِيدٍ الْخُدْرِيِّ،

4438 - وَعَنْهُ قَالَ: «رَأَيْتُ نَاسًا مِنَ الْعَرَبِ أَتَوْا رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالُوا: يَا رَسُولَ اللَّهِ، إِنَّا أُولُو مَاشِيَةٍ، وَإِنَّنَا نُخْرِجُ صَدَقَتَهَا، فَهَلْ تُجْزِئُ عَنَّا مِنْ زَكَاةِ رَمَضَانَ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " لَا، أَدُّوهَا عَنِ الصَّغِيرِ وَالْكَبِيرِ، وَالْحُرِّ وَالْعَبْدِ، فَأَنَّهَا طَهُورٌ لَكُمْ» ". رَوَاهُ الطَّبَرَانِيُّ فِي الْأَوْسَطِ، وَالْبَزَّارُ بِاخْتِصَارٍ، وَفِيهِ كَثِيرُ بْنُ عَبْدِ اللَّهِ، وَهُوَ ضَعِيفٌ.

ان کے حوالے سے یہ بات منقول ہے: وہ بیان کرتے ہیں : میں نے کچھ عربوں کو دیکھا کہ وہ نبی اکرم صلی اللہ علیہ وسلم کی خدمت میں حاضر ہوئے اور عرض کیا: یا رسول اللہ! ہم جانوروں والے لوگ ہیں، ہم ان کی زکوٰۃ ادا کرنا چاہتے ہیں، تو کیا رمضان کی زکوٰۃ ہماری طرف سے کفایت کر جائے گی؟ نبی اکرم صلى الله عليہ وسلم نے ارشاد فرمایا: جی نہیں ! تم اس کو (یعنی صدقہ فطر ) کو ہر چھوٹے ،اور بڑے،آزاد ،اور غلام کی طرف سے ادا کرو ،کیونکہ یہ تمہارے لئے طہارت کا باعث ہوگا۔ یہ روایت امام طبرانی نے معجم اوسط میں نقل کی ہے ،امام بزارنے اختصار کے ساتھ نقل کیا ہے، اس کی سند میں ایک راوی کثیر بن عبد اللہ ہے، اور وہ ضعیف ہے۔

«رَأَيْتُ نَاسًا مِنَ الْعَرَبِ أَتَوْا رَسُولَ اللَّهِ فَقَالُوا: ← وعنه

4439 - وَعَنِ ابْنِ عَبَّاسٍ قَالَ: كُنَّا نَأْكُلُ وَنَشْرَبُ، وَنُخْرِجُ صَدَقَةَ الْفِطْرِ، ثُمَّ نَخْرُجُ إِلَى الْمُصَلَّى. رَوَاهُ الطَّبَرَانِيُّ فِي الْأَوْسَطِ، وَفِيهِ إِبْرَاهِيمُ بْنُ يَزِيدَ الْخُوزِيُّ، وَهُوَ ضَعِيفٌ.

حضرت عبداللہ بن عباس رضی اللہ عنہ بیان کرتے ہیں: ہم کھایا پیا کرتے تھے اور صدقہ فطر ادا کیا کرتے تھے ،پھر ہم عید گاہ کی طرف چلے جاتے تھے۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی ابراہیم بن یزید خوزی ہے ،اور وہ ضعیف ہے۔

ابْنِ عَبَّاسٍ،

4440 - وَعَنْ أَسْمَاءَ بِنْتِ أَبِي بَكْرٍ أَنَّهَا كَانَتْ تُخْرِجُ عَلَى عَهْدِ رَسُولٍ صَلَّى اللَّهُ عَلَيْهِ وَسَلَّمَ عَنْ أَهْلِهَا الْحُرِّ مِنْهُمْ وَالْمَمْلُوكِ مُدَّيْنِ مِنْ حِنْطَةٍ أَوْ صَاعًا مَنْ تَمْرٍ بِالْمُدِّ الَّذِي يَقْتَاتُونَ بِهِ ..

سیّدہ اسماء بنت ابوبکر رضی اللہ عنہ کے بارےمیں یہ بات منقول ہے: نبی اکرم صلی اللہ علیہ وسلم کے زمانہ اقدس میں، وہ اپنے اہل خانہ میں سے آزاد اور غلام، ہر ایک کی طرف سے گندم کے دومد ،یا کھجور کے دوصاع ادا کرتی تھیں، یہ وہ ’’مد ‘‘تھا، جس کے حساب سے لوگ لین دین کیا کرتے تھے۔

أَسْمَاءَ بِنْتِ أَبِي بَكْرٍ أَنَّهَا كَانَتْ تُخْرِجُ عَلَى عَهْدِ رَسُولٍ

4441 - وَفِي رِوَايَةٍ عَنْهَا أَنَّهُمْ كَانُوا يُخْرِجُونَ زَكَاةَ الْفِطْرِ عَلَى عَهْدِ رَسُولِ اللَّهِ صَلَّى اللَّهُ عَلَيْهِ وَسَلَّمَ بِالْمُدِّ الَّذِي يَقْتَاتُ بِهِ أَهْلُ الْمَدِينَةِ يَفْعَلُ ذَلِكَ أَهْلُ الْمَدِينَةِ كُلُّهُمْ. رَوَى أَحْمَدُ الرِّوَايَةَ الْأُولَى فَقَطْ، وَرَوَاهُ كُلَّهُ الطَّبَرَانِيُّ فِي الْكَبِيرِ، وَفِي الْأَوْسَطِ بَعْضُهُ، وَإِسْنَادُهُ لَهُ طَرِيقٌ رِجَالُهَا رِجَالُ الصَّحِيحِ.

ایک روایت میں یہ بات منقول ہے: وہ بیان کرتی ہیں: وہ لوگ نبی اکرم صلی اللہ علیہ وسلم کے زمانہ اقدس میں صدقہ فطر اس کے حساب سے ادا کرتے تھے جس ’’مد‘‘ کے حساب سے اہل مدینہ لین دین کیا کرتے تھے ،تمام اہل مدینہ ایسا ہی کیا کرتے تھے۔ امام احمد نے صرف پہلی روایت نقل کی ہے ،باقی تمام روایات امام طبرانی نے معجم کبیر میں نقل کی ہیں معجم اوسط میں ان کا کچھ حصہ منقول ہے، اور اس کی سند کے رجال ’’صحیح‘‘ کے رجال ہیں۔

4442 - وَعَنِ ابْنِ مَسْعُودٍ فِي زَكَاةِ الْفِطْرِ قَالَ: مُدَّانِ مِنْ قَمْحٍ أَوْ صَاعٌ مِنْ تَمْرٍ أَوْ شَعِيرٍ. رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الْكَرِيمِ أَبُو أُمَيَّةَ، وَهُوَ ضَعِيفٌ.

حضرت عبداللہ بن مسعود رضی اللہ عنہ صدقہ فطر کے بارے میں یہ فرماتے ہیں : یہ گندم کے دومد ہوں گے ،یا کھجور ،یا جو ایک صاع ہوگا۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی عبد الکریم ابوامیہ ہے ،اور وہ ضعیف ہے۔

فِيهِ عَبْدُ الْكَرِيمِ أَبُو أُمَيَّةَ، وَهُوَ ضَعِيفٌ. ← مُدَّانِ مِنْ قَمْحٍ أَوْ صَاعٌ مِنْ تَمْرٍ أَوْ شَعِيرٍ. رَوَاهُ الطَّبَرَانِيُّ فِي الْكَبِيرِ، ← ابن مسعود في زكاة الفطر

4443 - عَنْ أُمِّ سَلَمَةَ قَالَتْ: «كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي بَيْتِي فَجَاءَ رَجُلٌ فَقَالَ: يَا رَسُولَ اللَّهِ، كَمْ صَدَقَةُ كَذَا وَكَذَا؟ قَالَ: " كَذَا وَكَذَا " قَالَ: فَإِنَّ فُلَانًا تَعَدَّى عَلَيَّ قَالَ: فَنَظَرُوا فَوَجَدُوهُ قَدْ تَعَدَّى عَلَيْهِ بِصَاعٍ. فَقَالَ النَّبِيُّ صَلَّى اللَّهُ عَلَيْهِ وَسَلَّمَ: " كَيْفَ بِكُمْ إِذَا سَعَى عَلَيْكُمْ مَنْ يَتَعَدَّى عَلَيْكُمْ أَشَدَّ مِنْ هَذَا التَّعَدِّي» ". رَوَاهُ أَحْمَدُ هَكَذَا وَزَادَ الطَّبَرَانِيُّ بَعْدَ قَوْلِهِ: " أَشَدَّ مِنْ هَذَا التَّعَدِّي " فَخَاضَ الْقَوْمُ وَبَهَرَهُمُ الْحَدِيثُ، حَتَّى «قَالَ رَجُلٌ مِنْهُمْ: كَيْفَ يَا رَسُولَ اللَّهِ، إِذَا كَانَ رَجُلٌ غَائِبٌ عَنْكَ فِي إِبِلِهِ وَمَاشِيَتِهِ وَزَرْعِهِ فَأَدَّى زَكَاةَ مَالِهِ فَتُعُدِّيَ عَلَيْهِ فَكَيْفَ يَصْنَعُ، وَهُوَ عَنْكَ غَائِبٌ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " مَنْ أَدَّى زَكَاةَ مَالِهِ طَيِّبَ النَّفْسِ بِهَا يُرِيدُ بِهَا وَجْهَ اللَّهِ وَالدَّارَ الْآخِرَةَ، فَلَمْ يُغَيِّبْ شَيْئًا مِنْ مَالِهِ، وَأَقَامَ الصَّلَاةَ، ثُمَّ أَدَّى الزَّكَاةَ، فَتَعُدِّيَ عَلَيْهِ فِي الْحَقِّ فَأَخَذَ سِلَاحَهُ فَقَاتَلَ فَقُتِلَ فَهُوَ شَهِيدٌ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُ الْجَمِيعِ رِجَالُ الصَّحِيحِ.

سیّدہ اُمّ سلمہ اپنا بیان کرتی ہیں: نبی اکرم صلی اللہ علیہ وسلم میرے گھر میں موجود تھے ،ایک شخص آیا اس نے عرض کی :یا رسول اللہ! فلاں فلاں چیز کی زکوٰة کتنی بنے گی؟ نبی اکرم صلی اللہ علیہ وسلم نے فرمایا: اتنی اور اتنی بنے گی، اس نے عرض کی : پھر فلاں شخص نے ہمارے ساتھ زیادتی کی ہے، راوی کہتے ہیں: جب ان لوگوں نے تحقیق کی، تو پتہ چلا کہ اس نے ایک صاع کی زیادتی کی ہے،نبی اکرم صلی اللہ علیہ وسلم نے ارشاد فرمایا:’’اس وقت تمہارا کیا عالم ہوگا؟ جب تمہارے پاس وصولی کرنے والا ایساشخص آئے گا، جو اس زیادتی سے زیادہ زیادتی تمہارے ساتھ کرے گا‘‘۔ یہ روایت امام احمد نے اس طرح نقل کی ہے۔ امام طبرانی نے اس روایت میں یہ الفاظ نقل کیے ہیں: ’’اس زیادتی سے زیادہ زیادتی کرے گا، تو وہ لوگ زیادہ پریشان ہو گئے، اور اس بات نے انہیں پریشان کردیا یہاں تک کہ ان میں سے ایک صاحب نے عرض کیا: یا رسول اللہ! اس وقت کیا ہو گا کہ جب کوئی شخص آپ کو چھوڑ کر اپنے اونٹوں اور جانوروں میں ہو گا، کھیتوں میں ہوگا، اور پھر اپنے مال کی زکوٰة ادا کرے گا اور پھر اس کے ساتھ زیادتی کی جائے گی، تو اس وقت اسے کیا کرنا چاہیے، جبکہ وہ آپ کے پاس موجودنہ ہو؟ تو نبی اکرم صلی اللہ علیہ وسلم نے ارشاد فرمایا: جو اپنی دلی خوشی کے ساتھ اپنے مال کی زکوٰۃ ادا کرے گا، اور وہ اس کے ذریعے اللہ تعالیٰ کی رضا ،اور آخرت کے حصول کا ارادہ رکھے گا، اور اپنے مال میں سے کوئی بھی چیزنہیں چھپائے گا، اور نماز قائم کرے گا ،اور زکوٰۃ ادا کرے گا ،پھرحق کے معاملے میں اس کے ساتھ زیادتی کی جاتی ہے ،تو اگر وہ اپنا ہتھیار لے کر جنگ کرتا ہے ،اور مارا جا تا ہے ،تو وہ شہیدشمار ہوگا‘‘۔ یہ روایت امام طبرانی نے معجم کبیر اور معجم اوسط میں نقل کی ہے، اور اس سب کے رجال ’’صحیح‘‘کے رجال ہیں۔

كَانَ رَسُولُ اللَّهِ فِي بَيْتِي فَجَاءَ رَجُلٌ فَقَالَ ← أُمِّ سَلَمَةَ