Majma uz Zawaid Wa Manba ul Fawaid

1642 - وَعَنْ أَنَسٍ قَالَ: «لَمَّا أُصِيبَ عِتْبَانُ بْنُ مَالِكٍ فِي بَصَرِهِ بَعَثَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ: إِنِّي أُحِبُّ أَنْ تَأْتِيَنِي فَتُصَلِّيَ فِي بَيْتِي وَتَدْعُوَ لَنَا بِالْبَرَكَةِ، فَقَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي نَفَرٍ مِنْ أَصْحَابِهِ فَدَخَلُوا عَلَيْهِ فَتَحَدَّثُوا بَيْنَهُمْ، فَذَكَرُوا مَالِكَ بْنَ الدُّخْشُمِ، فَقَالَ رَجُلٌ: يَا رَسُولَ اللَّهِ، ذَاكَ كَهْفُ الْمُنَافِقِينَ وَمَأْوَاهُمْ، فَأَكْثَرُوا فِيهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " أَوْلَيْسَ يُصَلِّي؟ " قَالُوا: نَعَمْ يَا رَسُولَ اللَّهِ، صَلَاةٌ لَا خَيْرَ فِيهَا. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " نُهِيتُ عَنْ قَتْلِ الْمُصَلِّينَ " - مَرَّتَيْنِ». رَوَاهُ الطَّبَرَانِيُّ فِي الْكَبِيرِ، وَفِيهِ عَامِرُ بْنُ يَسَافٍ، وَهُوَ مُنْكَرُ الْحَدِيثِ.

حضرت انس رضی اللہ عنہ بیان کرتے ہیں : جب حضرت عتبان بن مالک رضی اللہ عنہ کی بینائی کمزور ہو گئی ، تو انہوں نے نبی اکرم صلی اللہ علیہ و آلہ وسلم کی خدمت میں پیغام بھیجا ، مجھے یہ بات پسند ہے کہ آپ میرے ہاں تشریف لائیں ، اور میرے گھر میں نماز ادا کریں ، اور میرے لیے برکت کی دعا کریں، تو نبی اکرم صلی اللہ علیہ و آلہ وسلم اپنے کچھ اصحاب سمیت تشریف لے گئے ، آپ صلی اللہ علیہ و آلہ وسلم ان کے ہاں گئے وہ لوگ آپس میں بات چیت کرتے رہے ، ان لوگوں نے مالک بن دخشم کا ذکر کیا ، تو ایک شخص بولا: یا رسول اللہ صلی اللہ علیہ و آلہ وسلم ! وہ منافقین کی پناہ گاہ اور ان کا ٹھکانہ ہے، ان لوگوں کا اس کے ساتھ بڑا تعلق ہے، تو نبی اکرم صلی اللہ علیہ و آلہ وسلم نے ارشاد فرمایا: کیا وہ نماز ادا نہیں کرتا ہے؟ لوگوں نے عرض کی : جی ہاں ! یارسول اللہ صلی اللہ علیہ و آلہ وسلم ! وہ ایسی نماز ادا کرتا ہے، جس میں کوئی بھلائی نہیں ہے، تو نبی اکرم صلی اللہ علیہ و آلہ وسلم نے ارشاد فرمایا: مجھے نمازیوں کو قتل کرنے سے منع کیا گیا ہے، یہ بات آپ صلی اللہ علیہ و آلہ وسلم نے دو مرتبہ ارشاد فرمائی ۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی عامر بن یساف ہے، اور وہ منکر الحدیث ہے ۔

أَنَسٍ،

1643 - وَعَنْ أَنَسٍ أَنَّ أَبَا بَكْرٍ - رَحْمَةُ اللَّهِ عَلَيْهِ - قَالَ: «نَهَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنْ قَتْلِ الْمُصَلِّينَ». وَفِي رِوَايَةٍ: عَنْ ضَرْبِ الْمُصَلِّينَ. رَوَاهُ الْبَزَّارُ وَأَبُو يَعْلَى إِلَّا أَنَّهُ قَالَ: " عَنْ ضَرْبِ "، وَفِيهِ مُوسَى بْنُ عُبَيْدَةَ، وَهُوَ مَتْرُوكٌ.

حضرت انس رضی اللہ عنہ بیان کرتے ہیں : حضرت ابو بکر صدیق رضی اللہ عنہ نے فرمایا: نبی اکرم صلی اللہ علیہ و آلہ وسلم نے نمازیوں کو قتل کرنے سے منع کیا ہے۔ ایک روایت میں یہ الفاظ ہیں : نمازیوں کو مارنے سے منع کیا ہے ۔ یہ روایت امام بزار اور امام یعلیٰ نے نقل کی ہے، تاہم انہوں نے یہ الفاظ نقل کیے ہیں: " مارنے سے " اس روایت کی سند میں ایک راوی موسیٰ بن عبیدہ ہے ، اور وہ متروک ہے۔

ضَرْبِ وَفِيهِ مُوسَى بْنُ عُبَيْدَةَ، وَهُوَ مَتْرُوكٌ. ← ضَرْبِ الْمُصَلِّينَ. رَوَاهُ الْبَزَّارُ وَأَبُو يَعْلَى إِلَّا أَنَّهُ ← قَتْلِ الْمُصَلِّينَ». وَفِي رِوَايَةٍ: ← «نَهَى رَسُولُ اللَّهِ ← وَعَنْ أَنَسٍ أَنَّ أَبَا بَكْرٍ عَلَيْهِ

1644 - وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ صَلَّى الْغَدَاةَ فَأُصِيبَتْ ذِمَّتُهُ فَقَدِ اسْتُبِيحَ حِمَى اللَّهِ وَأُخْفِرَتْ ذِمَّتُهُ، وَأَنَا طَالِبٌ بِذِمَّتِهِ» ". رَوَاهُ أَبُو يَعْلَى، وَفِيهِ يَزِيدُ الرَّقَاشِيُّ، وَهُوَ ضَعِيفٌ، وَقَدْ وُثِّقَ.

حضرت انس بن مالک رضی اللہ عنہ روایت کرتے ہیں: نبی اکرم صلی اللہ علیہ و آلہ وسلم نے ارشاد فرمایا ہے : " جو شخص صبح کی نماز ادا کر لے ، اور پھر اس کی پناہ کو نقصان پہنچایا جائے ، تو اپ اللہ تعالیٰ کی چراہ گاہ کو مباح قرار دیا گیا ہے، اور اس کی پناہ کی خلاف ورزی کی گئی ہ، تو میں نے اس کی پناہ کے حوالے سے حساب لوں گا"۔ یہ روایت امام ابو یعلیٰ نے نقل کی ہے، اس کی سند میں ایک راوی یزید رقاشی ہے۔ اور وہ ضعیف ہے، اسے " ثقہ " بھی قرار دیا گیا ہے۔

اَنَسِ بْنِ مَالِکٍ،

1645 - وَعَنْ أَنَسٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ صَلَّى الْغَدَاةَ فَهُوَ فِي ذِمَّةِ اللَّهِ، فَإِيَّاكُمْ أَنْ يَطْلُبَكُمُ اللَّهُ بِشَيْءٍ مِنْ ذِمَّتِهِ» ". رَوَاهُ أَبُو يَعْلَى وَالْبَزَّارُ وَالطَّبَرَانِيُّ فِي الْأَوْسَطِ، وَفِيهِ صَالِحُ بْنُ بَشِيرٍ الْمُرِّيُّ، وَهُوَ ضَعِيفٌ.

حضرت انس بن مالک رضی اللہ عنہ بیان کرتے ہیں ، میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے: " جو شخص صبح کی نماز ادا کر لیتا ہے، وہ اللہ تعالیٰ کی پناہ میں ہوتا ہے، تو تم لوگ اس چیز سے بچنے کی کوشش کرنا کہ اللہ تعالیٰ اپنی کے حوالے سے ، تم سے کسی بارے میں حساب لے"۔ یہ روایت امام ابو یعلیٰ ، امام بزار اور امام طبرانی نے معجم اوسط میں نقل کی ہے، اس کی سند میں ایک راوی صالح بن بشیر مری ہے، اور وہ" ضعیف" ہے۔

رَسُولِ اللَّهِ ← أَنَسٍ،

1646 - وَعَنْ أَبِي بَكْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ صَلَّى الصُّبْحَ فِي جَمَاعَةٍ فَهُوَ فِي ذِمَّةِ اللَّهِ، فَمَنْ أَخَفَرَ ذِمَّةَ اللَّهِ كَبَّهُ اللَّهُ فِي النَّارِ لِوَجْهِهِ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت ابو بکرہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " جو شخص صبح کی نماز باجماعت ادا کر لے، وہ اللہ تعالیٰ کی پناہ میں ہوتا ہے، اور جو شخص اللہ تعالیٰ کی پناہ کی خلاف ورزی کرتا ہے، تو اللہ تعالیٰ اسے اوندھا کر کے چہرے کے بل جہنم میں ڈالے گا"۔ یہ روایت امام طبرانی نے معجم کبیر میں نقل کی ہے ، اور اس کے رجال " صحیح " کے رجال ہیں ۔

أَبِي بَكْرَةَ

1647 - وَلِأَبِي بَكْرَةَ فِي الْكَبِيرِ أَيْضًا قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ صَلَّى الْغَدَاةَ فَهُوَ فِي ذِمَّةِ اللَّهِ. يَابْنَ آدَمَ لَا يَطْلُبْنَكَ اللَّهُ بِشَيْءٍ مِنْ ذِمَّتِهِ» ". وَفِي إِسْنَادِهِ مَقَالٌ.

حضرت ابوبکر ہ رضی اللہ عنہ کے حوالے سے ، معجم کبیر ہی میں ، یہ روایت منقول ہے: وہ بیان کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: " جو شخص صبح کی نماز ادا کر لے ، وہ اللہ تعالیٰ کی پناہ میں ہوتا ہے، تو اے آدم کی اولاد ! اللہ تعالیٰ اپنی پناہ کے حوالے سے ، تم سے حساب نہ لے" ۔ اس کی سند میں کلام کی گنجائش ہے۔

وَلِأَبِي بَكْرَةَ فِي الْكَبِيرِ أَيْضًا

1648 - وَعَنْ أَبِي مَالِكٍ الْأَشْجَعِيِّ، عَنْ أَبِيهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ صَلَّى الصُّبْحَ فَهُوَ فِي ذِمَّةِ اللَّهِ وَحِسَابُهُ عَلَى اللَّهِ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ الْهَيْثَمُ بْنُ يَمَانٍ ضَعَّفَهُ الْأَزْدِيُّ، وَبَقِيَّةُ رِجَالِهِ رِجَالُ الصَّحِيحِ.

ابو مالک اشجعی ، اپنے والد کے حوالے سے نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جو شخص صبح کی نماز ادا کر لیتا ہے، وہ اللہ تعالیٰ کی پناہ میں ہوتا ہے، اور اس کا حساب اللہ تعالیٰ کے ذمہ ہے" ۔ یہ روایت امام طبرانی نے معجم کبیر میں اور اوسط میں نقل کی ہے ، اس کی سند میں ایک راوی ہیثم بن یمان ہے، جسے ازدی نے ضعیف قرار دیا ہے، اس روایت کے بقیہ رجال " صحیح " کے رجال ہیں۔

أَبِيهِ ← وَعَنْ أَبِي مَالِكٍ الْأَشْجَعِيِّ،

1649 - وَعَنِ الْحَارِثِ مَوْلَى عُثْمَانَ قَالَ: «جَلَسَ عُثْمَانُ يَوْمًا وَجَلَسْنَا مَعَهُ، فَجَاءَ الْمُؤَذِّنُ فَدَعَا بِمَاءٍ فِي إِنَاءٍ - أَظُنُّهُ يَكُونُ فِيهِ مُدٌّ - فَتَوَضَّأَ ثُمَّ قَالَ: رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَتَوَضَّأُ وُضُوئِي هَذَا، ثُمَّ قَالَ: " مَنْ تَوَضَّأَ وُضُوئِي هَذَا ثُمَّ قَامَ فَصَلَّى صَلَاةَ الظُّهْرِ - غُفِرَ لَهُ مَا كَانَ بَيْنَهَا وَبَيْنَ الصُّبْحِ، ثُمَّ صَلَّى الْعَصْرَ غُفِرَ لَهُ مَا كَانَ بَيْنَهَا وَبَيْنَ صَلَاةِ الظُّهْرِ، ثُمَّ صَلَّى الْمَغْرِبَ غُفِرَ لَهُ مَا كَانَ بَيْنَهَا وَبَيْنَ الْعَصْرِ، ثُمَّ صَلَّى الْعَشَاءَ غُفِرَ لَهُ مَا بَيَّنَهَا وَبَيْنَ الْمَغْرِبِ، ثُمَّ لَعَلَّهُ يَبِيتُ يَتَمَرَّغُ لَيْلَتَهُ، ثُمَّ إِنْ قَامَ فَتَوَضَّأَ وَصَلَّى الصُّبْحَ - غُفِرَ لَهُ مَا بَيَّنَهَا وَبَيْنَ صَلَاةِ الْعِشَاءِ، وَهُنَّ الْحَسَنَاتُ يُذْهِبْنَ السَّيِّئَاتِ ". قَالُوا: هَذِهِ الْحَسَنَاتُ، فَمَا الْبَاقِيَاتُ يَا عُثْمَانُ؟ قَالَ: هُنَّ: لَا إِلَهَ إِلَّا اللَّهُ، وَسُبْحَانَ اللَّهِ، وَالْحَمْدُ لِلَّهِ، وَاللَّهُ أَكْبَرُ، وَلَا حَوْلَ وَلَا قُوَّةَ إِلَّا بِاللَّهِ». قُلْتُ: فِي الصَّحِيحِ بَعْضُهُ. رَوَاهُ أَحْمَدُ وَأَبُو يَعْلَى وَالْبَزَّارُ، وَرِجَالُهُ رِجَالُ الصَّحِيحِ غَيْرَ الْحَارِثِ بْنَ عَبْدِ اللَّهِ مَوْلَى عُثْمَانَ بْنِ عَفَّانَ، وَهُوَ ثِقَةٌ.

حارث ، جو حضرت عثمان غنی رضی اللہ عنہ کے غلام ہیں ، وہ بیان کرتے ہیں : ایک دن حضرت عثمان غنی رضی اللہ عنہ تشریف فرما تھے ، ہم بھی ان کے ہمراہ بیٹھے ہوئے تھے، اسی دوران مؤذن آیا ، تو حضرت عثمان غنی رضی اللہ عنہ نے پانی کا برتن منگوایا ، راوی کہتے ہیں : میر ا خیال ہے : اس برتن میں ایک " مد" پانی تھا، انہوں نے وضو کیا، پھر انہوں نے یہ بات بیان کی : میں نے نبی اکرم صلی اللہ علیہ و آلہ وسلم کو اپنے اس وضو کی طرح ، وضو کرتے ہوئے دیکھا ، پھر آپ صلی اللہ علیہ و آلہ وسلم نے ارشاد فرمایا: " جو شخص میرے اس وضو کی طرح وضو کرے ، اور پھر کھڑا ہو کر ظہر کی نماز ادا کرے ، تو اس شخص کے صبح کی نماز سے لے کر ظہر تک کے ، درمیان کے گناہوں کی مغفرت ہو جاتی ہے، پھر جب وہ عصر کی نماز ادا کر لے ، تو اس شخص کے ظہر سے لے کر عصر تک کے درمیانی گناہوں کی مغفرت ہو جاتی ہے، پھر جب وہ مغرب کی نماز ادا کر لے ، تو اس کے عصر سے لے کر مغرب تک کے درمیانی گناہوں کی مغفرت ہو جاتی ہے، پھر جب وہ عشا ء کی نماز ادا کر لے ، تو اس کے مغرب سے لے کر عشاء تک کے درمیانی گناہوں کی مغفرت ہو جاتی ہے، اور پھر وہ ایسی حالت میں رات بسر کرتا ہے کہ لوٹ پوٹ ہوتا ہے، پھر اگر وہ کھڑا ہو کر وضو کر کے صبح کی نماز ادا کرتا ہے، تو اس شخص کے عشاء کی نماز سے لے کر صبح تک کے درمیانی گناہوں کی مغفرت ہو جاتی ہے، یہ وہ " حسنات " (یعنی نیکیاں ) ہیں ، جو گناہوں کو ختم کر دیتی ہیں: ۔ لوگوں نے عرض کی رضی اللہ عنہ اے حضرت عثمان ! یہ " حسنات " ہیں " تو " باقیات " سے کیا مراد ہو گی؟ تو حضرت عثمان رضی اللہ عنہ نے فرمایا: وہ یہ کلمات ہیں : " اللہ تعالیٰ کے علاوہ اور کوئی معبود نہیں ہے، اللہ تعالیٰ کی ذات ہر عیب سے پاک ہے، ہر طرح کی حمد ، اللہ تعالیٰ کے لیے مخصوص ہے، اللہ تعالیٰ سب سے بڑا ہے، اللہ تعالیٰ کی مدد کے بغیر کچھ نہیں ہو سکتا "۔ (علامہ ہیثمی فرماتے ہیں : ) میں یہ کہتا ہوں : " صحیح " میں اس کا کچھ حصہ منقول ہے۔ یہ روایت امام احمد امام ابو یعلیٰ اور امام بزار نے نقل کی ہے ، اور اس کے رجال " صحیح " کے رجال ہیں ، صرف حارث بن عبداللہ کا معاملہ مختلف ہے، جو حضرت عثمان غنی رضی اللہ عنہ کا غلام ہے، ویسے وہ " ثقہ " ہے۔

الْحَارِثِ مَوْلَى عُثْمَانَ

1650 - وَعَنْ عَامِرِ بْنِ سَعْدِ بْنِ أَبِي وَقَّاصٍ قَالَ: سَمِعْتُ سَعْدًا وَنَاسًا مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - يَقُولُونَ: «كَانَ رَجُلَانِ أَخَوَانِ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَكَانَ أَحَدُهُمَا أَفْضَلَ مِنَ الْآخَرِ، فَتُوُفِّيَ الَّذِي هُوَ أَفْضَلُهُمْ وَعُمِّرَ الْآخَرُ بَعْدَهُ ثُمَّ تُوُفِّيَ، فَذُكِرَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - فَضْلُ الْأَوَّلِ عَلَى الْآخَرِ فَقَالَ: " أَلَمْ يَكُنْ يُصَلِّي؟ " قَالُوا: بَلَى يَا رَسُولَ اللَّهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " مَا يُدْرِيكَ مَا بَلَغَتْ بِهِ صَلَاتُهُ؟ "، ثُمَّ قَالَ عِنْدَ ذَلِكَ: " إِنَّمَا مَثَلُ الصَّلَاةِ كَمَثَلِ نَهْرٍ جَارٍ بِبَابِ رَجُلٍ غَمْرٍ عَذْبٍ، يَقْتَحِمُ فِيهِ كُلَّ يَوْمٍ خَمْسَ مَرَّاتٍ، فَمَاذَا تَرَوْنَ يَبْقَى مِنْ دَرَنِهِ؟» ". رَوَاهُ أَحْمَدُ، وَالطَّبَرَانِيُّ فِي الْأَوْسَطِ إِلَّا أَنَّهُ قَالَ: ثُمَّ عُمِّرَ الْآخَرُ بَعْدَهُ أَرْبَعِينَ لَيْلَةً. وَرِجَالُ أَحْمَدَ رِجَالُ الصَّحِيحِ.

عامر بن سعد بن ابی وقاص بیان کرتے ہیں : میں نے حضرت سعد رضی اللہ عنہ کو ، اور نبی اکرم صلی اللہ علیہ و آلہ وسلم کے کچھ اصحاب کو یہ بیان کرتے ہوئے سنا ہے: نبی اکرم صلی اللہ علیہ و آلہ وسلم کے زمانہ اقدس میں دو افراد تھے، وہ دونوں بھائی تھے، ان میں سے ایک دوسرے سے فضیلت رکھتا تھا، اس شخص کا انتقال ہو گیا جو فضیلت رکھتا تھا، اس کے انتقال کے بعد اس کے دوسرے بھائی کو مزید کچھ زندگی نصیب ہوئی، پھر اس کا بھی انتقال ہو گیا، نبی اکرم صلی اللہ علیہ و آلہ وسلم کے سامنے پہلے بھائی کی دوسرے پر فضیلت کا ذکر کیا گیا ، تو نبی اکرم صلی اللہ علیہ و آلہ وسلم نے ارشاد فرمایا: کیا وہ ( یعنی جو بھائی بعد میں فوت ہوا ہے ) وہ بعد میں نماز ادا نہیں کرتا تھا؟ لوگوں نے عرض کی : جی ہاں ! یا رسول اللہ صلی اللہ علیہ و آلہ وسلم ! نبی اکرم صلی اللہ علیہ و آلہ وسلم نے ارشاد فرمایا: " تمہیں کیا پتہ ؟ کہ اس کی نماز نے اسے کہاں تک پہنچا دیا ہے؟ " پھر اس وقت نبی اکرم صلی اللہ علیہ و آلہ وسلم نے یہ بات ارشاد فرمائی : " نماز کی مثال ، اس نہر کی مانند ہے، جو کسی شخص کے دروازے کے پاس سے گزرتی ہے ، وہ میٹھے اور صاف پانی کی نہر ہوتی ہے، وہ شخص اس میں پانچ مرتبہ ڈبکی لگاتا ہے، تو کیا تم یہ سمجھتے ہو کہ اس کا میل باقی رہ گیا ہو گا؟ "۔ یہ روایت امام احمد نے ، اور امام طبرانی نے معجم اوسط میں نقل کی ہے ، تاہم انہوں نے یہ الفاظ نقل کیے ہیں : " اس کے بعد ، دوسرے بھائی کو ، چالیس دن تک مزید زندگی ملی "۔ امام احمد کے رجال " صحیح " کے رجال ہیں۔

1651 - وَعَنْ أَبِي عُثْمَانَ قَالَ: «كُنْتُ مَعَ سَلْمَانَ تَحْتَ شَجَرَةٍ، فَأَخَذَ غُصْنًا مِنْهَا يَابِسًا فَهَزَّهُ حَتَّى تَحَاتَّ وَرَقُهُ، ثُمَّ قَالَ: يَا أَبَا عُثْمَانَ، أَلَا تَسْأَلُنِي لِمَ أَفْعَلُ هَذَا؟ قُلْتُ: وَلِمَ تَفْعَلُهُ؟ قَالَ: هَكَذَا فَعَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَأَنَا مَعَهُ تَحْتَ شَجَرَةٍ، وَأَخَذَ مِنْهَا غُصْنًا يَابِسًا فَهَزَّهُ حَتَّى تَحَاتَّ وَرَقُهُ، فَقَالَ: " يَا سَلْمَانُ، أَلَا تَسْأَلُنِي لِمَ أَفْعَلُ هَذَا؟ " قُلْتُ " وَلِمَ تَفْعَلُهُ؟ قَالَ: " إِنَّ الْمُسْلِمَ إِذَا تَوَضَّأَ فَأَحْسَنَ الْوُضُوءَ، ثُمَّ صَلَّى الصَّلَوَاتِ الْخَمْسَ - تَحَاتَّتْ خَطَايَاهُ كَمَا يَتَحَاتُّ هَذَا الْوَرَقُ "، وَقَالَ: {أَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ} [هود: 114]». رَوَاهُ أَحْمَدُ وَالطَّبَرَانِيُّ فِي الْأَوْسَطِ وَالْكَبِيرِ. وَفِي إِسْنَادِ أَحْمَدَ عَلِيُّ بْنُ زَيْدٍ، وَهُوَ مُخْتَلَفٌ فِي الِاحْتِجَاجِ بِهِ، وَبَقِيَّةُ رِجَالِهِ رِجَالُ الصَّحِيحِ.

ابو عثمان بیان کرتے ہیں : میں ، حضرت سلمان فارسی رضی اللہ عنہ کے ساتھ ایک درخت کے نیچے موجود تھا، انہوں نے ایک خشک شاخ کو پکڑا ، اسے ہلایا ، تو اس کے پتے گرگئے، پھر انہوں نے فرمایا: اے ابو عثمان ! کیا تم مجھے سے دریافت نہیں کرو گے ؟ کہ میں نے ایسا کیوں کیا ہے؟ انہوں نے بتایا: کہ آیک مرتبہ نبی اکرم صلی اللہ علیہ وآلہ وسلم نے بھی ایسا ہی کیا تھا، اس وقت آپ صلی اللہ علیہ وآلہ وسلم کے ایک درخت کے نیچے موجود تھا، آپ صلی اللہ علیہ وآلہ وسلم نے ایک خشک شاخ پکڑی ، اسے ہلایا ، یہاں تک کہ اس کے پتے گر گئے،تو آپ صلی اللہ علیہ وآلہ وسلم نے ارشاد فرمایا: اے سلمان ! کیا تم مجھ سے یہ نہیں پوچھو گے کہ میں نے ایسا کیوں کیا ہے؟ میں ے عرض کی: آپ نے ایسا کیوں کیا ہے؟ تو نبی اکرم صلی اللہ علیہ وآلہ وسلم نے ارشاد فرمایا: " جب کوئی مسلمان وضو کرتے ہوئے ، اچھی طرح وضو کرے اور پھر پانچ نمازیں ادا کرے ، تو اس کے گناہ یوں گر جاتے ہیں ، جس طرح یہ پتے گر گئے "۔ پھر آپ صلی اللہ علیہ وآلہ وسلم نے یہ آیت تلاوت کی: " دن کے دونوں ححصوں میں، نماز قائم کرو، اور رات کے کچھ حصے میں بھی ، بے شک نیکیاں ، برائیوں کو ختم کر دیتی ہیں، اور یہ چیز نصیحت حاصل کرنے والوں کے لیے نصیحت ہے"۔ یہ روایت امام احمد نے ، امام طبرانی نے معجم اوسط اور معجم کبیر میں نقل کی ہے، امام احمد کی سند میں ایک راوی علی بن زید ہے، اس سے استدلال کرنے کے بارے میں اختلاف کیا گیا ہے، اس روایت کے بقیہ رجال " صحیح " کے رجال ہیں ۔

أَبِي عُثْمَانَ

1652 - وَعَنْ أَنَسِ بْنِ مَالِكٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَثَلُ الصَّلَوَاتِ الْخَمْسِ كَمَثَلِ نَهْرٍ عَذْبٍ جَارٍ - أَوْ غَمْرٍ - عَلَى بَابِ أَحَدِكُمْ يَغْتَسِلُ مِنْهُ كُلَّ يَوْمٍ خَمْسَ مَرَّاتٍ، مَا يَبْقَى عَلَيْهِ مِنْ دَرَنِهِ» ". رَوَاهُ أَبُو يَعْلَى وَالْبَزَّارُ، وَفِيهِ دَاوُدُ بْنُ الزِّبْرِقَانِ، وَهُوَ ضَعِيفٌ.

حضرت انس بن مالک رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : " پانچ نمازوں کی مثال ، صاف پانی کی نہر کی مانند ہے ، جو کسی کے دروازے سے گزرتی ہے، اور وہ روزانہ اس میں پانچ مرتبہ غسل کرتا ہے، تو اس پر کوئی میل باقی نہیں رہ جاتا"۔ یہ روایت امام ابو یعلیٰ اور امام بزار نے نقل کی ہے، اس کی سند میں ایک راوی داؤد بن زبر قان ہے، اور وہ "ضعیف "ہے۔

النَّبِيِّ ← اَنَسِ بْنِ مَالِکٍ،

1653 - وَعَنْ أَبِي أَيُّوبَ الْأَنْصَارِيِّ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ يَقُولُ: " «إِنَّ كُلَّ صَلَاةٍ تَحُطُّ مَا بَيْنَ يَدَيْهَا مِنْ خَطِيئَةٍ» ". رَوَاهُ أَحْمَدُ، وَإِسْنَادُهُ حَسَنٌ.

حضرت ابو ایوب انصاری رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " بے شک ہر نماز اپنے سے پہلے کے گناہوں کو ختم کر دیتی ہے"۔ یہ روایت امام احمد نے نقل کی ہے، اور اس کی سند حسن ہے۔

اَبِیْ اَیُّوْبَ الْاَنْصَارِیِّ