Majma uz Zawaid Wa Manba ul Fawaid

1336 - وَعَنْ أُمِّ حَكِيمٍ بِنْتِ الزُّبَيْرِ أَنَّهَا قَالَتْ: «نَاوَلْتُ نَبِيَّ اللَّهِ - صَلَّى اللَّهُ عَلَيْهِ وَسَلَّمَ - كَتِفًا مِنْ لَحْمٍ، فَأَكَلَ مِنْهُ ثُمَّ صَلَّى». رَوَاهُ أَحْمَدُ، وَرِجَالُهُ ثِقَاتٌ.

سیدہ ام حکیم بنت زبیر رضی اللہ عنہ بیان کرتی ہیں: میں نے نبی اکرم صلی اللہ علیہ وسلم کو کندھے کا گوشت پیش کیا آپ صلی اللہ علیہ وسلم نے اس میں سے کھالیا اور پھر نماز ادا کی۔یہ روایت امام احمد نے نقل کی ہے اور اس کے رجال ثقہ ہیں۔

أُمِّ حَكِيمٍ بِنْتِ الزُّبَيْرِ أَنَّهَا

1337 - وَعَنْ مُحَمَّدِ بْنِ الْمُنْكَدِرِ، «عَنْ أُمِّ هَانِئٍ أَنَّهُ أَكَلَ كَتِفًا، ثُمَّ صَلَّى وَلَمْ يَتَوَضَّأْ - يَعْنِي النَّبِيَّ - صَلَّى اللَّهُ عَلَيْهِ وَسَلَّمَ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ مُوَثَّقُونَ.

محمد بن منکدر نے سیدہ ام ہانی رضی اللہ عنہ کے حوالے سے یہ بات نقل کی ہے: آپ صلی اللہ علیہ وسلم نے کندھے کا گوشت کھایا اور پھر دوبارہ وضو کیے بغیر نماز ادا کر لی‘‘۔ان کی مراد یہ تھی کہ نبی اکرم صلی اللہ علیہ وسلم نے ایسا کیا کہ روایت امام طبرانی نے معجم کبیر اور معجم اوسط میں نقل کی ہے اور اس کے رجال کی توثیق کی گئی ہے۔

مُحَمَّدِ بْنِ الْمُنْكَدِرِ

1338 - وَعَنْ أُمِّ مُبَشِّرٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - نَهَشَ مِنْ كَتِفٍ، ثُمَّ صَلَّى وَلَمْ يَتَوَضَّأْ». رَوَاهُ الطَّبَرَانِيُّ، وَفِيهِ مُحَمَّدُ بْنُ السَّكَنِ، وَلَمْ أَجِدْ مَنْ ذَكَرَهُ، وَبَقِيَّةُ رِجَالِهِ ثِقَاتٌ.

سیدہ ام مبشر رضی اللہ عنہ بیان کرتی ہیں: نبی اکرم صلی اللہ علیہ وسلم نے کندھے کا گوشت کھایا اور پھر دوبارہ وضو کے بغیر نماز اداکرلی۔یہ روایت امام طبرانی نے نقل کی ہے اس کی سند میں ایک راوی محمد بن سکن ہے میں نے کسی کو اس کا ذکر کرتے ہوئے نہیں پایا ہے اس روایت کے بقیہ رجال ثقہ ہیں۔

أُمِّ مُبَشِّرٍ

1339 - «وَعَنْ أُمِّ حَكِيمٍ بِنْتِ الزُّبَيْرِ أَنَّهَا كَانَتْ تَصْنَعُ لِلنَّبِيِّ - صَلَّى اللَّهُ عَلَيْهِ وَسَلَّمَ - طَعَامًا وَتَبْعَثُ بِهِ إِلَيْهِ، وَرُبَّمَا أَتَاهَا فَأَكَلَ عِنْدِهَا، فَزَعَمَتْ أَنَّهُ أَتَاهَا ذَاتَ يَوْمٍ، فَأَتَتْهُ بِكَتِفٍ، فَجَعَلْتُ أَسْحَاهَا لَهُ، وَزَعَمَتْ أَنَّهُ أَكَلَ وَصَلَّى وَلَمْ يَتَوَضَّأْ». رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

سیدہ ام حکیم بنت زبیر رضی اللہ عنہ کے بارے میں یہ بات منقول ہے: انہوں نے نبی اکرم صلی اللہ علیہ وسلم کے لیے کھانا تیار کیا اور آپ صلی اللہ علیہ وسلم کو پیغام بھیج کر بلوایا نبی اکرم صلی اللہ علیہ وسلم بعض اوقات ان کے ہاں تشریف لاکر ان کے ہاں کھانا کھایا کرتے تھے وہ خاتون بیان کرتی ہیں: نبی اکرم صلی اللہ علیہ وسلم ایک دن ان کے ہاں تشریف لائے تو انہوں نے نبی اکرم صلی اللہ علیہ وسلم کی خدمت میں کندھے کا گوشت پیش کیا وہ خاتون بیان کرتی ہیں: میں نے وہ نبی اکرم صلی اللہ علیہ وسلم کے لیے تیار کیا تھا وہ خاتون بیان کرتی ہیں: نبی اکرم صلی اللہ علیہ وسلم نے اسے کھا لیا اور پھر دوبارہ وضو کے بغیر نماز ادا کر لی۔یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے۔

1340 - «وَعَنْ عَمْرَةَ بِنْتَ حِزَامٍ، أَنَّهَا " جَعَلَتْ لِلنَّبِيِّ صَلَّى اللَّهُ عَلَيْهِ وَسَلَّمَ فِي صُورِ نَخْلٍ كَنَسَتْهُ وَطَيَّبَتْهُ، وَذَبَحَتْ لَهُ شَاةً فَأَكَلَ مِنْهَا، ثُمَّ تَوَضَّأَ وَصَلَّى الظُّهْرَ فَقَدَّمَتْ إِلَيْهِ مِنْ لَحْمِهَا، وَصَلَّى الْعَصْرَ، وَلَمْ يَتَوَضَّأْ» ". رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ ثَابِتٍ الْبُنَانِيِّ، وَهُوَ ضَعِيفٌ، وَبَقِيَّةُ رِجَالِهِ رِجَالُ الصَّحِيحِ.

سیدہ عمرہ بنت حزام رضی اللہ عنہ بیان کرتی ہیں. انہوں نے نبی اکرم صلی اللہ علیہ وسلم کے لیے کھجور کے باغ میں صفائی کر کے جگہ تیار کی ۔ انہوں نے نبی اکرم صلی اللہ علیہ وسلم کے لئے بکری ذبح کروائی نبی اکرم صلی اللہ علیہ وسلم نے اس کا گوشت کھایا پھر آپ صلی اللہ علیہ وسلم نے وضو کر کے ظہر کی نماز ادا کی اس خاتون نے آپ صلی اللہ علیہ وسلم کی خدمت میں اس بکری کا گوشت پیش کیا، پھر نبی اکرم صلی اللہ علیہ وسلم نے دوبارہ وضو کے بغیر عصرکی نماز ادا کرلی۔یہ روایت امام طبرانی نے معجم کبیر میں نقل کی ہے اس کی سند میں ایک راوی محمد بن ثابت بنانی ہے اور وہ ضعیف ہے اس روایت کے بقیہ رجال"صحیح " کے رجال ہیں۔

1341 - وَعَنْ عَمْرِو بْنِ مُحَمَّدِ بْنِ عَمْرِو بْنِ سَعْدِ بْنِ مُعَاذٍ قَالَ: سَمِعْتُ هِنْدَ بِنْتَ سَعِيدِ بْنِ أَبِي سَعِيدٍ الْخُدْرِيِّ تُحَدِّثُ عَنْ عَمَّتِهَا. قَالَتْ: «جَاءَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَائِدًا لِأَبِي سَعِيدٍ الْخُدْرِيِّ، فَقَدَّمْنَا إِلَيْهِ ذِرَاعَ شَاةٍ فَأَكَلَ، وَحَضَرَتِ الصَّلَاةُ فَتَمَضْمَضَ ثُمَّ صَلَّى وَلَمْ يَتَوَضَّأْ». رَوَاهُ الطَّبَرَانِيُّ فِي الْكَبِيرِ مِنْ طُرُقٍ، وَبَعْضُهَا رِجَالُهَا رِجَالُ الصَّحِيحِ، إِلَّا هِنْدَ بِنْتَ سَعِيدٍ، وَقَدْ وَثَّقَهَا ابْنُ حِبَّانَ.

عمرو بن محمد بن عمرو بن سعد بن معاذ بیان کرتے ہیں : میں نے ہند بنت سعید بن حضرت ابوسعید خدری رضی اللہ عنہ کو اپنی پھوپھی کے حوالے سے یہ روایت نقل کرتے ہوئے سنا ہے: وہ خاتون بیان کرتی ہیں: نبی اکرم صلی اللہ علیہ وسلم حضرت ابوسعید خدری رضی اللہ عنہ ان کی عیادت کرنے کے لیے تشریف لائے تو ہم نے آپ صلی اللہ علیہ وسلم کی خدمت میں بکری کی دستی کا گوشت پیش کیا آپ صلی اللہ علیہ وسلم نے اسے کھا لیا نماز کا وقت ہوا تو آپ صلی اللہ علیہ وسلم نےکلی کر کے دوبارہ وضو کیے بغیر نماز ادا کر لی۔یہ روایت امام طبرانی نے معجم کبیر میں مختلف طرق کے حوالے سے نقل کی ہے جن میں سے بعض کے رجال "صحیح" کے رجال ہیں البتہ ہند بنت سعید نامی خاتون کا معامل مختلف ہے ابن حبان نے انہیں ثقہ قرار دیا ہے۔

عَمَّتِهَا ← هِنْدَ بِنْتَ سَعِيدِ بْنِ أَبِي سَعِيدٍ الْخُدْرِيِّ تُحَدِّثُ ← عَمْرِو بْنِ مُحَمَّدِ بْنِ عَمْرِو بْنِ سَعْدِ بْنِ مُعَاذٍ

1342 - وَعَنْ أُمِّ سُلَيْمٍ قَالَتْ: «قَرَّبْتُ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - كَتِفًا مَشْوِيَّةً، فَأَكَلَ مِنْهَا ثُمَّ قَامَ إِلَى الصَّلَاةِ وَلَمْ يَتَوَضَّأْ». رَوَاهُ الطَّبَرَانِيُّ فِي الْكَبِيرِ عَنْ مُحَمَّدِ بْنِ يُوسُفَ عَنْهَا، وَلَمْ أَجِدْ مَنْ ذَكَرَ مُحَمَّدًا هَذَا.

سیدہ ام سلیم رضی اللہ عنہ بیان کرتی ہیں: میں نے نبی اکرم صلی اللہ علیہ وسلم کی خدمت میں کندھے کا بھنا ہوا گوشت پیش کیا آپ صلی اللہ علیہ وسلم نے اسے کھا لیا پھر آپ صلی اللہ علیہ وسلم نماز کے لئے تشریف لے گئے اور آپ صلی اللہ علیہ وسلم نے دوبارہ وضو نہیں کیا۔یہ روایت امام طبرانی نےمعجم کبیر میں محمد بن یوسف نامی راوی کے حوالے سے اس خاتون سے نقل کی ہے میں نے کسی کو نامی اس راوی کا ذکر کرتے ہوئے نہیں پایا ہے۔

أُمِّ سُلَيْمٍ

1343 - «وَعَنْ أُمِّ عَامِرٍ بِنْتِ يَزِيدَ بْنِ السَّكَنِ - وَكَانَتْ مِنَ الْمُبَايِعَاتِ - أَنَّهَا أَتَتْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - بِعَرْقٍ، فَتَعَرَّقَهُ وَهُوَ فِي مَسْجِدِ بَنِي عَبْدِ الْأَشْهَلِ، ثُمَّ قَامَ فَصَلَّى وَلَمْ يَتَوَضَّأْ». رَوَاهُ الطَّبَرَانِيُّ فِي الْكَبِيرِ مِنْ طَرِيقِ إِبْرَاهِيمَ بْنِ إِسْمَاعِيلَ بْنِ أَبِي خَلِيفَةَ عَنْ عَبْدِ الرَّحْمَنِ بْنِ عَبْدِ الرَّحْمَنِ بْنِ ثَابِتِ بْنِ صَامِتٍ عَنْهَا، وَلَمْ أَجِدْ مَنْ ذَكَرَ هَذَيْنِ.

سیدہ ام عامر بنت یزید بن سکن رضی اللہ عنہ جو نبی اکرم صلی اللہ علیہ وسلم کے دست اقدس پر بیعت کرنے والی خواتین میں سے ایک ہیں وہ بیان کرتی ہیں: وہ نبی اکرم صلی اللہ علیہ وسلم کی خدمت میں ہڈی والا گوشت لے کر حاضر ہوئیں تو نبی اکرم صلی اللہ علیہ وسلم نے اسے کھا یا آپ صلی اللہ علیہ وسلم اس وقت بنوعبد اشہل کی مسجد میں موجود تھے پھر آپ صلی اللہ علیہ وسلم نے اٹھ کر نماز ادا کی اور دوبارہ وضو نہیں کیا۔یہ روایت امام طبرانی نے معجم کبیر میں ابراہیم بن اسماعیل بن ابوخلیفہ کے حوالے سے عبدالرحمن بن عبد الرحمن بن ثابت بن صامت کے حوالے سے اس خاتون سے نقل کی ہے اور میں نے کسی کو ان دونوں کا ذکر کرتے ہوئے نہیں پایا ہے۔

كَانَتْ مِنَ الْمُبَايِعَاتِ ← أُمِّ عَامِرٍ بِنْتِ يَزِيدَ بْنِ السَّكَنِ

1344 - وَعَنْ عَلْقَمَةَ قَالَ: أَتَيْنَا بِقَصْعَةٍ وَنَحْنُ مَعَ ابْنِ مَسْعُودٍ، فَأَمَرَ بِهَا فَوُضِعَتْ فِي الطَّرِيقِ، فَأَكَلَ مِنْهَا وَأَكَلْنَا مَعَهُ، وَجَعَلَ يَدْعُو مَنْ مَرَّ بِهِ، ثُمَّ مَضَيْنَا إِلَى الصَّلَاةِ، فَمَا زَادَ عَلَى أَنْ غَسَلَ أَطْرَافَ أَصَابِعِهِ وَمَضْمَضَ فَاهُ، ثُمَّ صَلَّى. وَفِي رِوَايَةٍ: أُتِينَا بِقَصْعَةٍ مِنْ بَيْتِ ابْنِ مَسْعُودٍ فِيهَا خُبْزٌ وَلَحْمٌ. فَذَكَرَهُ. رَوَاهُ الطَّبَرَانِيُّ فِي الْكَبِيرِ، وَرِجَالُهُمَا مُوَثَّقُونَ.

علقمہ بیان کرتے ہیں: ہم ایک بڑا برتن لے کر آئےہم حضرت عبداللہ بن مسعود رضی اللہ عنہ کے ساتھ تھے انہوں نے اس برتن کے بارے میں حکم دیا تو وہ راستے میں رکھ دیا گیا انہوں نے اس میں سے کھایا ان کے ساتھ ہم نے بھی کھایا وہ ہر گزرنے والے فرد کو بھی دعوت دے دیتے پھر ہم نماز ادا کرنے کے لئے گئے تو انہوں نے صرف یہ کیا کہ انگلیوں کے کونے دھو لیے اور منہ میں کلی کر لی اور پھر نماز ادا کی۔ایک روایت میں یہ الفاظ ہیں : حضرت عبداللہ بن مسعود رضی اللہ عنہ کے گھر سے ایک برتن ہمارے پاس لایا گیا جس میں روٹی اور گوشت موجود تھا... اس کے بعد راوی نے حسب سابق روایت ذکر کی ہے۔یہ روایت امام طبرانی نے معجم کبیر میں نقل کی ہے ان دونوں روایات کے رجال کی توثیق کی گئی ہے۔

عَلْقَمَةَ

1345 - وَعَنِ ابْنِ مَسْعُودٍ قَالَ: لَأَنْ أَتَوَضَّأَ مِنَ الْكَلِمَةِ الْخَبِيثَةِ أَحَبُّ إِلَيَّ مِنْ أَنْ أَتَوَضَّأَ مِنَ الطَّعَامِ الطَّيِّبِ. رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

حضرت عبداللہ بن مسعود رضی اللہ عنہ فرماتے ہیں: میں کوئی بری بات کرنے کے بعد وضو کروں ،میرے نزدیک اس سے زیادہ پسندیدہ ہو گا کہ میں پاکیزہ کھانا کھانے کے بعد وضو کروں۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے۔

ابْنِ مَسْعُودٍ،