Majma uz Zawaid Wa Manba ul Fawaid

3010 - وَعَنْ أَبِي سَلَمَةَ قَالَ: سَمِعْتُ أَبَا هُرَيْرَةَ وَأَبَا سَعِيدٍ يَذْكُرَانِ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ فِي الْجُمُعَةِ سَاعَةً لَا يُوَافِقُهَا عَبْدٌ وَهُوَ يُصَلِّي يَسْأَلُ اللَّهَ فِيهَا شَيْئًا إِلَّا أَعْطَاهُ إِيَّاهُ» " قَالَ: وَعَبْدُ اللَّهِ بْنُ سَلَامٍ يَذْكُرُ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: نَعَمْ، هِيَ آخِرُ سَاعَةٍ قُلْتُ: إِنَّمَا قَالَ وَهُوَ يُصَلِّي وَلَيْسَتْ تِلْكَ سَاعَةَ صَلَاةٍ، قَالَ: أَمَا سَمِعْتَ - أَوْ أَمَا بَلَغَكَ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «مَنِ انْتَظَرَ الصَّلَاةَ فَهُوَ فِي صَلَاةٍ» ". قُلْتُ: حَدِيثُ أَبِي هُرَيْرَةَ فِي الصَّحِيحِ وَحَدِيثُ ابْنِ سَلَامٍ فِي الصَّحِيحِ وَلَكِنَّهُ مَوْقُوفٌ. رَوَاهُ الْبَزَّارُ وَرِجَالُهُ رِجَالُ الصَّحِيحِ.

ابو سلمہ بیان کرتے ہیں : میں نے حضرت ابو ہریرہ رضی اللہ عنہ اور حضرت ابو سعید خدری رضی اللہ عنہ کو نبی اکرم صلی اللہ علیہ وآل وسلم کے حوالے سے یہ بات ذکر کرتے ہوئے سنا ہے : آپ نے ارشاد فرمایا: " جمعہ کےدن میں ایک گھڑیئ ایسی ہے کہ جس میں جو بندہ نماز ادا کرتے ہوئے اللہ تعالی سے جو بھی چیز مانگتا ہے اللہ تعالی وہ چیز اسے عطاکر دیتا ہےراوی بیان کرتے ہیں : حضرت عبداللہ بن سلام نے نبی اکرم صلی اللہ علیہ وآل وسلم کے حوالے سے یہ بات ذکر کی جی ہاں ! وہ (جمعہ کے دن کی ) آخری گھڑی ہوتی ہے میں نے کہا نبی اکرم صلی اللہ علیہ وآل وسلم نے تو یہ ارشاد فرمایا ہے : وہ بندہ اس وقت نماز ادا کر رہا ہو اور اس آخری گھڑی میں تو نماز ادا نہیں کی جاتی ہے ، توحضرت عبداللہ بن سلام نے فرمایا : کیا تم نے یہ بات نہیں سنی ہے ( راوی کو شک ہے شاید یہ الفاظ ہیں : ) کیا تم تک یہ بات نہیں پہنچی ہے ۔ نبی اکرم صلی اللہ علیہ وآل وسلم نے ارشاد فرمایا ہے : " جو شخص نماز کا انتظار کرتا ہے وہ نماز کی حالت میں شمار ہوتا ہے " ۔ ( علامہ ہیثمی فرماتے ہیں : ) میں یہ کہتا ہوں : حضرت ابو ہریرہ رضی اللہ عنہ سے منقول حدیث " صحیح " میں مذکور ہے حضرت عبداللہ بن سلام سے منقول حدیث بھی " صحیح " میں مذکور ہے تاہم وہ روایت " موقوف" ہے۔ یہ روایت امام بزارنے نقل کی ہے اور اس کے رجال " صحیح " کے رجال ہیں ۔

أَبَا هُرَيْرَةَ وَأَبَا سَعِيدٍ يَذْكُرَانِ ← اَبِیْ سَلَمَۃَ

3011 - وَعَنْ عَلِيِّ بْنِ أَبِي طَالِبٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ فِي الْجُمُعَةِ لَسَاعَةً لَا يُوَافِقُهَا مُسْلِمٌ يَسْأَلُ اللَّهَ فِيهَا خَيْرًا إِلَّا أَعْطَاهُ إِيَّاهُ» ". رَوَاهُ الْبَزَّارُ وَرِجَالُهُ ثِقَاتٌ كُلُّهُمْ.

حضرت علی بن ابو طالب رضی اللہ عنہ نبی اکرم صلی اللہ علیہ وآل وسلم کا یہ فرمان نقل کرتے ہیں : " جمعہ کے دن میں ایک گھڑی ایسی ہے کہ جو بھی مسلمان اس گھڑی میں اللہ تعالی سے جو بھی بھلائی مانگتا ہے اللہ تعالی اسے عطا کر دیتا ہے " ۔ یہ روایت امام باار نے نقل کی ہے اوراس کے تمام رجال "ثقہ " ہیں ۔

عَلِيِّ بْنِ أَبِي طَالِبٍ

3012 - وَعَنْ أَنَسٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «ابْتَغُوا السَّاعَةَ الَّتِي تُرْجَى فِي الْجُمُعَةِ مَا بَيْنَ الْعَصْرِ إِلَى غَيْبُوبَةِ الشَّمْسِ وَهِيَ قَدْرُ هَذَا - يَعْنِي: قَبْضَةً» ". رَوَاهُ الطَّبَرَانِيُّ فِي الْأَوْسَطِ وَفِيهِ ابْنُ لَهِيعَةَ وَاخْتُلِفَ فِي الِاحْتِجَاجِ بِهِ وَبَقِيَّةُ رِجَالِهِ ثِقَاتٌ وَهُوَ عِنْدَ التِّرْمِذِيِّ دُونَ قَوْلِهِ: "وَهِيَ قَدْرُ هَذَا ".

حضرت انس رضی اللہ عنہ نبی اکرم صلی اللہ علیہ وآل وسلم کا یہ فرمان نقل کرتے ہیں :" جمعہ کے دن میں جس گھڑی کی تلاش ہوتی ہے اسے عصر کے بعد سے لے کر سورج غروب ہونے تک کے درمیانی وقت میں تلاش کرو اور وہ اتنی ہوتی ہے "۔ راوی کہتے ہیں : یعنی مٹھی بھر ہوتی ہے ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی ابن لہیعہ ہے ، جس سے استدلال کرنے کے بارے میں اختلاف کیا گیا ہے اس کے بقیہ رجال "ثقہ " ہیں یہ روایت امام ترمذی نے نقل کی ہے تاہم اس میں یہ الفاظ نہیں ہیں : " وہ اس قدر ہوتی ہے "۔

أَنَسٍ،

3013 - وَعَنْ فَاطِمَةَ بِنْتِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - عَنْ أَبِيهَا رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ فِي الْجُمُعَةِ لَسَاعَةً لَا يُوَافِقُهَا عَبْدٌ مُسْلِمٌ يَسْأَلُ اللَّهَ فِيهَا خَيْرًا إِلَّا أَعْطَاهُ إِيَّاهُ» ". رَوَاهُ الطَّبَرَانِيُّ فِي الْأَوْسَطِ وَمَرْجَانَةُ لَمْ تُدْرِكْ فَاطِمَةَ وَهِيَ مَجْهُولَةٌ وَفِيهِ مَجَاهِيلُ غَيْرُهَا.

نبی اکرم صلی اللہ علیہ وآل وسلم کی صاحبزادی سیدہ فاطمہ رضی اللہ عنہا اپنے والد نبی اکرم صلی اللہ علیہ وآل وسلم کا یہ فرمان نقل کرتی ہیں " جمعہ کے دن میں ایک گھڑی ہوتی ہے جس میں کوئی مسلمان بندہ اللہ تعالی سے جو بھی بھلائی مانگے اللہ تعالی وہ چیز اسے عطا کر دیتا ہے " ۔ یہ رایت امام طبرانی نے معجم اوسط میں نقل کی ہے مرجانہ نامی راوی خاتون نے سیدہ فاطمہ رضی اللہ عنہا کا زمانہ نہیں پایا ہے مرجانہ مجہول عورت ہے اس روایت کی سند میں اس عورت کے علوہ دیگر مجہول راوی بھی پائے جاتے ہیں ۔

أَبِيهَا رَسُولِ اللَّهِ ← فاطمة بنت رسول الله

3014 - وَعَنْ أَبِي سَلَمَةَ قَالَ: كَانَ أَبُو هُرَيْرَةَ يُحَدِّثُنَا عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنَّهُ قَالَ: " «إِنَّ فِي الْجُمُعَةِ لَسَاعَةً لَا يُوَافِقُهَا مُسْلِمٌ هُوَ يُصَلِّي يَسْأَلُ اللَّهَ خَيْرًا إِلَّا آتَاهُ إِيَّاهُ ". قَالَ: وَقَلَّلَهَا أَبُو هُرَيْرَةَ بِيَدِهِ قَالَ: فَلَمَّا تُوُفِّيَ أَبُو هُرَيْرَةَ قُلْتُ: وَاللَّهِ لَقَدْ جِئْتُ أَبَا سَعِيدٍ فَسَأَلْتُهُ عَنْ هَذِهِ السَّاعَةِ إِنْ يَكُنْ عِنْدَهُ مِنْهَا عَلَمٌ فَأَتَيْتُهُ فَوَجَدْتُهُ يُقَوِّمُ عَرَاجِينَ فَقُلْتُ: يَا أَبَا سَعِيدٍ مَا هَذِهِ الْعَرَاجِينُ الَّتِي أَرَاكَ تُقَوِّمُ؟ قَالَ: هَذِهِ عَرَاجِينُ جَعَلَ اللَّهُ لَنَا فِيهَا بَرَكَةً، كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يُحِبُّهَا وَيَتَخَصَّرُ بِهَا، فَكُنَّا نُقَوِّمُهَا وَنَأْتِيهِ بِهَا، فَرَأَى بُصَاقًا فِي قِبْلَةِ الْمَسْجِدِ وَفِي يَدِهِ عُرْجُونٌ مِنْ تِلْكَ الْعَرَاجِينِ فَحَكَّهُ وَقَالَ: " إِذَا كَانَ أَحَدُكُمْ فِي صَلَاتِهِ فَلَا يَبْصُقَنَّ أَمَامَهُ فَإِنَّ رَبَّهُ أَمَامَهُ وَلْيَبْصُقْ عَنْ يَسَارِهِ أَوْ تَحْتَ قَدَمِهِ "، قَالَ: ثُمَّ قَالَ سَرِيحٌ فَإِنْ لَمْ يَجِدْ مَبْصَقًا فَفِي ثَوْبِهِ أَوْ نَعْلِهِ. قَالَ: ثُمَّ هَاجَتِ السَّمَاءُ مِنْ تِلْكَ اللَّيْلَةِ فَلَمَّا خَرَجَ النَّبِيُّ - صَلَّى اللَّهُ عَلَيْهِ وَسَلَّمَ - لِصَلَاةِ الْعِشَاءِ الْآخِرَةِ بَرَقَتْ بَرْقَةً فَرَأَى قَتَادَةَ بْنَ النُّعْمَانِ فَقَالَ: " مَا السُّرَى يَا قَتَادَةُ؟ " قَالَ: عَلِمْتُ يَا رَسُولَ اللَّهِ أَنَّ شَاهِدَ الصَّلَاةِ قَلِيلٌ فَأَحْبَبْتُ أَنْ أَشْهَدَهَا قَالَ: "فَإِذَا صَلَّيْتَ فَاثْبُتْ حَتَّى أَمُرَّ بِكَ"، فَلَمَّا انْصَرَفَ أَعْطَاهُ الْعُرْجُونَ قَالَ: "خُذْ هَذَا فَسَيُضِيءُ لَكَ أَمَامَكَ عَشْرًا وَخَلْفَكَ عَشْرًا، فَإِذَا دَخَلْتَ الْبَيْتَ وَرَأَيْتَ سَوَادًا فِي زَاوِيَةِ الْبَيْتِ فَاضْرِبْهُ قَبْلَ أَنْ تَتَكَلَّمَ فَإِنَّهُ لَشَيْطَانٌ "، قَالَ: فَفَعَلَ فَنَحْنُ نُحِبُّ هَذِهِ الْعَرَاجِينَ لِذَلِكَ. قَالَ: قُلْتُ: يَا أَبَا سَعِيدٍ إِنَّ أَبَا هُرَيْرَةَ حَدَّثَنَا عَنِ السَّاعَةِ الَّتِي فِي الْجُمُعَةِ فَهَلْ عِنْدَكَ عِلْمٌ فِيهَا؟ فَقَالَ: سَأَلْنَا رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَنْهَا فَقَالَ: " إِنِّي كُنْتُ أُعْلِمْتُهَا ثُمَّ أُنْسِيتُهَا كَمَا أُنْسِيتُ لَيْلَةَ الْقَدْرِ» ". قُلْتُ: حَدِيثُ أَبِي هُرَيْرَةَ فِي الصَّحِيحِ، وَحَدِيثُ أَبِي سَعِيدٍ فِي حَكِّ الْبُصَاقِ أَيْضًا. رَوَاهُ أَحْمَدُ وَالْبَزَّارُ بِنَحْوِهِ وَزَادَ: ثُمَّ «خَرَجْتُ مِنْ عِنْدِهِ - يَعْنِي: مِنْ عِنْدِ أَبِي سَعِيدٍ - حَتَّى أَتَيْتُ دَارَ رَجُلٍ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: قُلْتُ: هَذَا رَجُلٌ قَدْ قَرَأَ التَّوْرَاةَ وَصَحِبَ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: فَدَخَلْتُ عَلَيْهِ فَقُلْتُ: أَخْبِرْنِي عَنْ هَذِهِ السَّاعَةِ الَّتِي كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقُولُ فِيهَا مَا يَقُولُ فِي يَوْمِ الْجُمُعَةِ؟ قَالَ: نَعَمْ، خَلَقَ اللَّهُ آدَمَ يَوْمَ الْجُمُعَةِ وَأَسْكَنَهُ الْجَنَّةَ يَوْمَ الْجُمُعَةِ وَأَهْبَطَهُ إِلَى الْأَرْضِ يَوْمَ الْجُمُعَةِ وَتَوَفَّاهُ يَوْمَ الْجُمُعَةِ، وَهُوَ الْيَوْمُ الَّذِي تَقُومُ فِيهِ السَّاعَةُ، وَهِيَ آخَرُ سَاعَةٍ مِنْ يَوْمِ الْجُمُعَةِ قَالَ: قُلْتُ: أَلَسْتَ تَعْلَمُ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " فِي صَلَاةٍ؟ " قَالَ: أَوَلَسْتَ تَعْلَمُ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " مَنِ انْتَظَرَ صَلَاةً فَهُوَ فِي صَلَاةٍ» ". وَرِجَالُهُمَا رِجَالُ الصَّحِيحِ.

ابو سلمہ بیان کرتے ہیں : حضرت ابو ہریرہ رضی اللہ عنہ ہمیں نبی اکرم صلی اللہ علیہ وآل وسلم کے حوالے سے ہمیں احادیث بیان کر رہے تھے انہوں نے یہ بات بیان کی جمعہ کے دن میں ایک گھڑی ایسی ہوتی ہے کہ جس میں کوئی مسلمان شخص نماز ادا کر رہا ہو اور اس دوران وہ مسلمان اللہ تعالی سے جو بھی بھلائی مانگے تو اللہ تعالی وہ چیز اسے عطا کر دیتا ہے راوی بیان کرتے ہیں : حضرت ابو ہریرہ رضی اللہ عنہ نے اپنے ہاتھ کے ذریعے اشارہ کر کے بیان کیا کہ وہ گھڑی تھوڑی سی ہوتی ہے ۔ راوی بیان کرتے ہیں : جب حضرت ابو ہریرہ رضی اللہ عنہ کا انتقال ہو گیا تو میں نے سوچا اللہ کی قسم میں حضرت ابو سعید خدری رضی اللہ عنہ کے پاس جاؤں گا اور ان سے اس گھڑی کے بارے میں دریافت کروں گا ہو سکتا ہے ان کے پاس اس بارے میں کوئی علم ہو میں ان کے پاس آیا تو میں نے انہیں دیکھا کہ وہ ٹہنیاں ٹھیک کر رہے تھے میں نے کہا: اے ابو سعید یہ ٹہنیاں کیا ہیں ؟ جو میں دیکھ رہا ہوں کہ آپ ٹھیک کر رہے ہیں انہوں نے فرمایا : یہ وہ ٹہنیاں ہیں جن میں اللہ تعالی نے ہمارے لئے برکت رکھی ہے ۔ نبی اکرم صلی اللہ علیہ وآل وسلم ان سےئ محبت رکھتے تھےاور ان کو استعمال کرتے تھے تو ہم ان کو ٹھیک رکھتے ہیں اور ان کے پاس آ جاتے ہیں ایک مرتبہ نبی اکرم صلی اللہ علیہ وآل وسلم نے مسجد کی قبلہ کی سمت میں بلغم لگا ہو ا دیکھا آپ کے دست مبارک میں اس طرح کی ایک ٹہنی ( یا چھری ) تھی تو آپ نے اس کے ذریعے اس کو کھرچ دیا اور آپ نے ارشاد فرمایا : جب کوئی شخص نماز ادا کر رہا ہو تو وہ سامنے کی طرف ہر گز نہ تھوکے کیونکہ اس کا پروردگار اس کے سامنے کی طرف ہوتا ہے اسے بائیں طرف یا اپنے پاؤں ے نیچے تھوکنا چاہیئے ۔ راوی بیان کرتے ہیں : پھر سریح نامی راوی نے یہ بات بیان کی : کہ اگر اسے تھوکنے کے لئے جگہ نہیں ملتی تو وہ اپنے کپڑے میں یا اپنے جوتے میں تھوک لے ۔ راوی بیان کرتے ہیں : پھر اسی رات بارش ہو گئی ۔نبی اکرم صلی اللہ علیہ وآل وسلم عشاء کی نماز کے لئے تشریف لائے بجلی چمکی تو آپ نے حضرت قتادہ بن نعمان کو دیکھا آپ نے دریافت کہا : اے قتادہ کیا معاملہ ہے انہوں نے عرض کی : یا رسول اللہ ! مجھے یہ بات پتہ ہے کہ آج رات نماز میں شریک ہونے والے لوگ کم ہوں گے ، تو میں نے اس بات کو پسند کیا کہ میں اس میں شریک ہو جاؤں نبی اکرم صلی اللہ علیہ وآل وسلم نے ارشاد فرمایا : جب نماز ادا کر لو تو اپنی جگہ پر رہنا جب تک میں تمہارے پاس سے نہیں گزرتا جب وہ نماز پڑھ کر فارغ ہوئے تونبی اکرم صلی اللہ علیہ وآل وسلم نے انہیں ایک شاخ دی آپ نے فرمایا : اسے لے لو یہ تمہارے آگے دس قدم اور پیچھے دس قدم روشنی کرے گی جب تم گھر میں داخل ہو گے تو گھر کے کونے میں تمہیں ایک ہیولی نظر آئے گا تم کسی کے ساتھ بات چیت کرنے سے پہلے اس کو مارنا کیونکہ شیطان ہو گا حضرت ابو سعید خدری رضی اللہ عنہ نے بتایا انہوں نے ایسا ہی کیا تو ہم اس وجہ سے ان چھڑیوں کو پسند کرتے ہیں ۔ راوی بیان کرتے ہیں : میں نے کہا : اے حضرت ابو سعید ! حغضرت ابو ہریرہ رضی اللہ عنہ نے ہمیں اس گھڑی کے بارے میں حدیث بیان کی تھی جو جمعہ کے دن میں ہوتی ہے تو کیا آپ کے پاس اس کے بارے میں کوئی علم ہے انہوں نے فرمایا : ہم نے اس بار ےمیں نبی اکرم صلی اللہ علیہ وآل وسلم سے دریافت کیا تھا تو آپ نے ارشاد فرمای : مجھے اس کا علم دیا گیا تھا پھر وہ مجھے بھلا دیا گیا جس طرح مجھے شب قدر بھلا دی گئی تھی۔ ( علامہ ہیثمی فرماتے ہیں : ) میں یہ کہتا ہوں : حضرت ابو ہریرہ رضی اللہ عنہ سے منقول حدیث " صحیح " میں مذکور ہے اور حضرت ابو سعید خدری رضی اللہ عنہ کے حوالے سے منقول حدیث جو بلغم کو کھرچنے کے بارے میں ہے وہ بھی "صحیح" میں منقول ہے ۔یہ رایت امام احمد نے نقل کی ہے امام بزار نے اس کی مانندروایت نقل کی ہے اور یہ بات زائد نقل کی ہے:" پھر میں ان کے پاس س راوی کہتے ہیں: یعنی حضرت ابو سعید خدری رضی اللہ عنہ کے پاس سے نکلا یہاں تک کہ میں نے نبی اکرم صلی اللہ علیہ وآل وسلم کے اصحاب میں سے ایک صاحب کے گھر آیا میں نے سوچایہ صاحب تورات کے بھی عالم ہیں اور نبی اکرم صلی اللہ علیہ وآل وسلم کے صحابی بھی ہیں راوی کہتے ہیں : میں ان کی خدمت میں حاضر ہوا میں نے کہا آپ مجھے اس گھڑی کے بارے میں بتائیے جس کے بارے میں نبی اکرم صلی اللہ علیہ وآل وسلم یہ فرماتے تھے جو بھی آپ جمعہ کے دن کے بارے میں فرماتے تھے تو انہوں نے فرمایا:جی ہاں ! اللہ تعالی نے حضرت آدم علیہ السلام کو جمعہ کے دن پیدا کی تھا انہیں جمعہ کے دن جنت میں رہنے کے لئے ٹھہرایاتھا انہیں جمعہ کے دن زمین پر اتارا تھا انہیں جمعہ کے دن وفات دی تھی یہ وہ دن ہے جس میں ایک گھڑی ہوتی ہے اور یہ جمعہ کے دن کی آخری گھڑی ہوتی ہے راوی بیان کرتے ہیں : میں نے عرض کی: کیا آپ یہ نہیں جانتے کہ نبی اکرم صلی اللہ علیہ وآل وسلم نے ارشاد فرمایا ہے: (مسلمان بندہ ) نماز کے دوران (دعا مانگے، تو دعا قبول ہوتی ہے) تو انہوں نے فرمایا :کیا تم یہ بات نہیں جانتے ہو نبی اکرم صلی اللہ علیہ وآل وسلم نے ارشاد فرمایا ہے: جو شخص نماز کا انتظار کر رہا ہو وہ نماز کی حالت میں شمار ہوتا ہے"۔ ان دونوں روایات کے رجال "صحیح " کے رجال ہیں ۔

كَانَ أَبُو هُرَيْرَةَ يُحَدِّثُنَا، ← اَبِیْ سَلَمَۃَ

3015 - وَعَنْ مَيْمُونَةَ بِنْتِ سَعْدٍ أَنَّهَا قَالَتْ: «أَفْتِنَا يَا رَسُولَ اللَّهِ عَنْ صَلَاةِ الْجُمُعَةِ قَالَ: " فِيهَا سَاعَةٌ لَا يَدْعُو الْعَبْدُ فِيهَا رَبَّهُ إِلَّا اسْتَجَابَ لَهُ " قُلْتُ: أَيُّ سَاعَةٍ هِيَ يَا رَسُولَ اللَّهِ؟ قَالَ: " ذَلِكَ حِينَ يَقُومُ الْإِمَامُ» ". رَوَاهُ الطَّبَرَانِيُّ فِي الْكَبِيرِ وَفِي إِسْنَادِهِ مَجَاهِيلُ.

سیدہ میمونہ بنت سعید رضی اللہ عنہا بیان کرتی ہیں : انہوں نے عرض کی : یا رسول اللہ ! جمعہ کی نماز کے بارے میں آپ ہمیں حکم بیان کیجئے نبی اکرم صلی اللہ علیہ وآل وسلم نے ارشاد فرمایا : اس ( یعنمی جمعہ کے دن ) میں ایک گھڑی ایسی ہے، جس میں بندہ اپنے پروردگار سے جو دعا مانگتا ہے پروردگار وہ دعا قبول کرتا ہے میں نے عرض کی : یا رسول اللہ ! وہ گھڑی کون سی ہےآپ نے فرمایا : وہ گھڑی جب امام کھڑا ہوتا ہے ۔ یہ روایت امام طبرانی نے معجم کبیر میں نقل کی ہےاور اس کی سند میں مجہول راوی ہیں ۔

أَفْتِنَا ← وَعَنْ مَيْمُونَةَ بِنْتِ سَعْدٍ أَنَّهَا

3016 - وَعَنْ عَوْفِ بْنِ مَالِكٍ قَالَ: إِنِّي لَأَرْجُو أَنْ تَكُونَ سَاعَةَ الْجُمُعَةِ فِي إِحْدَى السَّاعَاتِ الثَّلَاثِ؛ إِذَا أَذَّنَ الْمُؤَذِّنُ، وَمَا دَامَ الْإِمَامُ عَلَى الْمِنْبَرِ، وَعِنْدَ الْإِقَامَةِ. رَوَاهُ الطَّبَرَانِيُّ فِي الْكَبِيرِ وَفِيهِ عَبْدُ اللَّهِ بْنُ صَالِحٍ وَقَدِ اخْتُلِفَ فِي الِاحْتِجَاجِ بِهِ.

حضرت عوف بن مالک رضی اللہ عنہ بیان کرتے ہیں : مجھے یہ امید ہے کہ جمعہ کے دن کی تین گھڑیوں میں سے کوئی ایک گھڑی یہ ہوتی ہے جب مؤذن اذان دے جب تک امام منبر پر رہے اور اقامت کے وقت ۔ یہ روایت امام طبرانی نے معجم کبیر میں نقل کی ہےا س کی سند میں ایک راوی عبداللہ بن صالح ہے جس سے استدلال کرنے کے بارے میں اختلاف کیا گیا ہے ۔

إِنِّي «لَأَرْجُو ← عَوْفِ بْنِ مَالِكٍ،

3017 - عَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ قَرَأَ حم الدُّخَانَ فِي لَيْلَةِ الْجُمُعَةِ أَوْ يَوْمِ الْجُمُعَةِ بَنَى اللَّهُ لَهُ بَيْتًا فِي الْجَنَّةِ» ". رَوَاهُ الطَّبَرَانِيُّ فِي الْكَبِيرِ وَفِيهِ فَضَالُ بْنُ جُبَيْرٍ وَهُوَ ضَعِيفٌ جِدًّا.

حضرت ابو امامہ رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : "جو شخص شب جمعہ میں یا جمعہ کے دن میں سورۃ حم الدخان کی تلاوت کر لیتا ہے ، تو اللہ تعالی اس کے لئے جنت میں گھر بنا دیتا ہے "۔ یہ روایت امام طبرنی نے معجم کبیر میں نقل کی ہے اس کی سند میں ایک راوی فضال بن جبیر ہے اور وہ انتہائی "ضعیف" ہے ۔

اَبِیْ اُمَامَۃَ،

3018 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ قَرَأَ السُّورَةَ الَّتِي يُذْكَرُ فِيهَا آلُ عِمْرَانَ يَوْمَ الْجُمُعَةِ صَلَّى اللَّهُ عَلَيْهِ وَمَلَائِكَتُهُ حَتَّى تَغِيبَ الشَّمْسُ» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ وَفِيهِ طَلْحَةُ بْنُ زَيْدٍ الرَّقِّيُّ وَهُوَ ضَعِيفٌ.

حضرت عبداللہ بن عباس رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " جو شخص جمعہ کے دن اس سورت کی تلاوت کرتا ہے جس میں آل عمران کا تذکرہ ہے تو اللہ تعالی اور اس کے فرشتے سورج غروب ہونے تک اس شخص پر رحمت نازل کرتے رہتے ہیں " یہ روایت امام طبرانی نے معجم اوسط اور معجم کبیر میں نقل کی ہے اس کی سند میں ایک راوی بن زید رقی ہے اور وہ "ضعیف" ہے۔

ابْنِ عَبَّاسٍ،

3019 - عَنْ أَنَسِ بْنِ مَالِكٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَنْ قَالَ قَبْلَ صَلَاةِ الْغَدَاةِ يَوْمَ الْجُمُعَةِ ثَلَاثَ مَرَّاتٍ أَسْتَغْفِرُ اللَّهَ الَّذِي لَا إِلَهَ إِلَّا هُوَ وَأَتُوبُ إِلَيْهِ غُفِرَتْ ذُنُوبُهُ وَإِنْ كَانَتْ أَكْثَرَ مِنْ زَبَدِ الْبَحْرِ» ". رَوَاهُ الطَّبَرَانِيُّ فِي الْأَوْسَطِ وَفِيهِ عَبْدُ الْعَزِيزِ بْنُ عَبْدِ الرَّحْمَنِ الْبَالِسِيُّ وَهُوَ ضَعِيفٌ جِدًّا.

حضرت انس بن مالک رضی اللہ عنہ نبی اکرم صلی اللہ علیہ وآل وسلم کا یہ فرمان نقل کرتے ہیں ۔" جو شخس جمعہ کے دن فجر کی نماز سے پہلے تین مرتبہ یہ پڑھ لیتا ہے :" میں اللہ تعالی سے مغفرعت طلب کرتا ہوں جس کے علاوہ اور کوئی معبود نہیں ہے اور میں اس کی بار گاہ میں توبہ کرتا ہوں " ( نبی اکرم صلی اللہ علیہ وآل وسلم فرماتے ہیں ) تو اس شخص کے گناہوں کی مغفرت ہو جاتی ہے اگرچہ وہ سمندر کے جھاگ سے زیادہ ہوں ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی عبدالعزیز بن عبدالرحمن بالسی ہے اور وہ انتہائی " ضعیف " ہے ۔

مَنْ ← النَّبِيِّ ← اَنَسِ بْنِ مَالِکٍ،

3020 - عَنْ أَبِي عُبَيْدَةَ بْنِ الْجَرَّاحِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا مِنَ الصَّلَوَاتِ صَلَاةٌ أَفْضَلُ مِنْ صَلَاةِ الْفَجْرِ يَوْمَ الْجُمُعَةِ فِي الْجَمَاعَةِ وَمَا أَحْسَبُ مَنْ شَهِدَهَا مِنْكُمْ إِلَّا مَغْفُورًا لَهُ» ". رَوَاهُ الْبَزَّارُ وَالطَّبَرَانِيُّ فِي الْكَبِيرِ وَالْأَوْسَطِ كُلُّهُمْ مِنْ رِوَايَةِ عُبَيْدِ اللَّهِ بْنِ زَحْرٍ عَنْ عَلِيِّ بْنِ يَزِيدَ وَهُمَا ضَعِيفَانِ.

حضرت ابو عبیدہ بن جراح رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " کوئی بھی نماز، جمعہ کے دن فجر کی نماز با جماعت ادا کرنے سے زیادہ فضیلت نہیں رکھتی اور میں یہ سمجھتا ہوں کہ تم میں جو بھی شخص اس میں شریک ہو گا اس کی مغفرت ہو جائے گی "۔ یہ روایت امام بزار اور امام طبرانی نے معجم کبیر اور معجم اوسط میں نقل کی ہے ان سب حضرات نے اسے عبیداللہ بن زحر کے حوالے سے علی بن زید سے نقل کیا ہے اور دونوں ضعیف ہیں ۔

أَبِي عُبَيْدَةَ بْنِ الْجَرَّاحِ

3021 - عَنِ ابْنِ عَبَّاسٍ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقْرَأُ فِي كُلِّ جُمُعَةٍ فِي صَلَاةِ الْغَدَاةِ "الم تَنْزِيلُ الْكِتَابِ" وَ"هَلْ أَتَى عَلَى الْإِنْسَانِ» ". قُلْتُ: هُوَ فِي الصَّحِيحِ خَلَا قَوْلَهُ: فِي كُلِّ جُمُعَةٍ. رَوَاهُ الطَّبَرَانِيُّ فِي الْكَبِيرِ وَفِيهِ حَمَّادُ بْنُ شُعَيْبٍ وَهُوَ ضَعِيفٌ جِدًّا.

حضرت عبداللہ بن عباس رضی اللہ عنہ بیان کرتے ہیں : نبی اکرم صلی اللہ علیہ وآل وسلم ہر جمعہ کے دن ، سبح کی نماز میں سورت الم تنزیل الکتاب اور سورت الدھر کی تلاوت کرتے تھے ۔ ( علامہ ہیثمی فرماتے ہیں : ) میں یہ کہتا ہوں : یہ روایت " صحیح " میں منقول ہے تاہم اس میں یہ الفاظ نہیں ہیں : " ہر جمعہ کے دن " ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی حماد بن شعیب ہے اور وہ انتہائی " ضعیف " ہے ۔

ابْنِ عَبَّاسٍ،