Majma uz Zawaid Wa Manba ul Fawaid

3442 - وَعَنْ عَمْرِو بْنِ الْعَاصِ وَعُقْبَةَ بْنِ عَامِرٍ الْجُهَنِيِّ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ اللَّهَ - عَزَّ وَجَلَّ - زَادَكُمْ صَلَاةً خَيْرًا لَكُمْ مَنْ حُمُرِ النَّعَمِ الْوِتْرَ وَهِيَ فِيمَا بَيْنَ صَلَاةِ الْعِشَاءِ إِلَى طُلُوعِ الْفَجْرِ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ سُوِيدُ بْنُ عَبْدِ الْعَزِيزِ وَهُوَ مَتْرُوكٌ.

حضرت عمرو بن العاص رضی اللہ عنہ اور حضرت عقبہ بن عامر جہنی رضی اللہ عنہ نبی اکرم صلی اللہ علیہ و آلہ و سلم کایہ فرمان نقل کرتے ہیں:” بے شک اللہ تعالی نے تمہیں مزید ایک نماز عطا کی ہے تمہارے لئے سرخ اونٹوں سے زیادہ بہتر ہے اور وہ وتر ہے وہ عشاء کی نماز سے لے کرصبح صادق تک کے درمیانی وقت میں ادا کی جائے گی۔یہ روایت امام طبرانی نےمعجم کبیر اور معجم اوسط میں نقل کی ہے اس کی سند میں ایک راوی سوید بن عبد العزیز ہے اور وہ متروک ہے۔

رَسُولِ اللَّهِ ← عَمْرِو بْنِ الْعَاصِ، وَعُقْبَةُ بْنُ عَامِرٍ الْجُهَنِيُّ،

3443 - وَعَنْ أَبِي أَيُّوبَ الْأَنْصَارِيِّ رَفَعَهُ قَالَ: " «الْوَتْرُ وَاجِبٌ عَلَى كُلِّ مُسْلِمٍ فَمَنِ اسْتَطَاعَ أَنْ يُوتِرَ بِخَمْسٍ فَلْيُوتِرْ بِخَمْسٍ وَمَنْ لَمْ يَسْتَطِعْ أَنْ يُوتِرَ بِخَمْسٍ فَلْيُوتِرْ بِثَلَاثٍ، وَمَنْ لَمْ يَسْتَطِعْ أَنْ يُوتِرَ بِثَلَاثٍ فَلْيُوتِرْ بِوَاحِدَةٍ، وَمَنْ لَمْ يَسْتَطِعْ أَنْ يُوتِرَ بِوَاحِدَةٍ فَلْيُومِئْ إِيمَاءً» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ.

حضرت ابو ایوب انصاری رضی اللہ عنہ"مرفوع "حدیث کے طور پر یہ بات نقل کرتے ہیں: (نبی اکرم صلی اللہ علیہ و آلہ و سلم نے ارشادفرمایا ہے:)وتر ہر مسلمان پر واجب ہیں جوشخص پانچ وتر ادا کرنے کی استطاعت رکھتا ہو وہ پانچ وتر ادا کرے جو پانچ وتر ادا کرنے کی استطاعت نہیں رکھتا وہ تین ادا کر لے اور جوشخص تین وتر ادا کرنے کی استطاعت نہیں رکھتا وہ ایک وتر ادا کرلے اور جوشخص ایک وتر ادا کرنے کی استطاعت نہیں رکھتا وہ اشارہ کر لے۔ یہ روایت امام طبرانی نےمعجم اوسط اور معجم کبیر میں نقل کی ہے۔

أبي أيوب الأنصاري رفعه

3444 - وَلَهُ فِي الْكَبِيرِ: " «الْوِتْرُ حَقٌّ فَمَنْ شَاءَ أَوْتَرَ بِسَبْعٍ» " فَذَكَرَهُ نَحْوَهُ. قُلْتُ: وَفِي إِسْنَادِهِ أَشْعَثُ بْنُ سَوَّارٍ ضَعَّفَهُ أَحْمَدُ وَجَمَاعَةٌ، وَوَثَّقَهُ ابْنُ مَعِينٍ وَقَدْ رَوَاهُ أَبُو دَاوُدَ خَلَا قَوْلَهُ: " «وَمَنْ لَمْ يَسْتَطِعْ أَنْ يُوتِرَ بِوَاحِدَةٍ فَلْيُومِئْ إِيمَاءً» ". قُلْتُ: وَتَأْتِي رِوَايَةُ أَحْمَدَ فِي عَدَدِ الْوِتْرِ إِنْ شَاءَ اللَّهُ.

ان صحابی کے حوالے سے معجم کبیر میں یہ روایت منقول ہے: "وتر حق ہیں جو چاہے وہ سات وتر ادا کرے اس کے بعد راوی نے حسب سابق روایت ذکر کی ہے۔(علامہ ہیثمی فرماتے ہیں): میں یہ کہتا ہوں : اس کی سند میں ایک راوی اشعث بن سوار ہے جسے امام احمد اور ایک جماعت نے ضعیف قرار دیا ہے جب کہ یحییٰ بن معین نے اسے "ثقہ" کہا ہے یہ روایت امام ابوداؤد نے بھی نقل کی ہے تاہم انہوں نے یہ الفاظ نقل نہیں کیے ہیں :”جوشخص ایک وتر ادا کرنے کی استطاعت نہیں رکھتا وہ اشارہ کر لے۔(علامہ ہیثمی فرماتے ہیں): میں یہ کہتا ہوں : امام احمد کی روایت جو وتر کی تعداد کے بارے میں ہے وہ آگے آئے گی اگر اللہ نے چاہا۔

3445 - وَعَنْ عَبْدِ اللَّهِ بْنِ عُمَرَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ اللَّهَ تَبَارَكَ وَتَعَالَى وِتْرٌ يُحِبُّ الْوِتْرَ» " قَالَ نَافِعٌ: وَكَانَ ابْنُ عُمَرَ لَا يَصْنَعُ شَيْئًا إِلَّا وِتْرًا. رَوَاهُ أَحْمَدُ وَالْبَزَّارُ وَرِجَالُهُ مُوَثَّقُونَ.

حضرت عبدالله بن عمر رضی اللہ عنہ نبی اکرم صلی اللہ علیہ و آلہ و سلم کا فرمان نقل کرتے ہیں: ” بے شک الله تعالى وتر ہے، اور وہ وتر کو پسند کرتا ہے۔ نافع بیان کرتے ہیں : حضرت عبداللہ بن عمر رضی اللہ عنہ وتر کے علاوہ اور کوئی کام نہیں کرتے تھے۔ یہ روایت امام احمد نے اوربزارنے نقل کی ہے اور اس کے رجال کی توثیق کی گئی ہے۔

عَبْدِ اللهِ بْنِ عُمَرَ

3446 - وَعَنِ ابْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «الْوِتْرُ عَلَى أَهْلِ الْقُرْآنِ» ". رَوَاهُ الطَّبَرَانِيُّ فِي الصَّغِيرِ، وَفِيهِ عِمْرَانُ الْخَيَّاطُ قَالَ الذَّهَبِيُّ: لَا يَكَادُ يُعْرَفُ.

حضرت عبد اللہ بن مسعو د رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشاد فرمایا ہے:"اہل قرآن پر وتر لا زم ہیں"۔ یہ روایت امام طبرانی نے معجم صغیر میں نقل کی ہے اس کی سند میں ایک راوی عمران خیاط ہے امام ذہبی کہتے ہیں : یہ معروف نہیں ہے ۔

ابْنِ مَسْعُودٍ،

3447 - وَعَنْ سُلَيْمَانَ بْنِ صُرْدٍ قَالَ: قَالَ النَّبِيُّ - صَلَّى اللَّهُ عَلَيْهِ وَسَلَّمَ -: " «اسْتَاكُوا وَتَنَظَّفُوا وَأَوْتِرُوا فَإِنَّ اللَّهَ وِتْرٌ يُحِبُّ الْوِتْرَ» ". رَوَاهُ الطَّبَرَانِيُّ فِي الْأَوْسَطِ، وَفِيهِ إِسْمَاعِيلُ بْنُ عَمْرٍو الْبَجَلِيُّ ضَعَّفَهُ أَبُو حَاتِمٍ وَالدَّارَقُطْنِيُّ وَابْنُ عَدِيٍّ، وَوَثَّقَهُ ابْنُ حِبَّانَ وَإِبْرَاهِيمُ بْنُ أَوْرَمَةَ ذَكَرَهُ فَأَحْسَنَ الثَّنَاءَ عَلَيْهِ.

حضرت سلیمان بن صرد رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا: مسواک کرو! پاکیزگی حاصل کرو وتر ادا کرو بے شک اللہ تعالی وتر ہے اور وتر کو پسند کرتا ہے۔یہ روایت امام طبرانی نے معجم اوسط میں نقل کی ہے اس کی سند میں ایک راوی اسماعیل بن عمروبجلی ہے جسے امام حاتم امام در قطنی اور ابن عدی نے ضعیف قرار دیا ہے ابن حبان نے اسے ثقہ قرار دیا ہے، ابراہیم بن اور مہ نے اس کا ذکر کرتے ہوئے اس کا تعریف بیان کی ہے۔

سُلَيْمَانُ بْنُ صُرَدٍ

3448 - وَعَنِ ابْنِ عُمَرَ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ صَلَّى الضُّحَى وَصَامَ ثَلَاثَةَ أَيَّامٍ مِنَ الشَّهْرِ وَلَمْ يَتْرُكِ الْوِتْرَ فِي سَفَرٍ وَلَا حَضَرٍ كُتِبَ لَهُ أَجْرُ شَهِيدٍ» ". رَوَاهُ الطَّبَرَانِيُّ فِي الْكَبِيرِ، وَفِيهِ أَيُّوبُ بْنُ نُهَيْكٍ ضَعَّفَهُ أَبُو حَاتِمٍ وَغَيْرُهُ، وَوَثَّقَهُ ابْنُ حِبَّانَ وَقَالَ: يُخْطِئُ.

حضرت عبداللہ بن عمر رضی اللہ عنہ بیان کرتے ہیں : میں نے نبی اکرم صلی اللہ علیہ و آلہ و سلم کو یہ ارشاد فرماتے ہوئے سنا ہے: جوشخص چاشت کی نماز ادا کرے اور ہر مہینے میں تین دن روزہ رکھے اور سفر اور حضر کے دوران وتر ترک نہ کرے اس شخص کے لئے شہید کا اجرنوٹ کیا جاتا ہے۔یہ روایت امام طبرانی نے معجم کبیر میں نقل کی ہے اس کی سند میں ایک راوی ایوب بن نہیک ہے جسے ابوحاتم اور دیگر حضرات نے ضعیف قراردیا ہے ابن حبان نے اسے "ثقہ "کہا ہے اور یہ بات بیان کی ہے کہ یہ غلطی کرتا ہے۔

ابْنِ عُمَرَ

3449 - عَنْ أَبِي أُمَامَةَ قَالَ: «كَانَ النَّبِيُّ - صَلَّى اللَّهُ عَلَيْهِ وَسَلَّمَ - يُوتِرُ بِتِسْعٍ حَتَّى إِذَا بَدَنَ وَكَثُرَ لَحْمُهُ أَوْتَرَ بِسَبْعٍ وَصَلَّى رَكْعَتَيْنِ وَهُوَ جَالِسٌ يَقْرَأُ بِ إِذَا زُلْزِلَتِ الْأَرْضُ وَقُلْ يَا أَيُّهَا الْكَافِرُونَ». رَوَاهُ أَحْمَدُ وَالْطَبَرَانِيُّ فِي الْكَبِيرِ وَزَادَ: وَقُلْ هُوَ اللَّهُ أَحَدٌ وَرِجَالُ أَحْمَدَ ثِقَاتٌ.

حضرت ابو امامہ رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نو وتر ادا کرتے تھے جب آپ صلی اللہ علیہ و آلہ و سلم کا جسم بھاری ہو گیا اور گوشت زیادہ ہو گیا تو آپ صلی اللہ علیہ و آلہ و سلم سات وتر ادا کرنے لگے دو رکعات آپ صلی اللہ علیہ و آلہ و سلم بیٹھ کر پڑھ لیتے تھے جس میں آپ صلی اللہ علیہ و آلہ و سلم سورت زلزال اور سورت الکافرون کی تلاوت کرتے تھے۔یہ روایت امام احمد نے اور امام طبرانی نے معجم کبیر میں نقل کی ہے اور یہ الفاظ نقل کیے ہیں اور سورت اخلاص کی تلاوت کرتے تھے۔ امام احمد کے رجال"ثقہ "ہیں۔

اَبِیْ اُمَامَۃَ،

3450 - وَعَنْ أَبِي أَيُّوبَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَوْتِرْ بِخَمْسٍ فَإِنْ لَمْ تَسْتَطِعْ فَبِثَلَاثٍ فَإِنْ لَمْ تَسْتَطِعْ فَبِوَاحِدَةٍ فَإِنْ لَمْ تَسْتَطِعْ فَأَوْمِئْ إِيمَاءً» ". قُلْتُ: رَوَاهُ أَبُو دَاوُدَ بِاخْتِصَارٍ وَقَدْ تَقَدَّمَتْ طُرُقُ الطَّبَرَانِيِّ فِي الْبَابِ قَبْلَهُ. رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت ابو ایوب رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: تم پانچ وتر ادا کرو اگر تم اس کی استطاعت نہیں رکھتے تو تین ادا کرو اگر اس کی بھی استطاعت نہیں رکھتے تو ایک ادا کرو اور اگر اس کی بھی استطاعت نہیں رکھتے تو اشارہ کرلو۔(علامہ ہیثمی فرماتے ہیں): میں یہ کہتا ہوں : یہ روایت امام ابو داؤد نے اختصار کے ساتھ نقل کی ہے امام طبرانی کے مختلف طرق اس سے پہلے والے باب میں گزر چکے ہیں۔یہ روایت امام احمدنےنقل کی ہے اور اس کے رجال"صحیح "کے رجال ہیں۔

أَبِي أَيُّوبَ،

3451 - «وَعَنِ ابْنِ عَبَّاسٍ قَالَ: بِتُّ عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَلَمَّا طَلَعَ الْفَجْرُ الْأَوَّلُ قَامَ فَأَوْتَرَ بِتِسْعِ رَكَعَاتٍ يُسَلِّمُ مِنْ كُلِّ رَكْعَتَيْنِ». رَوَاهُ الطَّبَرَانِيُّ فِي الْكَبِيرِ، وَفِيهِ عَبَّادُ بْنُ مَنْصُورٍ وَفِيهِ كَلَامٌ.

حضرت عبد الله بن عباس رضی اللہ عنہ بیان کرتے ہیں: ایک مرتبہ میں رات کے وقت نبی اکرم صلی اللہ علیہ و آلہ و سلم کے ہاں ٹھہر گیا جب صبح صادق (قریب) ہوئی تو نبی اکرم صلی اللہ علیہ و آلہ و سلم نے اٹھ کر دورکعت ادا کیں آپ صلی اللہ علیہ و آلہ و سلم نے ہر دور کعات کے بعد سلام پھیرا۔یہ روایت امام طبرانی نے معجم کبیر میں نقل کی ہے اس کی سند میں ایک راوی عباد بن منصور ہے جس کے بارے میں کلام کیا گیا ہے۔

ابْنِ عَبَّاسٍ،

3452 - وَعَنِ ابْنِ أَبِي أَوْفَى قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يُوتِرُ بِثَلَاثٍ يَقْرَأُ فِيهِنَّ فِي الْأُولَى بِ سَبِّحِ اسْمَ رَبِّكَ الْأَعْلَى، وَفِي الثَّانِيَةِ بِ قُلْ يَا أَيُّهَا الْكَافِرُونَ، وَفِي الثَّالِثَةِ قُلْ هُوَ اللَّهُ أَحَدٌ فَإِذَا سَلَّمَ قَالَ: " سُبْحَانَ الْمَلِكِ الْقُدُّوسِ " وَمَدَّ بِهَا صَوْتَهُ». رَوَاهُ الْبَزَّارُ، وَفِيهِ هَاشِمُ بْنُ سَعِيدٍ ضَعَّفَهُ ابْنُ مَعِينٍ وَوَثَّقَهُ ابْنُ حِبَّانَ وَقَالَ الْبَزَّارُ: أَخْطَأَ هَاشِمٌ فِي هَذَا الْحَدِيثِ.

حضرت ابن ابواوفی رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم تین وتر ادا کرتے تھے ان میں آپ صلی اللہ علیہ و آلہ و سلم پہلی رکعت میں سورت الاعلی ٰکی دوسری رکعت میں سورت الکافرون کی اور تیسری رکعت میں سورت اخلاص کی تلاوت کرتے تھے جب آپ صلی اللہ علیہ و آلہ و سلم سلام پھیرتے تھے تو سبحان الملک القدوس پڑھتے تھے اور اسے بلند آواز میں پڑھتے تھے۔یہ روایت امام بزارنے نقل کی ہے اس کی سند میں ایک راوی ہاشم بن سعید ہے جسے یحیٰ بن معین نے ضعیف قرار دیا ہے اور ابن حبان نے اسے ثقہ کہا ہے امام بزار کہتے ہیں :ہاشم نے اس حدیث میں غلطی کی ہے۔

ابن اَبِیْ اَوْفٰی

3453 - وَعَنْ عَبْدِ اللَّهِ بْنِ بَابِيٍّ قَالَ: جِئْتُ عَبْدَ اللَّهِ بْنَ عَمْرٍو بِعَرَفَةَ فَرَأَيْتُهُ وَقَدْ ضَرَبَ فُسْطَاطًا فِي الْحِلِّ وَفُسْطَاطًا فِي الْحَرَمِ فَقُلْتُ لَهُ: لِمَ فَعَلْتَ هَذَا؟ فَقَالَ: تَكُونُ صَلَاتِي فِي الْحَرَمِ وَإِذَا خَرَجْتُ إِلَى أَهْلِي كُنْتُ فِي الْحِلِّ قُلْتُ: كَيْفَ تُوتِرُ؟ قَالَ: أَعْجَبُ الْوِتْرِ إِلَيَّ سَبْعٌ ; خَلَقَ اللَّهُ السَّمَاوَاتِ سَبْعًا وَالْأَرَضِينَ سَبْعًا وَالْأَيَّامَ سَبْعًا وَجَعَلَ الطَّوَافَ سَبْعًا وَ [السَّعْيَ] بَيْنَ الصَّفَا وَالْمَرْوَةَ سَبْعًا وَرَمْيَ الْجِمَارِ سَبْعَ حَصَيَاتٍ ثُمَّ قَالَ: مَا خَلَقَ اللَّهُ شَيْئًا فِي الْأَرْضِ مِنَ الْجَنَّةِ إِلَّا هَذِهِ الْيَاقُوتَةَ الرُّكْنَ الْأَسْوَدَ، وَاللَّهِ لِيُرْفَعَنَّ قَبْلَ يَوْمِ الْقِيَامَةِ. رَوَاهُ الطَّبَرَانِيُّ فِي الْكَبِيرِ، وَفِيهِ إِسْمَاعِيلُ بْنُ عُمَرَ رَوَى عَنْهُ إِسْحَاقُ بْنُ رَاهَوَيْهِ وَلَمْ أَعْرِفْهُ، وَبَقِيَّةُ رِجَالِهِ رِجَالُ الصَّحِيحِ.

عبداللہ بن بابی بیان کرتے ہیں: میں عرفہ میں حضرت عبداللہ بن عمرو رضی اللہ عنہ کی خدمت میں حاضر ہوا میں نے انہیں دیکھا کہ انہوں نے حرم کی حدود کے باہر ایک خیمہ لگایا ہے اور حرم کی حدود کے اندر ایک خیمہ لگایا ہے میں نے ان سے دریافت کیا: آپ نے ایسا کیوں کیا ہے؟ انہوں نے فرمایا: اس لئے تا کہ میری نماز حرم کی حدود میں ہو اور جب میں نکل کر اپنے اہل کی طرف جاؤں تو میں حرم کی حدود سے باہر ہو جاؤں میں نے دریافت کیا: آپ وتر کیسے ادا کرتے ہیں؟ انہوں نے فرمایا: میرے نزدیک سات رکعت وتر ادا کرنا زیادہ پسندیدہ ہے کیونکہ الله تعالی نے سات آسمان پیدا کیے ہیں سات زمینیں بنائی ہیں سات دن بنائے ہیں طواف میں سات چکر ہوتے ہیں صفا اور مروہ کے درمیان سعی میں سات چکر ہوتے ہیں جمرات کو سات کنکریاں ماری جاتی ہیں پھر انہوں نے یہ بات ارشاد فرمائی : اللہ تعالی نے جنت کی کوئی بھی چیز زمین میں پیدا نہیں کی ہے (یعنی نہیں رکھی ہے) صرف اس یاقوت (یعنی مجراسود ) کا معاملہ مختلف ہے اور قیامت سے پہلے اللہ تعالی اسے اٹھائے گا۔یہ روایت امام طبرانی نے معجم کبیر میں نقل کی ہے اس کی سند میں ایک راوی اسماعیل بن عمر ہے اسحاق بن راہویہ نے اسے روایت نقل کی ہے میں اس سے واقف نہیں ہوں اس روایت کے بقیہ رجال"صحیح" کے رجال ہیں۔

عبد الله بن بَابي،