Majma uz Zawaid Wa Manba ul Fawaid

2278 - وَعَنْ سَعْدٍ الْقَرَظِ «أَنَّ النَّجَاشِيَّ بَعَثَ إِلَى النَّبِيِّ - صَلَّى اللَّهُ عَلَيْهِ وَسَلَّمَ - بِثَلَاثِ عَنَزَاتٍ فَأَمْسَكَ النَّبِيُّ - صَلَّى اللَّهُ عَلَيْهِ وَسَلَّمَ - وَاحِدَةً لِنَفْسِهِ وَأَعْطَى عَلِيًّا وَاحِدَةً وَعُمَرَ وَاحِدَةً، وَكَانَ بِلَالٌ يَمْشِي بِهَا بَيْنَ يَدَيْهِ [فَيَرْكُزُهَا فِي يَدَيْهِ] فِي الْعِيدَيْنِ فَيُصَلِّي إِلَيْهَا». رَوَاهُ الطَّبَرَانِيُّ فِي الْكَبِيرِ وَفِي إِسْنَادِهِ مَنْ لَمْ يُسَمَّ.

حضرت سعد القرظ رضی اللہ عنہ بیان کرتے ہیں: نجاشی نے نبی اکرم صلی اللہ علیہ وآلہ وسلم کو تین نیزے بھجوائے نبی اکرم صلی اللہ علیہ وآلہ وسلم نے ایک پنے لئے رکھ لیا اور ایک حضرت علی رضی اللہ عنہ کو دے دیا اور ایک حضرت عمر رضی اللہ عنہ کو دے دیا تو حضرت بلال رضی اللہ عنہ اس نیزے کو لے کر نبی اکرم صلی اللہ علیہ وآلہ وسلم کے آگے چلتے تھے ، اور عیدین کے موقع پر اسے سامنے گاڑ دیتے تھے ، تو نبی اکرم صلی اللہ علیہ وآلہ وسلم اس کی طرف رخ کر کے نماز ادا کرتے تھے۔ یہ روایت امام طبرانی نے معجم کبیر میں نقل کی ہے ، اس کی سند میں ایسا راوی ہے، جس کا نام بیان نہیں کیا گیا ہے۔

2279 - وَعَنْ بُرَيْدَةَ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - تُرَكَزُ لَهُ عَنَزَةٌ فَيُصَلِّي إِلَيْهَا - أَظُنُّهُ قَالَ -: وَالظُّعُنُ تَمُرُّ بَيْنَ يَدَيْهِ». رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ حَمَّادٍ الْوَاسِطِيُّ وَلَمْ أَجِدْ مَنْ ذَكَرَهُ.

حضرت بریدہ رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم کے لئے چھوٹا نیزہ گاڑ دیا جاتا تھا تو آپ صلی اللہ علیہ وآلہ وسلم اس کی طرف رخ کرکے نماز ادا کرتے تھے راوی بیان کرتے ہیں: میرا خیال ہے روایت میں یہ الفاظ بھی ہیں : خواتین آپ کے آگے سے (یعنی سرے کے دوسری طرف سے گزر جایا کرتی تھیں ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی محمد بن حماد واسطی ہے میں نے کسی کو اس کا ذکر کرتے ہوئے نہیں پایا ہے۔

«كَانَ رَسُولُ اللَّهِ تُرَكَزُ لَهُ عَنَزَةٌ فَيُصَلِّي إِلَيْهَا أَظُنُّهُ ← بُرَيْدَةَ

2280 - وَعَنْ عِصْمَةَ قَالَ: «كَانَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - حَرْبَةً يَمْشِي بِهَا بَيْنَ يَدَيْهِ فَإِذَا صَلَّى رَكَزَهَا بَيْنَ يَدَيْهِ». رَوَاهُ الطَّبَرَانِيُّ فِي الْكَبِيرِ وَهُوَ ضَعِيفٌ.

حضرت عصمہ رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم کا ایک نیزہ تھا جو آپ صلی اللہ علیہ وآلہ وسلم کے آگے لے کے جایا جاتا تھا جب آپ صلی اللہ علیہ وآلہ وسلم نماز ادا کرتے تھے تو وہ آپ کے سامنے گاڑ دیا جاتا تھا( یا آپ صلی اللہ علیہ وآلہ وسلم اسے اپنے سامنے گاڑ لیتے تھے ) یہ روایت امام طبرانی نے معجم کبیر میں نقل کی ہے ، اور یہ " ضعیف " ہے۔

عِصْمَةُ

2281 - وَعَنْ خَبَّابٍ قَالَ: «كُنْتُ أَضَعُ الْعَنَزَةَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ» -. رَوَاهُ الطَّبَرَانِيُّ فِي الْكَبِيرِ وَإِسْنَادُهُ حَسَنٌ.

حضرت خباب رضی اللہ عنہ بیان کرتے ہیں : میں نبی اکرم صلی اللہ علیہ وآلہ وسلم کے لئے ( سترہ کے طور پر استعمال کرنے کے لئے ) نیزہ گاڑا کرتا تھا ۔ یہ روایت امام طبرانی نے معجم کبیر میں نقل کی ہے ، اور اس کی سند حسن ہے۔

«كُنْتُ أَضَعُ الْعَنَزَةَ لِرَسُولِ اللَّهِ رَوَاهُ الطَّبَرَانِيُّ فِي الْكَبِيرِ وَإِسْنَادُهُ حَسَنٌ. ← وَعَنْ خَبَّابٍ

2282 - وَعَنْ سَهْلِ بْنِ سَعْدٍ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -[قَبْلَ أَنْ يَبْنِيَ الْمَسْجِدَ] يُصَلِّي إِلَى خَشَبَةٍ فَلَمَّا [بُنِيَ الْمَسْجِدُ] بُنِيَ لَهُ مِحْرَابٌ [وَ] تَقَدَّمَ إِلَيْهِ، فَحَنَّتِ الْخَشَبَةُ حَنِينَ الْبَعِيرِ فَوَضَعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَدَهُ عَلَيْهَا فَسَكَنَتْ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الْمُهَيْمِنِ بْنُ عَبَّاسٍ وَهُوَ ضَعِيفٌ.

حضرت سہل بن سعد رضی اللہ عنہ بیان کرتے ہیں: مسجد کی تعمیر سے پہلے نبی اکرم صلی اللہ علیہ وآلہ وسلم لکڑی کی طرف رخ کرکے نماز ادا کرتے تھے جب مسجد تعمیر ہو گئی اور آپ صلی اللہ علیہ وآلہ وسلم کے لئے محراب بنا لی گئی اور آپ اس کی طرف بڑھے تو لکڑی کا ٹکڑا یوں رونے لگا جس طرح اونٹ روتا ہے۔ نبی اکرم صلی اللہ علیہ وآلہ وسلم نے اپنا دست مبارک اس پر رکھا تو وہ پر سکون ہو گیا ۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی عبدالمہیمن بن عبا ہے ، اور وہ " ضعیف " ہے۔

سَهْلِ بْنِ سَعْدٍ

2283 - عَنْ أَبِي الدَّرْدَاءِ قَالَ: «كُنَّا فِي غَزْوَةٍ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأُقِيمَتِ الصَّلَاةُ فَاسْتَقْبَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - سَنَامَ الْبَعِيرِ فَقَامَ يُصَلِّي إِلَيْهِ». رَوَاهُ الطَّبَرَانِيُّ فِي الْكَبِيرِ وَفِيهِ عَلِيُّ بْنُ يَزِيدَ الْأَلْهَانِيُّ وَهُوَ ضَعِيفٌ.

حضرت ابو درداء رضی اللہ عنہ بیان کرتے ہیں: ہم لوگ نبی اکرم صلی اللہ علیہ وآلہ وسلم کے ساتھ ایک غزوہ میں شریک ہوئے نماز کے لئے اقامت کہی گئی، تو نبی اکرم صلی اللہ علیہ وآلہ وسلم نے اونٹ کی کوہان کی طر ف رخ کیا اور کھڑے ہو کر اس کی طرف رخ کرکے نماز ادا کی ۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی علی بن یزید الہانی ہے، اور وہ " ضعیف " ہے۔

أَبِي الدَّرْدَاءِ،

2284 - وَعَنِ الْمِقْدَامِ قَالَ: «جَلَسَ أَبُو الدَّرْدَاءِ وَعُبَادَةُ إِلَى الْحَارِثِ بْنِ مُعَاوِيَةَ فَقَالَ أَبُو الدَّرْدَاءِ: أَيُّكُمْ يَذْكُرُ حِينَ صَلَّى بِنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى بَعِيرٍ مِنَ الْمَغْنَمِ فَلَمَّا انْصَرَفَ أَخَذَ وَبَرَةً مِنَ الْبَعِيرِ فَقَالَ: " مَا يَحِلُّ لِي مِمَّا أَفَاءَ اللَّهُ عَلَيْكُمْ وَلَا مِثْلُ هَذِهِ إِلَّا الْخُمُسُ، وَالْخُمُسُ مَرْدُودٌ فِيكُمْ» ". رَوَاهُ الْبَزَّارُ وَقَالَ: وَالْمِقْدَامُ لَمْ يَرْوِ عَنْهُ غَيْرُ الْحَسَنِ، قُلْتُ: الْمِقْدَامُ هَذَا هُوَ الرَّهَاوِيُّ وَثَّقَهُ ابْنُ حِبَّانَ.

مقدام رضی اللہ عنہ بیان کرتے ہیں: حضرت ابو درداء رضی اللہ عنہ اور حضرت عبادہ رضی اللہ عنہ حارث بن معاویہ کے پاس تشریف فرما تھے ۔ حضرت ابو درداء رضی اللہ عنہ نے فرمایا : تم میں کس کو یہ بات یا د ہے کہ نبی اکرم صلی اللہ علیہ وآلہ وسلم نے جب ہمیں مال غنیمت کے اونٹ کی طرف رخ کرکے نماز پڑھائی تھی جب آپ صلی اللہ علیہ وآلہ وسلم نے نماز مکمل کی تھی تو آپ صلی اللہ علیہ وآلہ وسلم نے اونٹ کے ایک بال کو لے کر ارشاد فرمایا تھا: اللہ تعالیٰ نے تمہیں جو چیز فئے کے طور پر عطا کی ہے، اس میں سے میرے لئے اتنا لینا بھی حلال نہیں ہے، البتہ خمس کا معاملہ مختلف ہے ۔، اور خمس بھی تمہارے درمیان تقسیم ہوگا۔ یہ روایت امام بزار نے نقل کی ہے وہ فرماتے ہیں : مقدام نامی راوی کے حوالے سے حسن بصری کے علاوہ کسی نے روایت نقل نہیں کی ہے ، میں یہ کہتا ہوں : مقدام نامی یہ شخص مقدام رہاوی ہے، جسے ابن حبان نے " ثقہ " قرار دیا ہے۔

الْمِقْدَامِ،

2285 - عَنْ جُبَيْرِ بْنِ مُطْعِمٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا صَلَّى أَحَدُكُمْ إِلَى سُتْرَةٍ فَلْيَدْنُ مِنْهَا لَا يَقْطَعُ الشَّيْطَانُ عَلَيْهِ صَلَاتَهُ» ". رَوَاهُ الْبَزَّارُ وَالطَّبَرَانِيُّ فِي الْكَبِيرِ، إِلَّا أَنَّهُ قَالَ: " «فَلْيَدْنُ مِنْهَا لَا يَمُرُّ الشَّيْطَانُ بَيْنَهُ وَبَيْنَهَا» "، وَفِي إِسْنَادِ الْبَزَّارِ مُحَمَّدُ بْنُ عَبْدِ اللَّهِ بْنِ عُمَيْرٍ وَهُوَ ضَعِيفٌ، وَفِي إِسْنَادِ الطَّبَرَانِيِّ سُلَيْمَانُ بْنُ أَيُّوبَ الصَّرِيفِينِيُّ وَلَمْ أَجِدْ مَنْ ذَكَرَهُ، وَبَقِيَّةُ رِجَالِ الطَّبَرَانِيِّ ثِقَاتٌ.

حضرت جبیر بن مطعم رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: " جب کوئی شخص سترہ کی طرف رخ کرکے نماز ادا کرے تو وہ اس کے قریب ہو، تاکہ شیطان اس کی نماز کا منقطع نہ کر سکے "۔ یہ روایت امام بزار اور امام طبرانی نے معجم کبیر میں نقل کی ہے ، تاہم انہوں نے یہ الفاظ نقل کیے ہیں : " وہ اس کے قریب کھڑا ہو، تاکہ شیطان اس کے اور اس سترے کے درمیان میں سے نہ گزرے "۔امام بزار کی سند میں ایک راوی محمد بن عبداللہ بن عمیر ، ہے اور وہ " ضعیف " ہے ، امام طبرانی کی سند میں ایک راوی سلیمان بن ایوب صریفینی ہے میں نے کسی کو اس کا ذکر کرتے ہوئے نہیں پایا ہے طبرانی کے بقیہ رجال " ثقہ "ہیں ۔

جُبَيْرِ بْنِ مُطْعِمٍ،

2286 - وَعَنْ بُرَيْدَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا صَلَّى أَحَدُكُمْ إِلَى سُتْرَةٍ فَلْيَدْنُ مِنْهَا لَا يَقْطَعُ الشَّيْطَانُ عَلَيْهِ صَلَاتَهُ» ". رَوَاهُ الْبَزَّارُ. قُلْتُ: وَيَأْتِي حَدِيثُ ابْنِ عَبَّاسٍ رَضِيَ اللَّهُ عَنْهُمَا.

حضرت بریدہ رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے : " جب کوئی شخص سترہ کی طرف رخ کرکے نماز ادا کرے ، تو وہ اس کے قریب ہو، تاکہ شیطان اس کی نماز کو منقطع نہ کر سکے "۔ یہ روایت امام بزار نے نقل کی ہے ، میں یہ کہتا ہوں : حضرت عبداللہ بن عباس رضی اللہ عنہ کے حوالے سے منقول حدیث آگے آئے گی۔

بُرَيْدَةَ

2287 - وَعَنْ عَائِشَةَ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «ارْهَقُوا الْقِبْلَةَ» ". رَوَاهُ أَبُو يَعْلَى وَالْبَزَّارُ وَرِجَالُهُ مُوَثَّقُونَ.

سیدہ عائشہ صدیقہ رضی اللہ عنہ بیان کرتی ہیں : نبی اکرم صلی اللہ علیہ وآلہ وسلم نے ارشاد فرمایا: قبلہ کا دھیان رکھو! یہ روایت امام ابو یعلیٰ اور امام بزار نے نقل کی ہے ، اور اس کے رجال کی توثیق کی گئی ہے ۔

عَائِشَةَ

2288 - وَعَنْ سَهْلِ بْنِ سَعْدٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «إِذَا صَلَّى أَحَدُكُمْ إِلَى سُتْرَةٍ فَلْيَدْنُ مِنْهَا لَا يَقْطَعُ الشَّيْطَانُ عَلَيْهِ صَلَاتَهُ» ". رَوَاهُ الطَّبَرَانِيُّ فِي الْكَبِيرِ وَرِجَالُهُ مُوَثَّقُونَ.

حضرت سہل بن سعد رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: جب کوئی شخص سترہ کی طرف رخ کرکے نماز ادا کرے تو وہ اس کے قریب ہو ، تاکہ شیطان اس کی نماز کو منقطع نہ کرے "۔ یہ روایت امام طبرانی نے معجم کبیر میں نقل کی ہے ، اور اس کے رجال کی توثیق کی گئی ہے۔

سَهْلِ بْنِ سَعْدٍ

2289 - «وَعَنْ سَهْلِ بْنِ الْحَنْظَلِيَّةِ أَنَّهُ مَرَّ عَلَى رَجُلٍ يُصَلِّي مُتَرَاخِيًا عَنِ الْقِبْلَةِ فَقَالَ سَهْلٌ: تَقَدَّمْ إِلَى مُصَلَّاكَ لَا يَقْطَعُ الشَّيْطَانُ صَلَاتَكَ، وَلَا أُحَدِّثُكَ إِلَّا مَا سَمِعْتُ مِنْ نَبِيِّ اللَّهِ - صَلَّى اللَّهُ عَلَيْهِ وَسَلَّمَ» -. رَوَاهُ الطَّبَرَانِيُّ فِي الْكَبِيرِ وَفِيهِ بِشْرُ بْنُ نُمَيْرٍ وَهُوَ كَذَّابٌ.

حضرت سہل بن حنظلیہ رضی اللہ عنہ کے بارے میں یہ بات منقول ہے : وہ ایک ایسے شخص کے پاس سے گزرے جو قبلہ ( کی سمت والی دیوار ) سے ذرا دور ہو کر نماز ادا کر رہا تھا تو حضرت سہل رضی اللہ عنہ نے فرمایا: تم اپنے جائے نماز کی طرف ذرا آگے ہو جاؤ تاکہ شیطان تمہاری نماز کو منقطع نہ کرے میں تمہیں وہ بات بیان کر رہا ہوں جو میں نے نبی اکرم صلی اللہ علیہ وآلہ وسلم کی زبانی سنی ہے یہ روایت امام طبرانی نے معجم کبیر میں نقل کی ہے، اس کی سند میں ایک راوی بشر بن نمیر ہے اور وہ کذاب ہے۔

سَهْلٌ: تَقَدَّمْ إِلَى مُصَلَّاكَ لَا يَقْطَعُ الشَّيْطَانُ صَلَاتَكَ، وَلَا أُحَدِّثُكَ إِلَّا مَا ← الْقِبْلَةِ. ← سَهْلِ بْنِ الْحَنْظَلِيَّةِ أَنَّهُ مَرَّ عَلَى رَجُلٍ يُصَلِّي مُتَرَاخِيًا