Majma uz Zawaid Wa Manba ul Fawaid

3562 - وَعَنِ ابْنِ عَبَّاسٍ وَعَائِشَةَ قَالَا: «دَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمَسْجِدَ فَإِذَا صَوْتُهُ كَدَوِيِّ النَّحْلِ [مِنْ] قِرَاءَةِ الْقُرْآنِ فَقَالَ: " إِنَّ الْإِسْلَامَ لِيَتَّسِعُ ثُمَّ تَكُونُ فَتْرَةً فَمَنْ كَانَتْ لَهُ فَتْرَةٌ إِلَى غُلُوٍّ وَبِدْعَةٍ فَأُولَئِكَ أَهْلُ النَّارِ» ". رَوَاهُ الطَّبَرَانِيُّ فِي الْكَبِيرِ، وَفِيهِ الْمُسَيَّبُ بْنُ شَرِيكٍ وَهُوَ ضَعِيفٌ.

حضرت عبد الله بن عباس رضی اللہ عنہ اور سیدہ عائشہ صدیقہ رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم مسجد میں داخل ہوئے وہاں شہد کی مکھیوں کی بھنبھناہٹ کی طرح قرآن کی تلاوت کی آواز آرہی تھی نبی اکرم صلی اللہ علیہ و آلہ و سلم نے ارشاد فرمایا:اسلام کشادہ ہو جاتا ہے پھر اس میں ضعف آجاتا ہے تو جس شخص کا ضعف غلو اور بدعت کی طرف ہوگا تو وہ لوگ اہل جہنم میں سے ہوں گے۔ یہ روایت امام طبرانی نے معجم کبیر میں نقل کی ہے اس کی سند میں ایک راوی مسیب بن شریک ہے اور وہ ضعیف ہے۔

«دَخَلَ رَسُولُ اللَّهِ الْمَسْجِدَ فَإِذَا صَوْتُهُ كَدَوِيِّ النَّحْلِ [مِنْ] قِرَاءَةِ الْقُرْآنِ ← ابْنِ عَبَّاسٍ، وَعَائِشَةَ،

3563 - وَعَنْ جَعْدَةَ بْنِ هُبَيْرَةَ قَالَ: «ذُكِرَ لِلنَّبِيِّ - صَلَّى اللَّهُ عَلَيْهِ وَسَلَّمَ - مَوْلًى لِبَنِي عَبْدِ الْمُطَّلِبِ يُصَلِّي وَلَا يَنَامُ وَيَصُومُ وَلَا يُفْطِرُ فَقَالَ: " أَنَا أُصَلِّي وَأَنَامُ وَأَصُومُ وَأُفْطِرُ، لِكُلِّ عَمَلٍ شِرَّةٌ وَلِكُلِّ شِرَّةٍ فَتْرَةٌ فَمَنْ تَكُنْ فَتْرَتُهُ إِلَى السُّنَّةِ فَقَدِ اهْتَدَى وَمَنْ تَكُنْ إِلَى غَيْرِ ذَلِكَ فَقَدْ ضَلَّ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت جعدہ بن ہبیرہ رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم کے سامنے بنوعبد المطلب کے غلام کا ذکر کیا گیا جونماز پڑھتا رہتا تھا اور سوتا نہیں تھا (نفلی) روزے رکھتارہتا تھا اور کوئی روزہ ترک نہیں کرتا تھا نبی اکرم صلی اللہ علیہ و آلہ و سلم نے ارشادفرمایا: میں(نفلی) نماز ادا کرتا بھی ہوں اور سوبھی جاتا ہوں میں (نفلی) روزہ رکھتا بھی ہوں اور ترک بھی کر دیتا ہوں کہ ہر عمل کے لیے نشاط (یعنی چاق و چو بند ہونے کا پہلو ) ہوتا ہے اور ہر چاق و چوبند ہونے میں ضعف (اور تھکاوٹ کا پہلو) آ جاتا ہے تو جس خط کا ضعف (لین عمل ترک کر دینے کا پہلو) سنت کی طرف ہوگا وہ ہدایت حاصل کر لے گا اور جس کا اس (سنت) کے علاوہ کسی اور کی طرف ہوگا وہ گمراہ ہوجائے گا۔ یہ روایت امام طبرانی نےمعجم کبیر میں نقل کی ہے اور اس کے رجال"صحیح " کے رجال ہیں۔

لِلنَّبِيِّ مَوْلًى لِبَنِي عَبْدِ الْمُطَّلِبِ يُصَلِّي وَلَا يَنَامُ وَيَصُومُ وَلَا يُفْطِرُ ← جَعْدَةُ بْنُ هُبَيْرَةَ

3564 - وَعَنْ أَبِي أُمَامَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: " «خُذُوا مِنَ الْعِبَادَةِ مَا تُطِيقُونَ فَإِنَّ اللَّهَ لَا يَسْأَمُ حَتَّى تَسْأَمُوا» " رَوَاهُ الطَّبَرَانِيُّ فِي الْكَبِيرِ، وَفِيهِ بِشْرُ بْنُ نُمَيْرٍ وَهُوَ ضَعِيفٌ.

حضرت ابو امامہ رضی اللہ عنہ نبی اکرم صلی اللہ علیہ و آلہ و سلم کا فرمان نقل کرتے ہیں: اتنی (نفلی) عبادت اختیار کرو! جس کی تم طاقت رکھتے ہو کیونکہ اللہ تعالی نہیں تھکتا ہے بلکہ تم تھک جاتے ہو۔ یہ روایت امام طبرانی نے معجم کبیر میں نقل کی ہے اس کی سند میں ایک راوی بشر بن نمیر ہے اور وہ "ضعیف" ہے۔

النَّبِيِّ ← اَبِیْ اُمَامَۃَ،

3565 - وَعَنْ عِمْرَانَ بْنِ حُصَيْنٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «عَلَيْكُمْ مِنَ الْعَمَلِ بِمَا تُطِيقُونَ فَإِنَّ اللَّهَ لَا يَمَلُّ حَتَّى تَمَلُّوا» ". رَوَاهُ الطَّبَرَانِيُّ فِي الْكَبِيرِ وَإِسْنَادُهُ حَسَنٌ.

حضرت عمران بن حصین رضی اللہ عنہ نبی اکرم صلی اللہ علیہ و آلہ و سلم کا یہ فرمان نقل کرتے ہیں: تم پر اتناعمل کرنا لازم ہے جس کی تم طاقت رکھتے ہو کیونکہ الله تعالی نہیں تھکتا ہے اور تم تھک جاتے ہو۔ یہ روایت امام طبرانی نے معجم کبیر میں نقل کی ہے اور اس کی سند حسن ہے۔

النَّبِيِّ ← عِمْرَانَ بْنِ حُصَيْنٍ

3566 - وَعَنْ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ النَّفْسَ مَلُولَةٌ وَإِنَّ أَحَدَكُمْ لَا يَدْرِي قَدْرَ الْمُدَّةِ، فَلْيَنْظُرْ مِنَ الْعِبَادَةِ مَا يُطِيقُ ثُمَّ لِيُدَاوِمْ عَلَيْهِ فَإِنَّ أَحَبَّ الْأَعْمَالِ إِلَى اللَّهِ مَا دِيمَ عَلَيْهِ وَإِنَّ قَلَّ» ". رَوَاهُ الطَّبَرَانِيُّ فِي الْأَوْسَطِ، وَفِيهِ الْجَارُودُ بْنُ يَزِيدَ وَهُوَ مَتْرُوكٌ.

حضرت عبد الله بن عمر رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشاد فرمایا ہے: بے شک نفس ملول ہوجاتا ہے اور تم میں سے کوئی ایک بھی مدت کے بارے میں نہیں جانتا (کہ اسے کتنی زندگی نصیب ہوتی ہے؟) تو آدمی کو عبادت کے حوالے سے اس بات کا جائزہ لینا چاہیے جس کی وہ طاقت رکھ سکتا ہوباقاعدگی سے کرنا چاہیے کیونکہ الله تعالی کے نزدیک سب سے پسندید عمل وہ ہے جسے باقاعدگی سے کیا جائے اگر چہ وہ تھوڑا ہو۔یہ روایت امام طبرانی نے معجم اوسط میں نقل کی ہے اس کی سند میں ایک راوی جارود بن یزید ہے اور وہ متروک ہے۔

ابْنِ عُمَرَ

3567 - وَعَنْ عَائِشَةَ قَالَتْ: «رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يُصَلِّي ذَاتَ لَيْلَةٍ فَقُمْتُ خَلْفَهُ فَصَلَّيْتُ بِصَلَاتِهِ فَلَمَّا جَلَسَ خَفَّفَ فِي قِيَامِهِ وَصَلَّى رَكْعَتَيْنِ خَفِيفَتَيْنِ ثُمَّ سَلَّمَ ثُمَّ قَامَ فَصَلَّى رَكْعَتَيْنِ ثُمَّ سَلَّمَ فَيُسْمِعُنِي السَّلَامَ ثُمَّ الْتَفَتَ إِلَيَّ فَقَالَ: " اكْلَفِي مِنَ الْعَمَلِ مَا تُطِيقِينَ " يَقُولُهَا ثَلَاثًا». رَوَاهُ الطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ وَفِيهِ كَلَامٌ.

سیدہ عائشہ صدیقہ رضی اللہ عنہ بیان کرتی ہیں: میں نے نبی اکرم صلی اللہ علیہ و آلہ و سلم کو رات کے وقت نماز ادا کرتے ہوئے دیکھا میں آپ صلی اللہ علیہ و آلہ و سلم کے پیچھے کھڑی ہوئی میں نے آپ صلی اللہ علیہ و آلہ و سلم کی نماز کی پیروی میں نماز ادا کی جب نبی اکرم صلی اللہ علیہ و آلہ و سلم بیٹھے تو آپ صلی اللہ علیہ و آلہ و سلم نے مختصر قیام کیا پھر آپ صلی اللہ علیہ و آلہ و سلم نےدو مختصر رکعت ادا کیں پھر آپ صلی اللہ علیہ و آلہ و سلم نے سلام پھیر دیا پھر آپ صلی اللہ علیہ و آلہ و سلم کھڑے ہو گئے پھر آپ صلی اللہ علیہ و آلہ و سلم نے دو رکعات ادا کیں، پھر آپ صلی اللہ علیہ و آلہ و سلم نے سلام پھیر دیا آپ صلی اللہ علیہ و آلہ و سلم نے سلام کی آواز مجھ تک پہنچائی، پھر آپ صلی اللہ علیہ و آلہ و سلم میری طرف متوجہ ہوئے اور ارشاد فر مایا:اتنےعمل کا خود کو پابند کرو جس کی تم طاقت رکھتی ہو یہ بات آپ صلی اللہ علیہ و آلہ و سلم نے تین مرتبہ ارشاد فرمائی۔ یہ روایت امام طبرانی نے معجم اوسط میں نقل کی ہے اس کی سند میں ایک راوی ابن لہیعہ ہے اور اس کے بارے میں کلام کیا گیا ہے۔

عَائِشَةَ

3568 - وَعَنْ عَبْدِ اللَّهِ بْنِ عَمْرٍو قَالَ: «ذُكِرَ عِنْدَ النَّبِيِّ - صَلَّى اللَّهُ عَلَيْهِ وَسَلَّمَ - قَوْمًا يَجْتَهِدُونَ فِي الْعِبَادَةِ اجْتِهَادًا شَدِيدًا فَقَالَ: " تِلْكَ ضَرُورَةُ الْإِسْلَامِ وَشِرَّتُهُ وَلِكُلِّ عَمَلٍ شِرَّةٌ فَمَنْ كَانَتْ فَتْرَتُهُ إِلَى اقْتِصَادٍ فَنِعْمَ مَا هُوَ، وَمَنْ كَانَتْ فَتْرَتُهُ إِلَى الْمَعَاصِي فَأُولَئِكَ هُمُ الْهَالِكُونَ» ". رَوَاهُ الطَّبَرَانِيُّ فِي الْكَبِيرِ وَأَحْمَدُ بِنَحْوِهِ، وَرِجَالُ أَحْمَدَ ثِقَاتٌ وَقَدْ قَالَ ابْنُ إِسْحَاقَ: حَدَّثَنِي أَبُو الزُّبَيْرِ فَذَهَبَ التَّدْلِيسُ.

حضرت عبد الله بن عمرو رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم کے سامنے کچھ لوگوں کا ذکر کیا گیا جو بہت اہتمام کے ساتھ عبادت کرتے تھے نبی اکرم صلی اللہ علیہ و آلہ و سلم نے ارشاد فرمایا: یہ اسلام کی ضرورت اور اس کے لیے نشاط (یعنی چاق و چوبند ہونا ) ہے اور ہر نشاط میں کسلمندی آجاتی ہے تو جس شخص کا (کسلمندی کی وجہ سےعمل کو ) ترک کرنا میانہ روی کی طرف ہو گا تو یہ اچھی چیز ہوگی اور جس شخص کا کسلمندی کی وجہ سے عمل کو ترک کرنا گناہ کی طرف ہوگا تو یہی لوگ ہلاکت کا شکار ہونے والے ہیں۔یہ روایت امام طبرانی نےمعجم کبیر میں نقل کی ہے امام احمد نے اس کی مانند روایت نقل کی ہے امام احمد کے رجال ثقہ ہیں ابن اسحاق نے یہ بات بیان کی ہے: ابوزبیر نے مجھے حدیث بیان کی تو اس طرح تدلیس ختم ہوجاتی ہے۔

عَبْدِ اللہِ بْنِ عَمْرٍو

3569 - وَعَنْ أَبِي أُمَامَةَ قَالَ: «خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مِنْ بَيْتِ عُثْمَانَ بْنِ مَظْعُونٍ فَوَقَفَ عَلَى الْبَابِ فَقَالَ: " مَا لَكِ يَا كَحِيلَةُ مُتَبَذِّلَةٌ؟ أَلَيْسَ عُثْمَانُ شَاهِدًا؟ " قَالَتْ: بَلَى وَمَا اضْطَجَعَ عَلَى فِرَاشٍ مُنْذُ كَذَا وَكَذَا وَيَصُومُ النَّهَارَ فَلَا يُفْطِرُ فَقَالَ: " مُرِيهِ أَنْ يَأْتِيَنِي " فَلَمَّا جَاءَ قَالَتْ لَهُ فَانْطَلَقَ إِلَيْهِ فَوَجَدَهُ فِي الْمَسْجِدِ فَجَلَسَ إِلَيْهِ فَأَعْرَضَ عَنْهُ، فَبَكَى ثُمَّ قَالَ: قَدْ عَلِمْتُ أَنَّهُ قَدْ بَلَغَكَ عَنِّي أَمْرٌ! قَالَ: " أَنْتَ الَّذِي تَصُومُ النَّهَارَ وَتَقُومُ اللَّيْلَ لَا يَقَعُ جَنْبُكَ عَلَى فِرَاشٍ؟ " قَالَ عُثْمَانُ: قَدْ فَعَلْتُ ذَلِكَ أَلْتَمِسُ الْخَيْرَ! فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " لِعَيْنِكَ حَظٌّ وَلِجَسَدِكَ حَظٌّ، فَصُمْ وَأَفْطِرْ وَنَمْ وَقُمْ وَائْتِ زَوْجَكَ فَإِنِّي أَنَا أَصُومُ وَأُفْطِرُ وَأَنَامُ وَأُصَلِّي وَآتِي النِّسَاءَ فَمَنْ أَخَذَ بِسُنَّتِي فَقَدِ اهْتَدَى، وَمَنْ تَرَكَهَا ضَلَّ، وَإِنَّ لِكُلِّ عَمَلٍ شِرَّةً وَلِكُلِّ شِرَّةٍ فَتْرَةٌ فَإِذَا كَانَتِ الْفَتْرَةُ إِلَى الْغَفْلَةِ فَهِيَ الْهَلَكَةُ وَإِذَا كَانَتِ الْفَتْرَةُ إِلَى الْفَرِيضَةِ فَلَا يَضُرُّ صَاحِبَهَا شَيْئًا، فَخُذْ مِنَ الْعَمَلِ مَا تُطِيقُ فَإِنِّي إِنَّمَا بُعِثْتُ بِالْحَنِيفِيَّةِ السَّمْحَةِ فَلَا تُثْقِلْ عَلَيْكَ عِبَادَةَ رَبِّكَ لَا تَدْرِي مَا طُولُ عُمُرِكَ؟» " رَوَاهُ الطَّبَرَانِيُّ فِي الْكَبِيرِ، وَفِيهِ عَلِيُّ بْنُ يَزِيدَ وَهُوَ ضَعِيفٌ. قُلْتُ: وَتَأْتِي أَحَادِيثُ تُشْبِهُ هَذَا فِي النِّكَاحِ.

حضرت ابوامامہ رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم حضرت عثمان بن مظعون رضی اللہ عنہ کے گھر سے باہر نکلے اور دروازے پرٹھہر گئے آپ صلی اللہ علیہ و آلہ و سلم نے فرمایا: اے کہیلہ تمہیں کیا ہوا ہے؟ تمہاری حالت اتنی خراب کیوں ہے؟ کیا عثمان گھر میں موجودنہیں ہے؟ اس خاتون نے عرض کی : جی ہاں! وہ اتنے اتنے عرصے سے بھی بستر پر لیٹے نہیں ہیں (یعنی رات بھرنفل پڑتے رہتے ہیں) وہ دن کے وقت نفلی روزہ رکھ لیتے ہیں کوئی روزہ ترک نہیں کرتے ہیں نبی اکرم صلی اللہ علیہ و آلہ و سلم نے فرمایا: تم اس سے کہنا کہ وہ میرے پاس آئے جب حضرت عثمان بن مظعون رضی اللہ عنہ (گھر) آئے تواس خاتون نے انہیں بتایا کہ نبی اکرم صلی اللہ علیہ و آلہ و سلم نے آپ کو یاد کیا ہے وہ نبی اکرم صلی اللہ علیہ و آلہ و سلم کی طرف روانہ ہوئے انہوں نے نبی اکرم صلی اللہ علیہ و آلہ و سلم کو مسجد میں پایا وہ نبی اکرم صلی اللہ علیہ و آلہ و سلم کے پاس آ کر بیٹھ گئے نبی اکرم صلی اللہ علیہ و آلہ و سلم نے ان سے منہ پھیر لیا وہ رونے لگے اور پھر انہوں نے کہا: مجھے یہ بات پتہ چل گئی ہے کہ میرے بارے میں کوئی بات آپ صلی اللہ علیہ و آلہ و سلم تک پہنچی ہے۔ نبی اکرم صلی اللہ علیہ و آلہ و سلم نے فرمایا : کیا تم ہی وہ شخص ہو جو دن کے وقت روزہ رکھ لیتے ہو اور رات بھرنفل پڑتے رہتے ہو؟ اور رات بھر اپنا پہلو بستر پرنہیں رکھتے ہو؟ حضرت عثمان بن مظعون رضی اللہ عنہ نے عرض کی : میں نے بھلائی کے حصول کےلئے ایسا کیا ہے۔ نبی اکرم صلی اللہ علیہ و آلہ و سلم نے ارشادفرمایا: تمہاری آنکھ کا بھی حصہ ہے تمہارے جسم کا بھی حصہ ہے تمہاری بیوی کا بھی حصہ ہے تم (نفلی) روزہ رکھا بھی کرو اور ترک بھی کردیا کرو سوبھی جایا کرواورنفل بھی پڑھ لیا کرو اپنی بیوی کے پاس بھی جایا کرومیں (نفلی) روزہ رکھتا بھی ہوں اور ترک بھی کر دیتا ہوں سوتا بھی ہوں اور (نفل) نماز بھی پڑھ لیتا ہوں اور خواتین کے ساتھ ہی رہتا ہوں جوشخص میری سنت کو اختیار کرے گا وہ ہدایت حاصل کر لے گا اور جوشخص اسے ترک کرے گا وہ گمراہ ہو جائے گا ہر عمل میں ایک چستی ہوتی ہے اور ہر چستی میں سستی آجاتی ہے تو جس شخص کی سستی غفلت کی طرف ہوگی تو یہ ہلاکت ہوگی اور جب سستی فرض کی طرف ہوگی تو پھر ایسا کرنے والے کو وہ کوئی نقصان نہیں پہنچائے گی تم اتناعمل کرو جتنی تم طاقت رکھتے ہو کیونکہ مجھے بالکل سیدھے اور آسان راستے کے ہمراہ مبعوث کیا گیا ہے تم اپنے اوپر اپنے پروردگار کی عبادت کا بوجھ نہ لا دو کیونکہ تم نہیں جانتے کہ تمہاری عمرکتنی طویل ہوگی؟“۔یہ روایت امام طبرانی نےمعجم کبیر میں نقل کی ہے اس کی سند میں ایک راوی علی بن یزید ہے اور وہ ضعیف ہے میں یہ کہتا ہوں : کچھ احادیث جواس روایت سے مشابہ ہیں وہ نکاح سے متعلق باب میں آئیں گی۔

النَّبِيُّ لِعَيْنِكَ حَظٌّ وَلِجَسَدِكَ حَظٌّ، فَصُمْ وَأَفْطِرْ وَنَمْ وَقُمْ وَائْتِ زَوْجَكَ فَإِنِّي ← عُثْمَانُ: قَدْ فَعَلْتُ ذَلِكَ أَلْتَمِسُ الْخَيْرَ! ← أَنْتَ الَّذِي تَصُومُ النَّهَارَ وَتَقُومُ اللَّيْلَ لَا يَقَعُ جَنْبُكَ عَلَى فِرَاشٍ؟ ← قَدْ عَلِمْتُ أَنَّهُ قَدْ بَلَغَكَ عَنِّي أَمْرٌ! ← لَهُ فَانْطَلَقَ إِلَيْهِ فَوَجَدَهُ فِي الْمَسْجِدِ فَجَلَسَ إِلَيْهِ فَأَعْرَضَ عَنْهُ، فَبَكَى ثُمَّ ← مُرِيهِ أَنْ يَأْتِيَنِي فَلَمَّا جَاءَ ← بَلَى وَمَا اضْطَجَعَ عَلَى فِرَاشٍ مُنْذُ كَذَا وَكَذَا وَيَصُومُ النَّهَارَ فَلَا يُفْطِرُ ← مَا لَكِ يَا كَحِيلَةُ مُتَبَذِّلَةٌ؟ أَلَيْسَ عُثْمَانُ شَاهِدًا؟ ← «خَرَجَ رَسُولُ اللَّهِ مِنْ بَيْتِ عُثْمَانَ بْنِ مَظْعُونٍ فَوَقَفَ عَلَى الْبَابِ ← اَبِیْ اُمَامَۃَ،

3570 - وَعَنْ عَبْدِ اللَّهِ بْنِ مَسْعُودٍ قَالَ: لَا تُغَالَبُوا هَذَا اللَّيْلَ فَإِنَّكُمْ لَنْ تُطِيقُوهُ فَإِذَا نَعَسَ أَحَدُكُمْ فَلْيَنْصَرِفْ إِلَى فِرَاشِهِ فَإِنَّهُ أَسْلَمُ لَهُ. رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت عبد الله بن مسعود رضی اللہ عنہ فرماتے ہیں تم لوگ اس رات پر غالب آنے کی کوشش نہ کرو (یعنی رات بھر عبادت نہ کرتے رہو ) کیونکہ تم لوگ اس کی طاقت نہیں رکھتے ہو جب کسی شخص کو اونگھ آ جائے تو وہ اپنے بستر کی طرف چلا جائے یہ اس کے لئے زیادہ سلامتی کا باعث ہوگا۔ یہ روایت امام طبرانی نے معجم کبیر میں نقل کی ہے اور اس کے رجال"صحیح" کے رجال ہیں۔

عَبْدِ اللهِ بْنِ مَسْعُودٍ

3571 - وَعَنْ مَسْرُوقٍ قَالَ: كُنَّا إِذَا قَامَ عَبْدُ اللَّهِ نَجْلِسُ بَعْدَهُ فَيَتَثَبَّتُ النَّاسُ فِي الْقِرَاءَةِ فَإِذَا قُمْنَا صَلَّيْنَا، فَبَلَغَهُ ذَلِكَ فَدَخَلْنَا عَلَيْهِ فَقَالَ: أَتُحَمِّلُونَ النَّاسَ مَا لَا يُحَمِّلُهُمُ اللَّهُ - عَزَّ وَجَلَّ -؟ تُصَلُّونَ فَيَرَوْنَ ذَلِكَ وَاجِبًا عَلَيْهِمْ إِنْ كُنْتُمْ لَا بُدَّ فَاعِلِينَ فَفِي بُيُوتِكُمْ. رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

مسروق بیان کرتے ہیں: حضرت عبداللہ رضی اللہ عنہ کے اٹھ جانے کے بعد ہم لوگ ان کے بعد بھی بیٹھے رہتے تھے کچھ لوگ قرآت کرنے میں مشغول رہتے تھے پھر جب ہم اٹھتے تھے تونفل پڑھنے لگ پڑتے تھے انہیں جب اس بارے میں اطلاع ملی تو جب ہم ان کی خدمت میں حاضر ہوئے تو انہوں نے فرمایا: کیاتم لوگوں پر وہ بوجھ لادر ہے ہو؟ جو الله تعالی نے ان پر لاگونہی کیا ہے تم جو لوگ یوں (نفل) نماز ادا کرتے ہو کہ یہ سمجھتے ہو کہ تم پر لازم ہے اگر تم لوگوں نے ایسا ضرور ہی کرنا ہے تو تم لوگ اپنے گھروں میں کیا کرو (یعنی تم لوگ اپنے گھروں میں نوافل پڑھا کرو)۔ یہ روایت امام طبرانی نے معجم کبیر میں نقل کی ہے اور اس کے رجال"صحیح " کے رجال ہیں۔

مَسْرُوقٍ

3572 - وَعَنْ أَبِي الطُّفَيْلِ عَامِرِ بْنِ وَاثِلَةَ: «أَنَّ رَجُلًا مَرَّ عَلَى قَوْمٍ فَسَلَّمَ عَلَيْهِمْ فَرَدُّوا عَلَيْهِ السَّلَامَ فَلَمَّا جَاوَزَهُمْ قَالَ رَجُلٌ لَهُمْ مِنْهُمْ: إِنِّي لَأُبْغِضُ هَذَا فِي اللَّهِ فَقَالَ أَهْلُ الْمَجْلِسِ: بِئْسَ وَاللَّهِ مَا قُلْتَ لَتُبَيِّنَنَّهُ قُمْ يَا فُلَانُ - رَجُلٌ مِنْهُمْ - فَأَخْبِرْهُ قَالَ: فَأَدْرَكَهُ رَسُولُهُمْ فَأَخْبَرَهُ بِمَا قَالَ فَانْصَرَفَ الرَّجُلُ حَتَّى أَتَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ إِنِّي مَرَرْتُ بِمَجْلِسٍ مِنَ الْمُسْلِمِينَ فِيهِمْ فُلَانٌ فَسَلَّمْتُ عَلَيْهِمْ فَرَدُّوا السَّلَامَ فَلَمَّا جَاوَزْتُهُمْ أَدْرَكَنِي رَجُلٌ مِنْهُمْ فَأَخْبَرَنِي أَنَّ فُلَانًا قَالَ: وَاللَّهِ إِنِّي لَأُبْغِضُ هَذَا الرَّجُلَ فِي اللَّهِ، فَادْعُهُ يَا رَسُولَ اللَّهِ فَسَلْهُ عَلَى مَا يُبْغِضُنِي؟ فَدَعَاهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَسَأَلَهُ عَمَّا أَخْبَرَهُ الرَّجُلُ فَاعْتَرَفَ بِذَلِكَ وَقَالَ: لَقَدْ قُلْتُ ذَلِكَ يَا رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " فَلِمَ تُبْغِضُهُ؟ " قَالَ: أَنَا جَارُهُ وَأَنَا بِهِ خَابِرٌ وَاللَّهِ مَا رَأَيْتُهُ صَلَّى صَلَاةً قَطُّ إِلَّا هَذِهِ الصَّلَاةَ الْمَكْتُوبَةَ الَّتِي يُصَلِّيهَا الْبَرُّ وَالْفَاجِرُ قَالَ: سَلْهُ يَا رَسُولَ اللَّهِ هَلْ رَآنِي أَخَّرْتُهَا عَنْ وَقْتِهَا أَوْ أَسَأْتُ الرُّكُوعَ وَالسُّجُودَ فِيهَا؟ فَسَأَلَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالَ: لَا قَالَ: وَاللَّهِ مَا رَأَيْتُهُ يَصُومُ قَطُّ إِلَّا هَذَا الشَّهْرَ الَّذِي يَصُومُهُ الْبَرُّ وَالْفَاجِرُ قَالَ: سَلْهُ يَا رَسُولَ اللَّهِ هَلْ رَآنِي فَرَّطْتُ فِيهِ أَوِ انْتَقَصْتُ مِنْ حَقِّهِ شَيْئًا؟ فَسَأَلَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالَ: لَا قَالَ: وَاللَّهِ مَا رَأَيْتُهُ يُعْطِي سَائِلًا قَطُّ وَلَا رَأَيْتُهُ يُنْفِقُ مِنْ مَالِهِ شَيْئًا فِي شَيْءٍ مِنْ سَبِيلِ اللَّهِ خَيْرٍ إِلَّا هَذِهِ الصَّدَقَةَ الَّتِي يُؤَدِّيهَا الْبَرُّ وَالْفَاجِرُ قَالَ: فَسَلْهُ يَا رَسُولَ اللَّهِ هَلْ كَتَمْتُ مِنَ الزَّكَاةِ شَيْئًا قَطُّ أَوْ مَاكَسْتُ فِيهَا طَالِبَهَا؟ فَسَأَلَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالَ: لَا فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " قُمْ إِنْ أَدْرِي لَعَلَّهُ خَيْرٌ مِنْكَ!» ". رَوَاهُ أَحْمَدُ وَالْطَبَرَانِيُّ فِي الْكَبِيرِ وَقَدْ تَقَدَّمَ وَلَكِنْ هَاهُنَا أَحْسَنُ، وَرِجَالُهُ رِجَالُ الصَّحِيحِ إِلَّا مُظَفَّرَ بْنَ مُدْرِكٍ وَهُوَ ثِقَةٌ ثَبْتٌ.

حضرت ابوطفیل عامر بن واثلہ رضی اللہ عنہ بیان کرتے ہیں: ایک شخص کچھ لوگوں کے پاس سے گزرا اس نے ان لوگوں کو سلام کیا ان لوگوں نے اسے سلام کا جواب دیا جب وہ ان لوگوں سے آگے گزرگیا تو ان میں سے ایک شخص نے کہا: میں اللہ تعالی کی ذات کی خاطر اس شخص کو ناپسند کرتا ہوں اہل محفل نے کہا: اللہ کی قسم تم نے بری بات کہی ہے تم نے یہ بات اسے بیان کرنی تھی اے فلاں ! تم اٹھو انہوں نے اپنے میں سے ایک شخص سے یہ کہا اور اسے اس بارے میں بتا ؤان لوگوں کا قاصد اس دوسرے شخص کے پاس گیا اور اسے پہلے شخص کے قول کے بارے میں بتایا تو وہ شخص وہاں سے مڑا اور نبی اکرم صلی اللہ علیہ و آلہ و سلم کی خدمت میں حاضر ہوا اس نے عرض کیا: یارسول اللہ صلی اللہ علیہ و آلہ و سلم میں لوگوں کے پاس سے گزرا جس میں فلا ںشخص بھی موجودتھا میں نے ان لوگوں کو سلام کیا ان لوگوں نے سلام کا جواب دیا جب میں ان لوگوں سے آگے گزر گیا تو ان میں سے ایک شخص میرے پاس آیا اور اس نے مجھے یہ بات بتائی کہ فلاں شخص نے یہ کہا ہے: اللہ کی قسم میں اللہ تعالی کی ذات کی خاطر اس شخص سے بغض رکھتا ہوں یا رسول الله صلی اللہ علیہ و آلہ و سلم ! آپ صلی اللہ علیہ و آلہ و سلم اسے بلایئے ! اور اس سے دریافت کیجئے کہ وہ کس وجہ سے مجھ سے بغض رکھتا ہے؟ نبی اکرم صلی اللہ علیہ و آلہ و سلم نے اسکو بلایا اور اس سے اس چیز کے بارے میں دریافت کیا جو دوسرے شخص نے آپ صلی اللہ علیہ و آلہ و سلم کو بتائی تھی تو اس شخص نے اس کا اعتراف کرلیا اور یہ کہا : یا رسول اللہ صلی اللہ علیہ و آلہ و سلم ! میں نے یہ بات کہی ہے۔ نبی اکرم صلی اللہ علیہ و آلہ و سلم نے ارشادفرمایا: تم اس سے کیوں بغض رکھتے ہو؟ اس شخص نے کہا: میں اس کا پڑوسی ہوں اور اس کی خبر گیری کرتا رہتا ہوں الله کی قسم میں نے اسے کبھی بھی کوئی (نفل) نماز ادا کرتے ہوئے نہیں دیکھا یہ شخص صرف وہ فرض نماز ادا کرتا ہے جسے ہر نیک اور گنہگار ادا کر لیتا ہے تو دوسرے شخص نے کہا: یا رسول اللہ صلی اللہ علیہ و آلہ و سلم ! آپ ان سے پوچھئے کہ اس نےکبھی مجھے دیکھا کہ میں نے نماز کو اس کے وقت سے تاخیر سے ادا کیا ہو؟ یا میں نے رکوع یا سجدہ صیح طرق سے نہ کیا ہو؟ نبی اکرم صلی اللہ علیہ و آلہ و سلم نے اس سے دریافت کیا تو اس نے جواب دیا: جی نہیں! پھر اس شخص نے کہا: اللہ کی قسم! میں نے اسے کبھی بھی (نفلی) روزہ رکھتے ہوئے نہیں دیکھا یہ صرف اس مہینے کے روزے رکھتا ہے جس کے روزے ہر نیک اور گنہگار رکھتا ہے تو دوسرے شخص نے کہا: آپ اس سے پوچھئے کہ کیا اس نے مجھے اس روزے کے بارے میں بھی افراط کرتے ہوئے یا روزے کے حق میں کوئی کی کرتے ہوئے دیکھا ہے؟ نبی اکرم مسلم نے اس شخص سے دریافت کیا تو اس شخص نے جواب دیا: جی نہیں! پھر اس شخص نے کہا: اللہ کی قسم! میں نے اسے بھی کبھی مانگنے والے کو کچھ دیتے ہوئے نہیں دیکھا اور نہ ہی کبھی اسے دیکھا ہے کہ اس نے اپنے مال میں سے کوئی چیز اللہ تعالی کی راہ میں خرچ کی ہؤالبتہ یہ وہ زکوة ادا کرتا ہے جو ہر نیک اور گنہگارادا کرتا ہے تو دوسرے شخص نے کہا: یا رسول اللہ صلی اللہ علیہ و آلہ و سلم ! آپ اس سے پوچھے کہ کیا میں نےکبھی زکوة میں سے کوئی چیز روکی ہے؟ یا میں نے کبھی زکوۃ وصول کرنے والے سے جھگڑا کیا ہے؟ نبی اکرم صلی اللہ علیہ و آلہ و سلم نے اس شخص سے دریافت کیا تو اس نے کہا: جی نہیں ! تو نبی اکرم صلی اللہ علیہ و آلہ و سلم نے ارشادفرمایا:تم اٹھ جاؤ! میں یہ سمجھتا ہوں کہ یہ (جسے تم ناپسند کرتے ہو ) شایدتم سے بہتر ہے۔یہ روایت امام احمد نے اور امام طبرانی نے معجم کبیر میں نقل کی ہے یہ روایت اس سے پہلے گزر چکی ہے لیکن یہاں زیادہ بہتر طور پر ذکر ہوئی ہے اس کے رجال "صحیح" کے رجال ہیں مظفر بن مدرک کا معاملہ مختلف ہے وہ "ثقہ" اور ثبت ہے۔

بِمَا ← فَأَدْرَكَهُ رَسُولُهُمْ

3573 - وَعَنْ وَاثِلَةَ بْنِ الْأَسْقَعِ قَالَ: «أَتَى النَّبِيَّ - صَلَّى اللَّهُ عَلَيْهِ وَسَلَّمَ - رَجُلٌ أَكْسَفُ أَحْوَلُ أَوْقَصُ أَحْنَفُ أَفْحَمُ أَعْسَرُ أَرْسَحُ أَفْحَجُ فَقَالَ: يَا رَسُولَ اللَّهِ أَخْبِرْنِي بِمَا فَرَضَ اللَّهُ عَلَيَّ؟ فَلَمَّا أَخْبَرَهُ قَالَ: إِنِّي أُعَاهِدُ اللَّهَ أَنْ لَا أَزِيدَ عَلَى فَرِيضَةٍ قَالَ: " لِمَ؟ " قَالَ: لِأَنَّهُ خَلَقَنِي أَكَسَفَ أَحْوَلَ أَفْحَمَ أَعْسَرَ أَرْسَحَ أَفْحَجَ ثُمَّ أَدْبَرَ فَأَتَاهُ جِبْرِيلُ عَلَيْهِ السَّلَامُ فَقَالَ: يَا مُحَمَّدُ أَيْنَ الْعَاتِبُ عَلَى رَبِّهِ، عَاتَبَ رَبًّا كَرِيمًا فَاعْتِبْهُ قَالَ: قُلْ لَهُ: أَلَا تَرْضَى أَنْ تُبْعَثَ فِي صُورَةِ جِبْرِيلَ يَوْمَ الْقِيَامَةِ؟ فَبَعَثَ النَّبِيُّ - صَلَّى اللَّهُ عَلَيْهِ وَسَلَّمَ - إِلَى الرَّجُلِ فَقَالَ: " إِنَّكَ عَاتَبْتَ رَبًّا كَرِيمًا فَأَعْتَبَكَ أَفَلَا تَرْضَى أَنْ يَبْعَثَكَ اللَّهُ يَوْمَ الْقِيَامَةِ عَلَى صُورَةِ جِبْرِيلَ؟ " قَالَ: بَلَى يَا رَسُولَ اللَّهِ!! قَالَ: فَإِنِّي أُعَاهِدُ اللَّهَ أَنْ لَا يَقْوَى جَسَدِي عَلَى شَيْءٍ يَرْضَاهُ اللَّهُ - عَزَّ وَجَلَّ - إِلَّا حَمَلْتُهُ». رَوَاهُ الطَّبَرَانِيُّ فِي الْكَبِيرِ، وَفِيهِ الْعَلَاءُ بْنُ كَبِيرٍ اللَّيْثِيُّ وَهُوَ ضَعِيفٌ جِدًّا.

حضرت واثلہ بن اسقع رضی اللہ عنہ بیان کرتے ہیں: ایک شخص نبی اکرم صلی اللہ علیہ و آلہ و سلم کی خدمت میں حاضر ہوا جو برے حال میں تھا بھینگا تھا اس کی گردن چھوٹی تھی لنگڑا تھا کالا تھا بائیں ہاتھ سے کام کرنے والا تھا اس کے کندھوں پر گوشت کم تھا اس کے زانوں کے درمیان کی جگہ کشادہ تھی اس نے عرض کیا : یا رسول اللہ صلی اللہ علیہ و آلہ و سلم ! آپ مجھے بتایئے کہ اللہ تعالی نے مجھ پر کیا چیز فرض قرار دی ہے؟ نبی اکرم صلی اللہ علیہ و آلہ و سلم نے اسے بتایا تو اس نے کہا: میں اللہ تعالی کی خاطر اس کو باقاعدگی سے کروں گا اور فرض میں کوئی اضافہ نہیں کروں کا نبی اکرم صلی اللہ علیہ و آلہ و سلم نے دریافت کیا: وہ کیوں؟ اس نے کہا: کیونکہ اللہ تعالی نے مجھے برے حال والا بھینگا ، کالا بائیں ہاتھ سے کام کرنے والا کندھوں پر تھوڑے گوشت والا زانوں کے درمیان کشادہ جگہ والا پیدا کیا ہے پھر وہ شخص چلا گیا حضرت جبرائیل علیہ اسلام نبی اکرم صلی اللہ علیہ و آلہ و سلم کی خدمت میں حاضر ہوئے اور بولے: اے حضرت محمد صلی اللہ علیہ و آلہ و سلم اپنے پروردگار سے ناراضگی کا اظہار کرنےوالا شخص کہاں ہے اس نے کریم پرور دگار پر ناراضگی کا اظہار کیا تو پروردگار نے اس پرناراضگی کا اظہار کیا حضرت جبرائیل علیہ اسلام نےکہا: آپ اس سے کہہ دیں کیا تم اس بات سے راضی نہیں ہے کہ قیامت کے دن تمہیں حضرت جبرائیل علیہ اسلام کی صورت میں زندہ کیا جائے؟ نبی اکرم نے اس شخص کو پیغام بھیجا اور فرمایا: تم نے کریم پروردگار پر ناراضگی کا اظہار کیا تو اس نے تم پرناراضگی کا اظہارکیا کیاتم اس بات سے راضی نہیں ہو کہ قیامت کے دن اللہ تعالی تمہیں جبرائیل علیہ اسلام کی شکل وصورت میں زندہ کرے؟ اس نے کہا: جی ہاں ! یا رسول الله صلی اللہ علیہ و آلہ و سلم ! پھر اس نے کہا: اب میں الله تعالی کے نام پر یہ عہد کرتا ہوں کہ میرا جسم جوبھی ایسا عمل کرنے کی قوت رکھتا ہو جس کے ذریعے الله تعالی راضی ہوتا ہو تو میں وہ کام کروں گا۔ یہ روایت امام طبرانی نے معجم کبیر میں نقل کی ہے اس کی سند میں ایک راوی علاء بن کثیر لیثی ہے اور وہ انتہائی ضعیف ہے۔

«أَتَى النَّبِيَّ رَجُلٌ أَكْسَفُ أَحْوَلُ أَوْقَصُ أَحْنَفُ أَفْحَمُ أَعْسَرُ أَرْسَحُ أَفْحَجُ فَقَالَ: ← «وَعَنْ وَاثِلَةَ بْنِ الْأَسْقَعِ