Majma uz Zawaid Wa Manba ul Fawaid

3358 - وَعَنْ عَبْدِ اللَّهِ بْنِ مَسْعُودٍ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: إِنَّ الشَّمْسَ تَطْلُعُ حِينَ تَطْلُعُ بَيْنَ قَرْنَيْ شَيْطَانٍ، قَالَ: فَكُنَّا نُنْهَى عَنِ الصَّلَاةِ عِنْدَ طُلُوعِ الشَّمْسِ، وَعِنْدَ غُرُوبِهَا، وَنِصْفِ النَّهَارِ. رَوَاهُ أَبُو يَعْلَى وَالْبَزَّارُ، وَرِجَالُهُمَا ثِقَاتٌ.

حضرت عبداللہ بن مسعود رضی اللہ تعالیٰ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے: " بے شک سورج شیطان کے دو سینگوں کے درمیان طلوع ہوتا ہے"۔راوی بیان کرتے ہیں: ہمیں سورج طلوع ہونے کے وقت اور اس کے غروب ہونے کے وقت اور نصف النہار کے وقت نماز ادا کرنے سے منع کیا گیا ہے،۔ یہ روایت امام ابو یعلیٰ اور امام بزار نے نقل کی ہے' اور ان دونوں کے رجال "ثقہ" ہیں ۔

عَبْدِ اللهِ بْنِ مَسْعُودٍ

3359 - وَعَنْ أَنَسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: لَا تُصَلُّوا عِنْدَ طُلُوعِ الشَّمْسِ، وَلَا عِنْدَ غُرُوبِهَا، فَإِنَّهَا تَغْرُبُ وَتَطْلُعُ عَلَى قَرْنِ الشَّيْطَانِ، صَلُّوا بَيْنَ ذَلِكَ مَا شِئْتُمْ. رَوَاهُ أَبُو يَعْلَى، وَرِجَالُهُ رِجَالُ الصَّحِيحِ.

حضرت انس رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " سورج طلوع ہونے کے وقت ' یا اس کے غروب ہونے کے وقت نماز ادا نہ کرو ' کیونکہ وہ شیطان کے سینگ پر طلوع ہوتا ہے' اور غروب ہوتاہے' ان کے درمیان تم جب بھی چاہو ' نماز ادا کر لو"۔ یہ روایت امام ابو یعلیٰ نے نقل کی ہے' اور اس کے رجال "صحیح" کے رجال ہیں۔

أَنَسٍ،

3360 - رَوَاهُ الْبَزَّارُ، وَلَفْظُهُ: أَنَّ النَّبِيَّ - صَلَّى اللَّهُ عَلَيْهِ وَسَلَّمَ - نَهَى عَنِ الصَّلَاةِ بَعْدَ الْعَصْرِ حَتَّى تَغْرُبَ الشَّمْسُ، وَبَعْدَ الْفَجْرِ حَتَّى تَطْلُعَ الشَّمْسُ.

یہ روایت اما م بزار نے نقل کی ہے' اور اس کے الفاظ یہ ہیں: نبی اکرم صلی اللہ علیہ وآلہ وسلم نے عصر کی نماز کے بعد ' سورج غروب ہونے تک اور فجر کی نماز کے بعد سورج طلوع ہونے تک 'نماز ادا کرنے سے منع فرمایا ہے۔

3361 - وَعَنْ عَائِشَةَ رَضِيَ اللَّهُ عَنْهَا قَالَتْ: كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَنْهَى عَنِ الصَّلَاةِ حِينَ طُلُوعِ الشَّمْسِ حَتَّى تَرْتَفِعَ وَيَقُولَ: " إِنَّهَا تَطْلُعُ بِقَرْنِ شَيْطَانٍ، وَيَنْهَى عَنِ الصَّلَاةِ حِينَ تُقَارِبُ الْغُرُوبَ». رَوَاهُ أَبُو يَعْلَى، وَفِيهِ ابْنُ لَهِيعَةَ وَفِيهِ كَلَامٌ، وَبَقِيَّةُ رِجَالِهِ رِجَالُ الصَّحِيحِ.

سیدہ عائشہ صدیقہ رضی اللہ تعالیٰ عنہ بیان کرتی ہیں: نبی اکرم صلی اللہ علیہ وآلہ وسلم سورج طلوع ہونے کے وقت نماز ادا کرنے سے منع کرتے تھے' جب تک وہ بلند نہیں ہو جاتا ' آپ صلی اللہ علیہ وآلہ وسلم یہ ارشاد فرماتے تھے: " یہ شیطان کے سینگ کے ساتھ طلوع ہوتا ہے"۔ اور آپ صلی اللہ علیہ وآلہ وسلم اس وقت نماز ادا کرنے سے بھی منع کرتے تھے' جب سورج غروب ہو نے کے قریب ہو۔ یہ روایت امام ابو یعلیٰ نے نقل کی ہے' اس کی سند میں ایک راوی ابن لہیعہ ہے' اور اس کےبارے میں کلام کیا گیا ہے' اس روایت کے بقیہ رجال "صحیح" کے رجال ہیں ۔

إِنَّهَا تَطْلُعُ بِقَرْنِ شَيْطَانٍ، وَيَنْهَى ← الصَّلَاةِ حِينَ طُلُوعِ الشَّمْسِ حَتَّى تَرْتَفِعَ ← کَانَ رَسُولُ اللَّهِ يَنْهَی ← عَائِشَةَ

3362 - وَعَنْ عَبْدِ الرَّحْمَنِ بْنِ عَوْفٍ قَالَ: «سُئِلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:» أَيُّ اللَّيْلِ أَسْمَعُ؟ قَالَ: " جَوْفُ اللَّيْلِ الْآخِرُ ثُمَّ الصَّلَاةُ مَقْبُولَةٌ حَتَّى يَطْلُعَ الْفَجْرُ، ثُمَّ لَا صَلَاةَ حَتَّى تَكُونَ الشَّمْسُ قَدْرَ رُمْحٍ أَوْ رُمْحَيْنِ ثُمَّ الصَّلَاةُ مَقْبُولَةٌ حَتَّى يَقُومَ الظِّلُّ قِيَامَ الرُّمْحِ ثُمَّ لَا صَلَاةَ حَتَّى تَزُولَ الشَّمْسُ، ثُمَّ الصَّلَاةُ مَقْبُولَةٌ حَتَّى تَكُونَ الشَّمْسُ قِيدَ رُمْحٍ أَوْ رُمْحَيْنِ ثُمَّ لَا صَلَاةَ حَتَّى تَغِيبَ الشَّمْسُ "، فَذَكَرَ الْحَدِيثَ، وَيَأْتِيَ فِي كِتَابِ الْعِتْقِ إِنْ شَاءَ اللَّهُ. رَوَاهُ الطَّبَرَانِيُّ فِي الْكَبِيرِ، وَأَبُو سَلَمَةَ لَمْ يَسْمَعْ مِنْ أَبِيهِ.

حضرت عبدالرحمٰن بن عوف رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم سے سوال کیا گیا : رات کے کون سے حصے میں زیادہ سنا جاتا ہے(یعنی دعا یا عبادت جلدی قبول ہوتی ہے؟) نبی اکرم صلی اللہ علیہ وآلہ وسلم نے ارشا دفرمایا: رات کا آخری نصف حصہ' پھر نماز مقبول ہوتی ہے ' یہاں تک کہ صبح صادق ہو جائے ' پھر کوئی نما ز ادا نہیں کی جائے گی' جب تک سورج ایک نیزے ' یا دو نیزے جتنا بلند نہیں ہو جاتا ' پھر نما ز مقبول ہوتی ہے' یہاں تک کہ سایہ نیزے جتنا ہو جائے ' پھر کوئی نماز ادا نہیں کی جائے گی' جب تک سورج ڈھل نہیں جاتا ' پھر نماز مقبول ہوتی ہے یہاں تک کہ سورج ایک نیزے یا دو نیزے جتنا رہ جائے(یعنی غروب ہونے کے اتنا قریب ہو ) پھر کوئی نماز ادا نہیں کی جائے گی جب تک سورج غروب نہیں ہو جاتا" ۔ اس کے بعد راوی نے پوری حدیث ذکر کی ہے' یہ حدیث آگے چل کر غلام آزاد کرنے سے متعلق باب میں آئے گی' اگر اللہ نے چاہا۔ یہ روایت امام طبرانی نے معجم کبیرمیں نقل کی ہے' ابو سلمہ نامی راوی نے اپنے والد سے سماع نہیں کیا ہے۔

عَبْدِ الرَّحْمَنِ بْنِ عَوْفٍ

3363 - وَعَنْ صَفْوَانَ بْنِ الْمُعَطَّلِ السُّلَمِيِّ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ الشَّمْسَ إِذَا طَلَعَتْ قَارَنَهَا الشَّيْطَانُ فَإِذَا انْبَسَطَتْ فَارَقَهَا فَإِذَا دَنَتْ لِلزَّوَالِ قَارَنَهَا فَإِذَا زَالَتْ فَارَقَهَا فَإِذَا دَنَتْ لِلْمَغِيبِ قَارَنَهَا فَإِذَا غَابَتْ فَارَقَهَا " فَنَهَى عَنِ الصَّلَاةِ فِي تِلْكَ السَّاعَاتِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ. وَقَدْ تَقَدَّمَ لِصَفْوَانَ حَدِيثٌ رَوَاهُ أَحْمَدُ.

حضرت صفوان بن معطل سلمی رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ارشاد فرمایا: " جب سورج طلوع ہوتا ہے' تو شیطان کا سینگ اس کے ساتھ مل جاتا ہے' جب وہ طلوع ہو جاتا ہے' تو وہ سینگ اس سے الگ ہو جاتا ہے' پھر جب وہ زوال کے قریب ہوتا ہے' تو وہ سینگ پھر اس کے ساتھ مل جاتا ہے' جب وہ ڈھل جاتا ہے ' تو وہ سینگ اس سے الگ ہو جاتا ہے' جب وہ غروب ہونے کے قریب ہوتا ہے' تو وہ سینگ اس کے ساتھ مل جاتا ہے' جب وہ غروب ہو جاتا ہے' تو وہ سینگ اس سے الگ ہو جاتا ہے''۔ (راوی بیان کرتے ہیں: ) تو نبی اکرم صلی اللہ علیہ وآلہ وسلم نے ان اوقات میں نماز ادا کرنے سے منع کیا ہے۔ یہ روایت امام طبرانی نے معجم کبیر میں نقل کی ہے' اور اس کے رجال کی توثیق کی گئی ہے' اس سے پہلے حضرت صفوان رضی اللہ تعالیٰ عنہ کے حوالے سے منقول وہ حدیث گزر چکی ہے' جسے امام احمد نے روایت کیا ہے۔

صفوان بن المعطل السلمي

3364 - وَعَنْ أَبِي أَسِيدٍ أَنَّهُ سَمِعَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «لَا صَلَاةَ بَعْدَ صَلَاةِ الْعَصْرِ» ". رَوَاهُ الطَّبَرَانِيُّ فِي الْكَبِيرِ، وَفِيهِ فَرْوَةُ بْنُ أَبِي فَرْوَةَ وَلَمْ أَجِدْ مَنْ ذَكَرَهُ، وَبَقِيَّةُ رِجَالِهِ ثِقَاتٌ.

حضرت ابو اسید رضی اللہ تعالیٰ عنہ بیان کرتے ہیں: انہوں نے نبی اکرم صلی اللہ علیہ وآلہ وسلم کو یہ ارشا دفرماتے ہوئے سناہے: " عصر کے بعد' نماز ادا نہیں کی جائے گی"۔ یہ روایت امام طبرانی نے معجم کبیرمیں نقل کی ہے' اس کی سند میں ایک راوی فروہ بن ابو فروہ ہے' میں نے کسی کو اس کا ذکر کرتے ہوئے نہیں پایا ہے' اس روایت کے بقیہ رجال " ثقہ" ہیں۔

رَسُولِ اللَّهِ ← أَبِي أَسِيدٍ أَنَّهُ

3365 - وَعَنْ كُرَيْبٍ أَنَّ ابْنَ عَبَّاسٍ وَالْمِسْوَرَ بْنَ مَخْرَمَةَ وَعَبْدَ الرَّحْمَنِ بْنَ أَزْهَرَ قَالُوا: «نَهَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنِ الصَّلَاةِ بَعْدَ صَلَاةِ الْعَصْرِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ خَلَا شَيْخِ الطَّبَرَانِيِّ يَحْيَى بْنِ مَنْصُورٍ أَبِي سَعْدٍ الْهَرَوِيِّ فَإِنِّي لَمْ أَجِدْ مَنْ تَرْجَمَهُ.

کریب بیان کرتے ہیں: حضرت عبداللہ بن عباس رضی اللہ تعالیٰ عنہ حضرت مسور بن مخرمہ رضی اللہ تعالیٰ عنہ اور حضرت عبدالرحمٰن بن ازہر رضی اللہ تعالیٰ عنہ فرماتے ہیں: نبی اکرم صلی اللہ علیہ وآلہ وسلم نے عصر کی نماز کے بعد نما ز ادا کرنے سے منع کیا ہے۔ یہ روایت امام طبرانی نے معجم کبیر میں نقل کی ہے' اور اس کے رجال " صحیح" کے رجال ہیں' صرف امام طبرانی نے کے استاد یحییٰ بن منصور ابو سعد ہروی کا معاملہ مختلف ہے' میں نے کسی کو اس کے حالات بیان کرتے ہوئے نہیں پایا ہے۔

«نَهَى رَسُولُ اللَّهِ ← كُرَيْبٍ أَنَّ ابْنَ عَبَّاسٍ وَالْمِسْوَرَ بْنَ مَخْرَمَةَ وَعَبْدَ الرَّحْمَنِ بْنَ أَزْهَرَ

3366 - وَعَنْ عَبْدِ اللَّهِ بْنِ مَسْعُودٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «نُهِينَا عَنِ الصَّلَاةِ عِنْدَ طُلُوعِ الشَّمْسِ وَعِنْدَ غُرُوبِهَا» ". رَوَاهُ الطَّبَرَانِيُّ فِي الْكَبِيرِ، وَفِيهِ ضِرَارُ بْنُ صُرَدٍ أَبُو نُعَيْمٍ وَهُوَ ضَعِيفٌ جِدًّا.

حضرت عبداللہ بن مسعود رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " ہمیں سورج طلوع ہونے کے وقت اور اس کے غروب ہونے کے وقت نماز ادا کرنے سے منع کیا گیا ہے"۔ یہ روایت امام طبرانی نے معجم کبیر میں نقل کی ہے'ا س کی سند میں ایک راوی ضرار بن صرد ابو نعیم ہے' اور وہ انتہائی "ضعیف " ہے۔

نهينا ← النَّبِيِّ ← عَبْدِ اللهِ بْنِ مَسْعُودٍ

3367 - وَعَنْ قَبِيصَةَ أَبِي الْمُهَلَّبِ عَنْ أَبِيهِ «عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ سُئِلَ هَلْ مِنْ سَاعَةٍ مِنَ الدَّهْرِ تَحْبِسُنَا عَنِ الصَّلَاةِ؟ فَقَالَ: " لَا إِلَّا عِنْدَ طُلُوعِ الشَّمْسِ وَعِنْدَ غُرُوبِهَا فَإِنَّهَا تَطْلُعُ بَيْنَ قَرْنَيْ شَيْطَانٍ وَتَغِيبُ بَيْنَ قَرْنَيْ شَيْطَانٍ». رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ جَابِرٍ السُّحَيْمِيُّ وَفِيهِ كَلَامٌ كَثِيرٌ وَهُوَ صَدُوقٌ فِي نَفْسِهِ صَحِيحُ الْكِتَابِ وَلَكِنَّهُ سَاءَ حِفْظُهُ وَقَبِلَ التَّلْقِينَ.

قبیصہ بن مہلب ' اپنے والد کے حوالے سے نبی اکرم صلی اللہ علیہ وآلہ وسلم کے بارے میں یہ بات نقل کرتے ہیں؛ آپ صلی اللہ علیہ وآلہ وسلم سے سوال کیا گیا : کہ کوئی ایسا وقت بھی ہے' جو ہمیں نماز ادا کرنے سے روک دیتا ہے؟ نبی اکرم صلی اللہ علیہ وآلہ وسلم نے ارشاد فرمایا: " جی نہیں! البتہ سورج طلوع ہونے کے وقت اور اس کے غروب ہونے کےوقت (نماز ادا نہیں کی جائے گی) کیونکہ وہ شیطان کے دو سینگوں کے درمیان طلوع ہوتا ہے ' اور شیطان کے دو سینگوں کے درمیان غروب ہو تا ہے"۔ یہ روایت امام طبرانی نے معجم کبیر میں نقل کی ہے' اس کی سند میں ایک راوی محمد بن جابرسحیمی ہے' جس کے بارے میں بہت زیادہ کلام کیا گیا ہے' وہ اپنی ذات کے اعتبار سے صدوق ہے' اور تحریر میں مستند ہے' لیکن حافظے کے اعتبار سے برا ہے' وہ تلقین کو قبول کرتا تھا۔

الصَّلَاةِ ← النَّبِيِّ أَنَّهُ سُئِلَ هَلْ مِنْ سَاعَةٍ مِنَ الدَّهْرِ تَحْبِسُنَا ← أَبِيهِ ← قَبِيصَةَ أَبِي الْمُهَلَّبِ

3368 - وَعَنْ عَبْدِ اللَّهِ بْنِ مَسْعُودٍ قَالَ: إِنَّ الشَّمْسَ تَطْلُعُ بَيْنَ قَرْنَيْ شَيْطَانٍ فَلَا تَرْتَفِعُ قَصَبَةً إِلَّا فُتِحَ لَهَا بَابٌ مِنْ أَبْوَابِ جَهَنَّمَ وَإِذَا انْتَصَفَ النَّهَارُ فُتِحَتْ لَهَا أَبْوَابُ جَهَنَّمَ قَالَ: فَكَانَ عَبْدُ اللَّهِ يَنْهَى عَنِ الصَّلَاةِ فِي هَاتَيْنِ السَّاعَتَيْنِ حِينَ تَطْلُعُ حَتَّى تَرْتَفِعَ، وَنِصْفِ النَّهَارِ. رَوَاهُ الطَّبَرَانِيُّ فِي الْكَبِيرِ إِسْنَادُهُ حَسَنٌ.

3368-حضرت عبداللہ بن مسعود رضی اللہ تعالیٰ عنہ فرماتے ہیں: بے شک سورج شیطان کے دو سینگوں کے درمیان طلوع ہوتا ہے' تو ابھی ہو ایک کانے (نرکل) جتنا بلند نہیں ہوتا کہ جہنم کا دروازہ کھول دیا جاتا ہے' جب نصف النہار کا وقت ہوتا ہے' تو پھر اس کے لئے جہنم کے دروازے کھولے جاتے ہیں۔ راوی بیان کرتے ہیں: حضرت عبداللہ بن مسعود رضی اللہ تعالیٰ عنہ ان دو اوقات میں نما ز ادا کرنے سے منع کرتے تھے ' جب سورج طلوع ہو رہا ہو' یہاں تک کہ وہ بلند ہو جائے ' اور نصف النہار کے وقت۔ یہ روایت امام طبرانی نے معجم کبیر میں نقل کی ہے' اور اس کی سند حسن ہے۔

عَبْدِ اللهِ بْنِ مَسْعُودٍ

3369 - وَعَنْ أَبِي هُرَيْرَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - نَهَى عَنِ الصَّلَاةِ فِي ثَلَاثِ سَاعَاتٍ: عِنْدَ طُلُوعِ الشَّمْسِ حَتَّى تَطْلُعَ، وَنِصْفِ النَّهَارِ، وَعِنْدَ غُرُوبِ الشَّمْسِ» رَوَاهُ الطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ وَفِيهِ كَلَامٌ.

3369-حضرت ابو ہریرہ رضی اللہ عنہ بیان کرتے ہیں :نبی اکرم صلی اللہ علیہ و آلہ و سلم نے تین گھڑیوں میں نماز ادا کرنے سے منع کیا ہے ،سورج طلوع ہونے کے وقت یہاں تک کہ وہ طلوع ہو جائے،اور نصف النہار کے وقت ،اور سورج غروب ہونے کے وقت ۔ یہ روایت امام طبرانی نے معجم اوسط میں نقل کی ہے ،اور اس کی سند میں ایک راوی بن لہیعہ ہے ،جس کے بارے میں کلام کیا گیا ہے۔

أَبِي هُرَيْرَةَ،