Majma uz Zawaid Wa Manba ul Fawaid

1654 - وَعَنْ أَبِي الرَّصَافَةِ رَجُلٍ مِنْ أَهْلِ الشَّامِ مِنْ بَاهِلَةَ أَعْرَابِيٍّ، عَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَا مِنَ امْرِئٍ مُسْلِمٍ تَحْضُرُهُ صَلَاةٌ مَكْتُوبَةٌ، فَيَقُومُ فَيَتَوَضَّأُ فَيُحْسِنُ الْوُضُوءَ، وَيُصَلِّي فَيُحْسِنُ الصَّلَاةَ - إِلَّا غُفِرَ لَهُ مَا بَيَّنَهَا وَبَيْنَ الصَّلَاةِ كَانَتْ قَبْلَهَا مِنْ ذُنُوبِهِ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ، وَأَبُو الرَّصَافَةِ لَمْ أَرَ فِيهِ جَرْحًا وَلَا تَعْدِيلًا.

ابو رصافہ ، جن کا تعلق اہل شام سے ہے، اور وہ باہلہ قبیلے سے تعلق رکھنے والے ایک دیہاتی ہیں ، انہوں نے حضرت ابو امامہ رضی اللہ عنہ کے حوالے سے نبی اکرم صلی اللہ علیہ وآلہ وسلم کا یہ فرمان نقل کیا ہے: " جس بھی مسلمان شخص کے سامنے فرض نماز کا وقت آ جائے ، اور وہ اٹھ کر وضو کرے اور وہ اچھی طرح وضو کرے ، اور نماز ادا کرے تو اچھی طرح نماز ادا کرے ، اس شخص کے اس نماز اور اس سے پہلے والی نماز کے درمیان کے گناہوں کی مغفرت ہو جاتی ہے"۔ یہ روایت امام احمد نے اور امام طبرانی نے معجم اوسط میں نقل کی ہے ، ابو رصافہ نامی راوی کے بارے میں ، میں نے کوئی جرح یا کوئی تعدیل نہیں دیکھی ہے۔

اَبِیْ اُمَامَۃَ، ← وَعَنْ أَبِي الرَّصَافَةِ رَجُلٍ مِنْ أَهْلِ الشَّامِ مِنْ بَاهِلَةَ أَعْرَابِيٍّ،

1655 - وَعَنْ أَبِي سَعِيدٍ الْخُدْرِيِّ أَنَّهُ سَمِعَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «الصَّلَوَاتُ الْخَمْسُ كَفَّارَةٌ لِمَا بَيْنَهَا " ثُمَّ قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " أَرَأَيْتَ لَوْ أَنَّ رَجُلًا كَانَ يَعْتَمِلُ، فَكَانَ بَيْنَ مَنْزِلِهِ وَمُعْتَمَلِهِ خَمْسَةُ أَنْهَارٍ، فَإِذَا أَتَى مُعْتَمَلَهُ عَمِلَ فِيهِ مَا شَاءَ اللَّهُ فَأَصَابَهُ الْوَسَخُ أَوِ الْعَرَقُ، فَكُلَّمَا مَرَّ بِنَهْرٍ اغْتَسَلَ، مَا كَانَ ذَلِكَ يُبْقِي مِنْ دَرَنِهِ؟ فَكَذَلِكَ الصَّلَاةُ ; كُلَّمَا عَمِلَ خَطِيئَةً فَدَعَا وَاسْتَغْفَرَ غُفِرَ لَهُ مَا كَانَ قَبْلَهَا» ". رَوَاهُ الْبَزَّارُ وَالطَّبَرَانِيُّ فِي الْأَوْسَطِ وَالْكَبِيرِ وَزَادَ فِيهِ: " «ثُمَّ صَلَّى صَلَاةً اسْتَغْفِرَ، غَفَرَ اللَّهُ لَهُ مَا كَانَ قَبْلَهَا» ". وَفِيهِ عَبْدُ اللَّهِ بْنُ قُرَيْظٍ ذَكَرَهُ ابْنُ حِبَّانَ فِي الثِّقَاتِ، وَبَقِيَّةُ رِجَالِهِ رِجَالُ الصَّحِيحِ.

حضرت ابو سعید خدری رضی اللہ عنہ بیان کرتے ہیں : انہوں نے نبی اکرم صلی اللہ علیہ وآلہ وسلم کویہ ارشاد فرماتے ہوئے سنا ہے: " پانچ نمازیں ، اپنے درمیان کے گناہوں کا کفار ہ بن جاتی ہیں ، پھر نبی اکرم صلی اللہ علیہ وآلہ وسلم نے ارشاد فرمایا: اس بارے میں تمہارا کیا خیال ہے؟ کہ اگر کوئی شخص کا م پر جاتا ہو، اور اس کی رہائش گاہ اور کام کی جگہ کے درمیان پانچ نہریں آتی ہوں ، جب وہ اپنے کام کی جگہ پر آئے ، تو جو اللہ کو منظور ہو، وہ کام کر لے، تو اسے میل لگ جائے اور پسینہ آجائے ، پھر وہ جس بھی نہر کے پاس سے گزرے تو وہ غسل کرلے ، تو کی ا س کا کوئی میل باقی رہے تھا؟ نماز وں کی مثال بھی اسی طرح ہے، جب بھی انسان خطا کرتا ہے، تو پھر دعا کرتا ہے ، اور مغفرت طلب کرتا ہے ، تو اس کے پہلے والے گناہوں کی مغفرت ہو جاتی ہے"۔ یہ روایت کی سند میں ایک راوی عبداللہ بن قریظ ہے، جس کا ذکر ابن حبان نے کتا ب " الثقات " میں کیا ہے، اور اس روایت کے رجال " صحیح " کے رجال ہیں ۔

«الصَّلَوَاتُ الْخَمْسُ كَفَّارَةٌ لِمَا بَيْنَهَا ثُمَّ ← رَسُولِ اللَّهِ ← وَعَنْ أَبِي سَعِيدٍ الْخُدْرِيِّ أَنَّهُ

1656 - وَعَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّ هَذِهِ الصَّلَوَاتِ الْخَمْسَ الْحَقَائِقَ كَفَّارَاتٌ لِمَا بَيْنَهُنَّ مِنَ الذُّنُوبِ مَا اجْتُنِبَتِ الْكَبَائِرُ» ". رَوَاهُ الْبَزَّارُ وَالطَّبَرَانِيُّ فِي الْكَبِيرِ، وَفِيهِ صَالِحُ بْنُ مُوسَى، وَهُوَ مُنْكَرُ الْحَدِيثِ.

حضرت عبداللہ بن مسعود رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشا دفرمایا ہے : " یہ پانچ نمازیں حق ہیں ، اور ( ان کے ) درمیاں کئے جانے والے گناہوں کا کفارہ ہیں ، جب کہ کبیرہ گناہوں سے اجتناب کیا گیا ہو"۔ یہ روایت امام بزار نے ، اور امام طبرانی نے معجم کبیر میں نقل کی ہے، اس کی سند میں ایک راوی صالح بن موسیٰ ہے، اور وہ منکر الحدیث ہے ۔

عَبْدِ اللهِ بْنِ مَسْعُودٍ

1657 - وَعَنْ أَنَسٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «الصَّلَوَاتُ الْخَمْسُ وَالْجُمْعَةُ إِلَى الْجُمْعَةِ كَفَّارَاتٌ لِمَا بَيَّنَهَا مَا اجْتُنِبَتِ الْكَبَائِرُ» "، وَقَالَ: " «مِنَ الْجُمْعَةِ سَاعَةٌ لَا يُوَافِقُهَا مُسْلِمٌ وَلَا مُسْلِمَةٌ يَسْأَلُ اللَّهُ فِيهَا خَيْرًا إِلَّا أَعْطَاهُ» ". قَالَ: وَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَثْلُ الصَّلَوَاتِ الْخَمْسِ كَنَهْرٍ غَمْرٍ بِبَابِ أَحَدِكُمْ يَغْتَسِلُ كُلَّ يَوْمٍ فِيهِ خَمْسَ مَرَّاتٍ، فَمَا يَبْقَى مِنْ دَرَنِهِ؟» ". رَوَاهُ الْبَزَّارُ، وَفِيهِ زَائِدَةُ بْنُ أَبِي الرِّفَادِ، وَهُوَ ضَعِيفٌ.

حضرت انس رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : " پانچ نمازیں ، اور ایک جمعہ دوسرے جمعے تک ، یہ درمیان میں ہونے والے گناہوں کا کفارہ بن جاتے ہیں ، جب کہ کبیرہ گناہوں سے اجتناب کیا گیا ہو، نبی اکرم صلی اللہ علیہ وآلہ وسلم نے یہ بات بھی ارشاد فرمائی ہے : جمعہ میں ایک گھڑی ایسی ہوتی ہے ، جس میں کوئی مسلمان مرد یا مسلمان عورت ، اللہ تعالیٰ سے جو بھی بھلائی مانگتا ہے، اللہ تعالیٰ وہ ( بھلائی ) اسے عطا کر دیتا ہے"۔ راوی بیان کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: " پانچ نمازوں کی مثال ، صاف پانی کی اس نہر کی مانند ہے، جو کسی شخص کے دروازے کے پاس موجود ہو، اور وہ شخص روزانہ اس میں پانچ مرتبہ غسل کرے ، تو کیا اس کا میل باقی رہ جائے گا؟" ۔ یہ روایت امام بزار نے نقل کی ہے، اس کی سند میں ایک راوی زائد بن ابو رفاد ہے، اور وہ " ضعیف " ہے۔

أَنَسٍ،

1658 - وَعَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «تَحْتَرِقُونَ تَحْتَرِقُونَ، فَإِذَا صَلَّيْتُمُ الصُّبْحَ غَسَلَتْهَا، ثُمَّ تَحْتَرِقُونَ تَحْتَرِقُونَ، فَإِذَا صَلَّيْتُمُ الظُّهْرَ غَسَلَتْهَا، ثُمَّ تَحْتَرِقُونَ تَحْتَرِقُونَ، فَإِذَا صَلَّيْتُمُ الْعَصْرَ غَسَلَتْهَا، ثُمَّ تَحْتَرِقُونَ تَحْتَرِقُونَ، فَإِذَا صَلَّيْتُمُ الْمَغْرِبَ غَسَلَتْهَا، ثُمَّ تَحْتَرِقُونَ تَحْتَرِقُونَ، فَإِذَا صَلَّيْتُمُ الْعِشَاءَ غَسَلَتْهَا، ثُمَّ تَنَامُونَ فَلَا يُكْتَبُ عَلَيْكُمْ حَتَّى تَسْتَيْقِظُوا» ". رَوَاهُ الطَّبَرَانِيُّ فِي الثَّلَاثَةِ إِلَّا أَنَّهُ مَوْقُوفٌ فِي الْكَبِيرِ، وَرِجَالُ الْمَوْقُوفِ رِجَالُ الصَّحِيحِ، وَرِجَالُ الْمَرْفُوعِ فِيهِمْ عَاصِمُ بْنُ بَهْدَلَةَ، وَحَدِيثُهُ حَسَنٌ.

حضرت عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: " تم جل جاتے ہو، تم جل جاتے ہو، جب تم صبح کی نماز ادا کر لیتے ہو، تو وہ اسے دھو دیتی ہے، پھر تم جل جاتے ہو، تم جل جاتے ہو، جب تم ظہر کی نماز ادا کر لیتے ہو، تو وہ اسے دھو دیتی ہے، پھر تم جل جاتے ہو ، تم جل جاتے ہو، جب تم عصر کی نماز ادا کر تے ہو، تو وہ اسے دھو دیتی ہے، پھر تم جل جاتے ہو، جل جاتے ہو، جب تم مغرب کی نماز ادا کرتے ہو، تو وہ اسے دھو دیتی ہے، پھر تم جل جاتے ہو ، جل جاتے ہو، جب تم عشاء کی نماز ادا کرتے ہو، تو وہ اسے دھو دیتی ہے۔ پھر تم سو جاتے ہو، تو تمہارے خلاف کوئی بات نوٹ نہیں کی جاتی ، جب تک تم بیدار نہیں ہو جاتے"۔ یہ روایت امام طبرانی نے تینوں کتابوں میں نقل کی ہے، تاہم معجم کبیر میں یہ روایت " موقوف " روایت کے طور پر منقول ہے ، اور "موقوف " روایت کے رجال " صحیح " کے رجال ہیں، " مرفوع " کے رجال میں ، ایک راوی عاصم بہدلہ ، اور اس کی نقل کردہ حدیث حسن ہے۔

عَبْدِ اللهِ بْنِ مَسْعُودٍ

1659 - وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّ لِلَّهِ مَلِكًا يُنَادِي عِنْدَ كُلِّ صَلَاةٍ: يَا بَنِي آدَمَ، قُومُوا إِلَى نِيرَانِكُمُ الَّتِي أَوْقَدْتُمُوهَا عَلَى أَنْفُسِكُمْ فَأَطْفِئُوهَا» ". رَوَاهُ الطَّبَرَانِيُّ فِي الْأَوْسَطِ وَالصَّغِيرِ، وَقَالَ: تَفَرَّدَ بِهِ يَحْيَى بْنُ زُهَيْرٍ الْقُرَشِيُّ. قُلْتُ: وَلَمْ أَجِدْ مَنْ ذَكَرَهُ إِلَّا أَنَّهُ رَوَى عَنْ أَزْهَرَ بْنِ سَعْدٍ السَّمَّانُ، وَرَوَى عَنْهُ يَعْقُوبُ بْنُ إِسْحَاقَ الْمُخْرَمِيُّ، وَبَقِيَّةُ رِجَالِهِ رِجَالُ الصَّحِيحِ.

حضرت انس بن مالک رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " بے شک اللہ تعالیٰ کا ایک فرشتہ ہے، جو ہر نماز کے وقت یہ اعلان کرتا ہے: اے بنی آدم ! اپنی آگ کی طرف اٹھ کر جاؤ! جسے تم نے اپنی ذات کے خلاف جلایا ہے، اور اسے بجھا دو ! "۔ یہ روایت امام طبرانی نے معجم اوسط اور معجم صغیر میں نقل کی ہے ، انہوں نے یہ بات بیان کی ہے: یحییٰ بن زہیر قرشی اسے نقل کرنے میں منفرد ہے، میں یہ کہتا ہوں: میں نے کسی کو اس کا ذکر کرتے ہوئے نہیں پایا ہے، البتہ اس نے ازہر بن سعد سمان سے روایت نقل کی ہے، جب کہ اس سے یعقوب بن اسحاق مخرمی نے روایات نقل کی ہیں ، اس روایت کے بقیہ رجال " صحیح " کے رجال ہیں ۔

اَنَسِ بْنِ مَالِکٍ،

1660 - وَعَنْ عَبْدِ اللَّهِ بْنِ مَسْعُودٍ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنَّهُ قَالَ: " «يُبْعَثُ مُنَادٍ عِنْدَ حَضْرَةِ كُلِّ صَلَاةٍ فَيَقُولُ: يَا بَنِي آدَمَ، قُومُوا فَأَطْفِئُوا عَنْكُمْ مَا أَوْقَدْتُمْ عَلَى أَنْفُسِكُمْ، فَيَقُومُونَ فَيَتَطَهَّرُونَ [وَتَسْقُطُ عَنْهُمْ خَطَيَاهُمْ مِنْ أَعْيُنِهِمْ] وَيُصَلُّونَ، فَيُغْفَرُ لَهُمْ مَا بَيْنَهُمَا، [ثُمَّ يُوقِدُونَ فِيمَا بَيْنَ ذَلِكَ، فَإِذَا كَانَ عِنْدَ صَلَاةِ الْأُولَى نَادَى: يَا بَنِي آدَمَ قُومُوا فَاطْفِئُوا مَا أَوْقَدْتُمْ عَلَى أَنْفُسِكِمْ، فَيَقُومُونَ، فَيَتَطَهَّرُونَ، وَيُصَلُّونَ فَيُغْفَرُ لَهُمْ مَا بَيْنَهُمَا] فَإِذَا حَضَرَتِ الْعَصْرُ فَمِثْلُ ذَلِكَ، فَإِذَا حَضَرَتِ الْمَغْرِبُ فَمِثْلُ ذَلِكَ، فَإِذَا حَضَرَتِ الْعَتَمَةُ فَمِثْلُ ذَلِكَ، فَيَنَامُونَ فَيُغْفَرُ لَهُمْ [ثُمَّ قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ] ; فَمُدْلِجٌ فِي خَيْرٍ، وَمُدْلِجٌ فِي شَرٍّ» ". رَوَاهُ الطَّبَرَانِيُّ فِي الْكَبِيرِ، وَفِيهِ أَبَانُ بْنُ أَبِي عَيَّاشٍ وَثَّقَهُ أَيُّوبُ وَسَلْمٌ الْعَلَوِيُّ، وَضَعَّفَهُ شُعْبَةُ وَأَحْمَدُ وَابْنُ مَعِينٍ وَأَبُو حَاتِمٍ.

حضرت عبداللہ بن مسعود رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " ہر نماز کے وقت ایک منادی کو بھیجا جاتا ہے ، جو یہ کہتا ہے: اے اولاد آدم ! تم اٹھو! اور اپنے خلاف تم نے جو کچھ جلایا ہے، اسے بجھا دو ! لوگ اٹھتے ہیں طہارت حاصل کرتے ہیں ، تو ان کی آنکھوں سے ان کے گناہ گر جاتے ہیں ، وہ لوگ نماز ادا کرتے ہیں ، تو ان کے دو نمازوں کے درمیان کے گناہوں کی مغفر ت ہو جاتی ہے ، پھر وہ اگلی نماز تک کے درمیان کے عرصے میں آگ جلاتے ہیں، جب اگلی نماز کا وقت ہوتا ہے، تو فرشتہ پکار کر کہتا ہے: اے اولاد آدم ! اٹھو اور اس چیز کو بجھا دو ! جو تم نے اپنی ذات کے خلاف بجھائی ہے، وہ اٹھتے ہیں ، طہارت حاصل کرتے ہیں ، نماز ادا کرتے ہیں ، تو ان کے دونوں نمازوں کے درمیان کے گناہوں کی مغفرت ہو جاتی ہے، جب عصر کی نماز کا وقت ہوتا ہے ، تو ایسا ہی ہوتا ہے، جب مغرب کی نماز کا وقت ہوتا ہے، تو ایسا ہی ہوتا ہے، جب عشاء کی نماز کا وقت ہوتا ہے، تو بھی ایسا ہے ہوتا ہے، پھر جب وہ لوگ سوتے ہیں ، تو ان کی مغفرت ہو چکی ہوتی ہے، پھر نبی اکرم صلی اللہ علیہ وآلہ وسلم نے یہ بات ارشاد فرمائی : " تو کوئی بھلائی کے عالم میں رات کرتا ہے ، اور کوئی برائی کے عالم میں رات کرتا ہے"۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی ابان ابو عیاش ہے، جسے ایوب اور سلم علوی نے " ثقہ " قرار دیا ہے، جب کہ شعبہ ، امام احمد ، یحییٰ بن معین اور ابو حاتم نے اسے ضعیف قرار دیا ہے۔

يُبْعَثُ مُنَادٍ عِنْدَ حَضْرَةِ كُلِّ صَلَاةٍ ← رَسُولِ اللَّهِ أَنَّهُ ← عَبْدِ اللهِ بْنِ مَسْعُودٍ

1661 - وَعَنْ عَبْدِ اللَّهِ بْنِ مَسْعُودٍ قَالَ: إِنَّ الصَّلَوَاتِ هُنَّ الْحَسَنَاتُ، وَكَفَّارَةُ مَا بَيْنَ الْأُولَى وَالْعَصْرِ صَلَاةُ الْعَصْرِ، وَكَفَّارَةُ [مَا] بَيْنَ صَلَاةِ الْعَصْرِ إِلَى الْمَغْرِبِ صَلَاةُ الْمَغْرِبِ، وَكَفَّارَةُ مَا بَيْنَ الْمَغْرِبِ إِلَى الْعَتَمَةِ صَلَاةُ الْعَتَمَةِ، ثُمَّ يَأْوِي الْمُسْلِمُ إِلَى فِرَاشِهِ لَا ذَنْبَ لَهُ مَا اجْتَنَبَ الْكَبَائِرَ، ثُمَّ قَرَأَ: {إِنَّ الْحَسَنَاتِ يُذْهِبْنَ السَّيِّئَاتِ} [هود: 114]. رَوَاهُ الطَّبَرَانِيُّ فِي الْكَبِيرِ، وَفِيهِ ضِرَارُ بْنُ صُرَدٍ، وَهُوَ مَتْرُوكٌ.

حضرت عبداللہ بن مسعود فرماتے ہیں : " بے شک نمازیں ہی نیکیاں ہیں، اور پہلی نما ز ( یعنی ظہر کی نماز ) سے لے کر عصر کی نماز کے درمیان کا کفارہ عصر کی نماز بن جاتی ہے، عصر کی نماز سے لے کر مغرب کی نماز کے درمیان کے گناہوں کا کفارہ مغرب کی نماز بن جاتی ہے، مغرب سے لے کر عشاء تک کے درمیان کے گناہوں کا کفارہ عشاء کی نماز بن جاتی ہے، پھر مسلمان بستر پر آتا ہے ، تو اس کا کوئی گناہ نہیں ہوتا، یہ اس وقت ہوتا ہے، جب کبیرہ گناہوں سے اجتناب کیا گیا ہو، پھر انہوں نے یہ آیت تلاوت کی: " بے شک نیکیاں ، گناہوں کو ختم کر دیتی ہیں "۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی ضرار بن صرد ہے، اور وہ متروک ہے۔

عَبْدِ اللهِ بْنِ مَسْعُودٍ

1662 - وَعَنْ أَبِي مَالِكٍ - يَعْنِي الْأَشْعَرِيَّ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «الصَّلَوَاتُ كَفَّارَاتٌ لِمَا بَيْنَهُنَّ ; قَالَ اللَّهُ: {إِنَّ الْحَسَنَاتِ يُذْهِبْنَ السَّيِّئَاتِ} [هود: 114]» ". رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ إِسْمَاعِيلَ بْنِ عَيَّاشٍ قَالَ أَبُو حَاتِمٍ: لَمْ يَسْمَعْ مِنْ أَبِيهِ شَيْئًا. قُلْتُ: وَهَذَا مِنْ رِوَايَتِهِ عَنْ أَبِيهِ، وَبَقِيَّةُ رِجَالِهِ مُوَثَّقُونَ.

حضرت ابو مالک اشعری رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " نمازیں ، درمیان میں کئے جانے والے گناہوں کا کفارہ بن جاتی ہیں ، اللہ تعالیٰ نے ارشاد فرمایا ہے : " بے شک نیکیاں ، گناہوں کو ختم کر دیتی ہیں "۔ یہ روایت امام طبرانی نےمعجم کبیر میں نقل کی ہے ، اس کی سند میں ایک راوی محمد بن اسماعیل بن عیاش ہے، امام ابو حاتم بیان کرتے ہیں : اس نے اپنے والد سے کوئی چیز نہیں سنی ہے۔ میں یہ کہتا ہوں : یہ روایت اس نے اپنے والد سے نقل کی ہے، اس روایت کے بقیہ رجال کی توثیق کی گئی ہے۔

أَبِي مَالِکٍ يَعْنِي الْأَشْعَرِيَّ

1663 - وَعَنْ طَارِقِ بْنِ شِهَابٍ أَنَّهُ بَاتَ عِنْدَ سَلْمَانَ لِيَنْظُرَ مَا اجْتِهَادُهُ. قَالَ: فَقَامَ يُصَلِّي مِنْ آخِرِ اللَّيْلِ - فَكَأَنَّهُ لَمْ يَرَ الَّذِي كَانَ يَظُنُّ - فَذَكَرَ ذَلِكَ لَهُ، فَقَالَ سَلْمَانُ: حَافَظُوا عَلَى هَذِهِ الصَّلَوَاتِ الْخَمْسِ ; فَإِنَّهُنَّ كَفَّارَاتٌ لِهَذِهِ الْجِرَاحَاتِ مَا لَمْ تُصِبِ الْمَقْتَلَةَ، فَإِذَا صَلَّى النَّاسُ الْعِشَاءَ صَدَرُوا عَنْ ثَلَاثِ مَنَازِلَ: مِنْهُمْ مَنْ عَلَيْهِ وَلَا لَهُ، وَمِنْهُمْ مَنْ لَهُ وَلَا عَلَيْهِ، وَمِنْهُمْ مَنْ لَا لَهُ وَلَا عَلَيْهِ ; فَرَجُلٌ اغْتَنَمَ ظُلْمَةَ اللَّيْلِ وَغَفْلَةِ النَّاسِ فَرَكِبَ فَرَسَهُ فِي الْمَعَاصِي، فَذَلِكَ عَلَيْهِ وَلَا لَهُ، وَمَنْ لَهُ وَلَا عَلَيْهِ: فَرَجُلٌ اغْتَنَمَ ظُلْمَةَ اللَّيْلِ وَغَفْلَةَ النَّاسِ فَقَامَ يُصَلِّي، فَذَلِكَ لَهُ وَلَا عَلَيْهِ، وَمِنْهُمْ مَنْ لَهُ وَلَا عَلَيْهِ: فَرَجُلٌ صَلَّى ثُمَّ نَامَ، فَذَلِكَ لَا لَهُ وَلَا عَلَيْهِ، إِيَّاكَ وَالْحَقْحَقَةَ، وَعَلَيْكَ بِالْقَصْدِ وَالدَّوَامِ. رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

طارق بن شہاب بیان کرتے ہیں : ایک مرتبہ وہ رات کے وقت حضرت سلمان فارسی رضی اللہ عنہ کے ہاں ٹھہرے ، تاکہ ان کی رات کی عبادت کا جائزہ لیں، راوی بیان کرتے ہیں : وہ رات کے آخری حصے میں اٹھ کر نماز ادا کرنے لگے ، تو یہ چیزیں ان کی توقع کے برخلاف تھی، تو انہوں نے حضرت سلمان فارسی رضی اللہ عنہ کے سامنے اس بات کا تذکرہ کیا، تو حضرت سلمان فارسی رضی اللہ عنہ نے فرمایا: تم لوگ ان پانچ نمازوں کی حفاظت کر و! کیونکہ یہ ان زخموں ( یعنی گناہوں ) کا کفارہ بن جاتی ہیں، جب کہ قتل کا ارتکاب نہ کیا گیا ہو، جب لوگ عشاء کی نماز ادا کر لیتے ہیں ، تو وہ تین حیثیتوں میں واپس آتے ہیں ، ان میں سے کچھ لوگ وہ ہوتے ہیں ، جن کے ذمہ کچھ ہوتا ہے، اور ان کے حق میں کچھ نہیں ہوتا، کچھ وہ ہوتے ہیں جن کے حق میں کچھ ہوتا ہے، اور ان کے خلاف کچھ نہیں ہوتا، اور کچھ وہ ہوتے ہیں ، جن کے حق میں کچھ نہیں ہوتا ، اور جن کے خلاف بھی کچھ نہیں ہوتا، تو جو شخص رات کی تاریکیوں اور لوگوں کی غفلت کو غنیمت شمار کرے گا، وہ گناہوں کے بارے میں اپنے گھوڑے پر سوار ہو جائے گا، یہ وہ شخص ہے، جس کے خلاف کچھ ہوتا ہے، اس کے حق میں کچھ نہیں ہوتا ، اور جس شخص کے حق میں کچھ ہوتا ہے، اور اس کے خلاف کچھ نہیں ہوتا ، وہ ایک ایسا شخص ہے، جو رات کی تاریکی اور لوگوں کی غفلت کو غنیمت شمار کرتا ہے، اور اٹھ کر نماز ادا کرتا ہے، تو یہ وہ شخص جس کے حق میں کچھ ہوتاہے، اور اس کے خلاف کچھ نہیں ہوتا ، اور کچھ ایسے لوگ ہیں کہ جن کے حق میں کچھ نہیں ہوتا اور ان کے خلاف بھی کچھ نہیں ہوتا، تو یہ وہ شخص ہے، جو نماز ادا کر کے سو جاتا ہے، تو یہ وہ شخص ہے کہ جس کے حق میں کچھ نہیں ہوتا اور اس کے خلاف بھی کچھ نہیں ہوتا ، تو تم انتہا ء پسندی سے بچنے کی کوشش کرو ! اور میانہ روی اور باقاعدگی کو اختیار کرو! یہ روایت امام طبرانی نے معجم کبیر میں نقل کی ہے، اور اس کے رجال کی توثیق کی گئی ہے۔

ذَلِكَ لَهُ، ← فَقَامَ يُصَلِّي مِنْ آخِرِ اللَّيْلِ، فَكَأَنَّهُ لَمْ يَرَ الَّذِي كَانَ يَظُنُّ ← طَارِقِ بْنِ شِهَابٍ، أَنَّهُ بَاتَ عِنْدَ سَلْمَانَ لَيَنْظُرَ مَا اجْتِهَادُهُ،

1664 - وَعَنْ أَبِي أُمَامَةَ الْبَاهِلِيِّ قَالَ: سَمِعَتْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «الصَّلَاةُ الْمَكْتُوبَةُ تُكَفِّرُ مَا قَبْلَهَا إِلَى الصَّلَاةِ الْأُخْرَى، وَالْجُمْعَةُ تَكْفُرُ مَا قَبِلَهَا إِلَى الْجُمْعَةِ الْأُخْرَى، وَشَهْرُ رَمَضَانَ يُكَفِّرُ مَا قَبْلُهُ إِلَى شَهْرِ رَمَضَانَ، وَالْحَجُّ يُكَفِّرُ مَا قَبْلُهُ إِلَى الْحَجِّ "، ثُمَّ قَالَ: " لَا يَحِلُّ لِامْرَأَةٍ مُسْلِمَةٍ أَنْ تَحُجَّ إِلَّا مَعَ زَوْجٍ أَوْ ذِي مَحْرَمٍ» ". رَوَاهُ الطَّبَرَانِيُّ فِي الْكَبِيرِ، وَفِيهِ الْمُفَضَّلُ بْنُ صَدَقَةَ، وَهُوَ مَتْرُوكُ الْحَدِيثِ.

حضرت ابو امامہ باہلی رضی اللہ عنہ بیان کرتے ہیں : میں نے نبی اکرم صلی اللہ علیہ وآلہ وسلم کویہ ارشاد فرماتے ہوئے سنا ہے: " فرض نماز اس سے پہلے کی دوسری نماز کے درمیاں کے گناہوں کا کفارہ بن جاتی ہے، اور جمعہ اس سے پہلے والے جمعہ کے درمیان کے گناہوں کا کفارہ بن جاتا ہے، اور رمضان کا مہینہ اس سے پہلے والے رمضان کے مہینے تک کے گناہوں کا کفارہ بن جاتا ہے، اور حج اس سے پہلے والے حج کے درمیاں کے گناہوں کا کفارہ بن جاتا ہے"۔ پھر نبی اکرم صلی اللہ علیہ وآلہ وسلم نے یہ بات ارشاد فرمائی : " کسی مسلمان عورت کے لیے یہ بات جائز نہیں ہے، کہ وہ حج کے لیے جائے ، البتہ اگر اس کا شوہر ، یا کوئی محرم عزیز ساتھ ہو ، تو حکم مختلف ہے "۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی مفضل بن صدقہ ہے، اور وہ متروک الحدیث ہے۔

أَبِي أُمَامَةَ الْبَاهِلِيِّ،

1665 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَثَلُ الصَّلَوَاتِ الْخَمْسِ كَمَثَلِ نَهْرٍ عَذْبٍ يَجْرِي عِنْدَ بَابِ أَحَدِكُمْ يَغْتَسِلُ فِيهِ كُلَّ يَوْمٍ خَمْسَ مَرَّاتٍ، فَمَاذَا يَبْقَى عَلَيْهِ مِنَ الدَّرَنِ؟» ". رَوَاهُ الطَّبَرَانِيُّ فِي الْكَبِيرِ، وَفِيهِ عُفَيْرُ بْنُ مَعْدَانَ، وَهُوَ ضَعِيفٌ جِدًّا.

حضرت ابو امامہ رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: " پانچ نمازوں کی مثال ، صاف پانی کی اس نہر کی طرح ہے، جو کسی شخص کے دروازے کے پاس بہتی ہے ، اور وہ شخص روزانہ اس میں پانچ مرتبہ غسل کرتا ہے، تو کیا اس کا میل باقی رہ جائے گا؟ " ۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی عفیر بن معدان ہے، اور وہ انتہائی " ضعیف " ہے ۔

اَبِیْ اُمَامَۃَ،