Majma uz Zawaid Wa Manba ul Fawaid

2998 - وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ اللَّهَ تَبَارَكَ وَتَعَالَى لَيْسَ بِتَارِكٍ أَحَدًا مِنَ الْمُسْلِمِينَ يَوْمَ الْجُمُعَةِ إِلَّا غَفَرَ لَهُ» ". رَوَاهُ الطَّبَرَانِيُّ فِي الْأَوْسَطِ وَرِجَالُهُ رِجَالُ الصَّحِيحِ خَلَا شَيْخَ الطَّبَرَانِيِّ.

حضرت انس بن مالک رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " بے شک اللہ تعالی جمعہ کے دن مسلمانوں میں سے کسی ایک کو بھی ترک نہیں کرتا مگر یہ کہ اس کی ( یعنی جمعہ کے دن ہر مسلمان کی ) مغفرت کر دیتا ہے "۔یہ روایت امام طبرانی نے معجم اوسط میں نقل کی ہے امام طبرانی کے استاد کے علاوہ اس روایت کے تمام رجال "صحیح " کے رجال ہیں ۔

اَنَسِ بْنِ مَالِکٍ،

2999 - وَعَنْ أَبِي هُرَيْرَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «تُضَاعَفُ الْحَسَنَاتُ يَوْمَ الْجُمُعَةِ» ". رَوَاهُ الطَّبَرَانِيُّ فِي الْأَوْسَطِ وَفِيهِ خَالِدُ بْنُ آدَمَ (*) وَهُوَ كَذَّابٌ.

حضرت ابو ہریرہ رضی اللہ عنہ نبی اکرم صلی اللہ علیہ وآل وسلم کا یہ فرمان نقل کرتے ہیں : " جمعہ کے دن نیکیوں کو دگنا کر دیا جاتا ہے " ۔ یہ روایت امام طبرانی نے معجم قوسط میں نقل کی ہے اس کی سند میں ایک راوی خالد بن آدم ہے اور وہ کذاب ہے ۔

أَبِي هُرَيْرَةَ،

3000 - وَعَنْ أَبِي هُرَيْرَةَ قَالَ: «قِيلَ لِلنَّبِيِّ - صَلَّى اللَّهُ عَلَيْهِ وَسَلَّمَ -: أَيُّ شَيْءٍ سُمِّيَ يَوْمُ الْجُمُعَةِ؟ قَالَ: " لِأَنَّ فِيهَا طُبِعَتْ طِينَةُ أَبِيكَ آدَمَ، وَفِيهَا الصَّعْقَةُ وَالْبَعْثَةُ، وَفِيهَا الْبَطْشَةُ، وَفِي آخِرِ ثَلَاثِ سَاعَاتٍ مِنْهَا سَاعَةٌ مَنْ دَعَا اللَّهَ فِيهَا اسْتُجِيبَ لَهُ» ". رَوَاهُ أَحْمَدُ.

حضرت ابو ہریرہ رضی اللہ عنہ بیان کرتے ہیں : نبی اکرم صلی اللہ علیہ وآل وسلم سے دریافت کیا گیا : جمعہ کے دن کو یہ نام کس وجہ سے دیا گیا ہے ؟ آپ نے ارشاد فرمایا : اس کی وجہ یہ ہے کہ تمہارے جد امجد حضرت آدم علیہ السلام کے خمیر کو اس دن تیار کیا گیا اسی دن قیامت آئے گی اور دونبارہ زندہ کیا جائے گا اسی دن گرفت ہو گی ، اور اس دن کی آخری تین گھڑیوں میں سے ایک گھڑی ایسی ہے کہ جو شخص اس گھڑی میں اللہ تعالی سے دعا مانگے گا اس کی دعا قبول ہو گی "۔ یہ روایت امام احمد نے نقل کی ہے۔

«قِيلَ لِلنَّبِيِّ أَيُّ شَيْءٍ سُمِّيَ يَوْمُ الْجُمُعَةِ؟ ← أَبِي هُرَيْرَةَ،

3001 - وَلِأَبِي هُرَيْرَةَ عِنْدَهُ فِي رِوَايَةٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَا تَطْلُعُ الشَّمْسُ وَلَا تَغْرُبُ بِأَفْضَلَ أَوْ بِأَعْظَمَ مِنْ يَوْمِ الْجُمُعَةِ» " فَذَكَرَ نَحْوَهُ. وَرِجَالُهُمَا رِجَالُ الصَّحِيحِ.

انہوں نے حضرت ابو ہریرہ رضی اللہ عنہ کے حوالے سے ایک روایت میں یہ الفاظ نقل کیے ہیں ۔نبی اکرم صلی اللہ علیہ وآل وسلم نے ارشاد فرمایا :" سورج ایسے کسی بھی دن طلوع اور غروب نہیں ہوتا جمعہ کے دن سے زیادہ فضیلت رکھتا ہو ( راوی کو شک ہے شاید یہ الفاظ ہیں : ) زیادہ عظمت رکھتا ہو "۔اس کے بعد حسب سابق روایت ذکر کی ہے ۔ ان دونوں روایات کے رجال " صحیح " کے رجال ہیں ۔

نَحْوَهُ. وَرِجَالُهُمَا رِجَالُ الصَّحِيحِ. ← «مَا تَطْلُعُ الشَّمْسُ وَلَا تَغْرُبُ بِأَفْضَلَ أَوْ بِأَعْظَمَ مِنْ يَوْمِ الْجُمُعَةِ» ← النَّبِيِّ ← وَلِأَبِي هُرَيْرَةَ عِنْدَهُ فِي رِوَايَةٍ

3002 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «سَيِّدُ الْأَيَّامِ عِنْدَ اللَّهِ يَوْمُ الْجُمُعَةِ فِيهِ خُلِقَ آدَمُ أَبُوكُمْ، وَفِيهِ دَخَلَ الْجَنَّةَ وَفِيهِ خَرَجَ، وَفِيهِ تَقُومُ السَّاعَةُ» ". رَوَاهُ الطَّبَرَانِيُّ فِي الْكَبِيرِ وَفِيهِ إِبْرَاهِيمُ بْنُ يَزِيدَ بْنِ الْجَوْزِيِّ وَهُوَ ضَعِيفٌ.

حضرت عبداللہ بن عمر رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " اللہ تعالی کے نزدیک دنوں کا سردار جمعہ کا دن ہے اس دن میں تمہارے جد امجد حضرت آدم علیہ السلام کو پیدا کیا گیا اس دن میں وہ جنت میں داخل ہوئے اسی دن میں وہ ( جنت سے ) نکلے اسی دن میں قیامت قائم ہو گی " ۔ یہ روایت امام طبرانی نے معجم کبیر میں نقل کی ہے اور اس کی سند میں ایک راوی ابراہیم بن یزید بن جوزی ہے اور وہ "ضعیف " ہے ۔

ابْنِ عُمَرَ

3003 - وَرُوِيَ عَنْ عَبْدِ اللَّهِ بْنِ سَلَامٍ نَحْوُهُ فِي حَدِيثٍ طَوِيلٍ.

حضرت عبداللہ بن سلام کے حوالے سے اس کی مانند روایت ایک طویل حدیث میں نقل کی گئی ہے ۔

عَبْدِ اللَّهِ بْنِ سَلَامٍ نَحْوُهُ فِي حَدِيثٍ طَوِيلٍ. ← وَرُوِيَ

3004 - وَعَنْ أَبِي مُوسَى الْأَشْعَرِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «تُحْشَرُ الْأَيَّامُ عَلَى هَيْئَتِهَا وَتُحْشَرُ الْجُمُعَةُ زَهْرَاءَ مُنِيرَةً، أَهْلُهَا يَحُفُّونَ بِهَا كَالْعَرُوسِ تُهْدَى إِلَى خِدْرِهَا تُضِيءُ لَهُ يَمْشُونَ فِي ضَوْئِهَا، أَلْوَانُهُمْ كَالثَّلْجِ بَيَاضًا وَرِيحُهُمْ كَالْمِسْكِ، يَخُوضُونَ فِي جِبَالِ الْكَافُورِ يَنْظُرُ إِلَيْهِمُ الثَّقْلَانِ لَا يَطْرُقُونَ تَعَجُّبًا حَتَّى يَدْخُلُونَ الْجَنَّةَ وَلَا يُخَالِطُهُمْ أَحَدٌ إِلَّا الْمُؤَذِّنُونَ الْمُحْتَسِبُونَ» ". رَوَاهُ الطَّبَرَانِيُّ فِي الْكَبِيرِ عَنِ الْهَيْثَمِ بْنِ حُمَيْدٍ عَنْ حَفْصِ بْنِ غَيْلَانَ، وَقَدْ وَثَّقَهُمَا قَوْمٌ وَضَعَّفَهُمَا آخَرُونَ وَهُمَا مُحْتَجٌّ بِهِمَا.

حضرت ابو موسیٰ اشعری رضی اللہ عنہ رایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " دنوں کو ان کی مخصوص شکل میں اٹھایا جائے گا ، جمعہ کے دن کو روشن اور چمک دار شکل میں اٹھایا جائے گا اور اس کے اہل افراد سے ہیوں ساتھ لے کر چلیں گے جس طرح دلہن کو اس کے خیمے کی طرف لے جایا جاتا ہے ، اس دن کی روشنی ہو گی ، اور لوگ اس کی روشنی میں چل رہے ہوں گے ان کی رنگت سفیدبرف کی مانند ہو گی اور ان کی خوشبو مشک کی مانند ہو گی وہ لوگ کافور کے پہاڑوں میں جائیں گے جن وانس ان کی طرف دیکھ رہے ہوں گے اور حیرانگی کی وجہ سے پلک نہیں جھپک رہے ہوں گے یہاں تک کہ وہ لوگ جنت میں داخل ہو جائیں گے ان لوگوں کے ساتھ اور کوئی ( دوسرا ) شخص شامل نہیں ہو گا صرف ثواب کے حصول کی نیت سے اذان دینے والے لوگ شامل ہوں گے "۔یہ روایت امام طبرانی نے معجم کبیر میں ہیثم بن حمید کے حوالے سے حفص بن غیلان سے نقل کی ہے ایک قوم نے ان دونوں کو "ثقہ " قرار دیا ہے اور دوسرے لوگوں نے ان دونوں کی ضعیف قرار دیا ہے اور ان دونوں سے استدلال کیا جا سکتا ہے ۔

أَبِي مُوسَی الأَشْعَرِيِّ

3005 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَلَا أُخْبِرُكُمْ بِأَفْضَلِ الْمَلَائِكَةِ؟ جِبْرِيلُ عَلَيْهِ السَّلَامُ، وَأَفْضَلُ النَّبِيِّينَ آدَمُ، وَأَفْضَلُ الْأَيَّامِ يَوْمُ الْجُمُعَةِ، وَأَفْضَلُ الشُّهُورِ شَهْرُ رَمَضَانَ، وَأَفْضَلُ اللَّيَالِي لَيْلَةُ الْقَدْرِ، وَأَفْضَلُ النِّسَاءِ مَرْيَمُ بِنْتُ عِمْرَانَ» ". رَوَاهُ الطَّبَرَانِيُّ فِي الْكَبِيرِ وَفِيهِ نَافِعُ بْنُ هُرْمُزَ وَهُوَ ضَعِيفٌ.

حضرت عبداللہ بن عباس رضی اللہ عنہ روایت کرتے ہیں :نبی اکرم صلی اللہ علیہ وآل وسلم نے ارشاد فرمایا ہے : " کیا میں تمہیں سب سے زیادہ فضیلت ولے فرشتے کے بارے میں نہ بتاؤں وہ جبرائیل ہے اور انبیا ء میں سے زیادہ فضیلت والے حضرت آدم علیہ السلام ہیں اور دنوں میں سے سب سے زیادہ فضیلت والا دن جمعہ کا دن ہے اور مہینوں میں سب سے زیادہ فضیلت والا مہینہ رمضان کا ہے اور راتوں میں سے سب سے زیادہ فضیلت والی رات شب قدر ہے اور خواتین میں سب سے زیادہ فضیلت والی خاتون مریم بنت عمران ہے "۔یہ روایت امام طبرانی نے معجم کبیر میں نقل کی ہے اس کی سند میں ایک راوی نافع بن ہر مز ہے اور وہ "ضعیف " ہے ۔

ابْنِ عَبَّاسٍ،

3006 - وَعَنْ أَنَسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ إِذَا دَخَلَ رَجَبٌ قَالَ: " اللَّهُمَّ بَارِكْ لَنَا فِي رَجَبٍ وَشَعْبَانَ وَبَلِّغْنَا رَمَضَانَ» " وَكَانَ إِذَا كَانَ لَيْلَةُ الْجُمُعَةِ قَالَ: " «هَذِهِ لَيْلَةٌ غَرَّاءُ وَيَوْمٌ أَزْهَرُ» ". رَوَاهُ الْبَزَّارُ وَفِيهِ زَائِدَةُ بْنُ أَبِي الرُّقَادِ قَالَ الْبُخَارِيُّ: مُنْكَرُ الْحَدِيثِ وَجَهَّلَهُ جَمَاعَةٌ.

حضرت انس رضی اللہ عنہ بیان کرتے ہیں : جب رجب کا مہینہ شروع ہو جاتا تھا تو نبی اکرم صلی اللہ علیہ وآل وسلم یہ فرماتے تھے اے اللہ ! ہمارے لئے رجب اور شعبان میں برکت رکھ دے اور ہمیں رمضان تک پہنچا دے جب جمعہ کی رات آتی تھی تو آپ فرماتے تھے یہ ایک روشن رات ہے اور یہ چمک دار دن ہے ۔ یہ روایت امام بزار نے نقل کی ہے اس کی سند میں ایک راوی زائدہ بن ابو رقاد ہے امام بخاری فرماتے ہیں: یہ منکر الحدیث ہے ایک جماعت نے اسے مجہول قرار دیاہے ۔

أَنَسٍ،

3007 - وَعَنْ أَبِي هُرَيْرَةَ وَحُذَيْفَةَ قَالَا: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَضَلَّ اللَّهُ تَبَارَكَ وَتَعَالَى عَنِ الْجُمُعَةِ مَنْ كَانَ قَبْلَنَا، لِلْيَهُودِ السَّبْتَ وَلِلنَّصَارَى الْأَحَدَ، نَحْنُ الْآخِرُونَ فِي الدُّنْيَا الْأَوَّلُونَ يَوْمَ الْقِيَامَةِ الْمَغْفُورُ لَهُمْ قَبْلَ الْخَلَائِقِ» ". قُلْتُ: هُوَ فِي الصَّحِيحِ خَلَا قَوْلَهُ: " «الْمَغْفُورُ لَهُمْ قَبْلَ الْخَلَائِقِ» ". رَوَاهُ الْبَزَّارُ وَرِجَالُهُ رِجَالُ الصَّحِيحِ.

حضرت ابو ہریرہ رضی اللہ عنہ اور حضرت حذیفہ رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " اللہ تعالی نے ہم سے پہلے لوگوں کو جمعہ کے دن کے بارے میں گمراہ کر دیا یہودیوں کا دن ہفتے کا دن ہے اور عیسائیوں کا دن اتوار کا دن ہے ہم دنیا میں ( آنے کے اعتبار سے ) بعد والے ہیں ، اور قیامت کے دن پہلے ہوں گے جن کی مغفرت تمام مخلوق سے پہلے ہو جائے گی "۔ ( علامہ ہیثمی فرماتے ہیں : ) میں یہ کہتا ہوں : یہ روایت "صحیح " میں منقول ہے ، تا ہم اس میں یہ الفاظ نہیں ہیں : جن کی مغفرت تمام مخلوق سے پہلے ہو جائے گی"۔ یہ روایت امام بزار نے نقل کی ہے اور اس کے رجال " صحیح " کے رجال ہیں ۔

أبي هريرة وحذيفة

3008 - وَعَنْ أَنَسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ يَوْمَ الْجُمُعَةِ وَلَيْلَةَ الْجُمُعَةِ أَرْبَعٌ وَعِشْرُونَ سَاعَةً لَيْسَ فِيهَا سَاعَةٌ إِلَّا وَلِلَّهِ فِيهَا سِتُّمِائَةِ عَتِيقٍ مِنَ النَّارِ» " قَالَ: فَخَرَجْنَا مِنْ عِنْدِهِ فَدَخَلْنَا عَلَى الْحَسَنِ فَذَكَرْنَا لَهُ حَدِيثَ ثَابِتٍ فَقَالَ: سَمِعْتُهُ، وَزَادَ فِيهِ: " «كُلُّهُمْ قَدِ اسْتَوْجَبَ النَّارَ» ". رَوَاهُ أَبُو يَعْلَى مِنْ رِوَايَةِ عَبْدِ الصَّمَدِ بْنِ أَبِي خِدَاشٍ عَنْ أُمِّ عَوَّامٍ الْبَصَرِيِّ وَلَمْ أَجِدْ مَنْ تَرْجَمَهُمَا.

حضرت انس رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : "بے شک جمعہ کے دن اور جمعہ کی رات میں چوبیس گھڑیاں ہوتی ہیں ان میں سے ہر ایک گھڑی میں اللہ تعالی چھ سو افراد کو جہنم سے نجات دیتا ہے "۔ راوی بیان کرتے ہیں : ہم اپنے استاد کے پاس سے نکلے اور حسن بصری کے پاس آئے ہم نے ان کے سامنے ثابت کی نقل کردہ حدیث نقل کی تو انہوں نے بتایا میں نے انہیں یہ بات کرتے ہوئے سنا ہے اور انہوں نے اس میں یہ الفاظ زائد نقل کیے:" وہ سب ایسے لوگ ہوں گے جن کےلئے جہنم واجب ہو چکی ہو "۔یہ روایت امام ابو یعلی نے عبدالصمد بن خراش کی ام عوام بصری سے نقل کردہ روایت کے طور پر نقل کی ہے اور میں نے کسی کو ان دونوں کے حالات بیان کرتے ہوئے نہیں پایا ہے۔

أَنَسٍ،

3009 - عَنْ أَبِي سَعِيدٍ وَأَبِي هُرَيْرَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ فِي الْجُمُعَةِ سَاعَةً لَا يُوَافِقُهَا عَبْدٌ مُسْلِمٌ يَسْأَلُ اللَّهَ - عَزَّ وَجَلَّ - فِيهَا خَيْرًا إِلَّا أَعْطَاهُ إِيَّاهُ وَهِيَ بَعْدَ الْعَصْرِ» ". رَوَاهُ أَحْمَدُ وَفِيهِ مُحَمَّدُ بْنُ أَبِي سَلَمَةَ الْأَنْصَارِيُّ قَالَ الذَّهَبِيُّ: رَوَى عَنْهُ عَبَّاسٌ وَلَا يُعْرَفَانِ، قُلْتُ: أَمَّا عَبَّاسٌ فَهُوَ عَبَّاسُ بْنُ عَبْدِ الرَّحْمَنِ بْنِ مِينَاءَ، رَوَى عَنْهُ ابْنُ جُرَيْجٍ كَمَا رَوَى عَنْهُ فِي الْمُسْنَدِ، وَجَمَاعَةٌ وَرَوَى لَهُ ابْنُ مَاجَهْ وَأَبُو دَاوُدَ فِي الْمَرَاسِيلِ وَوَثَّقَهُ ابْنُ حِبَّانَ وَلَمْ يُضَعِّفْهُ أَحَدٌ وَاللَّهُ أَعْلَمُ.

حضرت ابو سعید خدری رضی اللہ عنہ اور حضرت ابو ہریرہ رضی اللہ عنہ نبی اکرم صلی اللہ علیہ وآل وسلم کا یہ فرمان نقل کرتے ہیں : " جمعہ کے دن میں ایک گھڑی ہے کہ جس میں کوئی مسلمان بندہ اللہ تعالی سے ج بھی بھلائی مانگے گا اللہ تعالی وہ بھلائی اسے عطا کردے گا اور وہ گھڑی عصر کے بعد ہوتی ہے ۔ یہ روایت امام احؐد نے نقل کی ہے اس کی سند میں ایک راوی محمد بن ابو سلمہ انصاری ہےامام ذہبی فرماتے ہیں : عباس نے اس کے حوالے سے روایت نقل کی ہے اور یہ دونوں راوی معروف نہیں ہیں ( علامہ ہیثمی فرماتے ہیں : ) میں یہ کہتا ہوں : جہاں تک عباس نامی راوی کا تعلق ہے تو وہ عباس بن عبدالرحمن بن مینا ء ہے جس سے ابن حریج نے روایات نقل کی ہئ جیسا کہ انہوں نے اس کے حوالے سے روایت نقل کی ہے : امام داؤد نے مراسیل میں روایت نقل کی ہے: امام ابن حبان نے اسے "ثقہ " قرار دیا ہے کسی نے بھی اسے ضعیف قرار نہیں دیا ہے باقی اللہ بہتر جانتا ہے ۔

أَبِي سَعِيدٍ، وَأَبِي هُرَيْرَةَ،