Majma uz Zawaid Wa Manba ul Fawaid

2086 - وَعَنْ أَبِي أُمَامَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «بَشِّرِ الْمُدْلِجِينَ إِلَى الْمَسَاجِدِ فِي الظُّلَمِ بِمَنَابِرَ مِنْ نُورٍ يَوْمَ الْقِيَامَةِ، يَفْزَعُ النَّاسُ وَلَا يَفْزَعُونَ». رَوَاهُ الطَّبَرَانِيُّ فِي الْكَبِيرِ وَفِيهِ سَلَمَةُ الْعَبْسِيُّ عَنْ رَجُلٍ مِنْ أَهْلِ بَيْتِهِ وَلَمْ أَجِدْ مَنْ ذَكَرَهُمَا.

حضرت ابو امامہ رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " تاریکیوں میں مساجد کی طرف جانے والوں کو قیامت کے دن نور کے منبر نصیب ہونے کی خوشخبری دے دو جب لوگ خوف زدہ ہوں گے ، تو یہ لوگ خوف زدہ نہیں ہوں گے "۔ یہ روایت امام طبرانی نے معجم کبیر میں نقل کی ہے ، اس کی سند میں یہ مذکور ہے : سلمہ عبسی نے اپنے اہل خانہ میں سے ایک شخص کے حوالے سے یہ روایت نقل کی ہے، اور میں نے کسی کو ان کا ذکر کرتے ہوئے نہیں پایا ہے۔

اَبِیْ اُمَامَۃَ،

2087 - وَعَنْ سَلْمَانَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «مَنْ تَوَضَّأَ فِي بَيْتِهِ فَأَحْسَنَ الْوُضُوءَ ثُمَّ أَتَى الْمَسْجِدَ فَهُوَ زَائِرُ اللَّهِ، وَحَقٌّ عَلَى الْمَزُورِ أَنْ يُكْرِمَ الزَّائِرَ». رَوَاهُ الطَّبَرَانِيُّ فِي الْكَبِيرِ وَأَحَدُ إِسْنَادَيْهِ رِجَالُهُ رِجَالُ الصَّحِيحِ.

حضرت سلمان فارسی رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جو شخص اپنے گھر سے وضو کرے اور اچھی طرح وضو کرے پھر وہ مسجد میں آئے تو وہ اللہ تعالیٰ کا مہمان ہوتا ہے، اور میزبان کے ذمہ یہ بات لازم ہے کہ مہمان کی عزت افزائی کرے "۔ یہ روایت امام طبرانی نے معجم کبیر میں نقل کی ہے ، اس کی دو اسناد میں سے ایک سند کے رجال " صحیح " کے رجال ہیں۔

النَّبِيِّ ← سَلْمَانَ

2088 - وَعَنْ أَبِي وَاقِدٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «مَنِ اخْتَلَفَ إِلَى هَذِهِ الصَّلَاةِ غُفِرَ لَهُ مَا تَقَدَّمَ مِنْ ذَنْبِهِ» ". رَوَاهُ الطَّبَرَانِيُّ فِي الْكَبِيرِ وَفِيهِ عَبْدُ الْعَزِيزِ بْنُ مُحَمَّدِ بْنِ الْحَسَنِ بْنِ زُبَالَةَ قَالَ ابْنُ حِبَّانَ: بَطَلَ الِاحْتِجَاجُ بِهِ.

حضرت ابو واقد رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جو شخص اس نماز کی طرف یعنی مسجد کی طرف ) آتا جاتا ہے ، اس شخص کے گزشتہ گناہوں کی مغفرت ہو جاتی ہے "۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی عبدالعزیز بن محمد بن حسن بن زبالہ ہے۔ ابن حبان کہتے ہیں : ا س سے استدلال کرنا باطل ہے ۔

أَبِي وَاقِدٍ

2089 - عَنْ سَعْدِ بْنِ أَبِي وَقَّاصٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «إِذَا أَتَيْتَ الصَّلَاةَ فَأْتِهَا بِوَقَارٍ وَسَكِينَةٍ فَصَلِّ مَا أَدْرَكْتَ وَاقْضِ مَا فَاتَكَ». رَوَاهُ الطَّبَرَانِيُّ فِي الْأَوْسَطِ مِنْ رِوَايَةِ أَبِي السَّرِيِّ عَنْ سَعْدٍ، وَلَمْ أَجِدْ مَنْ ذَكَرَهُ، وَبَقِيَّةُ رِجَالِهِ مُوَثَّقُونَ.

حضرت سعد بن ابی وقاص رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " جب تم نماز کی طرف آؤ تو وقار اور سکینت کے ساتھ اس کی طرف آؤ جتنی نماز تمہیں ملے اسے ادا کر لو جو گزر چکی ہو اسے قضا ء کر لو (یعنی بعد میں ادا کر لو) "۔ یہ روایت امام طبرانی نے معجم اوسط میں ابو سری کی حضرت سعید رضی اللہ عنہ سے نقل کر دہ روایت کے طور پر نقل کی ہے میں نے کسی کو اس کا ( یعنی ابو سری ) کا ذکر کرتے ہوئے نہیں پایا ہے ، اس روایت کے بقیہ رجال کی توثیق کی گئی ہے۔

سَعْدَ بْنَ اَبِیْ وَقَّاصِ

2090 - وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا أَتَيْتُمُ الصَّلَاةَ فَأْتُوا وَعَلَيْكُمُ السَكِينَةُ فَصَلُّوا مَا أَدْرَكْتُمْ وَاقْضُوا مَا سُبِقْتُمْ» رَوَاهُ الطَّبَرَانِيُّ فِي الْأَوْسَطِ وَرِجَالُهُ مُوَثَّقُونَ، وَلَهُ طَرِيقٌ رِجَالُهَا رِجَالُ الصَّحِيحِ إِلَّا أَنَّهُ قَالَ: قَالَ حَمَّادٌ: لَا أَعْلَمُهُ إِلَّا قَدْ رَفَعَهُ إِلَى النَّبِيِّ - صَلَّى اللَّهُ عَلَيْهِ وَسَلَّمَ -.

حضرت انس بن مالک رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے :" جب تم نماز کے لئے آؤ تو تم ایسی حالت میں آؤ کہ تم پر سکون ہو جتنی نماز تمہیں ملے اسے ادا کر لو جو پہلے گزر چکی ہو اسے بعد میں ادا کر لو"۔ یہ روایت امام طبرانی نے معجم اوسط میں نقل کی ہے ، اور اس کے رجال کی توثیق کی گئی ہے یہ روایت ایک اور سند کے ساتھ بھی منقول ہے ، اس کے رجال " صحیح " کے رجال ہیں تاہم اس میں الفاظ ہیں حماد بیان کرتے ہیں : میرے علم کے مطابق انہوں نے نبی اکرم صلی اللہ علیہ و آلہ وسلم تک " مرفوع " حدیث کے طور پر یہ بات نقل کی ہے۔

اَنَسِ بْنِ مَالِکٍ،

2091 - وَعَنْ أَبِي قَتَادَةَ قَالَ: «بَيْنَمَا نَحْنُ نُصَلِّي مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِذْ سَمِعَ جَلَبَةَ رِجَالٍ خَلْفَهُ فَلَمَّا قَضَى صَلَاتَهُ قَالَ: " مَا شَأْنُكُمْ؟ " قَالُوا: أَسْرَعْنَا إِلَى الصَّلَاةِ قَالَ: " فَلَا تَفْعَلُوا، لِيُصَلِّ أَحَدُكُمْ مَا أَدْرَكَ، وَلْيَقْضِ مَا فَاتَهُ». رَوَاهُ الطَّبَرَانِيُّ فِي الْأَوْسَطِ وَرِجَالُهُ رِجَالُ الصَّحِيحِ، وَهُوَ مُتَّفَقٌ عَلَيْهِ بِلَفْظِ: " وَمَا سَبَقَكُمْ فَأَتِمُّوا".

حضرت ابوقتادہ رضی اللہ عنہ بیان کرتے ہیں : ایک مرتبہ ہم نبی اکرم صلی اللہ علیہ وآلہ وسلم کی اقتداء میں نماز ادا کر رہے تھے آپ صلی اللہ علیہ وآلہ وسلم نے اپنے پیچھے ( تیزی سے ) چل کر آنے کی آواز سنی جب آپ نے نماز مکمل کی تو دریافت کیا : تم لوگوں کا کیا معاملہ ہے ؟ لوگوں نے عرض کی : ہم نماز کی طرف جلدی آنا چاہ رہے تھے نبی اکرم صلی اللہ علیہ وآلہ وسلم نے ارشاد فرمایا: تم ایسا نہ کرو تم میں سے کوئی شخص جتنی نماز اسے ملے وہ ادا کر لے اور جو پہلے گزر چکی ہو وہ بعد میں مکمل کر لے ۔ یہ روایت امام طبرانی نے معجم اوسط میں نقل کی ہے ۔ اور اس کے رجال " صحیح " کے رجال ہیں ، اور روایت کے یہ الفاظ متفق علیہ ہیں " جو پہلے گزر چکی ہو اسے مکمل کر لو"۔

أَسْرَعْنَا إِلَى الصَّلَاةِ ← «مَا شَأْنُكُمْ»، ← جَلَبَةَ رِجَالٍ خَلْفَهُ فَلَمَّا قَضَى صَلَاتَهُ ← بَیْنَمَا نَحْنُ نُصَلِّیْ مَعَ رَسُوْلِ اللہِ اِذْ ← أَبِي قَتَادَةَ،

2092 - وَعَنْ زَيْدِ بْنِ ثَابِتٍ قَالَ: «كُنْتُ أَمْشِي مَعَ النَّبِيِّ - صَلَّى اللَّهُ عَلَيْهِ وَسَلَّمَ - وَنَحْنُ نُرِيدُ الصَّلَاةَ، فَكَانَ يُقَارِبُ الْخُطَا فَقَالَ: " أَتَدْرُونَ لِمَ أُقَارِبُ الْخُطَا؟ " قُلْتُ: اللَّهُ وَرَسُولُهُ أَعْلَمُ قَالَ: " لَا يَزَالُ الْعَبْدُ فِي الصَّلَاةِ مَا دَامَ فِي طَلَبِ الصَّلَاةِ» ". رَوَاهُ الطَّبَرَانِيُّ فِي الْكَبِيرِ. وَلَهُ فِي رِوَايَةٍ أُخْرَى: " إِنَّمَا فَعَلْتُ هَذَا لِتَكْثِيرِ خُطَايَ فِي طَلَبِ الصَّلَاةِ ". وَفِيهِ الضَّحَّاكُ بْنُ نِبْرَاسٍ وَهُوَ ضَعِيفٌ، وَرَوَاهُ مَوْقُوفًا عَلَى زَيْدِ بْنِ ثَابِتٍ وَرِجَالُهُ رِجَالُ الصَّحِيحِ.

حضرت زید بن ثابت رضی اللہ عنہ بیان کرتے ہیں : میں نبی اکرم صلی اللہ علیہ وآلہ وسلم کے ساتھ چلتا ہوا جا رہا تھا ہمارا نماز کا ارادہ تھا نبی اکرم صلی اللہ علیہ وآلہ وسلم چھوٹے قدم اٹھا رہے تھے آپ صلی اللہ علیہ وآلہ وسلم نے دریافت : کیا تم لوگ یہ بات جانتے ہو میں چھوٹے قدم کیوں اٹھا رہا ہوں ؟ میں نے عرض کی : اللہ اور اس کا رسول بہتر جانتے ہیں ۔ نبی اکرم صلی اللہ علیہ وآلہ وسلم نے ارشاد فرمایا: " بندہ مسلسل نماز کی حالت میں شمار ہوتا ہے ، جب تک وہ نماز کی طلب میں ہوتا ہے "۔ یہ روایت امام طبرانی نے معجم کبیر میں نقل کی ہے ان صحابی کے حوالے سے ایک اور روایت میں یہ الفاظ منقول ہیں: " میں نے ایسا اس لئے کیا ہے تاکہ نماز کی طلب میں میرے قدم زیادہ ہو جائیں"۔ اس روایت کی سند میں ایک راوی ضحاک بن نبر اس ہے ، اور وہ " ضعیف " ہے مصنف نے اسے حضرت زید بن ثابت رضی اللہ عنہ پر " موقوف " روایت کے طور پر بھی نقل کیا ہے، اور اس کے رجال " صحیح " کے رجال ہیں۔

"أتدرون لِمَ أَقاربُ الخطا؟ قلتُ: الله ورسوله أَعلم. ← «كُنْتُ أَمْشِي مَعَ النَّبِيِّ وَنَحْنُ نُرِيدُ الصَّلَاةَ، فَكَانَ يُقَارِبُ الْخُطَا ← زَيْدِ بْنِ ثَابِتٍ،

2093 - وَعَنْ ثَابِتٍ قَالَ: كُنْتُ أَمْشِي مَعَ أَنَسِ بْنِ مَالِكِ بِالزَّاوِيَةِ إِذْ سَمِعَ الْأَذَانَ ثُمَّ قَارَبَ فِي الْخُطَا حَتَّى دَخَلْتُ الْمَسْجِدَ ثُمَّ قَالَ: إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - مَشَى بِي هَذِهِ الْمِشْيَةَ، فَقَالَ: أَتَدْرِي يَا ثَابِتُ لِمَ مَشَيْتُ بِكَ هَذِهِ الْمِشْيَةَ؟ " قُلْتُ: اللَّهُ وَرَسُولُهُ أَعْلَمُ قَالَ: " لِيَكْثُرَ عَدَدُ الْخُطَا فِي طَلَبِ الصَّلَاةِ". رَوَاهُ الطَّبَرَانِيُّ فِي الْكَبِيرِ وَأَسْقَطَ زَيْدَ بْنَ ثَابِتٍ، وَقَدْ رَوَاهُ أَنَسٌ عَنْ زَيْدِ بْنِ ثَابِتٍ وَاللَّهُ أَعْلَمُ، وَفِيهِ الضَّحَّاكُ بْنُ نِبْرَاسٍ وَهُوَ ضَعِيفٌ.

ثابت بیان کرتے ہیں : میں حضرت انس بن مالک رضی اللہ عنہ کے ساتھ " زاویہ " میں چلتا ہوا جا رہا تھا انہوں نے اذان کی آواز سنی پھر چھوٹے قدم اٹھاتے ہوئے چل پڑے یہاں تک کہ میں مسجد میں داخل ہوا پھر انہوں نے بتایا ایک مرتبہ نبی اکرم صلی اللہ علیہ وآلہ وسلم بھی اسی طریقے سے چلتے ہوئے تشریف لے گئے آپ صلی اللہ علیہ وآلہ وسلم نے دریافت کیا: اے انس ! کیا تم جانتے ہو؟ میں اس طرح سے چل کے کیوں آیا ہوں ؟ میں نے عرض کی : اللہ اور اس کا رسول زیادہ بہتر جانتے ہیں ۔ نبی اکرم صلی اللہ علیہ وآلہ وسلم نے فرمایا: تاکہ نماز کی طلب میں قدموں کی تعداد زیادہ ہو جائے ۔ یہ روایت امام طبرانی نے معجم کبیر میں نقل کی ہے ہے ، انہوں نے اس میں حضرت زید بن ثابت رضی اللہ عنہ کا ذکر نہیں کیا حالانکہ یہ روایت حضرت انس رضی اللہ عنہ نے حضرت زید بن ثابت رضی اللہ عنہ کے حوالے سے نقل کی ہے باقی اللہ تعالیٰ بہتر جانتا ہے ، اس کی سند میں ایک راوی ضحاک بن نبراس ہے ، اور وہ " ضعیف" ہے ۔

الْأَذَانَ ثُمَّ قَارَبَ فِي الْخُطَا حَتَّى دَخَلْتُ الْمَسْجِدَ ثُمَّ ← كُنْتُ أَمْشِي مَعَ أَنَسِ بْنِ مَالِكِ بِالزَّاوِيَةِ إِذْ ← وَعَنْ ثَابِتٍ،

2094 - وَعَنْ سَلَمَةَ بْنِ كُهَيْلٍ أَنَّ ابْنَ مَسْعُودٍ سَعَى إِلَى الصَّلَاةِ فَقِيلَ لَهُ: فَقَالَ: أَوَلَيْسَ أَحَقُّ مَا سَعَيْتُمْ إِلَيْهِ الصَّلَاةَ. رَوَاهُ الطَّبَرَانِيُّ فِي الْكَبِيرِ وَسَلَمَةُ لَمْ يَسْمَعْ مِنِ ابْنِ مَسْعُودٍ.

سلمہ بن کہیل بیان کر تے ہیں : حضرت عبداللہ بن مسعود رضی اللہ عنہ نماز کی طرف تیزی سے چلتے ہوئے جا رہے تھے ان سے اس بارے میں دریافت کیا گیا تو انہوں نے فرمایا : کیا نماز ایسی چیز نہیں ہے ، جس کی طرف سے زیادہ تیزی کرنی چاہیے ۔ یہ روایت امام طبرانی نے معجم کبیر میں نقل کی ہے سلمہ نامی راوی نے حضرت عبداللہ بن مسعود رضی اللہ عنہ سے سماع نہیں کیا ہے۔

سَلَمَةُ لَمْ يَسْمَعْ مِنِ ابْنِ مَسْعُودٍ. ← أَوَلَيْسَ أَحَقُّ مَا سَعَيْتُمْ إِلَيْهِ الصَّلَاةَ. رَوَاهُ الطَّبَرَانِيُّ فِي الْكَبِيرِ ← سَلَمَةَ بْنِ كُهَيْلٍ أَنَّ ابْنَ مَسْعُودٍ، سَعَى إِلَى الصَّلَاةِ فَقِيلَ لَهُ:

2095 - وَعَنْ رَجُلٍ مِنْ طَيِّءٍ عَنْ أَبِيهِ أَنَّ ابْنَ مَسْعُودٍ خَرَجَ إِلَى الْمَسْجِدِ فَجَعَلَ يُهَرْوِلُ فَقِيلَ لَهُ: أَتَفْعَلُ هَذَا وَأَنْتَ تَنْهَى عَنْهُ؟ قَالَ: إِنَّمَا أَرَدْتُ حَدَّ الصَّلَاةِ وَالتَّكْبِيرَةَ الْأُولَى. رَوَاهُ الطَّبَرَانِيُّ فِي الْكَبِيرِ وَفِيهِ مَنْ لَمْ يُسَمَّ كَمَا تَرَاهُ. قُلْتُ: وَتَأْتِي أَحَادِيثُ فِي الْمَشْيِ إِلَى الصَّلَاةِ بَعْدُ بِأَبْوَابٍ إِنْ شَاءَ اللَّهُ تَعَالَى.

طے قبیلے سے تعلق رکھنے والے ایک صاحب اپنے والد کے حوالے سے یہ بات نقل کرتے ہیں: حضرت عبداللہ بن مسعود رضی اللہ عنہ مسجد کی طرف جانے کے لئے نکلے تو تیز قدموں سے چلنے لگے ان سے کہا گیا آپ ایسا کر رہے ہیں حالانکہ آپ خود سے منع کر تے ہیں تو انہوں نے فرمایا: میں نے یہ ارادہ کیا ہے کہ نماز کے آغاذ اور تکبیر اولیٰ میں پہنچ جاؤں ۔ یہ روایت امام طبرانی نے معجم کبیر میں نقل کی ہے ، اس کی سند میں ایسا راوی ہے ، جس کا نام بیان نہیں کیا گیا جیسا کہ آپ ملاحظہ فرما سکتے ہیں۔ میں یہ کہتا ہوں : نماز کی طرف چل کر جانے کے بارے میں احادیث کچھ ابواب کے بعد آگے آئیں گی اگر اللہ تعالیٰ نے چاہا۔

أَبِيهِ ← رَجُلٍ مِنْ طَيِّءٍ،

2096 - وَعَنْ عَلِيِّ بْنِ أَبِي طَالِبٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - «كَانَ إِذَا دَخَلَ الْمَسْجِدَ قَالَ: " اللَّهُمَّ افْتَحْ لِي أَبْوَابَ رَحْمَتِكَ "وَإِذَا خَرَجَ قَالَ: " اللَّهُمَّ افْتَحْ لِي أَبْوَابَ فَضْلِكَ» ". رَوَاهُ أَبُو يَعْلَى وَفِيهِ صَالِحُ بْنُ مُوسَى وَهُوَ مَتْرُوكُ الْحَدِيثِ.

حضرت علی بن ابو طالب رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم جب مسجد میں داخل ہوتے تھے تو یہ پڑھتے تھے : " اے اللہ ! تو میرے لئے اپنی رحمت کے دروازے کھول دے "۔ ( اور جب آپ مسجد سے ) باہر تشریف لاتے تھے تو یہ پڑھتے تھے۔ " اے اللہ ! میرے لئے اپنے فضل کے دروازے کھول دے "۔ یہ روایت امام ابو یعلیٰ نے نقل کی ہے ، اس کی سند میں ایک راوی صالح بن موسیٰ ہے ، اور وہ متروک الحدیث ہے ۔

عَلِيِّ بْنِ أَبِي طَالِبٍ

2097 - وَعَنِ ابْنِ عُمَرَ قَالَ: «عَلَّمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْحَسَنَ بْنَ عَلِيٍّ إِذَا دَخَلَ الْمَسْجِدَ أَنْ يُصَلِّيَ عَلَى النَّبِيِّ - صَلَّى اللَّهُ عَلَيْهِ وَسَلَّمَ - وَيَقُولُ: " اللَّهُمَّ اغْفِرْ لَنَا ذُنُوبَنَا وَافْتَحْ لَنَا أَبْوَابَ رَحْمَتِكَ " وَإِذَا خَرَجَ صَلَّى عَلَى النَّبِيِّ - صَلَّى اللَّهُ عَلَيْهِ وَسَلَّمَ - وَقَالَ: " اللَّهُمَّ افْتَحْ لَنَا أَبْوَابَ فَضْلِكَ». رَوَاهُ الطَّبَرَانِيُّ فِي الْأَوْسَطِ وَفِيهِ سَالِمُ بْنُ عَبْدِ الْأَعْلَى وَهُوَ مَتْرُوكٌ.

حضرت عبداللہ بن عمر رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے حضرت امام حسن بن علی رضی اللہ عنہ کو اس بات کی تعلیم دی کہ جب وہ مسجد میں داخل ہو ں تو نبی اکرم صلی اللہ علیہ وآلہ وسلم پر درود بھیجیں اور یہ دعا پڑھیں : " اے اللہ تو ہمارے گناہوں کی مغفرت کر دے اور ہمارے لئے اپنی رحمت کے دروازے کھول دے "۔ اور جب وہ مسجد سے باہر آئیں تو نبی اکرم صلی اللہ علیہ وآلہ وسلم پر درود بھیجیں اور یہ پڑھیں: اے اللہ ! تو ہمارے لئے اپنے فضل کے دروازے کھول دے "۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی سالم بن عبدالا علیٰ ہے ، اور وہ متروک ہے ۔

«عَلَّمَ رَسُولُ اللَّهِ الْحَسَنَ بْنَ عَلِيٍّ إِذَا دَخَلَ الْمَسْجِدَ ← ابْنِ عُمَرَ