Majma uz Zawaid Wa Manba ul Fawaid

960 - وَعَنْ جَابِرٍ قَالَ: «أَنْزَلَ اللَّهُ صُحُفَ إِبْرَاهِيمَ فِي أَوَّلِ لَيْلَةٍ خَلَتْ مِنْ رَمَضَانَ، وَأُنْزِلَتِ التَّوْرَاةُ عَلَى مُوسَى لِسِتٍّ خَلَوْنَ مِنْ رَمَضَانَ، وَأُنْزِلَ الزَّبُورُ عَلَى دَاوُدَ فِي إِحْدَى عَشْرَةَ لَيْلَةً خَلَتْ مِنْ رَمَضَانَ، وَأُنْزِلَ الْقُرْآنُ عَلَى مُحَمَّدٍ - صَلَّى اللَّهُ عَلَيْهِ وَسَلَّمَ - فِي أَرْبَعٍ وَعِشْرِينَ خَلَتْ مِنْ رَمَضَانَ». رَوَاهُ أَبُو يَعْلَى، وَفِيهِ سُفْيَانُ بْنُ وَكِيعٍ، وَهُوَ ضَعِيفٌ.

حضرت جابر رضی اللہ عنہ بیان کرتے ہیں : اللہ تعالی نے حضرت ابراہیم علیہ السلام کے صحیفے رمضان کی پہلی رات گزرنے کے بعد نازل کئے حضرت موسیٰ علیہ السلام پر تورات رمضان کی چھ راتیں گزرنے کے بعد نازل ہوئی ، حضرت داؤد علیہ السلام پر زبور رمضان کی گیارہ راتیں گزرنے کے بعد نازل ہوئی اور حضرت محمد صلی اللہ علیہ و آلہ وسلم پر قرآن رمضان کی چوبیس راتیں گزرنے کے بعد نازل ہوا۔ یہ روایت امام ابو یعلی نے نقل کی ہے اور اس کی سند میں ایک راوی سفیان بن وکیع ہے اور وہ ضعیف ہے ۔

جَابِرٍ

961 - وَعَنْ أَنَسٍ قَالَ: حَدَّثَنَا أَصْحَابُ النَّبِيِّ - صَلَّى اللَّهُ عَلَيْهِ وَسَلَّمَ - أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «لَا تَأْتِي مِائَةُ سَنَةٍ مِنَ الْهِجْرَةِ وَمِنْكُمْ عَيْنٌ تَطْرِفُ». رَوَاهُ أَبُو يَعْلَى، وَفِيهِ سُفْيَانُ بْنُ وَكِيعٍ، وَهُوَ ضَعِيفٌ.

حضرت انس رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم کے اصحاب نے ہمیں یہ بات بتائی ہے : نبی اکرم صلی اللہ علیہ و آلہ وسلم نے ارشاد فرمایا ہے:" ہجرت کے بعد 100 سال گزرنے پر تم میں سے کوئی بھی زندہ نہیں رہے گا "۔یہ روایت امام ابو یعلی نے نقل کی ہے اور اس کی سند میں ایک راوی سفیان بن وکیع ہے اور وہ ضعیف ہے ۔

أَصْحَابِ النَّبِيِّ ← وعن انس

962 - وَعَنْ نُعَيْمُ بْنُ دَجَاجَةَ قَالَ: «دَخَلَ أَبُو مَسْعُودٍ عُقْبَةُ بْنُ عَمْرٍو الْأَنْصَارِيُّ عَلَى عَلِيِّ بْنِ أَبِي طَالِبٍ، فَقَالَ لَهُ عَلِيٌّ: أَنْتَ الَّذِي تَقُولُ: لَا يَأْتِي مِائَةُ سَنَةٍ وَعَلَى الْأَرْضِ عَيْنٌ تَطْرِفُ؟ إِنَّمَا قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " لَا يَأْتِي عَلَى النَّاسِ مِائَةُ سَنَةٍ وَعَلَى الْأَرْضِ عَيْنٌ تَطْرِفُ مِمَّنْ هُوَ حَيٌّ الْيَوْمَ، وَاللَّهِ إِنَّ رَخَاءَ هَذِهِ الْأُمَّةِ بَعْدَ مِائَةِ عَامٍ». رَوَاهُ أَحْمَدُ وَأَبُو يَعْلَى وَالطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ ثِقَاتٌ.

نعیم بن دجاجہ بیان کرتے ہیں :حضرت ابو مسعود عقبہ بن عمرو انصاری رضی اللہ عنہ حضرت علی بن ابو طالب رضی اللہ عنہ کے پاس تشریف لائے ، توحضرت علی رضی اللہ عنہ نے ان سے فرمایا :آپ ہی نے یہ بات بیان کی ہے کہ 100 سال گزرنے پر روئے زمین پر موجود کوئی آنکھ نہیں جھپکے گی نہیں ( یعنی کوئی زندہ نہیں رہے گا ) حالانکہ نبی اکرم صلی اللہ علیہ و آلہ وسلم نے یہ ارشاد فرمایا ہے : " ایک سو سال گزرنے پر لوگوں میں سے آج جو زندہ ہے ، ان میں سے کوئی بھی زندہ نہیں رہے گا "۔ ( پھر حضرت علی رضی اللہ عنہ نے فرمایا : ) اللہ کی قسم ! ایک سو سال گزرنے کے بعد اس امت میں سہولت ( یا فراخی ) آئے گی ۔ یہ روایت امام احمد اور امام ابو یعلی نے ( اپنی ، اپنی مسند میں ) اور امام طبرانی نے معجم کبیر اور معجم اوسط میں نقل کی ہے اور اس کے رجال ثقہ ہیں ۔

دَخَلَ أَبُو مَسْعُودٍ عُقْبَةُ بْنُ عَمْرٍو الْأَنْصَارِيُّ عَلَى عَلِيِّ بْنِ أَبِي طَالِبٍ ← نُعَيْمِ بْنِ دَجَاجَةَ

963 - وَعَنْ نُعَيْمِ بْنِ دَجَاجَةَ قَالَ: كُنْتُ جَالِسًا عِنْدَ عَلِيٍّ إِذْ جَاءَ أَبُو مَسْعُودٍ، فَقَالَ عَلِيٌّ: قَدْ جَاءَ فَرُّوخُ فَجَلَسَ، فَقَالَ عَلِيٌّ: إِنَّكَ تُفْتِي النَّاسَ؟ قَالَ: أَجَلْ، وَأُخْبِرُهُمُ [السَّاعَةَ] أَنَّ الْآخَرَ شَرٌّ. قَالَ: فَأَخْبِرْنِي، هَلْ سَمِعْتَ مِنْهُ شَيْئًا؟ قَالَ: نَعَمْ، سَمِعْتُهُ يَقُولُ: " «لَا يَأْتِي عَلَى النَّاسِ مِائَةُ سَنَةٍ وَعَلَى الْأَرْضِ عَيْنٌ تَطْرِفُ» "، فَقَالَ عَلِيٌّ: أَخْطَأَتِ اسْتُكَ الْحُفْرَةَ، وَأَخْطَأْتَ فِي أَوَّلِ فُتْيَاكَ، إِنَّمَا قَالَ ذَاكَ لِمَنْ حَضَرَهُ يَوْمَئِذٍ، هَلِ الرَّخَاءُ إِلَّا بَعْدَ الْمِائَةِ؟. رَوَاهُ أَبُو يَعْلَى، وَرِجَالُهُ ثِقَاتٌ أَيْضًا.

نعیم بن دجاجہ بیان کرتے ہیں : میں نے حضرت علی رضی اللہ عنہ کے پاس بیٹھا ہوا تھا ، اسی دوران حضرت ابو مسعود رضی اللہ عنہ تشریف لے آئے ، حضرت علی رضی اللہ عنہ نے فرمایا : فروخ آ گیا ہے ۔ پھر حضرت علی رضی اللہ عنہ نے فرمایا : کیا تم لوگوں کو حکم بیان کرتے ہو ؟ انہوں نے جواب دیا: جی ہاں ! میں انہیں وقت کے بارے میں بتاتا ہوں ، کہ بعد والا وقت زیادہ برا ہوگا ۔حضرت علی رضی اللہ عنہ نے فرمایا : پھر تم مجھے بتاؤ ! کیا تم نے نبی اکرم صلی اللہ علیہ و آلہ وسلم کی زبانی کوئی بات سنی ہے ؟ انہوں نے جواب دیا : جی ہاں ! میں نے نبی اکرم صلی اللہ علیہ و آلہ وسلم کو ارشاد فرماتے ہوئے سنا ہے :" ایک سو سال گزرنے کے بعد روئے زمین پر کوئی شخص زندہ نہیں رہے گا "حضرت علی رضی اللہ عنہ نے فرمایا : تم نے ( مفہوم سمجھنے میں ) غلطی کی ہے اور تم نے اپنے پہلے فتویٰ میں غلطی کی ہے ،نبی اکرم صلی اللہ علیہ و آلہ وسلم کی مراد یہ تھی کہ جو لوگ اس وقت وہاں موجود تھے ( ایک سو سال گزرنے کے بعد ان میں سے کوئی زندہ نہیں رہے گا ۔ نبی اکرم صلی اللہ علیہ و آلہ وسلم کی امت کے لیے ) سہولت ، تو ایک سو سال کے بعد ہی آئے گی ۔ یہ روایت امام ابو یعلی نے نقل کی ہے اس کے رجال بھی ثقہ ہیں

علي أخطأت استك الحفرة وأخطأت في أول فتياك إنما ← «لا يَأْتِي عَلَى النَّاسِ مِائَةُ سَنَةٍ وَعَلَى الأَرْضِ عَيْنٌ تَطْرِفُ» ← نَعَمْ ← مِنْهُ شَيْئًا. ← هَلْ ← السَّاعَةَ أَنَّ الآخِرَ شَرٌّ، ← أَجَلْ ← علي إنك تفتي الناس ← علي قد جاء فروخ فجلس ← كُنْتُ جَالِسًا عِنْدَ عَلِيٍّ إِذْ جَاءَ أَبُو مَسْعُودٍ، ← نُعَيْمِ بْنِ دَجَاجَةَ

964 - وَعَنْ أَنَسِ بْنِ مَالِكٍ قَالَ: «كَانَ أَجْرَأُ النَّاسِ عَلَى مَسْأَلَةِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - الْأَعْرَابُ، وَأَتَاهُ أَعْرَابِيٌّ فَقَالَ: يَا رَسُولَ اللَّهِ، مَتَى السَّاعَةُ؟ فَلَمْ يُجِبْهُ بِشَيْءٍ حَتَّى أَتَى الْمَسْجِدَ، فَصَلَّى فَأَخَفَّ الصَّلَاةَ، ثُمَّ أَقْبَلَ الْأَعْرَابِيُّ، وَقَالَ: أَيْنَ السَّائِلُ عَنِ السَّاعَةِ؟ وَمَرَّ بِهِ سَعْدٌ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّ هَذَا عُمِّرَ حَتَّى يَأْكُلَ عُمْرَهُ، لَمْ يَبْقَ مِنْكُمْ عَيْنٌ تَطْرِفُ». رَوَاهُ أَبُو يَعْلَى. قُلْتُ: لِأَنَسٍ فِي الصَّحِيحِ: «إِنْ يَعِشْ هَذَا حَتَّى يَسْتَكْمِلَ عُمْرَهُ لَمْ يَمُتْ حَتَّى تَقُومَ السَّاعَةُ»، وَهَذَا الْحَدِيثُ أَبْيَنُ، وَإِنْ كَانَ فِيهِ سُفْيَانُ بْنُ وَكِيعٍ، وَهُوَ ضَعِيفٌ.

حضرت انس بن مالک رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم سے سوال کرنے کے حوالے سے سب سے زیادہ جرات کا مظاہرہ دیہاتی لوگ کیا کرتے تھے ایک مرتبی ایک دیہاتی آپ کے پاس آیا ، اس نے دریا فت کیا : یا رسول اللہ ! قیامت کب آئے گی ؟ نبی اکرم صلی اللہ علیہ و آلہ وسلم نے اسے کوئی جواب نہیں دیا ، آپ صلی اللہ علیہ و آلہ وسلم مسجد تشریف لائے ، آپ صلی اللہ علیہ و آلہ وسلم نے مختصر نماز ادا کی ، پھر آپ دیہاتی کی طرف متوجہ ہوئے اور ارشاد فرمایاقیامت کے بارے میں سوال کرنے والا شخص کہاں ہے؟ آپ کے پاس سے حضرت سعد رضی اللہ عنہ گزرے ، تو نبی اکرم صلی اللہ علیہ و آلہ وسلم نے ارشاد فرمایا: اگر اس شخص کی طبعی عمر ہوئی ، تو تم لوگوں میں سے کوئی بھی ( اس وقت تک )زندہ نہیں رہے گا یہ روایت امام ابو یعلی نے نقل کی ہے ( علامہ ہیثمی فرماتے ہیں ) میں یہ کہتا ہوں :"صحیح" حضرت انس رضی اللہ عنہ کے حوالے سے یہ روایت منقول ہے: اگر یہ زندہ رہا ، یہاں تک کہ اس کی طبعی عمر مکمل ہوئی ، تو اس کے مرنے سے پہلے قیامت قائم ہو جائے گی "۔یہ رفوایت زیادہ واضح ہے ، اگرچہ اس کی سند میں ایک راوی سفیان بن وکیع ہے اور وہ ضعیف ہے ۔

«كَانَ أَجْرَأُ النَّاسِ عَلَى مَسْأَلَةِ رَسُولِ اللَّهِ الْأَعْرَابُ، وَأَتَاهُ أَعْرَابِيٌّ فَقَالَ: ← وعن أنس بن مالك

965 - وَعَنْ سُفْيَانَ بْنِ وَهْبٍ الْخَوْلَانِيُّ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «لَا تَأْتِي الْمِائَةُ وَعَلَى ظَهْرِهَا أَحَدٌ بَاقٍ». رَوَاهُ الطَّبَرَانِيُّ فِي الْكَبِيرِ وَتَابِعَيْهِ، سَعِيدُ بْنُ أَبِي شِمْرٍ ذَكَرَهُ ابْنُ أَبِي حَاتِمٍ وَقَالَ: عَنْ أَبِيهِ، رَوَى عَنْهُ أَبُو بَكْرٍ بْنُ سَوَادٍ، وَقَدْ رَوَى عَنْهُ عَبْدُ الرَّحْمَنِ بْنُ شُرَيْحٍ وَلَمْ يُضَعِّفْهُ أَحَدٌ، وَبَقِيَّةُ رِجَالِهِ مُوَثَّقُونَ.

حضرت سفیان بن وہب خولانی رضی اللہ عنہ بیان کرتے ہیں: میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : ایک سو سال گزرنے تک روئے زمین پر کوئی بھی باقی نہیں رہے گا "۔ یہ روایت امام طبرانی نے معجم کبیر میں نقل کی ہے اس روایت کے راوی سعید بن ابو شمر کا ذکر ابن ابو حاتم نے کیا ہے، وہ فرماتے ہیں : انہوں نے اپنے والدسے روایت نقل کی ہے اوران سے ابو بکر بن سواد نے روایت نقل کی ہے ، حالانکہ عبدالرحمن بن شریح نے روایت نقل کی ہے اور کسی نے ان کو ضعیف قرار نہیں دیا ،اس روایت کے بقیہ رجال کی تو ثیق کی گئی ہے ۔

تَابِعَيْهِ، سَعِيدُ بْنُ أَبِي شِمْرٍ ذَكَرَهُ ابْنُ أَبِي حَاتِمٍ ← «لَا تَأْتِي الْمِائَةُ وَعَلَى ظَهْرِهَا أَحَدٌ بَاقٍ». رَوَاهُ الطَّبَرَانِيُّ فِي الْكَبِيرِ ← سفيان بن وهب الخولاني

966 - وَعَنْ أَبِي ثَعْلَبَةَ - رَفَعَهُ مُعَاوِيَةُ مَرَّةً، وَلَمْ يَرْفَعْهُ أُخْرَى -: «أَنَّ اللَّهَ - تَعَالَى - لَا يُعْجِزُ هَذِهِ الْأُمَّةَ مِنْ نِصْفِ يَوْمٍ، وَإِذَا رَأَيْتَ الشَّامَ مَائِدَةَ رَجُلٍ وَأَهْلِ بَيْتِهِ ; فَعِنْدَ ذَلِكَ تُفْتَحُ الْقُسْطَنْطِينِيَّةُ». قُلْتُ: رَوَاهُ الطَّبَرَانِيُّ، وَقَدْ عَزَاهُ فِي الْأَطْرَافِ إِلَى أَبِي دَاوُدَ فِي الْمَلَاحِمِ، وَلَمْ أَجِدْهُ، وَفِيهِ عَبْدُ اللَّهِ بْنُ صَالِحٍ كَاتِبُ اللَّيْثِ، وَقَدِ اخْتُلِفَ فِي الِاحْتِجَاجِ بِهِ، وَبَقِيَّةُ رِجَالِهِ ثِقَاتٌ.

حضرت ابو ثعلبہ رضی اللہ عنہ سے یہن روایت منقول ہے : معاویہ نامی راوی نے ایک مرتبہ اسے مرفوع روایت کے طور پر نقل کیا ہے اور ایک مرتبہ اسے مرفوع روایت کے طور پر نقل نہیں کیا ہے( بلکہ موقوف روایت کے طور پر نقل کیا ہے وہ فرماتے ہیں: ) " بے شک اللہ تعالی اس امت کو نصف دن ( یعنی پانچ سو سال ) سے عاجز نہیں کرے گا اور جب تم شام کو دیکھو کہ وہ آدمی اور اس کے اہل بیت کا دستر خوان ہو تو اس وقت قسطنطنیہ فتح ہو گا "۔(علامہ ہیثمی فرماتے ہیں : ) میں یہ کہتا ہوں : یہ روایت امام طبرانی نے نقل کی ہے " اطراف " کے مصنف نے اس کی نسبت امام ابو داؤد کی طرف کی ہے اور یہ کہا ہے : یہ جنگوں سے متعلق باب میں ہے ، لیکن مجھے اس کتاب میں یہ روایت نہیں ملی اس کی سند میں ایک راوی عبداللہ بن صالح ہے ، جو لیث کا کاتب ہے ، اس سے استدلال کرنے کے بارے میں اختلاف کیا گیا ہے ، اس روایت کے بقیہ رجال ثقہ ہیں ۔

967 - وَعَنْ عَبْدِ الْمَلِكِ بْنِ رَاشِدٍ قَالَ: سَمِعْتُ الْمِقْدَامَ بْنَ مَعْدِي كَرِبَ صَاحِبَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَكْثَرُ النَّاسِ يَقُولُونَ: الْقَضَاءُ فِي مِائَةٍ - يَعْنُونَ عَنْ مِائَةِ سَنَةٍ تَكُونُ الْقِيَامَةُ - فَقَالَ الْمِقْدَامُ: قَدْ أَكْثَرْتُمْ، لَنْ يُعْجِزَ اللَّهُ أَنْ يُؤَخِّرَ هَذِهِ الْأُمَّةَ نِصْفَ يَوْمٍ؛ يَعْنِي خَمْسَمِائَةِ سَنَةٍ. رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ بَقِيَّةُ بْنُ الْوَلِيدِ، وَهُوَ ثِقَةٌ مُدَلِّسٌ.

عبدالملک بن راشد بیان کرتے ہیں :نبی اکرم صلی اللہ علیہ و آلہ وسلم کے صحابی حضرت مقدام بن معد یکرب رضی اللہ عنہ کو سنا : اکثر لوگوں کا یہ کہنا تھا : سو سال میں فیصلہ آ جائے گا ، یعنی 100ہجری میں قیامت آ جائے گی، تو حضرت مقدام رضی اللہ عنہ نے فرمایا : تم نے زیادہ ہی کر دیا ہے ، ایسا نہیں ہو گا کہ اللہ تعالی اس امت کو نصف دن کا وقت بھی نہ دے ان کی مراد 500 سال تھے ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی بقیہ بن ولید ہے لیکن تدلیس کرنے والا ہے۔

مِائَةِ سَنَةٍ تَكُونُ الْقِيَامَةُ ← الْمِقْدَامَ بْنَ مَعْدِي كَرِبَ صَاحِبَ رَسُولِ اللَّهِ وَأَكْثَرُ النَّاسِ يَقُولُونَ: الْقَضَاءُ فِي مِائَةٍ يَعْنُونَ ← عبد الملك بن راشد

968 - وَعَنْ بُرَيْدَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «لَا تَنْقَضِي مِائَةُ سَنَةٍ وَعَيْنٌ تَطْرِفُ».

حضرت بریدہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد دفرمایا: " ایک سو سال گزرنے پر کوئی آنکھ نہیں جھپکے گی ( یعنی کوئی شخص زندہ نہیں رہے گا ) ایک روایت میں یہ الفاظ ہیں : وہ بیئان کرتے ہیں : نبی اکرم صلی اللہ علیہ و آلہ وسلم نے فرمایا : " ایک سو سال گزرنے پر ، اللہ تعالی ایک ہوا بھیجے گا ( اور اس کے ذریعے ) ہر مؤمن کی روح قبض کر لے گا "۔یہ روایت امام بزار نے نقل کی ہے اس کے رجال صحیح کے رجال ہیں ۔

بُرَيْدَةَ

وَفِي رِوَايَةٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «إِنَّ لِلَّهِ - تَبَارَكَ وَتَعَالَى - رِيحًا يَبْعَثُهَا عِنْدَ رَأْسِ مِائَةِ سَنَةٍ، فَيَقْبِضُ رُوحَ كُلِّ مُؤْمِنٍ». رَوَاهُ الْبَزَّارُ، وَرِجَالُهُ رِجَالُ الصَّحِيحِ.

وَفِي رِوَايَةٍ

970 - وَعَنْ أَبِي ذَرٍّ «أَنَّهُمْ كَانُوا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي غَزْوَةِ تَبُوكَ، فَقَالَ: " يَا أَيُّهَا النَّاسُ، انَّهُ لَيْسَ الْيَوْمَ نَفْسٌ تَأْتِي عَلَيْهَا مِائَةُ سَنَةٍ فَيَعْبَأُ اللَّهُ بِهَا شَيْئًا». قُلْتُ: رَوَاهُ الْبَزَّارُ فِي أَثْنَاءِ حَدِيثٍ أَطْوَلَ مِنْ هَذَا. وَفِيهِ عَلِيُّ بْنُ زَيْدٍ - وَهُوَ ضَعِيفٌ - عَنْ عَبْدِ اللَّهِ بْنِ قُدَامَةَ بْنِ صَخْرٍ، وَلَا أَدْرِي مَنْ هُوَ.

حضرت ابو ذر غفاری رضی اللہ عنہ بیان کرتے ہیں :وہ لوگ نبی اکرم صلی اللہ علیہ و آلہ وسلم کے ساتھ غزوہ تبوک میں تھے ، آپ صلی اللہ علیہ و آلہ وسلم نے ارشاد فرمایا : اے لوگو!آج جو لوگ زندہ ہیں ، ان میں سے کسی پر بھی ایک سو سال گزرنے کا وقت نہیں آئے گا ، اللہ تعالی کو اس کے حوالے سے کسی چیز کی پرواہ نہیں ہو گی ۔ ( علامہ ہیثمی فرماتے ہیں : ) میں یہ کہتا ہوں : یہی روایت امام بزار نے ، اس سے زیادہ طویل روایت کے درمیان میں بیان کی ہے اس کی سند میں ایک راوی علی بن زید ہے اور وہ ضعیف ہے ، اس نے اسے عبداللہ بن قدامہ بن ضحر سے روایت کیا ہے ، مجھے نہیں معلوم کہ وہ کون ہے؟

اَبِیْ ذَرٍّ

971 - وَعَنْ أَبِي الطُّفَيْلِ قَالَ: أَدْرَكْتُ ثَمَانِيَ سِنِينَ مِنْ حَيَاةِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَوُلِدْتُ عَامَ أُحُدٍ. رَوَاهُ أَحْمَدُ، وَفِيهِ ثَابِتُ بْنُ الْوَلِيدِ بْنِ عَبْدِ اللَّهِ بْنِ جُمَيْعٍ، ذَكَرَهُ ابْنُ عَدِيٍّ فِي الْكَامِلِ، وَلَمْ يَتَكَلَّمْ فِيهِ بِكَلِمَةٍ، وَذَكَرَهُ ابْنُ حِبَّانَ فِي الثِّقَاتِ وَقَالَ: رُبَّمَا أَخْطَأَ، وَقَدْ رَوَى عَنْهُ أَحْمَدُ، وَشُيُوخُهُ ثِقَاتٌ.

حضرت ابو طفیل رضی اللہ عنہ بیان کرتے ہیں : میں نے نبی اکرم صلی اللہ علیہ و آلہ وسلم کی حیات مبارکہ کے آٹھ سال پائے ہیں ، میں غزوہ احد کے سال پیدا ہوا تھا ۔ یہ روایت امام احمد نے نقل کی ہے اس کی سند میں ایک راوی ثابت بن ولید بن عبداللہ بن جمیع ہے ابن عدی نے اس کا ذکر کتاب "الکامل " میں کیا ہے ، لیکن اس کے بارے میں کوئی بات نہیں کہی ہے ابن حبان نے اس کا تذکرہ کتاب الثقات میں کیا ہے وہ فرماتے ہیں : یہ بعض اوقات غلطی کر جاتا ہے ، امام احمد نے اس سے روایت نقل کی ہے اور اس کے شیوخ ، ثقہ ہیں ۔

أَبِي الطُّفَيْلِ،