Majma uz Zawaid Wa Manba ul Fawaid

649 - وَعَنْ سَلْمَانَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ كَذَبَ عَلَيَّ مُتَعَمِّدًا فَلْيَتَبَوَّأْ بَيْتًا فِي النَّارِ، [وَمَنْ رَدَّ حَدِيثًا بَلَغَهُ عَنِّي فَأَنَا مُخَاصِمُهُ يَوْمَ الْقِيَامَةِ، فَإِذَا بَلَغَكُمْ عَنِّي حَدِيثٌ فَلَمْ تَعْرِفُوهُ فَقُولُوا: اللَّهُ أَعْلَمُ» ". رَوَاهُ الطَّبَرَانِيُّ فِي الْكَبِيرِ.

حضرت سلمان فارسی رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " جو شخص جان بوجھ کر میری طرف کوئی جھوٹی بات منسوب کرے ، اسے جہنم میں اپنے مخصوص ٹھکانے تک پہنچنے کے لیے تیار رہنا چاہیے اور جس شخص کے پاس میرے حوالے سے کوئی حدیث پہنچے اور وہ اسے مسترد کر دے ، تو قیامت کے دن میں اس کا مقابل فریق ہوؤں گا ، جب تمہارے پاس میرے حوالے سے کوئی ایسی حدیث پہنچے ، جس سے تم واقف نہ ہو ( یا جس سے تم شناسا ، یا مانوس نہ ہو ) تو تم لوگ یہ کہہ دو : اللہ بہتر جانتا ہے "۔ یہ روایت امام طبرانی نے معجم کبیر میں نقل کی ہے ۔

سَلْمَانَ

650 - وَعَنْ عَمْرِو بْنِ دِينَارٍ وَكِيلِ الزُبَيْرِ بْنِ شُعَيْبٍ الْبَصْرِيِّ أَنَّ بَنِي صُهَيْبٍ قَالُوا لِصُهَيْبٍ: يَا أَبَانَا، إِنَّ أَبْنَاءَ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - يُحَدِّثُونَ عَنْ آبَائِهِمْ، فَقَالَ: سَمِعْتُ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ»، فَذَكَرَ الْحَدِيثَ. رَوَاهُ الطَّبَرَانِيُّ فِي الْكَبِيرِ، وَفِيهِ عَمْرُو بْنُ دِينَارٍ قَهْرَمَانُ [آلِ] الزُّبَيْرِ، وَهُوَ مَتْرُوكُ الْحَدِيثِ.

عمرو بن دینار ، جو زبیر بن شعیب بصری کے وکیل ہیں ، وہ بیان کرتے ہیں : حضرت صہیب رضی اللہ عنہ کے صاحبزادوں نے حضرت صہیب رضی اللہ عنہ سے کہا : اے ہمارے ابا جان ہم نبی اکرم صلی اللہ علیہ و آلہ وسلم کے اصحاب کے صاحبزادوں کو دیکھتے ہیں کہ وہ اپنے والد کے حوالے سے حدیث روایت کرتے ہیں : تو حضرت صہیب رضی اللہ عنہ نے فرمایا : نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : " جو شخص جان بوجھ کر میری طرف کوئی جھوٹی بات منسوب کرے ، اسے جہنم میں اپنے مخصوص ٹھکانے تک پہنچنے کے لیے تیار رہنا چاہیے " ۔ اس کے بعد راوی نے پوری حدیث ذکر کی ہے یہ روایت امام طبرانی نے معجم کبیر میں نقل کی ہے اس کی سند میں ایک راوی عمرو بن دینار ہے جو آل زبیر کا منشی ہے اور وہ متروک الحدیث ہے ۔

مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنْ النَّارِ ← النَّبِيِّ ← آبَائِهِمْ. ← لِصُهَيْبٍ: يَا أَبَانَا، إِنَّ أَبْنَاءَ أَصْحَابِ النَّبِيِّ يُحَدِّثُونَ ← عَمْرِو بْنِ دِينَارٍ وَكِيلِ الزُّبَيْرِ بْنِ شُعَيْبٍ الْبَصْرِيِّ «أَنَّ بَنِي صُهَيْبٍ

651 - وَعَنِ السَّائِبِ بْنِ يَزِيدَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

حضرت سائب بن یزید رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " جو شخص جان بوجھ کر میری طرف کوئی جھوٹی بات منسوب کرے ، اسے جہنم میں اپنے مخصوص ٹھکانے تک پہنچنے کے لیے تیار رہنا چاہیے " ۔یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے ۔

السَّائِبَ بْنَ يَزِيدَ

652 - وَعَنْ أَبِي أُمَامَةَ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ حَدَّثَ عَنِّي حَدِيثًا كَذِبًا مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ» ". رَوَاهُ الطَّبَرَانِيُّ فِي الْكَبِيرِ، وَفِيهِ شَهْرُ بْنُ حَوْشَبٍ، وَهُوَ مُخْتَلَفٌ فِيهِ.

حضرت ابو امامہ رضی اللہ عنہ بیان کرتے ہیں : میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : " جو شخص جان بوجھ کر میرے حوالے سے کوئی جھوٹی حدیث بیان کرتا ہے ، اسے اپنا ٹھکانا جہنم میں بنا لینا چاہیے " ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی شہر بن حوشب ہے اور اس کے بارے میں اختلاف کیا گیا ہے ۔

رَسُولِ اللَّهِ ← اَبِیْ اُمَامَۃَ،

653 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ بَيْنَ عَيْنَيْ جَهَنَّمَ " فَشَقَّ ذَلِكَ عَلَى أَصْحَابِهِ، فَقَالُوا: يَا رَسُولَ اللَّهِ، نُحَدِّثُ بِالْحَدِيثِ نَزِيدُ وَنَنْقُصُ!. قَالَ: " لَيْسَ أَعْنِيكُمْ، إِنَّمَا أَعْنِي الَّذِي يَكْذِبُ عَلَيَّ مُتَحَدِّثًا يَطْلُبُ بِهِ شِينَ الْإِسْلَامِ "، قَالُوا: يَا رَسُولَ اللَّهِ، إِنَّكَ قُلْتَ بَيْنَ عَيْنَيْ جَهَنَّمَ، وَهَلْ لِجَهَنَّمَ عَيْنَانِ؟ قَالَ: " نَعَمْ، أَمَّا سَمِعْتُمُ اللَّهَ - تَعَالَى - يَقُولُ " إِذَا رَأَتْهُمْ مِنْ مَكَانٍ بَعِيدٍ " فَهَلْ تَرَاهُمْ إِلَّا بِعَيْنَيْنِ؟» ". رَوَاهُ الطَّبَرَانِيُّ فِي الْكَبِيرِ، وَفِيهِ الْأَحْوَصُ بْنُ حَكِيمٍ، ضَعَّفَهُ النَّسَائِيُّ وَغَيْرُهُ، وَوَثَّقَهُ الْعِجْلِيُّ وَيَحْيَى بْنُ سَعِيدٍ الْقَطَّانُ فِي رِوَايَةٍ، وَرَوَاهُ عَنِ الْأَحْوَصِ مُحَمَّدُ بْنُ الْفَضْلِ بْنِ عَطِيَّةَ ضَعِيفٌ.

حضرت ابو امامہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا : " جو شخص جان بوجھ کر میری طرف کوئی جھوٹی بات منسوب کرے ، اسے جہنم کی دونوں آنکھوں کے درمیان اپنا ٹھکانہ بنا لینا چاہیے " ۔ یہ بات آپ صلی اللہ علیہ و آلہ وسلم کے اصحاب پر بہت گراں گزری ، انہوں نے عرض کی : یا رسول اللہ ! کوئی حدیث بیان کرتے ہوئے ہم سے کمی و بیشی ہو جاتی ہے نبی اکرم صلی اللہ علیہ و آلہ وسلم نے ارشاد فرمایا : میری مراد تم لوگ نہیں ہو، میری مراد وہ شخص ہے ، جو میری طرف کوئی جھوٹی بات منسوب کرتا ہے اور اس بات کو بیان کرنے کے ذریعے وہ اسلام کو رسوا کرنا چاہتا ہے ، لوگوں نے عرض کی : یا رسول اللہ ! آپ صلی اللہ علیہ و آلہ وسلم نے ارشاد فرمایا ہے : جہنم کی دونوں آنکھوں کے درمیان ، تو کیا جہنم کی دو آنکھیں بھی ہیں ؟ نبی اکرم صلی اللہ علیہ و آلہ وسلم نے ارشاد فرمایا : جی ہاں ! کیا تم نے اللہ تعالیٰ کو یہ ارشاد فرماتے ہوئے نہیں سنا ہے : جب وہ دور سے انہیں دیکھے گی ۔ ( نبی اکرم نے فرمایا : ) تو وہ انہیں آنکھوں کے ذریعے ہی دیکھ سکتی ہے ۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی احوص بن حکیم ہے اسے امام نسائی اور دیگر حضرات نے ضعیف قرار دیا ہے ، عجلی نے اور ایک روایت کے مطابق یحییٰ بن سعید القطان نے اسے ثقہ قرار دیا ہے ، احوص کے حوالے سے یہ روایت محمد بن فضل بن عطیہ نے نقل کی ہے ، جو ایک ضعیف راوی ہے ۔

اَبِیْ اُمَامَۃَ،

654 - وَعَنْ أَبِي قِرْصَافَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «حَدِّثُوا عَنِّي بِمَا تَسْمَعُونَ، وَلَا يَحِلُّ لِرَجُلٍ أَنْ يَكْذِبَ عَلَيَّ، فَمَنْ كَذَبَ عَلَيَّ أَوْ قَالَ عَلَيَّ غَيْرَ مَا قُلْتُ بُنِيَ لَهُ بَيْتٌ فِي جَهَنَّمَ يَرْتَعُ فِيهِ» ". رَوَاهُ الطَّبَرَانِيُّ فِي الْكَبِيرِ، وَإِسْنَادُهُ لَمْ أَرَ مَنْ تَرْجَمَهُمْ.

حضرت ابو قرصافہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " میرے حوالے سے وہ چیز بیان کر دو ! جو تم نے سنی ہو، کسی بھی شخص کے لیے یہ بات جائز نہیں ہے کہ وہ میری طرف جھوٹی بات منسوب کرے ، جو شخص میری طرف جھوٹی بات منسوب کرے گا ( یہاں شاید راوی کو شک ہے یا شاید الفاظ ہیں : ) جو شخص میرے حوالے سے کوئی ایسی بات بیان کرے جو میری کہی ہوئی بات کے علاوہ ہو ، تو اس کے لیے جہنم میں گھر بنا دیا جائے گا، جس میں وہ رہے گا " ۔ یہ روایت امام طبرانی نے معجم کبیر میں نقل کی ہے اور اس کی سند ایسی ہے کہ میں نے کسی کو اس کے راویوں کا ذکر کرتے ہوئے نہیں دیکھا ہے ۔

أَبِي قِرْصَافَةَ

655 - وَعَنْ رَافِعِ بْنِ خَدِيجٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا تَكْذِبُوا عَلَيَّ، فَإِنَّهُ لَيْسَ كَذِبٌ عَلَيَّ كَكَذِبٍ عَلَى أَحَدٍ» ". رَوَاهُ الطَّبَرَانِيُّ فِي الْكَبِيرِ، وَفِيهِ رِفَاعَةُ بْنُ الْهُرَيْرِ، ضَعَّفَهُ ابْنُ حِبَّانَ وَغَيْرُهُ.

حضرت رافع بن خدیج رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : میری طرف جھوتی با ت منسوب نہ کرو ! کیونکہ میری طرف جھوٹی بات منسوب کرنا، کسی اور ( شخص ) کی طرف جھوٹی بات منسوب کرنے کی مانند نہیں ہے " یہ روایت امام طبرانی نے معجم کبیر میں نقل کی ہے اس کی سند میں ایک راوی رفاعہ بن ہریر ہے جسے ابن حبان اور دیگر حضرات نے ضعیف قرار دیا ہے ۔

رَافِعِ بْنِ خَدِيجٍ

656 - وَعَنْ أَوْسِ بْنِ أَوْسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ كَذَبَ عَلَى نَبِيِّهِ أَوْ عَلَى عَيْنَيْهِ أَوْ عَلَى وَالِدَيْهِ لَمْ يَرُحْ رَائِحَةَ الْجَنَّةِ» ". رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ.

حضرت اوس بن اوس رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " جو شخص اپنے نبی کے حوالے سے یا اپنی آنکھوں کے حوالے سے یا اپنے والدین کے حوالے سے جھوٹ بولتا ہے ( یعنی جو شخص جھوٹی حدیث روایت کرا ہے یا جھوٹا خواب بیان کرتا ہے یا اپنے باپ کی بجائے کسی اور کی طرف خود کو منسوب کرتا ہے ) وہ جنت کی خوشبو بھی نہیں پا سکے گا " ۔ یہ روایت امام طبرانی نے معجم کبیر میں نقل کی ہے اور اس کی سند حسن ہے ۔

اَوسِ بْنِ اَوْسٍ

657 - وَعَنْ حُذَيْفَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا تَكْذِبُوا، عَلَيَّ إِنَّ الَّذِي يَكْذِبُ عَلَيَّ لَجَرِيءٌ» ". رَوَاهُ الطَّبَرَانِيُّ فِي الْأَوْسَطِ، وَفِيهِ أَبُو بِلَالٍ الْأَشْعَرِيُّ، ضَعَّفَهُ الدَّارَقُطْنِيُّ.

حضرت حذیفہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا " میرے حوالے سے جھوٹ بیان نہ کرو ! میرے حوالے سے جھوٹ بیان کرنے والا شخص ( گناہ کے کام میں ) جری ہوگا " ۔ یہ روایت اما طبرانی نے معجم اوسط میں نقل کی ہے ، اس کی سند میں ایک راوی ابو بلال اشعری ہے ، جسے امام دار قطنی نے ضعیف قرار دیا ہے ۔

حُذَيْفَةَ

658 - وَعَنْ أَبِي خَلْدَةَ قَالَ: سَمِعْتُ مَيْمُونًا الْكُرْدِيَّ وَهُوَ عِنْدَ مَالِكِ بْنِ دِينَارٍ، فَقَالَ لَهُ مَالِكُ بْنُ دِينَارٍ: مَا لِلشَّيْخِ لَا يُحَدِّثُ عَنْ أَبِيهِ، فَإِنَّ أَبَاكَ قَدْ أَدْرَكَ النَّبِيَّ - صَلَّى اللَّهُ عَلَيْهِ وَسَلَّمَ - وَسَمِعَ مِنْهُ؟ فَقَالَ: كَانَ أَبِي لَا يُحَدِّثُنَا عَنِ النَّبِيِّ - صَلَّى اللَّهُ عَلَيْهِ وَسَلَّمَ - مَخَافَةَ أَنْ يَزِيدَ أَوْ يَنْقُصَ، وَقَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ» ". رَوَاهُ الطَّبَرَانِيُّ فِي الْأَوْسَطِ، وَإِسْنَادُهُ حَسَنٌ - إِنْ شَاءَ اللَّهُ -.

ابو خلدہ بیان کرتے ہیں : میں نے میمون کر دی کو سنا : وہ اس وقت مالک بن دینار کے پاس موجود تھے مالک بن دینار نے ان سے کہا : کیا وجہ ہے کہ بزرگوار ( یعنی آپ ) اپنے والد کے حوالے سے حدیث روایت نہیں کرتے ہیں ؟ حالانکہ آپ کے والد نے نبی اکرم صلی اللہ علیہ و آلہ وسلم کا زمانہ پایا ہے اور نبی اکرم صلی اللہ علیہ و آلہ وسلم سے سماع کیا ہے تو میمون نے بتایا : میرے والد نبی اکرم صلی اللہ علیہ و آلہ وسلم کے حوالے سے ہمیں کوئی حدیث بیان نہیں کرتے تھے ۔ اس اندیشے کے تحت کہ کہیں وہ کوئی کمی یا بیشی نہ کر دیں ، انہوں نے یہ بات بیان کی ہے : میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : " " جو شخص جان بوجھ کر میری طرف کوئی جھوٹی بات منسوب کرے ، اسے جہنم میں اپنے مخصوص ٹھکانے تک پہنچنے کے لیے تیار رہنا چاہیے " ۔ یہ روایت امام طبرانی نے معجم اوسط میں نقل کی ہے اور اس کی سند حسن ہو گی اگر اللہ نے چاہا۔

رَسُولِ اللَّهِ ← النَّبِيِّ مَخَافَةَ أَنْ يَزِيدَ أَوْ يَنْقُصَ، ← كَانَ أَبِي لَا يُحَدِّثُنَا ← مِنْهُ ← أَبِيهِ، فَإِنَّ أَبَاكَ قَدْ أَدْرَكَ النَّبِيَّ ← لَهُ مَالِكُ بْنُ دِينَارٍ: مَا لِلشَّيْخِ لَا ← مَيْمُونًا الْكُرْدِيَّ وَهُوَ عِنْدَ مَالِكِ بْنِ دِينَارٍ، ← أَبِي خَلْدَةَ

659 - وَعَنْ أَبِي هُرَيْرَةَ قَالَ: ثَلَاثَةٌ لَا يَرِيحُونَ رَائِحَةَ الْجَنَّةِ: رَجُلٌ ادَّعَى إِلَى غَيْرِ أَبِيهِ، وَرَجُلٌ كَذِبَ عَلَى نَبِيِّهِ، وَرَجُلٌ كَذِبَ عَلَى عَيْنَيْهِ. رَوَاهُ الْبَزَّارُ، وَفِيهِ عَبْدُ الرَّزَّاقِ بْنُ عُمَرَ، ضَعِيفٌ، لَمْ يُوَثِّقْهُ أَحَدٌ.

حضرت ابو ہریرہ رضی اللہ عنہ فرماتے ہیں : تین آدمی جنت کی خوشبو بھی نہیں پائیں گے ، ایک وہ شخص جو اپنے باپ کے علاوہ کسی اور ( کی اولاد ہونے ) کا دعویٰ کرے ، ایک وہ شخص جو اپنے نبی کے حوالے سے جھوٹی بات بیان کرے ، اور ایک وہ شخص جو اپنی آنکھوں کے حوالے سے جھوٹی بات ( یعنی جھوٹا خواب ) بیان کرے ۔ یہ روایت امام بزار نے نقل کی ہے ، اس روایت کی سند میں ایک راوی عبدالرزاق بن عمر ہے ، یہ ضعیف ہے کسی نے بھی اسے ثقہ قرار نہیں دیا ہے ۔

أَبِي هُرَيْرَةَ،

660 - عَنْ جَابِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ بَلَغَهُ عَنِّي حَدِيثٌ فَكَذَّبَ بِهِ فَقَدْ كَذَّبَ ثَلَاثَةً: اللَّهَ، وَرَسُولَهُ، وَالَّذِي حَدَّثَ بِهِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مَحْفُوظُ بْنُ مِسْوَرٍ، ذَكَرَهُ ابْنُ أَبِي حَاتِمٍ، وَلَمْ يَذْكُرْ فِيهِ جَرْحًا وَلَا تَعْدِيلًا.

حضرت جابر رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : جس شخص کو میرے حوالے سے کوئی حدیث پہنچے اور وہ اسے جھٹلا دے ، تو اس نے تین کو جھٹلا دیا ، اللہ تعالیٰ کو ، اس کے رسول کو اور اس شخص کو جس نے وہ حدیث بیان کی ہے " ۔ یہ روایت طبرانی نے معجم اوسط میں نقل کی ہے ، اس کی سند میں ایک راوی محفوظ بن مسور ہے ، جس کا ذکر ابن ابو حاتم نے کیا ہے ، انہوں نے اس کے بارے میں کوئی جرح یا تعدیل ذکر نہیں کی ہے ۔

جَابِرٍ