Majma uz Zawaid Wa Manba ul Fawaid

3610 - وَعَنْ أَبِي هُرَيْرَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «مَنْ صَلَّى فِي لَيْلَةٍ بِمِائَةِ آيَةٍ لَمْ يُكْتَبْ مِنَ الْغَافِلِينَ، وَمَنْ صَلَّى بِمَائَتَيْ آيَةٍ فَإِنَّهُ يُكْتَبُ - أَظُنُّهُ - مِنَ الْمُتَّقِينَ» ". رَوَاهُ الْبَزَّارُ، وَفِيهِ يُوسُفُ بْنُ خَالِدٍ السَّمْتِيُّ وَهُوَ ضَعِيفٌ.

حضرت ابو ہریرہ رضی اللہ عنہ نبی اکرم صلی اللہ علیہ و آلہ و سلم کا فرمان نقل کرتے ہیں: جوشخص رات کو نماز میں ایک سو آیات کی تلاوت کرتا ہے اس کا شمار غافل لوگوں میں نہیں کیا جاتا اور جو شخص دوسو آیات کی تلاوت کرتا ہے۔ راوی کہتے ہیں: میرا خیال ہے روایت میں یہ الفاظ ہیں: ’’اس کا نام پر ہیز گاروں میں نوٹ کر لیا جاتا ہے۔ یہ روایت امام بزارنے نقل کی ہے اس کی سند میں ایک راوی یوسف بن خالدسمتی ہے اور وہ ضعیف ہے۔

أَبِي هُرَيْرَةَ،

3611 - وَعَنْ فَضَالَةَ بْنِ عُبَيْدٍ وَتَمِيمٍ الدَّارِيِّ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَنْ قَرَأَ عَشْرَ آيَاتٍ فِي لَيْلَةٍ كُتِبَ لَهُ قِنْطَارٌ، وَالْقِنْطَارُ خَيْرٌ مِنَ الدُّنْيَا وَمَا فِيهَا، فَإِذَا كَانَ يَوْمُ الْقِيَامَةِ يَقُولُ رَبُّكَ - عَزَّ وَجَلَّ -: اقْرَأْ وَارْقَ بِكُلِّ آيَةٍ دَرَجَةً حَتَّى يَنْتَهِيَ إِلَى آخِرِ آيَةٍ مِنْهُ يَقُولُ رَبُّكَ - عَزَّ وَجَلَّ - لِلْعَبْدِ: اقْبِضْ، فَيَقُولُ الْعَبْدُ بِيَدِهِ: يَا رَبِّ أَنْتَ أَعْلَمُ يَقُولُ: لِهَذِهِ الْخُلْدُ وَلِهَذِهِ النَّعِيمُ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ إِسْمَاعِيلُ بْنُ عَيَّاشٍ وَلَكِنَّهُ مِنْ رِوَايَتِهِ عَنِ الشَّامِيِّينَ وَهِيَ مَقْبُولَةٌ.

حضرت فضالہ بن عبید رضی اللہ عنہ اور حضرت تمیم داری رضی اللہ عنہ نبی اکرم صلی اللہ علیہ و آلہ و سلم کا فرمان نقل کرتے ہیں: جو رات میں دس آیات کی تلاوت کرتا ہے اس کے لئے ایک ڈھیر (اجر وثواب ) نوٹ کیا جا تا ہے اور ایک ڈھیر دنیا اور اس میں موجود سب چیزوں سے بہتر ہے جب قیامت کا دن ہوگا تو تمہارا پروردگارفرمائے گا: تم تلاوت کرو اور ہر ایک آیت کے عوض میں ایک درجہ پر چڑھتے جاؤ ! یہاں تک کہ آدمی کو جو آخری آیت آتی ہوگی وہ وہاں تک پہنچ جائے گا پروردگار بندے سے فرمائے گا: تم حاصل کرلو! بندہ اپنے ہاتھ کے ذریعے عرض کرے گا: اے میرے پروردگار! تو زیادہ بہتر جانتا ہے تو پروردگارفرمائے گا: اس کے لئے خلد ہے اس کے لئے نعیم ہے۔یہ روایت امام طبرانی نے معجم کبیر اور معجم اوسط میں نقل کی ہے اس کی سند میں ایک راوی اسماعیل بن عیاش ہے لیکن یہ وہ روایت ہے جو اس نے اہل شام سے نقل کی ہے اور یہ روایت مقبول ہے۔

فَضالةَ بنِ عُبيدٍ وتميمٍ الداريّ

3612 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ قَرَأَ عَشْرَ آيَاتٍ فِي لَيْلَةٍ لَمْ يُكْتَبْ مِنَ الْغَافِلِينَ، وَمَنْ قَرَأَ مِائَةَ آيَةٍ كُتِبَ لَهُ قُنُوتُ لَيْلَةٍ، وَمَنْ قَرَأَ مِائَتَيْ آيَةٍ كُتِبَ مِنَ الْقَانِتِينَ، وَمَنْ قَرَأَ أَرْبَعَمِائَةِ آيَةٍ كُتِبَ مِنَ الْعَابِدِينَ، وَمَنْ قَرَأَ خَمْسَمِائَةِ آيَةٍ كُتِبَ مِنَ الْحَافِظِينَ، وَمَنْ قَرَأَ سِتَّمِائَةِ آيَةٍ كُتِبَ مِنَ الْخَاشِعِينَ، وَمَنْ قَرَأَ ثَمَانِمِائَةِ آيَةٍ كُتِبَ مِنَ الْمُخْبِتِينِ، وَمَنْ قَرَأَ أَلْفَ آيَةٍ أَصْبَحَ لَهُ قِنْطَارٌ وَالْقِنْطَارُ أَلْفٌ وَمِائَتَا أُوقِيَّةٍ خَيْرٌ مِمَّا بَيْنَ السَّمَاءِ وَالْأَرْضِ، - أَوْ قَالَ: خَيْرٌ مِمَّا طَلَعَتْ عَلَيْهِ الشَّمْسُ - وَمَنْ قَرَأَ أَلْفَيْ آيَةٍ كَانَ مِنَ الْمُوجِبِينَ» ". رَوَاهُ الطَّبَرَانِيُّ فِي الْكَبِيرِ، وَفِيهِ يَحْيَى بْنُ عُقْبَةَ بْنِ أَبِي الْعَيْزَارِ وَهُوَ ضَعِيفٌ.

حضرت ابوامامہ رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: جوشخص رات میں دس آیات کی تلاوت کرےگا اس کا نام غافلوں میں نوٹ نہیں کیا جائے گا اور جو ایک سو آیات کی تلاوت کرے گا اس کے لئے رات بھر کی عبادت کا ثواب نوٹ کیا جائے گا جو دوسو آیات کی تلاوت کرے گا اس کا شمار قانتین میں کیا جائے گا جوس چارسوآیات کی تلاوت کرے گا اس کا نام عابد ین میں شمار کیا جائے گا جوشخص پانچ سوآیات کی تلاوت کرے گا اس کا شمار خاشعین میں کیا جائے گا جو چھ سو آیات کی تلاوت کرے گا اس کا شمارخاشعین میں کیا جائے گا جو آٹھ سو آیات کی تلاوت کرے گا اس کا شمار خبطین میں کیا جائے گا جو ایک ہزار آیات کی تلاوت کرے گا اسے قنطار نصیب ہوگا اور ایک قنطار ایک ہزار دو سو(یعنی بارہ سو ) اوقیہ کا ہوگا اور ہر اس چیز سے زیادہ بہتر ہوگا جو آسمان اور زمین کے درمیان موجود ہے (راوی کوشک ہے شاید یہ الفاظ ہیں : ) ہر اس چیز سے زیادہ بہتر ہوگا جس پر سورج طلوع ہوتا ہے اور جو دو ہزار آیات کی تلاوت کرے گا وہ موجبین میں سے ہوگا۔ یہ روایت امام طبرانی نے معجم کبیر میں نقل کی ہے اس کی سند میں ایک راوی یحییٰ بن عقبہ بن ابو العیز ار ہے اور یہ راوی "ضعیف "ہے۔

اَبِیْ اُمَامَۃَ،

3613 - وَعَنْ عُبَادَةَ بْنِ الصَّامِتِ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ قَرَأَ عَشْرَ آيَاتٍ فِي لَيْلَةٍ لَمْ يُكْتَبْ مِنَ الْغَافِلِينَ، وَمَنْ قَرَأَ مِائَةَ آيَةٍ كُتِبَ لَهُ قُنُوتُ لَيْلَةٍ، وَمَنْ قَرَأَ مِائَتَيْ آيَةٍ كُتِبَ مِنَ الْقَانِتِينَ، وَمَنْ قَرَأَ أَرْبَعَمِائَةِ آيَةٍ كُتِبَ مِنَ الْمُخْبِتِينَ، وَمَنْ قَرَأَ أَلْفَ آيَةٍ أَصْبَحَ وَلَهُ قِنْطَارٌ - أَلْفٌ وَمِائَتَا أُوقِيَّةٍ، الْأُوقِيَّةُ خَيْرٌ مِمَّا بَيْنَ السَّمَاءِ وَالْأَرْضِ -، وَمَنْ قَرَأَ أَلْفَيْ آيَةٍ كَانَ مِنَ الْمُوجِبِينَ» ". رَوَاهُ الطَّبَرَانِيُّ فِي الْكَبِيرِ، وَفِيهِ يَحْيَى بْنُ عُقْبَةَ بْنِ أَبِي الْعَيْزَارِ وَهُوَ ضَعِيفٌ.

حضرت عبادہ بن صامت رضی اللہ عنہ بیان کرتے ہیں : میں نے نبی اکرم صلی اللہ علیہ و آلہ و سلم کو یہ ارشاد فرماتے ہوئے سناہے: جو رات میں دس آیات کی تلاوت کرے گا اسےغافلین میں نوٹ نہیں کیا جائے گا جوشخص ایک سو آیات کی تلاوت کرے گا اس کے لئے رات بھر کی عبادت کا ثواب نوٹ کیا جائے گا جو دوسوآیات کی تلاوت کرے گا اس کا نام قانتین“ میں نوٹ کیا جائے گا جوشخص چارسوآیات کی تلاوت کرے گا اس کا نام مخبتين‘‘ میں نوٹ کیا جائے گا جو ایک ہزار آیات کی تلاوت کرے گا تو اس کے لئے قنطار کا ثواب نوٹ کیا جائے گا جو ایک ہزار دوسو (یعنی بارہ سو ) اوقیہ کا ہوگا اور ہر اس چیز سے بہتر ہوگا جو آسمان اور زمین کے درمیان موجود ہے جوشخص دو ہزار آیات کی تلاوت کرے گا تو وہ موجبین‘‘ میں سے ہوگا‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی یحییٰ بن عقبہ بن ابوالعیزار ہے اور وہ" ضيف" ہے۔

عُبَادَةَ بْنِ الصَّامِتِ

3614 - وَعَنْ أَبِي الدَّرْدَاءِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ قَرَأَ مِائَةَ آيَةٍ فِي لَيْلَةٍ لَمْ يُكْتَبْ مِنَ الْغَافِلِينَ، وَمَنْ قَرَأَ مِائَتَيْ آيَةٍ كُتِبَ مِنَ الْقَانِتِينَ، وَمَنْ قَرَأَ أَلْفَ آيَةٍ إِلَى خَمْسِمِائَةِ آيَةٍ كُتِبَ لَهُ قِنْطَارٌ مِنَ الْأَجْرِ الْقِيرَاطُ مِنَ الْقِنْطَارِ مِثْلُ التَّلِّ الْعَظِيمِ» ". رَوَاهُ الطَّبَرَانِيُّ فِي الْكَبِيرِ، وَفِيهِ مُوسَى بْنُ عُبَيْدَةَ الرَّبَذِيُّ وَالْغَالِبُ عَلَيْهِ الضَّعْفُ، وَقَدِ اخْتَلَفَ قَوْلُ أَحْمَدَ وَابْنِ مَعِينٍ فِيهِ.

حضرت ابودرداء رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: جوشخص رات میں ایک سو آیات کی تلاوت کرے گا اس کا نام "غافلین میں شمارنہیں کیا جائے گا ، جوشخص دوسوآیات کی تلاوت کرے گا اس کا نام قانتین میں نوٹ کیا جائے گا جو ایک ہزار سے لے کر پانچ سوآیات تک کی تلاوت کرے گا اس کے لئے اجر کا ایک قنطار نوٹ کیا جائے گا اور اس قطار میں سے ایک قیراط بڑے ٹیلے جتنا ہوگا۔یہ روایت امام طبرانی نے معجم کبیر میں نقل کی ہے اس کی سند میں ایک راوی موسٰی بن عبید ربزی ہے جس پر ضعیف ہونا غالب ہے اس راوی کے بارے میں امام احمد اور امام علی بن حسین کا قول مختلف ہے۔

أَبِي الدَّرْدَاءِ،

3615 - وَعَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ قَرَأَ بِعَشْرِ آيَاتٍ لَمْ يُكْتَبْ مِنَ الْغَافِلِينَ، وَمَنْ قَرَأَ بِمِائَةِ آيَةٍ كُتِبَ مِنَ الْقَانِتِينَ، وَمَنْ قَرَأَ بِمِائَتَيْ آيَةٍ كُتِبَ مِنَ الْعَابِدِينَ» ". رَوَاهُ الطَّبَرَانِيُّ فِي الْأَوْسَطِ، وَقَالَ: تَفَرَّدَ بِهِ حَمَّادُ بْنُ حَمَّادِ بْنِ خُوَارٍ أَخُو حُمَيْدٍ قُلْتُ: ذَكَرَهُ ابْنُ حِبَّانَ فِي الثِّقَاتِ.

حضرت ابوسعید خدری رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا: جوشخص دس آیات کی تلاوت کرے گا اس کا نام ” غافلین میں نوٹ نہیں کیا جائے گا جو ایک سو آیات کی تلاوت کرے گا اس کا نام ” قانتین میں نوٹ کیا جائے گا جوشخص دوسوآیات کی تلاوت کرے گا اس کا نام عابدین میں نوٹ کیا جائے گا۔یہ روایت امام طبرانی نے معجم اوسط میں نقل کی ہے وہ یہ فرماتے ہیں: حمید کا بھائی حماد بن خوار،اسے نقل کرنے میں منفرد ہے میں یہ کہتا ہوں :ابن حبان نے اس کا تذکرہ کتاب الثقات میں کیا ہے۔

أَبِي سَعِيدٍ الْخُدْرِيِّ،

3616 - وَعَنْ عَبْدِ اللَّهِ بْنِ مَسْعُودٍ قَالَ: مَنْ قَرَأَ فِي لَيْلَةٍ خَمْسِينَ آيَةً لَمْ يُكْتَبْ مِنَ الْغَافِلِينَ، وَمَنْ قَرَأَ مِائَةَ آيَةٍ كُتِبَ مِنَ الْقَانِتِينَ، وَمَنْ قَرَأَ ثَلَاثَمِائَةِ آيَةٍ، كُتِبَ لَهُ قِنْطَارٌ، وَمَنْ قَرَأَ سَبْعَمِائَةٍ أَفْلَحَ. رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت عبدالله بن مسعود رضی اللہ عنہ بیان فرماتے ہیں: جوشخص رات میں پچاس آیات کی تلاوت کرے گا اس کا نام "غافلین" میں نہیں کیا جائے گا جو ایک سو آیات کی تلاوت کرے گا اس کا شمار قانتین میں ہوگا جوشخص تین سوآیات کی تلاوت کرے گا اس کے لئے ایک قنطار نوٹ کیا جائے گا اور جو شخص سات سو آیات کی تلاوت کرے گا وہ کامیاب ہو جائے گا"روایت امام طبرانی نے معجم کبیر میں نقل کی ہے اور اس کے رجال ثقہ ہیں۔

عَبْدِ اللهِ بْنِ مَسْعُودٍ

3617 - عَنْ سَعِيدِ بْنِ الْمُنْذِرِ الْأَنْصَارِيِّ أَنَّهُ قَالَ: «يَا رَسُولَ اللَّهِ أَقْرَأُ الْقُرْآنَ فِي ثَلَاثٍ؟ قَالَ: " نَعَمْ "، قَالَ: فَكَانَ يَقْرَؤُهُ حَتَّى تُوُفِّيَ». رَوَاهُ أَحْمَدُ وَالْطَبَرَانِيُّ فِي الْكَبِيرِ إِلَّا أَنَّهُ قَالَ: " نَعَمْ إِنِ اسْتَطَعْتَ "، وَفِيهِ ابْنُ لَهِيعَةَ وَفِيهِ كَلَامٌ.

حضرت سعید بن منذر انصاری رضی اللہ عنہ بیان کرتے ہیں: انہوں نے عرض کیا: یا رسول اللہ صلی اللہ علیہ و آلہ و سلم ! کیا میں تین دن میں قرآن پڑھ لیا کروں؟ نبی اکرم صلی اللہ علیہ و آلہ و سلم نے ارشاد فرمایا: جی ہاں ! راوی کہتے ہیں: تو وہ صاحب انتقال تک اسی طرح قرآن پڑھتے رہے۔یہ روایت امام احمد نے اور امام طبرانی نے معجم کبیر میں نقل کی ہے تاہم انہوں نے یہ الفاظ نقل کیے ہیں: آپ صلی اللہ علیہ و آلہ و سلم نے فرمایا: جی ہاں! اگر تم اس کی استطاعت رکھتے ہو۔ .اس کی سند میں ایک راوی ابن لہیعہ ہے اور اس کے بارے میں کلام کیا گیا ہے۔

سَعِيدِ بْنِ الْمُنْذِرِ الْأَنْصَارِيِّ أَنَّهُ

3618 - وَعَنْ عُثْمَانَ بْنِ عَمْرِو بْنِ أَوْسٍ عَنْ أَبِيهِ قَالَ: «قَدِمْتُ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي وَفْدِ ثَقِيفٍ فَكَانَ يَخْرُجُ إِلَيْنَا فَيُحَدِّثُنَا فَأَبْطَأَ عَلَيْنَا ذَاتَ لَيْلَةٍ فَقُلْنَا: يَا رَسُولَ اللَّهِ لَقَدْ أَبْطَأْتَ عَلَيْنَا اللَّيْلَةَ، فَقَالَ: " إِنَّهُ طَرَأَ عَلَيَّ حِزْبِي مِنَ الْقُرْآنِ فَكَرِهْتُ أَنْ أَقْطَعَهُ حَتَّى أَفْرُغَ مِنْهُ "، فَلَمَّا أَصْبَحْنَا سَأَلْنَا أَصْحَابَ رَسُولِ اللَّهِ - صَلَّى اللَّهُ عَلَيْهِ وَسَلَّمَ -: كَيْفَ تُحَزِّبُونَ الْقُرْآنَ؟ فَقَالُوا: ثَلَاثٌ وَخَمْسٌ وَسَبْعٌ وَتِسْعٌ وَإِحْدَى عَشْرَةَ وَثَلَاثَ عَشْرَةَ، وَمَا بَيْنَ قَ وَالْقُرْآنِ الْمَجِيدِ إِلَى آخِرِ الْمُفَصَّلِ حِزْبٌ حَسَنٌ». رَوَاهُ الطَّبَرَانِيُّ فِي الْكَبِيرِ، وَقَالَ: هَكَذَا رَوَاهُ الْوَلِيدُ بْنُ مُسْلِمٍ وَخَالَفَهُ وَكِيعٌ وَقَالَ ابْنُ تَمَّامٍ وَغَيْرُهُمَا: فَرَوَوْهُ عَنْ عَبْدِ اللَّهِ بْنِ عَبْدِ الرَّحْمَنِ عَنْ عُثْمَانَ بْنِ عَبْدِ اللَّهِ بْنِ أَوْسٍ عَنْ جَدِّهِ أَوْسِ بْنِ حُذَيْفَةَ، وَعُثْمَانُ بْنُ عَمْرٍو لَمْ أَجِدْ مَنْ تَرْجَمَهُ.

عثمان بن عمرو بن اوس نے اپنے والد کا یہ بیان نقل کیا ہے: میں ثقیف قبیلے کے وفد میں شامل ہو کر نبی اکرم صلی اللہ علیہ و آلہ و سلم کی خدمت میں حاضر ہوا۔ نبی اکرم صلی اللہ علیہ و آلہ و سلم نے ہمارے پاس تشریف لاتے تھے، آپ صلی اللہ علیہ و آلہ و سلم ہمارے ساتھ بات چیت کرتے تھے ایک رات آپ کو ہمارے پاس آنے میں تاخیر ہوئی ہم نے عرض کیا: یا رسول الله صلی اللہ علیہ و آلہ و سلم ! آپ کو ہمارے پاس آنے میں تاخیر ہوگئی؟ نبی اکرم صلی اللہ علیہ و آلہ و سلم نے ارشاد فرمایا: میں قرآن کا جو حصہ (روزانہ کے معمول کے طور پر) تلاوت کرتا ہوں وہ میں پڑھ رہا تھا تو مجھے یہ اچھا نہیں لگا کہ میں اسے ختم کرنے سے پہلے ہی اسے درمیان میں چھوڑ دوں جب صبح ہوئی تو ہم نے نبی اکرم صلی اللہ علیہ و آلہ و سلم کے اصحاب سے دریافت کیا: آپ لوگ قرآن کومختلف حصوں میں کیسے پڑھتے ہیں؟ انہوں نے جواب دیا: تین میں پانچ میں سات میں تو میں گیارہ میں تیرہ میں اور" ق والقرآن المجید" سے لے کر" مفصل" کے آخر تک کا حصہ روزانہ کا معمول بنا لیا عمدہ ہے۔یہ روایت امام طبرانی نےمعجم کبیر میں نقل کی ہے وہ بیان کرتے ہیں: ولید بن مسلم نے اسے اسی طرح نقل کیا ہے جب کہ وکیع نے اسے اس کے برخلاف نقل کیا ہے کرام بن تمام اور دیگر حضرات نے اسے عبداللہ بن عبدالرحمن کے حوالے سے عثمان بن عبداللہ بن اوس کے حوالے سے ان کے دادا حضرت اوس بن حذیفہ رضی اللہ عنہ کے حوالے سے نقل کیا ہے۔ عثمان بن عمرو کے حالات بیان کرتے ہوئے میں نے کسی کو نہیں پایا ہے۔

أَبِيهِ ← عُثْمَانَ بْنِ عَمْرِو بْنِ أَوْسٍ

3619 - «وَعَنْ قَيْسِ بْنِ أَبِي صَعْصَعَةَ أَنَّهُ قَالَ: يَا رَسُولَ اللَّهِ فِي كَمْ أَقْرَأُ قَالَ: " فِي خَمْسَ عَشْرَةَ " قَالَ: إِنِّي أَجِدُنِي أَقْوَى مِنْ ذَلِكَ! قَالَ: " فِي جُمُعَةٍ "، قَالَ: إِنِّي أَجِدُنِي أَقْوَى مِنْ ذَلِكَ! قَالَ: فَمَكَثَ كَذَلِكَ يَقْرَؤُهُ زَمَانًا حَتَّى كَبُرَ وَكَانَ يَعْصِبُ عَلَى عَيْنَيْهِ ثُمَّ رَجَعَ فَكَانَ يَقْرَؤُهُ فِي خَمْسَ عَشْرَةَ فَقَالَ: يَا لَيْتَنِي قَبِلْتُ رُخْصَةَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - الْأُولَى». رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ وَفِيهِ كَلَامٌ.

حضرت قیس بن ابوصعصعہ رضی اللہ عنہ بیان کرتے ہیں، انہوں نے عرض کیا: یا رسول الله صلی اللہ علیہ و آلہ و سلم ! میں کتنے عرصے میں (پورا قر آن) پڑھ لیا کروں؟ نبی اکرم صلی اللہ علیہ و آلہ و سلم نے ارشاد فرمایا: پندرہ دن میں انہوں نے عرض کی : میں اپنے اندر اس سے زیادہ کی قوت پا تا ہوں۔ نبی اکرم صلی اللہ علیہ و آلہ و سلم نے فرمایا: ایک ہفتے میں انہوں نے عرض کیا: میں اپنے اندر اس سے زیادہ کی قوت پا تا ہوں راوی بیان کرتے ہیں: وہ کافی عرصے تک اسی طرح تلاوت کرتے رہے یہاں تک کہ جب ان کی عمر زیادہ ہوگئی اور ان کی نظر کمزور ہوگئی تو پھر وہ پندرہ دن میں پورا قرآن پڑھتے تھے اور یہ کہا کرتے تھے: اے کاش! میں نے نبی اکرم ا کی عطا کی ہوئی پہلی رخصت کو قبول کر لیا ہوتا۔یہ روایت امام طبرانی نے معجم کبیر میں نقل کی ہے اور اس کی سند میں ایک راوی ابن لہیعہ ہے اور اس کے بارے میں کلام کیا گیا ہے۔

قيس بن أبي صعصعة أنه

3620 - وَعَنْ مُعَاذِ بْنِ أَنَسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ قَرَأَ أَلْفَ آيَةٍ فِي سَبِيلِ اللَّهِ كُتِبَ يَوْمَ الْقِيَامَةِ مَعَ النَّبِيِّينَ وَالصِّدِّيقِينَ وَالشُّهَدَاءِ وَحَسُنَ أُولَئِكَ رَفِيقًا» ". رَوَاهُ أَبُو يَعْلَى وَالْطَبَرَانِيُّ فِي الْكَبِيرِ، وَفِيهِ ابْنُ لَهِيعَةَ عَنْ زَبَّانٍ وَفِيهِمَا كَلَامٌ.

حضرت معاذ بن انس رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: جوشخص اللہ تعالی کی راہ میں ایک ہزار آیات کی تلاوت کرتا ہے قیامت کے دن اسے انبیاء صدیقین، شہداء کے ہمرا شمار کیا جائے گا اور یہ بہترین ساتھی ہیں“۔یہ روایت امام ابویعلی نے اور امام طبرانی نے معجم کبیر میں نقل کی ہے اس کی سند میں یہ مذکور ہے:این لہیہ نے اسے زبان سے نقل کیا ہے اور ان دونوں کے بارے میں کلام کیا گیا ہے۔

معاذ بن أَنس.

3621 - وَعَنْ أَبِي الْأَحْوَصِ قَالَ: قَالَ عَبْدُ اللَّهِ: لَا يُقْرَأُ الْقُرْآنُ فِي أَقَلَّ مِنْ ثَلَاثٍ، اقْرَؤُوهُ فِي سَبْعٍ وَيُحَافِظُ الرَّجُلُ عَلَى حِزْبِهِ. رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

ابواحوص بیان کرتے ہیں: حضرت عبداللہ رضی اللہ عنہ نے فرمایا: تین دن سے کم میں قرآن کو مکمل نہ پڑھا جائے لوگ اسے سات دن میں پڑھاؤ اور آدمی کو اپنے روز کا حصہ باقاعدگی سے پڑھنا چاہیے۔یہ روایت امام طبرانی نے معجم کبیر میں نقل کی ہے اور اس کے رجال "صحیح" کے رجال ہیں۔

أَبِي الْأَحْوَصِ،